కమెడియ‌న్ కిర్రాక్ ఆర్పీ పెళ్లిపీట‌లెక్కాడు. ప్రేయ‌సి ల‌క్ష్మీ ప్ర‌స‌న్న‌ మెడ‌లో మూడు ముళ్లు వేశాడు. బుధ‌వారం (న‌వంబ‌ర్ 29న‌) నాడు విశాఖ‌ప‌ట్నంలో ఇరుకుటుంబాలు, బంధుమిత్రుల స‌మ‌క్షంలో వీరి వివాహం ఘ‌నంగా జ‌రిగింది. ముంద‌స్తు హ‌డావుడి లేకుండా సీక్రెట్‌గా వివాహం చేసుకున్నాడు ఆర్పీ. ర‌హ‌స్యంగా పెళ్లి చేసుకోవ‌డం గురించి ఆర్పీ మాట్లాడుతూ.. 'అమ్మాయిది వైజాగ్‌. గ‌తేడాది మా నిశ్చితార్థం జ‌రిగింది. మేము ప్రేమించుకుని, పెద్ద‌ల‌ను ఒప్పించి మ‌రీ పెళ్లి చేసుకుంటున్నాం. ఎంగేజ్‌మెంట్‌, త‌దిత‌ర కార్య‌క్ర‌మాల‌కు సెల‌బ్రిటీలు, ఇత‌ర వీఐపీలు వ‌చ్చారు. ఈసారి కేవ‌లం బంధుమిత్రుల స‌మ‌క్షంలోనే పెళ్లి చేసుకోవాల‌ని వైజాగ్ ఎంచుకున్నాం. అందుకే పెళ్లి విష‌యాన్ని గోప్యంగా ఉంచాం' అని చెప్పుకొచ్చాడు. కాగా కిర్రాక్ ఆర్పీ, ల‌క్ష్మీ ప్ర‌స‌న్న మూడేళ్లుగా ప్రేమించుకుంటున్నారు. గ‌తేడాది మేలో ఎంగేజ్‌మెంట్ కూడా చేసుకున్నారు. ఈ నిశ్చితార్థ వేడుక‌కు ధ‌న‌రాజ్ స‌హా త‌దిత‌రులు హాజ‌ర‌య్యారు. దాదాపు ఏడాదిన్న‌ర త‌ర్వాత పెళ్లి చేసుకున్నారు. జీవితంలో నూత‌న అధ్యాయాన్ని ప్రారంభించిన‌ ఆర్పీ- ల‌క్ష్మీ ప్ర‌స‌న్న‌ల జంట‌కు అభిమానులు శుభాకాంక్ష‌లు తెలియ‌జేస్తున్నారు. ఆర్పీ ఏం చేస్తున్నాడు? జ‌బ‌ర్ద‌స్త్ కామెడీ షోలో వంద‌ల స్కిట్లు చేసి ప్రేక్ష‌కుల‌ను క‌డుపుబ్బా న‌వ్వించాడు ఆర్పీ. ఆ షో నుంచి త‌ప్పుకున్న త‌ర్వాత అత‌డు మ‌రే ఇత‌ర షోల‌లోనూ పెద్ద‌గా క‌నిపించ‌లేదు. చాలా కాలం త‌ర్వాత హైద‌రాబాద్‌లో నెల్లూరు పెద్దారెడ్డి చేప‌ల పులుసు పేరిట క‌ర్రీ పాయింట్ బిజినెస్ ప్రారంభించాడు. దీనికి అనూహ్య‌మైన స్పంద‌న ల‌భించింది. ఈ వ్యాపారం విజ‌య‌వంతం కావ‌డంతో ఆర్పీ ముంద‌డుగు వేసి నెల్లూరు పెద్దారెడ్డి చేప‌ల పులుసు పేరిట‌ ప‌లు బ్రాంచ్‌లు ఓపెన్ చేశాడు. చ‌ద‌వండి: ఫినాలే అస్త్ర గెలుపుకు ద‌గ్గ‌ర్లో ఉంది ఈ న‌లుగురే!

