సోషల్ మీడియా వచ్చిన తర్వాత సెలబ్రిటీలకు ప్రైవసీ అనేది లేకుండా పోయింది. దీని బారిన పడి ఇబ్బందులు పడినవాళ్లు ఈపాటికే బోలెడు మంది ఉ‍న్నారు. ఇప్పుడీ లిస్టులో మరో హీరోయిన్ చేరింది. నాగార్జున-పూరీ జగన్నాథ్ కాంబినేషన్‌లో వచ్చిన 'సూపర్' సినిమాతో తెలుగులోకి ఎంట్రీ ఇచ్చిన ఆయేషా టాకియా తాజాగా నెటిజన్ల దెబ్బకు బలైపోయింది. ఏకంగా ఇన్ స్టా అకౌంట్‪‌నే డిలీట్ చేసేంత వరకు వెళ్లింది.(ఇదీ చదవండి: రూ.9 కోట్ల ఇంటిని అమ్మేసిన 'ఫ్యామిలీ మ్యాన్' హీరో)ముంబయికి చెందిన ఆయేషా టాకియా.. 2004-11 మధ్య హిందీలో పలు సినిమాలు చేసింది. సల్మాన్, అజయ్ దేవగణ్, సంజయ్ దత్ లాంటి స్టార్స్‌తో కలిసి సినిమాలు చేసింది. 2009లో పెళ్లి చేసుకుని.. ఓ రెండేళ్ల తర్వాత పూర్తిగా ఇండస్ట్రీకి దూరమైపోయింది. అప్పటినుంచి ఎప్పుడో ఓసారి కనిపిస్తుండేది. తాజాగా ముంబై ఎయిర్‌పోర్ట్‌లో కొడుకుతో కలిసి కనిపించింది.అయితే ఈమె గుర్తుపట్టలేనంతగా మారిపోయి కనిపించింది. ఆ ఫొటోలు సోషల్ మీడియాలో వైరల్ అయ్యాయి. దీంతో ఈమె ప్లాస్టిక్ సర్జరీ చేసుకుందని చెప్పి ఘోరంగా ట్రోల్ చేశారు. ఈ తాకిడికి తట్టుకోలేకపోయిన ఆయేషా.. ఏకంగా తన ఇన్ స్టా ఖాతానే డిలీట్ చేసి పడేసింది. ఈ ట్రోలింగ్ అంతా కాస్త సద్దుమణిగిన తర్వాత వస్తే రావొచ్చేమో! ఏదేమైనా ఇలా ట్రోల్ చేసి మరీ హీరోయిన్‌ని హడలగొట్టేశారు!(ఇదీ చదవండి: 'మారుతీనగర్ సుబ్రమణ్యం' సినిమా రివ్యూ)

తమ అందాన్ని కాపాడుకోవాలని జాగ్రత్తపడే తారలు కొందరైతే దాన్ని రెట్టింపు చేసుకోవాలని ఉబలాటపడే బ్యూటీలు మరికొందరు. పెద్దగా అవకాశాల్లేక, వెండితెరకు దూరంగా ఉండే ముద్దుగుమ్మలైతే రీఎంట్రీ కోసం ఎన్నో పాట్లు పడుతుంటారు. పైన కనిపిస్తున్న బ్యూటీ ఆయేషా టకియా కూడా అదే కోవలోకి వస్తుంది. సూపర్‌ సినిమాతో తెలుగులో అదరగొట్టిన ఈ హీరోయిన్‌ బాలీవుడ్‌లో దిల్‌ మాంగే మోర్‌, టార్జాన్‌, సలాం ఇ ఇష్క్‌, వాంటెడ్‌, పాఠశాల వంటి హిట్‌ చిత్రాల్లో నటించింది.13 ఏళ్లుగా వెండితెరకు దూరం2011లో వచ్చిన మోద్‌ సినిమాలో చివరిసారిగా కనిపించింది. ఆ మరుసటి ఏడాది ఓ మ్యూజిక్‌ రియాలిటీ షోలోనూ తళుక్కుమని మెరిసింది. అనంతరం సోషల్‌ మీడియాలో మాత్రమే అలరిస్తోంది. తాజాగా ఆమె నీలిరంగు చీర కట్టి ఓ రీల్‌ చేసి ఇన్‌స్టాగ్రామ్‌లో వదలగా అది వైరల్‌గా మారింది. అందులో ఆమె పెదాలు ఉబ్బిపోయి ఉన్నాయి. ఇది చూసిన నెటిజన్లు తన లుక్‌ ఏమీ బాగోలేదని కామెంట్లు చేస్తున్నారు.గుర్తుపట్టలేనట్లుగా మారిపోయిందే..నువ్వు ఏడాది క్రితమే ప్లాస్టిక్‌ సర్జరీ చేయించుకున్నావని తెలుసు. కానీ ఈ పోస్టులో మాత్రం అస్సలు గుర్తుపట్టలేనట్లే ఉన్నావు, తను ఆయేషా టాకియా అంటే నమ్మలేకపోతున్నాను. చిన్నప్పుడు తన సినిమాలు చూసి ముచ్చటపడిపోయాను. ఇప్పుడేంటి, ఇలా అయిపోయింది?, ఒకప్పుడు బాలీవుడ్‌లో రాణిగా వెలుగు వెలిగింది.. రీఎంట్రీ కోసమే ఈ అవతారం ఎత్తిందా? అని కామెంట్లు చేస్తున్నారు. కాగా లిప్‌ ఫిల్లర్స్‌ వేయించుకున్న తర్వాత ఈ బ్యూటీ ముఖమే మారిపోయింది. View this post on Instagram A post shared by 🧿Ayesha Takia Azmi (@ayeshatakia) View this post on Instagram A post shared by 🧿Ayesha Takia Azmi (@ayeshatakia)

