నిషేధిత డ్రగ్స్‌ కలిగి ఉన్నాడన్న కారణంతో అతని ఇంటిని సోదాచేయడానికి పోలీసుల బృందం రంగంలోకి దిగగా పారిపోయేందుకు సిద్ధపడ్డ ప్రబుద్ధుడు ఎవరికీ అనుమానం రావొద్దని చిమ్నీలో దాక్కోబోయాడు. అందులో ఇరుక్కుపోయి చివరకు సాయం కోసం బిగ్గరగా అరచి తన జాడ తానే పోలీసులకు చెప్పేశాడు. అమెరికాలోని మసాచుసెట్స్‌ రాష్ట్రంలోని రివర్‌ ఫాల్‌ గ్రామంలో ఈ ఘటన జరిగింది. పోలీసులు తెలిపి వివరాల ప్రకారం 33 ఏళ్ల రాబర్ట్‌ లాంగ్లేస్‌ వద్ద నిషేధిత డ్రగ్స్‌ ఉన్నాయని తెల్సి మంగళవారం పోలీసులు సెర్చ్‌ వారెంట్‌తో రాబర్ట్‌ ఇంటికొచ్చారు. అరెస్ట్‌ చేద్దామని ఇళ్లంతా వెతికినా రాబర్ట్‌ దొరకలేదు. అయితే ఇదే సమయంలో ఇంటి వెనుక ఎవరో సాయం కోసం అరుస్తున్న శబ్దం వస్తోందని అటుగా దారిన పోయే వ్యక్తులు చెప్పారు. దీంతో పోలీసులు ఇంటిపైకప్పు మీదకొచ్చి చూస్తే ఎవరూ లేరు. ఒకాయన చిమ్నీ గొట్టం ఎక్కడం చూశా అని అటూగా పోతున్న ఇంకొక వ్యక్తి చెప్పడంతో చిమ్నీ గొట్టంలోకి పోలీసులు తొంగిచూశారు. అందులో ఇరుక్కుని ఎటూపోలేక అవస్థలు పడుతున్న రాబర్ట్‌ను చూసి పోలీసులకు విపరీతంగా కోపమొచి్చంది. ‘‘నువ్వెంత మూర్ఖుడివిరా బాబు. అందులో దూరి ఎలా దాక్కున్నావనుకున్నాం. దాంట్లోంచి అవతలికి పారిపోదామనుకున్నావా?’అంటూ అతడిని ప్రశ్నించారు. ముందుగా అతడిని బయటపడేసే మార్గం కోసం వెతికారు. చివరకు చిమ్నీ అడుగుభాగాన్ని మాత్రం బద్దలుకొట్టి బయటకు తీద్దామని నిర్ణయించుకున్నారు. అనుకున్నదే తడవుగా అగ్నిమాపక సిబ్బందిని పిలిచించి కొన్ని ఇటుకలు తీయించారు. బయటకు వచ్చేయ్‌ అని హెచ్చరించారు. భయపడుతూ ఎలాగోలా అందులోంచి బయటపడిన రాబర్ట్‌ను పోలీసులు పోలీసుల బండిలో పడేశారు. నేరుగా ఆస్పత్రికి తీసుకెళ్లి ఇరుక్కునప్పుడు అయిన గాయాలకు ప్రథమ చికిత్స చేయించారు. ప్రస్తుతం కేసు విచారణ నడుస్తోంది. – ఫాల్‌ రివర్‌ సిటీ

బోస్టన్‌: ప్రపంచంలో తొలిసారిగా జన్యుమార్పిడి చేసిన పంది మూత్రపిండాన్ని అమర్చుకున్న వ్యక్తి ఆకస్మికంగా మృతి చెందారు. అమెరికాలోని వేమౌత్‌ పట్టణంలో నివసించే 62 ఏళ్ల రిచర్డ్‌ ‘రిక్‌’ స్లేమాన్‌కు మసాచుసెట్స్‌ జనరల్‌ ఆస్పత్రిలో మార్చి నెలలో వైద్యులు విజయవంతంగా కిడ్నీని అమర్చారు. అది కనీసం రెండు సంవత్సరాలపాటు ఎలాంటి సమస్యల్లేకుండా పనిచేస్తుందని వైద్యులు ఆనాడు తెలిపారు. అయితే శనివారం ఆయన హఠాన్మరణం చెందారని వైద్యులు వెల్లడించారు. ట్రాన్స్‌ప్లాంట్‌ సర్జరీ వల్లే ఆయన మృతిచెందినట్లు ఎలాంటి ఆధారాలు ఇంకా లభ్యంకాలేదని వైద్యులు స్పష్టంచేశారు. సొంత కిడ్నీ పాడవడంతో 2018 డిసెంబర్‌లోనే స్లేమాన్‌కు మరో మనిషి కిడ్నీ అమర్చారు. అయితే ఐదేళ్ల తర్వాత అది నెమ్మదిగా పాడవుతూ వచి్చంది. దీంతో గత ఏడాది నుంచి మళ్లీ డయాలసిస్‌ చేయించుకోవాల్సిన పరిస్థితి తలెత్తింది. దీంతో వైద్యులు ఈసారి మరో ప్రత్యామ్నాయంలేక జన్యుమారి్పడి పంది కిడ్నీ అమర్చేందుకు ఆయనను ఒప్పించి రెండు నెలల క్రితం అమర్చారు.

అమెరికా మసాచుసెట్స్ జనరల్ ఆస్పత్రిలో విషాదం చోటు చేసుకుంది. మసాచుసెట్స్‌ పంది కిడ్నీని ట్రాన్స్‌ప్లాంట్‌ చేసిన రిచర్డ్‌ స్లేమాన్‌ (62) మరణించారు.ఇంగ్లాండ్‌ వేమౌత్ నగరానికి చెందిన రిచర్డ్‌ స్లేమాన్‌ (62) కిడ్నీ సంబంధిత అనారోగ్య సమస్యలతో బాధపడుతున్నాడు. అయితే 2018లో వైద్యులు అతనికి కిడ్నీ ట్రాన్స్‌ప్లాంట్‌ చేశారు. కొంత కాలం బాగున్నా.. ఆ తర్వాత కిడ్నీ సమస్య మొదటికి రావడంతో డయాలసిస్‌ చేయాల్సి వచ్చింది. దీంతో అనారోగ్య సమస్యలు చుట్టుముట్టాయి. ఫలితం లేకపోవడంతో వైద్యులు స్లేమాన్‌కు పంది కిడ్నీ ట్రాన్స్‌ప్లాంటేషన్‌ సలహా ఇచ్చారు.మసాచుసెట్స్ జనరల్ ఆస్పత్రి వైద్యులుఈ ఏడాది మార్చి 16న అమెరికా మసాచుసెట్స్ జనరల్ ఆస్పత్రి వైద్యులు నాలుగు గంటల శ్రమించి స్లేమాన్‌కు పంది కిడ్నీని అమర్చారు. ఆపరేషన్‌ అనంతరం ఆస‍్పత్రి నుంచి డిశ్చార్జ్‌ అయ్యారు. ఈ తరుణంలో ఏప్రిల్‌ 11న (నిన్న) స్లేమాన్‌ మరణించినట్లు కుటుంబసభ్యులు, మసాచుసెట్స్‌ వైద్యులు తెలిపారు.ఆధారాలు లేవుఈ సందర్భంగా పందికిడ్నీని అమర్చడం వల్లే స్లేమాన్‌ మరణించినట్లు ఆధారాలు లేవని వైద్యులు వెల్లడించారు. కుటుంబసభ్యులు తమకు స్లేమాన్‌తో మరికొంత కాలం పాటు తమతో గడిపేందుకు కృషి చేసిన వైద్యులకు కృతజ్ఞతలు చెప్పారు.గతంలో గతంలో బ్రెయిన్ డెడ్ అయి కృత్రిమ లైఫ్ సపోర్ట్‌పై కోలుకోలేని స్థితిలో ఉన్న వ్యక్తికి పంది కిడ్నీని అమర్చారు. న్యూయార్క్‌ యూనివర్సిటీ లాన్‌గోన్ హెల్త్ మెడికల్ సెంటర్‌లో వైద్యులు ఈ ఆపరేషన్ చేశారు. రెండు నెలల వ్యవధిలోనే బాధితుడు మరణించాడు. స్లేమాన్‌ మాత్రం తాను రెండేళ్లు జీవిస్తానని ధీమా వ్యక్తం చేశారు. తనకు పంది కిడ్నీని అమర్చాలని కోరడంతో మసాచుసెట్స్ వైద్యుల్ని బాధితునికి పంది కిడ్నీని అమర్చారు. కానీ స్వల్ప వ్యవధిలో స్లేమాన్‌ మరణించడం వైద్య చరిత్రలో విషాదం నెలకొంది.

