బాలీవుడ్‌ సీనియర్‌ నటి షబానా ఆజ్మీ కెరీర్‌లో గోల్డెన్‌ ఇయర్‌లోకి అడుగు పెట్టారు. ఈ సందర్భాన్ని పురస్కరించుకుని ‘ఇంటర్‌నేషనల్‌ ఫిల్మ్‌ ఫెస్టివల్‌ ఆఫ్‌ సౌత్‌ ఆసియా (ఐఎఫ్‌ఎఫ్‌ఎస్‌ఏ) టొరంటో’ షబానా ఆజ్మీ సినీ స్వర్ణోత్సవాన్ని జరపనుంది. 13వ ఐఎఫ్‌ఎఫ్‌ఎస్‌ఏ–టొరంటో వేడుకలు కెనడాలో ఈ ఏడాది అక్టోబరు 10 నుంచి 20 వరకు జరగనున్నాయి. 22 భాషల్లోని 120 చిత్రాలు ఈ ఫిల్మ్‌ ఫెస్టివల్లో ప్రదర్శితమవుతాయని అలాగే సినిమా రంగానికి విశేష సేవలు అందించిన సీనియర్‌ నటి షబానా ఆజ్మీ స్వర్ణోత్సవాన్ని ఘనంగా నిర్వహిస్తామని, ఈ కార్యక్రమంలో పలువురు సినీ ప్రముఖులు పాల్గొంటారని, ‘ఐఎఫ్‌ఎఫ్‌ఎస్‌ఏ–టొరంటో ఫెస్టివల్‌’ నిర్వాహక అధ్యక్షుడు సన్నీ గిల్‌ పేర్కొన్నారు. ఇక 1950 సెప్టెంబరు 18న కైఫీ ఆజ్మీ (దివంగత ప్రముఖ గీత రచయిత), దివంగత నటి షౌకత్‌ కైఫీ దంపతులకు హైదరాబాద్‌లో జన్మించారు షబానా ఆజ్మీ. 150పైగా చిత్రాల్లో నటించారామె. షబానా ఆజ్మీ తొలి చిత్రం ‘అంకుర్‌’ 1974లో విడుదలైంది. దాంతో నటిగా షబానా ఫిల్మ్‌ ఇండస్ట్రీలో 50 ఏళ్ల జర్నీని పూర్తి చేసుకున్నట్లయింది. ‘అంకుర్, అర్థ్‌ (1982), కందార్‌ (1984), పార్‌ (1984), గాడ్‌ మదర్‌ (1999) వంటి సినిమాలకు గాను షబానా జాతీయ ఉత్తమ నటి అవార్డులను అందుకున్నారు.ఇంకా ‘శత్రంజ్‌ కే ఖిలాడీ – 1977 (ది చెస్‌ ప్లేయర్స్‌), మండీ (1983), ఫైర్‌ (1996), మక్డీ (2002)’ వంటి ఎన్నో హిట్‌ ఫిల్మ్స్‌లో నటించారామె. అంతేకాదు... అమెరికన్‌ మిలటరీ సైన్స్‌ ఫిక్షన్‌ టెలివిజన్‌ సిరీస్‌ ‘హాలో’ (2022–2024)లోనూ నటించి, హాలీవుడ్‌ ప్రేక్షకుల మెప్పు పొందారు. సినీ రంగానికి షబానా అందించిన సేవలకుగాను 1998లో పద్మశ్రీ, 2012లో పద్మభూషణ్‌ పురస్కారాలు ఆమెను వరించాయి.

ముంబై: విడుదలైనప్పుడే పలు వివాదాలకు కేంద్ర బిందువుగా నిలిచిన కశ్మీర్‌ ఫైల్స్‌ సినిమా ఇఫీ ఉదంతం పుణ్యమా అని మరోసారి దేశవ్యాప్తంగా మంటలు రేపుతోంది. అదో చెత్త సినిమా అంటూ సోమవారం ఇంటర్నేషనల్‌ ఫిల్మ్‌ ఫెస్టివల్‌ ఆఫ్‌ ఇండియా (ఐఎఫ్‌ఎఫ్‌ఐ) ముగింపు వేడుకల్లో ఇజ్రాయెల్‌కు చెందిన జ్యూరీ హెడ్‌ నదవ్‌ లపిడ్‌ చేసిన వ్యాఖ్యలపై ఇంటా బయటా విమర్శలు రేగుతున్నాయి. సోషల్‌ మీడియాలో కూడా ఇది పెద్ద చర్చకు తెర తీసింది. నదవ్‌ వ్యాఖ్యలను భారత్‌లో ఇజ్రాయెల్‌ రాయబారి నవోర్‌ గిలాన్‌ తీవ్రంగా ఖండించారు. ‘‘అతిథిని దైవంగా భావించే దేశానికి వచ్చి అలాంటి వ్యాఖ్యలు చేసినందుకు సిగ్గుపడాలి. ఇఫీ జడ్జీల ప్యానల్‌కు సారథ్య స్థానంలో కూచోబెట్టిన ఆతిథ్య దేశాన్ని నదవ్‌ తన వ్యాఖ్యలతో దారుణంగా అవమానించారు’’ అంటూ మంగళవారం బహిరంగ లేఖలో దుయ్యబట్టారు. ‘‘హిట్లర్‌ సారథ్యంలోని నాజీల చేతుల్లో లక్షలాది మంది యూదులు హోలోకాస్ట్‌ కాన్సంట్రేషన్‌ క్యాంపుల్లో నిస్సహాయంగా ఊచకోతకు గురయ్యారు. అదృష్టం కొద్దీ ఆ మారణహోమం నుంచి తప్పించుకున్న వారి వారసున్ని నేను. నీ వ్యాఖ్యలనే గీటురాయిగా తీసుకునే పక్షంలో హోలోకాస్ట్‌ దారుణాలపై హాలీవుడ్‌ దర్శక దిగ్గజం స్పీల్‌బర్గ్‌ తీసిన షిండ్లర్స్‌ లిస్ట్‌ కూడా చెత్త సినిమాయేనా అని భారతీయులు ప్రశ్నిస్తుంటే నా మనసెంతో గాయపడుతోంది. కశ్మీర్‌ ఫైల్స్‌పై నీ వ్యాఖ్యలను తీవ్రంగా ఖండిస్తున్నా. వాటిని నువ్వు ఏ విధంగానూ సమర్థించుకోలేవు’’ అంటూ తూర్పారబట్టారు. నదవ్‌ తక్షణం క్షమాపణలు చెప్పాలని డిమాండ్‌ చేశారు. కశ్మీరీ పండిట్ల మండిపాటు బీజేపీతో పాటు కశ్మీర్‌ ఫైల్స్‌ సినిమా రచయిత, దర్శకుడు వివేక్‌ అగ్నిహోత్రి, అందులో ప్రధాన పాత్ర పోషించిన సీనియర్‌ నటుడు అనుపమ్‌ ఖేర్‌ తదితరులు కూడా నదవ్‌ విమర్శలను తీవ్రంగా ఖండించారు. ‘‘భారత ప్రభుత్వం ఏర్పాటు చేసిన అంతర్జాతీయ స్థాయి కార్యక్రమాన్ని ఉగ్రవాదుల వాదనకు మద్దతిచ్చేందుకు వాడుకున్న తీరు ఆశ్చర్యకరం. కశ్మీర్‌ ఫైల్స్‌ ప్రచారం కోసం తీసిందని, అందులో ఒక్క సీన్‌ గానీ, డైలాగ్‌ గానీ అవాస్తవమని నిరూపించినా ఇకపై సినిమాలే తీయను. నదవ్‌తో పాటు ప్రపంచ మేధావులకు, అర్బన్‌ నక్సల్స్‌కు ఇది నా సవాలు’’ అని అగ్నిహోత్రి అన్నారు. నవద్‌ను తక్షణం భారత్‌ నుంచి పంపించేయాలని కశ్మీరీ పండిట్లు డిమాండ్‌ చేశారు. ఇజ్రాయెల్‌ కాన్సులర్‌ జనరల్‌ కొబ్బీ షొషానీ కూడా నదవ్‌ వ్యాఖ్యలను తప్పుబట్టారు.