బాలీవుడ్ ప్రముఖ నటుడు అభయ్ డియోల్ 'సోచా న తా' అనే సినిమాతో తెరంగేట్రం చేశాడు. ఇంతియాజ్ అలీ దర్శకత్వంలో తెరకెక్కించిన ఈ సినిమాలో అయేషా టాకియా, అపూర్వ జా హీరోయిన్లుగా నటించారు. ఫుల్ రొమాంటిక్ కామెడీ చిత్రంగా 2005లో రిలీజైంది. ఈ రోజుకు సినిమా విడుదలైన 19 ఏళ్లు పూర్తి చేసుకుంది. ఈ సందర్భంగా హీరో అభయ్ డియోల్ చేసిన పోస్ట్‌ సోషల్ మీడియాలో వైరల్‌గా మారింది. ఇంతకీ అదేంటో మీరు ఓ లుక్కేయండి.    అభయ్ తన ఇన్‌స్టాలో రాస్తూ.. 'ఇప్పటికీ కూడా ఈ సినిమా నిన్ననే చేసినట్లు అనిపిస్తోంది. ఆ చిత్రంలో మేము చాలా అమాయకంగా కనిపించాం. ఎందుకంటే అది మాకు ఇంకా నేర్చుకునే సమయం. కానీ ఇప్పటికీ 19 ఏళ్ల తర్వాత కూడా సినిమాలు చేస్తున్నాను. నేను చేసిన సినిమాల ద్వారానే ఒక బ్రాండ్‌ క్రియేట్ చేసుకున్నా. అంతే కానీ పీఆర్‌ టీమ్‌ ద్వారా నేను ఫేమ్ తెచ్చుకోలేదు. నేను ఎంచుకున్న సినిమాల్లో విజయాలు, వైఫల్యాలను స్వయంగా చూశా. నన్ను నేను అనుసరించడం చాలా విలువైన పాఠాలు నేర్పింది. నేను ఎప్పటికీ నాలాగే ఉంటా. ఎందుకంటే నేను ఈ రోజు వ్యక్తిని కాను. సినిమా కోసం నా సొంత స్టైలిస్‌ను పొందాలని కోరుకుంటా. కానీ కొందరు మాత్రం ఆ సినిమాలో నా సైడ్ బర్న్స్ (కణతలు) చూసి 1970ల్లో పోర్న్ స్టార్‌లా ఉన్నారంటూ కామెంట్ చేశారు' అని పోస్ట్ చేశారు. ఇది చూసిన ఆయన ఫ్యాన్స్‌ సోచా న తా సూపర్ హిట్‌ మూవీ సార్ అంటూ కామెంట్స్ పెడుతున్నారు.  View this post on Instagram A post shared by Abhay Deol (@abhaydeol)

ఆయేషా టకియా అంటే గుర్తుపడతారో లేదో కానీ నాగార్జున సినిమా 'సూపర్‌' హీరోయిన్‌ అంటే మాత్రం ఇట్టే కనిపెడతారు. 'సూపర్‌'తో టాలీవుడ్‌లో ఎంట్రీ ఇచ్చిన ఈ బ్యూటీ అప్పటికే బాలీవుడ్‌లోనూ పలు సినిమాలు చేసింది. 'టార్జాన్‌: ద వండర్‌ కార్‌' సినిమాతో ఫిలింఫేర్‌ బెస్ట్‌ డెబ్యూ అవార్డు పట్టేసింది. ఆ తర్వాత 'సోచా న తా', 'సలామ్‌ ఇ ఇష్క్‌', 'వాంటెడ్‌', 'పాఠశాల' వంటి పలు హిట్‌ చిత్రాలతో ప్రేక్షకులకు దగ్గరైంది. కానీ సరైన కథలు ఎంపిక చేసుకోవడంలో తడబడ్డ ఆయేషా వెండితెరపై కనిపించలేదు. అగ్రకథానాయికగా వెలుగులీనిన ఆమె పెళ్లితో ఇండస్ట్రీకి దూరమైంది.  చాలా ఏళ్ల తర్వాత తాజాగా ఆమె ముంబై ఎయిర్‌పోర్ట్‌లో తన కుమారుడితో కనిపించింది. ఆ సమయంలో వెంటనే ఎవరూ ఆమెను కనీసం గుర్తు కూడా పట్టలేకపోయారు. ఆ వీడియో నెట్టింట తెగ వైరల్‌ అయింది. దీంతో చాలామంది ట్రోలర్స్‌ ఆమెపై నెగటీవ్‌ కామెంట్లు చేయడం ప్రారంభించారు. ఆమె రూపం గూరించి చాలా క్రూరంగా ట్రోల్‌ చేశారు. దీంతో ఆమె ఇన్‌స్టాగ్రామ్‌లో ఇలా రియాక్ట్‌ అయ్యారు. ' నా రూపం గురించి మాట్లడటం మినహ దేశంలో ఇతర ఎలాంటి ముఖ్యమైన సమస్యలు లేవని తేలింది. ఒకరి గురించి ఎలా అలాంటి కామెంట్లు చేస్తారు.. నా మీద కామెంట్లతో దాడి చేస్తున్నారా..? అందరూ అనుకుంటున్నట్లు నేను ఇప్పుడు హీరోయిన్‌ను కాదు. మళ్లీ సినిమాల్లో నటించాలనే ఆలోచన లేదు. నేను నా జీవితాన్ని ఆనందంగా గడుపుతున్నాను. మళ్లీ లైమ్‌లైట్‌లోకి రావాలని కోరిక నాకు లేదు. ఏ సినిమాలోనూ నేను ఉండాలని కోరుకోవడం లేదు.' అని తెలిపింది. ఫ్యాట్ షేమింగ్ గురించి, అయేషా ప్రతి ఒక్కరిపై లాజిక్‌తో విరుచుకుపడింది, 'టీనేజ్‌లో ఉన్న అమ్మాయి బాగా అందంగానే కనిపిస్తుంది. అదే అమ్మాయి 15 ఏళ్ల తర్వాత కూడా ఒకేలా కనిపించాలని ఆశించడం హాస్యాస్పదమైన విషయం. మీతో పాటు సంతోషంగా జీవించే అమ్మాయిని కోరుకోండి.. దయచేసి అందంగా ఉన్న అమ్మాయిల్ని వేరు చేయకండి. జీవితంలో ఏదైనా మంచిపని చేయండి, అభిరుచిని పొందండి, సరదాగా భోజనం చేయండి, మీ స్నేహితుడితో మాట్లాడండి, ఎప్పుడూ చిరునవ్వుతో ఉండండి, మీరు కోరుకున్నట్లుగా ఎదుటివారు కనిపించడంలేదని ఆందోళన వద్దు.' అని హితభోదన చేసింది. ఈ నోట్‌ తర్వాత ట్రోలర్స్‌ నుంచి ఎలాంటి కామెంట్లు రాలేదు. ఏదేమైనా ఆమె మళ్లీ సినిమాల్లోకి రావడం ఇష్టం లేదని చెప్పడంతో ఫ్యాన్స్‌ కొంతమేరకు నిరాశ చెందారు. View this post on Instagram A post shared by Viral Bhayani (@viralbhayani)

