‘‘ఇక సమంత సినిమాలకు దూరం. ప్రెగ్నెంట్‌’ అనే వార్త ఫిల్మ్‌నగర్‌లో హల్‌చల్‌ చేస్తోంది. సోషల్‌ మీడియాలోనూ ఇదే ప్రచారం జరుగుతోంది. అయితే తాజా వార్త ఏంటంటే.. సమంత ఓ సినిమాకి సైన్‌ చేశారట. ‘గేమ్‌ ఓవర్‌’ దర్శకుడు అశ్విన్‌ శరవణన్‌ చెప్పిన కథ నచ్చి, ఆమె ఈ సినిమా అంగీకరించారట. ఈ చిత్రకథ సమంత చుట్టూ తిరుగుతుందని టాక్‌. తెలుగు, తమిళ భాషల్లో రూపొందనున్న ఈ చిత్రంలో ‘జీన్స్‌’ ఫేమ్‌ ప్రశాంత్‌ నటించనున్నారు. ఇదిలా ఉంటే ఈ మధ్య సమంత చేసిన ‘యు టర్న్‌’, ‘మజిలీ’, ‘ఓ బేబీ’ చిత్రాలు మంచి విజయాన్ని సొంతం చేసుకున్నాయి. ‘జాను’ ఆశించిన ఫలితం సాధించకపోయినా నటిగా సమంతకు మంచి మార్కులు పడ్డాయి. ఇక ‘యు టర్న్‌’, ‘ఓ బేబీ’ చిత్రాలతో లేడీ ఓరియంటెడ్‌ మూవీస్‌ని నడిపించగలిగే సత్తా సమంతకు ఉందని ప్రూవ్‌ అయింది. ఇప్పుడు అశ్విన్‌ శరవణన్‌ దర్శకత్వంలో అంగీకరించిన సినిమా కూడా కథానాయిక ప్రాధాన్యం ఉన్న సినిమానే అని భోగట్టా. ఇప్పటివరకూ సమంత రెండు ద్విభాషా చిత్రాల్లో చేశారు. ‘ఎటో వెళ్లిపోయింది మనసు’ ఇటు తెలుగు అటు తమిళంలో ఒకేసారి రూపొందింది. అలాగే 2018లో వచ్చిన ‘యు టర్న్‌’ తెలుగు, తమిళ భాషల్లో రూపొందిన విషయం గుర్తుండే ఉంటుంది. ముచ్చటగా మూడోసారి ద్విభాషా చిత్రం చేయనున్నారామె. వచ్చే నెల ఈ చిత్రం రెగ్యులర్‌ షూటింగ్‌ని ఆరంభించాలనుకుంటున్నారట.

నటిగా పదేళ్లు పూర్తి చేసుకున్నారు సమంత. కమర్షియల్‌ సినిమాలు, లేడీ ఓరియంటెడ్‌ సినిమాలు, కామెడీ, లవ్‌ స్టోరీలు.. ఇలా అన్ని జానర్లలో ఆడియన్స్‌కి వినోదం పంచారామె. కానీ పూర్తి స్థాయి హారర్‌ సినిమాలో కనిపించలేదు సమంత. తాజాగా అశ్విన్‌ శరవణన్‌ దర్శకత్వంలో సమంత ఓ సినిమా అంగీకరించిన సంగతి తెలిసిందే. ఇది హారర్‌ సినిమా అని సమాచారం. తమిళ నటుడు, స్నేహ భర్త ప్రసన్న ఇందులో కీలక పాత్ర చేస్తున్నారట. ‘‘ఇది కేవలం హారర్‌ సినిమా మాత్రమే కాదు, అంతకు మించి’’ అని పేర్కొన్నారు సమంత. మార్చి నెలలో చిత్రీకరణ ప్రారంభం కానున్న ఈ సినిమాను ఈ ఏడాది చివరి కల్లా పూర్తి చేస్తారట. తెలుగు, తమిళ భాషల్లో ఈ సినిమా విడుదల కానుంది.