లైబ్రరీ నుంచి పుస్తకాలను ఇంటికి తెచ్చుకుని చదవడం గురించి అందరికీ తెలిసింది. వాళ్లు ఇచ్చిన గడువు తీరిపోయాక ఒక్కోసారి ఇచ్చేస్తాం. కొన్నిసార్లు గడువు దాటిన సందర్భాలు ఉంటాయి. ఐతే ఇక్కడొక లైబ్రరీలోని పుస్తకం ఏకంగా రెండు, మూడు ఏళ్లు కాదు ఏకంగా 100 ఏళ్ల తర్వాత తిరిగి లైబ్రెరికీ చేరుకుంది.ఈ ఆశ్చర్యకరమైన ఘటన యూఎస్‌లోని మసాచుసెట్స్‌లో చోటు చేసుకుంది.  అసలేం జరిగిందంటే..యూఎస్‌లోని మసాచుసెట్స్‌లో న్యూ బెడ్‌ఫోర్డ్‌ ఫ్రీ పబ్లిక్‌‌ లైబ్రరీ నుంచి అరువు తెచ్చుకున్న ఓ పుస్తకం దాదాపు 100 ఏళ్ల తర్వాత లైబ్రరీకి వచ్చింది. ఈ ఘటన అక్కడ ఉన్న లైబ్రెరియన్లను ఒక్కసారిగా ఉలిక్కిపడేలా చేసింది. అత్యంత అరుదైన పుస్తకాలను ముద్రించే అవెస్ట్‌ వర్జీనియా యూనివర్సిటీ లైబ్రరీ అసిస్టెంట్‌ డైరెక్టర్‌ స్టీవర్ట్ ప్లీ కొన్ని పుస్తకాలను సదరు గ్రంథాలయానికి విరాళంగా ఇచ్చిన కొద్ది రోజుల తర్వాతే ఈ అరుదైన ఘటన చోటు చేసుకుంది. ఇక లైబ్రరీకీ తిరిగి వచ్చిన పుస్తకం పేరు "ఎలెమెంటరీ ట్రీటైజ్ ఆన్ ఎలక్ట్రిసిటీ" అనే పుస్తకం. దీని రచయిత జేమ్స్‌ క్లర్క్‌ మాక్స్‌వెల్‌. న్యూ బెడ్‌ఫోర్డ్‌ ఫ్రీ పబ్లిక్‌ లైబ్రరీలో ఈ పుస్తకం ఉండేది. ఈ పుస్తకాన్ని 1904లో ఎవరో జారీ చేశారు. ఆ పుస్తకాన్ని ప్రస్తుతం ఎవరో వ్యక్తి తిరిగి లైబ్రరీకి హ్యండోవర్‌ చేశారు. అయితే ఆ పుస్తకం చెక్కు చెదరకుండా బాగానే ఉండటం విశేషం. ఈ మేరకు బెడ్‌ఫోర్డ్‌ పబ్లిక్‌ లైబ్రరీ డైరెక్టర్‌ ఒలివియా మెలో మాట్లాడుతూ..ఈ పుస్తకాన్ని చాలా మంచి స్థితిలోనే తీసుకువచ్చి అరలో ఉంచారు. ఏ పుస్తకం అయినా గడవుకి ఇంకాస్త ఆలస్యంగా చేరిన సందర్భాలు కోకొల్లలుగా ఉంటాయి. అదీకూడా మహా అయితే 10 లేదా 15 సంవత్సరాలు మాత్రమే ఆలస్యంగా తిరిగి లైబ్రరీకి చేరుకునే అవకాశం ఉంటుది. కానీ మరి ఇంత దారుణంగా వందేళ్ల తర్వాత తిరిగి రావడం ఇదే మొదటిసారి. ఈ పుస్తకాన్ని 1881లో ముద్రించారు. చరిత్రలో దీనికి గొప్ప స్థానం ఉంది. ఎందుకంటే ఈ పుస్తకం విద్యుదయస్కాంత రంగంలో ప్రముఖ సహయకారి అయిన రచయిత జేమ్స్‌ క్లర్క్‌ మాక్స్‌వెల్‌ మరణం తర్వాత వచ్చిన పుస్తకమే ఇది. చెప్పాలంటే ఇది సరిగ్గా 119 ఏళ్లు తిరిగి లైబ్రరీకి చేరుకుంది. ఇంకో వందేళ్లు ఇలానే ఉంటుంది. ఎందుకంటే ముద్రించిన పుస్తకం ఎప్పటికి విలువైనదే. అని సదరు లైబ్రరీ డైరెక్టర్‌ ఒలివియా నమ్మకంగా చెబుతోంది.  (చదవండి: అందాల పోటీల్లో.. తొలిసారిగా ఓ ట్రాన్స్‌జెండర్‌ కిరీటం దక్కించుకుంది!)

న్యూయార్క్‌: అమెరికాలో భారత సంతతికి చెందిన లక్ష్మీ బాలచంద్ర అనే అసోసియేట్‌ ప్రొఫెసర్‌ మసాచుసెట్స్‌లో తాను పని చేస్తున్న బాబ్సన్‌ కాలేజీపై జాతి, లింగ వివక్ష ఆరోపణలు చేశారు. వీటి కారణంగా కెరీర్‌ అవకాశాలను కోల్పోయానంటూ కాలేజీపై కేసు కూడా పెట్టారు. అంతేగాక ఆర్థిక నష్టానికి, మానసిక కుంగుబాటుకు లోనయ్యానంటూ ఆవేదన వెలిబుచ్చారు. ‘‘కాలేజీ ఎంట్రప్రెన్యూర్‌షిప్‌ డివిజన్‌కు సారథ్యం వహించిన ప్రొఫె సర్‌ ఆండ్రూ కార్బెట్‌ ఇందుకు ప్రధాన బాద్యుడు. దీన్ని యాజమాన్యం దృష్టికి తీసుకెళ్లినా విచారించి దిద్దుబాటు చర్యలు తీసుకోలేదు. బాబ్సన్‌ కాలేజీ శ్వేత జాతీయులకు, అందులోనూ పురుషులకు మాత్రమే పెద్దపీట వేస్తుంది. వారికే ప్రివిలేజీలన్నీ కల్పిస్తుంది’’ అని ఆరోపించారు. ఆమె 2012 నుంచి కాలేజీలో పని చేస్తున్నారు. ఇలాంటి ఆరోపణలను తాము చాలా సీరియస్‌గా తీసుకుంటామని కాలేజీ ఒక ప్రకటనలో పేర్కొంది. వీటిపై విచారణ జరిపి తప్పిదాలను సరిదిద్దేందుకు పకడ్బందీ వ్యవస్థ అమల్లో ఉందని చెప్పుకొచ్చింది.    

మీకు స్కై స్క్రాపర్‌ అంటే తెలుసుగా.. అదేనండీ ఆకాశహర్మ్యం.. వందలాది అడుగుల ఎత్తైన భారీ భవనం. మరి సైడ్‌వే స్కైస్క్రాపర్‌ గురించి ఎప్పుడైనా విన్నారా? సౌదీ అరేబియాలో త్వరలో అత్యంత భారీ స్థాయిలో నిర్మాణం కానుంది. పేరుకు తగ్గట్లే ఇది ఎత్తుకన్నా పక్కలకు ఎక్కువగా విస్తరించి ఉంటుందన్నమాట. ఆ ఇందులో పెద్ద విశేషం ఏముందిలే అనుకోకండి.. ఎందుకంటే ఈ నిర్మాణం ఏకంగా 120 కిలోమీటర్ల పొడవు ఉండనుంది మరి!! మరోలా చెప్పాలంటే దీని పొడవు దాదాపుగా అమెరికాలోని మసాచుసెట్స్‌ రాష్ట్రం అంత ఉండనుంది!! ప్రపంచంలోని ఎనిమిదో వింతగా అందరినీ అబ్బురపరచనుంది. ఈ భారీ ప్రాజెక్టులో మరిన్ని విశేషాలు కూడా ఉన్నాయి. అవి ఏమిటంటే..  ఎన్నెన్నో ప్రత్యేకతలు...  సౌదీ యువరాజు, ఉప ప్రధాని మొహమ్మద్‌ బిన్‌ సల్మాన్‌ ఏకంగా 26,500 చదరపు కిలోమీటర్ల మేర నిర్మించేందుకు ప్రణాళికలు సిద్ధం చేసిన భవిష్యత్‌ నగరం ‘నియోమ్‌ సిటీ’లో భాగంగా 120 కి.మీ. పొడవైన రెండు సైడ్‌వే స్కైస్క్రాపర్లను నిర్మించనున్నారు. వాయవ్య సౌదీ అరేబియాలోని ఎర్ర సముద్రానికి చెందిన గల్ఫ్‌ ఆఫ్‌ అకాబా తీరం నుంచి ఎడారిలో ఉన్న కొండల మధ్య దాకా ఈ ప్రాజెక్టు విస్తరించనుంది. ఈ రెండు భవనాలను అద్దాలతో అలంకరించనున్నందున దీనికి ‘మిర్రర్‌ లైన్‌’ అని పేరు పెట్టారు. ఎత్తులోనూ ఇవి ప్రపంచంలోని ఇతర ఆకాశహర్మ్యాల స్థాయిలో రూపుదిద్దుకోనున్నాయి. 490 మీటర్ల వరకు అంటే దాదాపుగా అర కిలోమీటర్‌ ఎత్తు వరకు ఈ భవనాలను కట్టనున్నారు. న్యూయార్క్‌లో ఉన్న 102 అంతస్తుల ప్రఖ్యాత ఎంపైర్‌ స్టేట్‌ బిల్డింగ్‌ చిట్టచివరి కొన వరకు ఉన్న ఎత్తు 443 మీటర్లకన్నా ఈ జంట భవనాలు మరెంతో ఎత్తు వరకు కనిపించనున్నాయన్నమాట. ఇంత పొడవైన జంట భవనాల్లో కిలోమీటర్లకొద్దీ కట్టబోయే ఇళ్లలో ఏకంగా 50 లక్షల మంది నివసించవచ్చట! రోజుకు మూడపూటలా భోజనానికి ‘సబ్‌స్క్రైబ్‌’ చేసుకున్న వారికి అవసరమైన పంటలను సైతం ఈ విస్తీర్ణంలోనే పండిస్తారట. భవనాల ఒక చివరి నుంచి మరో చివరి వరకు 20 నిమిషాల్లో ప్రయాణించేందుకు ప్రత్యేకంగా భూగర్భంలో హైస్పీడ్‌ రైల్వే లైన్, పాదచారుల కోసం వాక్‌ వేస్, నేల నుంచి వెయ్యి అడుగుల ఎత్తులో భారీ స్టేడి­యం వంటి ఎన్నో హంగులు ఇందులో ఉండనున్నాయి. ఈ పే...ద్ద ప్రాజెక్టు నిర్మాణానికి ఖర్చు కూడా అత్యంత భారీగానే ఉండనుంది. సుమారు 50 ఏళ్లు పట్టే ఈ ప్రాజెక్టు పూర్తికి ఏకంగా రూ. 80 లక్షల కోట్లు ఖర్చవుతుందని అంచనా!   సాక్షి సెంట్రల్‌ డెస్క్‌ 

