ఇంగ్లండ్‌ దేశవాలీ వన్డే కప్‌లో టీమిండియా వెటరన్‌ ఆటగాడు అజింక్య రహానే సత్తా చాటాడు. ఈ టోర్నీలో లీసెస్టర్‌షైర్‌ తరఫున అరంగేట్రం చేసిన రహానే.. నిన్న (జులై 24) నాటింగ్హషైర్‌తో జరిగిన మ్యాచ్‌లో మెరుపు అర్ద సెంచరీతో (60 బంతుల్లో 71; 9 ఫోర్లు) ఆకట్టుకున్నాడు. రహానే క్లాసీ ఇన్నింగ్స్‌కు సంబంధించిన వీడియో సోషల్‌మీడియాలో వైరలవుతుంది.Can I just shock you? Ajinkya Rahane is in the runs.71 of the finest from the Indian superstar on his Leicestershire debut.Here's every boundary. pic.twitter.com/NIwhARcBiE— Metro Bank One Day Cup (@onedaycup) July 24, 2024ఈ మ్యాచ్‌లో నాటింగ్హమ్‌షైర్‌పై లీసెస్టర్‌షైర్‌ 15 పరుగుల తేడాతో (డక​్‌వర్త్‌ లూయిస్‌) విజయం సాధించింది. తొలుత బ్యాటింగ్‌ చేసిన లీసెస్టర్‌.. బుడింగర్‌ (75), హిల్‌ (81), రహానే అర్ద సెంచరీలతో రాణించడంతో నిర్ణీత 50 ఓవర్లలో 6 వికెట్ల నష్టానికి 369 పరుగులు చేసింది.The moment Ajinkya Rahane reached his first Foxes fifty. 😎🦊#LEIvNOT pic.twitter.com/bHjSpMcpvZ— Leicestershire Foxes 🦊 (@leicsccc) July 24, 2024అనంతరం వరుణుడు అడ్డుతగలడంతో డక్‌వర్త్‌ లూయిస్‌ పద్దతిన లీసెస్టర్‌ లక్ష్యాన్ని 14 ఓవర్లలో 105 పరుగులకు కుదించారు. ఈ లక్ష్యాన్ని ఛేదించలేక లీసెస్టర్‌ ఓటమిపాలైంది. 14 ఓవర్లలో ఆ జట్టు 6 వికెట్లు కోల్పోయి 89 పరుగులు మాత్రమే చేయగలిగింది. టామ్‌ స్క్రీవెన్‌ 3 వికెట్లు తీసి లీసెస్టర్‌ను దెబ్బ తీశాడు.

ఇంగ్లండ్‌ దేశవాలీ వన్డే కప్‌ అయిన రాయల్‌ లండన్‌ వన్డే కప్‌-2023ను లీసెస్టర్‌షైర్‌ ఎగరేసుకుపోయింది. నిన్న (సెప్టెంబర్‌ 16) జరిగిన ఫైనల్లో ఆ జట్టు.. హ్యాంప్‌షైర్‌ను 2 పరుగుల స్వల్ప తేడాతో ఓడించి, తొలిసారి దేశవాలీ వన్డే ఛాంపియన్‌గా అవతరించింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన లీసెస్టర్‌షైర్‌ నిర్ణీత 50 ఓవర్లలో 7 వికెట్ల నష్టానికి 267 పరుగులు చేసింది. ఎనిమిదో నంబర్‌లో బ్యాటింగ్‌.. అజేయ శతకంతో విజృంభణ ఎనిమిదో నంబర్‌లో బ్యాటింగ్‌కు దిగిన ఆ జట్టు వికెట్‌కీపర్‌ హ్యారీ స్విండెల్స్‌ లిస్ట్‌-ఏ కెరీర్‌లో తొలి శతకంతో విజృంభించాడు. 96 బంతులు ఎదుర్కొన్న స్విండెల్స్‌ 8 ఫోర్లు, 3 సిక్సర్ల సాయంతో అజేయమైన 117 పరుగులు చేసి, తన జట్టు గౌరవప్రదమైన స్కోర్‌ సాధించేందుకు తోడ్పడ్డాడు. స్విండెల్స్‌కు శ్యామ్యూల్‌ ఈవాన్స్‌ (60), కెప్టెన్‌ లివిస్‌ హిల్‌ (42) సహకరించారు. హ్యాంప్‌షైర్‌ బౌలర్లలో బార్కర్‌, మేసన్‌ క్రేన్‌ తలో 3 వికెట్లు పడగొట్టగా.. హోలండ్‌ ఓ వికెట్‌ దక్కించుకున్నాడు. అనంతరం 268 పరుగుల లక్ష్యాన్ని ఛేదించేందుకు బరిలోకి దిగిన హ్యాంప్‌షైర్‌ గెలుపు కోసం కడదాకా పోరాడినప్పటికీ విజయం సాధించలేకపోయింది. ఆ జట్టు నిర్ణీత ఓవర్లు ఆడి లక్ష్యానికి 3 పరుగుల దూరంలో నిలిచిపోయింది. నిర్ణీత ఓవరల్లో ఆ జట్టు 8 వికెట్ల నష్టానికి 265 పరుగులకు పరిమితమైంది. టామ్‌ ప్రెస్ట్‌ (51), లియామ్‌ డాసన్‌ (57) అర్ధసెంచరీలతో రాణించి, హ్యాంప్‌షైర్‌ను గెలిపించే ప్రయత్నం చేశారు. వీరికి బెన్‌ బ్రౌన్‌ (33), జో వెదర్లీ (40) సహకరించినప్పటికీ ప్రయోజనం లేకుండా పోయింది. లీసెస్టర్‌షైర్‌ బౌలర్లలో ముల్దర్‌, క్రిస్‌ రైట్‌, జోష్‌ హల్‌ తలో 2 వికెట్లు పడగొట్టగా.. కొలిన్‌ అకెర్‌మ్యాన్‌ ఓ వికెట్‌ దక్కించుకున్నాడు. 

ఇంగ్లండ్‌ వేదికగా జరుగుతున్న విటాలిటీ టి20 బ్లాస్ట్‌లో ఆసక్తికర ఘటన చోటుచేసుకుంది. స్ట్రైక్‌ ఎండ్‌లో ఉన్న బ్యాటర్‌ ఎవరు ఊహించని విధంగా ఔటయ్యి పెవిలియన్‌ చేరడం సోషల్‌ మీడియాలో వైరల్‌గా మారింది. విషయంలోకి వెళితే.. లీగ్‌లో భాగంగా లీస్టర్‌షైర్‌, నాటింగ్‌హమ్‌షైర్‌ మధ్య మ్యాచ్‌ జరిగింది. లీస్టర్‌షైర్‌ ఇన్నింగ్స్‌ సమయంలో ఇన్నింగ్స్‌ 13వ ఓవర్‌ స్టీవెన్‌ ముల్లానే వేశాడు. స్ట్రైక్‌ ఎండ్‌లో కెప్టెన్‌ కొలిన్‌ అకెర్‌మన్‌ ఉండగా.. నాన్‌స్ట్రైక్‌ ఎండ్‌లో వియాన్‌ ముల్డర్‌ ఉన్నాడు.  స్టీవెన్‌ వేసిన ఓవర్‌ తొలి బంతిని కొలిన్‌ అకెర్‌మన్‌ స్ట్రెయిట్‌ షాట్‌ ఆడే ప్రయత్నం చేశాడు. బంతిని అందుకునే ప్రయత్నంలో స్టీవెన్‌ తొలుత విఫలమయ్యాడు. దీంతో బంతి వెళ్లి నాన్‌స్ట్రైక్‌ ఎండ్‌లో ఉన్న వియాన్‌ ముల్డర్‌ చేతులను తాకి మరోసారి పైకి లేచింది. ఈసారి ఎలాంటి పొరపాటు చేయని స్టీవెన్‌ ముల్లానే క్యాచ్‌ తీసుకున్నాడు. దీంతో కొలిన్‌ కాట్‌ అండ్‌ బౌల్డ్‌గా వెనుదిరిగాడు. ఊహించని విధంగా బంతి వియాన్‌కు తగలడం.. ఆపై క్యాచ్‌ తీసుకోవడం కొలిన్‌ అకెర్‌మన్‌కు గట్టి షాక్‌ తగిలినట్లయింది. రూల్‌ ప్రకారం ఔట్‌ అవడం వల్ల ఏం చేయలేక నిరాశగా పెవిలియన్‌ బాట పట్టాడు. వీడియో చూసిన అభిమానులు.. ''ఇలాంటి క్యాచ్‌ నెవర్‌ బిఫోర్‌.. ఎవర్‌ ఆఫ్టర్‌.. నాన్‌స్ట్రైక్‌ ఎండ్‌ బ్యాటర్‌ శని రూపంలో వెంటపడ్డాడు'' అంటూ కామెంట్‌ చేశాడు. ఇక మ్యాచ్‌లో నాటింగ్‌హమ్‌షైర్‌ 22 పరుగుల తేడాతో విజయాన్ని అందుకుంది. తొలుత బ్యాటింగ్‌ చేసిన నాటింగ్‌హమ్‌ నిర్ణీత 20 ఓవర్లలో 8 వికెట్ల నష్టానికి 165 పరుగులు చేసింది. జో క్లార్క్‌ 72 పరుగులతో టాప్‌స్కోరర్‌గా నిలిచాడు. అనంతరం 166 పరుగుల టార్గెట్‌తో బరిలోకి దిగిన లీస్టర్‌షైర్‌ 20 ఓవర్లలో 8 వికెట్ల నష్టానికి 143 పరుగులే చేయగలిగింది. వియాన్‌ ముల్డర్‌ 38, నిక్‌ వెల్చ్‌ 32 పరుగులు చేశారు. నాటింగ్‌హమ్‌షైర్‌ బౌలర్లలో స్టీవెన్‌ ముల్లానే మూడు వికెట్లు పడగొట్టాడు. View this post on Instagram A post shared by Vitality Blast (@vitalityblast) చదవండి: 'పాక్‌కు ఇది అవమానం.. హైబ్రీడ్‌ మోడల్‌ను వ్యతిరేకిస్తున్నా' అతడు ఏమైనా మాట్లాడొచ్చు.. కానీ: పీసీబీకి ఏసీసీ కౌంటర్‌.. ఇది ఫిక్స్‌

