ప్రస్తుతం టెక్నాలజీలో ఊహించని మార్పులు చోటు చేసుకుంటున్నాయి. సరికొత్త సాంకేతికతను అర్టిఫీషియల్‌ ఇంటలిజెన్స్‌(AI) మరో మెట్టు ఎక్కించింది. ఇటీవల కాలంలో ఏఐ టెక్నాలజీని ఉపయోగించి సరికొత్త వీడియోలు, ఫోటోలు రీక్రియేట్‌ చేయటం ఒక ట్రెండ్‌గా మారింది. సినీ సెలబ్రెటీలకు సంబంధించిన ఏఐ రీక్రియేటెడ్‌ వీడియోలు నెట్టింట వైరల్‌ అవుతున్నాయి. INTELLIGENTLY created ARTIFICIAL ANR 🙏 pic.twitter.com/dfRUpKpEGI — Ram Gopal Varma (@RGVzoomin) January 13, 2024 తాజాగా తెలుగు సినీ దిగ్గజం అక్కినేని నాగేశ్వరరావుకు సంబంధించి ఆర్టిఫిషియల్‌ ఇంటలిజెన్స్ (AI) ఉపయోగించి హాలీవుడ్‌ హీరోలా రీక్రియేట్‌ చేసిన ఓ వీడియో సోషల్‌ మీడియాలో వైరల్‌గా మారింది. అయితే ఈ వీడియోను ప్రముఖ దర్శకుడు రామ్‌ గోపాల్‌ వర్మ తన ‘ఎక్స్’ ట్విటర్‌ అకౌంట్‌ పోస్ట్‌ చేశారు. ఇటీవల ఆర్జీవీ.. తెలుగు చిత్రపరిశ్రమలో అందగాడు అనే పేరు సొంతం చేసుకున్న నటుడు శోభన్‌ బాబుకు సంబంధిచిన రీక్రియేటెడ్‌ వీడియోను కూడా షేర్‌ చేసిన విషయం తెలిసిందే. చదవండి: Guess The Actor: ఏఐ మాయ.. దిగ్గజ హీరో లుక్ అదిరిపోయిందంతే!

మరో హాలీవుడ్‌ యాక్షన్‌ ఎంటర్‌టైనర్‌ కథా చిత్రం తమిళ ప్రేక్షకులను అలరించడానికి సిద్ధమైంది. ఫైర్‌ ట్విస్టర్‌ పేరుతో రూపొందిన హాలీవుడ్‌ చిత్రాన్ని అగ్ని అరక్కన్‌ పేరుతో రూపొందించిన చిత్రాన్ని మరుదమలై ఫిలిమ్స్‌ సంస్థ అధినేత రేస్‌కోర్స్‌ రఘునాథ్‌ తమిళంలోకి అనువదించి విడుదల చేయడానికి సన్నాహాలు చేస్తున్నారు. ఈ చిత్రానికి తమిళంలో ఈయనే సంభాషణ రాయడం విశేషం. ఈయన ఇంతకుముందు పలు తమిళ చిత్రాలను విడుదల చేశారన్నది గమనార్హం.  (ఇది చదవండి: రకుల్ భామకు బాయ్‌ఫ్రెండ్‌ స్పెషల్ విషెస్.. ఇన్‌స్టా పోస్ట్ వైరల్!) ఈ అగ్నిఅరక్కన్‌ చిత్రం గురించి నిర్మాత రేస్‌కోర్స్‌ రఘునాథ్‌ తెలుపుతూ పంచభూతాల్లో ఒకటైన అగ్ని ఎంత ప్రమాదకరమైందో చెప్పే చిత్రంగా ఇది ఉంటుందన్నారు. ఈ హాలీవుడ్‌ చిత్రాన్ని అనుమతులతో పలు చేర్పులు మార్పులు చేసి తమిళ కోసం సరికొత్తగా రూపొందించినట్లు చెప్పారు. చిత్రం ఆబాల గోపాలాన్ని అలరిస్తుందని అభిప్రాయాన్ని వ్యక్తం చేశారు. అగ్నిఅరక్కన్‌ చిత్రానికి సంబంధించిన అన్ని కార్యక్రమాలు పూర్తి అయ్యాయని, త్వరలోనే చిత్రాన్ని తెరపైకి తీసుకురావడానికి సన్నాహాలు చేస్తున్నట్లు తెలిపారు. ఈ చిత్రం తర్వాత తమ సంస్థ నుంచి వరుసగా చిత్రాలు వస్తాయని నిర్మాత తెలిపారు. (ఇది చదవండి: నిద్రలోనూ అవే కలలు వస్తున్నాయి.. అయినా తప్పకుండా చేస్తా: రాఘవ లారెన్స్)