మెగాస్టార్ చిరంజీవి ప్రతిష్ఠాత్మక అవార్డును అందుకున్నారు. గోవాలో జరుగుతున్న 53వ అంతర్జాతీయ చలనచిత్రోత్సవ వేడుకల్లో అవార్డ్ స్వీకరించారు. ఈ వేడుకల్లో ఇండియన్ ఫిల్మ్ పర్సనాలిటీ ఆఫ్ ది ఇయర్ -2022  అవార్డును కేంద్రమంత్రి అనురాగ్ ఠాకూర్ చేతుల మీదుగా అందుకున్నారు. ఈ వేడుకలో సతీసమేతంగా ఆయన హాజరయ్యారు. అవార్డు అందుకున్న మెగాస్టార్ వేదికపైనే భావోద్వేగానికి గురయ్యారు. నేను ఈ స్థాయికి రావడానికి కారణం ప్రపంచవ్యాప్తంగా ఉన్న తెలుగు అభిమానులే కారణమని ఆయన వ్యాఖ్యానించారు. కాగా.. 2022 సంవత్సరానికిగాను భారతీయ సినీ పరిశ్రమ గర్వించదిగిన వ్యక్తిగా చిరంజీవిని ఎంపిక చేస్తున్నట్లు కేంద్ర సమాచార ప్రసార శాఖ మంత్రి అనురాగ్ ఠాకూర్ ఇదివరకే ప్రకటించారు. (చదవండి:మెగాస్టార్ చిరంజీవికి అరుదైన పురస్కారం.. కేంద్రమంత్రి ప్రశంసలు) చిరంజీవి మాట్లాడుతూ.. 'నాకు యువహీరోలు పోటీ కాదు. నేనే వాళ్లకు పోటీ. ఈ అవార్డు నా అభిమానుల్లో ఎక్కడలేని ఉత్సాహం నింపింది. ఈ క్షణం కోసం దశాబ్దాలుగా ఎదురు చూస్తున్నా.  నా చివరి శ్వాస వరకు సినిమాల నుంచి తప్పుకోను. నేను ఎప్పుడు మీతోనే ఉంటా. మిమ్మల్ని అలరిస్తూనే ఉంటా. మన తెలుగు ప్రేక్షకులు ప్రపంచంలో ఎక్కుడున్నా వారి ప్రేమకు నేను దాసోహం. ఆ ప్రేమ కావాలి. ఆ ప్రేమే నన్ను ఈ స్థాయికి తీసుకొచ్చింది. మీ అందరికీ జీవితాంతం కృతజ్ఞతగా ఉంటా. ఈ అవార్డుకు ఎంపిక చేసినందుకు ప్రధాని మోదీకి నా ధన్యవాదాలు. నా స్నేహితుడు అక్షయ్ కుమార్ ఇక్కడే ఉన్నారు. నేను ఈ స్థాయికి వచ్చేందుకు సహకరించిన ప్రతి ఒక్కరికీ నా హృదయపూర్వక కృతజ్ఞతలు. గతంలో నేను ఇలాంటి వేడుకల్లో పాల్గొన్నా. కానీ అప్పుడు దక్షిణాదికి చెందిన ఒక్క నటుడి ఫోటో లేదని బాధపడ్డా. కానీ ఇప్పుడు ప్రాంతీయ భేదాలు పోయి భారతీయ సినిమా అనే రోజు వచ్చింది. ' అంటూ చిరు ఎమోషనల్ స్పీచ్ ఇచ్చారు.   మెగాస్టార్ మాట్లాడుతూ..' నేను ఓ మధ్యతరగతి కుటుంబంలో జన్మించా. శివ శంకర్‌ వరప్రసాద్‌ అనే నాకు.. సినీ పరిశ్రమ చిరంజీవిగా మరో జన్మనిచ్చింది. 45 ఏళ్లకు పైగా ఇండస్ట్రీలో ఉన్నా. రాజకీయంలోకి వెళ్లడం వల్ల కొన్నాళ్లు విరామం వచ్చింది. పాలిటిక్స్‌లోకి వెళ్లడం వల్ల సినిమా విలువేంటో అర్థమైంది. ఏ రంగంలో అయినా అవినీతి ఉండొచ్చు. కానీ చిత్ర పరిశ్రమలో లేదు. ఇక్కడ ప్రతిభ ఒక్కటే కొలమానం.' అని అన్నారు. 

ప్రముఖ నిర్మాత ‘స్రవంతి’ రవికిశోర్‌ నిర్మించిన తొలి తమిళ సినిమా ‘కిడ’. పూ రామన్, కాళీ వెంకట్‌ ప్రధాన పాత్రల్లో ఆర్‌ఏ వెంకట్‌ దర్శకత్వంలో తెరకెక్కింది. త్వరలో విడుదల కానున్న ఈ చిత్రాన్ని గోవాలో జరుగుతున్న ‘ఇఫీ’ (‘భారత అంతర్జాతీయ చలన చిత్రోత్సవాలు’)లో ఇండియన్‌ పనోరమా విభాగంలో ప్రదర్శించగా, వీక్షకులు ‘స్టాండింగ్‌ ఒవేషన్‌’తో అభినందించారు. ‘స్రవంతి’ రవికిశోర్‌ మాట్లాడుతూ– ‘‘ఏఆర్‌ వెంకట్‌కి ‘కిడ’ తొలి సినిమా అయినా బాగా తీశాడు. సినిమాకు భాషాపరమైన ఎల్లలు, హద్దులు లేవు. మంచి సినిమా వస్తే చూస్తారనే నమ్మకంతో తమిళంలో తీశాను’’ అన్నారు. ఆర్‌ఏ వెంకట్‌ మాట్లాడుతూ– ‘‘తాత, మనవడు, మేక చుట్టూ ఈ చిత్ర కథ తిరుగుతుంది. పనోరమాలో పదర్శించిన సినిమాని చాలామంది స్టూడెంట్స్‌ చూశారు.. వారికి బాగా నచ్చింది. నా తొలి సినిమాకు రవికిశోర్‌లాంటి నిర్మాత లభించడం నా అదృష్టం’’ అన్నారు. 

శంకరాభరణం చిత్రానికి మరో అరుదైన గౌరవం లభించింది. గోవాలో జరుగుతున్న అంతర్జాతీయ చలన చిత్రోత్సవ వేడుకల్లో రీస్టోర్‌డ్‌ ఇండియన్‌ క్లాసిక్‌ విభాగంలో ఈ చిత్రం ఎంపికైంది. నేషనల్ ఫిల్మ్ అర్చివ్స్ ఆఫ్ ఇండియా వారు మనదేశంలోని గొప్ప చిత్రాలను డిజిటలైజ్‌ చేసి ప్రదర్శించనున్నారు. ఈ కేటగిరీలో శంకరాభరణం సినిమాకు చోటు దక్కింది.  (చదవండి: Sarath Kumar: కళా తపస్వి జీవన చిత్ర ప్రస్థానం పుస్తకాన్ని ఆవిష్కరించిన నటుడు)    తెలుగు సినిమా ఆత్మగౌరవాన్ని జాతీయస్థాయిలో రెపరెపలాడించిన దర్శక దిగ్గజం కళాతపస్వి కె.విశ్వనాథ్‌ చిత్రం శంకరాభరణం చిత్రాన్ని పనాజీలో జరుగుతున్న ఇఫి-2022 వేడుకల్లో ప్రదర్శించనున్నారు. పూర్ణోదయా ఆర్ట్ క్రియేషన్స్ పతాకంపై ఏడిద నాగేశ్వరావు ఈ సినిమాను నిర్మించారు. డిజిటలైజ్ చేసి ప్రదర్శించే భారతీయ సినిమాల్లో తెలుగు చిత్రం శంకరాభరణం చిత్రం చోటు దక్కించుకుంది. ఈ చిత్ర ప్రదర్శనకు నిర్మాత ఏడిద నాగేశ్వరావు కుమారుడు ఏడిద రాజా  ప్రత్యేక  ఆహ్వానితులుగా హాజరు కానున్నారు.

కేంద్ర ప్రభుత్వం ప్రత్యేక అవార్డు ప్రకటించటం పట్ల మెగాస్టార్ చిరంజీవి స్పందించారు. ఈ గౌరవం నాకు లభించడం చాలా సంతోషంగా ఉందన్నారు. తనను ఎంపిక చేసినందుకు భారత ప్రభుత్వానికి మెగాస్టార్ ప్రత్యేక ధన్యవాదాలు తెలిపారు. 2022 ఏడాది గానూ భారతీయ సినీ పరిశ్రమ గర్వించదిగిన వ్యక్తిగా చిరంజీవిని ఎంపిక చేస్తున్నట్లు కేంద్ర సమాచార ప్రసార శాఖ మంత్రి అనురాగ్ ఠాకూర్ ప్రకటించారు. నాకు ఈ అవార్డు రావడానికి ప్రధానం కారణం నా అభిమానులేనని చిరు అన్నారు. నాపై ప్రేమ చూపిస్తున్న అభిమానులందరి వల్లే ఈ రోజు నేను ఇక్కడ ఉన్నానని భావోద్వేగానికి లోనయ్యారు. ఈ మేరకు ట్విటర్‌లో పోస్ట్ చేశారు. గోవాలో జరుగుతున్న 53వ అంతర్జాతీయ చలన చిత్రోత్సవ వేడుకల్లో మెగాస్టార్ ఇండియన్ ఫిల్మ్ పర్సనాలిటీ ఆఫ్‌ ద ఇయర్‌-2022 అవార్డు అందుకోనున్నారు.  Greatly Delighted and Humbled at this honour, Sri @ianuragthakur ! My deep gratitude to Govt of India@MIB_India @IFFIGoa @Anurag_Office and all my loving fans only because of whom i am here today! https://t.co/IbgvDiyNNI — Chiranjeevi Konidela (@KChiruTweets) November 20, 2022