కమెడియన్‌ కిర్రాక్‌ ఆర్పీ పేరు సోషల్‌ మీడియాలో మారుమోగిపోతోంది. ప్రముఖ కామెడీ షో నుంచి బయటకు వచ్చిన అతను సొంతంగా నెల్లూరు పెద్దారెడ్డి చేపల పులుసు పేరుతో కర్రీ పాయింట్‌ స్టార్ట్‌ చేశాడు. దీనికి అనూహ్యమైన రెస్పాన్స్‌ రావడంతో. హైదరాబాద్‌తో పాటు ఆంధ్రప్రదేశ్‌లో కూడా పలు బ్రాంచ్‌లు ప్రారంభించాడు. త్వరలో విశాఖ, బెంగుళూరులో కూడా స్టార్ట్‌ చేయబోతున్నట్లు ప్రకటించాడు. (ఇదీ చదవండి: Kajal Aggarwal: నెటిజన్‌ ప్రశ్నకు అదిరిపోయే సమాధానం ఇచ్చిన కాజల్‌) తాజాగా హైదరాబాద్‌లోని మియాపూర్‌ క్రాస్‌ రోడ్‌లో నెల్లూరు పెద్దారెడ్డి చేపల పులుసు మరో బ్రాంచ్‌ ఆయన ప్రారంభించాడు. ఇందుకు గాను బలగం డైరెక్టర్‌ వేణు ముఖ్య అతిథిగా వచ్చి.. రిబ్బన్‌ కట్‌ చేశాడు. ఈ కార్యక్రమంలో హీరో అశ్విన్‌తో పాటు పలువురు ప్రముఖులు పాల్గొన్నారు. కిర్రాక్‌ ఆర్పీ నెల్లూరు చేపల పులుసుకు బ్రాండ్‌ అంబాసిడర్‌గా మారిపోయాడని బలగం వేణు అన్నాడు.  టాలీవుడ్‌కు చెందిన టాప్‌ హీరోలు ఈ చేపల పులుసు రుచి చూశారని కిరాక్‌ ఆర్పీ ఈ సందర్భంగా తెలిపాడు. మెగాస్టార్‌ చిరంజీవి, రామ్‌ చరణ్‌, ఉపాసన,ప్రభాస్, శ్రీకాంత్‌ వంటి సినీ ప్రముఖులు తమ చేపల పులుసును టేస్ట్‌ చేశారన్నాడు.  నందమూరి బాలకృష్ణ  ఇంటికి కూడా చేపల పులుసు వెళ్లింది. మాదాపూర్‌లోని బ్రాంచ్‌కు కొందరు బాలకృష్ణకు సంబంధించిన వ్యక్తులు వచ్చారు. కానీ వారు బాలయ్యకు చెందిన వారని తనకు అప్పట్లో తెలియదని పేర్కొన్నాడు. రుచితో పాటు క్వాలిటీ నచ్చడంతో బాలయ్య ఇంటి నుంచి వచ్చి వారు తమ చేపల పులుసును తరుచుగా తీసుకెళ్లేవారు. దీంతో కొద్దిరోజుల తర్వాత వారు బాలయ్య ఇంటి నుంచి వచ్చినట్లు చెప్పడంతో అసలు విషయం తెలసినట్లు ఆర్పీ చెప్పుకొచ్చాడు. (ఇదీ చదవండి: కీర్తి, కృతీ.. ఇద్దరిది ఒకే స్థితి… ఏమిటి ఈ పరిస్థితి?)

కమెడియన్‌ కిర్రాక్‌ ఆర్పీ పేరు ప్రస్తుతం నగరంలో మార్మోగిపోతోంది. ప్రముఖ కామెడీ షో నుంచి బయటకు వచ్చిన ఆయన బిజినెస్‌లో దూసుకెళ్తున్నారు. ఆర్పీ సొంతంగా నెల్లూరు పెద్దారెడ్డి చేపల పులుసు పేరుతో కర్రీ పాయింట్‌ స్టార్ట్‌ చేసిన సంగతి తెలిసిందే. ఆ బిజినెస్‌కు అదేస్థాయిలో అనూహ్యమైన రెస్పాన్స్‌ వస్తోంది. తాజాగా హైదరాబాద్‌లోని అమీర్‌పేట్‌లో ఆయన తన మూడో బ్రాంచ్‌ను ప్రారంభించారు. టాలీవుడ్ సీనియర్ నటుడు శ్రీకాంత్ చేతుల మీదుగా ప్రారంభించారు.  బ్రాంచ్ ప్రారంభోత్సవం సందర్భంగా ఆర్పీ ఆసక్తికర వ్యాఖ్యలు చేశారు. తనకు వ్యాపారంలో లాభాలు రాకున్నా ఫరవాలేదు కానీ.. కస్టమర్ల సంతృప్తి తమకు అంతిమ లక్ష్యమని తెలిపారు.  అయితే త్వరలోనే నెల్లూరు చేపల పులుసు ఫ్రాంచైజీలను ఇవ్వనున్నట్లు ఆర్పీ పేర్కొన్నారు.  పెళ్లి తేదీపై క్లారిటీ అలాగే తన పెళ్లిపై కూడా కిరాక్ ఆర్పీ క్లారిటీ ఇచ్చారు. ఈ ఏడాది నవంబర్ 29న పెళ్లి చేసుకోబోతున్నట్లు వెల్లడించారు. ఇప్పటికే ఎంగేజ్‌మెంట్‌ చేసుకున్న కిరాక్ ఆర్పీ లక్ష్మీ ప్రసన్నను ఈ ఏడాది పెళ్లి చేసుకోబోతున్నారు. ఈ నవంబర్‌లో పెళ్లిబంధంలో అడుగుపెడుతున్నట్లు వెల్లడించారు. అమీర్‌పేట్‌లో బ్రాంచ్ ఓపెనింగ్ సందర్భంగా పెళ్లి తేదీపై క్లారిటీ ఇచ్చారు. ఆర్పీ - లక్ష‍్మీ ప్రసన్న లవ్‌ స్టోరీ ప్రేమ పెళ్లిపై ఆర్పీ మాట్లాడుతూ..' నాకు అబద్ధాలు చెప్పాల్సిన అవసరం లేదు. నేను పిచ్చికుక్క తిరిగినట్లు ఆమె చుట్టూ రెండేళ్లు తిరిగా. చివరికి వాళ్ల పేరెంట్స్ నా మంచితనం చూసి ఓకే చెప్పారు. ఒక అమ్మాయిని ప్రేమిస్తే తప్పెలా అవుతుంది' అని అన్నారు.   లక్ష్మీప్రసన్న మాట్లాడుతూ..' 'ఆర్‌సీ రెడ్డి కోచింగ్‌లో సెంటర్‌లో ఆయన గెస్ట్‌గా వచ్చారు. అప్పటి నుంచి మా అమ్మ నంబర్ తీసుకున్నారు. ఆ తర్వాత మా ఫ్యామిలీకి దగ్గరయ్యారు. మా బంధువులెవరో తెలుసుకుని అందరికీ దగ్గరయ్యారు. ఆ తర్వాత  వారితో మా అమ్మను పెళ్లికి ఒప్పించారు.' అని అన్నారు.  

