TV
కరీంనగర్ : అక్రమ వడ్డీ వ్యాపారి, ఏఎస్సై మోహన్రెడ్డికి కోర్టు 14 రోజుల రిమాండ్ విధించింది. సోమవారం ఎస్పీ ఎదుట లొంగిపోయిన ఆయన్ను.. పోలీసులు మంగళవారం జిల్లా కోర్టులో హాజరుపర్చారు. దీంతో న్యాయమూర్తి సెప్టెంబర్ 6 వరకు రిమాండ్ విధించారు. మోహన్రెడ్డిని పోలీసులు జిల్లా జైలుకు తరలించారు. నారాయణ రెడ్డి ఆత్మహత్య కేసులో పోలీసులు ఆయన్ను అరెస్ట్ చేసినట్లు తెలుస్తోంది.
గ్యాంగ్‌స్టర్ నయీంతో ఏఎస్సై మోహన్రెడ్డికి సంబంధాలు ఉన్నట్లు ఎలాంటి ఆధారాలు లభించలేదని కరీంనగర్ పోలీసులు తెలిపారు. ఎవరైనా ఫిర్యాదు చేసినా, అందుకు సంబంధించి ఆధారాలను తమకు సమర్పించిన తగిన చర్యలు తీసుకుంటామని చెప్పారు.
