డ్రగ్స్‌ కేసులో కేపీ చౌదరి అరెస్టుతో టాలీవుడ్‌ మరోసారి ఉలిక్కిపడింది. చౌదరిని విచారించిన పోలీసులు ఆయన కాల్‌లిస్ట్‌లో పలువురు సినీ ప్రముఖుల పేర్లను గుర్తించారు. ఈ లిస్టులో ప్ర‌ముఖంగా బిగ్ బాస్ కంటెస్టెంట్‌, న‌టి ఆషు రెడ్డితో పాటు న‌టి జ్యోతి,  సురేఖా వాణి పేర్లు బ‌య‌ట‌కు వ‌చ్చాయి.  వీరు కె.పి.చౌద‌రితో ఉన్న ఫొటోలు బ‌య‌ట‌కు వ‌చ్చాయి. పలు మీడియాలో కూడా వార్తలు రావ‌డంతో తమకు డ్రగ్స్‌తో ఎలాంటి సంబంధం లేదంటూ నటి సురేఖ వాణి, జ్యోతితో పాటు ఆషూ రెడ్డి కూడా ఇప్పటికే రియాక్ట్ అయ్యారు. (ఇదీ చదవండి: ఆకాంక్ష పూరి నడుమును కెమెరాల ముందే నటుడు పట్టుకోవడంతో..) అయినా కూడా పలు యూట్యూబ్‌ ఛానల్‌ వారు తమ పేర్లను పదేపదే ప్రసారం చేయడంతో ఇబ్బందులకు గురవుతున్నామని తాజాగా మళ్లీ ఆషూ రెడ్డి ఒక వీడియో విడుదల చేసింది.  'నేను ఇప్పటికే ఈ డ్రగ్స్‌ కేసుతో సంబంధం లేదని చెప్పాను. కేపీ చౌదరితో కొన్ని వందల ఫోన్‌ కాల్స్‌  మాట్లాడినట్లు ప్రచారం చేస్తున్నారు. అందులో నిజం లేదు, నా వద్ద కూడా కాల్‌ డేటా ఉంది. సోషల్‌ మీడియాలో వస్తున్న వార్తల వల్ల రెండురోజుల నుంచి మెంటల్‌గా టార్చర్‌ అనుభవిస్తున్నాను. ఈ కేసులో నా పాత్ర లేకున్నా కొందరు వారికి ఇష్టం వచ్చినట్లు మాట్లాడుతున్నారు. అంతే కాకుండా పలు మీడియా వారు నా వ్యక్తిగత నంబర్‌ను డిస్‌ప్లే చేశారు. దాంతో కొన్ని వందల ఫోన్‌ కాల్స్‌ వస్తున్నాయి. ఏమీ చేయలేక ఫోన్‌ స్విచ్చాఫ్‌ చేసుకున్నాను. రెండు నెలలుగా షూటింగ్‌ పనిమీద ఇతర దేశాల్లోనే ఉన్నాను. దయచేసి మాకూ కెరియర్‌ ఉందని గమనించండి. ఇకనైన తప్పుడు వార్తలు ప్రచారం చేయకండి' అని ఆషూ రెడ్డి తెలిపింది. (ఇదీ చదవండి: అభిమానితో ఇంత సాదాసీదాగా ఉన్న ఈ హీరోయిన్‌ గురించి తెలిస్తే..)