కమెడియన్‌ కిర్రాక్‌ ఆర్పీ పేరు ప్రస్తుతం మారుమోగిపోతోంది. ప్రముఖ కామెడీ షో నుంచి బయటకు వచ్చిన అతను సొతంంగా నెల్లూరు పెద్దారెడ్డి చేపల పులుసు పేరుతో కర్రీ పాయింట్‌ స్టార్ట్‌ చేశాడు. దీనికి అనూహ్యమైన రెస్పాన్స్‌ వస్తోంది. భారీ సంఖ్యలో కస్టమర్లు ఆర్పీ కర్రీ పాయింట్‌ ముందుకు క్యూ కడుతున్నాడు. ఫలితంగా నెల్లూరు పెద్దారెడ్డి చేపలు పులుసు బిజినెస్‌ లాభాల్లో దూసుకుపోతోంది. ఈ క్రమంలో రీసెంట్‌గా ఓ యూట్యూబ్‌ చానల్‌కు ఇచ్చిన ఇంటర్య్వూలో ఆర్పీ తన బిజినెస్‌ చూసి ఓర్వలేక కొందరు తప్పుడు ప్రచారం చేస్తున్నారంటూ షాకింగ్‌ కామెంట్స్‌ చేసిన సంగతి తెలిసిందే. చదవండి: కియారా-సిద్ధార్థ్‌ల సీక్రెట్‌ డేటింగ్‌, పెళ్లిపై కంగనా షాకింగ్‌ రియాక్షన్‌! తాను నిజాయితిగా కర్రీ పాయింట్‌ నడిపిస్తున్నానని, ఎవరి ఎన్ని తప్పుడు ప్రచారం చేసిన అది తనకు ప్రమోషన్‌ అవుతుందంటూ కౌంటర్‌ ఇచ్చాడు. అంతేకాదు ఓ పెయిడ్‌ బ్యాచ్‌తో తన కర్రీ పాయింట్‌పై ఆసత్య ప్రచారం చేయిస్తున్నారంటూ సంచలన వ్యాఖ్యలు చేశాడు. ఇదిలా ఉంటే కమెడియన్‌ రాకింగ్‌ రాకేష్‌ ఆర్పీ గురించి షాకింగ్‌ కామెంట్స్‌ చేశాడు. ప్రస్తుతం అతడి కామెంట్స్‌ నెట్టింట హాట్‌టాపిక్‌గా నిలిచాయి. జబర్దస్త్‌ షోను నుంచి బయటకు వచ్చాక ఆర్పీ కర్రీ పాయింట్‌ పెట్టి ఫేమస్‌ అయ్యాడు కదా? దీనికి కారణం జబర్దస్త్‌ షోనే అంటారా? అని అడగ్గా.. ‘ఎవరికై సరే ఆ కామెడీ షో భిక్షే. ఎవరూ ఏం చేసిన కూడా అది జబర్దస్త్‌ భిక్షే’ అంటూ చెప్పుకొచ్చాడు. చదవండి: సుమంత్‌తో విడాకుల అనంతరం నటనకు బ్రేక్‌ ఇచ్చిన కీర్తి రెడ్డి, ఇప్పుడు ఏం చేస్తుందో తెలుసా? ఎప్పుడైన ఆయనను కలిశారా? అని అడగ్గా.. ‘లేదు.. అంత పెద్దవాళ్లను కలిసేంత అదృష్టం నాకు లేదు. మేమేదో చిన్న ఆర్టిస్టులం, వాళ్లు చాలా పెద్దవాళ్లు’ అంటూ పరోక్షంగా ఆర్పీపై వ్యంగ్య వ్యాఖ్యలు చేశాడు. అయితే ఆ షో నుంచి బయటకు వచ్చాక ఆయన ఫుల్‌ ట్రోల్‌ చేశాడు. అక్కడ ఫుడ్‌ బాగుండదంటూ విమర్శలు చేశాడు. ఇప్పుడు వాటికి పుల్‌స్టాప్‌ కూడా పడింది. కానీ ఆయన మాటలు ఎంతవరకు కరెక్ట్‌ అంటారని అడగ్గా.. జనాలకు అంతా తెలుసని, ఎవరో ఏదో మాట్లాడారని.. అసలు ఆ వ్యక్తి గురించి మాట్లాడుకోవడమే ఈ విలువైన సమయం వృధా అనుకుంటున్నానంటూ ఆసక్తికర షాకింగ్‌ రియాక్షన్‌ ఇచ్చాడు రాకేష్‌. 

