గజేంద్రమోక్షం: మొసలి-ఏనుగు హోరాహోరీ!

గజేంద్రమోక్షం: మొసలి-ఏనుగు హోరాహోరీ!

మడుగులో దిగిన ఏనుగు మొసలి బారిన పడటం.. మొసలి నోట చిక్కిన గజేంద్రుడిని ఆ శ్రీమహా విష్ణుమూర్తి కాపాడటం.. ఇదంతా తెలుగువారికి సుపరిచితమే. పోతనామాత్యుడు రచించిన భాగవతంలోని గజేంద్రమోక్షలాంటి ఇలాంటి ఘటనే తాజాగా చోటుచేసుకుంది. ఓ మడుగులో నీటిని తాగేందుకు గజేంద్రుల గుంపు వెళ్లింది. అక్కడ ఓ చిన్ని ఏనుగు నీళ్లు తాగుతుండగా.. మడుగులో గుట్టుగా మాటు వేసిన మొసలి.. దాని తొండాన్ని నోట కరుచుకుంది.

అంతే ఇద్దరి మధ్య జీవర్మరణ పోరాటమే తలపించింది. మొసలి నోట తొండం చిక్కిన ఏనుగు మొదట గట్టిగానే ప్రతిఘటించింది. మొసలిని తొండంతో ఇటు-అటు కొట్టి ఓడ్డుకు ఈడ్చే ప్రయత్నం చేసింది. తోటి ఏనుగులు మొదట భయపడినా.. ఆ తర్వాత సాయం చేయడంతో మొసలి తొకముడవక తప్పలేదు. ఈ ఘటన మలావిలోని లివోండే జాతీయ పార్కులో చోటుచేసుకుంది. ఈ ఘటనకు సంబంధించిన వీడియోను అలెగ్జాండర్‌ మాకెంగ అనే వ్యక్తి యూట్యూబ్‌లో పెట్టగా.. ఇది నెటిజన్లను ఆకట్టుకుంటోంది.