మెగాస్టార్ చిరంజీవికి అరుదైన గౌరవం లభించింది. ఆయనను కేంద్ర ప్రభుత్వం ప్రత్యేక గుర్తింపుతో గౌరవించింది. 2022 సంవత్సరానికిగాను భారతీయ సినీ పరిశ్రమ గర్వించదిగిన వ్యక్తిగా చిరంజీవిని ఎంపిక చేస్తున్నట్లు కేంద్ర సమాచార ప్రసార శాఖ మంత్రి అనురాగ్ ఠాకూర్ ప్రకటించారు. గోవాలో జరుగుతున్న 53వ అంతర్జాతీయ చలనచిత్ర వేడుకల్లో ఇండియన్ ఫిల్మ్ పర్సనాలిటీ ఆఫ్‌ ద ఇయర్‌-2022 అవార్డును మెగాస్టార్ అందుకోనున్నారు. ఇప్పటికే గోవాలో చలన చిత్రోత్సవ వేడుకలు అత్యంత వైభవంగా ప్రారంభం కాగా... ఈ నెల 28 వరకు జరగనున్నాయి. ఈ అవార్డుకు చిరంజీవి ఎంపిక కావడం పట్ల కేంద్రమంత్రి అనురాగ్ ఠాకూర్ అభినందనలు తెలిపారు.  దాదాపు నాలుగు దశాబ్దాలుగా సినీ పరిశ్రమలో నటుడిగా రాణిస్తోన్న చిరంజీవి... 150 సినిమాలు పూర్తి చేసి తన అద్భుత నటనతో కోట్లాది మంది అభిమానులను అలరిస్తున్నారని ఆయన ప్రశంసించారు. తెలుగు సినీ పరిశ్రమలో అత్యంత ప్రజాదరణ ఉన్న వ్యక్తి అని చిరంజీవిని కొనియాడారు. ఈ వేడుకల్లో 79 దేశాలకు చెందిన 280 చిత్రాలను ప్రదర్శించనున్నట్లు నిర్వాహకులు తెలిపారు.  1978లో సినీ రంగంలో అడుగుపెట్టిన చిరంజీవి తెలుగు, తమిళ, కన్నడ, హిందీ చిత్రాల్లో నటించారు. ఆంధ్రప్రదేశ్‌ ప్రభుత్వం నుంచి ప్రతిష్టాత్మక రఘుపతి వెంకయ్య అవార్డును అందుకున్నారు. దేశంలో మూడో అత్యున్నత పౌర పురస్కారకమైన పద్మభూషణ్‌ 2006లో చిరంజీవిని వరించింది. ఆంధ్రా విశ్వవిద్యాలయం ఆయనకు గౌరవ డాక్టరేట్‌తో సత్కరించింది. చిరంజీవి 2012 నుంచి2014 వరకు కేంద్ర పర్యాటక మంత్రిగా సేవలందించారు.  Indian Film Personality of the Year 2022 award goes to 𝐌𝐞𝐠𝐚𝐬𝐭𝐚𝐫 𝐂𝐡𝐢𝐫𝐚𝐧𝐣𝐞𝐞𝐯𝐢 With an illustrious career spanning almost four decades, he has been a part of more than 150 feature films 📽️https://t.co/1lSx81bGMw#IFFI #AnythingForFilms #IFFI53 @KChiruTweets pic.twitter.com/AY6UzMhfix — PIB India (@PIB_India) November 20, 2022

తమిళసినిమా: నటుడు సర్య కథానాయకుడిగా నటించి నిర్మించిన సూరరై పోట్రు, జై భీమ్‌ చిత్రాలు ప్రేక్షకుల ఆదరణను, విమర్శకుల ప్రశంసలను అందుకోవడంతో పాటు జాతీయ, అంతర్జాతీయ అవార్డులను కొల్లగొట్టిన విషయం తెలిసిందే. సూరరై పోట్రు చిత్రం సూర్యకు తొలిసారిగా జాతీయ ఉత్తమ నటుడు అవార్డును తెచ్చిపెట్టింది. ఇక జై భీమ్‌ 94వ అకాడమీ అవార్డుతో పాటు పలు అంతర్జాతీయ అవార్డులను గెలుచుకుంది. తాజాగా మరో అరుదైన గౌరవాన్ని దక్కించుకుందీ చిత్రం. ఈ సినిమాను సౌత్‌ ఇండియన్‌ అంతర్జాతీయ చిత్రోత్సవాల్లో ప్రదర్శించనున్నారు. దీనికి సంబంధించిన వివరాలను కేంద్ర సమాచార ప్రసారశాఖ మంత్రి వెల్లడించారు. నవంబర్‌ 20 నుం 28 వరకు గోవాలో ఈ చిత్రోత్సవాలు జరగనున్నట్లు పేర్కొన్నారు. ఈ చిత్రోత్సవాల్లో మొత్తం 45 చిత్రాలను ప్రదర్శించనున్నారు. అందులో 20 లఘు చిత్రాలు, 25 కమర్షియల్‌ చిత్రాలకు చోటు లభించాయి. అందులో సూర్య కథానాయకుడిగా నటించిన జై భీమ్‌ ఒకటి. ఈ చిత్రాన్ని నటుడు సూర్య, జ్యోతిక తమ 2డీ ఎంటర్‌టైన్‌మెంట్‌ పతాకంపై నిర్మించారు. ఇందులో సూర్య న్యాయమూర్తి కే.చంద్రు పాత్రలో నటించారు. గత ఏడాది నవంబర్‌ నెలలో అమేజాన్‌ ప్రైమ్‌ టైమ్‌లో విడుదలై విశేష ఆదరణను పొందింది.

ఇండియన్ ఫిల్మ్ ఫెస్టివల్ ఆఫ్ ఇండియా (IFFI)లో ఇండియన్ పనోరమాకు ఎంపిక చేసిన 25 ఫీచర్ ఫిల్మ్స్, 20 నాన్ ఫీచర్ ఫిల్మ్స్‌ను ఈ రోజు వెల్లడించారు. ఫీచర్ ఫిల్మ్స్‌లో 'స్రవంతి' రవికిశోర్ నిర్మించిన తమిళ సినిమా 'కిడ', స్వాతంత్ర్య సమర యోధుడు ఖుదీరామ్ బోస్ జీవిత చరిత్ర ఆధారంగా ‘ ఖుదీరామ్ బోస్’ ఎంపికయ్యాయి. ఈ చిత్రాలు  నవంబర్ 20 నుంచి 28 వరకు గోవాలో జరిగే 53వ 'ఇంటర్నేషనల్ ఫిల్మ్ ఫెస్టివల్ ఆఫ్ ఇండియా'లో ప్రదర్శించబడతాయి.  'కిడ'లో పూ రామన్, కాళీ వెంకట్ తదితరులు ప్రధాన పాత్రలు పోషించారు. ఓ తాత, మనవడు, మేక పిల్ల చుట్టూ కథ తిరుగుతుంది. ఇందులో ఓ అందమైన ప్రేమకథ కూడా ఉంది. తమ సినిమాకు అరుదైన గౌరవం లభించడంతో ప్రముఖ నిర్మాత 'స్రవంతి' రవికిశోర్ సంతోషం వ్యక్తం చేశారు. విజయ్ జాగర్ల మూడి, డి. వి. యస్. రాజుల దర్శకత్వంలో రజిత  విజయ్ జాగర్లమూడి నిర్మిస్తున్న స్వాతంత్ర్య సమర యోధుడు బయోపిక్ చిత్రం ‘ఖుదీరామ్ బోస్’. రాకేష్ జాగర్లమూడి, వివేక్ ఒబెరాయ్, అతుల్ కులకర్ణి, నాజర్, రవిబాబు, కాశీ విశ్వనాథ్ తదితరులు ఇతర కీలక పాత్రల్లో నటిస్తున్నారు. తమ చిత్రం ఇండియన్ పనోరమాకు ఎంపికవడం పట్ల నిర్మాత  రజిత విజయ్ జాగర్లమూడి, దర్శకులు విజయ్ జాగర్లమూడి, డివిఎస్ రాజు సంతోషం వ్యక్తం చేశారు. 

ఈ ఏడాది జరిగే గోవాలో 53వ అంతర్జాతీయ చిత్రోత్సవాలు నవంబర్‌లో జరగనున్న సంగతి తెలిసిందే. ఆసియాలో జరిగే అతిపెద్ద ఫిలిం ఫెస్టివల్స్‌లో ఇండియా ఇంటర్ నేషనల్ ఫిలిం ఫెస్టివల్ ఒకటి. తాజాగా ఈ ఫిలిం ఫెస్టివల్‌ను నిర్వహించే తేదీలు, ప్రదర్శించే సినిమా వివరాలను ఇండయన్‌ పనోరమా ప్రకటించింది. ఈ చిత్రోత్సవాలను ఈ నెల 20 నుంచి 28 వరకు నిర్వహించనున్నట్లు పేర్కొంది. 25 ఫిచర్స్‌ ఫిలింస్‌, 20 నాన్‌ ఫిచర్స్‌ ఫలింస్‌ను ఈ చిత్రోత్సవంలో ప్రదర్శించనున్నారు. అందులో తెలుగులో సంచలన విజయం సాధించిన ఆర్‌ఆర్‌ఆర్‌, ఆఖండ చిత్రాలకు గుర్తంపు లభించింది. మెయిన్ స్ట్రీమ్‌ సినిమా సెక్షన్‌లో ప్రదర్శించే ఐదు సినిమాల్లో రెండు తెలుగు సినిమాలకు చోటు దక్కడం విశేషం. ఆర్‌ఆర్‌ఆర్‌, ఆఖండలతో పాటు బాలీవుడ్‌ మూవీ కాశ్మీర్‌ ఫైల్స్‌, టోనిక్‌(బెంగాలి చిత్రం) ధర్మం వీర్ ముక్కడ్ పోస్ట్ థానే (మరాఠీ) సినిమాలను ఈ మెయిన్‌ స్ట్రీమ్‌ చిత్రాల్లో ప్రదర్శించనున్నారు. కాగా కేంద్ర సమాచార ప్రచార శాఖ మంత్రి అనురాగ్‌ ఠాకూర్‌ అధ్యక్షతన జరగనున్న ఈ చిత్రోత్సవాలకు ఉపాధ్యాక్షుడిగా గోవా ముఖ్యమంత్రి ప్రమోద్‌ సావత్‌ వ్యవహరించనున్నారు.

