3 రోజుల్లో 94.61 శాతం హాజరు
 
 సాక్షి, అమరావతి: ఏపీ ఎంసెట్‌లో భాగంగా  ఇంజనీరింగ్‌ కోర్సులకు సంబంధించి ఈనెల 24వ తేదీ నుంచి ప్రారంభమైన పరీక్షలు బుధవారంతో ముగిశాయి. రాష్ట్ర వ్యాప్తంగా 128 కేంద్రాల్లో మూడురోజుల పాటు ఆన్‌లైన్లో ఈ ప్రవేశపరీక్షలు నిర్వహించారు. మొత్తం 1,98,158 మంది విద్యార్థులకు గాను 1,87,484 మంది విద్యార్థులు హాజరయ్యారని ఉన్నత విద్యామండలి చైర్మన్‌ ప్రొఫెసర్‌ విజయరాజు, ఎంసెట్‌ కన్వీనర్‌ సీహెచ్‌ సాయిబాబు తెలిపారు. పరీక్షలు ప్రశాంతంగా ముగిశాయన్నారు.
 
 శుక్రవారం అగ్రి, ఫార్మా తదితర కోర్సులకు సంబంధించి (బైపీసీ స్ట్రీమ్‌) ఉదయం, మధ్యాహ్నం పరీక్ష ఉంటుంది. ఈ పరీక్షకు 80,735 మంది దరఖాస్తు చేసుకోగా ఏపీ తెలంగాణల్లో కలిపి 139 కేంద్రాలను ఏర్పాటుచేశారు. ప్రిలిమనరీ కీ 28వ తేదీన  ఎపీ ఎంసెట్‌ వెబ్‌సైట్లో  పొందుపరుస్తామన్నారు.కీపై అభ్యంతరాలను మే 1వ తేదీ సాయంత్రం వరకు స్వీకరిస్తామని చెప్పారు.


 సాక్షి, హైదరాబాద్‌: లాసెట్‌–2017 పరీక్షలకు ఈ నెల 18 నుంచి వచ్చే నెల 18 వరకు ఆన్‌లైన్‌లో దరఖాస్తు చేసుకోవచ్చని మంగళవారం లాసెట్‌ కన్వీనర్‌ ప్రొ.ఎంవీ రంగారావు తెలిపారు. అభ్యర్థులు ఎల్‌ఎల్‌బీ కోర్సు రిజిస్ట్రేషన్‌కు ఎస్సీ, ఎస్టీలు రూ.250, ఇతరులు రూ.350 ఫీజు చెల్లించా లన్నారు. ఎల్‌ఎల్‌ఎం కోర్సుల్లో ప్రవేశపరీక్షకు హాజరుకావాలనుకునే ఎస్సీ, ఎస్టీలు రూ.500, ఇతరులు రూ.600 చెల్లించాలని తెలిపారు. రూ.250 ఆలస్య రుసుముతో ఏప్రిల్‌ 19 నుంచి 28 వరకు, రూ.500 ఆలస్య రుసుముతో వచ్చే నెల 29 నుంచి మే 6 వరకు, రూ.1000 ఆలస్య రుసుముతో మే 7 నుంచి 12 వరకు, రూ.1500 ఆలస్య రుసుముతో మే 13 నుంచి 15 వరకు ఆన్‌లైన్‌ దరఖాస్తు చేసుకోవచ్చన్నారు. వివరాలను l్చఠీఛ్ఛ్టి.్టటఛిజ్ఛి.్చఛి.జీnలో  పొందొచ్చన్నారు. న్యాయ కోర్సు ప్రవేశాలపై బార్‌ కౌన్సిల్‌ ఆఫ్‌ ఇండియా విధించిన గరిష్ట వయసు నిబంధనపై సుప్రీం కోర్టు స్టే విధించడంతో ఈసారి గరిష్ట వయసు నిబంధన లేదన్నారు.
 
 17 వరకు ఏపీ ఎంసెట్‌ దరఖాస్తు గడువు
 బాలాజీచెరువు (కాకినాడ సిటీ): ఏపీ ఎంసెట్‌కు ఈ నెల 17లోగా అపరాధ రుసుము లేకుండా దరఖాస్తు చేసుకోవచ్చని కన్వీనర్‌ డాక్టర్‌ సీహెచ్‌ సాయిబాబు తెలిపారు. కాకినాడలోని జేఎన్‌టీయూలో మంగళవారం విలేకర్లతో మాట్లాడారు. మార్చి 26 వరకూ రూ.500, ఏప్రిల్‌ 10 వరకు రూ.1000, ఏప్రిల్‌ 17 వరకు రూ.5 వేలు, ఏప్రిల్‌  22 వరకు రూ.10 వేల అపరాధ రుసుముతో దరఖాçస్తు చేసుకోవచ్చన్నారు. ఏప్రిల్‌ 19 నుంచి హాల్‌టికెట్లు డౌన్‌లోడ్‌ చేసుకోవచ్చన్నారు.
 
 ఇంజనీరింగ్‌ పరీక్ష ఏప్రిల్‌ 24, 25, 26, 27 తేదీల్లో ఉదయం 10 నుంచి మధ్యాహ్నం 1 వరకు, మధ్యాహ్నం 2.30 నుంచి 5.30 వరకు జరుగుతుందన్నారు. అగ్రికల్చర్, బీఫార్మసీ, డీఫార్మసీ, ఫుడ్‌ టెక్నాలజీ, హార్టికల్చర్‌ వంటి కోర్సులకు 28న, రెండు విభాగాలకూ హాజరయ్యే అభ్యర్థులకు ఆయా తేదీల ప్రకారం పరీక్ష నిర్వహిస్తామన్నారు. జిల్లాకు 3 కేంద్రాలు ఏర్పాటు చేశామన్నారు. హైదరాబాద్‌లో మౌలాలీ, నాచారం, హయత్‌నగర్‌ల్లో పరీక్ష కేంద్రాలు ఏర్పాటు చేస్తున్నామన్నారు. ఎంసెట్‌ సందేహాల నివృత్తికి 0884–2340535లో సంప్రదించాలని కోరారు.


