హీరోయిన్‌ కృతి కర్బందా జీవితంలో నూతన అధ్యాయాన్ని ప్రారంభించింది.‍ ప్రియుడు, హీరో పులకిత్‌ సామ్రాట్‌తో ఏడడుగులు వేసింది. శుక్రవారం (మార్చి​ 15న) నాడు హర్యానాలోని గురుగ్రామ్‌లో వీరి పెళ్లి అంగరంగ వైభవంగా జరిగింది. వధూవరులిద్దరూ ఒకరోజు ఆలస్యంగా తమ పెళ్లి ఫోటోలు సోషల్‌ మీడియాలో షేర్‌ చేశారు. నా గుండె కొట్టుకునేది నీ కోసమే.. ఇప్పటికీ, ఎప్పటికీ నువ్వు నాతోనే ఉండాలంటూ హీరోయిన్‌ క్యాప్షన్‌ రాసుకొచ్చింది. పెళ్లిలో కృతి.. పింక్‌ లెహంగాలో మెరిసిపోయింది. పులకిత్‌.. లేత ఆకుపచ్చ రంగు షేర్వాణీలో రాకుమారుడిగా ముస్తాబయ్యాడు. ఆ సినిమా షూటింగ్‌లోనే లవ్‌ ఈ ఫోటోల్లో వీరిద్దరూ ఒకరి చేయి మరొకరు పట్టుకుని నడిచి వస్తుంటే చుట్టూ ఉన్నవారు పూల వర్షం కురిపించారు. మరో ఫోటోలో హీరోయిన్‌ తన భర్తకు నుదుటిపై ఆప్యాయంగా ముద్దు పెట్టింది. తాళి కట్టిన క్షణాలను సైతం ఫోటోల ద్వారా అభిమానులతో పంచుకున్నారు. కృతి, పులకిత్ జంటగా 'వీరే కి వెడ్డింగ్', 'తైష్', 'పాగల్పంటి' చిత్రాలలో కనిపించారు. పాగల్పంటి (2019) షూటింగ్‌ సమయంలోనే ఇద్దరూ ప్రేమలో పడ్డారు. ఆ సినిమాలతో ఫేమస్‌ గతంలో పులకిత్‌.. శ్వేతా రోహిరా అనే ‍నటిని 2014లో పెళ్లి చేసుకున్నాడు. వివాహమైన 11 నెలలకే వీరు విడిపోయారు. కాగా కృతి కర్బందా.. బోణి, తీన్‌మార్‌, మిస్టర్‌ నూకయ్య, ఒంగోలు గిత్త, ఓం, బ్రూస్‌లీ: ద ఫైటర్‌ వంటి సినిమాలతో తెలుగువారికి దగ్గరైంది. తమిళ, కన్నడ భాషల్లోనూ సినిమాలు చేసినా బాలీవుడ్‌లోనే ఎక్కువ పాపులారిటీ తెచ్చుకుంది. View this post on Instagram A post shared by Kriti Kharbanda (@kriti.kharbanda) చదవండి: నాన్న చావబాదేవాడు.. తను ఊపిరి వదిలేముందు..: రేసుగుర్రం విలన్‌

మరికొద్ది గంటల్లో టాలీవుడ్ హీరోయిన్ పెళ్లి పీటలెక్కనుంది. తీన్‌మార్, ఒంగోలు గిత్త, బ్రూస్‌లీ సినిమాలతో మెప్పించిన కృతి కర్బందా తన ప్రియుడితో ఏడడుగులు వేయనుంది. ఇప్పటికే పెళ్లి తేదీని ప్రకటించిన భామ.. మంగళవారం మూడు ముళ్ల బంధంలోకి అడుగుపెట్టనుంది. రెండేళ్లుగా తన ప్రియుడు పుల్కిత్ సామ్రాట్‌తో డేటింగ్‌లో ఉన్న ముద్దుగుమ్మ వాలైంటైన్స్ డే సందర్భంగా పెళ్లి గురించి హింట్ ఇచ్చింది.  వీరి గ్రాండ్ వెడ్డింగ్ హర్యానాలోని మానేసర్‌లో జరగనుంది. ఐటీసీ గ్రాండ్ భారత్‌లో వీరి వివాహానికి వేదికగా నిలవనుంది. వీరి ఇరువురి కుటుంబాలు ఢిల్లీకి చెందినవారు కావడంతో అనువుగా ఉండేందుకు మానేసర్‌ను ఎంపిక చేసినట్లు తెలుస్తోంది. కృతి, పుల్కిత్ జంటగా 'వీరే కి వెడ్డింగ్', 'తైష్', 'పాగల్పంటి' చిత్రాలలో కనిపించారు. కాగా.. పుల్కిత్‌కి గతంలోనే శ్వేతా రోహిరా అనే ‍అమ్మాయితో వివాహమైంది. ఈ జంట 2015లోనే విడిపోయారు.  