‘జాను’ తర్వాత సమంత ఏ సినిమా చేయబోతున్నారు? అంటే తెలుగు విషయంలో క్లారిటీ లేదు. ఎన్టీఆర్‌–త్రివిక్రమ్‌ కాంబినేషన్లో రూపొందనున్న చిత్రంలో నటించనున్నారని టాక్‌. ఇక తమిళం విషయానికొస్తే.. ‘కాదు వాక్కుల రెండు కాదల్‌’ అనే సినిమా అంగీకరించారు. తాజాగా ఓ లేడీ ఓరియంటెడ్‌ సినిమాకి గ్రీన్‌ సిగ్నల్‌ ఇచ్చారని కోలీవుడ్‌ టాక్‌. ‘మాయ’ (2017), ‘గేమ్‌ఓవర్‌’ (2019) వంటి  చిత్రాలు తెరకెక్కించిన అశ్విన్‌ శరవణన్‌ ఈ సినిమాని తెరకెక్కించనున్నారట. సమంత చేసిన ‘యు టర్న్‌’, ‘ఓ బేబి’ వంటి లేడీ ఓరియంటెడ్‌ సినిమాలు తెలుగులో మంచి హిట్‌ అయ్యాయి. ఇప్పుడు తమిళంలోనూ ఆ మేజిక్‌ని రిపీట్‌ చేస్తారని ఊహించవచ్చు.

‘ఓ బేబీ’ సూపర్‌ సక్సెస్‌ తర్వాత ‘96’ తెలుగు రీమేక్‌లో నటించారు సమంత. శర్వానంద్, సమంత జంటగా ఈ సినిమా తెరకెక్కింది. ‘ఓ బేబీ’ తర్వాత ఇప్పుడు మరో లేడీ ఓరియంటెడ్‌ సినిమాలో కనిపించడానికి సమంత గ్రీన్‌ సిగ్నల్‌ ఇచ్చారని తెలిసింది. తమిళ దర్శకుడు అశ్విన్‌ శరవణన్‌ డైరెక్షన్‌లో ఈ సినిమా తెరకెక్కనుందట. నయనతారతో ‘మాయ’, తాప్సీతో ‘గేమ్‌ ఓవర్‌’ వంటి లేడీ ఓరియంటెడ్‌ సినిమాలు తెరకెక్కించారు అశ్విన్‌ శరవణన్‌. ఈ రెండు సినిమాలు థ్రిల్లర్‌ బ్యాక్‌డ్రాప్‌లో సాగాయి. మరి సమంత నటించబోయే సినిమా కూడా థ్రిల్లర్‌ జానర్‌లోనే ఉంటుందా? చూడాలి. సమంతకు తెలుగు, తమిళంలో మంచి మార్కెట్‌ ఉంది కాబట్టి ఇది ద్విభాషా చిత్రంగానూ రూపొందే అవకాశముంది. సమంత తొలి లేడీ ఓరియంటెడ్‌ సినిమా ‘యు టర్న్‌’ కూడా థ్రిల్లరే.  ఇదిలా ఉంటే ప్రస్తుతం వెబ్‌ సిరీస్‌ ‘ఫ్యామిలీ మ్యాన్‌’ సీజన్‌ 2 చిత్రీకరణలో పాల్గొంటున్నారు సమంత. ఈ సిరీస్‌తో వెబ్‌ వరల్డ్‌లోకి అడుగుపెడుతున్నారామె.

‘‘గేమ్‌ ఓవర్‌’ విజయంతో మా సంస్థపై బాధ్యత మరింతగా పెరిగింది. మా సినిమాని ఆదరిస్తున్న ప్రేక్షకులకు కృతజ్ఞతలు. ఈ విజయం వారిదే’’ అని నిర్మాతలు ఎస్‌.శశికాంత్, చక్రవర్తి రామచంద్ర అన్నారు. తాప్సి లీడ్‌ రోల్‌లో అశ్విన్‌ శరవణన్‌ దర్శకత్వంలో తెరకెక్కిన చిత్రం ‘గేమ్‌ ఓవర్‌’. తెలుగు, తమిళ చిత్రాల నిర్మాణ సంస్థ ‘వై నాట్‌ స్టూడియోస్‌’ నిర్మించిన ఈ సినిమా ఈ నెల 14న విడుదలైంది. ఎస్‌.శశికాంత్, చక్రవర్తి రామచంద్ర మాట్లాడుతూ– ‘‘మా సంస్థ గతంలో తెలుగులో నిర్మించిన ‘లవ్‌ ఫెయిల్యూర్, గురు’ చిత్రాల విజయాల సరసన ‘గేమ్‌ ఓవర్‌’ నిలిచింది. మూడు భాషల్లో సినిమా విజయం సాధించింది. విజయోత్సవ వేడుకలు ఒకేచోట నిర్వహించనున్నాం’’ అన్నారు. ‘‘గేమ్‌ ఓవర్‌’ ప్రేక్షకులకు ఓ సరికొత్త థ్రిల్లింగ్‌ను కలిగిస్తుందని విడుదలకు ముందు చెప్పాను.. ఇప్పుడు ఆ మాట నిజమైంది’’ అన్నారు తాప్సీ. ‘‘గేమ్‌ ఓవర్‌’ సినిమా తెలుగులో నాకు ఎంతో కీర్తిని తెచ్చిపెట్టింది’’ అని  అశ్విన్‌ శరవణన్‌ అన్నారు.