చలనచిత్ర పరిశ్రమలో మరో విషాదం చోటు చేసుకుంది. తాజాగా మరో దిగ్గజ హాలీవుడ్ నటుడు కన్నుమూశారు. పవర్ రేంజర్స్‌ సిరీస్‌లో నటించిన జాసన్ డేవిడ్ ఫ్రాంక్ మరణించారు. ఆయన ప్రస్తుతం ఆమెరికాలోని టెక్సాస్‌లో నివసిస్తున్నారు. అయితే అతని మృతికి గల కారణాలు ఇంకా వెల్లడి కాలేదు.  పవర్ రేంజర్స్ ఫ్రాంచైజీలో ప్రముఖంగా గ్రీన్ రేంజర్ పాత్ర పోషించిన జాసన్ డేవిడ్ ఫ్రాంక్ 49 ఏళ్ల వయసులో కన్నుమూయడంతో సహచరులు షాక్‌కు గురయ్యారు. పవర్ రేంజర్స్ స్టార్ దాదాపు 14 ఎపిసోడ్లలో నటించారు. ఆయన మరణవార్త విన్న అతని స్నేహితులు, సహచరులు నివాళులర్పించారు. పవర్ రేంజర్స్ ఫ్రాంచైజీలో టామీ ఆలివర్ పాత్రతో జాసన్ డేవిడ్ ఫ్రాంక్ ప్రాముఖ్యం సంపాదించారు. ఫ్రాంక్ మృతితో అతని కుటుబం తీవ్ర విషాదంలో మునిగిపోయింది. ఆ నటుడికి నలుగురు పిల్లలు ఉన్నారు. 1993 నుంచి 1996 వరకు మైటీ మార్ఫిన్ పవర్ రేంజర్స్ ఫ్రాంచైజీలో ఎక్కువగా నటించారు. ఆ తర్వాత  పవర్ రేంజర్స్ జియో, టర్బో, డినో థండర్‌తో సహా స్వీట్ వ్యాలీ హై, ఫ్యామిలీ మ్యాటర్స్,  వి బేర్ బేర్స్ ఎపిసోడ్స్‌లో కూడా జాసన్ కనిపించారు.  అతని మరణ వార్త విన్న సహనటుడు వాల్టర్, జోన్స్ నివాళులర్పించారు. ఫ్రాంక్‌తో ఉన్న ఫోటోను సోషల్ మీడియాలో పంచుకుంటూ.. 'ఫ్రాంక్‌ లేడంటే నమ్మలేకపోతున్నాను. మా కుటుంబంలోని మరొక సభ్యుడిని కోల్పోయినందుకు బాధగా ఉంది. అతను మా అందరికీ స్ఫూర్తి. అతని ఉనికిని చాలా మిస్ అవుతున్నాం. మా రేంజర్ కుటుంబంలోని సభ్యుడిని కోల్పోవడం చాలా బాధాకరం.' అంటూ పోస్ట్ చేశారు.  Rest in peace Jason David Frank Just talking to you a few weeks back... This is heartbreaking My condolences to the family.... — BossLogic (@Bosslogic) November 20, 2022