కాగా.. బోణి సినిమాతో టాలీవుడ్ ఎంట్రీ ఇచ్చిన కృతి కర్బందా. ఆ తర్వాత అలా మొదలైంది, తీన్‌మార్, ఒంగోలు గిత్త, బ్రూస్‌లీ సినిమాలతో మెప్పించింది. అంతే కాకుండా బాలీవుడ్‌ చిత్రాలతో తనకంటూ ప్రత్యేక గుర్తింపు తెచ్చుకుంది. ప్రస్తుతం సినిమాలకు దూరంగా ఉన్న ముద్దుగుమ్మ చివరిసారిగా 14 ఫేరే చిత్రంలో కనిపించింది. తాజాగా కృతి నటించిన రిస్కీ రోమియో చిత్రం మే నెలలో విడుదల కానుంది.   కాగా.. పుల్కిత్ ఇటీవలే ఫుక్రే-3 చిత్రంలో కనిపించారు. View this post on Instagram A post shared by Kriti Kharbanda (@kriti.kharbanda)

బోణి సినిమాతో టాలీవుడ్ ఎంట్రీ ఇచ్చిన భామ కృతి కర్బందా. ఆ తర్వాత అలా మొదలైంది, తీన్‌మార్ చిఒంగోలు గిత్త, బ్రూస్‌లీ సినిమాలతో మెప్పించింది. అంతే కాకుండా బాలీవుడ్‌ చిత్రాలతో తనకంటూ ప్రత్యేక గుర్తింపు తెచ్చుకుంది. ప్రస్తుతంత సినిమాలకు దూరంగా ఉన్న ముద్దుగుమ్మ చివరిసారిగా 14 ఫేరే చిత్రంలో కనిపించింది. అయితే గతనెల లవర్స్ డే రోజున బాయ్‌ఫ్రెండ్ పుల్కిత్ సామ్రాట్‌తో కలిసి ఉన్న ఫోటోను పంచుకుంది. తామిద్దరం కలిసి మార్చ్ చేయబోతున్నాం అంటూ తన పెళ్లి గురించి అభిమానులకు హింట్ ఇచ్చింది. దీంతో ఈ ఏడాది మార్చిలోనే ఈ జంట ఒక్కటి కాబోతుందని వార్తలు కూడా వచ్చాయి. ఈ నేపథ్యంలో వీరి పెళ్లికి సంబంధించిన వెడ్డింగ్ ఇన్విటేషన్‌ సోషల్ మీడియాలో వైరల్‌గా మారింది. వీరిద్దరు మార్చి 13న వివాహాబంధంలోకి అడుగుపెట్టనున్నట్లు తెలుస్తోంది. ప్రస్తుతం లీక్‌ అయిన పెళ్లి పత్రిక నెట్టింట సందడి చేస్తోంది. వెడ్డింగ్ కార్డ్ చూస్తే ప్రముఖ బీచ్‌ వేదికగా వీరి పెళ్లి జరగనున్నట్లు తెలుస్తోంది. అయితే వివాహా వేడుక ఎక్కడ అనేది ఇంకా తెలియరాలేదు.   కాగా.. ఇటీవల ప్రముఖ హీరోయిన్ రకుల్ ప్రీత్ సింగ్, తన ప్రియుడు జాకీ భగ్నానీని గోవాలో వివాహం చేసుకున్నారు. దీంతో రకుల్‌ బాటలోనే వీరు కూడా గోవాలోనే ప్లాన్‌ చేశారా? అని అభిమానులు భావిస్తున్నారు. తాజా సమాచారం ప్రకారం ఈ జంట మార్చి 13న వీరి ఒక్కటి కానున్నట్లు తెలుస్తోంది. కాగా..పుల్కిత్, కృతి వారి 2018 రొమాంటిక్ కామెడీ 'వీరే కి వెడ్డింగ్' సెట్స్‌లో కలుసుకున్నారు. అప్పటి నుంచే వీరిద్దరు డేటింగ్ ప్రారంభించారు. ఆ తర్వాత పగల్పంటి (2019), తైష్ (2020) సినిమాల్లో స్క్రీన్ కూడా పంచుకున్నారు. ఈ ఏడాది  జనవరిలో రహస్యంగా నిశ్చితార్థం కూడా చేసుకుంది. ఎంగేజ్‌మెంట్‌ వేడుకకు సంబంధించిన ఫోటోలు సోషల్ మీడియాలో హల్ చల్ చేశాయి. ప్రస్తుతం వైరల్ అవుతున్న వెడ్డింగ్ కార్డ్‌తో ఈ జంట మార్చిలోనే వివాహాబంధంలోకి అడుగుపెట్టడం ఖాయంగా కనిపిస్తోంది.   