ఆయేషా టకియా అంటే గుర్తుపడతారో లేదో కానీ 'సూపర్‌' హీరోయిన్‌ అంటే మాత్రం ఇట్టే కనిపెడతారు. 'సూపర్‌'తో టాలీవుడ్‌లో ఎంట్రీ ఇచ్చిన ఈ బ్యూటీ అప్పటికే బాలీవుడ్‌లోనూ పలు సినిమాలు చేసింది. 'టార్జాన్‌: ద వండర్‌ కార్‌' సినిమాతో ఫిలింఫేర్‌ బెస్ట్‌ డెబ్యూ అవార్డు పట్టేసింది. ఆ తర్వాత 'సోచా న తా', 'సలామ్‌ ఇ ఇష్క్‌', 'వాంటెడ్‌', 'పాఠశాల' వంటి పలు హిట్‌ చిత్రాలతో ప్రేక్షకులకు దగ్గరైంది. కానీ సరైన కథలు ఎంపిక చేసుకోవడంలో తడబడ్డ ఆయేషా 'షాదీ సే పెహ్లే', 'క్యాష్‌'.. వంటి కమర్షియల్‌ ఫ్లాప్‌ చిత్రాలతో వెనుకబడిపోయింది. 'ఐయామ్‌ ఎ కాంప్లేన్‌ గర్ల్‌..' అంటూ షాహిద్‌ కపూర్‌తో యాడ్స్‌లో నటించడం దగ్గర నుంచి వెండితెరపై అగ్రకథానాయికగా వెలుగులీనిన ఆమె పెళ్లితో ఇండస్ట్రీకి దూరమైంది.  ఆయేషా.. మొదట కమర్షియల్‌ యాడ్స్‌లో కనిపించింది. తర్వాత మ్యూజిక్‌ ఆల్బమ్స్‌లో.. అక్కడి నుంచి సినిమాల్లోకి ప్రవేశించింది. ఈ సమయంలో సమాజ్‌వాదీ పార్టీ నేత, వ్యాపారవేత్త ఫర్హాన్‌ అజ్మీతో ప్రేమలో పడింది. వీరిద్దరూ 2005 నుంచి ప్రేమలో మునిగి తేలారు. కానీ ఎప్పుడూ ఈ విషయాన్ని ధృవీకరించలేదు. తర్వాత 2009 మార్చి 1న ఇద్దరూ పెళ్లి చేసుకున్నారు. వివాహం తర్వాత ఆమె ఇస్లాం మతంలోకి మారి తన పేరు చివరన అజ్మీ అన్న పదాన్ని చేర్చింది. అయితే ఓసారి తన మామయ్య అబు అజ్మీ చేసిన వ్యాఖ్యలను బాహాటంగానే విమర్శించింది. అత్యాచార బాధితులను కూడా శిక్షించాలని ఆయన వ్యాఖ్యానించగా దాన్ని తీవ్రంగా తప్పుపట్టింది ఆయేషా. కానీ కుటుంబానికే ఎక్కువ ప్రాధాన్యతనిస్తూ తన కెరీర్‌నే త్యాగం చేయడం గమనార్హం. ఆమె పెళ్లికి సిద్ధమవడానికి ముందు బాలీవుడ్‌లో మనీషా కొయిరాలా సోదరుడు సిద్దార్థ్‌ కొయిరాలాతో, అమీషా పటేల్‌ సోదరుడు అస్మిత్‌ పటేల్‌తో లవ్వాయణం జరిపినట్లు ఆమధ్య ప్రచారం జరిగింది. ఇక 23 ఏళ్ల వయసులోనే పెళ్లి చేసుకున్న ఈ హీరోయిన్‌కు 2013లో మైఖేల్‌ అనే బాబు జన్మించాడు. ఇకపోతే ఆయేషా మతం మార్చుకోవడంతో కొన్ని ప్రతికూల సంఘటనలు కూడా ఎదుర్కోవాల్సి వచ్చింది. 2017లో గుర్తు తెలియని వ్యక్తులు ఫర్హాన్‌ అజ్మీకి ఫోన్‌ చేసి చంపేస్తామని బెదిరించారు. లవ్‌ జిహాద్‌లో భాగంగానే ఆయేషాను పెళ్లి చేసుకున్నావని, మీ కుటుంబం మొత్తాన్ని హత్య చేస్తామని బెదిరించారు. తర్వాత పోలీసులకు సమాచారమివ్వడంతో ఈ వ్యవహారం సద్దుమణిగింది. ఇకపోతే ఇండస్ట్రీకి దూరంగా ఉన్న ఆయేషా సోషల్‌ మీడియాలో మాత్రం అభిమానులతో నిత్యం టచ్‌లో ఉంటోంది.