‘‘ప్రేక్షకులు 200–300 రూపాయలు పెట్టి టికెట్‌ కొనుక్కుని రెండు మూడు గంటలు సమయాన్ని వెచ్చించి నా సినిమా చూస్తున్నారు. అలాంటప్పుడు వారిని మెప్పించేలా నా చిత్రాలు ఉండాలి. లేకుంటే వారి డబ్బు, సమయం వృథా. డబ్బు సంపాదించుకోవచ్చు.. కానీ సమయం తిరిగి రాదు.. అందుకే మంచి కథలు ఎంచుకుంటున్నా’’ అని తాప్సీ అన్నారు. ఆమె లీడ్‌ రోల్‌లో అశ్విన్‌ శరవణన్‌ దర్శకత్వంలో తెరకెక్కిన చిత్రం ‘గేమ్‌ ఓవర్‌’. వై నాట్‌ స్టూడియోస్, రిలయన్స్‌ ఎంటర్‌టైన్‌మెంట్స్‌ పతాకంపై ఎస్‌.శశికాంత్‌ నిర్మించిన ఈ సినిమా తెలుగు, తమిళం, హిందీ భాషల్లో ఈ నెల 14న విడుదలవుతోంది. ఈ సందర్భంగా సోమవారం హైదరాబాద్‌లో తాప్సీ పంచుకున్న విశేషాలు...   ఈ సినిమాలో వీల్ చైర్ లో కూర్చొని నటించారు కదా ఎలా అనిపించింది? అవునండీ.. నా లైఫ్ లో ఇప్పటివరకూ ఎలాంటి ఫ్రాక్చర్ జరగలేదు. రెండు కాళ్లు ఫ్రాక్చర్ అయి వీల్ ఛైర్‌లో కూర్చొవడం, నా జీవితంలో ఎప్పుడూ అలాంటి ఎక్స్‌పీరియన్స్ అవ్వలేదు. 60 పర్సెంట్ ఈ సినిమాలో నేను వీల్ చైర్‌లో ఉంటాను. ఫిజికల్లీ అండ్ మెంటల్లీ చాలా డిమాండ్ ఉన్న రోల్ ఇది. యాక్సిడెంట్ జరిగిన ఒక సంవత్సరానికి, మళ్లీ యానివర్సిరీ రియాక్షన్ స్టార్ట్ అయ్యే ఒక ట్రోమా సమస్యతో బాధపడే క్యారెక్టర్. ఆ యాక్సిడెంట్ ఏంటో మీరు సినిమాలో చూడాల్సిందే. ఏ లాంగ్వెజ్ లో అయినా సినిమాను మీ భుజాలపైనే వేసుకుంటున్నారు. ఎలా హ్యాండిల్ చేయగలుగుతున్నారు? అది కాన్ఫిడెన్స్ అనుకోవచ్చా..? (నవ్వుతూ)నిజానికి ఆప్షన్స్ దొరకలేదు. ఇలాంటి స్టోరీలే దొరికాయి కాబట్టి, నేనే నా భుజాలపై మోయాల్సి వస్తుంది. నాకు కూడా ఈ కథలు నచ్చాయి. మా డైరెక్టర్స్ కూడా చాలా బ్రిలియంట్. వాళ్లే నాకు హీరోలు. వాళ్లే అసలైన కెప్టెన్స్. నేను స్క్రిప్ట్ చదువుతున్నప్పుడు కానీ.. షూటింగ్ లో ఉన్నప్పుడు కానీ.. సోలో హీరోయిన్ అని.. ప్రెజర్ ఎక్కువ ఉంటుందని.. నేనెప్పుడూ ఆలోచించలేదు. కానీ ఫస్ట్ పోస్టర్ రిలీజ్ చేసినప్పుడు తాప్సీ ఇన్ గేమ్ ఓవర్ అని వార్తలు వచ్చాయి. అప్పుడు కొంచెం స్ట్రెస్ ఫీల్ అయ్యాను. ఎందుకంటే ఇంతకుముందు ఎప్పుడూ నా పేరు పోస్టర్‌లో రాలేదు. హిందీలో నామ్ షబానా అనే టైటిల్ రోల్ చేసినా కూడా అక్కడ పోస్టర్‌లో పేరు వేయలేదు. ఇది మాత్రం చాలా స్కేరీగా ఉంది. ఇప్పటి వరకూ నేను త్రీ లాంగ్వెజెస్‌లో చేశాను. చాలా లక్కీ.. కానీ నాకు ఇది అసలైన టెస్ట్, కొంచెం నెర్వస్ గా ఉంది. ఒక స్క్రిప్ట్ ను మీరు ఎంపిక చేసుకునేప్పుడు ఏం చూస్తారు? కెరీల్ స్టార్టింగ్‌లో అసలు సినిమా అంటే ఏంటీ.. నటన అంటే ఏంటీ నాకు నిజంగా తెలీదు. నేర్చుకోవాలని ఉండేది.. కానీ ఎలాగో తెలిసేది కాదు. చిన్నచిన్నగా నేర్చుకోవడం మొదలుపెట్టాను. చేసిన తప్పులు మరోసారి చేయకుండా చూసుకునేదాన్ని. ఇప్పుడు స్క్రిప్ట్ విని డిసైడ్ చేసుకోగలుగుతున్నా. స్క్రిప్ట్ విన్న ప్పుడు ఆడియన్స్ పెట్టే డబ్బుకు నేను న్యాయం చేయగలుగుతానా, నా కథ నచ్చుతుందా అని ఆలోచిస్తాను. వాళ్లు పెట్టే డబ్బుకు, టైమ్ కు నా సినిమా నచ్చుతుందా అని ఆలోచిస్తున్నాను. మీరు రియల్ లైఫ్ లో వీడియో గేమ్స్ ఆడుతారా? ఆడేదాన్ని.. స్కూల్, కాలేజ్ డేస్‌లో ఉన్నప్పుడు మారియో, బాట్ మాన్, కాంట్రా ఆడేదాన్ని. ఆ తరువాత ఆడలేదు. బద్లా సినిమా 100 కోట్లు పైగా కలెక్ట్ చేసింది. మీరు ఆడియన్స్‌లో ఎక్స్‌పెక్టేషన్స్ పెంచేశారని అనుకోవడంలేదా? అవును.. నా నుండి మంచి సినిమాలు రావాలని ఆడియన్స్ కూడా కోరుకోవాలనుకుంటాను. ఎక్స్‌పెక్టేషన్స్ లేకుండా కిక్ ఏముంటుంది. ఎక్స్‌పెక్టేషన్స్ లేకుండా సినిమాలు తీసి మాత్రం ఉపయోగం ఏముంది. 100 కోట్లు కలెక్ట్ చేస్తుందా అంటే ఏం చెప్తాం. మ్యాగ్జిమమ్ నా సినిమా అంత కలెక్ట్ చేయాలని ట్రై చేస్తా.. కానీ బద్లా బిగ్ సర్ ప్రైజ్ అందరికీ. ఇంత కలెక్ట్ చేస్తుందని కూడా అనుకోలేదు. అది నాకు చాలా కాన్ఫిడెన్స్ ఇచ్చింది. ఆడియన్స్ ఏదో నవ్వుకోడానికో, ఏదో పాటల కోసమో రారు. థ్రిల్ ఎంజాయ్ చేయడానికి కూడా వస్తారు. అయితే మనం వాళ్లను స్టోరీతో ఎంత ఎంగేజ్ చేస్తున్నాం అనేది ముఖ్యం. గేమ్ ఓవర్ అలాంటిదే.. ఈ సినిమాలో సింగిల్ క్యారెక్టర్ కదా.. ఒక్క క్యారెక్టర్ ఆడియన్స్‌ను ఎంగేజ్ చేయడం ఛాలెంజింగ్‌గా అనిపించడం లేదా? ఒక యాక్టర్‌కు ఇది నిజంగా పరీక్ష లాంటిది. 