‘‘ఏ నటి, నటుడైనా ఎప్పుడూ ఒకే రక మైన పాత్రలు చేయాలనీ, అవే రకమైన భావోద్వేగాలను చూపించాలనీ అనుకోరు. సవాలు నిండిన కొత్త పాత్రలు, కథా నేపథ్య వాతావరణం కోసం చూస్తారు’’ అన్నారు నటి సమంత. గోవాలో జరుగుతున్న ప్రతిష్ఠాత్మక 52వ ‘భారత అంతర్జాతీయ చలనచిత్రోత్సవం’ (ఇఫీ)లో ఆదివారం ఆమె మాట్లాడుతూ, ‘ఫ్యామిలీమ్యాన్‌–2’ వెబ్‌సిరీస్‌లోని క్లిష్టమైన యాక్షన్‌ పాత్ర రాజీని తాను ఎంచుకోవడానికి కారణాన్ని అలా వివరించారు. ‘‘ఆ సిరీస్‌ రూపకర్తలు రాజ్, డీకే నన్ను వ్యక్తిగతంగా కలవకుండానే, అందులోని యాక్షన్‌ పాత్రకు నన్ను ఎంచుకున్నారు. తీరా నన్ను కలిశాక, (నవ్వుతూ...) వారికి తమ తప్పు దిద్దుకొనే టైమ్‌ దాటిపోయింది. కొత్తదనం కోసం తపిస్తున్న నేనూ ఆ పాత్రను ఠక్కున పట్టేసుకున్నా’’ అన్నారు సమంత. 52వ ‘ఇఫీ’లో భాగంగా ఫ్యామిలీమ్యాన్‌ రూపకర్తలు రాజ్, డీకే, నటి సమంత, అమెజాన్‌ ఇండియా ఒరిజినల్స్‌కు హెడ్‌ అయిన అపర్ణా పురోహిత్‌లతో ‘మాస్టర్‌క్లాస్‌’ గోష్ఠి జరిగింది. అందులో సమంత మాట్లాడుతూ, ‘‘తెలుగు పరిశ్రమ, హైదరాబాద్‌ నా పుట్టినిల్లు. నటిగా నాకు ఈ స్థానాన్ని ఇచ్చింది అవే. నేనింకా హిందీ సినిమాలేవీ చేయలేదు కానీ, ఉత్తరాది పరిశ్రమకూ, దక్షిణాదికీ పెద్ద తేడా ఏమీ లేదు’’ అన్నారు. ‘‘సినిమా, ఓటీటీ దేనికదే. చీకటి హాలులో అంతరాయాలకు దూరంగా చూసే సినిమాతో పోలిస్తే, ఇంట్లో టీవీలో అనేక అంతరాయాల మధ్య చూసే ఓటీటీ వెబ్‌ సిరీసుల్లో ప్రేక్షకులను కదలకుండా కూర్చోబెట్టి, మెప్పించడం చాలా కష్టం. రొటీన్‌కు భిన్నమైన భావోద్వేగాలనూ, పాత్రలనూ పండించేందుకు నటీనటులకు కూడా ఓటీటీ ఓ అవకాశం, పెద్ద సవాలు’’ అని సమంత తన మనసులో మాటను పంచుకున్నారు. ‘ఫ్యామిలీమ్యాన్‌ 2’లోని పాత్రతో ఇక హిందీ ‘ధూమ్‌’ సిరీస్‌ లాంటి వాటిలో అవకాశాలు రావచ్చన్న ప్రేక్షకుల ప్రశంసకు సమంత ఉబ్బితబ్బిబ్బవుతూ, ‘‘నేనిక ‘యాక్షన్‌ స్టార్‌’ అన్న మాట’’ అని నవ్వేశారు. అవి కాగానే సమంత ఏడ్చేశారు! దర్శకులు రాజ్‌ అండ్‌ డీకే మాట్లాడుతూ, ‘‘ఆ పాత్రకు తమిళం తెలిసిన నటి కావాలనుకున్నాం. తమిళ చిత్రం ‘సూపర్‌డీలక్స్‌’, తెలుగు ‘రంగస్థలం’ చూసి, ఆ పాత్రకు సమంత సరిపోతారనుకొని, సంప్రదించాం. మా అంచనాలను మించి ఆమె చేశారు. పాత్రను పూర్తిగా మనసుకు ఎక్కించుకొని, ఆ భావోద్వేగాల్లోనే జీవిస్తూ, కొన్ని సీన్లు కాగానే ఆమె వెక్కివెక్కి ఏడ్చిన ఘటనలు మాకు ఇప్పటికీ గుర్తే. చేతులకు గాయమై రక్తం కారుతున్నా డూప్‌లు లేకుండా సమంత చేసిన ఫైట్లు చూసి, ఆశ్చర్యపోయాం’’ అన్నారు. ‘‘మనోజ్‌ బాజ్‌పాయ్‌ పోషించిన సీక్రెట్‌ ఏజెంట్‌ పాత్రను కథలో బెంగాలీ పాత్రగా రాసుకున్నాం. ఆడిషన్స్‌లో ఆ పాత్రకు మనోజ్‌ అద్భుతంగా సరిపోయేసరికి, సిరీస్‌లో దాన్ని మరాఠీ పాత్రగా మార్చేశాం’’అని వెల్లడించారు. ‘‘ఫ్యామిలీమ్యాన్‌–3’ రచన ఇంకా పూర్తి కాలేదు. మీడియాలో వస్తున్న ఊహాగానాలకు భిన్నంగా మూడో సీజన్‌ ఉండేలా ప్రయత్నిస్తున్నాం’’ అని ఈ దర్శకద్వయం వివరించింది. ‘‘పేరున్న నటీనటులు, ఫైట్లు, ఐటమ్‌ సాంగ్స్‌తో మంచి ప్యాకేజ్‌ చేసి, ఓ హిట్‌ సినిమా తీయవచ్చు. కానీ, ఓటీటీ వెబ్‌సిరీస్‌లలో అది సాధ్యం కాదు. సెక్స్, క్రైమ్‌ అంశాలు ఓటీటీ తొలిరోజుల్లో వరదలా వచ్చినా, అవి పోయి మంచివే నిలబడతాయి’’ అని రాజ్‌ – డీకే పేర్కొన్నారు. కాగా, ‘‘ఓటీటీ రచయితల మాధ్యమమైతే, సినిమా దర్శకుల మాధ్యమం’’ అని అపర్ణ అభిప్రాయపడ్డారు. 

‘గతం’మూవీ అరుదైన రికార్డును సొంతం చేసుకుంది. ఇంటర్నేషనల్ ఫిల్మ్ ఫెస్టివల్ ఆఫ్ ఇండియాలో(IFFI)లోని ఇండియన్ పనోరమా కేటగిరీలో ప్రదర్శితం కానున్న ఏకైక తెలుగు సినిమాగా నిలిచింది. నవంబర్ 6న ప్రముఖ ఓటీటీ ఫ్లాట్‌ఫామ్ అమెజాన్ ప్రైమ్‌లో ఈ సినిమా విడుదలై సూపర్ సక్సెస్ అయింది. థ్రిల్లర్ కథాంశంతో కిరణ్ కొండమడుగుల దీనిని తెరకెక్కించారు.భార్గవ పోలుదాసు, రాకేష్ గాలేభే, పూజిత కురపర్తి ఈ సినిమాలో కీలక పాత్రలలో నటించగా.. భార్గవ పోలుదాసు, సృజన్ యర్రబోలు, హర్ష వర్ధన్ ప్రతాప్‌లు కలిసి ఈ సినిమాను నిర్మించారు. ఇక శ్రీచరణ్ పాకాల ఈ సినిమాకు మ్యూజిక్ అందించగా.. మనోజ్ రెడ్డి సినిమాటోగ్రఫీ చేశారు. సస్పెన్స్, ట్విస్టులతో సాగే ఈ సినిమా ప్రేక్షకులను విపరీతంగా ఆకట్టుకుంది. దీంతో ఇప్పుడు జనవరి 17న గోవాలో జరగనున్న ఇంటర్నేషనల్ ఫిల్మ్ ఫెస్టివల్ ఆఫ్ ఇండియా ఫంక్షన్‌లో పనోరమా కేటగిరీలో ప్రదర్శితమయ్యే సినిమాగా స్థానాన్ని సంపాదించుకుంది. ఇంటర్నేషన్ ఫిల్మ్ ఫెస్టివల్ ఆఫ్ ఇండియాలో ఇండియన్ పనోరమా ఒక ప్రధాన భాగం. బెస్ట్ ఇండియన్ సినిమాలను ఇందులో ప్రదర్శిస్తూ ఉంటారు. ఉత్తమ భారతీయ సినిమాలను ప్రోత్సహించేందుకు గాను 1978లో దీనిని ప్రవేశపెట్టారు. ప్రతి సంవత్సరం ఉత్తమ భారతీయ సినిమాలను ఇందులో ప్రదర్శిస్తారు. ఇప్పుడు ఒక కొత్త సినిమా అయిన గతంకు అవకాశం దక్కడం గొప్ప అని చెప్పుకోవచ్చు.

