TV
కరీంనగర్ పట్టణంలోని కమాన్ చౌరస్తా వద్ద గుట్కా ప్యాకెట్లు సరఫరా చేస్తున్న ఓ వ్యక్తిని కరీంనగర్ వన్‌టౌన్ పోలీసులు అదుపులోకి తీసుకున్నారు.
కరీంనగర్ టౌన్: కరీంనగర్ పట్టణంలోని కమాన్ చౌరస్తా వద్ద గుట్కా ప్యాకెట్లు సరఫరా చేస్తున్న ఓ వ్యక్తిని కరీంనగర్ వన్‌టౌన్ పోలీసులు అదుపులోకి తీసుకున్నారు. మంగళవారం రాత్రి 11 గంటల సమయంలో అనుమానాస్పదంగా తిరుగుతుండటంతో అతనిని అదుపులోకి తీసుకుని విచారించారు. అతని వద్ద సుమారు రూ.5 వేల విలువైన గుట్కాప్యాకెట్లను స్వాధీనం చేసుకున్నారు. కరీంనగర్ మార్కెట్‌లోని పలు షాపులకు గుట్కా ప్యాకెట్లను సరఫరా చేసినట్టు పట్టుబడిన వ్యక్తి తెలిపాడు. అయితే సదరు వ్యక్తి దొరకడంతో మిగతా వ్యాపారులు గోదాములకు, షాపులకు తాళాలు వేసుకుని పరారయ్యారు. నిందితుడిని స్టేషన్‌కు తరలించి విచారిస్తున్నారు.
