ఆధునిక కాలంలో ఫేస్‌బుక్‌, వాట్సాప్, ఇన్స్టా వంటి సోషల్ మీడియా యాప్స్‌లో చాలామంది కాలం గడిపేస్తూ ఉంటారు. కొన్ని సార్లు ఖాతాదారుని అకౌంట్‌ని సంస్థలు బ్లాక్ చేస్తూ ఉంటాయి. అలాంటి సమయంలో ఆ వ్యక్తి ఇంకో అకౌంట్ క్రియేట్ చేసుకుని సరిపెట్టుకుంటాడు. కానీ అమెరికాకు చెందిన ఒక లాయర్ దీని భిన్నంగా అకౌంట్ బ్లాక్ చేసిన కంపెనీ మీద కేసు వేసాడు. దీని గురించి మరిన్ని వివరాలు ఈ కథనంలో తెలుసుకుందాం. అమెరికాలోని జార్జియాకు చెందిన 'జాసన్ క్రాఫోర్డ్' (Jason Crawford) అనే వ్యక్తి తనకు కలిగిన అంతరాయానికి ఫేస్‌బుక్‌ కంపెనీకే చెమటలు పట్టించాడు. తన ఫేస్‌బుక్‌ అకౌంట్ యాక్సెస్ చేయడం కుదరకపోవడంతో సంస్థ మీద కేసుపెట్టి కోర్టుకి లాగాడు. అంతటితో ఆగకుండా నష్టపరిహారంగా 50 వేల డాలర్లు అంటే భారతీయ కరెన్సీ ప్రకారం సుమారు రూ. 41.11 లక్షలు జరిమానా విధిందెలా చేసాడు. (ఇదీ చదవండి: తక్కువ ధరలో బెస్ట్ గ్యాడ్జెట్స్.. ఒకదాన్ని మించి మరొకటి!) క్రాఫోర్డ్ అందించిన సమాచారం ప్రకారం.. ఒక రోజు ఉదయం ఫేస్‌బుక్‌ అకౌంట్ ఐకాన్ మీద ట్యాప్ చేస్తే అది లాక్ అయినట్లు, నన్ను బ్యాన్ చేసినట్లు తెలిసింది. దీనికి కారణం చైల్డ్ సెక్సువల్ ఎక్స్‌ప్లాయిటేషన్ అని తెలిసింది. అలాంటి తప్పు తాను ఎప్పుడూ చేయలేదని చెప్పాడు. ఈ సమస్యను పరిష్కరించుకోవడం కోసం సంస్థకు ఫిర్యాదు చేయడానికి చాలా సార్లు ప్రయత్నించానని, అయినా ఎటువంటి ప్రయోజనం లేదని వెల్లడించాడు. (ఇదీ చదవండి: 12 ఏళ్ల నిర్మాణం.. 700 ఎకరాల విస్తీర్ణం.. ప్రపంచంలోనే ఇలాంటి ప్యాలెస్‌ మరొకటి లేదు!) ఫేస్‌బుక్‌ అకౌంట్ బ్యాన్ కావడాన్ని జీర్ణించుకోలేని క్రాఫోర్డ్ వృత్తి రీత్యా లాయర్ కావడం వల్ల 2022 ఆగష్టులో కంపెనీ మీద కేసు వేసాడు. అయినప్పటికీ ఫేస్‌బుక్ నుంచి సరైన సమాధానం లభించలేదు, దీంతో కోర్టు క్రాఫోర్డ్‌కు 50 వేల డాలర్లు చెల్లించాలని మెటాను ఆదేశించింది. అయితే క్రాఫోర్డ్ పోరాటం ఇంకా కొనసాగుతూనే ఉంది, ఎందుకంటే సంస్థ తన అకౌంట్ రీస్టోర్ చేసింది. కానీ జరిమానా చెల్లించలేదు.

