రోహిత్ శర్మ అరుదైన ఫీట్

రోహిత్ శర్మ అరుదైన ఫీట్

ముంబై: ఇండియన్ ప్రీమియర్ లీగ్(ఐపీఎల్)లో ముంబై ఇండియన్స్ కెప్టెన్ రోహిత్ శర్మ అరుదైన ఫీట్ ను సొంతం చేసుకున్నాడు. ఐపీఎల్లో నాలుగువేల పరుగుల క్లబ్ లో చేరిన నాల్గో ఆటగాడిగా గుర్తింపు సాధించాడు. ఇప్పటివరకూ నాలుగువేల ఐపీఎల్ పరుగుల క్లబ్ లో సురేశ్ రైనా, విరాట్ కోహ్లి, గౌతం గంభీర్లు మాత్రమే ఉండగా వారి సరసన తాజాగా రోహిత్ చేరాడు. సోమవారం రాయల్ చాలెంజర్స్ బెంగళూరుతో జరిగిన మ్యాచ్ లో రోహిత్ ఈ ఘనతను సాధించాడు.  ఆర్సీబీతో మ్యాచ్ లో్ రోహిత్(56  నాటౌట్; 37 బంతుల్లో ఆరు ఫోర్లు, 1 సిక్స్) రాణించి జట్టు విజయంలో కీలక పాత్ర పోషించాడు.

2008 నుంచి ఇప్పటివరకూ 152 ఐపీఎల్ మ్యాచ్ లు ఆడిన రోహిత్ శర్మ..33.17 సగటు నమోదు చేశాడు.తన ఐపీఎల్ కెరీర్ లో కేవలం సెంచరీ మాత్రమే చేసిన రోహిత్.. 31 హాఫ్ సెంచరీలు నమోదు చేశాడు. ఐపీఎల్లో రోహిత్ అత్యధిక వ్యక్తిగత స్కోరు 109 నాటౌట్.