ఈక్విటీల్లో దీర్ఘకాలానికి పెట్టుబడులు పెట్టాలని భావించే వారు లార్జ్‌క్యాప్, మిడ్‌క్యాప్, స్మాల్‌క్యాప్‌ ఫండ్స్‌కు పోర్ట్‌ఫోలియోలో చోటు కల్పించుకోవచ్చు. తమ రిస్క్, రాబడుల ఆకాంక్షలకు అనుగుణంగా ఏ విభాగానికి ఎంత కేటాయింపులన్నవి తేల్చుకోవాలి. లార్జ్‌క్యాప్‌తో పోల్చిచూసినప్పుడు కొంత రిస్క్‌ అధికంగా ఉన్నప్పటికీ 10–20 ఏళ్ల కాలంలో మిడ్‌క్యాప్, స్మాల్‌క్యాప్‌ ఫండ్స్‌ అధిక రాబడులు ఇవ్వగలవు. మిడ్‌క్యాప్‌ విభాగంలో మంచి పనితీరు చూపిస్తున్న వాటిల్లో కోటక్‌ ఎమర్జింగ్‌ ఈక్విటీస్‌ ఒకటి. దీర్ఘకాల లక్ష్యాల కోసం రిస్క్‌ భరించే సామర్థ్యం ఉన్నవారు ఈ పథకాన్ని పరిగణనలోకి తీసుకోవచ్చు. మిడ్‌క్యాప్‌తోపాటు లార్జ్‌క్యాప్‌ పెట్టుబడులకూ ఈ పథకం ప్రాధాన్యం ఇస్తుంటుంది.రాబడులు ఈ పథకం దీర్ఘకాల పనితీరును గమనించినట్టయితే రాబడులు మెరుగ్గా కనిపిస్తున్నాయి. ఏడాది కాలంలో ఈ పథకంలో రాబడులు 38 శాతానికి పైగా ఉన్నాయంటే పనితీరు ఏ విధంగా ఉందో అర్థం చేసుకోవచ్చు. గడిచిన ఐదేళ్లలో 27 శాతం, ఏడేళ్లలో 18.47 శాతం, పదేళ్లలో 18.84 శాతం చొప్పున వార్షిక రాబడులను ఇచ్చి.. మిడ్‌క్యాప్‌ విభాగంలోని మెరుగైన పథకాల్లో ఒకటిగా నిలిచింది. ముఖ్యంగా ఏడాది, ఏడేళ్లు, పదేళ్ల కాలాల్లో బెంచ్‌మార్క్‌ సూచీ ‘బీఎస్‌ఈ 150 మిడ్‌క్యాప్‌ టీఆర్‌ఐ’ కంటే ఈ పథకం పనితీరే మెరుగ్గా ఉంది. 2007 మే నెలలో ఈ పథకం మొదలు కాగా, నాటి నుంచి చూస్తే వార్షిక సగటు రాబడి 15.75 శాతంగా ఉంది. ఈ పథకంలో ఇన్వెస్టర్ల నుంచి వసూలు చేసే చార్జీ (ఎక్స్‌పెన్స్‌ రేషియో) 1.43 శాతంగా ఉంది.పెట్టుబడుల విధానం కనీసం 65 శాతం నుంచి గరిష్టంగా 100 శాతం వరకు పెట్టుబడులను మిడ్‌క్యాప్‌ కంపెనీలకు కేటాయించడం ఈ పథకం పెట్టుబడుల విధానంలో భాగం. 2018, 2020 మార్కెట్‌ కరెక్షన్లలో ఈ పథకం నష్టాలను పరిమితం చేసింది. ఆ తర్వాతి ర్యాలీల్లో మెరుగైన రాబడులను ఇచ్చింది. వృద్ధికి అవకాశం ఉండి, అంతగా వెలుగులోకి రాని పటిష్టమైన కంపెనీలను గుర్తించి ఇన్వెస్ట్‌ చేస్తుంటుంది. పోర్ట్‌ఫోలియోలో వ్యాల్యూ స్టాక్స్‌కు ప్రాధాన్యం ఇస్తుంది. మంచి స్టాక్స్‌లో ఇన్వెస్ట్‌ చేయడమే కాదు.. తగిన రాబడులు ఇచ్చే వరకు ఆ పెట్టుబడులు కొనసాగిస్తుంటుంది.ప్రస్తుతం ఈ పథకం నిర్వహణలో 50,627 కోట్ల ఆస్తులు ఉన్నాయి. ఇందులో 96 శాతాన్ని ఈక్విటీల్లో ఇన్వెస్ట్‌ చేసింది. డెట్‌ పెట్టుబడులు 0.21 శాతంగా ఉన్నాయి. నగదు, నగదు సమానాలు 3.7 శాతంగా ఉన్నాయి. ఈక్విటీల్లో 40 శాతం మేర లార్జ్‌క్యాప్‌ కంపెనీల్లో ఇన్వెస్ట్‌ చేసింది. 58 శాతం పెట్టుబడులను మిడ్‌క్యాప్‌లకు కేటాయించింది. స్మాల్‌క్యాప్‌ పెట్టుబడులు 1.44 శాతంగా ఉన్నాయి. పోర్ట్‌ఫోలియోలో 66 స్టాక్స్‌ ఉన్నాయి. ఇందులో టాప్‌–10 కంపెనీల్లో పెట్టుబడులు 29 శాతంగా ఉన్నాయి. పోర్ట్‌ఫోలియో కాన్సంట్రేషన్‌ తక్కువ అని అర్థమవుతోంది. పెట్టుబడుల పరంగా టెక్నాలజీ, మెటీరియల్స్, ఇండస్ట్రియల్స్, కన్జ్యూమర్‌ డిస్క్రీషినరీ, బ్యాంకింగ్‌ అండ్‌ ఫైనాన్షియల్‌ రంగ కంపెనీలకు ఎక్కువ ప్రాధాన్యం ఇచ్చింది. 78 శాతం పెట్టుబడులు ఈ రంగాల కంపెనీల్లోనే ఉన్నాయి.టాప్‌ ఈక్విటీ హోల్డింగ్స్‌కంపెనీ పెట్టుబడులు శాతంపర్సిస్టెంట్‌ సిస్టమ్స్‌ 4.16 ఒరాకిల్‌ ఫిన్‌ 3.51 ఎంఫసిస్‌ 3.31 ఒబెరాయ్‌ రియల్టీ 3.11 ఫోర్టిస్‌ హల్త్‌కేర్‌ 3.05 ఇప్కా ల్యాబ్‌ 3.01 కోరమాండల్‌ 2.49 పీఐ ఇండస్ట్రీస్‌ 2.39 సోలార్‌ ఇండస్ట్రీస్‌ 2.23 సుప్రీమ్‌ ఇండస్ట్రీస్‌ 2.19

