లండన్‌ : బ్రిటన్‌కు చెందిన 24 ఏళ్ల లియా అనే యువతి ఇటీవల తన శీలాన్ని 50వ దశకంలో ఉన్న ‘టోరీ ఎంపీ (బ్రిటన్‌ కన్జర్వేటివ్‌ పార్టీకి చెందిన పార్లమెంట్‌ సభ్యుడు)’కి 1.3 మిలియన్‌ పౌండ్ల (దాదాపు పది కోట్ల రూపాయలు)కు విక్రయించినట్లు వెల్లడించారు. ‘సిండరిల్లా ఎస్కార్ట్స్‌’ వెబ్‌సైట్‌ ద్వారా తన శీలాన్ని ఆన్‌లైన్‌లో అమ్మకానికి పెట్టగా మంచి ధరతో ఓ టోరీ ఎంపీ ముందుకు వచ్చారని, ఆయనతో రెండు నెలలపాటు డేటింగ్‌ చేశాక, తన కన్యత్వాన్ని అర్పించానని లియా తెలిపారు. తన తల్లి అనుమతితోనే తాను శీలాన్ని అమ్ముకున్నానని, ప్రేమించి భగ్న పడేకన్నా ఇలా డబ్బులకు కన్యత్వాన్ని అమ్ముకోవడం మంచిదంటూ అమ్మ ఇచ్చిన సలహా తనకు ఎంతో నచ్చిందని ఆ యువతి తెలిపారు. తాను కన్యత్వాన్ని పోగొట్టుకున్నాక, తనకు ఎంతో స్వేచ్ఛ లభించిందన్న భావం కలిగిందని, గుండెల మీది నుంచి ఎంతో భారం దిగిపోయిన ట్లు కూడా అనిపించిందని లియా అతి ఉత్సాహంగా చెప్పారు. ఈ డబ్బుతో తాను లండన్‌కు సమీపంలో ఓ ఇంటిని కొనబోతున్నానని, మిగిలిన డబ్బుతో ‘ప్రాపర్టీ బిజినెస్‌’ చేయాలనుకుంటున్నానని ఆమె తెలిపారు. తాను కన్యత్వాన్ని అర్పించిన వ్యక్తి మంచి మర్యాదస్తుడని, బాగా చదువుకున్న వాడని, ఆయనకు లండన్‌లో మంచి పరిచయాలు ఉన్నాయని, అలాంటి వ్యక్తితో గడపడం ఓ మంచి అనుభవమని లియా ‘ఫిమేల్‌’ పత్రికకు ఇచ్చిన ఇంటర్వ్యూలో వెల్లడించారు. ఎవరో తెలియని వ్యక్తితో ఏకాంతంగా గడిపి ఆశాభంగం పొందడం కన్నా ఈ అనుభవం తనకు బాగా అనిపించిందని ఆమె చెప్పారు. ఆమె తాను ఎందుకు కన్యత్వాన్ని అమ్ముకోవాలనుకుంటుందో ‘సిండ్రిల్లా ఎస్కార్ట్స్‌’కు ఇచ్చిన వీడియో ఇంటర్వ్యూలో ఆమె ముందుగానే వివరించారు. అజర్‌ బైజాన్‌కు చెందిన మహబూబా మహ్మమ్మద్‌జాదా అనే ఓ మోడల్‌ కన్యత్వాన్ని కూడా ఇటీవల తాము టోక్యోలోని ఓ రాజకీయ నాయకుడికి విక్రయించినట్లు సిండరెల్లా ఎస్కార్ట్స్‌ తెలియజేసింది.


 మైసూరు: కర్ణాటకలోని మైసూర్‌ యూనివర్శిటీలో పర్యావరణ శాస్త్రం ఫైనలియర్‌ చదువుతున్న జయంత్‌ కుమార్ అనే విద్యార్థి.. తన క్లాస్‌మేట్స్‌ అయిన ముగ్గురు అమ్మాయిలపై కోపంతో వారి ఫొటోలను, ఫోన్ నెంబర్లను ఎస్కార్ట్ సైట్‌లో అప్‌లోడ్‌ చేశాడు. బాధితుల ఫిర్యాదు మేరకు పోలీసులు జయంత్‌ను అరెస్ట్‌ చేసి కోర్టులో హాజరుపరచగా, జ్యుడిషయల్‌ కస్టడీకి ఆదేశించింది.
 