కామెడి స్కిట్లతో కడుపుబ్బా నవ్వించే కిర్రాక్‌ ఆర్పీ సందడి బుల్లితెరపై కరువైంది. ప్రస్తుతం షో మానేసి సొంతం బిజినెస్‌ పెట్టుకున్నాడు. రెండు నెలల క్రితం నెల్లూరు పెద్దారెడ్డి చేపల పులుసు పేరుతో హైదరాబాద్‌లో కర్రీ పాయింట్‌ ప్రారంభించాడు. ఈ బిజినెస్‌కు  ఊహించినదానికన్నా ఎక్కువ స్థాయిలో హిట్‌ అయ్యింది. పెద్ద సంఖ్యలో కర్రీ పాయింట్‌కు జనాలు పోటెస్తారు. దీంతో ఆ ప్రాంతం ట్రాఫిక్‌ సమస్యలు ఏర్పడటంతో ఆ మధ్య తాత్కాలికంగా కర్రీ పాయింట్‌ను క్లోజ్‌ చేశాడు. అయితే స్పెషలిస్ట్‌లతో తన కర్రీ పాయింట్‌ను తిరిగి ఓపెన్‌ చేశాడు. చదవండి: వచ్చే వారం ప్రభాస్‌-కృతి సనన్‌ నిశ్చితార్థం? ట్వీట్‌ వైరల్‌ అయితే బిజినెస్‌ బాగా నడుస్తున్న క్రమంలో నెల్లూరు పెద్దారెడ్డి చేపలు పులుసు రుచి బాగాలేదంటూ ఈ మధ్య కొందరు ప్రచారం చేస్తున్నారంటూ షాకింగ్‌ కామెంట్స్‌ చేశాడు ఆర్పీ. ఈ నేపథ్యంలో తన కర్రీ టేస్ట్‌ బాలేదంటూ వస్తున్న రూమర్లపై కిరాక్‌ ఆర్పీ మండిపడ్డారు. ఇదంత పనిగట్టుకోని చేస్తున్నారని, తన ఎదుగుదల చూసి ఓర్వలేక కొంతమంది పెయిడ్‌ బ్యాచ్‌ ఆసత్య ప్రచారం చేస్తున్నారంటూ అసహనం వ్యక్తం చేశాడు. రీసెంట్‌గా ఓ యూట్యూబ్‌ చానల్‌తో ముచ్చటించిన ఆర్పీ మాట్లాడుతూ.. ‘ఇదంతా పెయిడ్ బ్యాచ్ పనే. నా జీవితంలో ఎన్నో కష్టాలు పడి ఈ స్థాయికి వచ్చాను. మోసం చేసి ఎన్నాళ్లు బిజినెస్ చేయలేరు. నేను తాను ఎంతో నిజాయితీగా వ్యాపారం చేస్తున్నాను’’ అన్నాడు.  చదవండి: ఆయన మరణం తర్వాత నన్ను ఏ సంఘటన కదిలించడం లేదు: సునీత అలాగే ‘‘నేను ‘నెల్లూరు పెద్దారెడ్డి చేపల పులుసు’ షాప్ ఓపెన్ చేసినప్పటి నుంచి ఎంతో మంది కస్టమర్లు రుచి చాలా బాగుందంటూ మరో పదిమంది కస్టమర్లను వెంటపెట్టుకొని మరీ వస్తున్నారు. ఎలాంటి రుచి లేకపోతే నా కర్రీ పాయింట్ వద్దకు ఎవరూ రారు. నేను పలు రకాల చేపలు పులుసు పెడుతున్నాను. అందరూ టేస్ట్ చూసి బాగుందని అంటుంటే.. ఒక్కడు బాగాలేదని నెగిటీవ్ కామెంట్ చేయడం అంటే ఆ వ్యక్తి ఎంత ఓర్వలేనివాడో అర్థం అవుతుంది. నా కిచెన్‌లో ఎన్నో వీడియోలు తీశాను.. అవే నా నిజాయితీని నిరూపిస్తాయి. నేను స్వయంగా నా కిచెన్ చూపిస్తూ ఎన్నో ఇంటర్వ్యూలు ఇచ్చాను. నేను నిజాయితీగా వ్యాపారం చేస్తున్నా. నన్ను ఎవరూ బ్యాడ్ చేయలేరు. ఎంత నెగిటీవ్ చేస్తే.. నాకు అంత ప్రమోషన్’’ నెగిటివ్‌ కామెంట్స్‌ చేసేవారికి తనదైన శైలిలో కౌంటర్‌ ఇచ్చాడు.