The Flash Hero Ezra Miller Arrested For Second Time In Assault Case: సూపర్‌ హీరో పాత్రలో నటించి మంచి గుర్తింపు తెచ్చుకున్న హాలీవుడ్‌ హీరో ఎజ్రా మిల్లర్‌. ఈ పేరు చెబితే తెలుగు ప్రేక్షకులకు పెద్దగా తెలియకపోవచ్చు. కానీ 'ది ఫ్లాష్‌' హీరో అంటే మాత్రం సినీ ప్రియులు టక్కున గుర్తు పట్టేస్తారు. ప్రముఖ నిర్మాణ సంస్థ డిస్నీ ప్రొడ్యూస్‌ చేసిన 'జస్టీస్ లీగ్‌' చిత్రంలోని ఓ పాత్ర పేరే 'ది ఫ్లాష్‌'. ఈ క్యారెక్టర్‌లో నటించిన ఎజ్రా మిల్లర్‌ సినీ అభిమానులను, ప్రేక్షకులను ఎంతగానో అలరించాడు. ప్రస్తుతం ఈ హీరో న్యాయపరమైన చిక్కుల్లో పడ్డాడు. పహోవాలోని ఒక ప్రైవేట్‌ నివాసంలో ఓ పార్టీలో జరిగిన సంఘటనపై నమోదైన కేసులో మంగళవారం (ఏప్రిల్‌ 19)  మిల్లర్‌ను పోలీసులు అరెస్ట్‌ చేశారు.  ఏప్రిల్‌ 19న ఉదయం ఒంటి గంటకు ఒక ప్రైవేట్‌ పార్టీ జరిగింది. ఆ పార్టీలో ఓ 26 ఏళ్ల మహిళ మిల్లర్‌ను అక్కడి నుంచి వెళ్లమని కోరింది.  దీంతో కోపోద్రిక్తుడైన మిల్లర్‌ ఆమెపై కుర్చీ విసరగా.. ఆమె తలకు దెబ్బ తగిలింది. ఈ ఘటనపై ఆమె ఫిర్యాదుతో మిల్లర్‌ను పోలీసులు అరెస్టు చేశారు. అనంతరం వ్యక్తిగత పూచికత్తుపై ఉదయం 4 గంటలకు విడుదల చేశారు. అయినప్పటికీ ఆ కేసు పూర్తి స్థాయిలో విచారణ జరగాల్సి ఉందని పోలీసులు తెలిపినట్లు సమచారం. ఇదిలా ఉంటే ఇదివరకూ కూడా మిల్లర్‌ ఇలాగే అరెస్ట్‌ అయ్యాడు.  చదవండి: ఇప్పటికే 9 మంది భార్యలు, మరో ఇద్దరు కావాలట.. ఆ కోరిక తీర్చుకోవాలట మార్చి 28న హవాయిలో ఉన్న హోనోలులులోని ఒక బార్‌లో 23 ఏళ్ల మహిళా సింగర్‌తో అసభ్యంగా ప్రవర్తించడం, ఓ వ్యక్తిపై దాడికి ప్రయత్నించిన కారణంగా ఎజ్రాను పోలీసులు అరెస్ట్‌ చేశారు. అనంతరం 500 డాలర్ల ఫైన్‌తో విడుదల చేశారు. ఇది జరిగి నెల గడవకముందే మరోసారి అరెస్టయ్యాడు ఈ ఫ్లాష్ హీరో. ఎజ్రా మిల్లర్‌ హ్యారీపోటర్‌ సిరీస్‌కు ప్రీక్వేల్‌గా తెరకెక్కిన 'ఫెంటాస్టిక్‌ బీస్ట్‌: ది సీక్రెట్స్‌ ఆఫ్‌ డంబుల్‌ డోర్‌' సినిమాతో వరల్డ్‌వైడ్‌గా గుర్తింపు పొందాడు.  చదవండి: ఐఎమ్‌డీబీ రేటింగ్‌ ఇచ్చిన 10 బెస్ట్‌ తెలుగు వెబ్‌ సిరీస్‌లు..

