‘‘అమ్మ చేతి వంట అద్భుతం. ఆ రుచే వేరు’’ అంటున్నారు నటి అనుష్కా శర్మ. ఇద్దరు పిల్లలకు తల్లయిన ఆమె వంటల విషయంలో తల్లి సలహాలు తీసుకుంటారట. అది మాత్రమే కాదు.. భర్త విరాట్‌ కోహ్లీ (క్రికెటర్‌) కూడా వంట విషయంలో సహాయం చేస్తారని అనుష్క అంటున్నారు. 2017లో విరాట్‌–అనుష్క పెళ్లి చేసుకున్న విషయం తెలిసిందే. 2021లో ఒక పాప (వామికా), ఈ ఏడాది ఒక బాబు (అకాయ్‌)కి జన్మనిచ్చారు అనుష్కా శర్మ. ఇటీవల ముంబైలో జరిగిన ఓ కార్యక్రమంలో ఆమె తన పిల్లల గురించి పంచుకున్న విశేషాలు ఈ విధంగా...అమ్మ చేతి వంట అద్భుతం మన అమ్మ మనకు వండి పెట్టిన వంటలను మన తర్వాతి తరానికి రుచి చూపించాల్సిన అవసరం చాలా ఉంది. మేం (విరాట్‌–అనుష్క) ఇద్దరం ఫుడ్‌ గురించి చర్చించుకున్నప్పుడు మన అమ్మ మన కోసం వండిన వంటకాల తాలూకు రెసిపీలు మన పిల్లలకు కూడా తెలియాలి అని చెప్పుకున్నాం. అందుకే ఒకసారి తను, ఇంకోసారి నేను వంట చేస్తుంటాం. అచ్చంగా మా అమ్మ మాకు ఎలా వండి పెట్టారో అలాగే చేయడానికి మా వంతు ప్రయత్నం చేస్తాం. ఒక్కోసారి విరాట్‌కి తెలియకుండా నేను మా అమ్మకు ఫోన్‌ చేసి, రెసిపీలు అడుగుతుంటా. ఆ విధంగా తనని మోసం చేస్తుంటాను (సరదాగా). మన పెద్దల తాలూకు విలువైన విషయాలు మన పిల్లలకు నేర్పడం చాలా ముఖ్యం. సంప్రదాయ వంటకాల గురించి వాళ్లకు తెలియజేయాల్సిన అవసరం ఉంది.ఎక్కడికి వెళ్లినా ఆహార నియమాలు తప్పవు మేం రోజుల తరబడి ఇంటిపట్టున ఉండం. ఎక్కువగా ప్రయాణాలు చేస్తుంటాం. అందుకని మా పిల్లలు చాలా మార్పులకు అలవాటు పడాల్సి ఉంటుంది. ముఖ్యంగా మనం ప్రయాణాలు చేస్తున్నప్పుడు ఆహార నియమాల్లో తేడా వస్తుంటుంది. కానీ నేను మాత్రం ఆ తేడా రానివ్వను. ఇంట్లో ఉన్నప్పుడు సరైన సమయానికి ఆహారం తీసుకున్నట్లే వేరే ప్రదేశాలకు వెళ్లినప్పుడూ తీసుకుంటాం. ఆ టైమ్‌ తప్పనివ్వను. అలాగే నిద్రపోయే సమయం కూడా. మేం ఎక్కడ ఉన్నా సరే ఒకే సమయానికి నిద్రపోతాం. ఇలా దినచర్య ప్రాపర్‌గా ఉంటే పిల్లలు వాళ్లను వాళ్లు అందుకు తగ్గట్టుగా మలచుకుంటారు.పిల్లల కోసం సమయం కేటాయించాలి మన పిల్లలు మనకు కొన్ని క్లూస్‌ ఇస్తుంటారు. అవి మనం గ్రహించగలగాలి. వాళ్ల కోసం మనం తగినంత సమయం కేటాయించాలి. నేనెప్పుడూ పిల్లలకు సమయం కేటాయించడానికి ట్రై చేస్తాను. ఇలా చేయడం చాలా ఉపయోగకరంగా ఉంటుంది.మనల్ని పిల్లలు అనుసరిస్తుంటారు పిల్లలకు అమ్మే తొలి టీచర్‌. అయితే నా కూతురికి ఇప్పుడు ఏమైనా నేర్పించాలంటే తను చాలా చిన్నది. అందుకని తనకు ఏమైనా నేర్పించడం అంటే అది కష్టమే. అయితే మనం మన జీవితాలను ఎలా గడుపుతున్నామన్నది ముఖ్యం. మన దైనందిన జీవితంలో మనం ఇతరుల పట్ల కృతజ్ఞత చూపుతున్నామా? మన జీవితంలో ఉన్న విషయాలకు మనం కృతజ్ఞతతో ఉన్నామా? అనేది ముఖ్యం. మనం అలా ఉంటే మన పిల్లలు కూడా అదే పాటిస్తారు. అందుకే ప్రత్యేకంగా నేర్పించే బదులు మనం చేసేవి పద్ధతిగా చేస్తే అది చూసి వాళ్లు నేర్చుకుంటారు... అనుసరించడానికి ప్రయత్నిస్తారు. ఒక్కోసారి పిల్లలు కొంచెం తేడాగా ప్రవరిస్తారు. అయినా ఫర్వాలేదు. ఎందుకంటే వాళ్లు పిల్లలు కాబట్టి. వాళ్లు అమర్యాదగా నడుచుకున్నప్పుడు మనం వేరేలా అనుకోకుండా కరెక్ట్‌గా గైడ్‌ చేయడానికి ప్రయత్నించాలి. మనం మాటల రూపంలోనే అన్నీ చెప్పక్కర్లేదు. మన తీరు బాగుంటే అదే వారికి పెద్ద ఉదాహరణ.

అటు క్రికెట్‌ వరల్డ్‌  ఇటు గ్లామర్ ప్రపంచంలోని పవర్‌ అండ్‌ స్వీట్‌ కపుల్‌ విరాట్‌ కోహ్లీ, అనుష్క శర్మ. తమ తమ రంగాల్లో అద్భుతంగా రాణిస్తూ కోట్లాది ఫ్యాన్స్‌ను సొంతం చేసుకున్నారు.  వీరు ఏం చేసినా ఫ్యాన్స్‌కు అదో  సంచలనమే. తాజాగా వీరి ఫామ్‌ హౌస్‌లో  క్రికెట్‌ పిచ్‌ను నిర్మించనున్నారనే వార్త ఇంటర్నెట్‌లో చక్కర్లు  కొడుతోంది. డిసెంబర్ 11, 2017న వివాహం  చేసుకుని అనుష్క శర్మ, విరాట్ కోహ్లీ  విరుష్కగా ఫ్యామస్‌ అయ్యారు. వీరికి 2021లో   ఆడబిడ్డ (వామిక) జన్మించింది. 2022లో విరుష్క జంట గణేష్ చతుర్థి శుభ సందర్భంగా విలాస వంతమైన ఆస్తిని కొనుగోలు చేశారు. అలీబాగ్‌లోని జిరాద్ సమీపంలో 8 ఎకరాల స్థలాన్ని సొంతం చేసుకున్నారు. దీని విలువు  దాదాపు రూ. 19 కోట్ల 24 లక్షల 50 వేలు అని అంచనా.  దీంతోపాటు ఈ జంటకు అత్యంత విలాసవంతమైన ఆస్తులు కూడా ఉన్నాయి ముంబై, గుర్గావ్‌లో రెండు లగ్జరీ భవనాలతో పాటు,  కొన్ని ఇతర విలువైన ఆస్తులతో  ఈ జంటది  కింగ్-సైజ్ జీవితమని  ఫ్యాన్స్‌ నమ్ముతారు.    అయితే తాజా సమాచారం ప్రకారం లగ్జరీ ఫామ్‌హౌస్ నిర్మాణానికి సంబందించిన అన్ని అనుమతులు పొందిన కోహ్లీ నిర్మాణ పనులను షురూ చేశాడు.  