రిటైల్‌ ఇన్వెస్టర్లకు చిన్న కంపెనీలంటే చెప్పలేనంత ఆకర్షణ. అందుకే నేరుగా స్టాక్స్‌లో లేదంటే మ్యూచువల్‌ ఫండ్స్‌ రూపంలో స్మాల్, మిడ్‌క్యాప్‌ కంపెనీల్లోనే ఎక్కువగా ఇన్వెస్ట్‌ చేస్తుంటారు. పెద్ద కంపెనీలతో పోల్చి చూస్తే, దీర్ఘకాలంలో చిన్న, మధ్యస్థాయి కంపెనీల్లో అధిక రాబడులు వారిని ఆకట్టుకుంటున్నాయి. కానీ, పెద్ద కంపెనీలతో పోలిస్తే వీటిల్లో రిస్క్‌ పాళ్లు అధికం. ఈ రిస్‌్కను రిటైల్‌ ఇన్వెస్టర్లలో అధిక శాతం మంది పట్టించుకోవడం లేదు. ఫలితం మార్కెట్‌ దిద్దుబాట్లలో తప్పటడుగుల కారణంగా భారీగా నష్టపోవాల్సి వస్తోంది. ఈ రిస్క్‌ను ఇన్వెస్టర్లు అర్థం చేసుకునేందుకు తీసుకొచి్చందే స్ట్రెస్‌ టెస్ట్‌. గడిచిన మూడేళ్ల డేటాను గమనించినట్టయితే స్మాల్, మిడ్‌క్యాప్‌ ఫండ్స్‌లోకి భారీ మొత్తంలో పెట్టుబడులు వచి్చనట్టు తెలుస్తోంది. ఒక్క 2023 సంత్సరంలోనే మిడ్‌క్యాప్‌ ఫండ్స్‌లోకి రూ.23,000 కోట్లు వస్తే.. చిన్న కంపెనీల్లో పెట్టుబడులు పెట్టే స్మాల్‌క్యాప్‌ పథకాలు రూ.41,000 కోట్ల పెట్టుబడులను ఆకర్షించాయి. 2022లోనూ మిడ్‌క్యాప్‌ ఫండ్స్‌లోకి రూ.20,500 కోట్లు, స్మాల్‌క్యాప్‌ ఫండ్స్‌లోకి రూ.19,795 కోట్ల చొప్పున వచ్చాయి.  కానీ, అస్థిరతలు తక్కువగా ఉండే లార్జ్‌క్యాప్‌ పథకాల నుంచి 2023లో ఇన్వెస్టర్లు రూ.3,000 కోట్లను ఉపసంహరించుకోవడం గమనార్హం. మూడేళ్ల కాలంలో స్మాల్‌క్యాప్‌ ఫండ్స్‌ ఏటా 24 శాతం చొప్పున రాబడిని ఇవ్వగా, మిడ్‌క్యాప్‌ ఫండ్స్‌ ఏటా 22 శాతం చొప్పున ఇన్వెస్టర్లకు పెట్టుబడులపై ప్రతిఫలాన్ని అందించాయి. ఈ స్థాయి రాబడిని చూసి ఇన్వెస్టర్లు మరింతగా పెట్టుబడులను ఈ పథకాల్లోకి కుమ్మరిస్తున్నారు. వచ్చే పెట్టుబడుల ప్రవాహానికి తగ్గట్టు ఫండ్స్‌ సంస్థలు చిన్న, మధ్య స్థాయి కంపెనీల్లో ఆ మేరకు పెట్టుబడులు పెట్టాల్సి వస్తుంది. ఇవన్నీ కలసి స్టాక్స్‌ వ్యాల్యూషన్లు ఓ బుడగ మాదిరి తయారవుతున్నట్టు క్యాపిటల్‌ మార్కెట్స్‌ రెగ్యులేటర్‌ సెబీ ఆందోళన చెందింది. ఫలితంగా కొన్ని అసాధారణ నిర్ణయాలు తీసుకుంది. చిన్న, మధ్య స్థాయి కంపెనీల్లో ఉండే రిస్క్‌ నుంచి ఇన్వెస్టర్ల ప్రయోజనాల రక్షణకు కార్యాచరణ రూపొందించుకోవాలని, స్మాల్‌క్యాప్‌ ఫండ్స్‌లోకి పెట్టుబడులను నియంత్రించుకోవాలని ఆదేశాలు జారీ చేసింది. అంతేకాదు, అన్ని స్మాల్‌క్యాప్, మిడ్‌క్యాప్‌ ఫండ్స్‌కు సంబంధించి ‘స్ట్రెస్‌ టెస్ట్‌’ నిర్వహించాలని ఫండ్స్‌ సంస్థలను (ఏఎంసీలు) ఆదేశించింది. లిక్విడిటీ స్ట్రెస్‌ టెస్ట్‌ ఫలితాలను మ్యూచువల్‌ ఫండ్స్‌ సంస్థలు ప్రకటిస్తున్నాయి. వీటి గురించి తెలుసుకోవడం అవసరం. ఏమిటీ ఈ స్ట్రెస్‌ టెస్ట్‌? పైకి ఎలాంటి అనారోగ్య సమస్యలూ కనిపించకపోవచ్చు. మరి అనూహ్యంగా హార్ట్‌ ఎటాక్‌తో చిన్న వయసులోనే కొందరు ఎందుకు మరణిస్తున్నట్టు? గుండె సామర్థ్యాన్ని, సమీప కాలంలో వచ్చే ముప్పును తెలుసుకునేందుకు వైద్యులు థ్రెడ్‌ మిల్‌ టెస్ట్‌ (టీఎంటీ) నిర్వహిస్తుంటారు. మెషిన్‌పై శ్రమతో నడస్తున్న సమయంలో గుండె స్పందనలు ఎలా ఉన్నాయనే దాని ఆధారంగా భవిష్యత్‌ రిస్‌్కలను వైద్యులు అంచనా వేస్తారు. మ్యూచువల్‌ ఫండ్స్‌కు సంబంధించిన స్ట్రెస్‌ టెస్ట్‌ కూడా ఇదే మాదిరి అనుకోవచ్చు. 