మల్కాజిగిరి: లక్ష్య సాధనకు సంకల్ప బలం దండిగా ఉండాలి. విజయం దిశగా పయనించేందుకు అకుంఠిత శ్రమ తోడవ్వాలి. ఆ కోవకు చెందిన యువతియే మల్కాజిగిరి విష్ణుపురి కాలనీకి చెందిన లక్కప్రగడ నీలిమ కుమార్తె శ్రేయా సాయి. అమెరికా మసాచుసెట్స్‌లోని ప్రఖ్యాత వెల్స్‌లీ కాలేజీలో 2022– 26 వరకు అండర్‌ గ్రాడ్యుయేషన్‌ (యూజీ) కోసం రూ.2.7 కోట్ల (ఇండియన్‌ కరెన్సీ) స్కాలర్‌షిప్‌ ప్యాకేజీని సదరు యూనివర్సిటీ నుంచి ఆమె పొందడం గమనార్హం. శ్రేయా సాయి సైనిక్‌పురిలోని భవన్స్‌లో పదో తరగతి, నల్లకుంటలోని డెల్టా కాలేజీలో ఇంటర్మీడియట్‌ చదివింది. అమెరికాలో ఉన్నత విద్య అభ్యసించాలనే లక్ష్యంతో వెల్స్‌స్లీ కాలేజీని ఎంపిక చేసుకొని ఈ ఏడాది జనవరిలో దరఖాస్తు చేసుకుంది. శ్రేయా సాయి ప్రతిభను గుర్తించిన మసాచుసెట్స్‌ యూనివర్సిటీ కంప్యూటర్‌ సైన్స్, సైకాలజీలో యూజీ చేయడానికి రూ.2.7 కోట్లు మంజూరు చేస్తూ మార్చి నెలలో సంబంధించిన పత్రాలను అందజేశారు. కాలేజీ ఫౌండర్‌ శ్రీకాంత్‌ మల్లప్ప, అకాడమీ డైరెక్టర్‌ భాస్కర్‌ గరిమెళ్లతో పాటు పాటా్నకు చెందిన గ్లోబల్‌ సంస్థ సీఈఓ శరత్‌ సహకారంతో వెల్స్‌లీ కళాశాలలో సీటు సాధించినట్లు శ్రేయా సాయి తెలిపింది. వచ్చే నెలలో ఉన్నత విద్యనభ్యసించేందుకు అమెరికా వెళ్తున్నట్లు పేర్కొంది.   అమ్మ తోడ్పాటుతోనే.. s పాఠశాల స్థాయి నుంచే వివిధ పోటీల్లో పాల్గొనే దాన్ని. స్వచ్ఛ భారత్‌ నిర్వహణకు తోటి విద్యార్థులతో గ్రూపు ఏర్పాటు చేశాను. కేబినెట్‌ మెంబర్‌గా ఉండేదాన్ని. అమ్మ నీలిమతో పాటు అమ్మమ్మ జానకీదేవి సహకారం ఎంతో ఉంది. ప్రత్యేక కార్యాచరణతో ఆన్‌లైన్‌ అసైన్‌మెంట్స్‌తో పాటు, సెమినార్స్‌లో పాల్గొనేదాన్ని. నా పట్టుదలే లక్ష్యాన్ని దరిజేరేలా చేసింది.    – శ్రేయాసాయి    (చదవండి: బాత్రూంలోనే నివాసం)

మసాచుసెట్స్‌: ఎంత పెద్ద స్థలం అయినా మంచిగా అమ్ముడవ్వాలంటే చాలా కష్టంగా ఉంటుంది. బాగా భూములు విలువ తెలిసిన వాళ్లు, రియల్‌ ఎస్టేట్‌ వాళ్లు మంచి రేటుకు క్రయ విక్రయాలు జరిపించగలరు. అయితే మసాచుసెట్స్‌లోని న్యూటన్ హైలాండ్స్‌లో ఉన్న అతి చిన్న ఇల్లు ఏకంగా  రూ.2.3 కోట్లకు అమ్ముడైంది. అయితే ఈ ఇల్లు అంత ఎక్కువ రేటుకు ఎలా అమ్ముడైంది దీని ప్రత్యేకత ఏంటి అబ్బా  అని ఆలోచిస్తూ తలలు పట్టుకోవద్దు చూద్దాం రండి! (చదవండి: అమ్మో ఎంత ధైర్యం.. సింహం తోక పట్టుకుని నడుస్తున్నావ్‌!) ఈ ఇల్లు  కేవలం 250 చదరపు అడుగుల స్థలంలో స్టోర్‌ రూంలా ఉండే ఒక చిన్న అవుట్‌హౌస్. పైగా చుట్టూ గార్డెన్‌లా మొక్కలతో అందంగా కనిపిస్తుంది. అయితే ఇలాంటి ఇళ్లను ఎక్కువగా వ్యాయమశాల గానూ లేదా అవుట్‌ హౌస్‌లా వాడతారు. ఈ మేరకు ఈ ఇల్లు ఇంత అత్యధిక ధరకు అమ్ముడవ్వడానికీ గల కారణం అత్యధునిక టెక్నాలజీ అతి తక్కువ స్థలంలో నిర్మితమైన గృహం కావడం. అంతేకాదు గ్రానైట్ కౌంటర్‌టాప్‌తో కూడిన వంటగది, మంచి లైటింగ్‌ వచ్చేలా ఎలక్ట్రిక్‌ అప్‌గ్రేడ్‌లు ఉన్నాయి. పైగా అంత తక్కువ స్థలంలోనే అమరిపోయిలే చుట్టూరా గార్డెన్‌ని ఏర్పాటుచేసుకోనేంతా స్థలం ఉంది. అదీ కాక ఈ ఇల్లు బటన్స్ బోస్టన్‌లోని సంపన్న శివారు ప్రాంతంలో ఉంది. అయితే ఈ ప్రాంతాల్లో ఉన్న స్థలాలు ఎ‍ప్పుడూ అత్యధిక రేటులో ఉండటం వల్లే ఈ ఇల్లు అత్యధిక దరకు అ‍్మముడైంది. (చదవండి: మీది గొప్ప మనసు ..ఇష్టంగా వీడ్కోలు చెప్పేలా చేశారు!)