95 పర్సెంట్ నన్నే చూడాలి ఈ సినిమాలో మీరు.. నా పెర్ఫామెన్స్ తో మీరు రెండు గంటలు సినిమా చూడాలి. మీకు ఆప్షన్ లేదు.. ఇది నాకు టెస్ట్ లాంటిది. హిందీలో సాండ్ కీ ఆంఖ్ చేస్తున్నట్టున్నారు? ఆ రోల్ ను ఒప్పుకోవడానికి డిఫరెంట్ రోల్స్ చేయాలన్న భావనే కారణమా? డిఫరెంట్ రోల్ అండ్ టూ హీరోయిన్ ఒరియంటెడ్ సినిమా కోసం చూస్తున్నాను.. ఆ టైంలో సాండ్ కీ ఆంఖ్ దొరికింది. 65 ఇయర్ ఓల్డ్ గెటప్ లో నటించడం చాలా హ్యాపీగా ఉంది. నాకు ఎక్స్‌పెరిమెంట్స్ అంటే చాలా ఇష్టం అందుకే ఈ స్టోరీ నా దగ్గరకు వచ్చిన వెంటనే గ్రీన్ సిగ్నల్ ఇచ్చాను. మీరు ఇప్పుడు మంచి ఫేజ్ లో ఉన్నారు.. ఇయర్‌కు 3 నుండి 4 సినిమాలు అది కూడా క్వాలిటీ అండ్ క్వాంటిటీ సినిమాలు ఎంపిక చేసుకోవడం ఎలా బ్యాలెన్స్ చేస్తున్నారు..? దేవుని దయ వల్ల నా దగ్గరకు మంచి స్టోరీలే వచ్చాయి.. సో కథలు సెలక్ట్ చేసుకోవడం పెద్దగా కష్టం అనిపించలేదు. సో హ్యాపీగా ఇయర్ కి మూడు నాలుగు సినిమాలు సెలక్ట్ చేసుకొని, వర్క్ చేసుకుంటూ వెళ్లిపోవడమే. కొంచెం ఎక్కువ వర్క్ చేయాల్సి ఉంటుంది. కానీ నాకు ఇయర్ కు మూడు నాలుగు సినిమాలు చేయడం ఇష్టం. అక్షయ్ కుమార్ తో వర్క్ చేశారు కదా.. ఆ ఎక్స్ పీరియన్స్ ఎలా ఉంది..? అక్షయ్ సార్ సాధించిన దాంట్లో సగం సాధించినా చాలు నేను రిటైర్ అవ్వొచ్చు (నవ్వుతూ) రెగ్యులర్ కమర్షియల్ మూవీస్ మిస్ అవుతున్నారా..? ఎక్కువ కాదు... కొంచెం మిస్ అవుతున్నా. కమర్షియల్ మూవీ డెఫినేషన్ మారిపోయింది. మంచి స్టోరీ ఉన్న మూవీ వస్తే గ్లామరస్ రోల్ చేయొచ్చు. కానీ స్టోరీ కూడా ఉండాలి.. ప్రస్తుతం చేస్తున్న సినిమాలు ఏంటి..? తమిళ్ లో ఒక సినిమా ఫైనల్ అయింది. గేమ్ ఓవర్ రిలీజ్ తరువాత ఆ సినిమా ప్రారంభం కానుంది. తెలుగులో రెండు మూడు స్టోరీలు విన్నా ఇంకా ఫైనలైజ్ కాలేదు. కానీ సంవత్సరానికి ఒక సినిమా మాత్రం పక్కా తీస్తా. అశ్విన్ శరవనన్ ఈ సినిమాను హ్యాండిల్ చేస్తాడని మీకు అంత నమ్మకం ఎలా కలిగి ఈ స్టోరీ ఒప్పుకున్నారు..? మయూరి సినిమా చూశారా..? ఈ సినిమా మొత్తం ఒకేసారి చూడలేదు... నాకు చాలా భయం. పార్ట్ పార్ట్‌లుగా చూశాను. తను చాలా బ్రిలియంట్.. రైటింగ్ స్కిల్స్ కూడా సూపర్.. ఇంటర్నేషనల్ స్టాండర్డ్స్. మాయ చూడలేదు. కానీ స్టోరీ చదివాను.. చదివిన దానికంటే సినిమా చాలా బెటర్ ఉంది. అందుకే తనపై నమ్మకంతోనే సినిమా చేశా.. మిమ్మల్ని డైరెక్టర్స్ యాక్ట్రెస్ అని అనొచ్చా..? తప్పకుండా నేను డైరెక్టర్స్ యాక్ట్రెస్‌నే, వారు నాకు చాలా బిగ్గెస్ట్ సపోర్టింగ్ సిస్టమ్ లాంటి వాళ్లు. నా కెరీర్‌లో నేను ఎదగడానికి చాలా హెల్ప్ చేసినవాళ్లు, నేను ఇప్పుడు ఈ స్టేజ్‌లో ఉన్నానంటే వాళ్లే కారణం. పెళ్లి చేసుకునే ప్లాన్స్ ఇప్పుడేమైనా ఉన్నాయా? ఇప్పుడైతే లేవండి.. ఒక ఫ్యామిలీ స్టార్ట్ చేయాలన్న ఆలోచన వచ్చినప్పుడే పెళ్లి చేసుకుంటాను.

ఢిల్లీ బ్యూటీ తాప్సీ పన్ను ప్రధాన పాత్రలో తెరకెక్కుతున్న తాజా చిత్రం గేమ్‌ ఓవర్‌. ఇప్పటికే అన్ని కార్యక్రమాలు పూర్తి చేసుకున్న ఈ మూవీ జూన్‌ 14న ప్రేక్షకుల ముందుకు రానుంది. ఈ సినిమాతో సౌత్‌లో తిరిగి ఫాంలోకి రావాలని భావిస్తున్న తాప్సీ, ప్రమోషన్‌ కార్యక్రమాల్లో బిజీ బిజీగా పాల్గొంటున్నారు. మీడియా ఇంటర్వ్యూలతో పాటు సోషల్ మీడియాలోనూ సినిమాను పెద్ద ఎత్తున ప్రమోట్ చేస్తున్నారు. వరుసగా ఆన్‌లోకేషన్‌కు సంబంధించిన ఫోటోలు వీడియోలను పోస్ట్ చేస్తూ సినిమా మీద అంచనాలు పెంచేస్తున్నారు. తాజాగా తాప్సీ ట్విటర్‌లో పోస్ట్ చేసిన ఓ ఫోటో వైరల్‌ గా మారింది. తీవ్రంగా గాయాలైన చేతి ఫోటోతో పాటు రెండు కాళ్లకు కట్లు ఉన్న ఫోటోను తన ట్విటర్‌లో పోస్ట్ చేశారు తాప్సీ. ‘మంచుతో కప్పబడిన కొండ ప్రాంతంలో 25 రోజుల పాటు షిఫాన్‌ సారీతో షూటింగ్ కష్టం. అందుకే నేను వీటిని ఎంచుకున్నాను’ అం‍టూ కామెంట్ చేశారు. వీడియో గేమ్‌ నేపథ్యంలో తెరకెక్కుతున్న ఈ సినిమాలో తాప్సీ ఎక్కువ భాగం వీల్‌చైర్‌లోనే కనిపించనున్నారు. అందుకోసం ఎంతో ట్రైనింగ్ తీసుకొని మరి ఈ సీన్స్‌ షూట్ చేసినట్టుగా వెల్లడించారు తాప్సీ. అశ్విన్‌ శరవణన్‌ దర్వకత్వంలో తెరకెక్కుతున్న ఈ సినిమాను వైనాట్ స్టూడియోస్‌, రిలయన్స్‌ ఎంటర్‌టైన్మెంట్‌ సంస్థలు సంయుక్తంగా నిర్మిస్తున్నాయి.  Yes yes, chiffon sarees in snow capped mountains for 25 days would’ve been tougher... so I choose all this 🤷🏻‍♀️#GameOver #ActorsLife pic.twitter.com/wypIZXjHNy — taapsee pannu (@taapsee) 9 June 2019