‘బద్లా, గేమ్‌ ఓవర్, మిషన్‌ మంగళ్, సాంద్‌ కీ ఆంఖ్‌’.. ఈ ఏడాది హిందీలో విడుదలైన ఈ నాలుగు లేడీ ఓరియంటెడ్‌ సినిమాల్లోనూ తాప్సీ నటించారు. ఈ చిత్రాలు బాక్సాఫీస్‌ వద్ద మంచి విజయాలు సాధించాయి. దీంతో హిందీ పరిశ్రమలో కథానాయిక ప్రాధాన్యం ఉన్న చిత్రాలంటే దర్శక–నిర్మాతలు తాప్సీ పేరును ఓసారి పరిశీలించే స్థాయికి ఎదిగారామె. తాప్సీయే కాదు విద్యాబాలన్, దీపికా పదుకోన్, కంగనా రనౌత్, ఆలియా భట్‌ వంటి అగ్ర కథానాయికలు కూడా లేడీ ఓరియంటెడ్‌ సినిమాలవైపు ఆసక్తి చూపిస్తున్నారు. ఇదే విషయం గురించి గోవాలో జరుగుతున్న ‘ఇఫీ’ (ఇంటర్‌నేషనల్‌  ఫిల్మ్‌ ఫెస్టివల్‌ ఆఫ్‌ ఇండియా) వేడుకల్లో ‘ఉమెన్‌ ఇన్‌ లీడ్‌’ అనే అంశంపై తాప్సీ మాట్లాడుతూ – ‘‘మీరు ఒక మంచి ప్రేక్షకుడిగా ఉండాలనుకుంటే థియేటర్స్‌కు వెళ్లి ఉమెన్‌ సెంట్రిక్‌ ఫిల్మ్స్‌ చూడండి. ఒక్క సినిమా అయినా బాక్సాఫీస్‌ వద్ద విజయం సా«ధిస్తే ఐదు ఉమెన్‌ సెంట్రిక్‌ ఫిల్మ్స్‌ సెట్స్‌పైకి వెళతాయి. ఇది కథానాయికలకు ఎంతో మేలు చేస్తుంది. కొత్తగా రావాలనుకునే హీరోయిన్స్‌లో కూడా ఆత్మవిశ్వాసం నింపినవారవుతారు’’ అని అన్నారు.

‘‘సినిమా హాల్లో కూర్చోగానే మన పక్కన ఎవరు కూర్చున్నారు? వాళ్ల జాతి, మతం, వర్ణం ఇవేమీ మనం అడగం. పట్టించుకోం. అందరం కలసి సినిమాను ఆస్వాదిస్తాం. జోక్‌ వస్తే నవ్వుతాం. సెంటిమెంట్‌ సీన్‌ అయితే కన్నీళ్లు పెట్టుకుంటాం. సినిమా మాద్యమానికి అందర్నీ ఏకం చేసే శక్తి ఉంది’’ అన్నారు అమితాబ్‌ బచ్చన్‌. గోవాలో జరుగుతున్న ‘ఇంటర్నేషనల్‌ ఫిల్మ్‌ ఫెస్టివల్‌ ఆఫ్‌ ఇండియా (ఇఫీ)’ కార్యక్రమానికి హాజరయ్యారు బచ్చన్‌. సినిమా మాద్యమం ప్రజలందర్నీ ఒక దగ్గరకు తీసుకొస్తుందనే విషయం మీద బచ్చన్‌ మాట్లాడుతూ– ‘‘ప్రస్తుతం ఉన్న ఫాస్ట్‌ యుగంలో రకరకాల కారణాలతో మనందరం ఒకరి నుంచి ఒకరం విడిపోతున్నాం. సినిమా వల్ల మనందరం కలిసి ఉండొచ్చు. అలాంటి సినిమాలు చేసే దిశగా ప్రయత్నిద్దాం. సృజనాత్మకమైన సినిమాలతో శాంతిని తీసుకొద్దాం’’ అన్నారు. ఇఫీ ప్రారంభోత్సవంలో అతిథిగా పాల్గొన్నారు అమితాబ్‌. అలానే బచ్చన్‌ నటించిన ‘షోలే, దీవార్, పా, బ్లాక్, పీకు’ వంటి చిత్రాలు ‘ఇఫీ’లో ప్రదర్శితం కానున్నాయి. ఇఫీ హైలైట్స్‌... ► ఇఫీ గోల్డెన్‌ జూబ్లీ జరుపుకుంటున్న సందý‡ర్భంగా గతంలో ఆస్కార్‌ మెప్పు పొందిన పాత సినిమాలను కొన్నింటిని ప్రదర్శించాలని నిర్ణయించుకున్నారు. ఇందులో భాగంగా ‘కాసాబ్లాంకా’ (1942) చిత్రాన్ని ప్రదర్శించి ఆ చిత్ర జ్ఞాపకాల గురించి చర్చించుకున్నారు. ► ఈ గోల్డెన్‌ జూబ్లీ సంవత్సరంలో రష్యాను ఫోకస్‌ కంట్రీగా భావించి ఆ దేశంతో ఆచార్య వ్యవహారాలను మరింత బలపరచాలని నిశ్చయించుకున్నారు. ఇందులో భాగంగా ఎనిమిది రష్యన్‌ సినిమాలను ప్రదర్శించనున్నారు. గతంలో రాజ్‌ కపూర్‌ నటించిన సినిమాలు రష్యాలో పాపులర్‌ అయ్యేవి. ► ఇఫీ జ్యూరీ మెంబర్‌గా ఉన్న మలయాళ దర్శకుడు ప్రియదర్శన్‌ ప్రస్తుతం వస్తున్న సినిమాల క్వాలిటీపై తన అసంతృప్తిని వ్యక్తం చేశారు. ‘‘ఈ ఏడాది మేం (జ్యూరీ) చూసిన 314 సినిమాల్లో 20 సినిమాలే అద్భుతంగా ఉన్నాయి. మిగతావన్నీ మాములుగా ఉన్నాయి. ఈసారి కంటెంట్‌పై సంతృప్తిగా లేను. ప్రస్తుత కాలంలో కెమెరా ఉంటే ఎవరైనా దర్శకుడు అయిపోయి సినిమా తీయొచ్చు. కానీ మా రోజుల్లో చాలా కష్టపడాల్సి ఉండేది. మా అప్పుడు డైరెక్టర్‌ అవ్వాలంటే చాలా ఏళ్లు పట్టేది’’ అని ప్రియదర్శన్‌ పేర్కొన్నారు. ప్రియదర్శన్‌ ‘కాసాబ్లాంకా’లో ఓ దృశ్యం

ఇంటర్నేషనల్‌ ఫిల్మ్‌ ఫెస్టివల్‌ ఆఫ్‌ ఇండియా ఈ ఏడాది గోల్డెన్‌ జూబ్లీ జరుపుకోనుంది. గోవాలో జరగనున్న ఈ ఫిల్మ్‌ ఫెస్టివల్‌ను భారీగా నిర్వహించనున్నట్టు సమాచారం. గోల్డెన్‌ జూబ్లీ సందర్భంగా రజనీకాంత్‌కు ‘ఐకాన్‌ ఆఫ్‌ గోల్డెన్‌ జూబ్లీ’ అనే అవార్డు ప్రదానం చేయనున్నారని కేంద్ర మంత్రి ప్రకాశ్‌ జవ్‌దేకర్‌ తెలిపారు. ‘‘గత కొన్నేళ్లుగా భారతీయ సినిమాకు రజనీకాంత్‌ అందిస్తున్న సేవలను గుర్తించి ‘ఐఎఫ్‌ఎఫ్‌ఎఫ్‌ 2019’లో ఆయనకు ఈ అవార్డు అందిస్తాం’’ అని ట్వీట్‌ చేశారు ప్రకాశ్‌. ‘‘ఈ గౌరవాన్ని నాకు ప్రదానం చేస్తున్న భారత ప్రభుత్వానికి ధన్యవాదాలు’’ అని రజనీకాంత్‌ తన ట్వీటర్‌ ద్వారా తెలిపారు. ఈ ఉత్సవంలో ఫ్రెంచ్‌ నటి ఇసబెల్లా హుప్పెర్ట్‌కు జీవిత సాఫల్య పురస్కారం అందించనున్నారు. నవంబర్‌ 20 నుంచి 28 వరకూ ఈ ఫిల్మ్‌ ఫెస్టివల్‌ జరగనుంది.