టాలీవుడ్ లో డ‍్రగ్స్ కేసు మరోసారి చర్చనీయాంశంగా మారింది. నిర్మాత కేపీ చౌదరి ఈ మధ్య డ్రగ్స్ తో దొరికిపోయాడు. పోలీసు కస్టడీలో అతడి ఫోన్ పరిశీలించగా.. పలువురు నటీనటుల పేర్లు బయటపడ్డాయి. ఈ జాబితాలో నటి సురేఖావాణిపై ప్రముఖంగా ఆరోపణలు వచ్చాయి. ఈమె డ్రగ్స్ తీసుకుందనే రూమర్స్ వినిపించాయి. ఇప్పుడు వీటిపై ఆమెనే స్వయంగా స్పందించింది.  ఈ డ్రగ్స్ కేసులో సురేఖావాణి పేరు బయటకు రావడం నిజమా కాదా అని నిర్ధరించుకునేలోపు.. కేపీ చౌదరి బుగ్గపై ఈమె ముద్దు పెడుతున్న పాత ఫొటో ఒకటి బయటపడింది. ఆ రోజు మద్యం లేదా డ్రగ్స్ మత్తులో ఉందని పలువురు నెటిజన్స్ కామెంట్స్ చేశారు. ఇప్పుడు ఈ న్యూస్ ని ఖండిస్తూ సురేఖావాణి మీడియాకు ఓ వీడియోని రిలీజ్ చేసింది. 'గత కొంతకాలంగా మాపై వస్తున్న ఆరోపణలకు మాకు ఎలాంటి సంబంధం లేదు. దయుంచి మాపై ఆరోపణలు చేయడం ఆపేయండి. మీరు చేస్తున్న వాటి వల్ల నా కెరీర్, నా పిల్లల కెరీర్, నా కుటుంబం ఆరోగ్యం.. ఇలా అన్నిరకాలుగా చాలా ఎఫెక్ట్ అవుతున్నాం. ప్లీజ్ అర్థం చేసుకోండి' అని సురేఖావాణి ఈ వీడియోలో చెప్పుకొచ్చింది. (ఇదీ చదవండి: Drugs Case: టాలీవుడ్‌లో టెన్షన్‌.. టెన్షన్‌.. ఆ 12 మందికి నోటీసులు?)

టాలీవుడ్‌లో డ్రగ్స్‌ కేసు పెను దుమారం రేపుతుంది. ఈ కేసులో అభియోగాలు ఎదుర్కొంటున్న నిందితుడు సినీ నిర్మాత కేపీ చౌదరి విచారణలో విస్తుపోయే విషయాలు వెలుగు చూస్తున్నాయి. కోర్టు అనుమతితో పోలీసులు నిందితుడిని  కస్టడీకి తీసుకుని లోతుగా ప్రశ్నించారు. కేపీ చౌదరి ఫోన్ కాల్ లిస్టులో పలువురి సెలబ్రిటీల పేర్లున్నాయి. అందులో అషురెడ్డితో పాటూ సురేఖావాణి పేరు కూడా ఉంది. దీంతో కేపీ చౌదరి ఎప్పుడైతే అరెస్ట్ అయ్యాడో అప్పుడే టాలీవుడ్‌లో కొందరికి గుబులు పట్టుకుంది. ఏ క్షణాన ఏం జరుగుతుందో అనే టెన్షన్ మొదలైంది. ఇప్పటికే డ్రగ్స్‌తో తనకు ఎలాంటి సంబంధం లేదని అషూరెడ్డి తెలిపింది.  (ఇదీ చదవండి: నేను ఏ తప్పు చేయలేదు, భయపడేది లేదు: నటి జ్యోతి) తాజాగా రిమాండ్ రిపోర్ట్‌లో పేర్కొన్న 12 మందికి నోటీసులు ఇచ్చి విచారించేందుకు పోలీసులు సిద్ధమవుతున్నట్లు సమాచారం. వివిధ ప్రాంతాలకు చెందిన బెజవాడ భరత్, వందనాల అనురూప, చింతా సాయి ప్రసన్న, చింతా రాకేష్‌ రోషన్, నల్లా రతన్‌ రెడ్డి, ఠాగోర్‌ విజ్‌ అలియాస్‌ ఠాగోర్‌ ప్రసాద్‌ మోటూరి, తేజ్‌ చౌదరి అలియాస్‌ రఘు తేజ, వంటేరు శవన్‌ రెడ్డి, సనా మిశ్రా, శ్వేత, సుశాంత్, నితినేష్‌లకు కేపీ చౌదరి డ్రగ్స్‌ విక్రయించినట్లు  కస్టడీ రిపోర్టులో పోలీసులు పేర్కొన్నారు. (ఇదీ చదవండి: ఆదిపురుష్‌పై వీరేంద్ర సెహ్వాగ్ ఎలాంటి కామెంట్‌ చేశాడంటే..)

