లంక సేనల వీరంగం

 

 చర్చల విఘాతానికే:సీఎం జయ ఆరోపణ

 తమిళ మత్స్యకారుల సమస్యల పరిష్కారంపై భారత్-శ్రీలంకల మధ్య సామరస్యపూరక ధోరణిలో చర్చలు సాగుతుండగా, ఈ చర్చలకు విఘాతం కలిగించేలా శ్రీలంక కుట్రపన్నుతోందని సీఎం జయలలిత ఆరోపించారు. ఈ మేరకు ప్రధాని మన్మోహన్ సింగ్‌కు మంగళవారం ఆమె లేఖ రాశారు. శ్రీలంక దుందుడుకు వైఖరితో జాలర్ల కుటుంబాలు తమ ఉపాధిని కోల్పోతున్నాయని ఆమె అన్నారు. తమిళ జాలర్లను వేధింపులకు గురిచేయడం, లేదా జైళ్లలోకి నెట్టడం శ్రీలంకకు పరిపాటిగా మారిందని ఆమె పేర్కొన్నారు. శ్రీలంక ఆగడాలకు అడ్డుకట్టవేసేందుకు తాము చేసిన ఆనేక ప్రయత్నాలతో ఎట్టకేలకూ ముగింపు పలికేందుకు చర్చలు ప్రారంభ మయ్యూయని సంతోషిస్తున్న తరుణంలో మళ్లీ దాడులకు పూనుకోవడం ఉద్దేశపూర్వక చర్చగా ఆమె వ్యాఖ్యానించారు. కేంద్రం వెంటనే జోక్యం చేసుకుని తమిళ మత్స్యకారులను, వారి పడవలను శ్రీలంక నుంచి విడిపించాలని ఆమె కోరారు.