ఇటీవల (ఆదివారం) ఈ ప్రాంతాన్ని సందర్శించి నిర్మాణ పనులను పర్యవేక్షించాడట. ప్రకృతి ప్రేమికులైన విరుష్క జంట విలువైన ఇన్‌పుట్‌లు ఇస్తున్నారట. చక్కటి నిర్మాణ శైలి, పచ్చదనంతో నిండి వుండేలా దీని నిర్మాణాన్ని తీర్చిదిద్దాలని ఆర్కిటెక్ట్‌కి సూచించారట. రియల్ ఎస్టేట్ కంపెనీ సమీరా హాబిటాట్స్ ద్వారా సేకరించిన భూమిలో ఉదయన్ మజుందార్ అండ్‌ బ్లాంకా బ్రేవో రేయిస్ ఆధ్వర్యంలో ఈ  విలాసవంతమైన ఫామ్‌హౌస్‌  సిద్ధమవుతోంది. మాండ్వా జెట్టీకి కేవలం 10 నిమిషాల దూరంలో అలీబాగ్‌లోని ఆవాస్ గ్రామంలోని  4BHK విల్లా, ఇది విల్లాలో నాలుగు బెడ్‌రూమ్‌లు, రెండు కవర్ కార్ గ్యారేజీలు, పౌడర్ రూమ్‌లతో నాలుగు బాత్‌రూమ్‌లు, టెర్రస్, అవుట్‌డోర్ డైనింగ్, ఒక ప్రైవేట్ పూల్, చాలా అవుట్‌డోర్ ఓపెన్ స్పేస్, స్టాఫ్ క్వార్టర్స్   తోపాటు ముఖ్యంగా  కోహ్లీ మేరకు ఈ ప్రాంగణంలోనే క్రికెట్ పిచ్ కూడా ఏర్పాటు చేయనున్నారట. సో.. అతను కావాలనుకున్నపుడు  క్రికెట్‌  ప్రాక్టీస్ చేయవచ్చు లేదా  ఫ్రెండ్స్‌ వచ్చినపుడు సరదాగా  ఆడుకోవచ్చునేది ప్లాన్‌.అయితే ఇటీవల సోషల్‌ మీడియా ఎండార్స్‌మెంట్ల వార్తలపై స్పందించిన ఈ స్టార్‌  క్రికెటర్‌ తాజా ఊహాగానాలపై  కూడా స్పందించారు.  అయితే ఈ వార్తలను విరాట్‌ కోహ్లీ ఇన్‌స్టా స్టోరీలో కొట్టి పారేశారు. 

బాలీవుడ్ నటి తృప్రి డిమ్రీ డేటింగ్ విషయంలో స్పష్టత ఇచ్చింది. న్యూ ఇయర్ సందర్భంగా నటి అనుష్క శర్మ సోదరుడు, నిర్మాత కర్నేష్ శర్మతో డేటింగ్‌లో ఉన్నట్లు అధికారికంగా ప్రకటించింది. తన ఇన్‌స్టా స్టోరీస్‌లో ఇద్దరు ఉన్న ఫోటోను షేర్ చేస్తూ మై లవ్‌ అంటూ ఎమోజీలు జతచేసింది. కొత్త సంవత్సరానికి స్వాగతం పలికేందుకు ఈ జంట సిద్ధమైనట్లు తెలుస్తోంది. నటి తృప్తి డిమ్రీ నెట్‌ఫ్లిక్స్ ప్రసారమైన బుల్బుల్ (2020)లో నటించింది. ఈ చిత్రాన్ని కర్నేష్ తన బ్యానర్‌లో తెరకెక్కించారు. అప్పటి నుంచి డేటింగ్ ఊహాగానాలతో ఈ జంట వార్తల్లో నిలిచింది. అయితే వీరిద్దరూ తమ రిలేషన్ షిప్ గురించి ఎప్పుడూ బహిరంగంగా మాట్లాడలేదు. ఇటీవల ఓ ఇంటర్వ్యూలో ఎవరితోనైనా డేటింగ్ చేస్తున్నారా అని తృప్తిని ప్రశ్నించారు. ఇప్పుడే మా ప్రయాణం మొదలైది. ఇది మాత్రమే ఇప్పుడు చెప్పగలను. నా పెళ్లికి ఇంకా 7-8 సంవత్సరాలు పడుతుందని.' అని చెప్పుకొచ్చింది. తృప్తి ఇటీవలే కాలాలో నటించింది. ఈ చిత్రానికి అనుష్క నుంచి ప్రశంసలు అందుకుంది నటి.    