డ్రగ్స్‌ కేసులో అరెస్టయిన తెలుగు నిర్మాత కేపీ చౌదరితో ఫోన్‌ కాల్స్‌ వ్యవహారంపై నటి జ్యోతి స్పందించారు. తాను ఈ డ్రగ్స్‌ కేసులో ఇన్వాల్వ్‌ అవ్వలేదంటూ ఇన్‌స్టాగ్రామ్‌లో ఓ వీడియోని పోస్ట్‌ చేశారు. కేపీ చౌదరితో తనకు కేవలం స్నేహం మాత్రమే ఉందని, ఫ్యామిలీ బాండింగ్‌ తప్ప డ్రగ్స్‌తో తనకు సంబంధం లేదన్నారు. ఎలాంటి విచారణకు అయినా తాను సిద్దంగా ఉన్నట్లు పేర్కొన్నారు. తన ఫోన్‌ కూడా పోలీసుకు ఇవ్వడానికి సిద్ధమేనని జ్యోతి స్పష్టం చేశారు. తను ఎప్పుడూ డ్రగ్స్‌ వాడలేదని, అవసరమైతే నార్కోటిక్ టెస్ట్‌కి సిద్దమన్నారు. ఏ తప్పు చేయలేదని, ఎవరికి భయపడేది లేదని చెప్పారు. కేపీ హైదరాబాద్ వచ్చినప్పుడు వారి అబ్బాయిని తన ఇంట్లో డ్రాప్ చేసి వెళ్లేవాడని, తన కుమారుడు, కేపీ కుమారుడు కలిసి ఆడుకునే వారని జ్యోతి తెలిపారు. ఇలా ఫ్యామిలీ బాండింగ్‌ తప్ప కేపీతో తనకు ఎలాంటి సంబంధం లేదన్నారు. ఇక నుంచైనా తనపై  దుష్ప్రచారం చేయొద్దని జ్యోతి కోరారు.  (చదవండి: డ్రగ్స్‌ కేసు విషయంలో వాస్తవం ఇదే.. స్పందించిన అషూరెడ్డి) కాగా, డ్రగ్స్‌ కేసులో అభియోగాలు ఎదుర్కొంటున్న కేపీ చౌదరిని పోలీసులు రెండు రోజుల పాటు కస్టడీకి తీసుకున్న సంగతి తెలిసిందే. విచారణలో సంచలన విషయాలు బయటపడ్డాయి. ఈ కేసులో కొంతమంది ప్రముఖుల పేర్లు వినిపిస్తున్నాయి.  దీంతో సెలబ్రిటీలను కూడా విచారించే చాన్స్ ఉంది. అయితే కేపీ చౌదరి నిర్మాతగా ఉన్నారు కాబట్టి తమ మధ్య ఫోన్ కాంటాక్టులు సహజమని సినీ ప్రముఖులు చెబుతున్నారు. View this post on Instagram A post shared by Jyoti Labala (@jyothiactress)

KP Chowdary Case: తమ కూతురికి డ్రగ్స్‌ కేసుతో ఎలాంటి సంబంధం లేదని బ్యాడ్మింటన్‌ ప్లేయర్‌ సిక్కిరెడ్డి తల్లి మాధవి స్పష్టం చేశారు. కనీస విచారణ చేయకుండా.. తన ఆటతో దేశానికి పేరు ప్రఖ్యాతలు తెచ్చిన సిక్కిరెడ్డి పేరును కస్టడీ రిపోర్ట్ లో పెట్టడం సరికాదని పేర్కొన్నాడు. కాగా ‘కబాలి’ సినిమా తెలుగు నిర్మాత కేపీ చౌదరిని డ్రగ్స్‌ కేసులో పోలీసులు అరెస్టు చేసిన విషయం తెలిసిందే. పలువురు సెలబ్రిటీలతో అతడికి సత్సంబంధాలు ఉన్నాయన్న వార్తలు టాలీవుడ్‌లో ప్రకంపనలు రేపుతున్నాయి. అదే విధంగా కస్టడీ రిపోర్టులో బ్యాడ్మింటన్‌ క్రీడాకారిణి సిక్కిరెడ్డి పేరు ఉండటం విస్మయపరిచింది. ఈ నేపథ్యంలో ఆమె తల్లి మాధవి మీడియాతో మాట్లాడారు. కేపీ చౌదరితో తమ బిడ్డకు అసలు పరిచయమే లేదని