గేమ్‌ ఓవర్‌ అంటున్నారు తాప్సీ. ఇంతకీ ఏ ఆట? ఎవరు ఎవరితో ఆడారు? చివరికి ఎవరి ఆట ముగిసింది? అన్నది తెలియాలంటే ఈ నెల 14 వరకూ వేచి చూడాల్సిందే. తాప్సీ లీడ్‌ రోల్‌లో అశ్విన్‌ శరవణన్‌ దర్శకత్వంలో తెరకెక్కిన చిత్రం ‘గేమ్‌ ఓవర్‌’. వై నాట్‌ స్టూడియోస్‌ పతాకంపై ఎస్‌.శశికాంత్‌ నిర్మించిన ఈ సినిమా తెలుగు, తమిళ, హిందీ భాషలలో ఈ నెల 14న విడుదలవుతోంది. ఈ సందర్భంగా శశికాంత్‌ మాట్లాడుతూ– ‘‘భారతీయ సినీ చరిత్రలో ఇంత వరకూ రాని సరికొత్త కథాంశంతో తెరకెక్కిన చిత్రమిది.  వెన్నులో వణుకు పుట్టించే కథ, కథనాలు ఈ థ్రిల్లర్‌ మూవీ ప్రత్యేకతలు. హిందీ దర్శకుడు అనురాగ్‌ కశ్యప్‌ ఈ చిత్రానికి హిందీలో సమర్పకునిగా వ్యవహరిస్తున్నారు. ప్రపంచవ్యాప్తంగా 1200కు పైగా స్క్రీన్స్‌లో సినిమా రిలీజవుతోంది. మూడు భాషల్లోని చిత్ర ప్రముఖులు ‘గేమ్‌ ఓవర్‌’ ట్రైలర్‌ను చూసి ప్రశంసలతో ట్వీట్స్‌ చేయటంతో ప్రేక్షకుల్లో మా చిత్రంపై అంచనాలు పెరిగాయి. మా బ్యానర్లో వచ్చిన ‘లవ్‌ ఫెయిల్యూర్‌’,‘గురు’ చిత్రాల విజయాల సరసన ఈ ‘గేమ్‌ ఓవర్‌’ నిలుస్తుంది’’ అన్నారు. ‘‘గేమ్‌ ఓవర్‌’ చిత్రం ప్రేక్షకులకు సరికొత్త థ్రిల్‌ను కలిగిస్తుంది. అశ్విన్‌ శరవణన్‌ తెరకెక్కించిన తీరే దీనికి కారణం’’ అన్నారు తాప్సీ. ఈ చిత్రానికి లైన్‌ ప్రొడ్యూసర్‌: ముత్తురామలింగం, సహ నిర్మాత: చక్రవర్తి రామచంద్ర.

తన నటనతో ఆకట్టుకుంటూ వరుసగా హిట్స్‌ కొడుతూ బాలీవుడ్‌, కోలీవుడ్‌లోనూ దూసుకుపోతున్న తాప్సీ.. మరో థ్రిల్లింగ్‌ మూవీతో ప్రేక్షకుల ముందుకు రానుంది. ఈ ఏడాది ప్రారంభంలో అమితాబ్‌ బచ్చన్‌తో కలిసి నటించిన ‘బాద్లా’ సినిమాతో తాప్పీ మంచి విజయాన్ని అందుకుంది. ప్రస్తుతం తాప్సీ ప్రధాన పాత్రలో తెరకెక్కుతున్న ‘గేమ్‌ ఓవర్‌’ ట్రైలర్‌ను విడుదల చేశారు. తెలుగు, తమిళ, హిందీ భాషల్లో తెరకెక్కుతున్న ఈ చిత్ర తెలుగు ట్రైలర్‌ను రానా విడుదల చేశారు. సస్పెన్స్‌ థ్రిల్లర్‌గా రూపొందిన ఈ మూవీలో తాప్సీ నటన ప్రధాన ఆకర్షణగా ఉండబోతోన్నట్లు తెలుస్తోంది. వైనాట్‌ స్టూడియోస్‌ నిర్మిస్తున్న ఈ మూవీకి అశ్విన్‌ శరవణన్‌ దర్శకత్వం వహిస్తున్నాడు.  