సాక్షి, ముంబై:  వరుస హిట్లతో దూసుకుపోతున్న బాలీవుడ్‌  హీరోయిన్‌ అనుష్క శర్మ  కొత్త లగ్జరీకారును  సొంతం  చేసుకున్నారట. అతి విలాసవంతమైన  రేంజ్‌ రోవర్‌ ఆటోబయోగ్రఫీ (లాంగ్‌వీల్‌ బేస్‌)  కారును ఖరీదు చేసినట్టు తెలుస్తోంది.  ఈ అల్టిమేట్‌ లగ్జరీ ఎస్‌యూవీ ధర సుమారు. 4కోట్ల రూపాయలు.  సూయి ధాగా, మేడ్ ఇన్ ఇండియా చిత్రాల్లోని నటనతో విమర్శకుల ప్రశంసలను అందుకున్నారు అనుష్క.   మరోవైపు  బాలీవుడ్ సూపర్‌ స్టార్‌  షారూక్‌ ఖాన్‌తో జతగా నటిస్తున్న  ఆనంద్‌ ఎల్‌ రాయ్‌ దర్శకత్వంలో జీరో  సినిమా డిసెంబరు 21న విడుదల కానుంది.  అనుష్క ఈ మూవీలో సైంటిస్టుగా ఒక చాలెంజింగ్‌ రోల్‌ లో కనిపించనున్నారు. కాగా ఇటీవల సింగపూర్‌లో మేడం టుస్సాడ్స్‌ వాక్స్‌ మ్యూజియంలో తన మైనపు బొమ్మను అనుష్క ఆవిష్కరించిన సంగతి తెలిసిందే.

ముచ్చటైన జంట టీమిండియా కెప్టెన్‌ విరాట్ కోహ్లీ, బాలీవుడ్‌ హీరోయిన్‌ అనుష్క శర్మ నటించిన మన్యవార్-మాహే  ప్రకటన గుర్తుందా..ఈ స్వీట్‌ అండ్‌ సెలబ్రిటీ కపుల్‌ పెళ్లికి ముందు చేసిన ఈ యాడ్‌తో   అందరి చూపులనూ కట్టిపడేశారు. అన్యోన్యమైన జంట అంటే ఇలా ఉండాలి అన్నట్టు నటించి ఆకట్టుకున్నారు. అయితే తాజాగా పెళ్లి తరువాత..వీరి వివాహ వార్షికోత్సవానికి కేవలం కొన్ని వారాల ముందు చేసిన అదే మన్యవర్-మోహే ప్రకటన ఇపుడు హల్‌చల్‌ చేస్తోంది. పెళ్లికి ముందు ప్రమాణాలు, పెళ్లి తరువాత ప్రయాణం..ఈ చిలిపి తగాదాలతో చూడముచ్చటగా అద్భుతంగా ఉన్న ఈ యాడ్‌ను చూసి ఆనందించాల్సిందే.. అనుష్క శర్మ  తన ఇన్‌స్టాగ్రామ్‌లో ఈ యాడ్‌ వీడియోను పోస్ట్‌ చేశారు. దీంతో లక్షలాది లైక్‌లు, కమెంట్ల వెల్లువ కురుస్తోంది. ముఖ్యంగా ఈ యాడ్‌ చూసిన అభిమానులు ‘బెస్ట్‌ కపుల్‌ ఆఫ్‌ ది వరల్డ్‌’ అంటూ తెగ మురిసిపోతున్నారు. అటు బాలీవుడ్‌ దర్శకుడు కరణ్‌ జోహార్‌, ధడక్‌ దర్శకుడు శశాంక్‌ ఖైతాన్‌ కూడా తాజా ప్రకటన  చూసి విరాట్‌-అనుష్క జంటపై ప్రశంసలు కురిపించారు. వ్యాపార ప్రమోషన్‌లో  వాణిజ్య ప్రకటనలకు ఉన్న ప్రాముఖ్యత అంతా ఇంతాకాదు.  ఇక సదరు యాడ్‌లకు సెలబ్రిటీల స్పెషల్‌ ఎట్రాక్షన్‌ తోడైతే వినియోగదారులను ఆకట్టుకోవడం చాలా సులువు. ఆ కోవలోనిదే.  ఇండియన్‌ సల్వార్‌ సూట్‌,  సాంప్రదాయ, డిజైనర్‌ వివాహ దుస్తులకు పెట్టింది పేరైన  మాన్యవర్‌-మాహే  ప్రకటన కూడా. View this post on Instagram Celebrating love everyday #SaathSaathHamesha ✨🌟 @manyavarmohey @virat.kohli A post shared by AnushkaSharma1588 (@anushkasharma) on Nov 19, 2018 at 8:42pm PST