తెలిపారు. ఇల్లు కావాలంటే వారం రోజుల పాటు కేపీ చౌదరిని తమ నివాసంలో ఉండమని చెప్పామే తప్ప అతడు ఇలాంటి వాడని తెలియదని వాపోయారు. వారం రోజులు ఇల్లు కావాలంటే ‘‘మాకు 2011 నుంచి కేపీ చౌదరి తెలుసు. ఒక వారం రోజుల పాటు ఇల్లు కావాలంటే స్నేహితహిల్స్లో ఉన్న మా ఇంట్లో ఉండమని చెప్పాను. కానీ అతడికి డ్రగ్స్ అలవాటు ఉందని మాకు తెలియదు. ఇప్పటికే పోలీసులు వచ్చి స్నేహిత హిల్స్ లో ఉన్న ఇంటి సీసీ ఫుటేజ్ తీసుకున్నారు. సిక్కిరెడ్డికి ఇంకా ఈ విషయం తెలియదు. నా బిడ్డకు కేపీ చౌదరికి ఎలాంటి పరిచయం లేదు. కావాలంటే సీసీ ఫుటేజ్ చూసుకోండి. మా అమ్మాయి పార్టీలకు వెళ్లదు.. మందు అలవాటు లేదు. ఎలాంటి విచారణకైనా మేము సిద్ధం’’ అని సిక్కిరెడ్డి తల్లి మాధవి అన్నారు. చదవండి: ఆమె అందానికి క్లీన్‌బౌల్డ్‌! షేన్‌ వార్న్‌తో బార్‌లో తొలిసారి చూశా.. సంపాదనలోనూ పెను సంచలనం.. విండీస్‌ను మట్టికరిపించిన పసికూన

టాలీవుడ్‌లో డ్రగ్స్‌ కేసు పెను దుమారం రేపుతుంది. ఈ కేసులో అభియోగాలు ఎదుర్కొంటున్న నిందితుడు సినీ నిర్మాత కేపీ చౌదరి విచారణలో విస్తుపోయే విషయాలు వెలుగుచూస్తున్నాయి. కోర్టు అనుమతితో పోలీసులు నిందితుడిని రెండు రోజులు కస్టడీకి తీసుకుని లోతుగా ప్రశ్నించారు. దీంతో అతని ఫోన్‌లోని కాల్స్‌ లిస్ట్‌ చూస్తే పోలీసులకే దిమ్మతిరిగే విషయాలు బటయకొస్తున్నాయి. అతని ఫోన్‌లో పలువురి సెలబ్రిటీల ఫోటోలు కూడా ఉన్నాయి. కానీ వారందరికి అతను డ్రగ్స్‌ విక్రయించాడా..? అనే కోణంలో విచారణ జరుగుతుంది.   (ఇదీ చదవండి: డ్రగ్స్‌ కేసు విషయంలో వాస్తవం ఇదే.. స్పందించిన అషూరెడ్డి) తాజాగా ఇలాంటి సమయంలో సినీ నటి  సురేఖావాణితో పాటు తన కూతురు సుప్రీత కూడా కేపీ చౌదరితో దిగిన ఫోటోలు సోషల్‌ మీడియాలో వైరల్‌ అవుతున్నాయి. ఒక పార్టీలో సురేఖా.. అతనికి ముద్దు పెడుతూ ఉన్న ఫోటో వైరల్‌ కాగా..  మరో ఫోటోలో సుప్రీత కూడా కేపీ చౌదరికి దగ్గరగా ఉంది. దీంతో తల్లీకూతుళ్లు ఇద్దరికీ ఈ డ్రగ్స్‌ వ్యవహారంలో ఉన్నారని సోషల్‌మీడియాలో ప్రచారం జరుగుతోంది.   అయితే అతనితో వీరికున్న రిలేషన్ ఏంటి అనేది మిస్టరీగా ఉంది. కేపీ చౌదరి తప్పు చేసినంత మాత్రాన అతనితో ఫోటోలు దిగినవారు కూడా తప్పు చేసి ఉంటారని ఎలా చెబుతారని పలువురు కామెంట్లు చేస్తున్నారు. ఏదేమైనా సురేఖావాణి రెస్పాండ్‌ అయితే కానీ అసలు విషయం తెలియదు. (ఇదీ చదవండి: డ్రగ్స్‌ లిస్ట్‌లో అషూరెడ్డితో పాటు మరో సీనియర్‌ నటి కూడా..)