ఈ బ్యూటీ తెలుగు సినిమాతోనే హీరోయిన్‌గా ఎంట్రీ ఇచ్చింది. బోణి అనే చిత్రం ద్వారా టాలీవుడ్ బోణి కొట్టిన ముద్దుగుమ్మ కృతి కర్బంద. ఆ తర్వాత అలా మొదలైంది, కెమెరామెన్ గంగతో రాంబాబు, తీన్‌మార్, ఒంగోలు గిత్త, బ్రూస్‌లీ, మిస్టర్ నూకయ్య,ఓం త్రీడీ లాంటి సినిమాలతో తెలుగు ప్రేక్షకులను మెప్పించింది. చివరసారిగా 2015లో వచ్చిన 'బ్రూస్ లీ' మూవీలో రామ్ చరణ్‌కి అక్కగా నటించింది.  మోడల్‌ కెరీర్ ప్రారంభించిన ఢిల్లీ భామ తెలుగుతో పాటు కన్నడలోనూ చాలా సినిమాలు చేసింది. అయితే ప్రస్తుతం బాలీవుడ్ సినిమాలతో బిజీగా మారిపోయింది బాలీవుడ్ భామ.  అయితే 2019 నుంచి ఓ బాలీవుడ్ నటుడితో ప్రేమలో ఉన్న కృతి ఇటీవలే  రహస్యంగా నిశ్చితార్థం కూడా చేసుకుంది. దీనికి సంబంధించిన ఫోటోలు సోషల్ మీడియాలో వైరల్ కావడంతో వీరి రిలేషన్‌ నిజమేనని తెలిపోయింది. కేవలం కొద్దిమంది సన్నిహితులు, కుటుంబ సభ్యుల మధ్యే కృతి కర్బందా-పులకిత్ సామ్రాట్ ఎంగేజ్‌మెంట్ జరిగింది. దీంతో వీరి పెళ్లి ఎప్పుడనే విషయంపై చర్చ మొదలైంది. తాజా సమాచారం ప్రకారం త్వరలోనే ఈ జంట పెళ్లి పీటలెక్కనున్నట్లు తెలుస్తోంది. వాలెంటైన్స్ డే సందర్భంగా కృతి చేసిన పోస్ట్‌తో పెళ్లిపై హింట్‌ కూడా ఇచ్చేసింది. వాలైంటైన్స్‌ డే సందర్భంగా తనకు కాబోయే భర్తతో ఉన్న ఫోటోను షేర్ చేసింది. అంతే కాకుండా మార్చి నెలలోనే ఒక్కటి కాబోతున్నామంటూ క్యాప్షన్ కూడా ఇచ్చింది. దీంతో జంట వచ్చే నెలలోనే పెళ్లిబంధంతో ఒక్కటి కానున్నట్లు తెలుస్తోంది. ఈ విషయాన్ని ప్రేమికుల రోజే క్లారిటీ ఇచ్చేసింది ముద్దుగుమ్మ. ఇంకా పెళ్లి తేదీ ఎప్పుడనే విషయంపై అధికారిక ప్రకటన రావాల్సి ఉంది.  కాగా.. పుల్కిత్ సామ్రాట్, కృతి కర్బందా 2019 నుంచి డేటింగ్‌ కొనసాగిస్తున్నారు. పాగల్‌పంటి అనే మూవీ సెట్‌లో వీరిద్దరి మధ్య ప్రేమ మొదలైంది. ఈ జంట పాగల్‌పంటి సినిమాతో పాటు వీరే కి వెడ్డింగ్, తైష్ వంటి చిత్రాలలో కలిసి నటించారు. పుల్కిత్ సామ్రాట్ చివరిసారిగా ఫక్రీ- 3లో కనిపించారు. కృతి కర్బంద నటించిన తాజా చిత్రం రిస్కీ రోమియో విడుదలకు సిద్ధమవుతోంది. View this post on Instagram A post shared by Pulkit Samrat (@pulkitsamrat) View this post on Instagram A post shared by Kriti Kharbanda (@kriti.kharbanda)

ఈ బ్యూటీ తెలుగు సినిమాతోనే హీరోయిన్‌గా ఎంట్రీ ఇచ్చింది. మెగా హీరోలతో కలిసి మూవీస్ చేసింది. మంచి పేరు సంపాదించింది. ఇకపోతే గత నాలుగేళ్లుగా ఓ నటుడితో డేటింగ్ చేస్తోంది. వీళ్ల పెళ్లి గురించి ఎప్పటికప్పుడు రూమర్స్ వచ్చాయి. కానీ ఇప్పుడు వాటిని నిజం చేశారు. కాకపోతే చాలా రహస్యంగా నిశ్చితార్థం చేసుకున్నారు. దీంతో ఫొటోలు వైరల్ అవుతున్నాయి. ఇంతకీ ఎవరా హీరోయిన్? ఈమెకు పెళ్లెప్పుడు? దిల్లీలో పుట్టి పెరిగిన కృతి కర్బందా.. 