ఈ మధ్యకాలంలో ఇంతలా ఏ కమర్షియల్‌ అడ్వర్‌టైజ్‌మెంట్‌లు ఇంతగా వివాదాస్పదం అయ్యి ఉండలేదేమో!. గుజరాత్‌కు చెందిన ప్రముఖ డియోడ్రంట్‌ బ్రాండ్‌ లేయర్స్‌.. దుమారం రేపిన తన ‘షాట్‌’ యాడ్స్‌పై ఎట్టకేలకు క్షమాపణలు తెలిపింది. క్రియేటివిటీ పేరిట రూపొందించిన రెండు యాడ్స్‌ కూడా వివాదాస్పదం కావడం తెలిసే ఉంటుంది. మహిళలను అగౌరవపర్చడంతో పాటు అత్యాచార సంప్రదాయాల్ని ప్రొత్సహించేలా ఉన్నాయంటూ ఆ రెండు ‘షాట్‌’ యాడ్స్‌పై తీవ్ర అభ్యంతరాలు వ్యక్తం అయ్యాయి. మహిళా కమిషన్‌తో పాటు ఇంటర్నెట్‌లోనూ పలువురు మండిపడ్డారు. ఈ నేపథ్యంలో కొరడా ఝులిపించిన కేంద్రం.. ఆ యాడ్స్‌ను తొలగించాలంటూ ట్విటర్‌, యూట్యూబ్‌లను ఆదేశించింది.  ఈ పరిణామాల నేపథ్యంలో సోమవారం ట్విటర్‌లో లేయర్స్‌ షాట్‌  ఒక ప్రకటన విడుదల చేసింది. వ్యక్తిగతంగా, వర్గాలవారీగా ఎవరినైనా నొప్పించి ఉంటే మన్నించాలని వేడుకుంటున్నట్లు ఆ ప్రకటనలో తెలిపింది సదరు కంపెనీ. అంతేకాదు అన్ని ఫ్లాట్‌ఫామ్స్‌ నుంచి ఆ యాడ్‌లను తొలగిస్తున్నట్లు, మీడియా పార్ట్‌నర్స్‌కు కూడా ఆ యాడ్స్‌ టెలికాస్ట్‌ను ఆపేయాలని కోరినట్లు ప్రకటనలో తెలిపింది.  pic.twitter.com/6LfpVcBXuV — Layer'r Shot (@layerr_shot) June 6, 2022 ఇదిలా ఉంటే.. కేంద్రం కూడా ఇలాంటి యాడ్స్‌ను తప్పనిసరి అనుమతులు మంజూరు అయిన తర్వాతే టెలికాస్ట్‌ చేయాలంటూ లేయర్స్‌ షాట్‌కు అక్షింతలు వేసింది.  చదవండి: ఇదెక్కడి ‘షాట్‌’.. ఇంతకీ యాడ్స్‌లో ఏముందంటే..


  
 గుంటూరు లీగల్‌: ఆంధ్రప్రదేశ్‌కు ప్రత్యేకహోదా సాదించే విషయంలో జరుగుతున్న ఆందోళన కార్యక్రమాలలో న్యాయవాదులు భాగస్వాములు కావడం హర్షణీయమని గుంటూరు పశ్చిమ నియోజకవర్గ శాశన సభ్యులు మోదుగుల వేణుగోపాలరెడ్డి అన్నారు. రాష్ట్రానికి ప్రత్యేకహోదా కల్పించాలని కోరుతూ గుంటూరు బార్‌ అసోసియేషన్‌ సభ్యులు చేపట్టిన ఒక రోజు రిలే నిరాహార దీక్షశిభిరాన్ని  ఆయన శుక్రవారం ప్రారంభించారు. వేణుగోపాలరెడ్డి మాట్లాడుతూ ప్రత్యేకహోదా కల్పిస్తే రాష్ట్రం త్వరిగతిన అభివద్ధి చెందడమే కాక యువతకు ఉపాధి అవకాశాలు  మెండుగా ఉంటాయన్నారు. బార్‌ అసోసియేషన్‌ అధ్యక్షుడు గుత్తా వెంకటేశ్వరరావు మాట్లాడుతూ కేంద్రప్రభుత్వం వెంటనే రాష్ట్రానికి ప్రత్యేకహోదా కల్పిచకపోతే నిరసన ఉద్యమాన్ని మరింత తీవ్రం చేస్తామన్నారు.  దీక్షలో బార్‌అసోసియేషన్‌ అధ్యక్షులు గుత్తా వెంకటేశ్వరరావు, రాష్ట్రబార్‌ కౌన్సిల్‌ సభ్యుడు వట్టిజొన్నల బ్రహ్మారెడ్డి, కార్యవర్గ సంభ్యులు చింతల మల్లిఖార్జునరావు, బండ్లమూడి చంద్రశేఖర్, నెమలికంటి జింబో తదితరులు మాట్లాడారు. సాయంత్రం వినుకొండ శాసన సభ్యులు జీవీ ఆంజనేయులు, మిర్చియార్డు చైర్మన్‌ మన్నవ సుబ్బారావు హాజరై దీక్షలో పాల్గొన్న వారికి నిమ్మరసం ఇచ్చి దీక్షలను విరమింప చేశారు.