'ఎవడు కొడితే దిమ్మతిరిగి మైండ్‌ బ్లాక్‌ అవుతుందో, ఆడే పండుగాడు..' ఈ డైలాగ్‌ వినగానే బుర్రలో పోకిరి సినిమా గిర్రున తిరుగుతుంది. సూపర్‌ స్టార్‌ మహేశ్‌బాబు, పూరీ జగన్నాథ్‌ కాంబినేషన్‌లో వచ్చిన ఈ సినిమా ఇండస్ట్రీ రికార్డులను తిరగరాసింది. పలు కేంద్రాల్లో 100 రోజులు విజయవంతంగా నడిచి అరుదైన ఘనత సొంతం చేసుకుంది. ఈ సినిమా వచ్చి నేటికి 16 ఏళ్లు నిండాయి. 2006 ఏప్రిల్‌ 28న విడుదలైంది పోకిరి. మహేశ్‌ యాక్టింగ్‌కు, ఇలియానా అందాలకు, పూరీ డైరెక్షన్‌ మార్క్‌కు థియేటర్లలో విజిల్స్‌ మార్మోగిపోయాయి. అయితే ఇండస్ట్రీలో ట్రెండ్‌ సెట్టర్‌గా నిలిచిన ఈ మూవీ ఛాన్స్‌ మొదటగా ఇలియానాకు రాలేదు. పూరీ జగన్నాథ్‌ పోకిరి కోసం మొదటగా బాలీవుడ్‌ హీరోయిన్‌ కంగనా రనౌత్‌ను సంప్రదించాడు. కానీ అప్పటికే ఆమె హిందీలో 'గ్యాంగ్‌స్టర్‌: ఎ లవ్‌ స్టోరీ' సినిమాకు సంతకం చేయడంతో పోకిరి చేయలేనని చెప్పేసింది. అలా ఆమె చేతిలో నుంచి సువర్ణ అవకాశం చేజారిపోయింది. విశేషమేంటంటే పోకిరి, గ్యాంగ్‌స్టర్‌ రెండూ ఒకేసారి రిలీజయ్యాయి. పోకిరి ఇక్కడ బ్లాక్‌బస్టర్‌ హిట్‌ కొడితే గ్యాంగ్‌స్టర్‌ మ్యూజికల్‌ హిట్‌గా నిలిచింది. చదవండి: దీపికాకు అరుదైన గౌరవం, జ్యూరీ మెంబర్‌గా మన హీరోయిన్‌! కంగనా తర్వాత పోకిరి ఛాన్స్‌ ఆయేషా టకియా, పార్వతి మెల్టన్‌, దీపికా పదుకొణెలకు వచ్చినట్లు తెలుస్తోంది. కానీ వీళ్లెవరూ ఈ సినిమా చేసేందుకు ఒప్పుకోలేదు. ఒక్కొక్కరూ ఒక్కో కారణం చెప్పి చేజేతులా గోల్డెన్‌ ఛాన్స్‌ మిస్‌ చేసుకున్నారు. అలా ఈ బంపరాఫర్‌ గోవా బ్యూటీ ఇలియానా చేజిక్కించుకుంది. ఇక పోకిరి సినిమాలో ఆమె అందం, యాక్టింగ్‌తో ఎలా రెచ్చిపోయిందో ప్రత్యేకంగా చెప్పాల్సిన పని లేదు. 16 Years since the Pandu gadu Mania took us away 💥🔥 A Remarkable TRENDSETTER in South Indian Cinema🤘 SuperStar's SWAG & VIBE will be Recreated with #SarkaruVaariPaata 😎💪#Pokiri #16YearsForSouthIHPokiri@UrstrulyMahesh #PuriJagannadh #Ileana #ManiSharma pic.twitter.com/a18kwTgsao — Viswa CM (@ViswaCM1) April 28, 2022 చదవండి: ఆడిషన్స్‌కు వెళ్తే రిజెక్ట్‌ చేశారు, అదే నా లక్ష్యం

