న్యూఢిల్లీ: అధిక పెన్షన్‌ కోరుకుంటూ దరఖాస్తు చేసుకున్న ఉద్యోగుల తరఫున, వేతన వివరాలను అప్‌లోడ్‌ చేసేందుకు గడువును డిసెంబర్‌ 31 వరకు పొడిగించినట్టు ఈపీఎఫ్‌వో ప్రకటించింది. ఈ గడువు సెపె్టంబర్‌ 30తో ముగియనుండగా, సంస్థల యాజమాన్యాలు, యాజమాన్య సంఘాలు చేసిన వినతి మేరకు ఈపీఎఫ్‌వో ఈ నిర్ణయం తీసుకుంది. దేశవ్యాప్తంగా సెపె్టంబర్‌ 29 నాటికి 5.52 లక్షల పెన్షన్‌ దరఖాస్తులు యాజమాన్యాల వద్ద పెండింగ్‌లో ఉన్నట్టు ఈపీఎఫ్‌వో తెలిపింది.  అధిక పెన్షన్‌ కోసం ఈపీఎఫ్‌వో దరఖాస్తులు ఆహా్వనించగా.. జూలై 11 నాటికి మొత్తం 17.49 లక్షల దరఖాస్తులు వ్యాలిడేషన్‌ ఆఫ్‌ ఆప్షన్‌/జాయింట్‌ ఆప్షన్‌ కోసం వచి్చనట్టు ఈపీఎఫ్‌వో ప్రకటించింది. ఈ దరఖాస్తుదారులకు సంబంధించి వేతన వివరాలను సంస్థలు అప్‌లోడ్‌ చేసి, తమవైపు ఆమోదం తెలియజేస్తే అప్పుడు వాటిని ఈపీఎఫ్‌వో ప్రాసెస్‌ చేయడానికి వీలుంటుంది.

సాక్షి, ముంబై: ఎంప్లాయిస్‌ ప్రావిడెంట్‌ ఫండ్‌ ఆర్గనైజేషన్‌ (ఈపీఎఫ్‌ఓ) అధిక పెన్షన్‌ కోసం  దరఖాస్తు చేసుకునేవారికి శుభవార్త.  దీనికి సంబంధించిన గుడువుపై ఆందోళన అవసరం లేదు.  2023 మార్చి 3 తో  గడువు  ముగిసి పోతుందున్న ఆందోళన నేపథ్యంలో ఈపీఎఫ్‌వో గడువును పొడిగించింది.  అధికారిక పోర్టల్‌ సమాచారం  ప్రకారం ఈ గడువు  మే 3 వ తేదీవరకు  ఉంది. ఈ  పరిధిలోని చందాదారులు, పెన్షన్‌దారుల్లో ఇప్పుడు అధిక పెన్షన్‌ కోసం  మే 3 తేదీ వరకు  అప్లయ్‌ చేసుకోవవచ్చు.   (ఇదీ చదవండి:  ఈపీఎఫ్‌ఓ సర్క్యులర్‌ జారీ.. ‘అధిక పెన్షన్‌’కు ఏం చేయాలి?) సుప్రీంకోర్టు నవంబర్ 4, 2022న తన ఆదేశాలలో ఈపీఎఫ్‌ఓ అర్హతగల సభ్యులందరికీ అధిక పెన్షన్‌ను ఎంచుకోవడానికి నాలుగు నెలల సమయం ఇవ్వాలని ఆదేశించింది. ఈ నేపథ్యంలో నాలుగు నెలల వ్యవధి మార్చి 3, 2023తో ముగిసిపోనుందనే ఆందోళన సభ్యులలో నెలకొంది.  అయితే  తాజాగా 60 రోజుల పొడిగింపుతో అర్హత ఉన్న సభ్యులందరూ, యజమానులతో కలిసి మే 3, 2023 వరకు రిటైర్‌మెంట్ ఫండ్ బాడీ  ఏకీకృత సభ్యుల పోర్టల్‌లో అధిక పెన్షన్ కోసం సంయుక్తంగా దరఖాస్తు చేసుకోవచ్చు. గత నవంబర్‌లో సుప్రీంకోర్టు ఇచ్చిన తీర్పునకు లోబడి  దీనికి సంబంధించిన అర్హతలపై ఈపీఎఫ్‌ఓ తన జోనల్‌ కార్యాలయాల్లోని అదనపు చీఫ్‌ ప్రావిడెంట్‌ కమిషనర్లు, ఈపీఎఫ్‌ఓ ప్రాంతీయ కార్యాలయాల్లోని రీజినల్‌ ప్రావిడెంట్‌ ఫండ్‌ కమిషనర్లకు ప్రత్యేక సూచనలు చేసిన సంగతి తెలిసిందే.