తాప్సీ ప్రధాన పాత్రలో తెరకెక్కుతోన్న చిత్రం ‘గేమ్‌ ఓవర్‌’. నయనతారతో ‘మయూరి’ వంటి హిట్‌ సినిమా  తెరకెక్కించిన అశ్విన్‌ శరవణన్‌ ఈ చిత్రానికి దర్శకత్వం వహిస్తున్నారు. సిద్ధార్థ్‌తో ‘లవ్‌ ఫెయిల్యూర్‌’, వెంకటేశ్‌తో ‘గురు’ వంటి చిత్రాలను రూపొందించిన వై నాట్‌ స్టూడియోస్‌ పతాకంపై ఎస్‌. శశికాంత్‌ నిర్మిస్తున్న ఈ సినిమా గురువారం చెన్నైలో ప్రారంభమైంది. శశికాంత్‌ మాట్లాడుతూ– ‘‘సరికొత్త క«థ, కథనాలతో తెలుగు, తమిళ భాషల్లో ఏక కాలంలో రూపొందుతోన్న చిత్రమిది. ఆంధ్రప్రదేశ్, తెలంగాణ, తమిళనాడు రాష్ట్రాల్లోని పలు ప్రదేశాల్లో నేటి నుంచిఈ చిత్రం షూటింగ్‌ జరుపుతాం. మా బ్యానర్‌లో వచ్చిన ‘లవ్‌ ఫెయిల్యూర్, గురు’ విజయాల సరసన ‘గేమ్‌ ఓవర్‌’ కూడా నిలుస్తుందనే నమ్మకం ఉంది’’ అన్నారు. ఈ చిత్రానికి సంగీతం: రోన్‌ ఏతాన్‌ యోహాన్, కెమెరా: ఎ.వసంత్, లైన్‌ ప్రొడ్యూసర్‌: ముత్తురామలింగం, సహ నిర్మాత: చక్రవర్తి రామచంద్ర.


 స్టార్ హీరో... స్టార్ డెరైక్టర్... స్టార్ ప్రొడ్యూసర్... ఇలా ఒక స్టార్ వేల్యూ ఉంటేనే నయనతార సినిమా చేస్తారు. దాంతో పాటు చుక్కలనంటే పారితోషికం తప్పనిసరి. ఇది నిన్నటి మాట. తాజాగా, నయనతార ఓ చిన్న బడ్జెట్ చిత్రంలో నటించడానికి పచ్చజెండా ఊపారు. ఆ సినిమాకి నూతన దర్శకుడు అశ్విన్ శరవణన్ దర్శకత్వం వహించనుండటం ఓ విశేషం కాగా, ఇప్పుడిప్పుడే పైకొస్తున్న ఆరి అనే నటుడి సరసన ఆమె నటించనుండటం మరో విశేషం. ఇప్పటివరకు అగ్రదర్శకుల చిత్రాల్లోనే నటించిన నయనతార ఓ కొత్త దర్శకునికి కాల్షీట్లు ఇవ్వడం టాక్ ఆఫ్‌ది కోలీవుడ్ అయ్యింది.
  
  పైగా, ఇది చిన్న బడ్జెట్ చిత్రం కావడం వల్ల నయనతార పారితోషికం కూడా ఇప్పుడు తను తీసుకుంటున్న ఇతర చిత్రాలకు ఉన్నంత ఉండకపోవచ్చు. ఇది హారర్ నేపథ్యంలో సాగే సినిమా. ఈ కథను ఇటీవల నయనతారకు చెప్పారట అశ్విన్. కథ, తన పాత్ర బాగా నచ్చడంతో ఇతర విషయాల గురించి ఆలోచించకుండా ఈ సినిమా చేయడానికి ఆమె ఒప్పుకున్నారని తెలిసింది. అతి తక్కువ రోజుల్లోనే ఈ చిత్రాన్ని పూర్తి చేయాలనుకుంటున్నారని, అందుకని నయనతార వరుసగా డేట్స్ కూడా ఇచ్చేశారని సమాచారం. దీనికి ‘నైట్ షో’ అనే టైటిల్‌ని ఖరారు చేశారు.