బాలీవుడ్‌ హీరోయిన్‌ అయేషా టాకియాకు చేదు అనుభవం ఎదురైంది. ఎయిర్‌పోర్టులో ఓ అధికారి అయేషాను అసభ్యంగా తాకాడని స్వయంగా ఆమె భర్త ఫర్హన్‌ అజ్మీ సోషల్‌ మీడియా వేదికగా తెలిపాడు. సొంత దేశంలోనే ఇలా జరగడం అవమానంగా ఉందని పేర్కొన్నారు. ఈ విషయాన్ని ట్విట్టర్‌లో షేర్‌ చేస్తూ..'డియర్ ఫ్రెండ్స్, నేను నా ఫ్యామిలీతో 'ఇండిగో 6E 6386' విమానంలో గోవా నుంచి ముంబైకి ప్రయాణించేందుకు సిద్దమయ్యాం. ఎయిర్‌పోర్టులో  ఆర్‌పీ‌సింగ్, ఏకే యాదవ్ అనే ఇద్దరు సీనియర్ ఆఫీసర్లు నన్ను, నా కుటుంబాన్ని అడ్డగించారు.  నా పేరు గట్టిగా పలుకుతూ వాళ్ల టీమ్ మెంబర్స్‌తో వెకిలిగా ప్రవర్తించారు. సెక్యూరిటీ చెక్ కోసం లైన్‌లో నిలబడితే సెక్యూరిటీ డెస్క్‌లోని ఓ పురుష అధికారి నన్ను, నా ఫ్యామిలీని వేరువేరు లైన్‌లో నిలబడమని సూచిస్తూ ఆయేషా ఒంటిని తాకుతూ అసభ్యంగా ప్రవర్తించాడు. దీంతో మహిళలను టచ్ చేయడానికి నీకు ఎంత ధైర్యం అని నేను అడిగాను. దూరంగా ఉండాలని కోరాను. ఈ గొడవ తర్వాత మళ్లీ నన్ను తనిఖీ చేస్తున్నప్పుడు కూడా డర్టీగా సెక్సువల్ కామెంట్స్ చేశారు. ఈ ఘటనపై దర్యాప్తు చేసి మాకు న్యాయం అందించాలని డిమాండ్‌ చేస్తున్నా అంటూ ట్వీట్‌లో వివరించాడు. ఇది కాస్తా వైరల్‌ కావడంతో స్పందించిన ఎయిర్‌పోర్ట్ అధికారులు.. 'ప్రయాణంలో మీకు, మీ కుటుంబ సభ్యులకు కలిగిన అసౌకర్యానికి చింతిస్తున్నాం. ఈ విషయాన్ని విచారించి తగిన చర్యలు తీసుకుంటాం' అని హామీ ఇచ్చారు. కాగా ఆయేషా తెలుగులో సూపర్‌ సినిమాతో గుర్తింపు పొందిన సంగతి తెలిసిందే. Altercation started when an armed male officer at the security desk tried to physically touch & tell my wife, son to stand in another line while all other families were standing together for sucurity.All I said to him is to dare touch any female her & maintain distance @CISFHQrs — Farhan Azmi (@abufarhanazmi) April 4, 2022

ముంబై: ప్రముఖ నటి ఆయేషా టకియా భర్త ఫర్హాన్‌ అజ్మీ మరోసారి పోలీసులను ఆశ్రయించారు. అయితే పోలీసులు పట్టించుకోకపోవడంతో సోషల్‌ మీడియా ద్వారా తన బాధను ప్రధాని నరేంద్ర మోదీ, విదేశాంగ మంత్రి సుష్మా స్వరాజ్‌కు మొరపెట్టుకున్నారు. తన భార్య, తల్లి, సోదరీమణులను ఓ వ్యక్తి వేధిస్తున్నాడని, చంపేస్తానని బెదిరిస్తున్నాడని ఫర్హాన్‌ మంగళవారం ట్విటర్‌ ద్వారా వెల్లడించారు. ముంబై పోలీసులకు ఫిర్యాదు చేసినా పట్టించుకోలేదని వాపోయారు. తమకు సహాయం చేయాలని జోన్‌ 9 డీసీపీ దహియాకు ఎన్నిసార్లు ఫోన్‌చేసినా, మెసేజ్‌ పెట్టినా స్పందించలేదని తెలిపారు. అక్రమంగా తమ బ్యాంకు ఖాతాలను నిలిపివేశారన్నారు. ప్రధాని మోదీ, సుష్మా స్వరాజ్‌ జోక్యం చేసుకుని తమను కాపాడాలని ఆయన అభ్యర్థించారు. చివరకు పోలీసులు స్పందించడంతో ధన్యవాదాలు తెలిపారు. జాయింట్‌ కమిషనర్‌(శాంతిభద్రతలు) దేవెన్‌ భారతి స్పందించడంతో ముంబై పోలీసులపై నమ్మకం కలిగిందని మరో ట్వీట్‌ చేశారు. కాగా, ఫర్హాన్‌ కుటుంబ సభ్యులను బెదిరిస్తున్న వ్యక్తి అతడి వ్యాపార మాజీ భాగస్వామి కషిఫ్‌ ఖాన్‌ అని ‘టైమ్స్‌ ఆఫ్‌ ఇండియా’ వెల్లడించింది. తనను మోసం చేశాడని కషిఫ్‌ ఖాన్‌పై బాంద్రా పోలీసు స్టేషన్‌లో ఫర్మాన్‌ కేసు పెట్టారు. హిందూ మతానికి ఆయేషా టకియాను పెళ్లి చేసుకున్నందుకు గతంలో ఫర్హాన్‌ అజ్మీకి గతంలో బెదిరింపు ఫోన్‌కాల్స్‌ వచ్చాయి.