మార్వెల్‌ సూపర్‌ హీరో బ్లాక్‌ పాంథర్‌గా పాపులారిటీ సంపాదించిన చద్విక్‌ బోస్‌మ్యాన్‌ శుక్రవారం మృతి చెందారు. కొంతకాలంగా ఆయన పేగు సంబంధిత క్యాన్సర్‌తో బా«దపడుతున్నారు. ఈ విషయాన్ని ఆయన కుటుంబ సభ్యులు ట్విట్టర్‌ ద్వారా ప్రకటించారు. చద్విక్‌  వయసు కేవలం 43 సంవత్సరాలే. 2016లో ఆయనకు క్యాన్సర్‌ ఉన్నట్లు బయటపడింది. క్యాన్సర్‌ చికిత్స, కీమోథెరపీలను తీసుకుంటూనే ‘బ్లాక్‌ పాంథర్, మార్షల్, దా 5 బ్లడ్‌’ వంటి బ్లాక్‌బస్టర్‌ సినిమాల్లో నటించారాయన. 2003లో నటుడిగా చద్విక్‌ తన కెరీర్‌ను ప్రారంభించారు. 2013లో వచ్చిన ‘42’లో ఆయన చేసిన జాకీ రాబిన్‌సన్‌ పాత్ర పెద్ద బ్రేక్‌. ఆ తర్వాత ‘ది కిల్‌ హోల్, డ్రాఫ్ట్‌ డే, గెట్‌ ఆన్‌ అప్, గాడ్స్‌ ఆఫ్‌ ఈజిప్ట్‌’ వంటి సినిమాలు చేశారు. చద్విక్‌ మృతి పట్ల పలువురు హాలీవుడ్‌ ప్రముఖులు తమ సంతాపాన్ని వ్యక్తం చేశారు.

లండన్‌: కరోనా మహమ్మారి దేశాధినేతలను విడిచి పెట్టడం లేదు. బ్రిటన్‌ ప్రధానమంత్రి, ఆరోగ్యశాఖ మంత్రి కోవిడ్‌–19 సోకిన జాబితాలో చేరారు. బ్రిటన్‌ ప్రధాని బొరిస్‌ జాన్సన్‌కు కరోనా సోకడంతో 10 డౌనింగ్‌ స్ట్రీట్‌లో తన నివాసంలో స్వీయ నిర్బంధంలోకి వెళ్లిపోయారు. యూకే ప్రభుత్వాన్ని నడిపించే బాధ్యత తాను నిర్వహిస్తానని ఒక వీడియో సందేశంలో వెల్లడించారు. ‘‘గురువారం నుంచి నాలో కరోనా లక్షణాలు కాస్త కనిపించాయి. వెంటనే పరీక్షలు చేయించుకుంటే పాజిటివ్‌ అని తేలింది. వెంటనే నా గదిలోనే నిర్బంధంలోకి వెళ్లిపోయాను. దేశ ప్రధానిగా సాంకేతిక పరిజ్ఞానం వినియోగించి కరోనాపై తీసుకుంటున్న చర్యల్ని పర్యవేక్షిస్తాను’’అని ఆయన తన ట్విట్టర్‌ అకౌంట్‌లో ఒక వీడియో షేర్‌ చేశారు. మరోవైపు బ్రిటన్‌ ఆరోగ్యశాఖ మంత్రి మట్‌ హన్‌కాక్‌కూ ఈ వైరస్‌ సోకింది. స్వీయ నిర్బంధంలోకి వెళ్లిన ఆయన ఇంటి నుంచే పని చేస్తానని స్పష్టం చేశారు. కేసులు 5,60,000, మృతులు 25 వేలు.. కరోనా కేసులు 5 లక్షల 60 వేలకు మృతులు 25 వేలకు చేరుకున్నారు. ► 80,539 కేసులతో అమెరికా.. చైనా తర్వాత స్థానంలో నిలిస్తే, 8,215 మరణాలతో ఇటలీ 1వ స్థానంలో ఉంది. ► స్పెయిన్‌లో గత 24 గంటల్లో 769 మంది మరణించగా, మృతుల సంఖ్య 4,858కి చేరుకుంది. ► ఫ్రాన్స్‌లో 24 గంటల్లో 365 మంది మరణించగా, 2,300కి పైగా కేసులు నమోదయ్యాయి. ► కరోనా వైరస్‌ ప్రభావంతో ఈ ఏడాది అంతర్జాతీయ పర్యాటక రంగానికి 30 వేల కోట్ల డాలర్ల నుంచి 45 వేల కోట్ల డాలర్ల వరకు నష్టం రావచ్చునని ప్రపంచ పర్యాటక సంస్థ అంచనా వేసింది. ► టాక్సిక్‌ మెథనాల్‌తో కరోనాను ఆప వచ్చని తీసుకున్న ఓ బాలుడు కంటి చూపు కోల్పోగా 300 మంది మరణించారు. వెయ్యి మందికి పైగా అస్వస్థులయ్యారు. కరోనాతో హాలీవుడ్‌ నటుడు మార్క్‌ మృతి లాస్‌ ఏంజెల్స్‌: హాలీవుడ్‌ నటుడు మార్క్‌ బ్లమ్‌ కరోనా వ్యాధితో మరణించారు. ఆయన వయసు 69 ఏళ్లు. 