విక్టరీ వెంకటేశ్‌, మెగా ప్రిన్స్‌ వరుణ్‌ తేజ్‌ కాంబినేషన్‌లో తెరకెక్కిన ‘ఎఫ్‌2 (ఫన్‌ అండ్‌ ప్రస్ట్రేషన్‌)’ ఈ ఏడాది సంక్రాంతికి విడుదలై ఘనవిజయం సాధించిన సంగతి తెలిసిందే. అనిల్‌ రావిపూడి దర్శకత్వంలో రూపొందిన ఈ చిత్రాని శ్రీ వెంకటేశ్వర క్రియేషన్స్‌ బ్యానర్‌పై ప్రముఖ నిర్మాత దిల్‌రాజ్‌ నిర్మించారు. ప్రతీ ఇంట్లో రెగ్యులర్‌గా జరిగే సన్నివేశాల నుంచే కామెడీ జనరేట్‌ చేసిన అనిల్‌.. ఈ చిత్రం బాక్సాఫీస్‌ వద్ద కలెక్షన్ల వర్షం కురిపించేలా చేశాడు. తాజాగా ఈ చిత్రానికి అరుదైన గౌరవం దక్కింది.  ‘ఇండియన్‌ పనోరమ’లో తెలుగు చిత్రపరిశ్రమ నుంచి ప్రదర్శన కోసం ఈ సినిమా ఎంపికైంది. 50వ ఇంటర్నేషనల్‌ ఫిల్మ్‌ ఫెస్టివల్‌ ఆఫ్‌ ఇండియా (ఐఎఫ్‌ఎఫ్‌ఐ) ఉత్సవాలు నవంబర్‌లో గోవాలో జరగనున్నాయి. ఈ ఫెస్టివల్‌లో ఎఫ్‌2 చిత్రాన్ని ప్రదర్శించనున్నారు. ఎఫ్‌2 చిత్రం ఐఎఫ్‌ఎఫ్‌ఐ-2019 ప్రదర్శనకు ఎంపిక కావడంపై దిల్‌ రాజ్‌, అనిల్‌ రావిపూడి సంతోషం వ్యక్తం చేశారు. ఈ చిత్రాన్ని ఆదరించిన ప్రేక్షకులకు కృతజ్ఞతలు తెలిపారు. ఈ సినిమా కోసం పనిచేసిన వారికి శుభాకాంక్షలు తెలియజేశారు. కాగా, వెంకటేశ్, వరుణ్‌తేజ్‌ హీరోలుగా తమన్నా, మెహరీన్‌ హీరోయిన్లుగా తెరకెక్కిన ఈ చిత్రంలో రాజేంద్రప్రసాద్‌, అన్నపూర్ణ, రజిత, ప్రగతి, అనసూయ, ప్రకాశ్‌రాజ్‌, ప్రియదర్శి, రఘుబాబు ఇతర ప్రధాన పాత్రలో నటించారు. దేవీ శ్రీ ప్రసాద్‌ సంగీతం అందించాడు.

విశిష్ట దర్శకుడు, ‘కళాతపస్వి’ కె.విశ్వనాథ్‌  జీవితం ఆధారంగా తెరకెక్కిన చిత్రం ‘విశ్వదర్శనం’. ‘వెండితెర చెప్పిన బంగారు దర్శకుని కథ’ అన్నది ట్యాగ్‌లైన్‌. కె.విశ్వనాథ్‌ లీడ్‌ రోల్‌లో పీపుల్స్‌ మీడియా పతాకంపై టి.జి. విశ్వప్రసాద్, వివేక్‌ కూచిభొట్ల నిర్మించారు. ప్రముఖ మాటల రచయిత, దర్శకుడు జనార్థన మహర్షి దర్శకుడు. ఇటీవల ‘సౌత్‌ ఏషియన్‌ ఫిల్మ్‌ ఫెస్టివల్‌ 2019’లో డాక్యుమెంటరీ విభాగంలో (పనోరమ సెక్షన్‌) ‘విశ్వదర్శనం’ ఎంపికైన విషయం తెలిసిందే. ఇప్పుడు ఈ చిత్రానికి మరో అరుదైన గౌరవం లభించింది. అదేంటంటే.. దాదాసాహెబ్‌ అంతర్జాతీయ చలన చిత్రోత్సవాల్లో ప్రత్యేక కథ విభాగంలో ఈ చిత్రానికి పురస్కారం లభించింది. డిల్లీలో ఈ అవార్డు అందుకున్న జనార్థన మహర్షి మాట్లాడుతూ– ‘‘నా జీవితంలో నేను సాధించిన విజయాల్లో ఇది ఎంతో మరపు రానిది. కె. విశ్వనాథ్‌గారి జీవితం ఆధారంగా తెరకెక్కించిన చిత్రానికి ఈ పురస్కారం రావడం నా ఆనందానికి అవధులు లేవు. ఈ చిత్రం మరెన్నో జాతీయ, అంతర్జాతీయ చలన చిత్రోత్సవాల్లో ఇక నుంచి ప్రదర్శించబడుతుంది’’ అని చెప్పారు.

అందాల అభినేత్రి సావిత్రి జీవితంపై తెరకెక్కిన చిత్రం ‘మహానటి’. టైటిల్‌ రోల్‌ను కీర్తీ సురేశ్, ఇతర ముఖ్య పాత్రలను సమంత, దుల్కర్‌ సల్మాన్, విజయ్‌ దేవరకొండ తదితరులు పోషించారు. నాగ్‌ అశ్విన్‌ దర్శకత్వంలో వైజయంతీ మూవీస్, స్వప్న సినిమాస్‌ సంయుక్తంగా నిర్మించిన ‘మహానటి’ చిత్రం ఈ ఏడాది మేలో విడుదలై ఘనవిజయం సాధించింది. అలాగే ఇప్పటికే ఈ చిత్రం పలు చిత్రోత్సవాలకు ఎంపికైంది.  తాజాగా ఈ చిత్రానికి మరో అరుదైన గౌరవం దక్కింది. ‘ఇండియన్‌ పనోరమ’లో తెలుగు చిత్రపరిశ్రమ నుంచి ప్రదర్శన కోసం ఈ సినిమా ఎంపికైంది. 49వ ‘ఇంటర్నేషనల్‌ ఫిల్మ్‌ ఫెస్టివల్‌ ఆఫ్‌ ఇండియా (ఐఎఫ్‌ఎఫ్‌ఐ) ఉత్సవాలు ఈనెలలో గోవాలో జరగనున్నాయి. అందులో భాగంగా ‘మహానటి’ చిత్రాన్ని అక్కడ ప్రదర్శిస్తారు. హిందీ, తమిళ, మలయాళం, తుళు... ఇలా భారతీయ భాషల నుంచి 22 చిత్రాలు ఈ చిత్రోత్సవాల్లో ప్రదర్శనకు అర్హత పొందాయి. తెలుగు ఇండస్ట్రీ నుంచి ఈ ఏడాది ఆ గౌరవం ‘మహానటి’కి దక్కింది.


    గోవాలో 47వ ఇంటర్నేషనల్ ఫిల్మ్ ఫెస్టివల్ ఆఫ్ ఇండియా
   47వ ఇంటర్నేషనల్ ఫిల్మ్ ఫెస్టివల్ ఆఫ్ ఇండియా (ఇఫి) గోవాలో నవంబర్ 20న ప్రారంభమైంది. ఇందులో కేంద్ర సమాచార, ప్రసార శాఖ మంత్రి ఎం. వెంకయ్యనాయుడు, పలువురు సినీ ప్రముఖులు పాల్గొన్నారు. 88 దేశాలకు చెందిన 194 చిత్రాలు: గోవాలో న వంబర్ 20న ప్రారంభమైన ఈ చిత్రోత్సవం ఈ నెల 28 వరకు జరుగుతుంది. ఇందులో 88 దేశాలకు చెందిన 194 చలనచిత్రాలను ప్రదర్శించనున్నారు. ప్రఖ్యాత చిత్రం ఆఫ్టర్ ఇమేజ్ ప్రదర్శనతో చిత్రోత్సవం ప్రారంభమైంది. 
  
  పురస్కారాలు ప్రదానం: ఈ వేడుకలో దక్షిణ కొరియా దిగ్గజ దర్శకుడు ఇమ్ క్వొన్ టిక్‌కు జీవిత కాల సాఫల్య పురస్కారాన్ని అందజేశారు. ప్రముఖ గాయకుడు ఎస్పీ బాలసుబ్రహ్మణ్యంకు శత వసంత భారతీయ చలన చిత్ర మూర్తిమత్వ పురస్కారాన్ని ప్రదానం చేశారు.  ఇజ్రాయెల్ అధ్యక్షుడు రుయ్‌వెన్ రివ్లిన్ భారత్ పర్యటనఇజ్రాయెల్ అధ్యక్షుడు రుయ్‌వెన్ రివ్లిన్ నవంబర్ 15న ప్రధాని నరేంద్రమోదీతో సమావేశమయ్యారు. 
  
  ఈ సందర్భంగా ఇరువురు నేతలు వాణిజ్యం, పెట్టుబడులు, వ్యవసాయం, నీటి వనరులు, విద్య, పరిశోధనలపై చర్చించారు. రక్షణ రంగంలో భాగస్వామ్యాన్ని, ఉగ్రవాదంపై పోరులో సహకారాన్ని బలోపేతం చేసుకోవాలని నిర్ణయించారు. ఇందులో భాగంగా రెండు దేశాలు వ్యవసాయం, నీటి నిర్వహణలో సహకారానికి సంబంధించిన ఒప్పందాలపై సంతకాలు చేశాయి. కరువు ప్రాంతాల్లో ఇజ్రాయెల్ వినియోగిస్తున్న సూక్ష్మ నీటిపారుదల పరిజ్ఞానాన్ని ప్రధాని కొనియాడారు. ఆ టెక్నాలజీని భారత్‌లోని నీటి నిర్వహణ, పరిరక్షణ, శాస్త్రీయ పరిశోధన రంగాల్లో వినియోగించడంపై దృష్టి కేంద్రీకరించినట్లు తెలిపారు.
  
