‘అమ్మలగన్న అమ్మ ముగ్గురమ్మల మూలపుటమ్మ’ అంటూ సృష్టికి శ్రీకారం చుట్టింది అమ్మేనంటారు. మరి అలాంటి అమ్మకు వందనాలు చెప్పడానికి ఓ రోజు... అదే ఈ మాతృదినోత్సవం. మనం భూమ్మీదకొచ్చిన తర్వాత తొలి ఆత్మీయ స్పర్శ అమ్మదే. తొలి ప్రేమలాలన అమ్మదే. స్వచ్ఛమైన ప్రేమకి ప్రతీక అమ్మ. మనం తొలిసారి తీసుకునే ఆహారం అమ్మ ప్రసాదించినదే.
 అమ్మ ప్రేమలోని మాధుర్యం తెలుసుకోవడం ప్రతి అమ్మాయి బాధ్యత. అయితే అది ఆమె అమ్మయ్యాకే పరిపూర్ణంగా తెలుస్తుంది. ఓ అమ్మకి కూతురిగా ఉంటూనే అమ్మగా మాతృత్వపు మాధుర్యాన్ని పొందడానికి దేవుడు నాకు ఓ వరమిచ్చాడు. ఆ వరమే మా పాప. మరి... నాకు కూడా కూతురులాంటి ఓ కోడలు వస్తోంది. ఆ కోడలు మామూలు కోడలు కాదు, బంగారంలాంటి కోడలు. నాకు కూతురు లాంటి బంగారు కోడలు సుహాసినితో కలిసి ఈ నెల 22వ తేదీన మధ్యాహ్నం జీ తెలుగులో ‘నా కోడలు బంగారం’ మెగా సీరియల్‌తో మీ ముందుకు వస్తున్నాం. ఆశీర్వదిస్తారు కదూ!


 అమ్మ... మనకు కమ్మనైన జీవితాన్ని ప్రసాదించే దేవత. అమ్మ... మనకి కళ్ల ముందు కనిపించే నిజమైన దేవత.అలాంటి అమ్మ గురించి ఎంత చెప్పినా తక్కువే! విశ్వంలో స్వచ్ఛమైన ప్రేమ అమ్మ ప్రేమే!! అందుకే... అమ్మస్థానం చాలా గొప్పది. నేను ఈ రోజు ఇలా మీ ముందు ఉన్నానంటే కారణం మా అమ్మే. ఆకలేస్తే అన్నం పెట్టి, నిద్ర వస్తే జోల పాడి, బాధ వస్తే ఓదార్చి, కష్టం వస్తే ఆసరాగా నిలుస్తుంది అమ్మ.
 అలాంటి అమ్మకు వందనాలు. నేను ఓ చల్లనైన అత్తకు కోడలిగా అత్తగారింట్లో అడుగుపెడుతున్నాను. అమ్మ ప్రేమను మరిపించి నాకు మరో అమ్మగా రాబోతున్న మా అత్త హరితగారు నన్ను ప్రాణంగా, నా కోడలు బంగారం అన్నట్లు చూసుకుంటారు. మే 22వతేదీ మధ్యాహ్నం జీ తెలుగులో మా బంగారు అత్తయ్యతో కలిసి ‘మా కోడలు బంగారం’ మెగా సీరియల్‌తో మీ ముందుకు వస్తున్నాం. బంగారు ఆశీస్సులు అందిస్తారని కోరుతూ అందరికీ మాతృదినోత్సవ శుభాకాంక్షలు.