సాక్షి, ముంబయి: టీమిండియా కెప్టెన్ విరాట్ కోహ్లీ దంపతులు బోనీ కపూర్ కుటుంబాన్ని కలిసి పరామర్శించారు. ప్రముఖ నటి శ్రీదేవి ఫిబ్రవరి 24న దుబాయ్‌లో ప్రమాదవశాత్తు బాత్‌ టబ్‌ లో పడి మరణించిన విషయం తెలిసిందే. భార్య మరణంతో దుఃఖంలో ఉన్న బోనీ కపూర్‌ను విరాట్‌ కోహ్లీ, అనుష్క శర్మ ఆదివారం కలిసి ప్రగాఢ సానుభూతి తెలిపారు. ఫిబ్రవరి 28న అనుష్క మధ్యప్రదేశ్‌లోని భోపాల్‌లో సినిమా షూటింగ్‌లో బిజీగా ఉన్నారు. అదేవిధంగా శ్రీదేవీ మరణించిన సమయంలో విరాట్ కోహ్లీ దక్షిణాఫ్రికా పర్యటనలో ఉన్నారు. ఆదివారం భోపాల్ నుంచి ముంబయి చేరుకున్న అనుష్క శర్మ తన భర్త విరాట్‌తో కలిసి లోఖండ్‌వాలాలోని శ్రీదేవీ నివాసానికి వెళ్లారు. శ్రీదేవీ మరణవార్త వినగానే అనుష్క ట్విటర్ ద్వారా ఆమె కుటుంబ సభ్యులకు సంతాపం వ్యక్తం చేశారు. ముంబయిలో విరుష్క ఇచ్చిన వివాహ రిసెష్షన్‌కు శ్రీదేవీ, బోనీ కపూర్ దంపతులిద్దరూ హాజరై వధూవరుల్ని ఆశీర్వదించిన విషయం తెలిసిందే.

సాక్షి, న్యూఢిల్లీః   ప్రేమ- పెళ్లి వార్తలో నిత్యం హెడ్‌ లైన్స్‌లో నిలుస్తున్న విరుష్క  జోడీ వెడ్డింగ్‌  రిసెప్షన్‌లో కూడా సందడి చేశారు. జహీర్‌ పెళ్లిలో  కలర్‌ఫుల్‌గా డాన్స్‌ చేసిన ఈ జంట తమ పెళ్లి రిసెప్షన్లో  మరింత అదరగొట్టి హాట్‌ టాపిక్‌ గా నిలిచారు.   అదిరిపోయే కాస్టూమ్స్‌తో రాయల్ లుక్‌లో కనిపించిన వీళ్లిద్దరూ అంతే హుషారుగా  స్టెప్పులేశారు. పంజాబీ మ్యూజిక్‌ కు  జోరుగా  చిందేసిన విరుష్క జోడీ తాజా డాన్స్‌ క్లిప్‌తో  సోషల్‌ మీడియా హోరెత్తిపోతోంది. ఢిల్లీలోని తాజ్ ప్యాలస్‌లో గురువారం రాత్రి వెడ్డింగ్ రిసెప్షన్ తర్వాత  పంజాబీ ట్యూన్స్‌కు చిందేశారు.  ఈ సెలబ్రిటీ జోడీ ఇచ్చిన రిసెప్షన్‌కు ప్రధానమంత్రి నరేంద్ర మోదీ, ఆర్థిక మంత్రి అరుణ్ జైట్లీతోపాటు క్రికెటర్లు శిఖర్ ధావన్, సురేశ్ రైనా, గంభీర్ హాజరయ్యారు. ముఖ్యంగా నోట్లో ఓ కరెన్సీ నోటుతో అనుష్క చేసిన డ్యాన్స్ హైలైట్. విరాట్‌తోపాటు ధావన్‌తో కలిసి నుష్కీ స్టెప్పులేసింది.  