కోవిడ్‌- 19 (కరోనా వైరస్‌) ప్రపంచవ్యాప్తంగా వేగంగా విస్తరిస్తోంది. మహమ్మారి కరోనా వైరస్‌ బారిన పడుతున్న వారి సంఖ్య రోజరోజుకు పెరుగుతోంది. తాజాగా కరోనా పాజిటివ్‌గా నిర్ధారణ అయినట్టు అమెరికా నటుడు, సింగర్‌ ఆరోన్ ట్వీట్ సోమవారం ఇన్‌స్టాగ్రామ్‌ వేదికగా వెల్లడించారు. ’అందరికి హాయ్‌. నేను ఒక విషయంలో మీకు అప్‌డేట్‌ ఇస్తున్నాను. పరీక్షల్లో నాకు కోవిడ్‌-19 సోకినట్లు పాజిటివ్‌గా నిర్ధారణ అయింది. నేను మార్చి 12 నుంచి క్వారంటైన్‌లో ఉంటున్నాను. నాకు చాలా ప్రమాదకరమైన కరోనా వైరస్‌కు సంబంధించి చాలా తేలికపాటి లక్షణాలు ఉన్నాయి’ అని ఆయన పేర్కొన్నారు. (కరోనా కరాళ నృత్యం) ‘రుచి, వాసన గ్రహించే శక్తిని కోల్పోయాను. ఎవరికైనా ఈ వైరస్‌ సోకే ప్రమాదం ఉంది. మీకు వైరస్‌ సోకినట్లు లక్షణాలు కనిపిస్తే వెంటనే జాగ్రత్తలు తీసుకోండి’ అని ఆరోన్ తెలిపారు. ఇక ఇతర సెలబ్రిటీలు టెలివిజన్ హోస్ట్ ఆండీ కోహెన్, మాజీ ది బ్యాచిలర్ స్టార్ కాల్టన్ అండర్వుడ్, నటుడు డేనియల్ డే కిమ్, ఆండ్రూ వాట్, గేమ్ ఆఫ్ థ్రోన్స్ నటుడు క్రిస్టోఫర్ హివ్జు, నటుడు ఇడ్రిస్ ఎల్బా కరోనా వైరస్‌తో పోరాడుతున్న విషయం తెలిసిందే. View this post on Instagram Hey everyone. I just wanted to update you all that I’ve found out that I’ve tested positive for Covid-19. I’ve been in quarantine since Broadway shows shut down on Thursday, March 12th, and I’m feeling much better. I consider myself extremely lucky that my symptoms have been very mild - cold like with no fever - as so many are experiencing much more serious symptoms, because this is a very dangerous virus. One thing I have been experiencing is the loss of taste and smell, which I think is a big sign for people who are otherwise asymptotic. I was tested last Monday, and just found out the results, however, I have been taking this situation extremely seriously, even before I was tested. I want everyone to realize that this can affect anyone. And even if you aren’t feeling sick or showing drastic symptoms - please take heed, stay safe, stay healthy and I hope to see everyone at the theater again soon. And I wanted to post this with a picture of Miles because, they’re loving all this extra time at home with their Humans! A post shared by A A R O N T V E I T (@aarontveit) on Mar 23, 2020 at 7:46am PDT

