TV
రెండో రోజు వర్షార్పణం
హోబార్ట్:ఆస్ట్రేలియా-దక్షిణాఫ్రికా జట్ల మధ్య జరుగుతున్న రెండో టెస్టును వరుణుడు అడ్డుకున్నాడు. ఆదివారం ఆటకు వర్షం అంతరాయం కల్గించడంతో రెండో రోజు ఆటను రద్దు చేశారు. ఈ రోజు ఆటలో కనీసం ఒక్క బంతి కూడా పడకుండానే మ్యాచ్ ను నిలిపివేశారు. మరొకవైపు మూడు రోజు కూడా మోస్తరుగా వర్షం పడే అవకాశాలు ఉండగా, నాలుగు, ఐదు రోజుల్లో భారీ వర్షం కురిసే అవకాశం ఉంది.
ఈ మ్యాచ్ లో తొలి ఇన్నింగ్స్ లో ఆసీస్ 85 పరుగులకు ఆలౌట్ కాగా, దక్షిణాఫ్రికా తొలి రోజు ఆట ముగిసే సమయానికి ఐదు వికెట్ల నష్టానికి 171 పరుగులు చేసింది.