న్యూఢిల్లీ: అధిక పెన్షన్‌ అర్హతకు సంబంధించి అలాగే  ఇందుకు దరఖాస్తు చేసుకునే ప్రక్రియపై ఎంప్లాయీస్‌ ప్రావిడెంట్‌ ఫండ్‌ ఆర్గనైజేషన్‌ (ఈపీఎఫ్‌ఓ) ఒక నోటిఫికేషన్‌ జారీ చేసింది. అత్యున్నత న్యాయస్థానం సుప్రీంకోర్టు 2022 నవంబర్‌ 4వ తేదీ జారీ చేసిన సూచనలకు అనుగుణంగా ఈ సరŠుయ్యలర్‌ జారీ అయ్యింది. వాస్తవ వేతనాలపై  రూ.5,000 లేదా నెలకు రూ. 6,500 కంటే ఎక్కువ విరాళం అందించిన లేదా అధిక పెన్షన్‌ కోసం ఆప్షన్‌ను వినియోగించుకున్న  లేదా 2014లో ఈపీఎస్‌–95కి సవరణకు ముందు  అధిక పెన్షన్‌ కోసం చేసిన అభ్యర్థనను ఈపీఎఫ్‌ఓ పంí­³,  తిరస్కరణకు గురయిన వారు ఇందు­కు అర్హులని నోటిఫికేషన్‌ వివరించింది. కమీషనర్‌ సూచించిన దరఖాస్తు ఫారమ్‌లో అలాగే జాయింట్‌ డిక్లరేషన్‌సహా అన్ని ఇతర అవసరమైన పత్రాలలో అర్హత కలిగిన చందాదారులు తమ సంస్థతో సంయుక్తంగా ఈ ప్రయోజనం కోసం దరఖాస్తు చేసుకోవాల్సి ఉంటుంది.

సంస్థాన్‌ నారాయణపురం: వితంతు పింఛన్‌కు దరఖాస్తున్న చేసుకున్న మహిళ బతికుండగానే అధికారులు కాగితాల్లో చంపేశారు. ఈ ఘటన యాదాద్రి భువనగిరి జిల్లా సంస్థాన్‌ నారాయణపురం మండలంలో ఆలస్యంగా సోమవారం వెలుగులోకి వచ్చింది. సంస్థాన్‌ నారాయణపురం మండలం జనగాం పరిధి ఆరెగూడెం గ్రామానికి చెందిన బచ్చన బోయిన బాలమ్మ భర్త రామచంద్రం అనారోగ్య కారణాలతో 2021 జనవరి 28న మృతిచెందాడు. దీంతో బాలమ్మ అదే ఏడాది సెప్టెంబర్‌ 14న పలు ధ్రువీకరణ పత్రాల జిరాక్స్‌ ప్రతులతో వితంతు పింఛన్‌ కోసం గ్రామ కార్యదర్శికి దరఖాస్తు చేసుకుంది. కాగా, స్వాతంత్య్ర వజ్రోత్సవాల కానుకగా రాష్ట్ర ప్రభుత్వం ఇటీవల నూతన పింఛన్లు మంజూరు చేస్తూ ఉత్తర్వులు జారీ చేసింది. ఈ నేపథ్యంలోనే బాలమ్మ తనకు పింఛన్‌ మంజూరైందా? అని అధికారులను ఆశ్రయించింది. దీంతో వారు ఆన్‌లైన్‌లో శోధించగా ఆ జాబితాలో మాత్రం బాలమ్మ చనిపోయినట్లు ఉందని చెప్పడంతో ఆమె అవాక్కయింది. తాను బతికే ఉన్నానని, పింఛన్‌ ఇప్పించాలని బాలమ్మ అధికారులను వేడుకుంది. కాగా, దీనిపై ఎంపీడీవో యాదగిరిని సంప్రదించగా మీ–సేవలో దరఖాస్తు చేసుకోవడంలో జరిగిన పొరపాటుగా గుర్తించామని తెలిపారు. బాధితురాలికి పింఛన్‌ వచ్చేలా చూస్తామని చెప్పారు. 