'బోణీ' అనే తెలుగు సినిమాతో హీరోయిన్‌గా కెరీర్ మొదలుపెట్టింది. ఆ తర్వాత టాలీవుడ్‌లోనే తీన్‌మార్, అలా మొదలైంది. మిస్టర్ నూకయ్య, ఒంగోలు గిత్త, ఓం త్రీడీ తదితర చిత్రాలు చేసింది. చివరగా 2015లో వచ్చిన 'బ్రూస్ లీ' మూవీలో రామ్ చరణ్‌కి అక్కగా నటించింది. గ్లామర్ పరంగా సూపర్ ఉన్నప్పటికీ ఈమెకు తెలుగులో ఎందుకో పెద్దగా అవకాశాలు రాలేదు. దీంతో హిందీపై పూర్తి ఫోకస్ చేసింది. (ఇదీ చదవండి: సీరియల్ హీరోయిన్‌ని పెళ్లి చేసుకున్న టాలీవుడ్ విలన్) అలా గత ఆరేళ్ల నుంచి పూర్తిగా హిందీలోనే సినిమాలు చేస్తూ కాస్తంత బిజీగా ఉంది. ఇదే టైంలో బాలీవుడ్ నటుడు పులకిత్ సామ్రాట్‌తో రిలేషన్‌లో ఉన్నట్లు నాలుగేళ్ల క్రితమే రూమర్స్ వచ్చాయి. అయితే డేటింగ్ నిజమే అని క్లారిటీ ఇచ్చేలా కలిసి చాలా చోట్ల కృతి-పులకిత్ జంటగా కనిపించారు. మరి వీళ్ల పెళ్లెప్పుడా అని అందరూ అనుకున్నారు. ఇప్పుడు ఆ పుకార్లకు ఎండ్ కార్డ్ వేస్తూ నిశ్చితార్థం చేసేసుకున్నారు. అయితే కొద్దిమంది సన్నిహితులు, కుటుంబ సభ్యుల మధ్యే కృతి కర్బందా-పులకిత్ సామ్రాట్ ఎంగేజ్‌మెంట్ జరిగింది. కొన్ని ఫొటోలు సోషల్ మీడియాలో వైరల్ కావడంతో నిశ్చితార్థం జరిగిన విషయం బయటపడింది. అలానే వీళ్ల పెళ్లి వచ్చే నెలలో ఉండొచ్చని అంటున్నారు. పెళ్లిపై ఓ క్లారిటీ రావాల్సి ఉంది. (ఇదీ చదవండి: స్టార్ హీరోని పెళ్లి చేసుకోబోతున్న 'హనుమాన్' నటి?)

బాలీవుడ్‌ నటులు పులకిత్‌ సామ్రాట్‌, కృతి కర్భందాల ఆన్‌ స్క్రీన్‌ కెమిస్ట్రీ లానే ఆఫ్‌ స్క్రీన్‌ కెమిస్ట్రీ కూడా ఎప్పుడూ మీడియాలో హాట్‌ టాపిక్‌గా ఉంటుంది. బాలీవుడ్‌ హాట్‌ జోడీల లిస్ట్‌లో వీరి జంట కూడా ఒకటి. ఐతే, గత ఏడాదిన్నరగా వీరి మధ్య ప్రేమాయణం నడుస్తున్న విషయం విధితమే. కాగా వీరు  ప్రేమలో ఎంతగా మునిగిపోయారనేది ఈ నటుడు మరోసారి నిరూపించాడు.  తన సోదరి ఇంట్లో దీపావళి పండగ జరుపుకోడానికి వెళ్లిన పులకిత్‌, కృతిని చాలా మిస్‌ అవుతున్నట్టుగా తెలిపాడు. వీరిరువురు లాక్‌డౌన్‌ని కలిసి గడిపినా, ఇప్పుడు ఎవరి పనిలో వారు బిజీగా ఉన్నారు. అందుకే ఈ దీపావళికి వారిరువురు కలుసుకోలేకపోతున్నారు. ‘‘ఈ పండుగ సమయంలో తను నాతో లేనందున, చాలా మిస్‌ అవుతున్నాను. కార్డ్స్‌ ఆడటమంటే నాకు అంతగా ఇష్టం లేకపోయినా, తనకు మాత్రం చాలా ఇష్టం. ఇప్పుడు మేము అదే ఆట ఆడుతున్నా,  తాను మా పక్కన లేదు’’  అని పులకిత్‌ షేర్‌ చేశాడు.  కాగా, ఓ ఇంటర్వూలో పెళ్లెప్పుడని యాంకర్‌ ప్రశ్నించగా, ‘‘కృతి, నేను ప్రేమలో ఉన్నాం. మా సోదరుని అనుమతి కోసమే వెయిట్‌ చేస్తున్నాం. ఐనా, ఇప్పుడు మేము మా కెరీర్‌పై దృష్టి సారించాం. మా మొదటి ప్రాధాన్యత కేవలం మా వృత్తిపైనే ఉంటుంది. ఒకవేళ వివాహానికి తేదీని ఫిక్స్‌చేస్తే ముందుగా మీకే పత్రిక పంపిస్తామని’’ చిరునవ్వు చిందించారు. ఇక పులకిత్‌ సామ్రాట్‌, కృతి జంటగా పాగల్‌ పంతీ సినిమాలో నటించిన సంగతి తెలిసిందే. ఈ నటి తెలుగులోనూ పలు సినిమాల్లో నటించారు. సుమంత్‌ హీరోగా తెరకెక్కిన బోణీ మూవీతో తెలుగు తెరకు పరిచయం అయ్యింది. ఆ తరువాత పవన్‌ కళ్యాణ్‌తో తీన్‌మార్‌లో జంటగా కనిపించారు.