► ప్రభాస్‌ నటించిన ఓ సినిమాకు ‘వారధి’ అని పేరు పెట్టారు. తర్వాత వేరే కారణాలవల్ల సినిమాకు పేరు మార్చారు. ఏ సినిమాకు ఇలా జరిగిందో తెలుసా? ఎ) మిర్చి   బి) మిస్టర్‌ పర్‌ఫెక్ట్‌   సి) మున్నా   డి) డార్లింగ్‌ ► తెలుగులో టాప్‌ హీరోయిన్‌గా పేరు తెచ్చుకున్న ఓ హీరోయిన్‌ తన తమ్ముడిని హీరోగా చేయటానికి ప్రయత్నిస్తోంది. ఆ హీరోయిన్‌ ఎవర బ్బా? ఎ) తమన్నా బి) రకుల్‌ ప్రీత్‌ సింగ్‌    సి) హన్సిక    డి) లావణ్యా త్రిపాఠి ► నాగచైతన్య, సమంత జంటగా నటించిన ‘ఏ మాయ చేశావె’ చిత్రానికి సంగీతదర్శకుడెవరో గుర్తు తెచ్చుకోండి? ఎ) యస్‌.యస్‌. తమన్‌    బి) హారీస్‌ జయరాజ్‌   సి) అనూప్‌ రూబెన్స్‌   డి) ఏ.ఆర్‌. రెహమా¯Œ ► దర్శకుడు రాజమౌళిని ఓ హీరో జక్కన్న అని పిలుస్తారు. ఎవరా హీరో? ఎ) యన్టీఆర్‌   బి) ప్రభాస్‌   సి) రామ్‌చరణ్‌   డి) రవితేజ ► ‘బాషా’ దర్శకుడు సురేశ్‌కృష్ణ దర్శకత్వంలో ‘అస్త్రం’  అనే సినిమాలో నటించారు హీరోయిన్‌ ‘అనుష్క’. ఆ సినిమా హీరో ఎవరో గుర్తుందా? ఎ) సుమంత్‌   బి) రానా   సి) విష్ణు  డి) గోపీచంద్‌ ► ‘కలలా నా జీవితంలోకి వచ్చావ్, కల కంటున్నపుడు వెళ్లిపోయావ్, మళ్లీ ఇన్నాళ్లకి మెరిశావు... కలో నిజమో అర్థం కావట్లేదు’ అనే డైలాగ్‌ హీరో వరుణ్‌ తేజ్‌ ఏ హీరోయి¯Œ తో చెప్పాడో తెలుసా? ఎ) పూజా హెగ్డే       బి) రాశీ ఖన్నా   సి) హెబ్బా పటేల్‌   డి) ప్రగ్యా జైస్వాల్‌ ► ‘జానకి జానకి జానకి ఎక్కడికి పోతావే జానకి ’ అనే సూపర్‌హిట్‌ పాట రచయిత ఎవరు? ఎ) వనమాలి   బి) అనంత శ్రీరామ్‌    సి) భాస్కరభట్ల   డి) చంద్రబోస్‌ ► త్రివిక్రమ్‌ దర్శకత్వంలో ఓ హీరో ఫస్ట్‌ టైమ్‌ ఓ సినిమా చేస్తున్నారు. ఇటీవలే సెట్స్‌కి వెళ్లిన ఆ సినిమా హీరో ఎవరో తెలుసా? ఎ) ప్రభాస్‌   బి) ఎన్టీఆర్‌   సి) రామ్‌చరణ్‌   డి) చిరంజీవి ►   ‘హాంకాంగ్‌’లో పుట్టిన ఈ ప్రముఖ బాలీవుడ్‌ కథానాయిక కుటుంబం లండన్‌లో సెటిల్‌ అయ్యింది. ఆమె తెలుగు సినిమాలో కూడా నటించిన హీరోయినే.ఎవరయ్యుంటారామె? ఎ) అమీషా పటేల్‌   బి) అయేషా టకియా    సి) కంగనా రనౌత్‌      డి) కత్రినా కైఫ్‌ ► ‘ఇన్‌స్టాగ్రామ్‌’లో 71 లక్షలమంది ఫాలోయర్లను సొంతం చేసుకున్నహీరోయిన్‌ ఎవరో తెలుసా? ఎ) కాజల్‌ అగర్వాల్‌      బి) శ్రుతీహాసన్‌    సి) ఇలియానా  డి) సమంత ► నటుడు ప్రకాశ్‌రాజ్‌ ఏ దర్శకుని ద్వారా సినిమా పరిశ్రమకు పరిచయమయ్యారో తెలుసుకుందామా? ఎ) దాసరి బి) భారతీరాజా సి) బాలు మహేంద్ర  డి) బాలచందర్‌ ► 1998లో ఈ హీరోయిన్‌  ‘మిస్‌ సూరత్‌’. ఆ తర్వాత తెలుగు దర్శకుడు ఈవీవీ సత్యనారాయణ ద్వారా తెలుగు తెరకు పరిచయమైంది. ఎవరా హీరోయిన్‌? ఎ) నమిత  బి) మీనా   సి) త్రిష     డి) సిమ్రాన్‌ ► ‘నేను నా జీవితం’ అనే పుస్తకాన్ని రచించిన ప్రముఖ నటుడెవరో తెలుసా? ఎ) కాంతారావు  బి) కృష్ణ     సి) అక్కినేని నాగేశ్వరరావు    డి) శోభన్‌బాబు ► ఇటీవల థాయ్‌ల్యాండ్‌లో జరిగిన ఇంటర్నేషనల్‌ స్విమ్‌ మీట్‌ ఈత పోటీల్లో భారతదేశం తరపున కాంస్య పతకం సాధించిన వేదాంత్‌ ఏ హీరో కుమారుడో తెలుసా? ఎ) విజయ్‌    బి) మాధవన్‌    సి) విక్రమ్‌    డి) అజిత్‌ ► సావిత్రి జీవిత కథ ఆధారంగా రూపొందిన చిత్రం ‘మహానటి’. అందులో జెమినీ గణేశన్‌ పాత్రలో నటించింది ఎవరు? ఎ) విజయ్‌ దేవరకొండ  బి) మోహన్‌బాబుసి) నాని     డి) దుల్కర్‌ సల్మాన్‌ ► మణిపాల్‌ యూనివర్శిటీలో జర్నలిజం చదువుకుని, తర్వాత హీరోయిన్‌గా సింగర్‌గా పేరు తెచ్చుకున్న బ్యూటీ ఎవరో కనుక్కోండి చూద్దాం? ఎ) నివేథా థామస్‌               బి) నిత్యామీనన్‌      సి) అనూ ఇమ్మాన్యుయేల్‌    డి) అనుపమా పరమేశ్వరన్‌ ► ‘శంకర్‌దాదా’ చిత్రంలో అతిథి పాత్రలో నటించిన యువ హీరో ఎవరో గుర్తుందా? ఎ) శర్వానంద్‌         బి) సందీప్‌ కిషన్‌       సి) శ్రీనివాస్‌ అవసరాల  డి) ప్రిన్స్‌ ► ‘ఇంగ్లీష్‌ వింగ్లీష్‌’ చిత్రంలో శ్రీదేవి ముఖ్య తారగా నటించారు. శ్రీదేవి మేనకోడలి  పాత్రలో నటించిన హీరోయిన్‌ ఎవరో తెలుసా? శేఖర్‌ కమ్ముల ‘లీడర్‌’ చిత్రంలో ఒక హీరోయిన్‌గా ఆమె నటించారు? ఎ) రిచా గంగోపాధ్యాయ    బి) దీక్షాసేథ్‌∙    సి) ప్రియా ఆనంద్‌   డి) కమలినీ ముఖర్జీ ► సుమన్, భానుప్రియ నటించిన ఈ స్టిల్‌ ఏ సినిమాలోనిదో కనుక్కోండి? ఎ) సితార బి) అన్వేషణ సి) ఆలాపన డి) ప్రేమించు పెళ్లాడు ► ఈ ఫొటోలోని ప్రముఖ హాస్యనటి ఎవరో కనుక్కోండి? ఎ) శ్రీలక్ష్మీ బి) రమాప్రభ   సి) గీతాంజలి   డి) తెలంగాణ శకుంతల మీరు 6 సమాధానాల కంటే తక్కువ చెబితే... మీకు సినిమా అంటే ఇష్టం      10 సమాధానాల వరకూ చెప్పగలిగితే...   మీకు సినిమా అంటే ఇంట్రెస్ట్‌ 15 సమాధానాల వరకూ చెప్పగలిగితే... మీకు సినిమా అంటే పిచ్చి 20 సమాధానాలూ చెప్పగలిగితే...  ఇంకోసారి ఈ క్విజ్‌ చదవకండి! సమాధానాలు 1) ఎ 2) బి 3) డి 4) ఎ5) సి 6) బి 7) సి 8) బి 9) డి 10) ఎ 11) డి 12) ఎ 13) సి 14) బి 15) డి 16) బి17) ఎ 18)  సి 19) ఎ20) బి నిర్వహణ: శివ మల్లాల