పైకి నవ్వుతున్నంత మాత్రాన మనిషి సంతోషంగా ఉన్నట్లు కాదు. అందరినీ నవ్వించినంత మాత్రాన అతడికి ఏ కష్టాలూ లేవనీ కాదు. ప్రేక్షకులను కడుపుబ్బా నవ్వించే కమెడియన్‌ పంచ్‌ ‍ప్రసాద్‌ ప్రస్తుతం దయనీయ స్థితిలో ఉన్నాడు. కిడ్నీ సమస్యతో బాధపడుతున్న అతడు ఇంటి అద్దె కూడా చెల్లించలేని స్థితిలో ఉన్నాడు. ఇప్పటికే చికిత్స కోసం తన దగ్గరున్న డబ్బంతా ఖర్చు పెట్టగా చివరికి అప్పులు కూడా చేయాల్సి వచ్చింది. కానీ ఇప్పటికీ అతడి ఆరోగ్యం కుదుటపడలేదు. పంచ్‌ ప్రసాద్‌ దీనస్థితి తెలిసి అతడిని ఆదుకోవడానికి ముందుకు వచ్చాడు మరో కమెడియన్‌ కిర్రాక్‌ ఆర్పీ. కిడ్నీ ట్రాన్స్‌ప్లాంట్‌ నుంచి పూర్తిగా కోలుకునేవరకు అవసరమైన మొత్తం డబ్బును తాను అందిస్తానన్నాడు.  'పంచ్‌ ప్రసాద్‌ దగ్గర రూపాయి లేదు. అద్దె కట్టేందుకు కూడా డబ్బుల్లేవు. అతడి ఆరోగ్యం రోజురోజుకీ క్షీణిస్తోంది. తనకు ఎలాంటి ఆస్తిపాస్తులు లేవు. వాడు చాలా మంచివాడు, నాక్కావాల్సిన వాడు. తనను నేను ఆదుకుంటా. వచ్చే నెల మణికొండలో నెల్లూరు పెద్దారెడ్డి చేపల పులుసు బ్రాంచ్‌ ఓపెన్‌ చేస్తున్నా. ఆ వచ్చినదాంట్లో అతడికి అవసరమయ్యేదానికంటే పదివేలు ఎక్కువే ఇస్తాను. కిడ్నీ ట్రాన్స్‌ప్లాంట్‌కు 15 లక్షలైనా సరే చెల్లించి కాపాడుకుంటా. తను పూర్తిగా ఆరోగ్యవంతుడయ్యేవరకు ఆర్థికంగా అండగా నిలబడతా' అని చెప్పుకొచ్చాడు కిర్రాక్‌ ఆర్పీ. చదవండి: 29 రోజులు కోమాలో, చేతులెత్తేసిన డాక్టర్స్‌ మర్చిపోయా, నీ బర్త్‌డే కదా.. చిన్న సర్‌ప్రైజ్‌: జూనియర్‌ ఎన్టీఆర్‌

స్కిట్లతో కడుపుబ్బా నవ్వించే కిర్రాక్‌ ఆర్పీ గత కొంతకాలంగా కామెడీ షోలు చేయడమే మానేశాడు. తనకంటూ సొంతంగా బిజినెస్‌ పెట్టాలనుకున్న ఆయన గత నెలలో నెల్లూరు పెద్దారెడ్డి చేపల పులుసు పేరిట హైదరాబాద్‌లో ఓ కర్రీ పాయింట్‌ ప్రారంభించాడు. ఈ బిజినెస్‌ ఊహించినదానికన్నా ఎక్కువ స్థాయిలో హిట్‌ అయింది. కర్రీ పాయింట్‌కు పెద్ద సంఖ్యలో జనాలు పోటెత్తారు. దీంతో ఆ ప్రాంతంలో ట్రాఫిక్‌ సమస్యలు ఏర్పడుతుండటంతో తాత్కాలికంగా కర్రీపాయింట్‌ను క్లోజ్‌ చేశాడు ఆర్పీ. డిమాండ్‌కు తగ్గట్టుగా సప్లై ఉండాలన్న ఆలోచనతో నెల్లూరు వెళ్లి అక్కడ చేపల పులుసు పోటీ పెట్టాడు. బాగా రుచికరంగా వండిన కొందరు మహిళలను హైదారాబాద్‌కు తీసుకొచ్చి తిరిగి కర్రీపాయింట్‌ ప్రారంభించాడు. డప్పుచప్పుళ్ల మధ్య కేక్‌ కట్‌ చేసి షాప్‌ను తిరిగి ఓపెన్‌ చేశాడు. నెల్లూరు నుంచి