టీమిండియా వెటరన్‌ ఆటగాడు అజింక్య రహానే  మరోసారి ఇంగ్లండ్‌ కౌంటీల్లో ఆడనున్నాడు. . కౌంటీ ఛాంపియన్‌ షిప్‌ డివిజన్ టూలో లీసెస్టర్‌షైర్‌ క్రికెట్‌ క్లబ్‌కు రహానే ప్రాతినిధ్యం వహించనున్నాడు. వచ్చే నెలలో వెస్టిండీస్‌తో టెస్టు సిరీస్‌ అనంతరం ఇంగ్లండ్‌కు రహానే పయనం కానున్నట్లు తెలుస్తోంది. కాగా దాదాపు ఏడాదిన్నర తర్వాత జాతీయ జట్టులోకి రీ ఎం‍ట్రీ ఇచ్చిన రహానే.. ఆస్ట్రేలియాతో జరిగిన డబ్ల్యూటీసీ ఫైనల్లో అద్భుతమైన ప్రదర్శన కనబరిచాడు. తొలి ఇన్నింగ్స్‌లో 89 పరుగులతో కీలక ఇన్నింగ్స్‌ ఆడాడు. ఇక ఈ ఏడాది జనవరిలోనే లీసెస్టర్‌షైర్‌ క్రికెట్‌ క్లబ్‌తో రహానే ఒప్పందం కుదుర్చుకున్నాడు. ఈ ఒప్పందంలో భాగంగా  8 ఫస్ట్‌ క్లాస్‌ మ్యాచ్‌లు, రాయల్‌ లండన్‌ వన్డే కప్‌ మొత్తం రహానే ఆడనున్నాడు. కాగా అంతకుముందు 2019 కౌంటీ సీజన్‌లో హాంప్‌షైర్ తరపున రహానే ఆడాడు. ఇ​క ఇప్పటికే భారత్‌ నుంచి ఛతేశ్వర్‌ పుజారా, పేసర్‌ అర్ష్‌దీప్‌ సింగ్‌ ఇంగ్లండ్‌ కౌంటీల్లో ఆడుతున్న సంగతి తెలిసిందే. చదవండి: Virat Kohli: కోహ్లి సంపాదన ఎంతో తెలిస్తే షాక్‌!.. ఎవరికీ సాధ్యం కాని రీతిలో! ఎలా సంపాదిస్తున్నాడంటే?

ఐపీఎల్‌-2023లో ఓవరాక్షన్‌ చేసి (కోహ్లితో వివాదం) వార్తల్లో నిలిచిన ఆఫ్ఘనిస్తాన్‌ పేస్‌ బౌలర్‌ నవీన్‌ ఉల్‌ హక్‌ను ఇంగ్లండ్‌లో జరుగుతున్న టీ20 బ్లాస్ట్‌లో అనామక బ్యాటర్లు ఉతికి ఆరేశారు. లీసెస్టర్‌షైర్‌కు ప్రాతినిధ్యం వహిస్తున్న నవీన్‌ను నిన్న (జూన్‌ 1) జరిగిన మ్యాచ్‌లో డెర్బిషైర్‌ బ్యాటర్లు చెడుగుడు ఆడుకున్నారు. ఈ మ్యాచ్‌లో తన కోటా 4 ఓవర్లు వేసిన నవీన్‌.. ఏకంగా 42 పరుగులు సమర్పించుకున్నాడు. నవీన్‌ను ముఖ్యంగా సెంచరీ హీరో వేన్‌ మ్యాడ్‌సన్‌ (61 బంతుల్లో 109 నాటౌట్‌; 12 ఫోర్లు, 4 సిక్సర్లు) ఉతికి ఆరేశాడు. ఎడాపెడా బౌండరీలు బాది నవీన్‌కు ముచ్చెమటలు పట్టించాడు. మ్యాడ్‌సన్‌తో పాటు థామస్‌ వుడ్‌ (24 బంతుల్లో 37; 7 ఫోర్లు), బ్రూక్‌ గెస్ట్‌ (20 బంతుల్లో 25 నాటౌట్‌; 2 ఫోర్లు, సిక్స్‌) రాణించడంతో తొలుత బ్యాటింగ్‌ చేసిన డెర్బీషైర్‌ నిర్ణీత ఓవర్లలో 5 వికెట్ల నష్టానికి 189 పరుగులు చేసింది. లీసెస్టర్‌షైర్‌ బౌలరల్లో నవీన్‌తో పాటు ముల్దర్‌ (3-0-34-0), విల్‌ డేవిస్‌ (3-0-36-0) ధారాళంగా పరుగులు సమర్పించుకోగా.. పార్కిన్సన్‌ (2/36), రెహాన్‌ అహ్మద్‌ (2/20), అకెర్‌మన్‌ (1/16) వికెట్లు పడగొట్టారు.  అనంతరం 190 పరుగుల లక్ష్యఛేదనకు దిగిన లీసెస్టర్‌షైర్‌.. నిర్ణీత ఓవర్లలో 5 వికెట్ల నష్టానికి 187 పరుగులు చేసి 2 పరుగుల స్వల్ప తేడాతో ఓటమిపాలైంది.  నిక్‌ వెల్చ్‌ (20 బంతుల్లో 30; 4 ఫోర్లు, సిక్స్‌), రిషి పటేల్‌ (28 బంతుల్లో 44; 4 ఫోర్లు, 2 సిక్సర్లు), కొలిన్‌ అకెర్‌మన్‌ (38 బంతుల్లో 59 నాటౌట్‌; 6 ఫోర్లు, సిక్స్‌), రెహాన్‌ అహ్మద్‌ (14 బంతుల్లో 28 నాటౌట్‌; 4 ఫోర్లు, సిక్స్‌) లీసెస్టర్‌షైర్‌ను గెలిపించేందుకు విఫలయత్నం చేశారు. డెర్బీ బౌలర్లలో జాక్‌ చాపెల్‌ 2, మార్క్‌ వ్యాట్‌, జార్జ్‌ స్క్రిమ్‌షా, లూయిస్‌ రీత్‌ తలో వికెట్‌ పడగొట్టారు.  