సాక్షి, హైదరాబాద్‌: వృద్ధాప్య పింఛన్ల దరఖాస్తుకు రాష్ట్ర ప్రభుత్వం మరో అవకాశమిచ్చింది. ఈ ఆసరా పింఛన్ల అర్హత వయసును 57 ఏళ్లకు తగ్గించిన నేపథ్యంలో లబ్ధిదారుల ఎంపిక ప్రక్రియను రాష్ట్ర ప్రభుత్వం ఇప్పటికే ఆరంభించింది. గత ఆగస్టు 31 నాటికే కొత్త దరఖాస్తుల స్వీకరణ గడువు ముగిసినా, అర్హులందరికీ అవకాశం కల్పించాలన్న ఉద్దేశంతో ఈ నెల 11 నుండి 30వ తేదీలోగా దరఖాస్తు చేసుకునే వీలు కల్పించింది. అర్హులైన లబ్ధిదారుల ఎంపిక కోసం దరఖాస్తులను స్వీకరించాలని జిల్లా కలెక్టర్లకు, జీహెచ్‌ఎంసీ కమీషనర్‌కు ప్రభుత్వం ఆదేశాలు జారీచేసింది. అర్హులైనవారు ఈ నెల 11 నుంచి ఈసేవ, మీసేవ ద్వారా నిర్ణీత నమూనా ప్రకారం దరఖాస్తు చేసుకోవాలని పంచాయతీరాజ్‌ శాఖ మంత్రి ఎర్రబెల్లి దయాకర్‌రావు సూచించారు. ఈనెల 30 వరకు అందిన దరఖాస్తులను రాష్ట్ర ప్రభుత్వానికి పంపాలని, సాధ్యమైనంత వేగంగా ఈ ప్రక్రియను పూర్తిచేయాలని అధికారులను మంత్రి ఆదేశించారు. పుట్టినతేదీ ధ్రువీకరణ, ఓటర్‌ కార్డు తదితర పత్రాలను దరఖాస్తుతోపాటు జత చేయాలన్నారు. కాగా, ఈ దరఖాస్తులకు ఈ సేవ, మీ సేవల్లో సేవల రుసుములు తీసుకోవద్దని, సంబంధిత రుసుములను రాష్ట్ర ప్రభుత్వమే చెల్లిస్తుందని ఆదేశాలు జారీ చేసినట్లు తెలిపారు.    

విడవలూరు: పింఛన్‌ కోసం దరఖాస్తు చేసుకున్న వారి పేర్లు ఆన్‌లైన్‌లో మాయమయ్యాయి. దీనికి అధికార పార్టీ నాయకుడే కారమణని చెబుతున్నారు. వివరాలిలా ఉన్నాయి. ముదివర్తి గ్రామానికి చెందిన వృద్ధులు, వితంతువులు, దివ్యాంగులు 300 మంది ప్రభుత్వం మంజూరుచేసే పింఛన్‌ కోసం గత సంవత్సరం విడవలూరు ఎంపీడీఓ కార్యాలయంలో దరఖాస్తు చేసుకున్నారు. వాటిని అధికారులు ఆన్‌లైన్‌లో నమోదు చేశారు. పింఛన్లు ఇంకా మంజూరుకాలేదని నాలుగురోజుల క్రితం దరఖాస్తుదారులు ఎంపీడీఓకు అర్జీ ఇచ్చేందుకు వెళ్లారు. ఈ సమయంలో అధికారుల ద్వారా ఆన్‌లైన్‌ జాబితాను తీసుకుని చూడగా అందులో 45 మంది పేర్లు గల్లంతయ్యాయి. అధికారుల ‘పచ్చ’పాతం ముదివర్తికి చెందిన అధికార పార్టీ నాయకుడు ఎంపీడీఓ కార్యాలయంలోని సిబ్బంది ద్వారా ఆన్‌లైన్‌లో పేర్లు తీయించి వేసినట్లుగా ఆరోపణలున్నాయి. 45 మంది వైఎస్సార్‌సీపీకి చెందిన వారుగా చెబుతున్నారు. తామంతా అర్హులమని, కావా లనే జాబితా నుంచి పేర్లు తొలగించారని దరఖాస్తుదారులు ఆవేదన వ్యక్తం చేశారు. ఉన్నతాధికారులు స్పందించి తమకు న్యాయం చేయాలని కోరారు. ఎలా మాయమయ్యాయి నేను వృద్ధాప్య పింఛన్‌ కోసం దరఖాస్తు చేసుకున్నా. ఇటీవల వరకు నా పేరు ఆన్‌లైన్‌లో ఉం ది. జన్మభూమి కమిటీలను రద్దుచేశారని తెలి యడంతో పింఛన్‌ మంజూరు చేయాలని అధికారుల దృష్టికి తీసుకెళ్లి ఆన్‌లైన్‌ జాబితాను చూడగా అందులో పేరు లేదు. ఎలా మాయమైందో ఆ దేవుడికే ఎరుక.  –  కె.సుబ్బరామయ్య