ఇక డిసెంబర్‌ 26న  ముంబైలో రెండవ రిసెప్షన్‌లో మరెంత సందడి చేయనున్నారో.. మరోవైపు రాయల్‌ కపుల్‌  వెడ్డింగ్‌ రిసెప్షన్‌పై ట్విట్టర్‌లో అభినందనలు  వెల్లువెత్తాయి. కాగా ఈ ఏడాది నవంబర్‌లో జరిగిన జహీర్, సాగరిక ఘాట్గె రిసెప్షన్ లో కోహ్లీ-అనుష్క మ్యాచింగ్ డ్రస్‌తో హాజరై ఆ కార్యక్రమంలో స్పెషల్ అట్రాక్షన్‌గా నిలవడంతోపాటు ఉత్సాహంగా స్టెప్స్ వేస్తూ అదరగొట్టిన సంగతి తెలిసిందే.   Royal couple... Virushka entry.. #VirushkaReception @AnushkaSharma @imVkohli pic.twitter.com/nxAB7K980s — Nayana (@im_nayana18) December 21, 2017 Glad to be part of your special day @imVkohli & @AnushkaSharma! Wish you both a beautiful life ahead filled with eternal love and companionship! pic.twitter.com/IoACsnB7JE — Suresh Raina (@ImRaina) December 21, 2017

సాక్షి,  ముంబై:  నిన్నటిదాకా విరుష్క పెళ్లి  హాట్‌ టాపిక్‌. ఇపుడిక కొత్త జంట విరాట్ కోహ్లి- అనుష్క శర్మ రిసెప్షన్‌ ఎక్కడజరుగుతోంది అని. ఈ నేపథ్యంలో  ప్రస్తుతం వీరి రిసెప్షన్‌  కార్డు  నెట్‌ లో హల్‌చల్‌ చేస్తోంది. దీంతో విరుష్క వెడ్డింగ్‌ కార్డ్‌ మిస్‌ అయ్యామని ఫీల్ అవుతున్న ఫ్యాన్స్‌ దీంతో ఫుల్‌ ఖుషీ. మరోవైపు ప్రముఖ  కండోమ్‌ తయారీ కంపెనీ ఈ  స్టార్‌ కపుల్‌కు విషెస్‌ తెలుపుతూ ట్విట్‌ చేయడం ఆసక్తికరంగామారింది.  డిసెంబర్‌ నెల 21న ఢిల్లీలో తాజ్‌ డిప్లొమాటిక్‌ ఎంక్లేవ్‌లో బంధువులకు 26న ముంబైలో క్రికెటర్లు, బాలీవుడ్ సెలబ్రిటీలకు  గ్రాండ్‌ రిసెప్షన్‌ ప్లాన్‌ చేసిన సంగతి తెలిసిందే. ఈమేరకు ఆహ్వానితులకు ఇన్విటేషన్లు కూడా అందాయి.  దీంతో  చాలామంది సెలబ్రిటీలు ట్విట్టర్‌ ద్వారా ఈ కొత్త జంటకు విషెస్‌ పోస్ట్‌  చేస్తున్నారు.  ముఖ్యంగా ఆహ్వాన పత్రికను డైరెక్టర్ మహేశ్‌ భట్‌ తన ట్విట్టర్‌లో పోస్ట్‌  చేశారు. వేల రూపాయల విలువైన రిసెప్షన్‌ కార్డుతోపాటు అతిథులను ఆహ్వానించే సమయంలో మరో మర్చిపోలేని గిఫ్ట్ ఇచ్చింది కొత్త జంట. విందుకు ఆహ్వానిస్తూ పంపే కార్డుతోపాటు ఓ మొక్కను కూడా జతచేశారు.. పర్యావరణానికి ఎటువంటి హాని చేయని పేపర్‌బ్యాగులో ఆ మొక్కని పెట్టి కార్డుతో అందిస్తున్నారట.  ప్రముఖ కండోమ్‌  కంపెనీ డ్యూరెక్స్‌ ఇండియా  విరాట్‌-కోహ్లీలకు అభినందనలు తెలుపుతూ  ట్వీట్‌ చేయడం విశేషం. దీంతో  బిప్స్‌- జాన్‌ అబ్రహం  కండోమ్‌ యాడ్‌ను గుర్తు చేసుకుంటున్నారట అభిమానులు. They made it ! Our heartiest congratulations to Anushka & Virat. We pray that this love story goes on forever and ever. Amen !