2020 కరోనా సమయంలో స్టాక్‌ మారెŠక్‌ క్రాష్‌ గుర్తుండే ఉంటుంది. ఈ తరహా పతనాల్లో మ్యూచువల్‌ ఫండ్స్‌ సంస్థలు తమ నిర్వహణలోని పెట్టుబడుల (ఏయూఎం)ను ఎంత సమర్థవంతంగా నిర్వహిస్తాయి? రిస్‌్కను ఎలా ఎదుర్కొంటాయి? ఇన్వెస్టర్ల ప్రయోజనాలను ఎంత మేరకు కాపాడగలవు? ఇన్వెస్టర్లు ఒక్కసారిగా తమ పెట్టుబడులను వెనక్కి తీసుకునేందుకు పెద్ద సంఖ్యలో ముందుకు వస్తే తిరిగిచ్చే సామర్థ్యం ఫండ్స్‌ సంస్థలకు ఉంటుందా? ఇత్యాది అంశాలన్నీ తెలుసుకోవడానికి ఈ స్ట్రెస్‌ టెస్ట్‌ ఉపకరిస్తుంది. మ్యూచువల్‌ ఫండ్స్‌కు సంబంధించి ఇది కొత్తగా విని ఉండొచ్చేమో..! కానీ ఆర్‌బీఐ ప్రతి ఆరు నెలలకు ఒకసారి బ్యాంక్‌లకు సంబంధించి లిక్విడిటీ స్ట్రెస్‌ టెస్ట్‌ను నిర్వహిస్తుంటుంది. బ్యాంకుల్లో నగదు లభ్యత ఎలా ఉంది? కొరతను ఎదుర్కొంటున్నాయా? అన్నది ఆర్‌బీఐ మదింపు చేస్తుంటుంది.   దీని అవసరం..? బాండ్ల మార్కెట్లలో మాదిరే ప్రతికూల సమయాల్లో స్మాల్, మిడ్‌క్యాప్‌ పథకాలకు సంబంధించి కూడా లిక్విడిటీ సమస్య ఏర్పడుతుంటుంది. ఒక మోస్తరు ఆస్తులను (పెట్టుబడులు/ఏయూఎం) నిర్వహిస్తున్నంత వరకు ఈ లిక్విడిటీ అనేది మ్యూచువల్‌ ఫండ్స్‌కు పెద్ద సమస్య కాబోదు. కానీ, గడిచిన ఏడాది రెండేళ్లలో స్మాల్, మిడ్‌క్యాప్‌ పథకాల్లోకి వస్తున్న భారీ పెట్టుబడులు లిక్విడిటీ పరంగా కొంత ఆందోళన కలిగిస్తున్నాయి. 2024 ఫిబ్రవరి నాటికి అన్ని స్మాల్‌క్యాప్‌ ఫండ్స్‌ నిర్వహణలోని ఏయూఎం రూ.2.49 లక్షల కోట్లకు చేరితే, మిడ్‌క్యాప్‌ ఫండ్స్‌ ఏయూఎం రూ.2.95 లక్షల కోట్లకు చేరుకోవడాన్ని ఇక్కడ గమనించాలి. ఇప్పుడు ఈ విభాగాల్లోని పెద్ద పథకాలు ఒక్కో దాని నిర్వహణలోని ఆస్తులు రూ.25,000–60,000 కోట్లకు చేరాయంటే ఏ స్థాయిలో పెట్టుబడులు వస్తున్నాయో అర్థం చేసుకోవచ్చు. రూ.60,000 కోట్ల ఆస్తులు నిర్వహించే పథకం ఒక శాతం (రూ.600 కోట్లు) మేర స్టాక్స్‌ను విక్రయించినా దాన్ని మార్కెట్‌ సర్దుబాటు చేసుకోవడం కష్టంగానే ఉంటుంది. ముఖ్యంగా లిక్విడిటీ తక్కువగా ఉండే స్టాక్స్‌లో (తక్కువ వ్యాల్యూమ్‌ ట్రేడ్‌ అయ్యేవి) ఈ రిస్క్‌ ఇంకా ఎక్కువ. కొద్ది అమ్మకాలకే స్టాక్‌ ధరలు నేలచూపులు చూస్తాయి. దీంతో ఆయా పథకాల యూనిట్‌ నెట్‌ అస్సెట్‌ వ్యాల్యూ (ఎన్‌ఏవీ) అదే స్థాయిలో పడిపోతుంది.   స్ట్రెస్‌ టెస్ట్‌  ఎలా నిర్వహిస్తారు? పథకాల పోర్ట్‌ఫోలియోలో 50, 25 శాతం మేర స్టాక్స్‌ను విక్రయించేందుకు వీలుగా మ్యూచువల్‌ ఫండ్స్‌ సంస్థల మేనేజర్లు కొన్ని అంశాలను పరిగణనలోకి తీసుకుంటారు. తమ స్టాక్స్‌కు సంబంధించి గడిచిన మూడు నెలల్లో సగటు ట్రేడింగ్‌ వ్యాల్యూమ్‌ను పరిశీలిస్తారు. లిక్విడిటీ (వ్యాల్యూ మ్‌) చాలా తక్కువగా ఉన్న దిగువ స్థాయి 20 శాతం స్టాక్స్‌ను మినహాయిస్తారు. మిగిలిన స్టాక్స్‌ వాల్యూమ్‌ మార్కెట్లు ఆటుపోట్లను ఎదుర్కొనే సమయంలో ఏ మేరకు పెరుగుతుందన్నది ఊహాత్మక గణాంకాల ఆధారంగా అంచనా వేస్తా రు. ఈ గణాంకాల ఆధారంగా పోర్ట్‌ఫోలియోలోని స్టాక్స్‌ (హోల్డింగ్స్‌)ను ఎన్ని రోజుల్లో విక్రయించగలమనే అంచనాకు వస్తాయి. ఒక పథకం తన పెట్టబడుల్లో 25 శాతాన్ని, 50 శాతాన్ని ఎన్ని రోజుల్లో విక్రయించగలదన్నది దీని ద్వారా తెలుస్తుంది. సెబీ ఆదేశాల ప్రకారం ఫండ్స్‌ ప్రతి నెలా ఈ విధమైన స్ట్రెస్‌ టెస్ట్‌ నిర్వహించి, ఫలితాలను తర్వాతి 15 రోజుల్లోపు ఆన్‌లైన్‌ పోర్టల్‌పై వెల్లడించాలి. ఆయా పథకాల్లో పెట్టుబడులు పెట్టిన టాప్‌–10 ఇన్వెస్టర్ల వివరాలను కూడా ఫండ్స్‌ వెల్లడించాల్సి ఉంటుంది. వర్రీ అక్కర్లేదు.. ఒక పథకం తన నిర్వహణ పెట్టుబడుల్లో 50 శాతం విక్రయించేందుకు 60 రోజుల సమయం పడుతుందని వెల్లడించిన సందర్భాల్లో.. ఇన్వెస్టర్ల ఉపసంహరణ క్లెయిమ్‌లు ఒకే సారి ఎక్కువ మొత్తంలో వస్తే ఆమోదిస్తుందా? అన్న సందేహం అక్కర్లేదు. ఈ స్ట్రెస్‌ టెస్ట్‌ ఫలితాలు అన్నీ కూడా