తీసుకొచ్చిన మహిళలకు ప్రస్తుతానికి తన ఇంట్లోనే ఆతిథ్యమిచ్చాడు ఆర్పీ. మహిళలందరూ ఉదయం నాలుగు గంటలకే నిద్రలేచి వంట మొదలుపెడతారని నాలుగు గంటల్లో వంట పూర్తవుతుందని చెప్పుకొచ్చాడు. తమ కర్రీ పాయింట్‌కు ఇప్పుడు కూడా ఎక్కువ సంఖ్యలో జనాలు వస్తున్నారని సంతోషం వ్యక్తం చేశాడు ఆర్పీ. చదవండి: కేజీఎఫ్‌ సినిమాలో యశ్‌ ఉండడు: నిర్మాత

కమెడియన్‌ కిర్రాక్‌ ఆర్పీ ఇటీవల నెల్లూరు చేపల పులుసు పేరిట ఓ కర్రీపాయింట్‌ను ఓపెన్‌ చేసిన సంగతి తెలిసిందే కదా! నెల్లూరు స్పెషల్‌ వంటలను అందించడమే ఇక్కడి ప్రత్యేకత. కర్రీ పాయింట్‌ను అలా ఓపెన్‌ చేశాడో లేదో విపరీతమైన ఆదరణ లభించింది. దుకాణానికి కస్టమర్ల తాకిడి ఎక్కువవడంతో ఆ ప్రాంతంలో ట్రాఫిక్‌ జామ్‌ అయి ప్రజలు ఇబ్బందిపడ్డారు కూడా! ఊహించని సంఖ్యలో ప్రజలు కర్రీపాయింట్‌కు తరలిరావడంతో అందరికీ సమయానికి కర్రీ పార్శిల్‌ చేయడం కష్టమైపోయింది. భారీ లాభాలు వస్తున్నప్పటికీ అందరికీ సరిగ్గా టైమ్‌కు అందించలేకపోతున్నానన్న బాధతో ఏకంగా షాప్‌నే మూసేసి కొత్త సంవత్సరంలో బ్యాడ్‌ న్యూస్‌ చెప్పాడు ఆర్పీ. ఈ విషయం గురించి ఆర్పీ మాట్లాడుతూ.. 'నెల్లూరు పెద్దారెడ్డి చేపల పులుసు కర్రీ పాయింట్‌కు తాకిడి ఎక్కువైంది. ఎక్కడెక్కడి నుంచో వస్తున్నారు. వారికి సరైన సమయానికి కూరలు అందించలేకపోతున్నాం. అందుకే నెల రోజులకే ఆ షాప్‌ మూసేశాను. ముందుగా కిచెన్‌ కెపాసిటీని పెంచి షాప్‌లో మార్పుచేర్పులు చేద్దామనుకుంటున్నా. ఆ తర్వాతే తిరిగి దుకాణం ప్రారంభిస్తా. షాప్‌ మూసేసిన విషయం తెలియక వందలమంది జనాలు వస్తున్నారు. అందరికీ ఈ సందర్భంగా క్షమాపణలు తెలియజేస్తున్నాను. ఇకపోతే నెల్లూరు చేపల పులుసు బాగా వండే మహిళలను హైదరాబాద్‌ తీసుకొచ్చి వారితో వండిస్తే బాగుంటుందన్న ఆలోచన ఉంది. అందుకని నెల్లూరులో ఆడిషన్స్‌ పెట్టి బాగా వండే మహిళలను సిటీకి తీసుకొస్తా. త్వరలోనే తిరిగి భారీ స్థాయిలో కర్రీపాయింట్‌ ఓపెన్‌ చేస్తా' అని చెప్పుకొచ్చాడు ఆర్పీ. చదవండి: వంద కోట్లకు చేరువలో ధమాకా, మేకింగ్‌ వీడియో రిలీజ్‌ న్యూఇయర్‌ ఈవెంట్‌లో బుల్లితెర నటుడికి గాయం