భూత్పూర్‌(దేవరకద్ర): పెన్షన్లు మంజూరు చేయాలని ప్రతీ సోమవారం అధికారులకు దరఖాస్తు చేసుకున్నా పలువురికి మంజూరు కావడం లేదు.. ఇక వస్తున్న పింఛన్లు ఆగడంతో పలువురు ఆవేదన చెందుతున్నారు. ఈ మేరకు అమిస్తాపూర్‌ గ్రామానికి చెందిన ఈరమ్మ సోమవారం భూత్పూర్‌లో ప్రజావాణిలో దరఖాస్తు చేసుకున్నారు. తనకు అభయ హస్తం పింఛన్‌ ఆగిపోయి మూడు నెలలైందని.. చనిపోయినట్లు చెబుతూ పేరు తొలగించాలని ప్రజావాణిలో ఫిర్యాదు చేసింది. దీంతో ఎంపీడీఓ గోపాల్‌నాయక్‌.. మహిళా సమాఖ్య సీసీపై మండిపడ్డారు. ఈరమ్మ పింఛన్‌ తొలగించడానికి కారణాలను తెలియజేయాలని ఆదేశించారు.


 * తొలి దశలో 12 వేల మందికి..
 * మూడు రంగుల్లో కార్డులు  
 * నియోజకవర్గ కేంద్రాలకు ప్రాధాన్యం  
 * ప్రజాప్రతినిధుల భాగస్వామ్యంతో పంపిణీ  
 * మిగిలిపోయిన కుటుంబాల సమగ్ర సర్వే కొనసాగింపు
 సాక్షి, సిటీబ్యూరో: గ్రేటర్ హైదరాబాద్ పరిధిలో సామాజిక పింఛన్ల పంపిణీకి అధికారయంత్రాంగం రంగం సిద్ధం చేసింది. ఈ నెల 8 నుంచి 12 వేలమందికి పింఛన్లు ఇవ్వడానికి నిర్ణయించారు. పంపిణీలో నియోజకవర్గ కేంద్రాలకు ప్రాధాన్యం ఇవ్వనున్నారు. నగరానికి చెందిన ఉప ముఖ్యమంత్రి మహమూద్ అలీ, మంత్రి పద్మారావు, ఎమ్మెల్యేలతో సంప్రదింపులు జరిపిన అనంతరం అధికారులు పంపిణీ నిర్ణయం తీసుకున్నారు. కుటుంబ సమగ్ర సర్వే అనుసంధానంతో ఎంపికైన కొత్త లబ్ధిదారులకు అక్టోబర్ నుంచి పెంచిన వాటిని కలుపుకుని... వృద్ధులు, వితంతువులకు రూ.1000,  వికలాంగులకు రూ. 1500 చొప్పున పంపిణీ చేస్తారు.  
 
 జిల్లా పరిధిలోని 16 మండలాల్లో 500 చొప్పున 8 వేలు, రంగారెడ్డి జిల్లా పరిధిలోని గ్రేటర్‌లో 4 వేల మందికి పింఛన్లు పంపిణీ చే సే విధంగా సంబంధిత అధికారులకు ఆదేశాలు అందాయి.  మరోపక్క సామాజిక పింఛన్ల దరఖాస్తుల వెరిఫికే షన్ కార్యక్రమాన్ని ఈ నెల 15 వరకు కొనసాగిస్తూనే..పంపిణీ ప్రక్రియ దశలవారీగా కొనసాగేటట్టు అధికారులు తగిన ప్రణాళిక రూపొందించారు.
 
