వాట్సాప్, స్కైప్లకు పోటీగా హైక్ న్యూ ఫీచర్

భారతదేశపు మొదటి స్వదేశీ మెసేజింగ్ యాప్ హైక్ మెసెంజర్, బుధవారం ఓ కొత్త ఫీచర్ను యూజర్ల ముందుకు తీసుకొచ్చింది. వాట్సాప్, స్కైప్ వంటి పలు మెసేజింగ్ యాప్స్ ఇప్పటికే యూజర్ల ముందుకు తీసుకొచ్చిన వీడియో కాలింగ్ ఫీచర్ను, హైక్ మెసెంజర్ కూడా ఆవిష్కరించేసింది. దీంతో వాట్సాప్, స్కైప్లకు ఈ దేశీయ మెసెంజర్ యాప్ గట్టి పోటీనివ్వనున్నట్టు తెలుస్తోంది. గత నెలలో ఎంపికచేసిన కస్టమర్లకు మాత్రమే ఈ వీడియో కాలింగ్ ఫీచర్తో కూడిన బీటా వెర్షన్ను అందుబాటులోకి తీసుకొచ్చిన హైక్... ప్రస్తుతం తన యూజర్లందరికీ వీడియో కాలింగ్ ఫీచర్ను ప్రారంభిస్తున్నట్టు పేర్కొంది. కానీ ఇది కేవలం ఆండ్రాయిడ్ యూజర్లకు మాత్రమే అందుబాటులో ఉండనుంది.