మసాచుసెట్స్‌: రూపాయి దొరికితేనే ఎవరి కంటబడకుండా జేబులో వేసుకుని.. అక్కడ నుంచి జారుకునే రోజులివి. అలాంటిది ఏకంగా ఒకటి కాదు.. రెండు కాదు ఏకంగా కోట్ల రూపాయలు దొరికితే ఎవరైనా తిరిగిచ్చేస్తారా.. ఎక్కువ శాతం మంది చెప్పే సమాధానం లేదనే. కానీ అక్కడక్కడ కొందరు నిజాయతీపరులుంటారు. వారి దృష్టిలో పరుల సొమ్ము పాముతో సమానం. అందుకే ఎంత భారీ మొత్తం దొరికినా అందులో రూపాయి కూడా ముట్టరు.  తాజాగా ఇలాంటి సంఘటన ఒకటి మసాచుసెట్స్‌లో చోటు చేసుకుంది. భారత సంతతి కుటుంబం తమకు దొరికిన 1 మిలియన్‌ డాలర్‌(7,27,80,500 రూపాయలు) ప్రైజ్‌మనీ గెలుచుకున్న లాటరీ టికెట్‌ను దాని యజమానిదారుకు అప్పగించారు. ప్రస్తుతం ఆ కుటుంబంపై ప్రశంసలు కురిపిస్తున్నారు నెటిజనలు.  ఆ వివారలు.. మౌనిశ్‌ షా అనే భారత సంతతి వ్యక్తి మసాచుసెట్స్‌లో సొంతంగా ఓ స్టోర్‌ నడుపుతున్నాడు. లాటరీ టికెట్లను కూడా అమ్ముతుంటారు. ఈ క్రమంలో కొద్ది రోజుల క్రితం మౌనిశ్‌ షా భార్య 1 మిలియన్‌ డాలర్‌ విలువ చేసే లాటరీ టికెట్‌ని లీస్‌ రోజ్‌ ఫిగా అనే మహిళకు అమ్మింది. అదృష్టం కొద్ది ఆ టికెట్‌కే లాటరీ తగిలింది. అయితే లీస్‌ రోజ్‌ షిగా ఆ టికెట్‌ని సరిగా స్క్రాచ్‌ చేయకుండానే.. తనకు లాటరీ తగలలేదని భావించి స్టోర్‌లో ఉన్న చెత్త డబ్బాలో పడేసింది. ఇక్కడ ట్విస్ట్‌ ఏంటంటే మౌనిశ్‌ షా కుమారుడు అభి షా సాయంత్ర డస్ట్‌బిన్‌లో ఉన్న టికెట్‌లను బయటకు తీసి చెక్‌ చేయగా.. లీస్‌ రోజ్‌ ఫిగా టికెట్‌ను సరిగా స్క్రాచ్‌ చేయ‍కపోవడం చూసి.. దాన్ని పూర్తిగా గీకి చూడగా.. ఆ నంబర్‌కే లాటరీ తగిలిందని గమనించాడు. చేతిలో ఏడు కోట్ల రూపాయలు విలువ చేసే టికెట్‌ చూసి అభి ఉద్వేగానికి లోనయ్యాడు.  వెంటనే దీని గురించి తల్లిదండ్రులకు చెప్పాడు. ముందు అభి ఆ డబ్బుతో టెస్లా కారు కొనాలని భావించాడు. కానీ అతడి తల్లిదండ్రులు ఆ టికెట్‌ను దాన్ని కొన్న లీస్‌ రోజ్‌ ఫిగాకు అప్పగించాలని భావించారు. దీని గురించి అభి భారతదేశంలో నివసిస్తున్న తన తాతయ్య, నానమ్మలకు చెప్పగా వారు కూడా ఆ టికెట్‌ ఎవరిదో వారికి తిరిగి ఇచ్చేయమన్నారు. ‘‘దాన్ని మన దగ్గర ఉంచుకోవడం కరెక్ట్‌ కాదు. టికెట్‌ వారికి తిరిగి ఇచ్చేయండి.. ఒకవేళ మీ అదృష్టంలో రాసిపెట్టి ఉంటే మీకే సొంతమవుతుంది’’ అన్నారు. దాంతో ఆ టికెట్‌ను లీస్‌ రోజ్‌ ఫిగాకు తిరిగి ఇచ్చేయాలని భావించాను’’ అన్నాడు అభి షా. ఇక మరుసటి రోజు అభి తల్లిదండ్రులను తీసుకుని లీస్‌ రోజ్‌ ఫిగా పని చేస్తున్న చోటకు వెళ్లి.. ‘‘మా అమ్మనాన్న మీతో మాట్లాడాలనుకుంటున్నారు.. ఒక్క నిమిషం బయటకు రండి అని పిలిచాను. బయటకు వచ్చాక ఆమెకు తను కొన్న టికెట్‌ అప్పగించాం’’ అన్నాడు. ఈ సందర్భంగా లీస్‌ రోజ్‌ ఫిగా మాట్లాడుతూ.. ‘‘అక్కడి వెళ్లాక వారు నా చేతిలో నేను డస్ట్‌బిన్‌లో పడేసిన టికెట్‌ నా చేతిలో పెట్టారు. దానికే ప్రైజ్‌మనీ వచ్చిందని తెలిపారు. అది చూసి నా కళ్లని నేను నమ్మలేకపోయాను.. సంతోషంతో అక్కడే కూర్చుని గట్టిగా ఏడ్చాను. ఆ తర్వాత వారిని కౌగిలించుకుని కృతజ్ఞతలు తెలిపాను. లోకంలో ఇంత నిజయాతీపరులు ఉంటారని కలలో కూడా ఊహించుకోలేదు. జీవితాంతం వారికి రుణపడి ఉంటాను. దేవుడు వారిని చల్లగా చూడాలి’’ అని తెలిపింది.  చదవండి: నాన్న ఇచ్చిన నాణెం: కోట్లు కురిపించింది!

వాషింగ్టన్‌ : తగిన మోతాదులో ఆల్కహాల్‌ తీసుకోవటం ద్వారా మేజర్‌ గుండె జబ్బుల నుంచి 20 శాతం తప్పించుకునే అవకాశం ఉందని తాజా పరిశోధనల్లో తేలింది. ప్రతి రోజు మహిళలు 18 మిల్లీలీటర్లు, పురుషులు 32 మిల్లీలీటర్ల ఆల్కహాల్‌ తీసుకోవటం ద్వారా కార్డియోవాస్క్యులర్‌ డిసీజెస్‌( గుండె సంబంధ వ్యాధులు) వచ్చే అవకాశం 20శాతం తగ్గుతుందని హార్వర్డ్‌ మెడికల్‌ స్కూల్‌కు చెందిన శాస్త్రవేత్తలు చెబుతున్నారు. దాదాపు 50 వేల మందిపై పరిశోధనలు జరిపిన వీరు ఈ విషయాన్ని ధ్రువీకరించారు. 18 మిల్లీలీటర్ల కంటే తక్కువ మోతాదులో ఆల్కహాల్‌ తీసుకున్న వారిలో గుండె సంబంధిత వ్యాధులు పెరిగాయని తేల్చారు. ఆల్కహాల్‌ తీసుకున్న వారిలో కంటే తీసుకోని వారి మెదడులో ఒత్తిడికి సంబంధించిన కార్యకలాపాలు అధికంగా ఉన్నాయని వెల్లడించారు. అంతేకాకుండా ఒక వారంలో 250 మిల్లీలీటర్ల కంటే ఎక్కువ మోతాదులో ఆల్కహాల్‌ తీసుకున్న వారి మెదడులో ఒత్తిడికి సంబంధించిన కార్యకలాపాలు అత్యంత అధికంగా ఉన్నాయని తెలిపారు. అయితే తాము ఆల్కహాల్‌ అలవాటును ప్రోత్సహించటం లేదని, తగిన మోతాదులో తీసుకుంటే లాభం ఉంటుందని మాత్రమే చెబుతున్నామని అన్నారు. ఆల్కహాల్‌ తీసుకోవటం వల్ల క్యాన్సర్‌, లివర్‌ డ్యామేజ్‌ వంటి సైడ్‌ ఎఫెక్ట్స్‌ ఉంటాయని వెల్లడించారు.

వాషింగ్టన్‌ : కష్టపడి కూడబెట్టుకున్న డబ్బు పరుల పాలు కాకుండా ఉండటం కోసం భూగర్భంలోనే.. ఇంట్లో ఎక్కడో చోట దాచి పెట్టటం అనాదిగా జరుగుతున్నదే. ఒక్కోసారి తన కుటుంబానికి చెందాలన్న ఆశతో వాటిని దాచి పెట్టినా.. కనుక్కునే అవకాశం లేకపోవటంతో.. పదులు, వందల సంవత్సరాల తర్వాత వేరే వారికి దొరకటం జరుగుతూనే ఉంది. సొంత వారికి దొరకటం చాలా అరుదు. అలాంటి అరుదైన ఘటనే అమెరికాలో చోటుచేసుకుంది. వివరాలు.. మాసాచ్యూసెట్స్‌కు చెందిన ఓ ముసలాయన తను కూడబెట్టుకున్న దాదాపు 35 లక్షల రూపాయల డబ్బును ఓ పెట్టలో పెట్టి, ఇంట్లో ఎక్కడో దాచి పెట్టాడు. కొద్దిరోజుల తర్వాత అతడు చనిపోయాడు. ఇంట్లో ఎక్కడో చోట డబ్బు దాచిపెట్టబడి ఉందని కుటుంబసభ్యులకు తెలిసింది. అయితే అది ఎక్కడన్నది తెలియలేదు. సంవత్సరాల నుంచి దాన్ని కనిపెట్టడానికి తీవ్రంగా శ్రమిస్తున్నారు. ఆ ఇంటిని అమ్మాలనుకుంటున్న వారు అందులో నిధి ఉందని తెలిసి ఆగిపోయారు. ఇలా అయితే కుదరదని భావించి నిధుల అన్వేషణలో 10 సంవత్సరాల అనుభవం ఉన్న ట్రెసర్‌ హంటర్‌ కేయిత్‌ విల్లేను రంగంలోకి దింపారు. అతడు మెటల్‌ డిటెక్టర్‌ సహాయంతో ఇళ్లంతా జల్లెడ పట్టాడు. ఇంట్లో ఓ మూల కిటికీల దగ్గర డబ్బుతో నిండిన పెట్టను వెలికి తీశాడు. అందులో దాదాపు 35 లక్షల రూపాయల డబ్బు కట్టలు వెలుగు చూశాయి. దీంతో సదరు కుటుంబం ఆనందంతో ఎగిరి గంతులు వేసింది.  