డ్వేన్‌ జాన్సన్‌.. డబ్ల్యుడబ్ల్యుఈ రెజ్లర్‌గా ప్రపంచవ్యాప్తంగా కోట్లాది అభిమానులను సొంతం చేసుకున్నాడు. ఈయన్ని అభిమానులు ముద్దుగా రాక్‌ అని పిలుచుకుంటారు. అతను తర్వాతి కాలంలో సినిమాల్లో ఎంట్రీ ఇచ్చి హాలీవుడ్‌ స్టార్‌గా గుర్తింపు తెచ్చుకున్నాడు. ఆయన తాజాగా తన కూతురు తియానాతో సంభాషించిన వీడియోను ఇన్‌స్టాగ్రామ్‌లో షేర్‌ చేశాడు. ఇందులో జాన్సన్‌ ఏవి చెప్తే వాటిని తిరిగి అప్పజెప్పాలని తియానాకు సూచించాడు. దీనికి ఆ చిన్నారి సరేనంది. తండ్రి మాటలను పొల్లుపోకుండా అప్పజెప్పింది కూడా. కానీ చివర్లో మాత్రం పెద్ద ట్విస్ట్‌ ఇచ్చింది. తండ్రి మాటను చెప్పనని మొండికేసింది. దీనికి కారణం లేకపోలేదు. మొదటి నుంచి అతని గారాలపట్టి గురించి పాజిటివ్‌ అంశాలు చెప్పుకొచ్చాడు. వాటిని ఆమె బుద్ధిగా అప్పజెప్పింది. చివర్లో మాత్రం జాన్సన్‌ అన్నివైపులా ఓసారి తేరిపార చూసి, తన భార్య అక్కడ లేదని నిర్ధారించుకున్నాక కూతురితో ‘డాడీ ఈజ్‌ ద బెస్ట్‌’ అని చెప్పాడు. దానికి ఆమె ఏమీ తత్తరపాటు లేకుండా ‘డాడీ ఈజ్‌ ద బెస్ట్‌’ అని చెప్పింది. కానీ వెంటనే ఆ చిన్నిబుర్ర పాదరసంలా పనిచేసి తన తప్పును సవరించుకుని ‘మదర్‌’ అని గొంతెత్తి అరిచింది. దానికి మన హాలీవుడ్‌ స్టార్‌ అంగీకరిస్తాడా? లేదు.. తండ్రి మాత్రమే బెస్ట్‌ అని చిన్నారితో చెప్పించేందుకు నానాతంటాలు పడ్డాడు. కానీ తియానా మాత్రం దానికి ససేమీరా అంటోంది. ఈ వీడియో ఆయన అభిమానులను తెగ ఆకట్టుకుంటోంది. కాగా జాన్సన్‌ 1997లో డానీ గార్సియాను వివాహమాడగా 2007లో విడిపోయారు. వీరికి పంతొమ్మిదేళ్ల కూతురు ఉంది. ఆ తర్వాత జాన్సన్‌ గతేడాది ఆగస్టులో ప్రియురాలు లారెన్‌ హషియాన్‌ను రెండో పెళ్లి చేసుకున్నాడు. దాదాపు 12 ఏళ్ల సహజీవనం తర్వాత వైవాహిక జీవితంలోకి అడుగుపెట్టారు. వీరి సంతానమే ఈ చిన్నారి తియానా.


 
 హాలీవుడ్ సూపర్ స్టార్ ఆర్నాల్డ్ స్కార్జ్ నెగ్గర్.. ప్రపంచ వ్యాప్తంగా పరిచయం అవసరం లేని వ్యక్తి. అలాంటి వ్యక్తి అనూహ్యంగా తన విగ్రహం ముందు తానే రోడ్డు మీద పడుకున్నాడు. అంతటి సూపర్ స్టార్ కు ఈ పరిస్థితి ఎందుకు వచ్చింది అనుకుంటున్నారా..? ఆ విషయంలోకే వస్తున్నా. కాలిఫోర్నియాకు ఆర్నాల్డ్ గవర్నర్ గా పనిచేసిన సమయంలో ఓహియోలోని కొలంబస్ ఏరియాలో ఓ హోటల్ ఓపెనింగ్ కార్యక్రమంలో పాల్గొన్నారు. హోటల్ నిర్వాహకులు కూడా అక్కడ ఆర్నాల్డ్ విగ్రహం ఏర్పాటు చేయటంతో పాటు, ఆయన ఎప్పుడు తమ హోటలకు వచ్చినా.. ఆయనకు ప్రత్యేకంగా ఓ గదిని కేటాయిస్తామని మాట ఇచ్చారు.
 