వాస్తవంగా మార్కెట్లో విక్రయించి, వెల్లడించిన డేటా కాదు. మార్కెట్‌ పతనాల్లో ఎన్ని రోజుల్లో విక్రయించగలమో ఊహాత్మకంగా వేసిన అంచనాలే. ఆయా సమయంలో ఫండ్స్‌ పెట్టుబడుల్లో ఉండే రిస్‌్కల గురించి తెలుసుకునేందుకు ఈ డేటా ఇన్వెస్టర్లకు సాయంగా ఉంటుంది. ముఖ్యంగా పెట్టుబడుల్లో 25 శాతం నుంచి 50 శాతం మేర ఉపసంహరణ ఒత్తిళ్లు రావడం అన్నది చాలా అరుదుగానే ఉంటుంది. ఎక్కువ సందర్భాల్లో పెట్టుబడుల ఉపసంహరణ ఒత్తిళ్లు 10 శాతం మించవు. దీనికంటే కూడా మార్కెట్లు పడడం మొదలైన తర్వాత ఇన్వెస్టర్లు తాజా పెట్టుబడులు నిలిపివేయడం మన దేశంలో ఎక్కువగా కనిపిస్తుంది. అంతే కానీ అప్పటికే చేసిన ఫండ్స్‌ పెట్టుబడులను ఉపసంహరించుకోవడం అరుదు. నష్టభయమే దీనికి కారణం. నిజానికి మ్యూచువల్‌ ఫండ్స్‌ నిర్వహణ సంస్థలైన అస్సెట్‌ మేనేజ్‌మెంట్‌ కంపెనీలు (ఏఎంసీలు) లిక్విడిటీ రిస్క్‌ విషయంలో తగిన సన్నద్దంగానే ఉంటాయి. అందుకే స్మాల్‌క్యాప్‌ అయినా, మిడ్‌క్యాప్‌ అయినా పెట్టుబడుల్లో 35 శాతం వరకు తీసుకెళ్లి లార్జ్‌క్యాప్‌లో ఇన్వెస్ట్‌ చేస్తుంటాయి. ఇన్వెస్టర్ల నుంచి పెట్టుబడుల ఉపసంహరణ ఎదురైతే ముందుగా లార్జ్‌క్యాప్‌ పెట్టుబడులనే నగదుగా మార్చుకుంటాయి. దీనికి తోడు పథకంలో కొంత మేర నగదు నిల్వలు కూడా ఉంటాయి. వీటికి అదనంగా పథకం మొత్తం పెట్టుబడుల విలువలో 20 శాతం మేర రుణం తీసుకుని స్వల్పకాల అమ్మకాల ఒత్తిడిని అధిగమించేందుకు సెబీ నిబంధనలు అనుమతిస్తున్నాయి.   విశ్లేషణకు కీలక డేటా స్ట్రెస్‌ టెస్ట్‌ డేటాతో ఇన్వెస్టర్లకు తాము ఇన్వెస్ట్‌ చేసిన పథకాల్లో ఉండే రిస్క్‌ ఎంతన్నది తెలుస్తుంది. ఎన్ని రోజుల్లో పెట్టుబడులను ఫండ్‌ మేనేజర్లు నగదుగా మార్చుకుంటున్నారన్నది ఇందులో కీలకమైన అంశం. ఇప్పటి వరకు విడుదలైన స్మాల్‌క్యాప్, మిడ్‌క్యాప్‌ స్ట్రెస్‌ టెస్ట్‌ ఫలితాలను ఒక్కసారి తప్పకుండా గమనించాలి. స్మాల్‌క్యాప్‌ పథకాలు తమ పెట్టుబడుల్లో 50 శాతాన్ని విక్రయించి నగదుగా మార్చుకునేందుకు సగటున 22 నుంచి 60 రోజులు తీసుకుంటున్నట్టు తెలుస్తోంది. అదే 25 శాతం పెట్టుబడులను విక్రయించేందుకు 11–30 రోజుల సమయం పడుతోంది. మొత్తం ఒకే రోజు విక్రయించేందుకు ఇక్కడ అవకాశాలు పరిమితం. ఎందుకంటే ఆయా స్టాక్స్‌లో లిక్విడిటీ (ట్రేడింగ్‌ వ్యాల్యూమ్‌) చాలా తక్కువగా ఉంటుందన్న అంశాన్ని గుర్తు పెట్టుకోవాలి. సాధారణంగా స్మాల్‌క్యాప్, మిడ్‌క్యాప్‌ పథకాల వద్ద నగదు నిల్వలు 4.5 శాతం నుంచి 11 శాతం మధ్య ఉన్నాయి. ఒకేసారి అమ్మకాల ఒత్తిడి ఎదురైతే తొలుత ఈ నగదు నిల్వలతో ఫండ్స్‌ గట్టెక్కగలవు. అప్పటికీ రిడెంప్షన్‌ (ఉపసంహరణ) ఒత్తిడి ఆగకపోతే పెట్టుబడులను విక్రయించాల్సి వస్తుంది.    ఆయా పథకంలో కేవలం కొద్ది మంది ఇన్వెస్టర్లే ఎక్కువ పెట్టుబడులు కలిగి ఉన్నారా? లేదా అన్నది తెలుస్తుంది. ఉదాహరణకు ఒక పథకం నిర్వహణలో రూ.2,000 కోట్ల పెట్టుబడులు ఉన్నాయని అనుకుందాం. కేవలం ఐదు, పది మంది ఇన్వెస్టర్లకు సంబంధించే రూ.500 కోట్ల పెట్టుబడులు ఉంటే, అది రిస్‌్కకు దారితీస్తుంది. ఆ స్థాయిలో పెట్టుబడులు కలిగి ఉన్నవారు స్మార్ట్‌ ఇన్వెస్టర్ల కిందకే వస్తారు. మార్కెట్‌ పతనం మొదలైన వెంటనే, ముందుగా వారు తమ పెట్టుబడులను వెనక్కి తీసుకునేందుకు ప్రయతి్నస్తే పథకం ఎన్‌ఏవీ దారుణంగా పడిపోతుంది. ఇది మిగిలిన ఇన్వెస్టర్ల పెట్టుబడుల విలువను గణనీ యంగా ప్రభావితం చేస్తుంది. అయితే, తాజా స్ట్రెస్‌ టెస్ట్‌ ఫలితాలను గమనిస్తే ఈ రిస్క్‌ దాదాపు లేనట్టేనని తెలుస్తోంది. ఒక