సాక్షి, హైదరాబాద్:‌ అంతర్జాతీయ పెట్టుబడులకు భారత్‌లో ఆకర్షణీయమైన గమ్యస్థానంగా మారిన హైదరాబాద్‌కు మరో దిగ్గజ సంస్థ రానుంది. అమెరికాకు చెందిన ప్రముఖ జీవిత బీమా, ఆర్థిక సేవల సంస్థ... మసాచుసెట్స్‌ మ్యూచువల్‌ ఇన్సూరెన్స్‌ (మాస్‌ మ్యూచువల్‌) కంపెనీ రూ.1,000 కోట్ల పెట్టుబడులతో హైదరాబాద్‌ నగరంలో తమ అంతర్జాతీయ సామర్థ్య కేంద్రం (గ్లోబల్‌ కెపబిలిటీ సెంటర్‌)ను ఏర్పాటు చేసేందుకు ముందుకు వచ్చింది. దశల వారీగా ఈ పెట్టుబడులను మాస్‌ మ్యూచువల్‌ సంస్థ పెట్టనుందని రాష్ట్ర పరిశ్రమలు, ఐటీశాఖ మంత్రి కె.తారకరామారావు ప్రకటించారు. గ్లోబల్‌ కెపబిలిటీ సెంటర్‌ ఏర్పాటు నేపథ్యంలో మాస్‌ మ్యూచువల్‌ ఇండియా అధిపతి రవి తంగిరాల, సంస్థ కోర్‌ టెక్నాలజీ విభాగాధిపతి ఆర్థర్‌ రీల్‌ సోమవారం వీడియో కాన్ఫరెన్స్‌ ద్వారా మంత్రి కేటీఆర్, పరిశ్రమలు, ఐటీ శాఖ ముఖ్యకార్యదర్శి జయేశ్‌ రంజన్‌లతో మాట్లాడారు. గ్లోబల్‌ కెపబిలిటీ సెంటర్‌ కోసం మాస్‌ మ్యూచువల్‌ సంస్థ ఇప్పటికే నియామకాలను చేపట్టిందని, 300 మందికి పైగా ఉద్యోగులను నియమించుకుందని కేటీఆర్‌ తెలిపారు. భవిష్యత్తులో భారీ సంఖ్యలో ఉద్యోగావకాశాలను కల్పించనుందన్నారు. ఫైనాన్షియల్‌ డి్రస్టిక్ట్‌లో లక్షా యాభై వేల చదరపు అడుగుల భారీ విస్తీర్ణంలో ఈ కేంద్రం ఏర్పాటు కానుందన్నారు. ఈ సంస్థకు ప్రభుత్వం తరఫున అన్నిరకాల సహాయ, సహకారాలు అందిస్తామని హామీ ఇచ్చారు. ప్రపంచంలోని ప్రముఖ కంపెనీలు హైదరాబాద్‌ నగరాన్ని తమ పెట్టుబడులకు కేంద్రంగా ఎంచుకున్నాయని, ఈ రోజు 170 సంవత్సరాల చరిత్ర కలిగి, ‘ఫార్చూన్‌ 500’కంపెనీల్లో ఒకటిగా ఉన్న మాస్‌ మ్యూచువల్‌ అమెరికా వెలుపల తమ మొదటి గ్లోబల్‌ కెపబిలిటీ సెంటర్‌ను ఏర్పాటు చేయడానికి హైదరాబాద్‌ నగరాన్ని ఎంచుకోవడం ఎంతో గర్వకారణమన్నారు. ప్రపంచ పెట్టుబడులకు హైదరాబాద్‌ గమ్యస్థానంగా మారిందని మరోసారి రుజువైందన్నారు. రానున్న కాలంలో నగరంలో కంపెనీ పెద్ద ఎత్తున విస్తరణ చేపడుతుందని ఆశాభావం వ్యక్తం చేశారు. రికార్డు సమయంలో ప్రపంచస్థాయి కేంద్రాన్ని హైదరాబాద్‌లో ఏర్పాటు చేయడంలో రవి తంగిరాల చూపిన చొరవను కేటీఆర్‌ అభినందించారు.  హైదరాబాద్‌ ది బెస్ట్‌: రవి తంగిరాల  మాస్‌ మ్యూచువల్‌ గ్లోబల్‌ కెపబిలిటీ సెంటర్‌ (జీసీసీ) ఏర్పాటుకు ప్రపంచంలోని అనేక నగరాలను పరిశీలించామని, హైదరాబాద్‌లో చక్కటి నైపుణ్యం కలిగిన ఐటీ ఉద్యోగులు, ప్రభుత్వ సానుకూల విధానాలకు ఆకర్షితులై ఈ నగరాన్ని ఎంపిక చేశామని మాస్‌ మ్యూచువల్‌ ఇండియా హెడ్‌ రవి తంగిరాల పేర్కొన్నారు. 1851లో ఏర్పాటైన తమ కంపెనీ ప్రపంచవ్యాప్తంగా కోట్ల మందికి ఆర్థిక, ఇన్సూరెన్స్‌ సేవలను అందిస్తోందన్నారు. రానున్న రోజుల్లో తమ కంపెనీ కార్యకలాపాలను, ఇతర రంగాలకు విస్తరించేందుకు ప్రణాళికలు సిద్ధం చేసుకున్నామని, గ్లోబల్‌ కెపబిలిటీ సెంటర్‌ ద్వారా తమ లక్ష్యాలు, అవసరాలను ఇక్కడ ఉన్న టాలెంట్‌ పూల్‌ సహకారంతో అందిపుచ్చుకుంటామని విశ్వాసం వ్యక్తం చేశారు. తమ కంపెనీ అప్లికేషన్‌ డెవలప్‌మెంట్, సపోర్ట్, ఇంజనీరింగ్‌ డేటా సైన్స్, డేటా అనలిటిక్స్‌ రంగాల్లో పెద్ద ఎత్తున ఉపాధి, ఉద్యోగావకాశాలు సృష్టించే అవకాశం ఉందన్నారు. ఈ దిశగా భారీ ఎత్తున తమ కంపెనీ నియామకాలు చేపట్టే అవకాశం ఉందన్నారు. ఇప్పటికే అమెరికాలో తమ కంపెనీలో 6 వేల మంది ఉద్యోగులు పనిచేస్తున్నారని తెలిపారు. నగరంలోని నిపుణులైన ఉద్యోగుల ద్వారా తమ ఇన్నోవేషన్‌ లక్ష్యాలను కచి్చతంగా అందుకుంటామన్న విశ్వాసాన్ని ఆర్థర్‌ రీల్‌ వ్యక్తం చేశారు.   జీసీసీలు ఏం చేస్తాయి? గ్లోబల్‌ కెపబిలిటీ సెంటర్‌ (జీసీసీ)లు నిపుణులైన ఉద్యోగులను, అత్యుత్తమ మౌలిక సదుపాయాలను ఒకేచోట కేంద్రీకృతం చేసి తమ వినియోగదారులకు మెరుగైన సేవలు అందిస్తాయి. బ్యాక్‌ ఆఫీసు సేవలు, కార్పొరేట్‌ వ్యాపార మద్దతు కార్యకలాపాలు, కాల్‌ సెంటర్ల సేవలు ఇక్కడి నుంచి కొనసాగిస్తాయి. అలాగే ఐటీ సేవల విషయానికి వస్తే... యాప్‌ల అభివృద్ధి, నిర్వహణ, రిమోట్‌ ఐటీ ఇ్రన్ఫాస్ట్రక్చర్, హెల్ప్‌ డెస్క్‌లు ఈ అంతర్జాతీయ సామర్థ్య కేంద్రాల నుంచే నిర్వహిస్తారు. ఈ ఏకీకృత సేవల ద్వారా వినియోగదారులకు మెరుగైన సేవలు అందించేందుకు కృషి చేస్తాయి. కొన్ని పెద్ద అంతర్జాతీయ కంపెనీలు ఈ జీసీసీలను నూతన అవిష్కరణల కేంద్రాలుగా కూడా ఉపయోగించుకుంటాయి. ఈ సామర్థ్య కేంద్రాల మూలంగా మాతృసంస్థలకు మూడు నుంచి ఐదేళ్ల వ్యవధిలో నిర్వహణ వ్యయంలో సగటున దాదాపు 45 శాతం వరకు ఆదా అవుతుందని అంచనా.  