ఫస్ట్‌క్లాస్‌ క్రికెట్‌లో కొత్త చరిత్ర నమోదైంది. గ్లోమోర్గాన్‌ బ్యాటర్‌ సామ్‌ నార్త్‌ఈస్ట్‌ 400 పరుగుల మార్క్‌ను సాధించాడు. లీస్టర్‌షైర్‌తో మ్యాచ్‌లో భాగంగా శనివారం సామ్‌ నార్త్‌ఈస్ట్‌ ఈ ఘనత సాధించాడు. ఓవరాల్‌గా 450 బంతుల్లో 45 ఫోర్లు, 3 సిక్సర్లతో 410 పరుగులు నాటౌట్‌గా నిలిచాడు. ఈ నేపథ్యంలో ఫస్ట్‌క్లాస్‌ క్రికెట్‌లో గ్లోమోర్గాన్‌ తరపున అత్యధిక వ్యక్తిగత స్కోరు సాధించిన రెండో ఆటగాడిగా సామ్‌ నార్త్‌ఈస్ట్‌ నిలిచాడు. తొలి స్థానంలో విండీస్‌ దిగ్గజం బ్రియాన్‌ లారా ఉన్నాడు. 1994లో  వార్విక్‌షైర్‌ తరపున లారా 501 పరుగులు సాధించాడు. ఇక అంతర్జాతీయ టెస్టు క్రికెట్‌లో అత్యధిక వ్యక్తిగత స్కోరు లారా పేరిటే ఉంది. 2004లో ఇంగ్లండ్‌పై అంటింగ్వా వేదికగా లారా 400 పరుగులు నాటౌట్‌ చేశాడు. టెస్టుల్లో ఏకైక క్వాడ్రపుల్‌ సెంచరీ(400) లారా పేరు మీద ఉండడం విశేషం. సామ్‌ నార్త్‌ఈస్ట్‌కు జతగా జి.కూక్‌ 227 బంతుల్లో 191 నాటౌట్‌ రాణించడంతో గ్లోమోర్గాన్‌ తొలి ఇన్నింగ్స్‌ను 5 వికెట్ల నష్టానికి 795  పరుగుల వద్ద డిక్లేర్‌ చేసింది. 𝗙𝗢𝗨𝗥 𝗛𝗨𝗡𝗗𝗥𝗘𝗗! Sam Northeast becomes the first Glamorgan player ever to reach 4⃣0⃣0⃣ 👏 𝐒𝐞𝐧𝐬𝐚𝐭𝐢𝐨𝐧𝐚𝐥. It also brings up the 450 partnership! 🤯 𝗪𝗮𝘁𝗰𝗵 𝗹𝗶𝘃𝗲: https://t.co/F3GGp6mm3i#LEIvGLAM | #GoGlam pic.twitter.com/DFrFk15QUW — Glamorgan Cricket 🏏 (@GlamCricket) July 23, 2022 చదవండి: END Vs SA: ఇంగ్లండ్‌ కెప్టెన్‌ అద్బుత విన్యాసం.. మార్క్రమ్‌ డైమండ్‌ డక్‌

టీమిండియా దిగ్గజ క్రికెటర్‌ సునీల్‌ గావస్కర్‌ అరుదైన ఘనత సాధించాడు. ఇంగ్లండ్‌లోని లీస్టర్‌షైర్‌ క్రికెట్‌ గ్రౌండ్‌కు 'గవాస్కర్‌ గ్రౌండ్‌'గా నామకరణం చేశారు. రిపోర్ట్స్‌ ప్రకారం ఇంగ్లండ్‌ లేదా యూరప్‌ గడ్డపై ఉన్న క్రికెట్‌ గ్రౌండ్‌కు ఒక ఇండియన్‌ క్రికెటర్‌ పేరు పెట్టడం ఇదే తొలిసారి. సునీల్‌ గావస్కర్‌ తొలి ఆటగాడిగా ఈ అరుదైన ఘనత సాధించి చరిత్రలో నిలిచాడు. ఇటీవలే లీస్టర్‌షైర్‌లో ఐదు ఎకరాల స్థలాన్ని గవాస్కర్‌ సొంతం చేసుకున్నాడు. క్రికెట్‌లో గావస్కర్‌ చేసిన సేవలకు గానూ లీస్టర్‌షైర్‌ క్రికెట్‌ అసోసియేషన్‌ తమ గ్రౌండ్‌కు 'గావస్కర్‌ గ్రౌండ్‌' అని పేరు పెట్టినట్లు తెలిపింది. తన స్థలానికి సంబంధించిన రిజిస్ట్రేషన్‌ పనుల మీద గావస్కర్‌ ప్రస్తుతం లండన్‌లోనే ఉన్నాడు. ఇప్పటికే లీస్టర్‌షైర్‌ గ్రౌండ్‌లోని ఒక పెవిలియన్‌ ఎండ్‌ గోడపై సునీల్‌ గావస్కర్‌ పెయింటింగ్‌ పెద్ద ఎత్తున గీశారు. సన్నీ యువ క్రికెటర్‌గా చేతిలోని బ్యాట్‌ భుజంపై పెట్టుకొని ఫోజు ఇచ్చిన ఫోటోను పెయింటింగ్‌గా వేశారు. కాగా గావస్కర్‌ పేరిట తాంజానియా, అమెరికాల్లోనూ తన పేరిట క్రికెట్‌ గ్రౌండ్‌లు ఉన్నాయి. లీస్టర్‌షైర్‌ గ్రౌండ్‌కు తనపేరు పెట్టడంపై 73 ఏళ్ల దిగ్గజ క్రికెటర్‌ స్పందించాడు. ''లీస్టర్‌షైర్‌ సిటీలో క్రికెట్‌ వాతావరణం ఎక్కువగా ఉంఉటంది.  ముఖ్యంగా ఇక్కడ ఎక్కువగా ఇండియన్ మూలాలున్న క్రికెటర్లు ఎక్కువగా ఉంటారు. అందుకే గ్రౌండ్‌కు నా పేరు పెట్టడాన్ని గొప్ప గౌరవంగా భావిస్తు‍న్నా'' అంటూ చెప్పుకొచ్చాడు. భారత క్రికెట్ దిగ్గజం.. లిటిల్‌ మాస్టర్‌ సునీల్‌ గావస్కర్‌ గురించి ప్రత్యేకంగా చెప్పనవసరం లేదు. టెస్టుల్లో టీమిండియా తరపున 10వేల పరుగుల మార్క్‌ను అందుకున్న తొలి ఆటగాడిగా చరిత్ర సృష్టించాడు. అంతేకాదు టెస్టుల్లో 34 సెంచరీలు సాధించి అత్యధిక సెంచరీలు అందుకున్న ఆటగాడిగా(సచిన్‌ బ్రేక్‌ చేసేవరకు) నిలిచాడు. ఇక టెస్టుల్లో బెస్ట్‌ ఓపెనింగ్‌ బ్యాట్స్‌మన్‌గా ఆల్‌టైమ్‌ జాబితాలో చోటు సంపాదించాడు. 1971-1987 వరకు అంతర్జాతీయ క్రికెట్‌ ఆడిన గావస్కర్‌ లెక్కలేనన్ని రికార్డులు సాధించాడు. సునీల్‌ గావస్కర్‌ టీమిండియా తరుపున 108 వన్డేల్లో  3092 పరుగులు చేశాడు. ఇందులో ఒక సెంచరీ, 27 హాఫ్ సెంచరీలు ఉన్నాయి. ఇక 125 టెస్టు మ్యాచ్‌ల్లో 10,122 పరుగులు చేసిన గావస్కర్‌ ఖాతాలో 34 సెంచరీలు, 45 అర్థసెంచరీలు ఉన్నాయి. Leicester cricket ground to be named after Sunil Gavaskar, he became the first Indian cricketer to have a ground named after him in England. (Source - TOI) — Johns. (@CricCrazyJohns) July 22, 2022 Leicester cricket ground to be named after Sunil Gavaskar - Sunil Gavaskar's giant image has already been painted on one entire wall of the pavilion. pic.twitter.com/MWUKKjBa8O — CricketMAN2 (@ImTanujSingh) July 22, 2022 చదవండి: సరిగ్గా ఇదే రోజు.. విండీస్‌ గడ్డ మీద కోహ్లి డబుల్‌ సెంచరీ! అరుదైన రికార్డు..

