''సెంట్రల్‌' బొండా ఉమా జాగీర్‌ కాదు'

విజయవాడ(కృష్ణలంక) : వినాయకచవితి ఉత్సవాల్లో వాదాదం చోటుచేసుకోవడం, అధ్యాత్మిక కార్యక్రమాల్లో తలదూర్చి సెంట్రల్‌ ఎమ్మెల్యే బొండా ఉమా ఎకపక్షంగా వ్యవహరించి కోగంటి సత్యంను అరెస్ట్‌ చేయించడం తగదని బీజేపీ యువమోర్చా నగర అధ్యక్షుడు చిన్నపురెడ్డి రవీంద్రరెడ్డి పేర్కొన్నారు. కృష్ణలంకలోని బీజేపీ కార్యాలయంలో ఆదివారం సాయంత్రం ఆయన విలేకరులతో మాట్లాడుతూ సెంట్రల్‌ నియోజకవర్గం బొండా ఉమా జాగీర్‌ కాదని ఆగ్రహం వ్యక్తంచేశారు.

రాష్ట్రంలోనే అత్యంత ప్రతిష్టాత్మకంగా నిర్వహించే గణేష్‌ మహోత్సవానికి గౌరవ అధ్యక్షుడిగా భాద్యలు నిర్వహిస్తున్న కోగంటి సత్యంపై అసత్య ఆరోపణలు చేసి ఆరెస్టు చేయించడం సరైన చర్యకాదన్నారు. అధికారాన్ని అడంపెట్టుకుని ఒక లైసెన్స్‌ ఉన్న రౌడీలా  బొండా ఉమా వ్యవహరిస్తున్నరని విమర్శించారు. బొండా ఉమా ముందుగా తన కుమారులను అదుపులో పెట్టుకోవాలని, వారు మంచి బాటలో నడిచేవిదంగా చూడాలని హితవుపలికారు. ఈ సమావేశంలో స్థానిక నాయకులు కర్రి సాంబయ్య, రఘు, గుంజా బాబాలాల్‌ పాల్గొన్నారు.