డబ్లిన్: మధ్య ప్రాచ్య దేశం ఒమన్ క్రికెట్ జట్టుకు చారిత్రాత్మక క్షణమిది! సీనియర్ స్థాయి క్రికెట్‌లో ఆ జట్టు తొలిసారి ప్రపంచకప్ పోటీల్లో పాల్గొనబోతుండటం విశేషం. వచ్చే ఏడాది భారత్‌లో జరిగే టి20 వరల్డ్ కప్‌కు ఒమన్ క్వాలిఫై అయింది. గురువారం ఇక్కడ జరిగిన నాలుగో క్వాలిఫయింగ్ ప్లే ఆఫ్ మ్యాచ్‌లో ఒమన్ 5 వికెట్ల తేడాతో నమీబియాను ఓడించింది. ముందుగా బ్యాటింగ్ చేసిన నమీబియా 20 ఓవర్లలో 9 వికెట్లకు 148 పరుగులు చేసింది. అనంతరం ఒమన్ 19 ఓవర్లలో 5 వికెట్లకు 150 పరుగులు చేసి అరుదైన ఘనతను సొంతం చేసుకుంది. అంతకు ముందు  మూడో ప్లే ఆఫ్‌లో పపువా న్యూగినియాను 6 వికెట్లతో ఓడించి అఫ్ఘనిస్తాన్ కూడా వరల్డ్‌కప్‌కు క్వాలిఫై అయింది. మొత్తం ఆరు క్వాలిఫయింగ్ బెర్త్‌లకు అవకాశం ఉండగా ఈ రెండు జట్లతో పాటు ఐర్లాండ్, స్కాట్లాండ్, నెదర్లాండ్స్, హాంకాంగ్ ఇప్పటికే అర్హత సాధించాయి