భారత్‌-లీస్టర్‌షైర్‌ జట్ల మధ్య జరుగుతున్న వార్మప్‌ మ్యాచ్‌ గల్లీ క్రికెట్‌ను తలపించింది. మూడో రోజు టీమిండియా బ్యాటింగ్‌ సమయంలో కొన్ని వింతలు చోటు చేసుకున్నాయి. భారత బ్యాటర్లు రవీంద్ర జడేజా, శ్రేయస్‌ అయ్యర్‌ రెండో ఇన్నింగ్స్‌లో ఔటైన  మళ్లీ బ్యాటింగ్‌ కొనసాగించి అర్ధసెంచరీలు స్కోర్‌ చేశారు. తొలి ఇన్నింగ్స్‌లో లీస్టర్‌షైర్‌ తరఫున ఆడిన నయా వాల్‌ పుజారా.. రెండో ఇన్నింగ్స్‌లో టీమిండియా తరఫున.. రెండు ఇన్నింగ్స్‌ల్లో టీమిండియా తరఫున ఆడిన శుభ్‌మన్‌ గిల్‌ లీస్టర్‌షైర్‌ తరఫున రెండో ఇన్నింగ్స్‌లో మరోసారి బ్యాటింగ్‌కు దిగాడు.  వార్మప్‌ మ్యాచ్‌ కావడంతో టీమిండియా ఆటగాళ్లు రూల్స్‌ను పక్కకు పెట్టి గట్టిగా ప్రాక్టీస్‌ చేశారు. ఇంగ్లండ్‌తో టెస్ట్‌కు ముందు జరుగుతున్న మ్యాచ్‌ కావడంతో భారత ఆటగాళ్లంతా సాధ్యమైనంత ఎక్కువ సేపు బ్యాటింగ్‌ ప్రాక్టీస్‌ చేశారు. ఈ మ్యాచ్‌లో మరో రోజు (నాలుగో రోజు) ఆట మిగిలి ఉంది. నాలుగో రోజు తొలి సెషన్‌ సమయానికి లీస్టర్‌షైర్‌ వికెట్‌ నష్టానికి 80 పరుగులు చేసింది. లీస్టర్‌షైర్‌ టీమిండియాపై గెలవాలంటే మరో 287 పరుగులు సాధించాల్సి ఉంది. శుభ్‌మన్‌ గిల్‌ (46), శామ్యూల్‌ ఈవాన్స్‌ (17) క్రీజ్‌లో ఉన్నారు.  ఈ మ్యాచ్‌లో టీమిండియా తొలి ఇన్నింగ్స్‌లో 246/8.. రెండో ఇన్నింగ్స్‌లో 364/7 స్కోర్ల వద్ద డిక్లేర్‌ చేసింది. లిస్టర్‌షైర్‌ తొలి ఇన్నింగ్స్‌లో 244 పరుగులకు ఆలౌటైంది.  కాగా, ఈ మ్యాచ్‌ తొలి ఇన్నింగ్స్‌లో బ్యాటింగ్‌కు దిగిన టీమిండియా కెప్టెన్‌ రోహిత్‌ శర్మ కోవిడ్‌ బారిన పడిన విషయం తెలిసిందే. ఇంగ్లండ్‌తో మ్యాచ్‌ సమయానికి (జులై 1) రోహిత్‌ కోలుకోకపోతే బుమ్రా టీమిండియా కెప్టెన్సీ బాధ్యతలు చేపట్టే అవకాశం ఉంది. ఇప్పటికే గాయం కారణంగా కేఎల్‌ రాహుల్‌, కోవిడ్‌ కారణంగా అశ్విన్‌ ఇంగ్లండ్‌తో టెస్ట్‌ మ్యాచ్‌కు దూరంగా ఉన్నారు.  చదవండి: కోహ్లి, శ్రేయస్, రవీంద్ర జడేజా అర్ధ సెంచరీలు..

మనం ఇంటిదగ్గర ఆడుకునే క్రికెట్‌లో అవతలి జట్టులో ఎవరైనా వ్యక్తి తక్కువైతే మన జట్టులో నుంచి ఒక వ్యక్తిని అక్కడ సర్దుబాటు చేయడం చూస్తుంటాం. ఇలాంటివి గల్లీ క్రికెట్‌లో ఎక్కువగా ఉంటాయి. తాజాగా అలాంటి ఘటనే లీస్టర్‌షైర్‌, టీమిండియాల మధ్య జరుగుతున్న వార్మప్‌ మ్యాచ్‌లో జరిగింది. టీమిండియా టెస్టు స్పెషలిస్ట్‌ చతేశ్వర్‌ పుజారా వార్మప్‌ మ్యాచ్‌లో రెండు జట్ల తరపున బ్యాటింగ్‌కు వచ్చాడు. మొదట లీస్టర్‌షైర్‌కు ప్రాతినిధ్యం వహించిన పుజారా తొలి ఇన్నింగ్స్‌లో షమీ బౌలింగ్‌లో క్లీన్‌బౌల్డ్‌ అయి డకౌట్‌గా వెనుదిరిగాడు. కాగా పెవిలియన్‌ వెళ్తున్న పుజారాను వెనుక నుంచి హగ్‌ చేసుకొని వింత సెలబ్రేషన్‌ చేసుకున్నాడు. అయితే మహ్మద్ షమీని ఎదుర్కోవడం కష్టంగా ఉందని భావించాడేమో  రెండో ఇన్నింగ్స్‌లో మాత్రం టీమిండియా తరపున బ్యాటింగ్‌కి వచ్చాడంటూ అభిమానులు పేర్కొన్నారు. కానీ అసలు సంగతి అది కాదు. వార్మప్‌ మ్యాచ్‌ నాలుగు రోజులే కావడం.. రోజు వర్షం కురుస్తుండడంతో ఆటకు అంతరాయం ఏర్పడుతుంది. మూడో రోజు ఆటలో కూడా ఉదయం పూట వర్షం అడ్డుపడింది. దీంతో బ్యాటింగ్‌ ప్రాక్టీస్‌కు అంతరాయం కలిగింది. ఒకవేళ నాలుగో రోజు లీస్టర్‌షైర్‌ తరపున ఆడితే వర్షం వల్ల పుజారాకు బ్యాటింగ్‌ అవకాశం రాకపోవచ్చని టీమిండియా భావించింది. అందుకే పుజారాను టీమిండియా తరపున బ్యాటింగ్‌కు దించింది.అయితే పుజారా మరోసారి విఫలమయ్యాడు. 22 పరుగులు చేసి సాయి కిషోర్‌ బౌలింగ్‌లో వెనుదిరిగాడు.  ఇక మ్యాచ్‌ విషయానికి వస్తే టీమిండియా రెండో ఇన్నింగ్స్‌లో భారీగానే పరుగులు రాబడుతుంది. జట్టులో ప్రతీ ఒక్క బ్యాట్స్‌మన్‌ తలా ఇన్ని పరుగులు చేశారు. ముఖ్యంగా విరాట్‌ కోహ్లి 98 బంతుల్లో 5 ఫోర్లు, 2 సిక్సర్ల సాయంతో 67 పరుగులు చేసి ఔటయ్యాడు. అయితే సెంచరీ చేస్తాడనుకున్న కోహ్లి అర్థసెంచరీతోనే సరిపెట్టాడు. ఇక ఓపెనర్‌గా ప్రమోషన్‌ పొందిన కోన శ్రీకర్‌ భరత్‌ 43 పరుగులు చేసి ఆకట్టుకోగా.. గిల్‌ 38, హనుమ విహారి 20 పరుగులు చేసి ఔటయ్యారు. ఆ తర్వాత శార్దూల్‌ ఠాకూర్‌ 28 పరుగులు చేశాడు. ప్రస్తుతం రెండో ఇన్నింగ్స్‌లో 6 వికెట్ల నష్టానికి 313 పరుగులు చేసింది. శ్రేయాస్‌ అయ్యర్‌ 52, రవీంద్ర జడేజా 22 పరుగులతో ఆడుతున్నారు. చదవండి: తొలిసారి రంజీ ట్రోఫీ అందుకోనున్న మధ్యప్రదేశ్..! కోపం వస్తే మాములుగా ఉండదు.. మరోసారి నిరూపితం

లీస్టర్‌షైర్‌తో జరుగుతున్న ప్రాక్టీస్‌ మ్యాచ్‌ రెండో ఇన్నింగ్స్‌లో విరాట్‌ కోహ్లి అర్ధసెంచరీ సాధించాడు. మూడో రోజు ఆటలో ఏడో స్థానంలో బ్యాటింగ్‌కు దిగిన కోహ్లి.. 98 బంతులను ఎదుర్కొని 5 ఫోర్లు, 2 సిక్సర్ల సాయంతో 67 పరుగులు చేశాడు. అనంతరం బుమ్రా బౌలింగ్‌లో అబ్దైన్‌ సఖండేకు క్యాచ్‌ ఇచ్చి వెనుదిరిగాడు. ఈ ఇన్నింగ్స్‌లో స్వేచ్ఛగా షాట్లు ఆడిన కోహ్లి సెంచరీ సాధిస్తాడని అంతా భావించారు. అయితే వారికి మరోసారి నిరాశే ఎదురైంది. 90/1 ఓవర్‌నైట్‌ స్కోర్‌ వద్ద మూడో రోజు ఆటను ప్రారంభించిన టీమిండియా.. మూడో రోజు మూడో సెషన్‌ సమయానికి 6 వికెట్ల నష్టానికి 304 పరుగులు చేసింది. శ్రీకర్‌ భరత్‌ (43), హనుమ విహారి (20), శార్దూల్‌ ఠాకూర్‌ (28), పుజారా (22) ఎక్కువ సేపు క్రీజ్‌లో నిలబడలేకపోయారు. శ్రేయస్‌ అయ్యర్‌ (46), రవీంద్ర జడేజా (19) క్రీజ్‌లో ఉన్నారు. అంతకుముందు టీమిండియా 246/8 స్కోర్‌ వద్ద తొలి ఇన్నింగ్స్‌ను డిక్లేర్‌ చేయగా.. లీస్టర్‌షైర్‌ 244 పరుగులకు ఆలౌటైంది. కాగా, జులై 1 నుంచి ఇంగ్లండ్‌తో టెస్ట్‌ మ్యాచ్‌ ప్రారంభంకానున్న విషయం తెలిసిందే.  చదవండి: కోపం వస్తే మాములుగా ఉండదు.. మరోసారి నిరూపితం