బోస్టన్‌ : మసాచుసెట్స్‌లోని న్యూటన్‌ హైవే. ఓ టెస్‌లా కారు గంటకు 60 కిలోమీటర్ల వేగంతో పరిగెడుతోంది. అదే వేగంతో టెస్‌లా కారు పక్కగా చేరింది మరో కారు. ఆ కారు నడుపుతున్న డకోటా రాండల్‌ అనే వ్యక్తి టెస్‌లా కారులోకి చూసి ఒక్కసారిగా ఉలిక్కిపడ్డాడు. టెస్‌లా కారు నడుపుతున్న డ్రైవర్‌, అతడి పక్కనే ఉన్న మరోవ్యక్తి నిద్రపోయి ఉండటంతో కంగారుపడ్డాడు. వాళ్లను లేపటానికి రాండల్‌ తన కారు హారన్‌ను మోగించాడు. అయినా లాభంలేకపోయింది. దీంతో ఆ దృశ్యాలను వీడియో తీసిన రాండల్‌ దాన్ని తన ట్విటర్‌ ఖాతాలో పోస్ట్‌ చేశాడు. ఆదివారం చోటుచేసుకున్న ఈ ఘటన ప్రస్తుతం సోషల్‌ మీడియాలో వైరల్‌గా మారింది. ‘‘ఎంత అలసిపోతే మాత్రం.. డ్రైవింగ్‌ చేస్తున్నపుడు నిద్రపోతారా?. టెస్‌లా కారా మజాకా!’’ అంటూ నెటిజన్లు కామెంట్లు చేస్తున్నారు.   దీనిపై స్పందించిన టెస్‌లా కంపెనీ ప్రతినిధి.. తమ కారులో ఆటోపైలట్‌ ఫంక్షన్‌ ఉంటుందని, అయినప్పటికి డ్రైవర్‌ అప్రమత్తత ఎంతో ముఖ్యమని పేర్కొన్నారు. హైవేలో ప్రయాణం చేస్తున్నపుడు డ్రైవర్‌ చేతులు స్టీరింగ్‌పై లేకపోతే ప్రతి 30 సెకన్లకు ఒకసారి ప్రమాద సూచనలు చేస్తుంటుందని, అలాంటప్పుడుకూడా ఆటోపైలట్‌లో డ్రైవింగ్‌ చేయటం ప్రమాదకరమని తెలిపారు.   Some guy literally asleep at the wheel on the Mass Pike (great place for it). Teslas are sick, I guess? pic.twitter.com/ARSpj1rbVn — Dakota Randall (@DakRandall) September 8, 2019

అమెరికా: మస్సాచుసెట్స్‌ రాష్ట్రం మెర్రిమాక్‌ వ్యాలీలోని అండోవర్‌ పట్టణంలో గురువారం గ్యాస్‌ పేలుళ్లు సంభవించాయి. ఈ ఘటనలో ఆరుగురు గాయపడ్డారు. దీంతో ఆ ప్రాంతాన్ని అంతా అధికారులు ఖాళీ చేయించి మంటలను ఆర్పే ప్రయత్నం చేశారు. గ్యాస్‌ లైన్‌ లీకేజీ వల్ల ఈ ప్రమాదం జరిగి ఉండవచ్చునని అనుమానిస్తున్నారు. సుమారు 10 ఇళ్ల నుంచి ఫైర్‌ అలారమ్‌లు మోగాయని, దీంతో వెంటనే 50 ఫైరింజన్లు, 10 అంబులెన్స్‌లు సంఘటనాస్థలానికి చేరుకున్నాయని స్థానిక అధికారులు తెలిపారు. సుమారు 70 ఇళ్లలో గ్యాస్‌ పేలుళ్లు సంభవించినట్లు అధికారులు చెప్పారు. 38 చోట్ల మంటలను అదుపులోకి తీసుకువచ్చామని వెల్లడించారు. తన కెరీర్‌లో ఇటువంటి సంఘటన ఎన్నడూ చూడలేదని, పట్టణంలో ఒక యుద్ధ భూమి వాతావరణం కనిపించిందని అగ్నిమాపక శాఖ స్ధానిక అధికారి మైకేల్‌ తెలిపారు. 

వాషింగ్టన్: అమెరికా అధ్యక్షుడు డోనాల్డ్ ట్రంప్ కుమారుడు డోనాల్డ్ ట్రంప్ జూనియర్‌కు ఇటీవల ఓ అనుమానాస్పద పార్శిల్ పంపి కలకలం రేపిన వ్యక్తిని లా ఎన్‌ఫోర్స్‌మెంట్ అధికారులు అదుపులోకి తీసుకున్నారు. నిందితుడిని మసాచుసెట్స్‌కు చెందిన డానియల్ ఫ్రిసెల్లో అని అతడు డెమొక్రటిక్ పార్టీ కార్యకర్త అని, ఉద్దేశపూర్వకంగానే ఈ పని చేసినట్లు పోలీసులు గుర్తించారు. గత నెలలో డోనాల్డ్ ట్రంప్ జూనియర్‌కు ఓ పార్శిల్ వచ్చింది. ఓపెన్ చేసిన చూడగా అందులో వైట్ పౌడర్ ఉండటం కలకలం రేపింది. నిందితుడు ఫ్రిసెల్లో గతంలోనూ పలు చిన్న చిన్న తప్పిదాలు చేసి జైలుకు వెళ్లొచ్చాడు. డోనాల్డ్ ట్రంప్ జూనియర్‌కు పౌడర్ పార్శిల్ పంపిన అదే నిందితుడు మరో నలుగురు వ్యక్తులకు ఇలాగే పార్శిల్స్ పంపి హెచ్చరికలు జారీ చేశాడు. కాలిఫోర్నియాకు చెందిన ఓ లాయర్, లా ప్రొఫెసర్, ఓ సెనెటర్, నటుడు ఆంటోనియా సబాటోలకు మెయిల్స్ పంపినట్లు పోలీసుల తమ విచారణలో తెలుసుకున్నారు. నిందితుడు ఫ్రిసెల్లోని అతడి ఫేస్‌బుక్ అకౌంట్ ఆధారంగానే అరెస్ట్ చేసినట్లు పోలీసులు తెలిపారు. ట్రంప్ జూనియర్‌కు పంపిన పౌడర్ పార్శిల్ కవర్‌ను తన ఎఫ్‌బీలో ఫ్రిసెల్లో ఫిబ్రవరి 12న పోస్ట్ చేశాడు. దాంతో పాటుగా ఓ బాంబు పార్శిల్ సందర్భంగా తన అసలుపేరును నిందితుడు రాయడం కేసును ఈజీగా ఛేదించేందుకు ఉపయోగపడిందని లా ఎన్‌ఫోర్స్‌మెంట్ అధికారులు వివరించారు. సోషల్ మీడియాలో ట్రంప్ వ్యతిరేక పోస్టులు చాలా చేసినట్లు పోలీసులు గుర్తించారు.


 
 న్యూయార్క్‌: అదృష్టం అలా ఇలా కాదు.. ఏకంగా అమెరికా చరిత్రలోనే అతిపెద్ద సింగిల్ జాక్ పాట్‌ ఆ మహిళ సొంతం అయ్యింది. సుమారు 758.7 మిలియన్‌ డాలర్ల లాటరీని సొంతం చేసుకుని ఆనందంలో ఉబ్బి తబ్బిబి అవుతోంది.
 
  
 
 మస్సాచుసెట్ట్స్‌ కు చెందిన 53 ఏళ్ల మావిస్‌ వాంస్జిక్‌, మెర్సీ మెడికల్‌ కేర్‌ లో ఆయా(పెషెంట్లకు సహయకురాలు)గా పని చేస్తోంది. పశ్చిమ బోస్టన్‌ లోని చికొప్పి స్టోర్‌ లో కుటుంబ సభ్యుల పుట్టినరోజు తేదీల సంఖ్య ఆధారంగా ఓ లాటరీ టికెట్‌ను కొనుగోలు చేసింది. గురువారం దాని ఫలితం వెలువడగా, సుమారు 758.7 మిలియన్‌ డాలర్ల( సుమారు 48 వేల కోట్లు) జాక్‌ పాట్‌ తగిలినట్లు ప్రకటించారు. ఇద్దరు పిల్లలకు తల్లి అయిన మావిస్‌ గత నవంబర్‌ లో యాక్సిడెంట్‌లో భర్తను కోల్పోయింది. ఆర్థికంగా పెద్దగా కష్టాలు లేని కుటుంబం ఆమెది. అయినా పిల్లలతోపాటు ఆమె కూడా ఉద్యోగాన్ని కొనసాగిస్తూనే వస్తోంది.
 