కబాలి తెలుగు సినిమా నిర్మాత కృష్ణ ప్రసాద్‌ చౌదరి అలియాస్‌ కేపీ చౌదరి డ్రగ్స్‌ కేసులో సంచలన విషయాలు బయటకొస్తున్నాయి. సెలబ్రిటీల చుట్టూ ఉచ్చు బిగుస్తోంది. బిగ్‌ బాగ్‌ తెలుగు రియాల్టీ షో కంటెస్టెంట్‌ అషూరెడ్డితో పాటు పలువురు సినీ సెలబ్రిటీలు, పలువురు ప్రముఖులు, వ్యాపార సంస్థల యజమానులకు కేపీ చౌదరి డ్రగ్స్‌ను సరఫరా చేసినట్లు పోలీసులు గుర్తించారు. (ఇదీ చదవండి: డ్రగ్స్‌ కేసు విషయంలో వాస్తవం ఇదే.. స్పందించిన అషూరెడ్డి) తాను మొత్తం 12 మందికి డ్రగ్స్ అమ్మినట్టు ఒప్పుకున్నాడు.  వివిధ ప్రాంతాలకు చెందిన బెజవాడ భరత్, వందనాల అనురూప, చింతా సాయి ప్రసన్న, చింతా రాకేష్‌ రోషన్, నల్లా రతన్‌ రెడ్డి, ఠాగోర్‌ విజ్‌ అలియాస్‌ ఠాగోర్‌ ప్రసాద్‌ మోటూరి, తేజ్‌ చౌదరి అలియాస్‌ రఘు తేజ, వంటేరు శవన్‌ రెడ్డి, సనా మిశ్రా, శ్వేత, సుశాంత్, నితినేష్‌ వీరిలో ఉన్నారు.   అయితే అతను అషూరెడ్డితో పాటు మరో సీనియర్‌ ఆర్టిస్టుతో కూడా వందల ఫోన్‌ కాల్స్‌ మాట్లాడినట్లు తెలుస్తోంది. కొంతమంది నటీమణులతో కేపీ చౌదరి కలిసి ఉన్న ఫోటోలు బయటకు రావడంతో వారు అలెర్ట్‌  అవుతున్నారని సమాచారం. ఆ సీనియర్‌ నటి టాలీవుడ్‌లో చాలా సినిమాల్లో క్యారెక్టర్ ఆర్టిస్ట్‌గా నటించడంతో.. ఆమెకు మంచి పాపులారిటీ ఉంది అనే ప్రచారం సోషల్ మీడియాలో జరుగుతోంది. అయితే పోలీసులు మాత్రం ఆమె ఎవరు అనే విషయాన్ని బయట పెట్టలేదు. కేవలం అషూరెడ్డి పేరును మాత్రమే పోలీసులు కస్టడీ రిపోర్టులో పొందుపరచారు. ఎదేమైన ఆ సీనియర్‌ నటి పేరు కూడా తెరపైకి రాక తప్పదని ప్రచారం జరుగుతుంది. (ఇదీ చదవండి: ఇదే చివరి చిత్రమని ప్రకటించిన టాప్‌ హీరో.. నోటీసులు పంపిన నిర్మాత)

తెలుగు సినీ పరిశ్రమలో మరోసారి డ్రగ్స్‌ ప్రకంపనలు ప్రారంభమయ్యాయి. టాలీవుడ్‌కి చెందిన అషూరెడ్డి పేరు ఇటీవల డ్రగ్స్ కేసులో అరెస్ట్ అయిన కేపీ చౌదరి కాల్ లిస్ట్‌లో ఉన్నట్లుగా పోలీసులు గుర్తించారు. దీంతో ఆమె పేరు ఇప్పుడు వైరల్ అవుతోంది. తాజాగా ఇదే విషయంపై ఆమెమ స్పందించింది. తనపై తప్పుడు ప్రచారం చేస్తున్నారంటూ  అషూరెడ్డి ఫైర్ అయింది. డ్రగ్స్ కేసులో తనపై వస్తున్న ఆరోపణల్లో నిజం లేదని తెలిపింది.  