టీమిండియా మాజీ కెప్టెన్‌.. స్టార్‌ ఆటగాడు విరాట్‌ కోహ్లి దూకుడుకు మారుపేరు. మైదానంలో ఎంత అగ్రెసివ్‌గా ఉంటాడో ప్రత్యేకంగా చెప్పనవసరం లేదు. ఇప్పటికే చాలా సందర్బాల్లో కోహ్లికి కోపం వస్తే మాములుగా ఉండదు అని నిరూపించాడు. తనను ఎవరైనా కామెంట్‌ చేస్తే ఊరుకోని కోహ్లి.. తన సహచర ఆటగాళ్ల విషయంలోనూ అంతే అగ్రెసివ్‌గా రియాక్ట్‌ అవుతుంటాడు. పూజారా, అజింకా రహానే, రిషబ్ పంత్... ఇలా ఏ ఆటగాడిని ట్రోల్ చేసినా ముందుకు దూసుకొచ్చి ప్రత్యర్థి జట్టుకి స్ట్రాంగ్ కౌంటర్‌ ఇవ్వడం చేసేవాడు. కెప్టెన్‌గా ఉన్నప్పుడు జట్టును ఎంత దూకుడుగా నడిపించాడో.. కెప్టెన్సీ నుంచి తప్పుకున్న తర్వాత కూడా అదే పంథాను అనుసరించాడు. తాజాగా టీమిండియా ఇంగ్లండ్‌ పర్యటనలో ఉన్న సంగతి తెలిసిందే. జూలై 1న ఇంగ్లండ్‌తో ప్రారంభం కానున్న ఏకైక టెస్టు నేపథ్యంలో లీస్టర్‌షైర్‌తో టీమిండియా నాలుగు రోజుల వార్మప్‌ మ్యాచ్‌ ఆడుతుంది. కాగా ఇంగ్లండ్‌ సిరీస్‌ కోసం టీమిండియా నెట్‌బౌలర్‌గా కమలేశ్‌ నాగర్‌కోటి ఎంపికయ్యాడు. వార్మప్‌ మ్యాచ్‌లో ఫీల్డింగ్‌ చేస్తున్న సమయంలో కమలేశ్‌ నాగర్‌కోటికి ప్రేక్షకుల నుంచి చేదు అనుభవం ఎదురైంది.  మ్యాచ్ చూసేందుకు వచ్చిన ప్రేక్షకుల్లో ఒక వ్యక్తి పదేపదే కమలేశ్‌ను పిలిచే ప్రయత్నం చేశాడు. మ్యాచ్‌ జరుగుతుండడంతో కమలేశ్‌ స్పందించలేదు. తనకు సెల్ఫీ ఇవ్వాలని.. ఫోటో తీసేంతవరకూ తనవైపు తిరగాలంటూ గోల చేస్తూ  ఇబ్బందిపెట్టాడు. ఇదంతా బాల్కనీ నుంచి గమనించిన కోహ్లి బయటికి వచ్చి ‘ఎందుకు అతన్ని విసిగిస్తున్నావ్’ అంటూ నిలదీశాడు. దానికి అతను తానేం విసిగించడం లేదని... ఫోటో ఇవ్వాలని అడుగుతున్నానంటూ సమాధానం చెప్పే ప్రయత్నం చేశాడు.‘అతను మ్యాచ్ కోసం ఇక్కడికి వచ్చాడు... నీకోసం కాదు’ అంటూ కౌంటర్ ఇచ్చాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది.  ఇక మూడేళ్లుగా సెంచరీ కోసం తప్పిస్తున్న కోహ్లి కనీసం ఇంగ్లండ్‌ గడ్డపై ఆ ఫీట్‌ సాధిస్తాడేమో చూడాలి. ఈ మూడేళ్లలో వన్డేలు, టెస్టులు, టి20లు, ఐపీఎల్‌ ఇలా ఏవి ఆడినా సెంచరీ మార్క్‌ను మాత్రం అందుకోలేకపోయాడు. తాజాగా లీస్టర్‌షైర్‌తో వార్మప్‌ మ్యాచ్‌లో కోహ్లి తొలి ఇన్నింగ్స్‌లో 33 పరుగులు చేసి ఔటయ్యాడు.  Virat Teaching a lesson to a guy in crowd who was making fun of Kamlesh Nagarkoti who was standing near the Boundary line while fielding in the practise match ❤️ 'aRrOgAnT' uno 🤡@imVkohli 🐐pic.twitter.com/1urDq3jRyq — Priyanshu Bhattacharya 🏏 (@im_Priyanshu_B7) June 25, 2022 చదవండి: కోహ్లి వికెట్‌పై లీస్టర్‌షైర్‌ బౌలర్‌ స్పందన కోహ్లి చేతిపై 11 పచ్చబొట్ల వెనుక రహస్యం ఏంటంటే..

లీస్టర్‌షైర్‌, టీమిండియాల మధ్య జరుగుతున్న వార్మప్‌ మ్యాచ్‌లో రిషబ్‌ పంత్‌ అర్థసెంచరీతో మెరిశాడు. ఉమేశ్‌ యాదవ్‌ బౌలింగ్‌లో రివర్స్‌ స్వీప్‌లో సూపర్‌ సిక్సర్‌ బాదిన ఆడిన పంత్‌ 72 బంతుల్లో 50 పరుగుల మార్క్‌ను అందుకున్నాడు. వన్డే తరహా ఇన్నింగ్స్‌ ఆడిన పంత్‌ ఓవరాల్‌గా 87 బంతుల్లో 14 ఫోర్లు, ఒక సిక్సర్‌ సాయంతో 76 పరుగులు సాధించాడు. అయితే దక్షిణాఫ్రికాతో జరిగిన ఐదు మ్యాచ్‌ల టి20 సిరీస్‌లో టీమిండియా కెప్టెన్‌గా వ్యవహరించిన పంత్‌ బ్యాటర్‌గా మాత్రం దారుణంగా విఫలమయ్యాడు. మరి తాజా ఇన్నింగ్స్‌తో పంత్‌ ఫామ్‌లోకి వచ్చినట్టేనా అని అభిమానులు కామెంట్‌ చేశారు. ఇక మ్యాచ్‌ విషయానికి వస్తే లీస్టర్‌షైర్‌ 244 పరుగులకు ఆలౌట్‌ అయింది. పంత్‌ 76, రిషి పటేల్‌ 34, రోమన్‌ వాకర్‌ 34, లుయిస్‌ కింబర్‌ 31 పరుగులు చేశారు. టీమిండియా బౌలర్లలో షమీ, జడేజా చెరో మూడు వికెట్లు తీయగా.. సిరాజ్‌, శార్దూల్‌ ఠాకూర్‌ తలా రెండు వికెట్లు తీశారు. అంతకముందు టీమిండియా తొలి ఇన్నింగ్స్‌ను 246 పరుగుల వద్ద డిక్లెర్‌ చేసింది. 5️⃣0️⃣ for @RishabhPant17! 👏 A top edged sweep flies for 6️⃣ and helps Pant reach a 𝐦𝐚𝐠𝐧𝐢𝐟𝐢𝐜𝐞𝐧𝐭 half-century. 🧹 🦊 LEI 204/6 𝐋𝐈𝐕𝐄 𝐒𝐓𝐑𝐄𝐀𝐌: https://t.co/DdQrXej7HC👈 🦊 #IndiaTourMatch | #LEIvIND | #TeamIndia pic.twitter.com/MndQrfAm1n — Leicestershire Foxes 🏏 (@leicsccc) June 24, 2022 చదవండి: 73 ఏళ్ల రికార్డు బద్దలు కొట్టిన కివీస్‌ బ్యాటర్‌.. దిగ్గజాల సరసన చోటు IND Vs LEIC: పుజారా డకౌట్‌.. షమీ వింత సెలబ్రేషన్‌