  
 
 అయితే అనుకోకుండా తగిలిన ఈ జాక్‌పాట్‌తో తన కుటుంబం స్థిరపడినట్లేనని ఆమె వ్యాఖ్యానిస్తోంది. అన్ని టాక్స్‌లు పోను ఆమె చేతికి 336 మిలియన్‌ డాలర్లు అందుతాయి. ఇక ఆమెకు అభినందనలు తెలుపుతూ మస్సాచుసెట్ట్స్‌ స్టేట్‌ లాటరీ అసోషియేషన్‌ ఏర్పాటు చేసిన ఓ కాన్ఫరెన్స్  ఏర్పాటు చేయగా అందులో ఆమె ప్రసగించింది. ‘లాటరీ వాళ్ల దగ్గరి నుంచి మళ్లీ ఫోన్‌ వస్తుందని ఊహించలేదు. మొదట భయపడిపోయా. తర్వాత ఇదంతా నిజమేనా అని మరోసారి ధృవీకరించుకున్నా. ఇప్పుడు ఆనందంలో ఉన్నా. ఇంటికెళ్లాక మంచం కింద దాక‍్కుంటా. ఓ నల్ల కళ‍్లజోడు పెట్టుకుని ఖరీదైన డ్రెస్‌, కాస్ట్‌లీ నగ వేసుకుని సంబరాలు చేసుకుంటా’ అని తెలిపింది. కొత్తగా కొన్న కారు లోను క్లియర్‌ చేయటంతోపాటు, ఉద్యోగం వదిలేసిన ఆమె మిగతా డబ్బును ఎలా ఖర్చుపెట్టాలన్న దానిపై ఫ్లాన్ చేస్తోందంట.
 
  
 
 ఇక అమెరికా చరిత్రలోనే ఇదే అత్యధిక సింగిల్ టికెట్‌ లాటరీ అని సమాచారం. గతేడాది జనవరిలో 1.6 బిలియన్‌ డాలర్ల లాటరీ తగిలినప్పటికీ అది ముగ్గురు వ్యక్తులకు(షేరింగ్‌ లాటరీ) చెందడటంతో ప్రస్తుతం మావిస్‌కు తగిలిన లాటరీనినే హయ్యెస్ట్ లాటరీగా పరిగణిస్తున్నట్లు అధికారులు వెల్లడించారు.


 మసాచుసెట్స్: బాగా తాగిన ఓ టీనేజీ యువకుడు తన స్నేహితుడి ఇంటికి కాకుండా మరో ఇంటికి వెళ్లి డోర్ కొట్టిన కారణంగా ప్రాణాలు కోల్పోయాడు. ఆ ఇంటి యజమాని భయపడిపోయి తుపాకితో కాల్పులు జరపడంతో ఆ బుల్లెట్లు కాస్త ఆ యువకుడి పొట్టలోకి దూసుకెళ్లి చనిపోయాడు. ఈ ఘటన మసాచుసెట్స్ లోని చికాపీ అనే ప్రాంతంలో చోటుచేసుకుంది. పూర్తి వివరాల్లోకి వెళితే.. చికాపీలో ఇద్దరు యువకులు మద్యాహ్న సమయంలోనే ఫుల్లుగా తాగేశారు.
 
 అనంతరం తన స్నేహితుడి ఇంటికి వెళ్లాలని నిర్ణయించుకున్నారు. మద్యం మత్తులో స్నేహితుడి ఇంటి తలుపును కాకుండా జెఫ్రీ లావెల్ (42) అనే వ్యక్తి ఇంటి డోర్ ను కొట్టారు. అందులో ఓ పదిహేనేళ్ల యువకుడు పదేపదే డోర్ ను తన్నడంతో ఆ డోర్ కు ఉన్న అద్ధం ఒకటి పగిలిపోయింది. దీంతో ఆ ఇంటి యజమాని జెఫ్రీ దోచుకోవడానికి వచ్చిన అగంతకులేమో అని భ్రమపడి అవతలి వైపునుంచే కాల్పులు జరిపాడు. దీంతో బుల్లెట్లు కాస్త ఆ యువకుడి పొట్టలోకి దూసుకెళ్లాయి.
 
 అతడిని ఆస్పత్రికి తీసుకెళ్లగా అక్కడే ప్రాణాలు కోల్పోయాడు. అయితే, అతడు చేసిన పొరపాటును జడ్జి తప్పుబట్టారు. తలుపుకొట్టినంత మాత్రాన అవతలి వ్యక్తిపై అలా నిర్ణయానికి ఎలా వస్తారని, కాల్పులెలా జరుపుతారని అన్నారు. ఏదేమైనా ఇద్దరి కుటుంబాల్లో విషాదం నిండిపోవడం కొంత బాధాకరం అని చెప్పారు. కాగా, జెఫ్రీ ఫేస్ బుక్ పేజీల్లో అతడికి తుపాకులు అంటే బాగా పిచ్చి అన్నట్లుగా ఉంది.


 తిక్క  లెక్క
 
 వృత్తి, వ్యాపారాల్లో ఎంతటి వారైనా ఎన్నాళ్లు కొనసాగగలరు?.. థర్టీ ఇయర్స్ ఇండస్ట్రీకే చాలామందికి ఓపిక సన్నగిల్లి రిటైరైపోతారు. అవకాశాలు, అదృష్టం, ఆరోగ్యం వంటివన్నీ అనుకూలిస్తే అరుదుగా కొందరు కెరీర్‌లో స్వర్ణోత్సవాలు జరుపుకుంటూ ఉంటారు. విషయమేమిటంటే, ఇక్కడ ఈ రెండు ఫొటోల్లో కనిపిస్తున్న వ్యక్తి ఒకరే. పేరు అలన్ గాంజ్. ఐస్‌క్రీమ్ అమ్మకంలో గాంజ్‌గారిది ఏకంగా 68 ఏళ్ల ఇండస్ట్రీ. ఇది ఇప్పటికీ కొనసాగుతూనే ఉంది.
 
 పదేళ్ల ప్రాయంలోనే 1947లో మసాచుసెట్స్ వీధుల్లో అద్దెకు తీసుకున్న బండి తిప్పుతూ ఐస్‌క్రీమ్ అమ్మడం మొదలుపెట్టాడు. థర్టీ ఇయర్స్ ఇండస్ట్రీ పూర్తయ్యే కాలానికి... అంటే 1977లో సొంత దుకాణం పెట్టుకునే స్థితికి ఎదిగాడు. ఇప్పటికీ ఈ దుకాణాన్ని తానే స్వయంగా నిర్వహిస్తుండటంతో గిన్నెస్‌బుక్ గాంజ్ ఘనతను గుర్తించింది.    
  


 న్యూయార్క్: సరదాగా సెల్ఫీలు తీసుకునేందుకు ఉపయోగించే సెల్ఫీ స్టిక్ ఓ కుటుంబాన్ని కాపాడింది. సముద్రంలో ఈత కొడుతున్న వారిని ఓ రాకాసి అల మింగబోతుండగా దాని సాయంతో బయటపడ్డారు. మస్సాచుస్సెట్స్లోని సముద్రతీరం వెంబడి టెక్సాస్కు చెందిన డెర్రిక్ జాన్, ఆయన భార్య, కూతురు ఎరిన్(16) కాలక్షేపానికి వెళ్లిన వారు తీరపుఒడ్డున స్నానం చేసేందుకు దిగారు.
 
 వారిలో కూతురు హెరిన్ చేతిలో కెమెరాను సెల్ఫీ స్టిక్కు అమర్చి వీడియో తీస్తుండగా వారి వెనుక నుంచి ఒక్కసారిగా భారీ అల వచ్చి ముంచేసింది. దీంతో హెరిన్ తన చేతిలోని సెల్ఫీ స్టిక్ను సముద్రంలోకి జారిపోతున్న తల్లిదండ్రులకు అందించి కాపాడింది. దీంతో హమయ్య అంటూ వారంతా ఊపిరి పీల్చుకున్నారు.


 వాషింగ్టన్:  గాల్లో ఎగరాల్సిన విమానం  అకస్మాత్తుగా జనావాసాలమీదికి  దూసుకువచ్చింది.  బోస్టన్లోని ఒక ఇంటిపై విమానం కూలిపోవడంతో మంటలు చెలరేగాయి.  భారీగా ఎగిసిపడిన అగ్నికి  విమానంలోని ముగ్గురు సిబ్బంది ఆహుతయ్యారు.  ఆదివారం ఉదయం ఈ  దుర్ఘటన  చోటు చేసుకుంది.
 అమెరికాలోని పెన్సిల్వేనియా నుండి మసాచుసెట్స్కు  బయలుదేరిన   బీచ్ క్రాఫ్ట్ BE36  విమానం బోస్టన్లోని ప్లెయిన్ విల్లేలోని ఒక ఇంటిపై కూలిపోయింది.  దీంతో మంటలు చెలరేగాయి. ఆ ఇంటిని  చుట్టుముట్టిన  మంటలను అదుపు చేయడానికి అగ్నిమాపక దళాలు దాదాపు మూడుగంటలుపాటు కష్టపడాల్సి వచ్చింది.  అయితే ఈ ప్రమాదంనుంచి  ఆ ఇంటిలో నివాసం ఉంటున్న వారు అదృష్ట వశాత్తూ తప్పించుకున్నారు.
 తమ ఇంటివైపు దూసుకువస్తూ కూలిపోతున్నవిమానాన్ని  చూశామని, భయభ్రాంతులకు  లోనయ్యామని  ప్రత్యక్షసాక్షులు తెలిపారు.  ఇంజిన్లోంచి శబ్దాలు గమనించామని,  పెద్దశబ్దంతో విమానం కూలిపోయిన తర్వాత భారీ ఎత్తున పొగ వ్యాపించిందని తెలిపారు.
  మరణించినవారిని గుర్తించేంతవరకు నేషనల్ ట్రాన్స్పోర్టేషన్ సేఫ్టీ బోర్డు వివరాలను  వెల్లడించలేమని ఫెడరల్ ఏవియేషన్ ఎడ్మినిస్ట్రేషన్ అధికారి జిమ్ పీటర్స్ తెలిపారు.
  


