హైదరాబాద్ జట్టుకు టైటిల్

అంతర్ జిల్లా హ్యాండ్‌బాల్ టోర్నీ


సాక్షి, హైదరాబాద్: అంతర్ జిల్లా సీనియర్ మహిళల హ్యాండ్‌బాల్ ట్రోఫీని హైదరాబాద్ జట్టు  కైవసం చేసుకుంది. వరంగల్‌లో జరిగిన ఈ టోర్నీ ఫైనల్లో హైదరాబాద్ జట్టు 16-9తో రంగారెడ్డి జట్టుపై విజయం సాధించింది. ఈ మ్యాచ్‌లో హైదరాబాద్ తరఫున దుర్గ 5, రాణి, 5, రమ్యకృష్ణ 5 గోల్స్‌తో రాణించారు.

అంతకుముందు జరిగిన సెమీఫైనల్లో హైదరాబాద్ జట్టు 10-1తో వరంగల్ జట్టును ఓడించింది. ఈ మ్యాచ్‌లోనూ దుర్గ 3, రమ్యకృష్ణ 4, రాణి 3 గోల్స్‌తో ఆకట్టకున్నారు. పోటీల అనంతరం జరిగిన బహుమతి ప్రదాన కార్యక్రమంలో హైదరాబాద్ జిల్లా హ్యాండ్‌బాల్ సంఘం (హెచ్‌డీహెచ్‌ఏ) అధ్యక్షుడు బి. విజయ్ భాస్కర్ రెడ్డి, ఉపాధ్యక్షుడు రఫీఖ్ పాషా, కార్యదర్శి సీహెచ్. ఫ్రాంక్లిన్, సంయుక్త కార్యదర్శి బాలకృష్ణ పాల్గొన్నారు.