ముంబై: తాను కోలుకుంటున్నానని, తన ఆరోగ్యం గురించి ఆందోళన చెందాల్సిన అవసరం లేదని నటి కృతి కర్బందా తన అభిమానులకు తెలిపారు. తనపై అనంతమైన ప్రేమ కురిపిస్తూ, ఎల్లప్పుడూ అండగా ఉంటున్నందుకు శ్రేయోలాభిషులు, సన్నిహితులకు ధన్యవాదాలు తెలిపారు. 2020 తనకు ఎన్నో విషయాలు నేర్పిందంటూ సోషల్‌ మీడియాలో ఓ భావోద్వేగ లేఖను పంచుకున్నారు. కాగా కృతి కర్బందా ఇటీవల మలేరియా బారిన పడ్డారు. ఇప్పుడిప్పుడే అనారోగ్యం నుంచి కోలుకుంటున్న ఆమె.. ఫన్నీ మీమ్స్‌ షేర్‌ చేస్తూ తనకు బోర్‌ కొట్టకుండా చూడాలంటూ ఫాలోవర్లకు విజ్ఞప్తి చేశారు. ఈ మేరకు..  ‘‘ ఇది నా మలేరియా వాలా ఫేస్‌. ఈ ప్రపంచానికి హాయ్‌ చెబుతోంది. అయితే మరెంతో కాలం దీనిని భరించేందుకు నేను సిద్ధంగా లేను. షూట్‌కి వెళ్లాలి కదా అందుకే త్వరలోనే దీనికి బై చెబుతాను. నా గురించి ఆందోళన చెందిన వారికి కోసం ఈ పోస్టు. నేను బాగున్నా. రేపటి వరకు నా ఆరోగ్యం మరింత కుదుటపడుతుందని భావిస్తున్నా.  కాస్త అనారోగ్యంగా అనిపిస్తున్నా.. పర్లేదు. తట్టుకోగలను. ఓపికతో పాటు నన్ను ప్రేమించుకోవడం ఎలాగో ఈ ఏడాది నాకు నేర్పిన పాఠం. నాపై ప్రేమ కురిపిస్తున్నందుకు థాంక్యూ’’అని ఇన్‌స్టా స్టోరీలో రాసుకొచ్చారు. కాగా మోడల్‌గా కెరీర్‌ ఆరంభించిన కృతి... బోణీ సినిమాతో టాలీవుడ్‌లో ఎంట్రీ ఇచ్చిన సంగతి తెలిసిందే. ఆ సినిమా ఆశించిన మేర విజయం సాధించకపోవడంతో అడపాదడపా తెలుగులో అవకాశాలు వచ్చినా ఆమె కెరీర్‌కు ప్లస్‌ కాలేదు. దీంతో సాండల్‌వుడ్‌పై దృష్టి సారించిన ఈ ముద్దుగుమ్మ.. ఆ తర్వాత బీ-టౌన్‌లో అడుగుపెట్టి అక్షయ్ కుమార్‌ హౌజ్‌ఫుల్‌ 4 సినిమాతో కెరీర్‌లో తొలిసారి భారీ హిట్‌ అందుకుంది. అదే జోష్‌లో ఇప్పుడు వరుస సినిమాలతో బిజీ అవుతోంది. ఇక వ్యక్తిగత విషయానికొస్తే.. అక్టోబరు 29న 30వ వసంతంలోకి అడుగుపెట్టిన కృతి.. ప్రస్తుతం బాలీవుడ్‌ నటుడు పులకిత్‌ సామ్రాట్‌ ప్రేమలో మునిగితేలుతోంది. వీరే దీ వెడ్డింగ్‌ సినిమాలో స్క్రీన్‌ షేర్‌ చేసుకున్న ఈ జంట.. తర్వాత పాగల్‌పంతీ మూవీలో హీరోహీరోయిన్లుగా అవకాశం దక్కించుకుంది.(చదవండి: ఆ వార్తలు అవాస్తవం: బాలీవుట్‌ నటి)