బుల్లితెర కామెడీ షోలో స్కిట్లు చేస్తూ కడుపుబ్బా నవ్వించే కమెడియన్‌ కిరాక్‌ ఆర్పీ. జబర్దస్త్‌ షోలో ఎన్నో వందల స్కిట్లు చేసిన ఆర్పీ తర్వాత ఆ షో నుంచి బయటకు వచ్చేశాడు. నాగబాబు జడ్జిగా వ్యవహరించిన కామెడీ స్టార్స్‌ షోలో ప్రత్యక్షమై అందరికీ నవ్వులు పంచాడు. ఇటీవలే తాను ప్రేమించిన అమ్మాయిని నిశ్చితార్థం చేసుకుని పెళ్లికి రెడీ అవుతున్నాడు. ఇదిలా ఉంటే తాజాగా అతడు కర్రీ పాయింట్‌ బిజినెస్‌ మొదలుపెట్టాడు. పదేళ్ల కిందటే దీన్ని ప్రారంభించాలనుకున్న అతడు ఎట్టకేలకు అనుకున్నది సాధించాడు. కిరాక్‌ ఆర్పీ స్వస్థలం నెల్లూరు కాగా అక్కడ చేసే చేపల పులుసు అంటే తనకే కాకుండా మరెంతోమందికి ఇష్టమని గ్రహించాడు. తాను చేసే నెల్లూరు చేపల పులుసును మిత్రులు లొట్టలేసుకుని మరీ ఆరగించేవారట. అందుకే అలాంటి నెల్లూరు చేపల పులుసును హైదరాబాద్‌ వాసులకు అందజేయాలని భావించినట్లు తెలిపాడు. అందులో భాగంగానే కూకట్‌పల్లిలో నెల్లూరు పెద్దారెడ్డి చేపల పులుసు పేరిట కర్రీ పాయింట్‌ను ప్రారంభించాడు. ఇక్కడ ప్రత్యేకత ఏంటంటే.. చేపల పులుసు, బొమ్మిడాయిల పులుసు, కొరమీను పులుసు, సన్నచేపల పులుసు, రవ్వ చేపల పులుసు, చేప తలకాయ పులుసు.. ఇలా అన్నీ కట్టెలపొయ్యి మీదనే వండుతారట. అన్నీ కలిసొస్తే నెల్లూరు చేపల పులుసు కర్రీ పాయింట్స్‌ 15 బ్రాంచులు ఓపెన్‌ చేస్తానంటున్నాడు ఆర్పీ. చదవండి: పుష్ప 2 డైలాగ్‌ లీక్‌

కామెడీ పంచులతో ప్రేక్షకులను కడుపుబ్బా నవ్విస్తాడు కిరాక్‌ ఆర్పీ. టైమింగ్‌ మిస్‌ కాకుండా పంచ్‌లు వేస్తూ స్కిట్లు వదులుతుంటాడు. ప్రజలను పొట్టచెక్కలయ్యేలా నవ్వించే కమెడియన్‌ కిరాక్‌ ఆర్పీ తాజాగా పెళ్లి కొడుకుగా ముస్తాబయ్యాడు. తన ప్రేయసి లక్ష్మీ ప్రసన్నతో నిశ్చితార్థం చేసుకున్నాడు. ఇరు కుటుంబాలు, బంధుమిత్రులు, సన్నిహితుల సమక్షంలో గ్రాండ్‌గా ఈ వేడుక జరిగినట్లు తెలుస్తోంది. ఈ నిశ్చితార్థానికి నటుడు ధనరాజ్‌ కుటుంబ సమేతంగా హాజరై వారిని ఆశీర్వదించాడు. ఈ సందర్భంగా వారితో దిగిన ఫొటోను ఫేస్‌బుక్‌లో షేర్‌ చేస్తూ మరోసారి శుభాకాంక్షలు చెప్పాడు. ఆర్పీ ఎంగేజ్‌మెంట్‌కు ధనరాజ్‌తో పాటు పలువురు కమెడియన్లు, బుల్లితెర సెలబ్రిటీలు హాజరై సందడి చేశారు.  ప్రస్తుతం దీనికి  సంబంధించిన ఫొటోలు నెట్టింట వైరల్‌గా మారాయి. కాగా ఆర్‌పీ ఇటీవలే యూట్యూబ్‌ చానల్‌ మొదలు పెట్టాడు. ఇందులో మొట్టమొదటగా హోమ్‌ టూర్‌ వీడియో చేశాడు. అందులో లిఫ్ట్‌, హోం థియేటర్‌.. ఇలా అన్నింటినీ చూపించిన ఆర్పీ తన బెడ్‌రూమ్‌లోని ఓ అమ్మాయి ఫొటో చూపించి ఆమె తనకు కాబోయే భార్య అని జనాలకు పరిచయం చేశాడు. చదవండి: ఈ సినిమాతో నా కల నెరవేరింది.. మ్యూజిక్‌ డైరెక్టర్‌ శ్రీచరణ్‌ దుల్కర్‌ సల్మాన్‌ 'సీతారామం' రిలీజ్‌ డేట్‌ వచ్చేసింది!