మీడియాలో పేర్కొన్నట్లు తనకు ఎవరితోనూ డ్రగ్స్‌ సంబంధాలు లేవని చెప్పింది. అవన్నీ తప్పుడు వార్తలని ఆమె కొట్టిపారేసింది. అవసరమైతే విచారణ ఎదుర్కొంటానని,  సంబంధిత ఆధికారులకు వాస్తవమేమిటో తెలియచేస్తానని తెలిపింది.  కానీ తన ఫోన్ నంబర్‌ను అనుమతి లేకుండా బహిరంగంగా ప్రదర్శిస్తే సహించేది లేదని హెచ్చరికలు చేసింది. (ఇదీ చదవండి: బోల్డ్‌ సీన్స్‌ అందరూ చూస్తున్నారు, ఎందుకు సిగ్గుపడటం?) కానీ వందల ఫోన్‌ కాల్స్‌ కృష్ణ ప్రసాద్ చౌదరితో (కేపీ చౌదరి)  మాట్లాడడంతో అషూరెడ్డికి ఈ డ్రగ్స్ అమ్మకం గ్యాంగ్‌తో ఏమైనా పరిచయాలు ఉన్నాయా? అని సోషల్ మీడియాలో ప్రచారం జరుగుతోంది. ఆ కోణంలో కూడా ప్రస్తుతానికి దర్యాప్తు జరుపుతున్నట్లు తెలుస్తోంది. కానీ అషూరెడ్డితో ఉన్న సంబంధంపై కేపీ చౌదరి నోరు విప్పడంలేదని తెలుస్తోంది. ఆధారాలు గనుక దొరికితే ఆమెను కూడా ప్రశ్నించేందుకు అధికారులు సిద్ధమవుతున్నారు.  View this post on Instagram A post shared by Ashu Reddy (@ashu_uuu) (ఇదీ చదవండి: KP Chowdary Drugs Case: అషూరెడ్డితో నిర్మాత వందల ఫోన్‌ కాల్స్‌, ఐటం సాంగ్‌ చేసిన హీరోయిన్‌తో కూడా..)

కబాలి నిర్మాత కృష్ణ ప్రసాద్‌ చౌదరి డ్రగ్స్‌ కేసులో సంచలన విషయాలు వెలుగుచూస్తున్నాయి. తనకు డ్రగ్స్‌ అలవాటు ఉందని అంగీకరించిన నిర్మాత కొందరు ఆర్టిస్టులకు డ్రగ్స్‌ అమ్మినట్లు పోలీసులకు వెల్లడించాడు. రెండు రోజుల పాటు కేపీ చౌదరిని విచారించిన పోలీసులు అతడి ఫోన్‌లో కీలక ఆధారాలను సేకరించారు. కేపీ కాల్‌ లిస్ట్‌ను డీకోడ్‌ చేయగా అతడు అషూరెడ్డితో పాటు టాలీవుడ్‌లో ఐటం సాంగ్స్‌ చేసిన ఓ హీరోయిన్‌తో వందల సంఖ్యలో కాల్స్‌ మాట్లాడినట్లు తెలిసింది. అంతేకాకుండా అతడి ఫోన్‌లో వారితో క్లోజ్‌గా దిగిన ఫోటోలు కూడా లభ్యమయ్యాయి. అయితే కేపీ మాత్రం ఈ కాల్స్‌పై కేపీ నోరు మెదపడానికి నిరాకరించాడు.  కేపీ లిస్ట్‌లో 12 మంది బడా బాబులు, పలువురు సెలబ్రిటీలు, యువతులు ఉన్నట్లు తెలిసింది. వారితో పాటు.. రఘు తేజ, సనా మిశ్రా, సుశాంత్‌ రెడ్డి, నితినేశ్‌, బెజవాడ భరత్‌, శ్వేత, టాగోర్‌ ప్రసాద్‌లు కూడా కేపీ కాల్‌ లిస్ట్‌ జాబితాలో ఉన్నారు. అలాగే నిర్మాత బ్యాంకు ఖాతాలో 11 అనుమానాస్పద లావాదేవీలను సైతం పోలీసులు గుర్తించారు. కాగా జూన్‌ 14న గోవా నుంచి హైదరాబాద్‌కు 82.75 గ్రాముల కొకైన్‌ను సరఫరా చేస్తూ కేపీ చౌదరి సైబరాబాద్‌ పోలీసులకు చిక్కాడు. నిందితుడి నుంచి స్వాదీనం