 అయితే ఇటీవల ఆ హోటల్ కు వెళ్లిన ఆర్నాల్డ్ వింత అనుభవం ఎదురైంది. ఓపెనింగ్ సమయంలో తనకు ప్రత్యేకంగా రూం కేటాయిస్తామని చెప్పిన వ్యక్తులే రూమ్స్ ఖాళీ లేవని చెప్పటంతో ఈ సూపర్ స్టార్ షాక్ తిన్నాడు. దీంతో నిరసన ఇలా రోడ్డు మీద పడుకొని తన నిరసన వ్యక్తం చేశాడు. తన ఫేవరెట్ స్టార్ ఇలా వీదుల్లో పడుకొని కనిపించటంతో ఈ ఫోటో ఇప్పుడు సోషల్ మీడియాలో వైరల్ అయ్యింది. కాగా, ఇదంతా కేవలం హాస్యం కోసమే చేశానని ఆర్నాల్డ్‌ ఓ పోస్ట్‌లో తెలిపారు.


 హాలీవుడ్ స్టార్ హీరోగా అంతర్జాతీయ స్ధాయిలో భారీ గుర్తింపు తెచ్చుకున్న బ్రాడ్పిట్, తన కొడుకుల విషయంలో మాత్రం ఓ సాధారణ తండ్రిగానే ఆలోచిస్తాడట. చిన్నతనంలో తండ్రి తనతో వ్యవహరించిన తీరు చాలా కఠినంగా ఉండేదన్న బ్రాడ్పిట్, తను మాత్రం తన కొడుకులకు క్రమశిక్షణ మాత్రమే నేర్పుతున్నానన్నాడు. సదరన్ బాప్టిస్ట్ కుటుంబానికి చెందిన బ్రాడ్ తన ఫ్యామిలీ విషయాలను వెల్లడించాడు.
 
 కొడుకుల విషయంలో క్రమశిక్షణ పాటించే బ్రాడ్, కూతుళ్ల విషయంలో మాత్రం అలా ఉండటానికి ఇష్టపడడట. అమ్మాయిలు సాధారణంగా తప్పు చేయరు. అందుకే వారి మీద ఆంక్షలు విదించాల్సిన అవసరం లేదంటున్నాడు ఈ హాలీవుడ్ స్టార్.
 
 'ఈ ప్రపంచాన్ని వాళ్లకు తెలియజేయటమే నా పని, వారి జీవితంలో వాళ్లు చేయాలనుకున్న పనికి, నేను సాయం చేయాలి. వారికి కావాల్సిన అవకాశాలు అందేలా చూడాలి. వారు తప్పు దారిలోకి వెళుతున్నట్టుగా అనిపిస్తే వారించాలి. తండ్రిగా ఇవే నా బాధ్యతలు.' అంటూ టెలిగ్రాఫ్ మ్యాగజైన్తో తన అనుభవాలను పంచుకున్నాడు.  అయితే జోలి, తాను డజను పిల్లలు కావాలనుకున్నామని... ఇప్పటికే ఇల్లంతా పిల్లలతో సందడిగా మారిపోవడంతో ఆరుగురితో సరిపెట్టామని వివరించాడు.
 
 51 ఏళ్ల ఈ హాలీవుడ్ స్టార్కు ఆరుగురు సంతానం. మడాక్స్ (14), పాక్స్ (11), జహర(10), ఫిలొహ్(9), నాక్స్, వివిన్ని అనే ఏడేళ్ల కవలలు బ్రాడ్ పిట్, ఏంజెలినా జోలిల పిల్లలు.