హిందీ సినిమా ‘తైష్‌’ త్వరలో ఓటీటీలో విడుదల అవుతున్నట్టు ప్రకటించారు. అయితే ప్రయోగాత్మకంగా... ఈ సినిమా ఒకే రోజు సినిమాగా, సిరీస్‌గా విడుదలవుతుందట. పులకిత్‌ సామ్రాట్, జిమ్‌ షరాబ్, క్రితీ కర్భంధా ముఖ్య పాత్రల్లో దర్శకుడు బీజోయ్‌ నంబియార్‌ తెరకెక్కించిన థ్రిల్లర్‌ చిత్రం ‘తైష్‌’. అక్టోబర్‌ 29న జీ5లో ఈ సినిమా విడుదల కానుంది. ‘తైష్‌’ రెండున్నర గంటల సినిమాలా, 6 ఎపిసోడ్ల మినీ సిరీస్‌లో అందుబాటులో ఉంటుందట. ఈ నిర్ణయం గురించి చిత్రబృందం మాట్లాడుతూ –‘‘గతంలో సినిమాగా రూపొందించిన సిరీస్‌గా ఎడిట్‌ అయిన సినిమాలు ఉన్నాయి. మా చిత్రాన్ని థియేటర్‌ కోసం తెరకెక్కించాం. ప్రస్తుత పరిస్థితుల వల్ల ఓటీటీలో విడుదల చేస్తున్నాం. సినిమా పూర్తయ్యాక టెస్ట్‌ స్క్రీనింగ్‌ (అతికొద్ది మందికి సినిమా ప్రదర్శించి ఫలితాన్ని సమీక్షించుకోవడం) నిర్వహించాం. సినిమా బావుంది. ఇందులో పాత్రల గురించి ఇంకా తెలుసుకోవాలి అనిపించింది అని కొందరు అనడంతో సిరీస్‌ ఆలోచన వచ్చింది. ఈ సినిమాను అలానే ఉంచి, సిరీస్‌గా ఎలా మలచగలం అని ఆలోచించి  దానికి అనుగుణంగా ఎడిటింగ్‌ చేశాం. ఏది కావాలనుకున్నవాళ్లు అది ఎంజాయ్‌ చేస్తారు’’ అన్నారు. 

హీరోయిన్‌ కృతీ కర్భందా రీల్‌ మ్యారేజ్‌ లాక్‌డౌన్‌ వల్ల వాయిదా పడింది. ఇంతకీ విషయం ఏంటంటే.. బాలీవుడ్‌ కండలవీరుడు సల్మాన్‌ ఖాన్‌ నిర్మాతగా ‘బుల్‌ బుల్‌ మ్యారేజ్‌ హాల్‌’ (వర్కింగ్‌ టైటిల్‌) అనే సినిమా రూపొందనుంది. రోహిత్‌ నాయర్‌ ఈ సినిమాకు దర్శకత్వం వహిస్తారు. ఇందులో పుల్‌కిత్‌ సామ్రాట్, కృతీ కర్భందా, సునీల్‌ గ్రోవర్, దేశీ షా ముఖ్యతారలు. లక్నో బ్యాక్‌డ్రాప్‌లో సాగే ఈ చిత్రం భారతీయ వివాహ వ్యవస్థలోని అంశాల ఆధారంగా తెరకెక్కనుంది. ఏప్రిల్‌లో మొదలుకావాల్సిన ఈ సినిమా షూటింగ్‌ లాక్‌డౌన్‌ వల్ల ఆగిపోయింది. ఇలా కృతీ రీల్‌ మ్యారేజ్‌ వాయిదా పడింది. ఆయుష్మాన్‌ ఖురానా హీరోగా ‘డ్రీమ్‌గర్ల్‌’ చిత్రానికి దర్శకత్వం వహించిన రాజ్‌ ఈ సినిమాకు డైలాగ్స్‌ అందించనుండటం విశేషం.