కౌంటీల్లో వరుస సెంచరీలో దుమ్మురేపిన చతేశ్వర్‌ పుజారా డకౌట్‌ అయ్యాడు. ప్రస్తుతం ఇంగ్లండ్‌ పర్యటనలో ఉన్న టీమిండియా లీస్టర్‌షైర్‌తో వార్మప్‌ మ్యాచ్‌ ఆడుతున్న సంగతి తెలిసిందే. దీనిలో భాగంగా లీస్టర్‌షైర్‌కు ప్రాతినిధ్యం వహించిన టీమిండియా టెస్టు స్పెషలిస్ట్‌ మహ్మద్‌ షమీ బౌలింగ్‌లో సున్నాకే క్లీన్‌బౌల్డ్‌ అయ్యాడు. షమీ వేసిన గుడ్‌లెంగ్త్‌ డెలివరీకి పుజారా వద్ద సమాధానం లేకుండా పోయింది. ఇన్‌సైడ్‌ ఎడ్జ్‌ తీసుకున్న బంతి నేరుగా వికెట్లను గిరాటేసింది. పుజారా, షమీ ఒకరినొకరు చూసుకుంటూ నవ్వుకున్నారు.ఆ తర్వాత పెవిలియన్‌కు వెళ్తున్న పుజారా వైపు పరిగెత్తుకొచ్చిన షమీ వెనుక నుంచి అతన్ని గట్టిగా హగ్‌ చేసుకున్నాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది.  ఇక మ్యాచ్‌ విషయానికి వస్తే.. తొలి రోజును 246/8తో ముగించిన టీమిండియా.. లీస్టర్‌షైర్‌లోని  మిగతా టీమిండియా ఆటగాళ్లకు ప్రాక్టీస్‌ అవకాశం ఇవ్వడం కోసం అదే స్కోరు వద్ద ఇన్నింగ్స్‌ను డిక్లేర్‌ చేశారు. అయితే ఉదయం సెషన్‌లో లీస్టర్‌షైర్‌ రెండు వికెట్లు కోల్పోయింది. ఓపెనర్‌ సామ్‌ ఇవన్స్‌, పుజారాలు ఔటయ్యాకా.. మరో ఓపెనర్‌ లుయిస్‌ కింబర్‌(31), జోయ్‌ ఎవిసన్‌(22) ఇన్నింగ్స్‌ను కాసేపు నడిపించారు. వీరిద్దరు ఔట్‌ కాగా.. ప్రస్తుతం లీస్టర్‌షైర్‌ 4 వికెట్ల నష్టానికి 88 పరుగులు చేసింది. రిషబ్‌ పంత్‌ 16, రిషి పటేల్‌ 13 పరుగులతో ఆడుతున్నారు. ☝️ | 𝐏𝐮𝐣𝐚𝐫𝐚 𝐛 𝐒𝐡𝐚𝐦𝐢. A second wicket for Shami. He dismisses his @BCCI teammate, as Pujara drags on. Evison joins Kimber (28*). 🦊 LEI 34/2 𝐋𝐈𝐕𝐄 𝐒𝐓𝐑𝐄𝐀𝐌: https://t.co/APL4n65NFa 👈 🦊 #IndiaTourMatch | #LEIvIND | #TeamIndia pic.twitter.com/ANf2NfhUAy — Leicestershire Foxes 🏏 (@leicsccc) June 24, 2022 చదవండి: Virat Kohli: రూట్‌ మ్యాజిక్‌ ట్రిక్‌ను అనుకరించబోయి బొక్కబోర్లా! రోహిత్‌ శర్మకు ఏమైంది..? అక్కడ కూడా తీరు మారలేదు..!

టీమిండియా స్టార్‌ విరాట్‌ కోహ్లి ప్రస్తుతం జట్టుతో కలిసి ఇంగ్లండ్‌ పర్యటనలో​బిజీగా ఉన్నాడు. జూలై 1న ఇంగ్లండ్‌తో ఏకైక టెస్టు నేపథ్యంలో భారత్‌ తమ ప్రాక్టీస్‌ను ముమ్మరం చేసింది. ఈ క్రమంలోనే టీమ్‌ సభ్యులంతా రెండుగా విడిపోయి లీస్టర్‌షైర్‌తో వార్మప్‌ మ్యాచ్‌ ఆడుతున్నారు. కాగా గురువారం మ్యాచ్‌లో టీమిండియా తరపున బరిలోకి దిగిన కోహ్లి 69 బంతుల్లో 33 పరుగులు చేశాడు. కాగా కోహ్లి చేసిన ఒక చర్య ఆసక్తికరంగా మారి కెమెరా కంటికి చిక్కింది. ఇటీవలే ఇంగ్లండ్‌ మాజీ కెప్టెన్‌ జో రూట్‌ న్యూజిలాండ్‌తో టెస్టు మ్యాచ్‌లో నాన్‌స్ట్రైక్‌ ఎండ్‌లో ఉన్నప్పుడు కాసేపు తన బ్యాట్‌ను ఏ సపోర్టు లేకుండా నిటారుగా నిలబెట్టాడు. రూట్‌ మ్యాజిక్‌ ట్రిక్‌ను చూసిన ఫ్యాన్స్‌ ఇది ఎలా సాధ్యం అని తల పట్టుకున్నారు.తాజాగా ప్రాక్టీస్‌లో భాగంగా కోహ్లి.. రూట్‌ మ్యాజిక్‌ ట్రిక్‌ను అనుకరించబోయి బొక్కబోర్లా పడ్డాడు. నాన్‌స్ట్రైక్‌ ఎండ్‌లో నిల్చున్న కోహ్లి రూట్‌ లాగే తన బ్యాట్‌ను నిటారుగా నిలబెట్టాలని ప్రయత్నించాడు. కానీ పదేపదే బ్యాట్‌ జారిపోవడం జరిగింది. దీంతో కోహ్లి రూట్‌ మ్యాజిక్‌ ట్రిక్‌ను అందుకోవడంలో ఫెయిల్‌ అయ్యాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక వార్మప్‌ మ్యాచ్‌లో టీమిండియా తడబడింది. గురువారం తొలిరోజు ఆట ముగిసే సమయానికి భారత్‌ తొలి ఇన్నింగ్స్‌లో 60.2 ఓవర్లలో 8 వికెట్ల నష్టానికి 246 పరుగులు చేసింది. ఆంధ్ర బ్యాట్స్‌మన్‌ కోన శ్రీకర్‌ భరత్‌ (111 బంతుల్లో 70 బ్యాటింగ్‌; 8 ఫోర్లు, 1 సిక్స్‌) ప్రాక్టీస్‌ మ్యాచ్‌లో అదరగొట్టాడు. After Joe roots magic which was seen on the pitch by balancing the bat @imVkohli trying the same 😂 pic.twitter.com/TUZpAUJSA1 — Yashwanth (@bittuyash18) June 23, 2022 చదవండి: IND vs LEI: రాణించిన శ్రీకర్‌ భరత్‌.. టీమిండియా స్కోర్‌: 246/8 చిన్న వయసులోనే వింత రోగం.. ఫుట్‌బాల్ ఆడొద్దన్నారు; కట్‌చేస్తే

