TV
డీసీఎం వ్యాన్ బోల్తా : 8మందికి గాయాలు
పినపాక: ఖమ్మం జిల్లాలో బుధవారం మధ్యాహ్నం జరిగిన రోడ్డుప్రమాదంలో 8మందికి తీవ్రగాయాలయ్యాయి. పినపాక మండలం మల్లారం మూలమలుపు వద్ద డీసీఎం వ్యాన్ అదుపుతప్పి బోల్తాపడడంతో ఈ ప్రమాదం జరిగింది. గాయపడిన వాళ్లంతా పినపాక మండలం వెంకట్రావుపేట గ్రామానికి చెందిన వారిగా గుర్తించారు. ఖమ్మం నుంచి వరంగల్ వెళ్తుండగా ఈ సంఘటన చోటుచేసుకుంది. క్షతగాత్రులను చికిత్స నిమిత్తం పినపాక ఏరియా ఆసుపత్రికి తరలించి చికిత్స అందిస్తున్నారు.