ముంబై: పులకిత్‌ సామ్రాట్‌, కృతి కర్బందా ప్రేమ జంట బాలీవుడ్‌లో హల్‌చల్‌ చేస్తోంది. పులకిత్‌ సామ్రాట్‌తో కృతి ప్రేమలో ఉందంటూ మీడియాలో పలు మార్లు వీరి ప్రేమ వార్త చక్కర్లు కొట్టింది. కానీ ప్రస్తుతం సోషల్‌ మీడియాలో ఈ జంట తమ ప్రేమను అంగీకరించింది. పులకిత్‌ సామ్రాట్‌, కృతి కర్బందా జంటగా పాగల్‌పంతీ సినిమాలో నటించారు. పులకిత్‌ పూల కుర్తా తెలుపు పైజామాతో.. కృతి పింక్ లెహంగాతో సాంప్రదాయకబద్దంగా దిగిన ఫోటో సోషల్‌ మీడియాలో వైరల్‌గా మారింది. ఇక ఈ జంట చూడముచ్చటగా ఉందంటూ పలువురు నెటిజన్లు అభినందించారు. పులకిత్‌‌, కృతి జంటకు ముగ్దులైన నెటిజన్లు పెళ్లి చేసుకుంటున్నారా లేక స్నేహితుడి వివాహానికి హాజరవుతున్నారా అని ప్రశ్నల వర్షం కురిపించారు. పాగల్‌ పంతీ సినిమా డైరెక్టర్‌ అన్నీస్‌ అజ్మీ మాట్లాడుతూ.. పులకిత్‌, కృతి ప్రేమించుకోవడం తనకు కలిసొచ్చిందన్నారు. వీరు ప్రేమికులు కనుక నటించాల్సిన అవసరం రాలేదని.. జీవించారని దర్శకుడు తెలిపాడు. మోడల్‌గా కెరీర్‌ ఆరంభించిన కృతి... బోణీ సినిమాతో టాలీవుడ్‌లో ఎంట్రీ ఇచ్చిన సంగతి తెలిసిందే. అక్కినేని మనుమడు సుమంత్‌ హీరోగా తెరకెక్కిన ఈ చిత్రం కృతికి సక్సెస్‌ ఇవ్వకపోయినా... కన్నడ, తమిళ సినిమాల్లో నటించిన విషయం తెలిసిందే. ఇక పవన్‌ కల్యాణ్‌తో కలిసి తీన్‌మార్‌ మూవీలో నటించిన కృతికి.. ఆ సినిమా కూడా నిరాశపరచడంతో పూర్తిగా సాండల్‌వుడ్‌కే పరిమతమైపోయింది. పాగల్‌పంతీ సినిమా ప్రమోషన్లో భాగంగా గత నెలలో ఓ జాతీయ మీడియాతో మాట్లాడుతూ.. తాను సామ్రాట్‌తో డేటింగ్‌లో ఉన్న విషయాన్ని కన్‌ఫాం చేసింది. మేమిద్దరం జంటగా బాగుంటాం గనుక మా గురించి ఎన్నో వార్తలు ప్రచారమయ్యాయి. మీరు అనుకుంటున్నట్లుగా అవి రూమర్లు కాదు. నిజమే నేను సామ్రాట్‌తో ప్రేమలో ఉన్నాను. ఒక వ్యక్తి నచ్చడానికి ఐదేళ్లు పట్టొచ్చు లేదా పదేళ్లు పట్టొచ్చు. కానీ పులకిత్‌ ఐదు నెలల్లోనే నాకు పూర్తిగా అర్థమయ్యాడు. తనతో మాట్లాడటం నాకెంతో సౌకర్యవంతంగా ఉంటుందని కృతి తెలిపారు.

ముంబై : తాను ప్రేమలో ఉన్నాననే విషయాన్ని హీరోయిన్‌ కృతి కర్బందా అభిమానులతో పంచుకున్నారు. ఇందులో దాయాల్సిందేమీ లేదని.. తన తల్లిదండ్రులకు కూడా ఈ విషయం తెలుసునని పేర్కొన్నారు. మోడల్‌గా కెరీర్‌ ఆరంభించిన కృతి... బోణీ సినిమాతో టాలీవుడ్‌లో ఎంట్రీ ఇచ్చిన సంగతి తెలిసిందే. అక్కినేని మనుమడు సుమంత్‌ హీరోగా తెరకెక్కిన ఈ చిత్రం కృతికి సక్సెస్‌ ఇవ్వకపోయినా... కన్నడ, తమిళ సినిమాల్లో నటించే అవకాశం మాత్రం కల్పించింది. ఇక పవన్‌ కల్యాణ్‌తో కలిసి తీన్‌మార్‌ మూవీలో నటించే అవకాశం వచ్చినా.. ఆ సినిమా కూడా నిరాశపరచడంతో కృతి పూర్తిగా సాండల్‌వుడ్‌కే పరిమతమైపోయింది. ఇక రామ్‌చరణ్‌ బ్రూస్‌లీ సినిమాలో అతడికి సోదరిగా నటించిన తర్వాత కృతి.. తెలుగు తెరకు దాదాపు దూరమైపోయింది. ఈ క్రమంలో బాలీవుడ్‌పై దృష్టి సారించిన