@imVkohli @anushkasharma pic.twitter.com/dk9sqm4WgU — Mahesh Bhatt (@MaheshNBhatt) December 13, 2017 Finally, Virat Kohli bowled his maiden over. #VirushkaKiShadi pic.twitter.com/skZWdcn20y — Durex India (@DurexIndia) December 12, 2017

టీమిండియా కెప్టెన్‌ విరాట్‌ కోహ్లి, బాలీవుడ్‌ హీరోయిన్‌ అనుష్క శర్మల పెళ్లి సోమవారం ఇటలీలోని టస్కలీలో  వైభవంగా జరిగింది. ఈ వివాహనికి అత్యంత సన్నిహితులు మాత్రమే హజరయ్యారు. వీరుష్కల పెళ్లికి సంబంధించిన ఫోటోలు, వీడియోలు సోషల​మీడియాలో హల్‌ చల్‌ చేస్తున్నాయి. వీరికి సంబంధించిన ఇంకో వీడియో ప్రస్తుతం బయటకు వచ్చింది. మైదానంలో తన బ్యాట్‌తో అందిర్నీ అలరించే కోహ్లి తాజాగా తన స్వరంతో అకట్టుకున్నాడు.  వివాహం అనంతంరం రాత్రి ఏర్పాటు చేసిన పార్టీలో కోహ్లి బార్యామణి కోసం ‘ మేరే మెహబూబ్‌.. కాయత్‌ హోగి’..(మిస్టర్‌ ఎక్స్‌ ఇన్‌ బాంబే సినిమాలోని)అనే పాటను పాడాడు. అతని స్వరం విన్నవారు చపట్లు కొడుతూ.. ప్రశంసలతో ముంచెత్తారు. అత్యంత సన్నిహితుల మధ్య సోమవారం ఇంటలీలోని టస్కలీలో విరుష్క జంట ఒక్కటైంది. ప్రపంచంలోనే అత్యంత ఖర్చైన హాలిడే స్పాట్‌లో వీరి పెళ్లి జరిగింది. ఇటలీలోని టస్కనీ ప్రాంతంలో కేవలం వంద మంది జనాభే నివసించే అతి చిన్న గ్రామమైన బిబియానోలో ఉన్న బోర్గో ఫినాచెజియో విల్లాలో ఈ వివాహ వేడుక జరిగింది.  ఆహ్వానం అందిన వారిని మాత్రమే విల్లాలోకి అనుమతించే విధంగా కట్టుదిట్టమైన భద్రతను ఏర్పాటు చేశారు. పెళ్లి తర్వాత డిసెంబర్‌ 26న ముంబైలో వైభవంగా రిసెప్షన్‌ వేడుకను నిర్వహించనున్నారు. ఈ వేడుకకు బీసీసీఐ పెద్దలతో పాటు క్రికెట్, బాలీవుడ్‌లకు చెందిన అతిరథ మహారథులంతా హాజరుకానున్నారు.  


 ముంబై:  బాలీవుడ్ కండల వీరుడు సల్మాన్ ఖాన్  మోస్ట్ ఎవైటెడ్  మూవీ 'సుల్తాన్ ' షూటింగ్లో బాలీవుడ్ భామ అనుష్క శర్మ  బిజీ గా ఉంది.   తొలిసారిగా సల్మాన్ సరసన నటించే అవకాశాన్ని అనూహ్యంగా  దక్కించుకున్న ఈ బ్యూటీ  షూటింగ్ కార్యక్రమాలను శరవేగంగా పూర్తి చేస్తున్నట్టు సమాచారం. ఇప్పటికే  ఆమీర్, షారూక్ లాంటి  బాలీవుడ్  సూపర్ స్టార్లతో నటించి  తన టాలెంట్ ను నిరూపించుకున్న ఈ పీకే భామ మొదటిసారిగా సల్మాన్ కు జోడీగా నటిస్తోంది.