 హైదరాబాద్: ఒకరికి బదులుగా మరొకరు ఇంజనీరింగ్ పరీక్ష రాసిన ఘటనలో ఇద్దరు యువకులను చాంద్రాయణగుట్ట పోలీసులు బుధవారం అరెస్ట్ చేశారు. పోలీసులు తెలిపిన వివరాల ప్రకారం....చాంద్రాయణగుట్ట బండ్లగూడలోని అరోరా ఇంజనీరింగ్ కళాశాలలో బుధవారం బి.నితిన్ రావు అనే విద్యార్థి బీటెక్ మొదటి సంవత్సరానికి సంబంధించిన విద్యార్థి మొదటి సంవత్సరం గణిత శాస్త్రం పరీక్ష సప్లమెంటరీ రాయాల్సి ఉంది.
 
 కాని నితిన్ రావు స్థానంలో బీటెక్ పూర్తి చేసిన అతని స్నేహితుడు సి.హెచ్. నరేష్ పరీక్ష రాస్తున్నాడు. ఇది గమనించిన పరీక్ష ఇన్విజిరేటర్ కె.నరేష్ విషయాన్ని గమనించి కళాశాల డిప్యూటీ డెరైక్టర్ చేపూరి శ్రీలత దష్టికి తీసుకెళ్లాడు. ఒకరికి బదులుగా మరొకరు పరీక్ష రాస్తుండడాన్ని గుర్తించిన ఆమె చాంద్రాయణగుట్ట పోలీసులకు ఫిర్యాదు చేసింది. ఇద్దరు విద్యార్థులు మేజర్‌గా ఉండడంతో ఈ ఘటనపై కేసు నమోదు చేసుకున్న చాంద్రాయణగుట్ట పోలీసులు నితిన్, నరేష్‌లను అరెస్ట్ చేశారు. దర్యాప్తు కొనసాగుతోంది.


  హైదరాబాద్ : తెలంగాణ ఈసెట్-2015 ప్రవేశ పరీక్ష ప్రారంభమైంది. నేరుగా ఇంజనీరింగ్ సెకెండియర్లో చేరేందుకు నిర్వహించే ఈసెట్ పరీక్ష ఉదయం 10 గంటల నుండి మధ్యాహ్నం 1 గంట వరకు జరగనుంది. మొత్తం 38 కేంద్రాల్లో పరీక్ష నిర్వహిస్తున్నారు. ఈ నెల 23న ప్రాథమిక కీ విడుదల చేస్తారు. అనంతరం 28 వరకు అభ్యంతరాల స్వీకరించి, మే 31న ర్యాంకులు వెల్లడిస్తారు.
 
 కాగా ఒక్క నిమిషం ఆలస్యమైనా విద్యార్థులను పరీక్షా కేంద్రంలోకి అనుమతించేది లేదని అధికారులు స్పష్టం చేశారు. విద్యార్థులందరూ సకాలంలో పరీక్షా కేంద్రానికి చేరుకోవాలని కోరారు.  విద్యార్థులు ఆన్‌లైన్‌లో డౌన్‌లోడ్ చేసుకున్న హాల్‌టికెట్, ఆన్‌లైన్ అప్లికేషన్‌పై ఫొటో అతికించి గెజిటెడ్ అధికారిచే సంతకం చేయించి తీసుకురావాలని సూచించారు.
 
 ఎస్సీ, ఎస్టీ విద్యార్థులు గెజిటెడ్ అధికారిచే సంతకం చేయించిన కుల ధ్రువీకరణ జిరాక్స్ పత్రాలు తీసుకొని రావాలని తెలిపారు. విద్యార్థులు ఎలాంటి హడావిడి లేకుండా పరీక్షా కేంద్రానికి ఒక గంట ముందుగానే చేరుకోవాలని సూచించారు. పరీక్షకు బ్లూ, బ్లాక్ బాల్ పాయింట్ పెన్నులు మాత్రమే తీసుకురావాలని కోరారు.


 కోదాడ(నల్లగొండ జిల్లా): పరీక్ష కేంద్రానికి నిమిషం ఆలస్యంగా వచ్చినందుకు జిల్లాలో ముగ్గురు విద్యార్థులను ఎంసెట్ పరీక్ష రాసేందుకు అధికారులు అనుమతించలేదు. ఈ సంఘటన గురువారం నల్లగొండ జిల్లా కోదాడ, చిలుకూరు మండలాల్లో జరిగింది. వివరాలు.. కోదాడలో ఇద్దరు విద్యార్థులు నిమిషం ఆలస్యంగా వచ్చింనందుకు ఎంసెట్ పరీక్ష రాసేందుకు అనుమతించలేదు.
 చిలుకూరు మండలంలోని మిట్స్ ఇంజనీరింగ్ కాలేజీ వద్ద ఒక విద్యార్థిని సైతం నిమిషం ఆలస్యంగా వచ్చినందుకు అనుమతించలేదు. దీంతో ఆలస్యంగా వచ్చిన విద్యార్థులు నిరాశగా ఇంటిదారి పట్టాల్సి వచ్చింది.