ఆ ఫోన్ కు బ్రాండ్ అంబాసిడర్ గా అమితాబ్

చైనీస్ స్మార్ట్ ఫోన్ తయారీదారి వన్ ప్లస్, బాలీవుడ్ స్టార్ అమితాబ్ బచ్చన్కు వెల్ కం చెప్పింది. ఇండియాలో తన స్మార్ట్ ఫోన్లకు కొత్త బ్రాండు అంబాసిడర్ గా అమితాబ్ బచ్చన్ ను నియమించింది. బచ్చన్ రాకతో వన్ ప్లస్ బ్రాండు మార్కెట్లో మరింత మారుమోగుతుందని కంపెనీ ఆశాభావం వ్యక్తంచేసింది. బచ్చన్ కేవలం అత్యుత్తమ, అత్యంత స్ఫూర్తిదాయకమైన నటుడు మాత్రమే కాదని, ఆయన అపారమైన విశ్వసనీయతకు మారుపేరుగా కంపెనీ అభివర్ణించింది. అదేవిధంగా వన్ ప్లస్ కూడా బెస్ట్ స్మార్ట్ ఫోన్ గా అమెజాన్ ఇండియాలో కన్జ్యూమర్ రేటింగ్స్ పొందినట్టు పేర్కొంది.