 పీజీలో సెమిస్టర్‌ ఎగ్జామ్స్‌లో ఆ ముగ్గురు అమ్మాయిల కంటే జయంత్‌కు ఎక్కువ మార్కులు వచ్చాయి. తన కంటే తక్కువ మార్కులు తెచ్చుకున్న అమ్మాయిలు తనపై అసూయతో తప్పుడు ఆరోపణలు చేశారని జయంత్‌ చెప్పాడు. లెక్చరర్‌తో సన్నిహితంగా ఉండటం వల్లే తనకు ఎక్కువ మార్కులు వేశారని అమ్మాయిలు నిందించారని తెలిపాడు. అమ్మాయిలు లెక్చరర్‌ దేవీప్రసాద్‌పై యూనివర్శిటీ రిజస్ట్రార్‌కు ఫిర్యాదు చేయడంతో పాటు ఆయనకు తాను బంట్రోతులా పనిచేస్తున్నానని నిందించారని జయంత్‌ చెప్పాడు. అమ్మాయిలపై కోపంతో వారి వివరాలను ఎస్కార్ట్‌ సైట్‌లో అప్‌లోడ్‌ చేశాడు. దీంతో అపరిచితుల నుంచి తరచూ ఫోన్లు, మెసేజ్‌లు రావడంతో విసుగుచెందిన అమ్మాయిలు సైబర్ పోలీసులకు ఫిర్యాదు చేశారు. పోలీసులు విచారణ చేసి జయంత్‌ను అదుపులోకి తీసుకున్నారు. తాము దేవీ ప్రసాద్‌ దగ్గర ప్రాజెక్ట్‌ వర్క్‌ చేయలేమని, ఆయన క్లాస్‌లో బూతు జోకులు వేస్తారని అమ్మాయిలు అధికారులకు ఫిర్యాదు చేశారు. యూనివర్శిటీ అధికారులు దేవీ ప్రసాద్‌కు నోటీసులు జారీ చేశారు.


 పుణే: తనతో గొడవ పడుతున్న భార్యకు బుద్ధి చెప్పాలని నీచపు పనికి పాల్పడో భర్త. చేసిన అకృత్యం బయటపడి చివరకు పోలీసులకు చిక్కి జైలు ఊచలు లెక్కిస్తున్నాడు. తన భార్య ఫోన్ నంబరును ఎస్కార్ట్ వెబ్సైట్ లో పెట్టాడన్న ఆరోపణలతో  అరుణ్ వేకర్(35) అనే సాఫ్ట్ వేర్ ఇంజనీర్ ను పుణే పోలీసులు అరెస్ట్ చేశారు.
 
 ఛత్తీస్ గఢ్ లోని బిలాస్ పూర్ కు చెందిన అరుణ్ తన భార్యతో కలిసి పుణేలోని సస్ రోడ్డులో నివాసముంటున్నాడు. రాజీవ్ గాంధీ ఇన్ఫోటెక్ పార్క్ లో పనిచేస్తున్న తన భార్య(33)ను నిత్యం వేధించే వాడు. తన భార్య ఫోన్ నంబరు, ఇతర వివరాలు ఆమెకు తెలియకుండా ఎస్కార్ట్ వెబ్సైట్లో పెట్టాడు. కొత్త వ్యక్తుల నుంచి అభ్యంతకర ఫోన్ కాల్స్ వస్తుండడంతో అరుణ్ భార్య జూలై 22న హింజెవాది పోలీసు స్టేషన్ లో ఫిర్యాదు చేసింది. కేసు నమోదు చేసిన పోలీసులు దర్యాప్తు చేపట్టారు. ఇదంతా చేసింది అరుణ్ అని గుర్తించి అతడిని అరెస్ట్ చేశారు.
 
 తన భార్యను వేధించేందుకే ఆమె ఫోన్ నంబరును 2 నెలల క్రితం ఎస్కార్ట్ వెబ్సైట్ లో పెట్టినట్టు ఇంటరాగేషన్ లో అరుణ్ అంగీకరించాడు. రోజూ తనతో గొడవ పడుతున్న భార్యకు గుణపాఠం చెప్పాలన్న ఉద్దేశంతోనే ఇలా చేశానని చెప్పాడు. అరుణ్ మూడేళ్ల క్రితం పెళ్లి చేసుకున్నాడు.