 
 పరిణితీ చోప్రా, కంగనా రనౌత్, క్రితి సనన్ ,దీపికాపదుకొనే కత్రినా లాంటి టాప్ హీరోయిన్ల తో పోటీపడి మరీ అవకాశాన్ని చేజిక్కించుకుంది.  అద్భుతమైన నటనతో పలువురి ప్రశంసలందుకున్న ఈ ముద్దుగుమ్మ ఈ క్యారెక్టర్లో మరింతగా ఒదిగిపోయేందుకు కసరత్తులు చేస్తోందట.
 
 కాగా హరియాణాకు చెందిన 40 ఏళ్ల రెజ్లర్ సుల్తాన్ అలీ ఖాన్ జీవిత కథ ఆధారంగా  రూపొందుతున్న 'సుల్తాన్' 2016 ఈద్కు రిలీజ్ చేయాలని చిత్ర యూనిట్  ప్లాన్ చేస్తోంది. ఆదిత్య చోప్రా నిర్మాతగా అలీ అబ్బాస్ జఫర్ దర్శకత్వంలో వస్తున్న ఈ  చిత్రం సగం షూటింగ్ కార్యక్రమాలను ఇప్పటికే పూర్తి చేసుకుంది.
  


 సైబర్ బాధితులు రోజురోజుకీ పెరిగిపోతున్నారు. ఈ లిస్ట్‌లో తాజాగా అందాల భామ అనుష్కశర్మ కూడా చేరడం బాలీవుడ్‌లో చర్చనీయాంశమైంది. ఆకతాయిలు చేసిన అల్లరి పని వల్ల బాలీవుడ్ నటుడు, నిర్మాత కమల్ ఆర్. ఖాన్‌ని అనవసరంగా నిందించి, చటుక్కున నాలిక కరుచున్నారు అనుష్క. వివరాల్లోకెళితే... మహిళలపై జరుగుతున్న వేధింపుల నేపథ్యంలో దర్శకుడు అనురాగ్ కశ్యప్ ‘దట్‌డే ఆఫ్టర్ ఎవ్విరిడే’ అనే లఘు చిత్రాన్ని తెరకెక్కించారు. ఆ లఘుచిత్రం విపరీతంగా నచ్చేయడంతో ‘అనురాగ్ ప్రయత్నం చాలా బాగుంది’ అని ట్విట్టర్ ద్వారా అభినందించారు అనుష్క. ఎప్పుడైతే ట్విట్టర్‌లో అనుష్క ఈ మెసేజ్ పోస్ట్ చేశారో... అప్పట్నుంచీ ఈ ముద్దుగుమ్మకు వేధింపులు మొదలయ్యాయి. 
  
  కమల్ ఆర్ ఖాన్ పేరు మీద ఉన్న ఫేక్ ట్విట్టర్ ఎకౌంట్ ఈ వేధింపులకు సాధనం అయ్యింది. అనురాగ్ కశ్యప్‌తో అక్రమ సంబంధాన్ని అంటగడుతూ చాలా అసభ్యకరంగా మెసేజ్‌లు రావడం మొదలయ్యాయి. ఈ మెసేజ్‌లు చూసి ఖంగు తినడం అనుష్క వంతైంది. ఇంకేముందీ... కమల్ ఖానే ఈ మెసేజ్‌లను పోస్ట్ చేశాడనుకొని తనకు ఘాటుగా రిప్లయ్ ఇచ్చింది అనుష్క. ఆమెతో పాటు ఆమె అభిమానులు కూడా ఖాన్‌పై విరుచుకుపడ్డారు. దీన్ని చూసి ఖంగు తిన్న ఖాన్... అసలు విషయం చెప్పడంతో నాలిక కరుచుకోవడం అనుష్క వంతైంది. వెంటనే ఖాన్‌ని క్షమాపణ కోరారు అనుష్క. ఈ ఆకతాయి పని చేసిన వారిని పట్టుకునే పనిలో ప్రస్తుతం క్రైమ్‌బ్రాంచ్ పోలీసులు  ఉన్నారు.