 లండన్: ఈ ఏడాది షిర్డీ సాయి పల్లకీ వేడుకలు ఘనంగా నిర్వహించేందుకు సన్నాహాలు చేస్తున్నట్లు న్యూ ఇంగ్లాండ్ షిర్డీ సాయి దేవాలయం (ఎన్ఈఎస్ఎస్పీ)  గురువారం లండన్లో విడుదల చేసిన ప్రకటనలో వెల్లడించింది. ఈ పల్లకీ వేడుకలు మే 23వ తేదీన ప్రారంభమై... జూలై 31తో ముగుస్తాయని తెలిపింది. కాగా ఈ ఏడాది పల్లకీ వేడుకల్లో ఓ ప్రత్యేకత సంతరించుకుందని పేర్కొంది.  సాయిబాబాకు ప్రత్యేక దేవాలయాన్ని మసాచూసెట్స్లోని గ్రోటన్లో 28 ఏకరాల సువిశాలమైన ప్రదేశంలో నిర్మించాలని నిర్ణయించినట్లు చెప్పింది. అందుకోసం మే 24వ తేదీన భూమి శుద్దీకరణ కార్యక్రమాన్ని చేపట్టనున్నట్లు ఎన్ఈఎస్ఎస్పీ వివరించింది.
 
 అందుకోసం ఇప్పటికే భారత్ నుంచి గంగా, గోదావరి నదల నుంచి నీటిని లండన్ తీసుకువచ్చినట్లు చెప్పింది. ఈ కార్యక్రమానికి అందరు ఆహ్వానితులే అని ఎన్ఈఎస్ఎస్పీ విడుదల చేసిన ప్రకటనలో పేర్కొంది. ఎన్ఈఎస్ఎస్పీ స్థాపించి తొమ్మిదేళ్లు అయిందని తెలిపింది.
 
 అలాగే లండన్లో చేపడతున్న పలు అభివృద్ధి కార్యక్రమాల్లో సంస్థ ఎలా బాగస్వామ్యం అవుతుంది విశదీకరించింది. గత తొమ్మిదేళ్లుగా ఎన్ఈఎస్ఎస్పీ స్థానికంగా చేపట్టిన పలు కార్యక్రమాలను ఈ సందర్భంగా వివరించింది. అలాగే లండన్లో చేపడుతున్న పలు అభివృద్ధి కార్యక్రమాల్లో సంస్థ ఎలా భాగస్వామ్యమైనది సోదాహరణలతో పేర్కొంది.


 'ఐస్ బకెట్ చాలెంజ్' ద్వారా దాతృత్వ కార్యక్రమానికి శ్రీకారం చుట్టిన పరోపకారి కోరె గ్రిఫిన్ మృతి చెందారు. మసాచుసెట్స్ లోని నాంటుకెట్ సముద్ర తీరంలో ఆగస్టు 16న జరిగిన డైవింగ్ ప్రమాదంలో ఆయన ప్రాణాలు కోల్పోయాడు. డైవింగ్ చేస్తుండగా ప్రమాదవశాత్తు సముద్రంలో పడిపోయి మునిపోయారు.
 
 పుర్రె సంబంధిత వ్యాధితో బాధపడుతున్న తన స్నేహితుడి సహాయార్థం 'ఐస్ బకెట్ చాలెంజ్' దాతృత్వ కార్యక్రమం మొదలుపెట్టారు. గత కొద్ది రోజులుగా ఈ కార్యక్రమం ఆన్లైన్ లో హల్ చల్ చేస్తోంది. హాలీవుడ్, బాలీవుడ్ తారలు, రాజకీయ, వ్యాపార రంగ ప్రముఖులు 'ఐస్ బకెట్ చాలెంజ్'లో పాల్గొంటున్నారు. తమ వంతుగా విరాళాలు అందజేస్తున్నారు.
 
 27 ఏళ్ల వయసులోనే గిఫ్రిన్ మృతి చెందడం విచారకరం. చనిపోవడానికి ముందు వరకు అతడు లక్ష డాలర్ల విరాళాలు సేకరించడం విశేషం. ప్రపంచంలోనే అత్యంత సంతోషకరమైన వ్యక్తిగా గిఫ్రిన్ ను ఆయన తండ్రి రాబర్ట్ వర్ణించారు. 'గత రాత్రి ఫోన్ చేసి తాను స్వర్గంలో ఉన్నట్టు గిఫ్రిన్ చెప్పాడు' అని సంతాప సందేశంలో ఆయన పేర్కొన్నారు. పరోపకారం కోసం ఓ మంచి కార్యక్రమానికి శ్రీకారం చుట్టిన గిఫ్రిన్ ఆత్మకు శాంతి కలగాలని ప్రపంచమంతా కోరుకుంటోంది.


 ప్రయాణికులతో బయలుదేరటానికి సిద్ధంగా ఉన్న విమానంలో ఆకస్మాత్తుగా మంటలు వ్యాపించాయి. విమానంలోని సిబ్బంది ఆ విషయాన్ని గమనించి వెంటనే అప్రమత్తమై.... ఆ మంటలను ఆర్పివేశారు. ఆ ఘటన మసాచూసెట్స్లోని బెడ్ఫోర్డ్ హన్స్కామ్ ఎయిర్ ఫోర్స్ బేస్ నుంచి గత రాత్రి న్యూజెర్సీలోని అట్లాంటిక్ నగరానికి బయలుదేరే సమయంలో ఆ ప్రమాదం చోటు చేసుకుందని ఉన్నతాధికారులు వెల్లడించారు.
  
 విమానం రన్వేపైకి వెళ్లేందుకు బయలుదేరుతున్న క్రమంలో విమానంలో మంటలు వ్యాపించాయన్నారు. ఆ ప్రమాదానికి గల కారణాలు తెలియరాలేదని తెలిపారు. ఆ విమానం ఘటనపై విచారణకు ఆదేశించినట్లు చెప్పారు. ప్రమాదం జరిగిన సమయంలో విమానంలో ఎంత మంది ప్రయాణికులు ఉన్నారు, వారి వివరాలు మాత్రం తెలియలేదని వెల్లడించారు.


 అమెరికాలోని మసాచుసెట్స్ రాష్ట్రంలో ఘోరం జరిగింది. అక్కడి డెన్వర్స్ హైస్కూల్లో లెక్కల టీచర్ను 14 ఏళ్ల విద్యార్థి చంపేశాడు!! ఫిలిప్ చిస్మ్ అనే ఆ విద్యార్థి తాను చదువుతున్న పాఠశాలలో పనిచేస్తున్న కొలీన్ రిట్జర్ (24) అనే లెక్కల టీచర్ను చంపినందుకు అతడిని అరెస్టు చేసి కోర్టులో ప్రవేశపెట్టారు.
 అతడికి బెయిల్ ఇవ్వకుండా అదుపులోనే ఉంచాలని కోర్టు ఆదేశించినట్లు సిన్హువా వార్తా సంస్థ తెలిపింది. పాఠశాల రెండో అంతస్థులో ఉన్న బాత్రూంలో రక్తపు మరకలు ఉండగా, పాఠశాలకు వెనకాల ఉన్న అటవీప్రాంతంలో రిట్జర్ మృతదేహం పోలీసులకు కనిపించింది. ఆమె మంగళవారం రాత్రి నుంచి కనిపిచండంలేదు. ఫోన్ కాల్స్కు స్పందించకపోవడం, ఇంటికి కూడా రాకపోవడంతో కుటుంబ సభ్యులు పోలీసులకు ఫిర్యాదుచేశారు. పాఠశాలలో సాకర్ క్రీడాకారుడైన చిస్మ్ను పోలీసులు అరెస్టుచేశారు.
 
 సీసీ టీవీ కెమెరాలలో పలుచోట్ల అతడి నేరానికి సంబంధించిన సాక్ష్యాలు లభించాయి. అయితే, అసలు టీచర్ను ఎందుకు, ఎలా చంపాడన్నది మాత్రం ఇంకా తెలియరాలేదు. అమెరికాలో చిన్న పిల్లలు హత్యలు చేసిన సంఘటనలు ఈ వారంలోనే రెండు జరిగాయి. 12 ఏళ్ల విద్యార్థి ఒకరు నెవెడాలోని రెనో స్కూల్లో సోమవారం నాడు ఓ లెక్కల టీచర్ను కాల్చి చంపిన విషయం తెలిసిందే.