  నక్సల్స్‌పై పోరుకు సీఆర్‌పీఎఫ్ మహిళా కమాండోలు
  జార్ఖండ్‌లో నక్సల్స్‌పై పోరాడేందుకు తొలిసారిగా మహిళా కమాండోలను సీఆర్‌పీఎఫ్ వినియోగిస్తోంది. 135 మంది మహిళా కమాండోలు రాంచీ సమీపంలోని ఖూంటి ప్రాంతంలో జరుగుతున్న నక్సల్స్ వ్యతిరేక కార్యకలాపాల్లో పాల్గొంటున్నారు. 
  
   వాయు కాలుష్యంతో భారత్‌లో రోజుకు 3,283 మంది మృతి
  వాయు కాలుష్యం వల్ల 2015లో భారత్‌లో రోజుకు 3,283 మంది మరణించినట్లు గ్రీన్ పీస్ సంస్థ నవంబర్ 16న ప్రకటించిన నివేదికలో పేర్కొంది. అత్యధిక మరణాలు సంభవిస్తున్న దేశంగా చైనాను భారత్ అధిగమించినట్టు వెల్లడైంది. చైనాలో రోజుకు 3,233 మంది మరణించారు. 
  
   పర్యావరణ మార్పుల పనితీరు సూచీలో భారత్‌కు 20వ ర్యాంకు
  పర్యావరణ మార్పుల పనితీరు సూచీ (సీసీపీఐ)లో భారత్ ఆరు స్థానాలు మెరుగుపరుచుకుని 20వ ర్యాంక్‌కు చేరింది. జర్మన్ వాచ్ అండ్ క్లైమేట్ యాక్షన్ నెట్‌వర్క్ యూరప్ సంస్థ ఈ ఏడాది (2016)కి 58 దేశాలకు నవంబర్ 17న ర్యాంకులు ప్రకటించింది. ఇందులో వర్ధమాన దేశాలు.. పారిశ్రామిక దేశాల విధానాలను అనుకరించకుండా సొంత పర్యావరణ హిత మార్గాలను పాటించాలని సూచించింది. ఉద్గారాల విషయంలో భారత్ పనితీరు బాగుందని, పునరుత్పాదక ఇంధన వినియోగంలో మెరుగుపడిందని పేర్కొంది. 
  
   సంతోషానికి కేరాఫ్ డెన్మార్క్
  ప్రజలు అత్యంత సంతోషంగా జీవిస్తున్న దేశాల జాబితాలో 2016కు డెన్మార్క్ మొదటి స్థానంలో నిలిచింది. ‘వర్డ్ హ్యాపీనెస్ లెవల్స్’ నవంబర్ 16న విడుదల చేసిన తాజా నివేదికలో ఈ విషయం వెల్లడైంది. 2015లో మూడో స్థానంలో ఉన్న డెన్మార్క్.. ఈ ఏడాది అగ్రస్థానాన్ని కైవసం చేసుకుంది. తర్వాత స్థానాల్లో స్విట్జర్లాండ్, ఐస్‌లాండ్, నార్వే, ఫిన్‌లాండ్‌లు నిలిచాయి. భారత్‌కు ఈ జాబితాలో 118వ స్థానం దక్కింది. జాతీయ స్థూల ఉత్పత్తిలో ప్రజల సగటు ఆదాయాన్ని, వారి ఆరోగ్య ఆయుర్దాయాన్ని, తదితర అంశాల ఆధారంగా 156 దేశాలకు ర్యాంకులు ఇచ్చారు.
  
   అవినీతి ఆరోపణలపై రష్యా ఆర్థిక మంత్రి అరెస్ట్
  రష్యా ఆర్థిక మంత్రి అలెక్సీ ఉల్యుకేవ్‌ను అవినీతి ఆరోపణలపై ఆ దేశ అధికారులు నవంబర్ 13న అదుపులోకి తీసుకున్నారు. ప్రభుత్వ ఆయిల్ రిఫైనరీ రాస్నెట్.. మరో కంపెనీ బాష్నెట్‌ను కొనుగోలు చేయడానికి అనుమతి ఇచ్చినందుకు రెండు మిలియన్ డాలర్లను లంచంగా తీసుకున్నట్లు అభియోగాలు నమోదయ్యాయి. ఉల్యుకేవ్ దోషిగా తేలితే 15 ఏళ్ల వరకు జైలుశిక్ష పడొచ్చు.
  
   సౌర కూటమి ముసాయిదా ఒప్పందం
  ప్రధానమంత్రి నరేంద్రమోదీ ప్రతిపాదించిన అంతర్జాతీయ సౌర కూటమి 
  (ఐఎస్‌ఐ) ముసాయిదా ఒప్పందంపై 20కి పైగా దేశాలు మారకేష్ (మొరాకో)లో నవంబర్ 15న సంతకాలు చేశాయి. ఇది ఆమోదం పొందితే ఐఎస్‌ఏ ఒక ప్రధాన అంతర్జాతీయ సంస్థగా ఏర్పడుతుందని కేంద్ర పర్యావరణ శాఖ మంత్రి అనిల్ మాధవ్ దవే తెలిపారు. ఐఎస్‌ఐ భారత్ కేంద్రంగా పనిచేస్తుంది.
  
   ఇంటర్నేషనల్ వర్డ్ ఆఫ్ ద ఇయర్‌గా పోస్ట్-ట్రూత్
  ఇంటర్నేషనల్ వర్డ్ ఆఫ్ ద ఇయర్‌గా ఆక్స్‌ఫర్డ్ డిక్షనరీ ‘పోస్ట్-ట్రూత్’ పదాన్ని  నవంబర్ 16న ప్రకటించింది. పోస్ట్-ట్రూత్.. ఆల్ట్-రైట్, బ్రెక్సిటీర్ పదాలను అధిగమించి తొలి స్థానంలో నిలిచింది. ఈ పదాన్ని 2015తో పోల్చితే 2016లో ఎక్కువగా వాడారని ఆక్స్‌ఫర్డ్ డిక్షనరీ తెలిపింది. ప్రజాభిప్రాయ నిర్ణయంలో వాస్తవాల కంటే భావోద్వేగం, వ్యక్తిగత నమ్మకాలే అధికంగా ప్రభావితం చూపడాన్ని పోస్ట్-ట్రూత్‌గా పేర్కొంటున్నారు.
  
   పారిస్ ఒప్పందం అమలుకు తుది గడువు 2018
  పర్యావరణ మార్పులపై పోరాటానికి ఉన్నత స్థాయి రాజకీయ నిబద్ధత కావాలని మారకేష్‌లో జరిగిన ఐక్యరాజ్యసమితి వాతావరణ సదస్సులో 200 దేశాలు అభిప్రాయపడ్డాయి. ఈ సందర్భంగా నవంబర్ 18న 196 దేశాలు, ఐరోపా సమాజం సహా అన్ని పక్షాలు అంగీకారం తెలిపిన మారకేష్ చర్యల ప్రకటనను విడుదల చేశారు. పారిస్ ఒప్పందం అమలుకు సంబంధించిన నిబంధనలకు తుది రూపం ఇచ్చేందుకు 2018ను గడువుగా నిర్ణయించారు. 2015, డిసెంబర్‌లో తీసుకువచ్చిన పారిస్ ఒప్పందం అమలు కోసం ఆచరణాత్మక చర్యల ముసాయిదా రూపకల్పనకు మారకేష్ సదస్సు జరిగింది. పారిస్ ఒప్పందానికి ఇప్పటి వరకు 111 దేశాలు అంగీకారం తెలిపాయి.
  
   అక్టోబర్‌లో తగ్గిన టోకు ధరల ద్రవ్యోల్బణం
  అక్టోబర్‌లో టోకు ధరల సూచీ (డబ్ల్యూపీఐ) 3.39 శాతంగా నమోదైంది. కేంద్ర ప్రభుత్వం నవంబర్ 15న విడుదల చేసిన గణాంకాల ప్రకారం వరుసగా రెండో నెల్లోనూ డబ్ల్యూపీఐ తగ్గుముఖం పట్టింది. ఇది సెప్టెంబర్‌లో 3.57 శాతంగా నమోదైంది. కూరగాయలతోపాటు పలు ఆహార వస్తువుల ధరలు తగ్గడంతో డబ్ల్యూపీఐ ఆధారిత ద్రవ్యోల్బణం తగ్గింది. ఇది 2015, అక్టోబర్‌లో -3.70 శాతంగా నమోదైంది. 
  
   రైతు నెలసరి సగటు ఆదాయం రూ.6,426
  దేశంలో ఒక వ్యవసాయ కుటుంబానికి నెలకు సగటున రూ.6,426 ఆదాయం వస్తున్నట్లు కేంద్ర వ్యవసాయ శాఖ మంత్రి రాధామోహన్ సింగ్ నవంబర్ 18న లోక్‌సభకు తెలిపారు. 2012-13 వ్యవసాయ లెక్కల ప్రకారం ఇది ఏపీలో రూ.5,979, తెలంగాణలో రూ.6,311 ఉన్నట్లు వెల్లడించారు. పంజాబ్‌లోని వ్యవసాయ కుటుంబాలు దేశంలోనే అత్యధికంగా ప్రతి నెలా రూ.18,059 ఆదాయం పొందుతున్నాయి. ఇది పశ్చిమ బెంగాల్‌లో అత్యల్పంగా రూ.3,980 ఉంది. 2012 జూలై నుంచి 
  2013 జూన్ వరకు నిర్వహించిన జాతీయ నమూనా సర్వేలో ఈ విషయం వెల్లడైంది.
  