 
 
 సాక్షి, సినిమా: హీరోయిన్లు తమ అందాలకు మెరుగుపెట్టుకునేందుకు ప్లాస్టిక్‌ సర్జరీలను ఆశ్రయించటం కొత్తేం కాదు. అందంగా కనిపిస్తే ఫర్వాలేదుగానీ అందులో తేడా కొట్టేస్తే మాత్రం అయ్యో పాపం అనుకోవాల్సిందే. కొన్నాళ్ల క్రితం నటి అయేషా టకియా విషయంలోనూ ఇలాంటి ఘటనే జరిగింది.  ఆమె ముఖానికి శస్త్ర చికిత్స చేయించుకుందని.. అది వికటించిందని కథనాలు వెలువడ్డాయి.
 
  
 
 ఆ సమయంలో ఎటువంటి స్పందన ఇవ్వని అయేషా తాజాగా ఓ ఇంటర‍్వ్యూలో ప్లాస్టిక్ సర్జరీ ప్రస్తావన తీసుకొచ్చారు. తాను అసలు సర్జరీ చేయించుకోలేదని.. అదంతా మీడియా కల్పేనేనని ఆమె తేల్చేశారు. ‘ఆ వార్త వెలువడ్డ సమయంలో నేను కుటుంబంతో గోవాలో ఉన్నా. సోషల్‌ మీడియాలో ట్రోల్స్ నుంచి తప్పించుకోవటం ఇప్పుడు ఎవరి వల్లా కావటం లేదు. నేనేం తప్పు చేయనప్పుడు.. స్పందించాల్సిన పని లేదనే ఊరుకున్నా’ అని అయేషా చెబుతున్నారు.
 
  
 
 మొత్తానికి సర్జరీ వార్తలను తోసిపుచ్చిన అయేషా.. అది పూర్తిగా వ్యక్తిగత వ్యవహారమని, సిగ్గుపడాల్సిన అవసరం లేదని స్పష్టం చేశారు. ప్రస్తుతం ఎవరు ఎవరి జీవితాన్ని నిర్ణయించలేరు. ఎవరికి తోచింది వారు చేసేస్తున్నారు. అలాంటప్పుడు నా శరీరాన్ని మార్చుకునే హక్కు నాకు ఉంటుంది కదా అని అయేషా అంటున్నారు. తెలుగులో నాగార్జున సూపర్‌ చిత్రంతోపాటు బాలీవుడ్‌లో అరడజనుపైగా చిత్రాల్లో నటించిన అయేషా తర్వాత స‌మాజ్‌వాదీ పార్టీ నేత, వ్యాపారవేత్త ఫర్హాన్ అజ్మీని వివాహం చేసుకున్నారు. ప్రస్తుతం ఆమె రీఎంట్రీ కోసం ప్రయత్నిస్తున్నట్లు సమాచారం.
 