 మూడు రకాల కార్డులు..
 పింఛన్ లబ్ధిదారుల కోసం  మూడు రకాల  కార్డులను ముద్రించారు. వృద్ధుల కోసం ‘ఆసరా’ పేరుతో పింక్ కార్డులు, వితంతువుల కోసం బ్లూ కార్డులు, వికలాంగుల కోసం గ్రీన్ కార్డులను ప్రభుత్వ ఆదేశాల మేరకు అధికారులు ముద్రించారు. వీటిని పంపిణీ సమయంలో ఆయా లబ్ధిదారులకు అందచేస్తారు.
  
 వెరిఫికేషన్ 85 శాతం పూర్తి
 సామాజిక పింఛన్ల కోసం జిల్లాలో 1,35,429 దరఖాస్తులు రాగా, రంగారెడ్డి జిల్లాలోని గ్రేటర్ పరిధిలో1,10,292 దరఖాస్తులు వచ్చాయి. ఇప్పటి వరకు నగరంలో దరఖాస్తుల పరిశీలన 85 శాతం వరకు పూర్తయిందని, మిగతావి ఈ నెల 15 వరకు పూర్తిచేస్తామని అధికారులు తెలిపారు.
  
 మిగిలిన కుటుంబాల సర్వే షురూ..
 నగరంలో గతంలో సర్వే చేయని కుటుంబాల కోసం మరోసారి సమగ్ర కుటుంబ సర్వే చేపడుతున్నారు. నగరంలో దాదాపు 1.60 లక్షల కుటుంబాలు గతంలో నిర్వహించిన సర్వే పరిధిలోనికి రాలేదని భావిస్తున్నారు. హైదరాబాద్ జిల్లా పరిధిలో 53 వేల కుటుంబాలు.. రంగారెడ్డి జిల్లా పరిధిలోని గ్రేటర్‌లో 1.07 లక్షల కుటుంబాల సర్వే పూర్తి కాలేదని అధికారులు అంచనా వేశారు. ఈమేరకు హైదరాబాద్ జిల్లా పరిధిలో  1400 మంది ఉపాధ్యాయులు  సమగ్ర కుటుంబ సర్వే కార్యక్రమాన్ని నిర్వహిస్తుండగా, ఈ కార్యక్రమాన్ని జిల్లా విద్యాశాఖాధికారి దగ్గరుండి పర్యవేక్షిస్తున్నారు. నాలుగైదు రోజుల్లో ఇది పూర్తికావచ్చని భావిస్తున్నారు.
  
 ‘నిబంధనల’ టెన్షన్
 నిబంధనలు, కొత్త మార్గదర్శకాల కారణంగా గ్రేటర్ పరిధిలో భారీస్థాయిలో పింఛన్ దరఖాస్తులు తిరస్కరణకు గురయ్యే అవకాశం ఉన్నట్లు తెలుస్తోంది. జిల్లా జనాభాలో 60 శాతానికి మించి పింఛన్లు మంజూరు చేయకూడదని పేర్కొంటూనే....కేటగిరీల వారిగా వద్ధాప్య పింఛన్లు 7 శాతం, వితంతు 5, వికలాంగులవి 3 శాతం మాతమే ఉండాలని ఇటీవలి కలెక్టర్ల వీడియో కాన్ఫరెన్స్‌లో ప్రభుత్వ ముఖ్యకార్యదర్శి రాజీవ్‌శర్మ సూచించటం పెన్షన్‌దారులను టెన్షన్‌కు గురిచేస్తోంది. కాగా గ్రేటర్ పరిధిలో 2.45 లక్షల దరఖాస్తులు వచ్చాయి. దరఖాస్తుల పరిశీలన నేపథ్యంలో 1.43 లక్షలకు మించి లబ్ధిదారుల ఎంపిక ఉండక పోవచ్చునని తెలుస్తుంది. ఈ లెక్కన 60 శాతం నుంచి 63 శాతానికి మించి లబ్ధిదారుల ఎంపిక ఉండటం లేదని తెలుస్తున్నది.