పథకం పెట్టుబడుల విలు వలలో టాప్‌–10 ఇన్వెస్టర్లకు సంబంధించి పెట్టుబడుల విలువ 0.61–2.1 శాతం మించి లేదు. స్మాల్‌క్యాప్, మిడ్‌క్యాప్‌ పథకాలు అయినప్పటికీ లార్జ్‌క్యాప్‌ కంపెనీలకు సైతం చెప్పుకోతగ్గ మేర కేటాయింపులు చేసిన పథకాల్లో లిక్విడిటీ రిస్క్‌ చాలా తక్కువ. ఎందుకంటే లార్జ్‌క్యాప్‌లో లిక్విడిటీ సమస్య ఉండదు. కావాలంటే ఒకే రోజు మొత్తం పెట్టుబడులను విక్రయించుకోగలవు. ఇక స్మాల్‌క్యాప్‌ ఫండ్స్‌తో పోలిస్తే మిడ్‌క్యాప్‌ ఫండ్స్‌ లిక్విడిటీ మెరుగ్గా ఉంది. స్మాల్‌క్యాప్‌ పథకాలతో పోలిస్తే సగం వ్యవధిలోనే మిడ్‌క్యాప్‌ ఫండ్స్‌ తమ పెట్టుబడులను విక్రయించుకోగలవని స్ట్రెస్‌ టెస్ట్‌ డేటా తెలియజేస్తోంది. కాకపోతే మిడ్‌క్యాప్‌ పథకాల్లో  టాప్‌–10 ఇన్వెస్టర్లకు సంబంధించిన పెట్టుబడులు 1.3–4.9 శాతం మధ్య ఉన్నాయి. అంటే కొంచెం కాన్సన్‌ట్రేషన్‌ రిస్క్‌ ఉన్నట్టు.   అవసరమైతే డేటా విశ్లేషణకు నిపుణుల సలహాలు తీసుకోవచ్చు. సంక్షోభాల్లో ఎలా..? తీవ్ర ప్రపంచ ప్రతికూల పరిణామాల్లో మార్కెట్లు కుప్పకూలితే, ఫండ్స్‌ పథకాలు లిక్విడిటీ రిస్‌్కను గట్టెక్కుతాయా? అంటే అవుననే చెప్పుకోవాలి. కానీ, వాస్తవ పరిస్థితుల్లో ఫలితాలు ఇలానే ఉండాలని లేదు. అప్పుడు ఇన్వెస్టర్లు ఎలా ప్రతిస్పందిస్తారు..? ప్రతికూల పరిణామాలు స్వల్ప కాలమా? లేక దీర్ఘకాలమా? తదితర అంశాలు అప్పటి వాస్తవ లిక్విడిటీ రిస్‌్కను ప్రభావితం చేస్తాయి. ఎలాంటి ప్రతికూల పరిణామాలు అయినా సరే తమ పెట్టుబడులను వెనక్కి ఇవ్వాలని ఇన్వెస్టర్లు కోరితే.. ఫండ్స్‌ సంస్థలు తప్పకుండా అనుసరించాల్సిందే. నష్టానికి అయినా అవి అమ్మి చెల్లింపులు చేస్తాయి.   మార్గం ఏంటి? స్మాల్‌క్యాప్, మిడ్‌క్యాప్‌ ఫండ్స్‌ లిక్విడిటీ తక్కువగా ఉండే స్టాక్స్‌లో ఇన్వెస్ట్‌ చేస్తుంటాయి. అంతేకానీ, పెట్టుబడుల ఉపసంహరణకు ఇది సంకేతం కాదు. రిస్‌్కలను అర్థం చేసుకోలేని వారు, ఎన్‌ఏవీలు గణనీయంగా పడిపోయినప్పుడు ఓపిక పట్టలేని వారు ఈ తరహా పెట్టబడులను తగ్గించుకోవాలి. దీర్ఘకాల లక్ష్యాల కోసం ఉద్దేశించిన పెట్టుబడులను స్వల్పకాలిక ఆటుపోట్లను చూసి విక్రయించుకోవడం సరైన నిర్ణయం అనిపించుకోదు. అంత రిస్క్‌ వద్దనుకుంటే లార్జ్‌క్యాప్‌నకు ఎక్కువ కేటాయింపులు చేసుకోవాలి. ఒకేసారి ఒక పథకం నుంచి 25–50 శాతం పెట్టుబడులు బయటకు వెళ్లిపోవడం సాధారణంగా జరగదు. కనుక స్మాల్‌క్యాప్, మిడ్‌క్యాప్‌ పెట్టుబడులకు దూరంగా ఉండాల్సిన అవసరం ఏమీ లేదు.   ఇవీ ఉదాహరణలు ► రూ.46,000 కోట్ల పెట్టుబడులను నిర్వహించే నిప్పన్‌ ఇండియా స్మాల్‌క్యాప్‌ ఫండ్‌.. తన పెట్టుబడుల్లో 50 శాతాన్ని నగదుగా మార్చుకునేందుకు 27 రోజులు, 25 శాతం పెట్టుబడుల విక్రయానికి 13 రోజులు పడుతుందని స్ట్రెస్‌ టెస్ట్‌ ఫలితాలను విడుదల చేసింది.   ► రూ.17,193 కోట్ల పెట్టుబడులను నిర్వహించే క్వాంట్‌ స్మాల్‌క్యాప్‌ ఫండ్‌ తన పెట్టుబడుల్లో 50 శాతం విక్రయించేందుకు 22 రోజులు, 25 శాతాన్ని విక్రయించేందుకు 11 రోజులు తీసుకుంటుందని తెలిపింది.   ► రూ.25,500 కోట్లు నిర్వహించే ఎస్‌బీఐ స్మాల్‌క్యాప్‌ ఫండ్‌ 50 శాతం పెట్టుబడుల విక్రయానికి 60 రోజులు పడుతుందని వెల్లడించింది. ► క్వాంట్‌ మిడ్‌క్యాప్‌ ఫండ్‌ 100% పెట్టుబడుల విక్రయానికి 10 రోజులు, 25% పెట్టుబడుల అమ్మకానికి 5 రోజులు చాలని ప్రకటించింది. ► అదే యాక్సిస్‌ మిడ్‌క్యాప్‌ ఫండ్‌ 50 % పెట్టుబడులను 12 రోజుల్లో, 25% పెట్టుబడులను 6 రోజుల్లో నగదుగా మార్చుకోగలనని పేర్కొంది. 

