TV
అప్పుల బాధతో పురుగుల మందు తాగిన రైతు చికిత్స పొందుతూ మృతి చెందాడు. వివరాల్లోకి వెళితే.. కరీంనగర్ జిల్లా చొప్పదండి మండలం అర్నకొండ గ్రామంలో పిల్లల మర్రి జగన్ (43) అప్పుల భారంతో పురుగుల మందు తాగి ఆత్మహత్యకు ప్రయత్నించారు. ఇది గమనించిన స్థానికులు అతన్ని ఆస్పత్రికి తరలించారు. చికిత్స పొందుతూ అతను శనివారం ఉదయం మరణించాడు.
అయితే రెండేళ్లుగా దిగుబడి సరిగా లేక పోవడంతో చేసిన అప్పులు తీర్చే దారిలేక ఆత్మహత్యకు ప్రయత్నించాడని కుటుంబ సభ్యులు చెబుతున్నారు. పోలీసులు కేసు నమోదు చేసుకుని దర్యాప్తు చేస్తున్నారు.
