TV
ప్రతి ఏడాది కేంద్ర ప్రసార సమాచార శాఖ సహకారంతో జాతీయ చిత్ర పరిశ్రమాభివృద్ధి సమాఖ్య ఆధ్వర్యంలో ప్రతిష్టాత్మకంగా నిర్వహించే భారతదేశపు అంతర్జాతీయ చిత్రోత్సవం (ఇఫీ) బుధవారం గోవాలోప్రారంభమైంది. ఈ నెల 28 వరకూ ఈ చిత్రోత్సవం జరగనుంది.
కార్యక్రమప్రారంభంలో భారత వందనం నృత్య కార్యక్రమం ఆహూతులను విశేషంగా అలరించింది.
సినీ దిగ్గజాలు అక్కినేని నాగేశ్వరరావు, మహమ్మద్‌ రఫీ, తపన్‌ సిన్హా, రాజ్‌ కపూర్‌ల జీవితం గురించి బాలీవుడ్‌ నటుడు బొమన్‌ ఇరానీ వీడియో సహిత కార్యక్రమం నిర్వహించారు.
విభిన్న కేటగిరీలో చిత్రాలను ఎంపిక చేసే జ్యూరీల్లో తెలుగు దర్శకుడు హరీష్‌ శంకర్, హైదరాబాద్‌కు చెందిన యువ డిజైనర్‌ అర్చనా రావు ఉన్నారు
బాలీవుడ్‌ నటి మానుషీ చిల్లర్‌ ‘ఆ కుర్చీని మడతపెట్టి..’ పాటకు నృత్యంతో అలరించారు
ఈ చిత్రోత్సంలో నాగార్జున, అమల దంపతులతో పాటు నటుడు శరత్‌ కుమార్, దర్శకుడు ఆర్‌కే సెల్వమణి, చిదానంద నాయక్, నిర్మాత–దర్శకుడు సుభాష్‌ ఘాయ్, నటీమణులు నిత్యా మీనన్, ప్రణీత తదితరులు పాల్గొన్నారు.