   యూఏవీ రుస్తుం-2 తొలి పరీక్షలు విజయవంతం: దేశీయ పరిజ్ఞానంతో అభివృద్ధి చేసిన మానవ రహిత వైమానిక వాహనం (యూఏవీ) రుస్తుం-2 (తపస్-201) తొలి పరీక్షలను విజయవంతంగా పూర్తి చేసుకుంది. ఈ పరీక్షలను నవంబర్ 16న కర్నాటకలోని చిత్రదుర్గ వైమానిక పరీక్ష వేదిక (ఏటీఆర్) నుంచి నిర్వహించినట్లు డీఆర్‌డీవో వెల్లడించింది. రెండు టన్నుల బరువు ఉండే రుస్తోం మధ్యస్థ స్థాయి ఎత్తుల్లోని లక్ష్యాలపై దాడి చేయగలదు. దీన్ని నిఘాకు కూడా వినియోగించవచ్చు.
  
   డీఆర్‌డీవో (బెంగళూరు), హెచ్‌ఏఎల్-బీఈఎల్‌లు సంయుక్తంగా రుస్తోంను అభివృద్ధి చేశాయి. చైనా షెంజావు-11 యాత్ర విజయవంతం సొంత అంతరిక్ష కేంద్రం కోసం చైనా అక్టోబర్ 17న ప్రయోగించిన షెంజావు-11 వ్యోమనౌక నవంబర్ 18న భూమికి చేరుకుంది. చైనా వ్యోమగాములు జింగ్ హయ్‌పెంగ్, చెన్‌డాంగ్‌లను అంతరిక్షానికి తీసుకెళ్లిన ఈ నౌక మంగోలియాలో దిగింది. 
  
   చర్మ వైవిధ్యానికి ప్రత్యేక జన్యువులే కారణం 
  మన దేశంలో మనుషుల చర్మ రంగు వైవిధ్యానికి ప్రత్యేక జన్యువులే కారణమని సెంటర్ ఫర్ సెల్యూలార్ అండ్ మాలిక్యులర్ బయాలజీ (సీసీఎంబీ) పరిశోధనలో తేలింది. సీనియర్ ప్రిన్సిపల్ శాస్త్రవేత్త డాక్టర్ కె.తంగరాజ్ నేతృత్వంలో వేర్వేరు దేశాల్లో ఐదు ఇతర సంస్థలతో కలిసి దీనిపై చేసిన తాజా పరిశోధన పత్రం.. ది జర్నల్ ఆఫ్ ఇన్వెస్టిగేటివ్ డెర్మటాలజీ ఆన్‌లైన్ ఎడిషన్‌లో ఈ నెల 17న ప్రచురితమైంది. ఆఫ్రికా దేశాల్లో నలుపు, ఐరోపా దేశాల్లో తెల్ల వాళ్లు ఎక్కువగా ఉంటే భారత్‌లో నలుపు, తెలుపు, ఎరుపు ఇలా వేర్వేరు వర్ణాల్లో ఉన్నారు. మన దేశంలో వేర్వేరు చర్మ రంగులు ఉండటానికి ప్రత్యేక జన్యువు ఆర్‌ఎస్2470102 కారణమని పరిశోధకులు తెలిపారు.
  
   విజయవంతమైన పృథ్వీ-2 పరీక్ష: దేశీయంగా రూపొందించిన అణ్వాయుధ సామర్థ్యం గల పృథ్వీ-2 క్షిపణిని ఒడిశాలోని చాందీపూర్ టెస్ట్ రేంజ్ నుంచి నవంబర్ 21న ఆర్మీ విజయవంతంగా పరీక్షించింది. ఉపరితలం నుంచి ఉపరితలానికి ప్రయాణించే ఈ క్షిపణి 350 కిలోమీటర్ల దూరంలోని లక్ష్యాలను చేధించగలదు. 500, 1000 కిలోల వార్‌హెడ్స్‌ను మోసుకెళ్తుంది. 
  
   యుద్ధనౌక ఐఎన్‌ఎస్ చెన్నై ప్రారంభం: కోల్‌కతా తరగతికి చెందిన క్షిపణి విధ్వంసక యుద్ధనౌక ఐఎన్‌ఎస్ చెన్నైని రక్షణ మంత్రి మనోహర్ పారికర్ నవంబర్ 21న ముంబైలో ప్రారంభించారు. స్వదేశీ పరిజ్ఞానంతో అభివృద్ధి చేసిన ఈ నౌక పొడవు 164 మీటర్లు, బరువు 7,500 టన్నులు. దీనిపై సూపర్‌సోనిక్ బ్రహ్మోస్ క్షిపణులు, బరాక్-8 దీర్ఘ శ్రేణి క్షిపణులను మోహరించొచ్చు.
  


 న్యూఢిల్లీ: త్వరలో జరగనున్న భారత్ అంతర్జాతీయ ఫిలిం ఫెస్టివల్‌లో పాకిస్థాన్ సినిమాలను ప్రదర్శించడం లేదు. పాకిస్థాన్ నుంచి రెండు ఎంట్రీలు రాగా వాటిని తిరస్కరించారు. ఈ నెల 20 నుంచి 28 వరకు గోవాలో ఈ వేడుకలు జరగనున్నాయి. కేంద్ర సమాచార ప్రసార శాఖ మంత్రి వెంకయ్య నాయుడు, సహాయ మంత్రి రాజ్యవర్దన్ సింగ్ రాథోడ్, గోవా ఉప ముఖ్యమంత్రి ఫ్రాన్సిస్ డిసౌజా వివరాలను వెల్లడించారు.   
 
 అంతర్జాతీయ ఫిలిం ఫెస్టివల్కు ప్రపంచ వ్యాప్తంగా 1032 ఎంట్రీలు వచ్చినట్టు తెలిపారు. ఈ వేడుకల్లో 88 థియేటర్లలో 194 సినిమాలను ప్రదర్శించనున్నారు. అయితే పాకిస్థాన్ సినిమాలను ప్రదర్శించడం లేదని స్పష్టం చేశారు. కాగా పాక్ నుంచి ఎంట్రీలు పంపిన సినిమాల పేర్లు గుర్తులేదని, వాటిని తిరస్కరించినట్టు చెప్పారు.
 
 ఉడీ ఉగ్రవాదదాడి అనంతరం పాకిస్థాన్ నటులకు బాలీవుడ్ సినిమాల్లో అవకాశాలు ఇవ్వరాదని చిత్ర నిర్మాతల మండలి నిర్ణయం తీసుకుంది. పాక్ నటులకు తమ సినిమాల్లో అవకాశాలు ఇవ్వబోమని దర్శక, నిర్మాతలు హామీ ఇచ్చారు.
  


 శశికపూర్... పరిచయ వాక్యాలు అవసరంలేని పేరిది. ఎనన్ని చెప్పాలి? ఏమని చెప్పాలి? ఒకటా.. రెండా.. నలభై ఏళ్ల సినిమా చరిత్ర ఆయనది. నాలుగు దశాబ్దాల్లో 160 చిత్రాల్లో నటిస్తే, వాటిలో పన్నెండు ఆంగ్ల చిత్రాలుండటం విశేషం. బాలనటునిగా, హీరోగా, నిర్మాతగా, దర్శకునిగా సినిమా రంగంలో పలు శాఖల్లో తన ప్రతిభ నిరూపించుకుని ‘బహుముఖ ప్రజ్ఞాశాలి’ అనిపించుకున్నారు. సినీ పరిశ్రమకు ఆయన అందించిన సేవలు దాదాసాహెబ్ పురస్కారం (2014) తెచ్చి పెట్టాయి.
 
 ఇప్పటివరకూ ఎన్నో అవార్డులూ, రివార్డులూ అందు కున్న శశికపూర్‌కు గోవాలో జరగనున్న 46వ ‘ఇంటర్నేషనల్ ఫిల్మ్ ఫెస్టివల్ ఆఫ్ ఇండియా’ (ఐ.ఎఫ్.ఎఫ్.ఐ)లో ఓ అరుదైన గౌరవం దక్కనుంది.
 
 వచ్చే నెల 20 నుంచి 30వ తేదీ వరకు జరిగే ఈ చిత్రోత్సవాల్లో శశికపూర్ నటించిన ‘హౌస్ హోల్డర్’, ‘షేక్‌స్పియర్‌వాలా’, ‘దీవార్’, ‘జునూన్’, ‘కలియుగ్’, ‘ఉత్సవ్’, ‘ఢిల్లీ టైమ్స్’, ‘ఇన్ కస్టడీ’ - ఇలా 8 చిత్రాలను స్పెషల్ రెట్రాస్పెక్టివ్ విభాగంలో ప్రదర్శించనున్నారు. ఈ విషయం గురించి శశికపూర్ తనయుడు నటుడు కునాల్ కపూర్  స్పందిస్తూ - ‘‘మా నాన్నగారు నటించిన 8 చిత్రాలను అంతర్జాతీయ చలన చిత్రోత్సవాల్లో ప్రదర్శించాలని డీఎఫ్‌ఎఫ్ (డైరక్టరేట్ ఆఫ్ ఫిలిం ఫెస్టివల్స్) కమిటీ తీసు కున్న నిర్ణయం మాకు సంతోషంగా ఉంది. కానీ, అనారోగ్య కారణాల వల్ల ఆయన స్వయంగా ఈ వేడుకకు హాజరు కాలేరు’’ అని తెలిపారు.