'అక్కడి అభివృద్ధి కాలనీల్లో కనిపించదేం'

 

బాలాపూర్‌ మండలంలో ప్రజా సమస్యలను ప్రభుత్వం దృష్టికి తీసుకొచ్చేందుకు బాలాపూర్‌ చౌరస్తాలో స్థానిక బీజేపీ నాయకుడు కొలను శంకర్‌రెడ్డి చేపట్టిన ఒక రోజు నిరాహార దీక్షను శనివారం ఆయన ప్రారంభించి మాట్లాడారు. రోజురోజుకూ పెరుగుతున్న నగరీకరణ కొన్ని ప్రాంతాలకే కేంద్రీకృతం కావడంతో శివారున ఉన్న కాలనీలలో అభివృద్ది బొత్తిగా కనిపించడం లేదన్నారు. ఇందుకోసం కాలనీ సంక్షేమ సంఘాలు, యువజన సంఘాలు, లయన్స్‌ క్లబ్‌ వంటి సేవా సంస్థలు ఐక్యంగా కదలాలని పిలుపునిచ్చారు. నాణ్యత ప్రమాణాలపై నమ్మకం కుదరని కారణంగా ఇప్పటికీ ప్రజలు ప్రైవేట్‌ విద్యా సంస్థలను ఆశ్రయిస్తున్నారన్నారు. అందువల్ల ప్రభుత్వ విద్యను బలోపేతం చేయాలని కోరారు. గురుకులాలు, కేంద్రీయ విద్యాలయాలు అన్ని వర్గాల ప్రజలకు చేరువ కావాల్సిన అవసరం ఎంతైనా ఉందన్నారు. కాగా, బాలాపూర్‌ మండలంలో ప్రభుత్వ డిగ్రీ, జూనియర్‌ కళాశాలతోపాటు ప్రభుత్వ ఆసుపత్రిని ఏర్పాటు చేయాలని శంకర్‌రెడ్డి డిమాండ్‌ చేశారు. కొలను శంకర్ రెడ్డికి నిమ్మరసం ఇచ్చి దీక్షను విరమింపజేశారు.