ఈమధ్య.. కిరాణా లిస్ట్‌లో బ్రెడ్‌ అనేది కామన్‌  అయిపోయింది. అయితే బయట కొనుక్కోవడం కంటే ఇంట్లో చేసుకుంటేనే హెల్దీ అండ్‌  టేస్టీ అంటుంటారు చాలామంది. ఈ బ్రెడ్‌ మేకింగ్‌ మెషిన్‌ 15 ఆటోమేటిక్‌ ప్రోగ్రామ్స్‌తో యూజర్‌ ఫ్రెండ్లీగా నిలుస్తోంది. క్విక్‌ బ్రెడ్, గ్లూటెన్‌–ఫ్రీ బ్రెడ్, ఫ్రెంచ్‌ హోల్‌ వీట్‌ బ్రెడ్, జామ్‌ బ్రెడ్‌ వంటివాటిని లైట్, మీడియం, డార్క్‌ కలర్స్‌తో అందిస్తుంది. ఆటోమేటిక్‌ మిక్స్, ఇంటెలిజెంట్‌ ఫ్రూట్, నట్‌ డిస్పెన్సర్‌.. ఇలా సులభంగా పదార్థాలను కలిపి ప్రోగ్రామింగ్‌ చేస్తుంది. టైమ్‌ సెట్టింగ్‌కి.. పిఫ్టీన్‌ అవర్స్‌ టైమర్‌తో, ట్వంటీ మినిట్స్‌ పవర్‌ ఇంటరప్షన్‌ రికవరీతో, వన్‌  అవర్‌ ఆటోమేటిక్‌ హీటింగ్‌ ఆప్షన్‌ తో ఇది రూపొందింది. నాన్‌–స్టిక్‌ పాన్, మెజరింగ్‌ కప్‌ మెషిన్‌ తో పాటు లభిస్తాయి. దీన్ని సులభంగా శుభ్రం చేయవచ్చు. డివైస్‌ మూతపైన బ్రెడ్‌ ఆప్షన్స్‌తో పాటు.. చిన్న ట్రాన్స్‌పరెంట్‌ గ్లాస్‌ ఉంటుంది. దీని ధర 189 డాలర్లు (రూ.15,742).


 రీచార్జబుల్ టార్జి లైట్లను చూశాం.. రీచార్జబుల్ హెయిర్ డ్రైయర్‌ను చూశాం.. కానీ రీచార్జబుల్ టోస్టర్‌ని చూశారా..? కనీసం వాటి గురించైనా విన్నారా? అంతేకాదు, అలాంటిది ఒకటి ఉందా అని ఆశ్చర్యపోతున్నారా? వెజిబుల్ టోస్టరే కొత్తగా అనిపిస్తే.. ఈ పోర్టబుల్ టోస్టర్ మరింత కొత్తగా ఉంది కదూ..! అవునండీ.. ఈ రీచార్జబుల్ టోస్టర్‌ను ఇకపై మీ బ్యాగుల్లో వేసుకొని ఎక్కడికైనా తీసుకెళ్లొచ్చు. మీకు ఆకలేసిన ప్రతిసారీ బ్రెడ్‌ను అప్పటికప్పుడే టోస్ట్ చేసుకొని తినొచ్చు. జర్నీలో.. ఆఫీసు క్యాంటీన్‌లో.. ఇలా ఎక్కడైనా రెండు నిమిషాల్లో బ్రెడ్‌ను టోస్ట్ చేసుకోవచ్చు.
 
 ఈ టోస్టర్ పైభాగం ఆన్ చేయక ముందు ఖాళీగా కనిపిస్తుంది. కానీ బ్రెడ్ టోస్ట్ అవుతున్నప్పుడు బటర్‌ఫ్లై, పువ్వులు కనిపిస్తాయి. వాటి కదలికలను బట్టి టోస్ట్ అయిందా.. లేదా అన్న సంగతిని తెలుసుకోవచ్చు (బటర్‌ఫ్లై పూల మధ్యకు రాగానే టోస్టర్‌ను ఆఫ్ చేసుకోవాలి). అలాగే దీని అడుగుభాగంలో రంధ్రాలుంటాయి. వాటి ద్వారానే బ్రెడ్ టోస్ట్ అవుతుంది. ఒకసారి టోస్టర్ ఆఫ్ అవగానే వాటంతటవే మూసుకుపోతాయి.