 
  


 ముంబయి: ప్రముఖ నటి ఆయేషా టకియా భర్తకు బెదిరింపు ఫోన్‌ కాల్స్‌ వచ్చాయి. గుర్తు తెలియని వ్యక్తులు ఫోన్‌ చేసి ఆయనను చంపేస్తామని బెదిరించారు. అయేషా టకియా ఓ హిందువు అని, లవ్‌ జిహాద్‌లో భాగంగాన ఆమెను వివాహం చేసుకున్నావని, త్వరలోనే ఆయన కుటుంబం మొత్తాన్ని హత్య చేస్తామని బెదిరించారు. ఈ మేరకు ఆయేషా భర్త పోలీసులకు ఫిర్యాదు చేశారు. ఈ నెల (జులై) 21న ఆయనకు బెదిరింపు ఫోన్‌ కాల్‌ రాగా ఆయన 26న పోలీసులకు ఫిర్యాదు చేసినట్లు తాజాగా మీడియాకు తెలిసింది.
 
 అయేషా టకియాను సమాజ్‌ వాది పార్టీ నేత అబూ అజ్మీ కుమారుడు ఫర్హాన్‌ అజ్మీని 2009లో వివాహం చేసుకున్నారు. వారికి మిఖెయిల్‌ అనే బాలుడు కూడా ఉన్నాడు. అయితే, తాజాగా పోలీసులకు చేసిన ఫిర్యాదులో హిందూ సేనకు సంబంధించిన వాళ్లే ఈ పనిచేశారని పర్హాన్‌ తండ్రి అబూ అజ్మీ పేర్కొన్నారు. 'మీరంతా జంతువులు. లవ్‌ జిహాద్‌ పేరిట మీరు ఓ హిందువు మహిళను వివాహం చేసుకున్న విషయాన్ని మర్చిపోయారా? త్వరలోనే మీ కుటుంబాన్ని చంపేస్తాం. బాంబులు పెట్టి మరీ ఈ పనిచేస్తాం' అంటూ బెదిరింపు ఫోన్‌ కాల్‌ వచ్చినట్లు ఫిర్యాదులో పేర్కొన్నారు. 
  


 
 'గుచ్చి గుచ్చి చంపమాకు హొయలా' అంటూ నాగార్జున సరసన 'సూపర్‌' సినిమాలో అలరించిన అయేషా టకియా గుర్తుందా?.. తెలుగులో 'సూపర్‌'తోపాటు, హిందీలో పలు సినిమాలు చేసిన ఈ భామ అప్పట్లో తన అందచందాలతో అభిమానుల్ని ఉర్రూతలూంగించింది.
 
 2009లో ఎస్పీ లీడర్‌ అబు ఆజ్మీ కొడుకు ఫర్హాన్ ఆజ్మీని పెళ్లి చేసుకున్న అయేషా గత కొన్నాళ్లుగా సినిమాలకు దూరంగా ఉంటుంది. పెళ్లయిన తర్వాత అడపాదడపా సోషల్‌ మీడియాలో ఫొటోలతో అభిమానులకు దర్శనమిచ్చిన ఈ అమ్మడు.. తాజాగా గత గురువారం ఓ వేడుకకు హాజరయింది. అక్కడ ఆమెను చూసిన వారు నమ్మలేకపోయారు.  పెళ్లయి, ఓ బిడ్డకు తల్లి అయిన అయేషా ఇప్పుడు గుర్తుపట్టలేనంతగా మారిపోయింది. ఒకప్పుడు స్లిమ్‌గా కుందనపు బొమ్మలా సినిమాల్లో అలరించిన ఈ అమ్మడు ఇప్పుడు కాస్తా బొద్దుగా ఏమాత్రం గుర్తుపట్టనంతగా మారిపోవడంతో ఆమె అభిమానులు, బాలీవుడ్‌ వర్గాలు విస్తుపోయారు. అన్నట్టు మళ్లీ సినిమాల్లో అడుగుపెట్టాలని అయేషా భావిస్తున్నది. త్వరలోనే మళ్లీ తెరపై కనిపిస్తానని, ప్రస్తుతం కథలు వింటున్నానని ఈ అమ్మడు చెప్పింది.
 
 
 


 ఈ ఫొటోలో డిఫరెంట్ లుక్లో కనిపిస్తున్న ఈ యువతి ప్రముఖ హీరోయిన్. బాలీవుడ్తో పాటు టాలీవుడ్ ప్రేక్షకులకు సుపరిచతం. ప్రముఖ నటి అనుష్కతో కలసి టాలీవుడ్లో అరంగేట్రం చేసింది. నాగార్జున సినిమాలో తళుక్కున మెరిసింది. ఈ పాటికి మీకు గుర్తుపట్టి ఉంటారు! అవును ఈ ఫొటోలో ఉన్న భామ సూపర్ సినిమాలో నటించిన బాలీవుడ్ బ్యూటీ అయేషా టకియా.
 
 సినిమాల్లో అయేషా బొద్దుగా కనిపించింది. బాలీవుడ్లో పలు సినిమాల్లో నటించింది. ఏడేళ్ల క్రితం ఫర్హాన్ అజ్మీని పెళ్లి చేసుకున్నఅయేషా ఓ బిడ్డకు జన్మనిచ్చింది. మూడేళ్లుగా వెండితెరకు దూరమైన అయేషా ఇటీవల కొత్త లుక్లో కనిపించింది. అప్పటితో పోలిస్తే బాగా సన్నబడింది. హెయిర్ స్టెయిల్ మార్చింది. ఆమె ఫొటోలను చూసినవారు మొదట గుర్తుపట్టలేకపోయారు. పాత ఫొటో, కొత్త లుక్లో ఉన్న ఫొటోలను కలిపి  సోషల్ మీడియాలో పోస్ట్ చేయడంతో అభిమానులు అయేషాను గుర్తుపట్టారు.