న్యూఢిల్లీ: స్మాల్‌క్యాప్, మిడ్‌క్యాప్‌ స్టాక్స్‌ విలువలు గణనీయంగా పెరిగిన సమయంలో మదుపరుల ప్రయోజనాల పరిరక్షణ కోసం సెబీ కీలక సూచనలు చేసింది. స్మాల్‌క్యాప్, మిడ్‌క్యాప్‌ పథకాల్లో ఇన్వెస్ట్‌ చేసిన వారి రక్షణ దృష్ట్యా తగిన కార్యాచరణను/విధానాలను అమల్లో పెట్టాలని మ్యూచువల్‌ ఫండ్స్‌ నిర్వహణ సంస్థలను (ఏఎంసీలు) ఆదేశించింది. ఈ విభాగాల్లోకి వచ్చే తాజా పెట్టుబడులపై ఆంక్షలు, పోర్ట్‌ఫోలియో రీబ్యాలన్స్‌ తదితర చర్యలను పరిశీలించాలని మ్యూచువల్‌ ఫండ్స్‌ సంస్థల అసోసియేషన్‌ (యాంఫి) తన సభ్యులను కోరింది. సెబీ తరఫున యాంఫి ఈ సూచనలు చేసింది. నిజానికి గడిచిన ఏడాది కాలానికి పైగా స్మాల్, మిడ్‌క్యాప్‌ విభాగంలో పెద్దగా దిద్దుబాటు రాలేదు. 2023లో మిడ్‌క్యాప్‌ ఫండ్స్‌లోకి రూ.22,913 కోట్లు రాగా, స్మాల్‌క్యాప్‌ పథకాల్లోకి రూ.41,305 కోట్ల పెట్టుబడులు వచ్చాయి. ఇంత భారీగా పెట్టుబడులు వస్తుండడం, స్టాక్స్‌ విలువలను మరింత పైకి తీసుకెళుతోంది. ఈ తరుణంలో సెబీ ఫండ్స్‌ సంస్థలను అప్రమత్తం చేయడం గమనార్హం. 21 రోజుల్లోగా నూతన విధానాన్ని మ్యూచువల్‌ ఫండ్స్‌ సంస్థలు తమ వెబ్‌సైట్‌లో ప్రదర్శించాల్సి ఉంటుంది.   ముందు జాగ్రత్త.. ప్రతి నెలా మిడ్‌క్యాప్, స్మాల్‌క్యాప్‌ పథకాల్లోకి రూ.వేలాది కోట్లు వస్తుంటే, వాటిని ఫండ్‌ మేనేజర్లు స్టాక్స్‌లో ఇన్వెస్ట్‌ చేయాల్సి వస్తుంది. దీనివల్ల స్టాక్స్‌ విలువలు మరింత పెరిగిపోతాయి. ఈ ర్యాలీని చూసి ఇన్వెస్టర్లు మరిన్ని పెట్టుబడులు పెట్టేందుకు ముందుకు వస్తారు. కానీ, దిద్దుబాటు మొదలైందంటే, దీనికి విరుద్ధంగా అమ్మకాల ఒత్తిడికి స్టాక్స్‌ విలువలు దారుణంగా పడిపోయే రిస్క్‌ ఉంటుంది. దీన్ని నివారించేందుకు, పెట్టుబడుల రాకను క్రమబద్దీకరించేందుకు సెబీ ఈ మార్గదర్శకాలను జారీ చేసినట్టు నిపుణులు చెబుతున్నారు. ఇప్పటికే కోటక్‌ మ్యూచువల్‌ ఫండ్, నిప్పన్‌ ఇండియా, ఎస్‌బీఐ, టాటా మ్యూచువల్‌ ఫండ్‌ సంస్థలు స్మాల్‌క్యాప్‌ పథకాలకు సంబంధించి లంప్‌సమ్‌ (ఏక మొత్తం/ఒకే విడత) పెట్టుబడులను అనుమతించడం లేదు. సిప్‌ పెట్టుబడిపైనా కొన్ని సంస్థలు పరిమితులు అమలు చేస్తున్నాయి.

మ్యాక్స్‌ లైఫ్‌ ఇన్సూరెన్స్‌ కంపెనీ యులిప్‌ పాలసీదారుల కోసం ‘మిడ్‌క్యాప్‌ మూమెంటమ్‌ ఇండెక్స్‌ ఫండ్‌’ను ప్రారంభించింది. నిఫ్టీ మిడ్‌క్యాప్‌ 150 మూమెంటమ్‌ 50 ఇండెక్స్‌ను అనుసరించి ఇది పెట్టుబడులు పెడుతుంటుంది. అంటే ఇండెక్స్‌లోని స్టాక్స్‌లోనే వెయిటేజీ ఆధారంగా పెట్టుబడులు పెడుతుంది. కనుక దీన్ని ఇండెక్స్‌ ఫండ్‌గా పరిగణించొచ్చు. ఈ ఇండెక్స్‌ రాబడులు ఐదేళ్లలో ఏటా 28.7 శాతం, పదేళ్లలో ఏటా 26.7 శాతంగా ఉన్నట్టు మ్యాక్స్‌లైఫ్‌ ప్రకటించింది. ఈ నెల 29వ తేదీ వరకు ఈ నూతన ఫండ్‌లో పాల్గొనవచ్చని పేర్కొంది. ఇండెక్స్‌లోని స్టాక్స్‌లోనే పెట్టుబడులు పెడుతుంది కనుక రాబడులు కూడా దానినే ప్రతిఫలించే మాదిరిగా ఉంటాయని ఆశించొచ్చు. ఒక యూనిట్‌ ఎన్‌ఏవీ రూ.10. మిడ్‌క్యాప్‌ విభాగంలో వ్యూహాత్మక పెట్టుబడుల అవకాశాలను సొంతం చేసుకోవచ్చని మ్యాక్స్‌లైఫ్‌ పేర్కొంది.   

ఆటుపోట్లు ఉన్నా కానీ, దీర్ఘకాలంలో మంచి రాబడులు కావాలని కోరుకునే వారికి మిడ్‌క్యాప్‌ ఫండ్స్‌ అనుకూలంగా ఉంటాయి. మిడ్‌ క్యాప్‌ ఫండ్స్‌ విభాగంలో ఇన్వెస్కో ఇండియా మిడ్‌క్యాప్‌ ఫండ్‌ పథకం అన్ని కాలాల్లోనూ నమ్మకమైన పనితీరుతో ఇన్వెస్టర్లను ఆకర్షిస్తోంది. అవ్వడానికి మిడ్‌క్యాప్‌ పథకమే అయినప్పటికీ.. గతేడాది మార్కెట్‌ భారీ కరెక్షన్‌లో ఈ పథకంలో నష్టాలు సూచీలతో పోలిస్తే తక్కువగా ఉండడాన్ని గమనించొచ్చు. మిడ్‌క్యాప్‌ ఫండ్స్‌ సగటున 10 శాతం నష్టాలను ఇవ్వగా, ఇన్వెస్కో ఇండియా కేవలం 3.8 శాతానికే నష్టాలను పరిమితం చేసింది. పేరుకు తగినట్టు ఈ పథకం మిడ్‌క్యాప్‌ కంపెనీల్లో ఎక్కువ మొత్తం పెట్టుబడులు పెడుతుంది. మార్కెట్‌ క్యాప్‌ పరంగా 101 నుంచి 250వ స్థానం వరకు ఉన్న కంపెనీలు మిడ్‌క్యాప్‌ విభాగం కిందకు వస్తాయి. మార్కెట్‌ విలువ పరంగా టాప్‌ 100 కంపెనీలు లార్జ్‌క్యాప్‌ కిందకు వస్తాయి.   