బుల్లితెర మీద ప్రసారమయ్యే కామెడీ షోలతో బాగా పాపులర్‌ అయ్యాడు కిరాక్‌ ఆర్‌పీ. తనదైన యాసతో, డిఫరెంట్‌ కామెడీ స్కిట్లతో కడుపుబ్బా నవ్వించే ఆర్‌పీ తాజాగా యూట్యూబ్‌ చానల్‌ మొదలు పెట్టాడు. ఇందులో మొట్టమొదటగా హోమ్‌ టూర్‌ వీడియో చేశాడు. ఇటీవలే హోమ్‌ టూర్‌ వీడియో ప్రోమో వదిలిన ఆర్‌పీ లేటెస్ట్‌గా తన ఇంటినంతా చూపిస్తూ వీడియో రిలీజ్‌ చేశాడు.  ఆర్‌పీ ఇల్లు ఎంతో విశాలవంతంగా లగ్జరీగా ఉంది. హాల్‌లో అడుగుపెట్టగానే సేద తీరేందుకు వీలుగా ఒక మంచి సోఫా సెట్టు, పెద్ద టీవీ ఉన్నాయి. అలాగే తన ప్రతిభకు గుర్తింపుగా వచ్చిన బహుమతులన్నీ కూడా హాల్‌లోనే ఉన్నాయి. ఓ పక్కన అక్వేరియంతో పాటు మనీ ప్లాంట్‌ కూడా ఉంది. కిచెన్‌కు అనుసంధానంగా డైనింగ్‌ టేబుల్‌ ఉంది. తన అభిరుచికి తగ్గట్టుగా ఇంటినంతటిని ఇంటీరియర్‌ డిజైన్‌ చేయించాడు ఆర్‌పీ. హాల్‌లోనే మినీ వాటర్‌ ప్లాంట్‌ ఏర్పాటు చేయించాడు. అంతేకాకుండా పై రెండు అంతస్థులను చేరుకోవడానికి మెట్ల సౌకర్యంతో పాటు లిఫ్ట్‌ కూడా ఉంది. కింది హాల్‌లోనే పెరేంట్స్‌ బెడ్‌ రూమ్‌ ఉండగా దాన్ని ప్రేక్షకులకు చూపించాడు. ఫస్ట్‌ ఫ్లోర్‌లో స్టడీ హాల్‌, అన్నయ్య బెడ్‌రూమ్‌, తన మాస్టర్‌ బెడ్‌రూమ్‌లను చూపించాడు. ఈ గదులను తాను దగ్గరుండి ఆలోచనలకు తగ్గట్టుగా డిజైన్‌ చేయించుకున్నానని తెలిపాడు. ఇక తన బెడ్‌రూమ్‌లోని ఫొటోలను చూపిస్తూ మెలికలు తిరిగిన ఆర్‌పీ ప్రేమలో పడ్డ విషయాన్ని బయటపెట్టాడు. బెడ్‌రూమ్‌లో పెట్టుకున్న ఓ అమ్మాయి ఫొటోను చూపిస్తూ ఆవిడ తనకు కాబోయే భార్య అని చెప్పాడు. వచ్చే నెలలోనే ఎంగేజ్‌మెంట్‌ ఉందని తన ఫ్యాన్స్‌కు శుభవార్త చెప్పాడు. అనంతరం రెండో ఫ్లోర్‌లోని హోమ్‌ థియేటర్‌ను చూపించాడు. లాక్‌డౌన్‌లో ఎక్కువ సమయం తన ఫ్యామిలీ అంతా ఈ హోమ్‌ థియేటర్‌ దగ్గరే గడిపామని చెప్పాడు. అనంతరం టెర్రస్‌ మీద తాను పెంచుతున్న రకరకాల మొక్కలను చూపించాడు. పెంచుకున్న మొక్కల మధ్యలో కూర్చొని మాట్లాడుకుంటే ఆ హాయే వేరని చెప్పుకొచ్చాడు ఆర్‌పీ. ఈ హోమ్‌ టూర్‌ వీడియో చూసిన నెటిజన్లు ఇల్లు అద్భుతంగా ఉందని మెచ్చుకుంటున్నారు. చదవండి: ఒంటిపై బట్టల్లేకుండా ఫొటోలు.. కాంప్రమైజ్‌ కావాలనేవారు ప్రియుడితో లేచిపోయారంటూ వచ్చిన వార్తలపై రాజశేఖర్‌ కూతురు ఫైర్‌


 ముగ్గురు యువకులకు ఓ దెయ్యం రూపంలో ఆపద ఎదురవు తుంది. దాన్నుంచి వాళ్లెలా తప్పించుకున్నారు? వారికి ఎదురైన వింత అనుభవాలేంటి? అనే అంశాలతో తెరకెక్కిన చిత్రం ‘ఇదేం దెయ్యం’. ముగ్గురు అమ్మాయిలతో అనేది ఉపశీర్షిక. శ్రీనాథ్‌ మాగంటి, సాక్షి కక్కర్, రచ్చ రవి, కిరాక్‌ ఆర్పి ముఖ్యతారలుగా వి. రవి వర్మ దర్శకత్వం వహిస్తున్నారు.
 ఏవీ రమణమూర్తి సమర్పణలో ఎస్‌.సరిత నిర్మిస్తున్నారు. ఈ చిత్రం త్వరలో రిలీజ్‌  కానుంది. ఎస్‌.సరిత మాట్లాడుతూ– ‘‘ప్రజెంట్‌ హారర్‌ కామెడీ సినిమాలను ఆడియన్స్‌ ఆదరిస్తున్నారు. మా చిత్రం కూడా హారర్‌ కామెడీయే. ఫ్యామిలీ అందరూ కలిసి చూసేలా ఉంటుంది. బాలస్వామి  అందించిన పాటలు సినిమాకు స్పెషల్‌ ఎట్రాక్షన్‌’’ అన్నారు. ఈ చిత్రానికి కో–ప్రొడ్యూసర్స్‌: రత్న శేఖర్, రామ్‌ కిశోర్, మధు సూదన్, సౌజన్య.