చేసుకున్న నాలుగు సెల్‌ఫోన్లలోని డేటా ఆధారంగా పోలీసులు దర్యాప్తును ముమ్మరం చేశారు. విచారణలో భాగంగా డ్రగ్స్‌ పెడ్లర్‌ రాకేశ్‌ రోషన్‌లతో కేపీ చౌదరికి ఉన్న సంబంధాలపై పోలీసులు ఆరా తీశారు. మొదట ఎవరికీ డ్రగ్స్‌ అమ్మలేదని బుకాయించిన నిర్మాత రెండురోజులపాటు విచారించగా 12 మందికి డ్రగ్స్‌ అమ్మినట్లు ఒప్పుకున్నాడు. చదవండి: అవును, నిర్మాత నేను కొట్టుకున్నాం, తిట్టుకున్నాం: హీరో

డ్రగ్స్ కేసులో సినీ నిర్మాత కేపీ చౌదరీ కస్టడీ పూర్తయింది. హైదరాబాద్ లోని రాజేంద్రనగర్ పోలీసులు రెండు రోజుల పాటు విచారించారు. రంగారెడ్డి కోర్టులో శుక్రవారం హాజరు పరచునున్నారు. కొన్నిరోజుల ముందు అంటే జూన్ 14న డ్రగ్స్ కేసులో 'కబాలి' ఫేమ్ నిర్మాత కేపీ చౌదరిని అరెస్ట్ చేశారు. విచారణలో భాగంగా డ్రగ్స్ కింగ్ పిన్ నైజీరియన్ గాబ్రీయల్ డ్రగ్స్ పెడ్లర్ రాకేష్ రోషన్ లతో కేపీ చౌదరికి ఉన్న సంబంధాలపై పోలీసులు ఆరా తీశారు. గోవా, హైదరాబాద్ పార్టీలో పాల్గొన్న వారి వివరాలు కస్టడీలో ఉన్న నిర్మాత దగ్గర నుంచి సేకరించారు. పలువురు సినీ తారలతో డ్రగ్స్ లింకులపై పోలీసులు ఆరా తీయడంతో పాటు డ్రగ్స్ కొనుగోలు, అమ్మకాలపైనా కేపీ చౌదరిని పోలీసులు ప్రశ్నించారు. మొబైల్ కాల్ డేటా, వాట‍్సాప్ చాటింగ్ లాంటివి ఇతడి ముందుంచి మరీ ప్రశ్నించారు. ఇది పూర్తయిన తర్వాత కేపీ చౌదరి కార్లు అన్నింటినీ సీజ్ చేశారు. (ఇదీ చదవండి: శుక్రవారం ఒక్కరోజే ఓటీటీల‍్లోకి 28 సినిమాలు!)

డ్రగ్స్‌ రాకెట్‌లో ఇటీవల అరెస్ట్‌ అయిన సినీ నిర్మాత, డిస్ట్రిబ్యూటర్‌ కేపీ చౌదరి అలియాస్‌ కృష్ణప్రసాద్‌ను రాజేంద్రనగర్‌ పోలీసులు కస్టడీకి తీసుకున్నారు. కోర్టు ఆదేశాల మేరకు కేపీ చౌదరిని చర్లపల్లి జైలు నుంచి రాజేంద్రనగర్‌ పోలీసు స్టేషన్‌కు తరలించిన పోలీసులు..తమదైన శైలీలో విచారణ చేస్తున్నారు. గోవా నుంచి డ్రగ్స్ తరలిస్తుండగా  కేపీ చౌదరి పోలీసులుకు పట్టుబడిన సంగతి  తెలిసిందే.  ఈ క్రమంలో అతన్ని కోర్టులో హాజరుపరిచిన పోలీసులు.. వారం రోజులు కస్టడీ కోరుతూ పిటిషన్‌ వేశారు. విచారణ జరిపిన రంగారెడ్డి కోర్టు.. రెండు రోజుల పాటు కస్టడీకి తీసుకునేందుకు అనుమతి ఇచ్చింది. దీంతో పోలీసులు ఈరోజు కేపీ చౌదరిని చర్లపల్లి జైలు నుంచి రాజేంద్రనగర్‌ పోలీసులు కస్టడీలోకి తీసుకున్నారు. అనంతరం రాజేంద్రనగర్ పోలీసు స్టేషన్‌కు తరలించారు. (చదవండి: ఆ ఫోటోలు నావి కావు. . నాకు ట్వీటర్‌ ఖాతానే లేదు: జయవాణి) సినీ ప్రముఖులతో కేపీ చౌదరికి ఏమైనా లింకులు ఉన్నాయా? డ్రగ్స్‌ని ఇప్పటివరకు ఎవరెవరికి విక్రయించారు? అనే కోణంలో పోలీసులు ఆరా తీస్తున్నారు. .