రాబడులు  ఈ పథకం రాబడులకు బెంచ్‌ మార్క్‌ సూచీ ‘బీఎస్‌ఈ మిడ్‌క్యాప్‌ 150టీఆర్‌ఐ’. ఇందులో టీఆర్‌ఐ అన్నది టోటల్‌ రిటర్న్‌ ఇండెక్స్‌ను సూచిస్తుంది. ట్రెయిలింగ్‌ ప్రాతిపదికన చూస్తే రాబడులు అన్ని కాలాల్లోనూ స్థిరంగా కనిపిస్తాయి. గడిచిన ఏడాది కాలంలో 42 శాతం వరకు రాబడిని అందించింది. మూడేళ్ల కాలంలో వార్షిక రాబడులు 22 శాతానికిపైనే ఉన్నాయి. ఐదేళ్లలో 20 శాతం, ఏడేళ్లలో 15.47 శాతం, పదేళ్ల కాలంలో 21.66 శాతం చొప్పున వార్షిక రాబడిని పెట్టుబడిదారులకు అందించింది. 2007 ఏప్రిల్‌లో ఈ పథకం మొదలు కాగా, నాటి నుంచి చూసుకుంటే వార్షిక రాబడి రేటు 16 శాతంగా ఉండడం గమనార్హం.  పెట్టుబడుల విధానం  దీర్ఘకాలంలో చక్కని వృద్ధికి అవకాశాలున్న మిడ్‌క్యాప్‌ కంపెనీలను ఈ పథకం పరిశోధక బృందం జల్లెడ పట్టి అన్వేషిస్తుంది. రంగాల వారీగా పెట్టుబడుల్లో ఎప్పటికప్పుడు మార్పులు చేయడాన్ని కూడా గమనించొచ్చు. 2013, 2014 సంవత్సరాల్లో మంచి పనితీరు చూపించగా, మధ్యలో కాస్త వెనుకబడింది. కానీ మళ్లీ పుంజుకుని తర్వాతి కాలాల్లో మెరుగైన ప్రదర్శన చేస్తోంది. కనుక ఇన్వెస్టర్లు కనీసం ఐదేళ్లు, అంతకుమించిన దీర్ఘకాల లక్ష్యాల కోసం ఈ పథకాన్ని పరిశీలించొచ్చు. అది కూడా ఏకమొత్తంలో (లంప్‌సమ్‌) కంటే సిస్టమ్యాటిక్‌ ఇన్వెస్ట్‌మెంట్‌ ప్లాన్‌ (సిప్‌) రూపంలో ప్రతీ నెలా నిర్ణీత మొత్తాన్ని ఇన్వెస్ట్‌ చేసుకోవడం మంచిది. దీనివల్ల రాబడులు సగటున మెరుగ్గా ఉంటాయి.  పోర్ట్‌ఫోలియో  ఈ పథకం నిర్వహణలో ప్రస్తుతానికి రూ.2,059 కోట్ల పెట్టుబడులున్నాయి. ఇందులో 96.3 శాతాన్నే ఈక్విటీల్లో ఇన్వెస్ట్‌ చేసి ఉంది. మిగిలిన మేర నగదు రూపంలో కలిగి ఉంది. పోర్ట్‌ఫోలియోలో మొత్తం 43 స్టాక్స్‌ ఉన్నాయి. మిడ్‌క్యాప్‌లో 63 శాతం వరకు పెట్టుబడులు పెట్టగా.. 22 శాతం వరకు లార్జ్‌క్యాప్‌ స్టాక్స్‌కు, 14 శాతం మేర స్మాల్‌క్యాప్‌ కంపెనీలకు కేటాయించింది. పెట్టుబడుల పరంగా ఇంజనీరింగ్‌ కంపెనీలకు ఎక్కువ ప్రాధాన్యం ఇస్తూ 16 శాతం కేటాయించింది. బ్యాంకింగ్‌ అండ్‌ ఫైనాన్షియల్‌ కంపెనీలకు 14 శాతం, ఆటోమొబైల్‌ కంపెనీలకు 13 శాతం, హెల్త్‌కేర్‌ కంపెనీలకు 10 శాతం చొప్పున కేటాయింపులు చేసింది.  దీర్ఘకాలికంగా చూస్తే చక్కటి ప్రయోజనాలు ఇచ్చే విధంగా పోర్ట్‌ఫోలియో రూపకల్పన జరిగింది.     


 నేను కొన్ని మిడ్‌క్యాప్‌ మ్యూచువల్‌ ఫండ్స్‌లో ఇన్వెస్ట్‌ చేశాను. ఈ ఇన్వెస్ట్‌మెంట్స్‌ను ఆర్బిట్రేజ్‌ ఫండ్స్‌లోకి మార్చాలనుకుంటున్నాను. అది సరైన నిర్ణయమేనా ?
 –హరిప్రసాద్, వైజాగ్‌
 
 ఇది సరైన నిర్ణయం కాదు. ఆర్బిట్రేజ్‌ ఫండ్స్‌ లిక్విడ్‌ ఫండ్స్‌ లాంటివే. పన్ను అంశాల పరంగా ఈక్విటీ ఫండ్స్‌కు వర్తించే ప్రయోజనాలు ఈ ఆర్బిట్రేజ్‌ ఫండ్స్‌కు కూడా వర్తిస్తాయి. వీటికి ఉన్న ఏకైక ప్రయోజనం ఇదొక్కటే. ఈ ఫండ్స్‌ 6.5 శాతం వరకూ రాబడులను ఇవ్వగలవు. మిడ్‌క్యాప్‌ మ్యూచువల్‌ ఫండ్స్‌ నుంచి మీ ఇన్వెస్ట్‌మెంట్స్‌ను ఆర్బిట్రేజ్‌ ఫండ్స్‌లోకి మార్చారనుకుందాం. ఆ తర్వాత మార్కెట్‌ 10–15 శాతం పెరిగితే, ఆ లాభాలు మీరు మిస్‌ అవుతారు. అందుకని పెట్టుబడుల కేటాయింపు అనేది కీలకమైన విషయం. మీరు భరించగలిగే రిస్క్‌ను బట్టి ఈక్విటీ ఫండ్స్‌లో ఎంత పెట్టుబడులు పెట్టాలి?డెట్‌ ఫండ్స్‌లో ఎంత పెట్టుబడి పెట్టాలి ?  అనేది ముందుగానే నిర్ణయించుకోవాలి. మార్కెట్లో ఒడిదుడుకులు సహజం. మార్కెట్‌ తగ్గినప్పుడు డెట్‌ ఫండ్స్‌లో ఎక్కువగానూ, మార్కెట్‌ పెరిగినప్పుడు డెట్‌ ఫండ్స్‌లో తక్కువగానూ ఇన్వెస్ట్‌ చేయాలనుకోవడం సరైన పెట్టుబడి వ్యూహం కాదు.  దీర్ఘకాలంపాటు సిస్టమాటిక్‌ ఇన్వెస్ట్‌మెంట్‌ ప్లాన్‌(సిప్‌) విధానంలో  పెట్టుబడులను కొనసాగిస్తే ఈ మార్కెట్‌ ఒడిదుడుకులను మీరు తట్టుకోగలిగి మంచి రాబడులు పొందగలుగుతారు.
 
 నేను గత కొంతకాలంగా ఒక బ్యాలెన్స్‌డ్‌ ఫండ్‌లో ఇన్వెస్ట్‌ చేస్తున్నాను. వీటి ద్వారా వచ్చే స్వల్పకాలిక, దీర్ఘకాలిక రాబడులపై ఎమైనా పన్నులు చెల్లించాల్సి ఉంటుందా ? పన్ను రేటు ఏ రేంజ్‌లో ఉంటుంది?