లీస్టర్‌: ఆంధ్ర బ్యాట్స్‌మన్‌ కోన శ్రీకర్‌ భరత్‌ (111 బంతుల్లో 70 బ్యాటింగ్‌; 8 ఫోర్లు, 1 సిక్స్‌) ప్రాక్టీస్‌ మ్యాచ్‌లో అదరగొట్టాడు. లీస్టర్‌షైర్‌ బౌలర్లకు స్టార్‌ బ్యాటర్లంతా తలొగ్గితే తను మాత్రం చక్కని పోరాటం చేశాడు. సన్నాహక మ్యాచ్‌లో మొదటి రోజు కౌంటీ జట్టు బౌలర్ల ప్రతాపమే పూర్తి పైచేయి కాకుండా భరత్‌ అడ్డుగా, అజేయంగా నిలిచాడు. దీంతో గురువారం తొలిరోజు ఆట ముగిసే సమయానికి భారత్‌ తొలి ఇన్నింగ్స్‌లో 60.2 ఓవర్లలో 8 వికెట్ల నష్టానికి 246 పరుగులు చేసింది. కెప్టెన్‌ రోహిత్‌ శర్మ (25; 3 ఫోర్లు), శుబ్‌మన్‌ గిల్‌ (21; 4 ఫోర్లు) పెద్ద స్కోర్లు చేయలేకపోయారు. టెస్టు స్పెషలిస్ట్‌ హనుమ విహారి (3), శ్రేయస్‌ అయ్యర్‌ (0) నిరాశ పరిచారు. విరాట్‌ కోహ్లి (69 బంతుల్లో 33; 4 ఫోర్లు, 1 సిక్స్‌) ఆడినంతసేపు తన శైలి షాట్లతో అలరించాడు. రవీంద్ర జడేజా (13) కూడా చేతులెత్తేయగా 81 పరుగులకే భారత్‌ 5 ప్రధాన వికెట్లను కోల్పోయింది. ఈ దశలో కోహ్లితో జతకట్టిన శ్రీకర్‌ ఇన్నింగ్స్‌ను కుదుట పరిచాడు. ఇద్దరు అడపాదడపా బౌండరీలతో చప్పగా సాగుతున్న స్కోరు బోర్డుకు ఊపుతెచ్చారు. ఆరో వికెట్‌కు 57 పరుగులు జోడించాక కోహ్లి నిష్క్రమించాడు. శార్దుల్‌ ఠాకూర్‌ (6) ఓ ఫోర్‌కొట్టి పెవిలియన్‌ బాట పట్టగా... టెయిలెండర్లలో ఉమేశ్‌ యాదవ్‌ (23; 4 ఫోర్లు) నిలబడటంతో శ్రీకర్‌ భరత్‌ జట్టు స్కోరును 200 పరుగులు దాటించగలిగాడు. తర్వాత షమీ (18 బ్యాటింగ్‌; 2 ఫోర్లు, 1 సిక్స్‌) కూడా ఓర్పుగా బ్యాటింగ్‌ చేయడంతో భరత్‌ అర్ధ సెంచరీ పూర్తి చేసుకున్నాడు. లీస్టర్‌షైర్‌ బౌలర్లలో రోమన్‌ వాకర్‌ 5 వికెట్లు పడగొట్టగా, విల్‌ డేవిస్‌కు 2 వికెట్లు దక్కాయి. భారత ఆటగాళ్లలో అందరికీ ప్రాక్టీస్‌ కల్పించాలన్న ఉద్దేశంతో నలుగురు ప్రధాన ఆటగాళ్లు బుమ్రా, రిషభ్‌ పంత్, చతేశ్వర్‌ పుజారా, ప్రసిధ్‌ కృష్ణలను లీస్టర్‌షైర్‌ తరఫున ఆడించారు. వర్షం పదేపదే అంతరాయం కలిగించడంతో తొలిరోజు 60.2 ఓవర్ల ఆటే సాధ్యమైంది.   జట్టుతో చేరిన అశ్విన్‌  కరోనా నుంచి కోలుకున్న ఆఫ్‌స్పిన్నర్‌ రవిచంద్రన్‌ అశ్విన్‌ బుధవారం ఇంగ్లండ్‌లో అడుగుపెట్టాడు. బుధవారమే లీస్టర్‌ చేరుకున్న అశ్విన్‌ గురువారం ఉదయమే భారత జట్టు సహచరులతో టీమ్‌ డ్రెస్‌లో మైదానానికి వచ్చినా ప్రాక్టీస్‌ మ్యాచ్‌ బరిలోకి దిగలేదు. రెండు జట్లలోనూ అశ్విన్‌ పేరు కనిపించలేదు. అతని పూర్తి స్థాయిలో కోలుకోలేదు కాబట్టి విశ్రాంతి అవసరమని భారత జట్టు మేనేజ్‌మెంట్‌ భావించి ఉండవచ్చు. చదవండి:SL vs AUS: శ్రీలంకతో టెస్టు సిరీస్‌.. ఐదేళ్ల తర్వాత మాక్స్‌వెల్‌ రీ ఎంట్రీ..!

ఆస్ట్రేలియా విధ్వంసకర ఆటగాడు క్రిస్‌ లిన్‌ టి20 బ్లాస్ట్‌లో సూపర్‌ సెంచరీతో మెరిశాడు. ఇంగ్లండ్‌ వేదికగా జరుగుతున్న విటాలిటీ టి20 బ్లాస్ట్‌లో క్రిస్‌ లిన్‌ నార్తంప్‌టన్‌షైర్‌ తరపున క్రిస్‌ లిన్‌ ఈ సీజన్‌లో అరంగేట్రం చేశాడు. సీజన్‌లో నాలుగో మ్యాచ్‌ ఆడుతున్న లిన్‌.. లీస్టర్‌షైర్‌తో మ్యాచ్‌లో 66 బంతుల్లో 12 ఫోర్లు, 3 సిక్సర్లతో 106 పరుగులు నాటౌట్‌గా నిలిచాడు. క్రిస్‌ లిన్‌ టి20 కెరీర్లో ఇది మూడో సెంచరీ. అతని ధాటికి నార్తంప్‌టన్‌ 42 పరుగుల తేడాతో విజయం సాధించింది. కాగా ఈ టోర్నీకి ముందు లిన్‌ పని అయిపోయిందని.. అతను రాణించే అవకాశం లేదని విమర్శలు వచ్చాయి. అయితే తనపై వచ్చిన విమర్శలన్నింటికి క్రిస్‌ లిన్‌ తన బ్యాట్‌తోనే సమాధానం ఇచ్చాడు. తొలుత బ్యాటింగ్‌ చేసిన నార్తంప్‌టన్‌షైర్‌ 20 ఓవర్లలో వికెట్‌ నష్టానికి 227 పరుగుల భారీ స్కోరు చేసింది. తొలి వికెట్‌కు మరో ఓపెనర్‌ బెన్‌ కరన్‌(31)తో కలిసి 109 పరుగలు భాగస్వామ్యం నెలకొల్పిన లిన్‌ మంచి ఆరంభాన్ని ఇచ్చాడు. ఆ తర్వాత లిన్‌కు జేమ్స్‌ నీషమ్‌ తోడయ్యాడు. ఐపీఎల్‌ నుంచి నేరుగా టి20 బ్లాస్ట్‌లో అడుగుపెట్టిన నీషమ్‌ ఆడిన తొలి మ్యాచ్‌లోనే మెరిశాడు.  30 బంతుల్లోనే 75 పరుగుల మెరుపు ఇన్నింగ్స్‌ ఆడాడు. అనంతరం బ్యాటింగ్‌ చేసిన లీస్టర్‌షైర్‌ 20 ఓవర్లలో 9 వికెట్లు కోల్పోయి 185 పరుగులు చేసింది. స్కాట్‌ స్టీల్‌ 64 పరుగులతో టాప్‌ స్కోరర్‌గా నిలిచాడు. చదవండి: Liam Livingstone: బౌలర్లు అయిపోయారు.. పనిచేసేవాళ్లను కూడా వదిలిపెట్టవా! A special innings from a special player @lynny50 💯 #Blast22 | @NorthantsCCC pic.twitter.com/NImOepuOHU — Vitality Blast (@VitalityBlast) June 1, 2022

లండన్‌: ఇంగ్లండ్‌ జట్టు శ్రీలంకతో వన్డే సిరీస్‌కు ఆడుతున్న సంగతి తెలిసిందే. కాగా ఆ టెస్టు జట్టు కెప్టెన్‌ జో రూట్‌ మాత్రం యార్క్‌షైర్‌ తరపున ఆడుతూ టీ20 బ్లాస్ట్‌ 2021లో బిజీగా ఉన్నాడు. జో రూట్‌లో మంచి ఆఫ్‌ స్పిన్నర్‌ దాగున్న సంగతి మనం టీమిండియాతో టెస్టు సిరీస్‌లో చూశాము. తాజాగా యార్క్‌షైర్‌ తరపున మూడు మ్యాచ్‌లు ఆడిన రూట్‌ 65 పరుగులు మాత్రమే చేసి అంతగా ఆకట్టుకోలేకపోయాడు. ఇక లీస్టర్‌షైర్‌ ఫాక్సెస్‌తో జరిగిన మ్యాచ్‌లో రూట్‌ తన ఆఫ్‌స్పిన్‌ బౌలింగ్‌లో ఎవరు ఊహించని విధంగా బౌన్సర్‌తో మెరిశాడు. కానీ ఆ బంతిని ప్రత్యర్థి బ్యాట్స్‌మన్‌ ఆరోన్‌ లిల్లీ బౌండరీ తరలించాడు. రూట్‌ వేసిన ఆ ఓవర్లో సిక్స్‌, ఫోర్‌ సహా మొత్తం 10 పరుగులు వచ్చాయి. కాగా రూట్‌ వేసిన బౌన్సర్‌పై కామెంటేటర్స్‌తో పాటు అభిమానులు వినూత్న రీతిలో స్పందించారు. ఇక ఈ మ్యాచ్‌లో లీస్టర్‌షైర్‌ 34 పరుగుల తేడాతో విజయం సాధించింది. మొదట బ్యాటింగ్‌ చేసిన లీస్టర్‌షైర్‌ 3 వికెట్ల నష్టానికి 207 పరుగులు చేసింది. అనంతరం బ్యాటింగ్‌ చేసిన యార్క్‌షైర్‌ 173 పరుగులకే పరిమితమైంది. చదవండి: పాపం ఇలా అవుటవుతానని ఊహించి ఉండడు