ఈరోజు, రేపు.. కేపీ చౌదరిని పోలీసులు వివిధ కోణాల్లో ప్రశ్నించనున్నారు. విచారణలో కేపీ చౌదరి ఇచ్చే సమాచారం ఆధారంగా డ్రగ్స్‌ వాడిన సెలబ్రిటీలకు పోలీసులు నోటీసులు ఇచ్చే అవకాశం ఉంది.  టాలీవుడ్‌తోపాటు కోలీవుడ్‌ సినీ ప్రముఖులతో పరిచయం ఉన్న కే.పీ.చౌదరి ‘కబాలి’ సినిమాకు నిర్మాతగా వ్యవహరించారు. సర్ధార్ గబ్బర్ సింగ్, అర్జున్ సురవరం, సీతమ్మ వాకిట్లో సిరిమల్లె చెట్టు వంటి సినిమాలను డిస్ట్రిబ్యూషన్ చేశారు.

రాష్ట్రవ్యాప్తంగా సంచలనం సృష్టించిన డ్రగ్స్‌ రాకెట్‌లో ఇటీవల అరెస్ట్‌ అయిన సినీ నిర్మాత, డిస్ట్రిబ్యూటర్‌ కేపీ చౌదరి అలియాస్‌ కృష్ణప్రసాద్‌ పోలీసులు కస్టడీకి తీసుకోనున్నారు. రెండు రోజుల పాటు అతన్ని విచారించనున్నారు. డ్రగ్స్‌ విక్రయ కేసులో ఇటీవల సైబరాబాద్‌ పోలీసులు నిర్మాతను అరెస్ట్‌ చేశారు. వారం రోజులు కస్టడీ కోరుతూ పోలీసులు కోర్టులో పిటిషన్‌ వేశారు. విచారణ జరిపిన రంగారెడ్డి కోర్టు.. రెండు రోజుల పాటు కస్టడీకి తీసుకునేందుకు అనుమతి ఇచ్చింది. నేడు చర్లపల్లి జైలు నుంచి రాజేంద్రనగర్‌ పోలీసులు కేపీ చౌదరిని కస్టడీలోకి తీసుకోనున్నారు. (చదవండి: మెగా ఫ్యామిలీకి సెంటిమెంట్‌గా మారుతున్న ఆ పేరు!?) టాలీవుడ్‌తోపాటు కోలీవుడ్‌ సినీ ప్రముఖులతో పరిచయం ఉన్న కే.పీ.చౌదరి ‘కబాలి’ సినిమాకు నిర్మాతగా వ్యవహరించారు. సర్ధార్ గబ్బర్ సింగ్, అర్జున్ సురవరం, సీతమ్మ వాకిట్లో సిరిమల్లె చెట్టు వంటి సినిమాలను డిస్ట్రిబ్యూషన్ చేశారు.సినీరంగంలో నష్టాలు రావడంతో డ్రగ్స్ సరఫరాను ఎంచుకున్నారు. గోవా నుంచి హైదరాబాద్‌కు తరచూ డ్రగ్స్‌ సరఫరా చేస్తున్నట్లు పోలీసుల విచారణలో తేలింది. టాలీవుడ్ ప్రముఖుల తో పాటు , సౌత్ ఆర్టిస్ట్ లతో కేపీకి దగ్గరి సంబంధాలు ఉన్నాయని పోలీసులు చెబుతున్నారు. విచారణలో కేపీ చౌదరి ఇచ్చే సమాచారం ఆధారంగా డ్రగ్స్‌ వాడిన సెలబ్రిటీలకు పోలీసులు నోటీసులు ఇచ్చే అవకాశం ఉంది. దీంతో అతనితో సన్నిహితంగా ఉన్న టాలీవుడ్‌ ప్రముఖుల్లో గుబులు మొదలైంది.