 ఈ ఫొటోలో దర్శకుడు సుకుమార్‌తో ఉన్న వ్యక్తిని చూశారా? హాలీవుడ్ హీరోలా స్టయిలిష్‌గా ఉన్న ఈ వ్యక్తి ఎవరో కాదు... ఎన్టీఆర్. సుకుమార్ దర్శకత్వంలో ఎన్టీఆర్ నటిస్తున్న తాజా చిత్రం షూటింగ్ (‘నాన్నకు ప్రేమతో...’ అనేది వర్కింగ్ టైటిల్) లండన్‌లో మొదలైంది. ఈ చిత్రంలో ఎన్టీఆర్ గెటప్ ఎలా ఉంటుందో తెలియజేస్తూ వర్కింగ్ స్టిల్స్‌ను చిత్ర బృందం విడుదల చేసింది. హీరోలను స్టయిలిష్‌గా చూపించ డంలో సుకుమార్ దిట్ట. ‘1 - నేనొక్కడినే’ సినిమాలో మహేశ్‌ను ఒక రేంజ్‌లో చూపించిన సుకుమార్ ఇప్పుడు ఎన్టీఆర్‌ను తనదైనశె లిలో ఆవిష్కరించారు.
 
 ఇందులో రకుల్ ప్రీత్ సింగ్ కథానాయిక. శ్రీ వెంకటేశ్వర సినీ చిత్ర పతాకంపై రిలయన్స్ ఎంటర్‌టైన్‌మెంట్ సమర్పణలో బీవీఎస్‌ఎన్ ప్రసాద్ నిర్మిస్తున్న ఈ చిత్రం షూటింగ్ ప్రస్తుతం లండన్‌లో జరుగుతోంది. ‘‘సెప్టెంబర్ 20 వరకు లండన్‌లోనే తొలి షెడ్యూల్ జరుగుతుంది. తర్వాత రెండు షెడ్యూల్స్‌తో చిత్రం పూర్తవుతుంది’’ అని సుకుమార్ తెలిపారు. ఎన్టీఆర్‌కిది 25వ సినిమా కావడం విశేషం. ఈ చిత్రానికి సంగీతం: దేవిశ్రీప్రసాద్, సహ నిర్మాత: భోగవల్లి బాపినీడు.
  


 హాలీవుడ్ నటుడు చార్లీ షీన్పై లైంగిక దాడి కేసు నమోదైంది. అతడు తనను కావాలని భావపరమైన ఒత్తిడికి గురిచేశాడని చార్లీ డెంటల్ టెక్నీషియన్ మార్గరిటా పాలెస్టినో ఫిర్యాదు చేశారు. అతడు తన డెంటల్ ఛైర్ నుంచి ఒక్కసారిగా గెంతి, నైట్రస్ ఆక్సైడ్ మాస్క్ తీసేసి, తనను గట్టిగా పట్టుకున్నాడని ఆమె ఫిర్యాదుచేసింది. ఈ సంఘటన సెప్టెంబర్ 25వ తేదీన జరిగింది. లాస్ ఏంజెలిస్ కౌంటీ సుపీరియర్ కోర్టులో పాలెస్టినో న్యాయవాదులు ఈ ఫిర్యాదు చేశారు.
 
 49 ఏళ్ల చార్లీ షీన్ దంత వైద్యం చేయించుకుంటుండగా, నైట్రస్ ఆక్సైడ్ మాస్క్ వేసిన కొద్దిసేపటికే ఉన్నట్టుండి ఒక్కసారిగా లేచి, ''నేను నిన్ను ...... చంపేస్తాను'' అని అసభ్యకరంగా అన్నట్లు ఫిర్యాదులో పేర్కొన్నారు. తన దుస్తులు విప్పేసేందుకు కూడా షీన్ తీవ్రంగా ప్రయత్నించాడని ఆమె ఆరోపించారు. ఇటీవలి కాలంలో షీన్ బాగా ఎక్కువగా కొకైన్ వాడుతున్నట్లు ఇతర డెంటిస్టులు తనకు చెప్పారన్నారు. ఇంతకుముందు మరో డెంటిస్టును అతడు కత్తితో బెదిరించి, డెంటల్ ఛైర్ను కూడా కత్తితో పొడిచాడన్నారు. అయితే, ఆమె ఒక సెలబ్రిటీతో తనకు దొరికిన పావుగంట సమయాన్ని వాడుకోడానికి ఇలా అసత్య ఆరోపణలు చేస్తున్నారని షీన్ న్యాయవాది మార్టీ సింగర్ అన్నారు.