చెస్టర్‌ లీ స్టీట్‌:  ఇంగ్లండ్‌లో జరుగుతున్న విటాలిటీ బ్లాస్ట్‌ టీ20 లీగ్‌లో దుర్హామ్‌ వికెట్‌ కీపర్‌ ఫర్హాన్‌ బెహర్డియన్‌ విసిరిన అద్భుతమైన త్రోకు లీసెస్టర్‌షైర్‌ కెప్టెన్‌ కొలిన్‌ అకర్‌మ్యాన్‌కు దిమ్మతిరిగింది. నాన్‌స్టైకర్‌ ఎండ్‌వైపు రాకెట్‌ వేగంతో విసిరిన ఆ త్రో ఇప్పుడు సోషల్‌ మీడియాలో వైరల్‌ అయయింది.  లీసస్టర్‌షైర్‌ తొలుత బ్యాటింగ్‌ చేసే క్రమంలో ఇన్నింగ్స్‌ 9 ఓవర్‌ రెండో బంతికి అకర్‌మ్యాన్‌ రనౌట్‌గా పెవిలియన్‌ చేరాడు. బంతిని హిట్‌ చేసి పరుగు కోసం యత్నించే సమయంలో రనౌట్‌ అయ్యాడు.  కాగా, అప్పటికే బంతిని పట్టుకున్న కీపర్‌ బెహర్దియన్‌..  ఆ బంతిని వేగంగా నాన్‌స్టైకర్‌ ఎండ్‌ వైపు ఉన్న వికెట్లపైకి విసిరాడు. అంతే అకర్‌మ్యాన్‌ క్రీజ్‌లోకి చేరేలోపే వికెట్లు ఎగిరిపడటంతో భారంగా పెవిలియన్‌కు చేరాడు.  అకర్‌మ్యాన్‌ పది పరుగులు చేశాడు. ఆ మ్యాచ్‌లో దుర్హామ్‌ జట్టు విజయం సాధించింది. తొలుత బ్యాటింగ్‌ చేసిన లీసెస్టర్‌షైర్‌ 20 ఓవర్లలో 9 వికెట్లు కోల్పోయి 130 పరుగులు చేసింది. ఆ తర్వాత 131 పరుగుల విజయలక్ష్యంతో బ్యాటింగ్‌ ఆరంభించిన దుర్హామ్‌ జట్టు 15. 2 ఓవర్లలో నాలుగు వికెట్లు కోల్పోయి 132 పరుగులు చేసింది. ఫలితంగా ఆరు వికెట్ల తేడాతో విజయం సాధించింది.

ప్రెస్టన్‌(నార్‌ ఇంగ్లండ్‌):  బ్యాట్‌మన్‌పైకి బంతిని బలంగా విసరడంతో పెనాల్టీ చెల్లించుకోవాల్సిన ఘటన ఓ కౌంటీ మ్యాచ్‌లో జరిగింది. బాబ్ విల్లీస్ ట్రోఫీలో భాగంగా లాంక‌షైర్, లీసెస్టర్‌షైర్ జట్ల మధ్య మ్యాచ్ ఆదివారం జరిగింది. ఈ సందర్భంగా లీసెస్టర్‌షైర్ జట్టు సభ్యుడు డీటర్ క్లెయిన్ బౌలింగ్ చేస్తున్నాడు. తనవైపు వచ్చిన బంతిని బ్యాట్స్‌మెన్ వైపు బలంగా విసిరాడు. వేగంగా దూసుకెళ్లిన ఆ బంతి బ్యాట్స్‌మెన్‌కు తగిలింది. దీన్ని తప్పుబట్టిన అంపైర్ బ్యాటింగ్ చేస్తున్న జట్టుకు ఐదు పరుగులు అదనంగా జతచేశాడు. బ్యాటింగ్ చేస్తున్న డ్యానీ లాంబ్ స్ట్రయిట్ షాట్ ఆడాడు. తనవైపే వచ్చిన బంతిని వెంటనే అందుకున్న డీటర్.. డ్యానీ వైపు బలంగా బంతిని విసిరాడు . అది డ్యానీకి తగిలింది. దీన్ని చూసిన అంపైర్ అది ప్రమాదకరమైన త్రో అని, నేరుగా బ్యాట్స్‌మెన్‌కు తగిలిందని డీటర్‌ను మందలించాడు. ఆ తర్వాత లాంకన్‌షైర్ జట్టుకు అదనంగా 5 పెనాల్టీ పరుగులు జతచేస్తున్నట్లు ప్రకటించాడు. క్రికెట్‌ చట్టంలో 42 నిబంధన ప్రకారం బ్యాట్స్‌మన్‌పైకి ఉద్దేశపూర్వకంగా కానీ, ప్రమాదకరంగా కానీ త్రో విసరడం లెవెల్‌-2 నేరం కిందకు వస్తుంది. దాంతోనే ఆ మ్యాచ్‌కు అంపైర్లగా ఉన్న నిక్‌ కుక్‌, రాబ్‌ వైట్‌లు బౌలర్‌కు వార్నింగ్‌ ఇవ్వడంతో ఐదు పరుగులు అదనంగా ఇచ్చారు.


 లండన్‌: తనవుకొక మనసుగా 70 ఏళ్లు కలిసి జీవించారు. ఏడాది కిందట ఆ భర్త మతిమరుపు వ్యాధికి గురయ్యాడు. భార్యను గుర్తుపట్టడం మానేశాడు. ఇది భరించలేని ఆమె ఆస్పత్రి పాలైంది. భర్త కూడా అదే ఆస్పత్రిలో చికిత్స పొందాడు. చివరికి ఒక ఉదయాన భర్త కన్నుమూశాడు. అతను చనిపోయిన నాలుగు నిమిషాల వ్యవధిలోనే ఆమె కూడా తుది శ్వాస విడిచింది! బ్రిటన్‌లో చోటుచేసుకున్న ఈ సంఘటనకు సంబంధించిన వార్తలు సోషల్‌ మీడియాలో వైరల్‌ అయ్యాయి.
 
 లిస్టర్‌షైర్‌లోని విగ్‌స్టన్‌లో నివసించే విల్ఫ్‌ రసెల్‌(93) బ్రిటిష్‌ ఎయిర్‌ఫోర్స్‌ మాజీ ఉద్యోగి. రెండో ప్రపంచ యుద్ధంలోనూ పాల్గొన్నాడు. అదే సమయంలో వెరా అనే పడతిని ప్రేమించి, పెళ్లాడాడు. యుద్ధం తర్వాత ఇంజనీర్‌గా సెటిల్‌ అయ్యాడు. ఆదిదంపతులుగా విరాజిల్లుతూ పిల్లలు, మనవళ్లు, మునిమనవళ్లతో కాలం గడిపారు. కాగ, గత ఏడాది రస్సెల్‌ మతిమరుపు వ్యాధికిగుర్య్యాడు. భార్య సహా దేనినీ గుర్తుపట్టలేని స్థితిలోకి వెళ్లాడు. 70 ఏళ్ల అనురాగం ఊహించని విధంగా ముక్కలయ్యేసరికి వెరా తట్టుకోలేకపోయింది. మనోవేదనతో మంచం పట్టింది. పిల్లలు వాళ్లిద్దరినీ ఆస్పత్రిలో చేర్పించారు.
 
 డాక్టర్ల సూచనమేరకు రెండు నెలల కిందట రస్సెల్‌ను ఇంట్లోనే ఉంచి చికిత్స అందిస్తున్నారు. గత బుధవారం ఉదయం 6:50కి అతను ప్రాణాలు విడిచాడు. సరిగ్గా నలుగు నిమిషాల్లోనే.. భర్త మరణవార్త తెలియకముందే వెరా(91) కూడా చనిపోయింది. ‘బహుశా.. ఇద్దరం కలిసే పోవాలని వాళ్లు అనుకుని ఉండొచ్చు. నిమిషాల్లోనే అంతా జరిగిపోయింది’ అని రస్సెల్‌ మనవడు మీడియాకు చెప్పాడు.