 –సౌభాగ్య, హైదరాబాద్‌
 
 బ్యాలెన్స్‌డ్‌ లేదా హైబ్రిడ్‌ ఫండ్స్‌ పోర్ట్‌ఫోలియో... డెట్, ఈక్విటీ కలగలసి ఉంటుంది. ఈక్విటీల్లో  ఎంత వరకూ ఇన్వెస్ట్‌ చేస్తారు అనే అంశాన్ని బట్టి ఈ బ్యాలెన్స్‌డ్‌ ఫండ్స్‌ను ఈక్విటీ–ఆధారిత, లేదా డెట్‌–ఆధారిత బ్యాలెన్స్‌డ్‌ ఫండ్స్‌గా పరిగణిస్తారు. మొత్తం ఇన్వెస్ట్‌మెంట్స్‌లో 65 శాతం వరకూ ఈక్విటీల్లో ఇన్వెస్ట్‌ చేస్తే, వాటిని ఈక్విటీ ఆధారిత  బ్యాలెన్స్‌డ్‌ ఫండ్స్‌గానూ, 65 శాతానికి కంటే తక్కువగా ఈక్విటీల్లో ఇన్వెస్ట్‌ చేస్తే డెట్‌ ఆధారిత బ్యాలెన్స్‌డ్‌ ఫండ్స్‌గానూ పరిగణిస్తారు. ఈక్విటీ ఆధారిత బ్యాలెన్స్‌డ్‌ ఫండ్స్‌లో ఇన్వెస్ట్‌మెంట్స్‌ను ఏడాది తర్వాత విక్రయిస్తే, వాటిపై వచ్చే రాబడులపై ఎలాంటి దీర్ఘకాలిక మూలధన లాభాల పన్ను ఉండదు. ఏడాదికి లోపే ఈ ఫండ్స్‌ను విక్రయిస్తే, వాటిపై వచ్చే లాభాలపై 15 శాతం స్వల్పకాలిక మూలధన లాభాల పన్ను చెల్లించాల్సి ఉంటుంది. ఇక డెట్‌ ఆధారిత బ్యాలెన్స్‌డ్‌ ఫండ్స్‌ విషయానికొస్తే, మూడేళ్ల తర్వాత ఈ యూనిట్లను  విక్రయిస్తే, వచ్చే రాబడులపై  20 శాతం (ఇండెక్సేషన్‌ ప్రయోజనాలతో) దీర్ఘకాలిక మూలధన లాభాల పన్ను చెల్లించాల్సి ఉంటుంది. మూడేళ్లలోపే ఈ ఫండ్స్‌ను విక్రయిస్తే, వాటిపై వచ్చే లాభాలను స్వల్పకాలిక మూలధన లాభాలుగా పరిగణిస్తారు. మీ ఆదాయపు పన్ను స్లాబ్‌ననుసరించి ఈ పన్ను చెల్లించాల్సి ఉంటుంది.
 
 రీట్స్, ఇన్విట్స్‌లో మ్యూచువల్‌ ఫండ్స్‌ ఇన్వెస్ట్‌ చేయడానికి అనుమతి లభించింది కదా. వీటిల్లో మ్యూచువల్‌ ఫండ్స్‌ ఇన్వెస్ట్‌మెంట్స్‌ వల్ల వాటి పనితీరు ఏమైనా ప్రభావితమవుతుందా?
 –భాస్కర్, విజయవాడ
 
 రియల్‌ ఎస్టేట్‌ ఇన్వెస్ట్‌మెంట్‌ ట్రస్ట్స్‌(రీట్స్‌), ఇన్విట్స్‌(ఇన్‌ఫ్రాస్ట్రక్చర్‌ ఇన్వెస్ట్‌మెంట్‌ ట్రస్ట్స్‌)లో ఇన్వెస్ట్‌ చేయడానికి మ్యూచువల్‌ ఫండ్స్‌ను అనుమతిస్తూ ఇటీవలే సెబీ నిర్ణయం తీసుకుంది. మ్యూచువల్‌ ఫండ్స్‌ తమ నిర్వహణ ఆస్తుల్లో 10 శాతం వరకూ రీట్స్, ఇన్విట్స్‌లో ఇన్వెస్ట్‌ చేయవచ్చు. వీటిల్లో ఇన్వెస్ట్‌ చేయడం వల్ల వచ్చే లాభ, నష్టాలను బేరీజు వేసుకొని  ఫండ్‌ మేనేజర్లు నిర్ణయాలు తీసుకుంటారు. ఇవి కొత్త ఇన్వెస్ట్‌మెంట్స్‌ ఆప్షన్స్‌. కాబట్టి వీటిల్లో ఇన్వెస్ట్‌మెంట్స్‌ వల్ల మ్యూచువల్‌ ఫండ్స్‌ పనితీరు ఏ మేరకు ప్రభావితమవుతుందనేది  ఇప్పుడే చెప్పలేం. మొత్తానికి ఎంతో కొంత ప్రభావమైతే తప్పకుండా ఉంటుంది. ఈ ఇన్వెస్ట్‌మెంట్స్‌ వల్ల మంచి రాబడులు రావచ్చు. లేదా నష్టాలు తప్పకపోవచ్చు. ఇప్పుడే ఒక అంచనా వేయడం కష్టమైన విషయమే.
 
 గత ఏడాది బీఎస్‌ఈ సెన్సెక్స్‌ 30 వేల పాయింట్ల దరిదాపుల్లో ఉంది. ఇప్పుడు 30 వేల పాయింట్లకు కొద్దిగా ఎగువున ఉంది. దీన్ని బట్టి సెన్సెక్స్‌ అండర్‌ వ్యాల్యూ అని చెప్పవచ్చా ? పెట్టుబడులను కొనసాగించాలా? ఆపేయాలా ?
 –సురేందర్, వరంగల్‌
 సెన్సెక్స్‌ను ఇలా విలువ కట్టడం సరైనది కాదు. సెన్సెక్స్‌లో ఉన్న షేర్లు గత ఏడాది కాలంలో ఎన్నో మార్పులు, చేర్పులకు లోనయ్యాయి. కొన్ని చెప్పుకోదగ్గ స్థాయి రాబడులను ఇచ్చాయి. ఉదాహరణకు ఎస్‌బీఐ, ఏడాది కాలంలో ఈ షేర్‌ మంచి రాబడులను ఇచ్చింది. అలాగే రిలయన్స్‌ ఇండస్ట్రీస్‌ కూడా. గత పదేళ్లుగా స్తబ్దుగా ఉన్న ఈ షేర్‌ ఇటీవలే 35–40 శాతం వరకూ లాభపడింది. మరోవైపు కొన్ని నష్టాలను మిగిల్చిన షేర్లు ఉన్నాయి. మిశ్రమ ఫలితాలు ఇచ్చిన షేర్లూ ఉన్నాయి. ఇలా సెన్సెక్స్‌లో మంచి, సగటు, అధ్వాన రాబడులు ఇచ్చిన షేర్లు ఉన్నాయి. ఒక ఇన్వెస్టర్‌గా మీరు నిర్దేశించుకున్న ఆర్థిక లక్ష్యాలకనుగుణంగా మీ ఇన్వెస్ట్‌మెంట్స్‌ను కొనసాగించండి. మార్కెట్‌ పరిస్థితులు, ఒడిదుడుకులను పట్టించుకోకండి. వీటితో  నిమిత్తం లేకుండా పెట్టుబడులను కొనసాగిస్తే, దీర్ఘకాలంలో మంచి రాబడులు పొందే అవకాశాలు అధికంగా ఉన్నాయి.