TV
యడ్డీ శపథం
పార్టీ అధికారంలోకి వచ్చే వరకు సొంతింటిలో అడుగు పెట్టను !
బెంగళూరు : కర్ణాటకలో తిరిగి బీజేపీని అధికారంలోకి తీసుకువచ్చే వరకూ శికారిపురలోని తన సొంతింటికి అడుగుపెట్టబోనని ఆ పార్టీ రాష్ట్రశాఖ అధ్యక్షుడు యడ్యూరప్ప పేర్కొన్నారు. బెళగావిలో జరుగుతున్న పార్టీ సమావేశాల్లో మంగళవారం ఆయన పాల్గొని మాట్లాడారు. పార్టీకి పూర్వ వైభవం తీసుకొచ్చేంత వరకూ తాను విశ్రమించనన్నారు.
బీజేపీ రాష్ట్ర శాఖ అధ్యక్షుడిని అయినప్పటి నుంచి తాను ఇంటికి వెళ్లలేదని ఈ సందర్భంగా గుర్తుచేశారు. అదే విధంగా పార్టీని అధికారంలోకి తీసుకువచ్చేంత వరకూ కూడా ఇదే నియమానికి కట్టుబడి ఉంటానని యడ్యూరప్ప పునరుద్ఘాటించారు.