ఈ ముద్దుగుమ్మ.. అక్షయ్ కుమార్‌ హౌజ్‌ఫుల్‌ 4 సినిమాతో కెరీర్‌లో తొలిసారి భారీ హిట్‌ అందుకుంది. అదే జోష్‌లో ఇప్పుడు వరుస సినిమాలతో బిజీ అవుతోంది. ఈ క్రమంలోనే పాగల్‌పంతీ సినిమాకు సైన్‌ చేసింది. ఇందులో హీరోగా నటిస్తున్న పులకిత్‌ సామ్రాట్‌తో కృతి ప్రేమలో ఉందంటూ బీ-టౌన్‌లో వార్తలు చక్కర్లు కొట్టాయి. అతడితో కలిసి పార్టీలకు హాజరవుతూ.. పాపరాజీలకు పనికల్పించిన కృతి.. ఇంతవరకు ఈ విషయంపై నోరు మాత్రం మెదపలేదు. అయితే తాజాగా ఓ జాతీయ మీడియాతో మాట్లాడుతూ.. తాను సామ్రాట్‌తో డేటింగ్‌లో ఉన్న విషయాన్ని కన్‌ఫాం చేసింది. ‘ మేమిద్దరం జంటగా బాగుంటాం గనుక మా గురించి ఎన్నో వార్తలు ప్రచారమయ్యాయి. మీరు అనుకుంటున్నట్లుగా అవి రూమర్లు కాదు. నిజమే నేను సామ్రాట్‌తో ప్రేమలో ఉన్నాను. ఒక వ్యక్తి నచ్చడానికి ఐదేళ్లు పట్టొచ్చు లేదా పదేళ్లు పట్టొచ్చు. కానీ అంకిత్‌ ఐదు నెలల్లోనే నాకు పూర్తిగా అర్థమయ్యాడు. తనతో మాట్లాడటం నాకెంతో సౌకర్యవంతంగా ఉంటుంది. తన మీద ఉన్న నమ్మకంతోనే మీతో నా ప్రేమ విషయాన్ని పంచుకుంటున్నాను. ఇప్పుడు నాకెంతో మనశ్శాంతిగా ఉంది’ అని చెప్పుకొచ్చింది. కాగా వీరిద్దరు గతంలో వీరే దీ వెడ్డింగ్‌ సినిమాలోనూ కలిసి నటించారు. ఇక పులకిత్‌ సామ్రాట్‌కు గతంలోనే పెళ్లైంది. బాలీవుడ్‌ కండలవీరుడు సల్మాన్ ఖాన్‌ రాఖీ సిస్టర్‌ శ్వేతా రోహిరాను అతడు పెళ్లి చేసుకున్నాడు. అనంతరం మనస్పర్థలతో వాళ్లిద్దరూ విడిపోయారు.


 ముంబై: విడాకుల కేసు దాఖలు చేయడానికి వచ్చిన బాలీవుడ్‌ హీరో పులకిత్‌ సామ్రాట్‌ ఓ ఫొటో జర్నలిస్టుపై దాడికి దిగాడు. విబేధాల కారణంగా గతకొంతకాలంగా దూరంగా ఉంటున్న పులకిత్‌, అతని భార్య శ్వేత రోహిరా విడాకుల కేసు దాఖలు చేయడానికి మంగళవారం బంద్రా ఫ్యామిలీ కోర్టుకు వచ్చారు. కోర్టులో వాదనలు ముగిసిన అనంతరం పులకిత్‌ బయటకు వస్తుండగా ఫొటోగ్రాఫర్లు క్లిక్‌మనిపించారు. తన ఫొటోలు తీస్తుండటంతో సహనం కోల్పోయిన పులకిత్‌ ఓ ఫొటోగ్రాఫర్‌ను పట్టుకొని మరీ కొట్లాటకు దిగాడు. ఫొటోగ్రాఫర్‌ కాలర్‌ పట్టుకొని మరీ పులకిత్‌ దాడికి దిగినట్టు ఫొటోలను బట్టి తెలుస్తోంది.
 
 తాను కోర్టు నుంచి బయటకు వస్తుండగా ఫొటోగ్రాఫర్లు ఫొటోలు తీస్తూ కనిపించారని, దీంతో కోపోద్రిక్తుడైన పులకిత్‌ సామ్రాట్‌ ఓ ఫొటోగ్రాఫర్‌పై దాడికి దిగారని ముంబై మీడియా తెలిపింది. అతను ఫొటోగ్రాఫర్‌ కాలర్‌ పట్టుకొని మరీ గొడవకు దిగిన ఫొటోలు ఆన్‌లైన్‌లో వైరల్‌గా మారిపోయాయి.
 
 సల్మాన్‌ రాఖీ సోదరిగా పేరొందిన శ్వేత రోహిరా.. యామీ గౌతమ్ వల్లే తాను భర్తతో వీడిపోతున్నానని పేర్కొన్న సంగతి తెలిసిందే. పులకిత్, తాను ప్రేమించి పెళ్లి చేసుకున్నామని, మొదట్లో తమ కాపురం సవ్యంగా సాగిందని, యామీ గౌతమ్తో తన భర్తకు ఎఫైర్‌ ఉండటంతో తమ ఇద్దరి మధ్య కలతలు వచ్చాయని రోహిరా ఓ ఇంటర్వ్యూలో చెప్పింది. పులకిత్తో తాను విడిపోవడానికి యామీ గౌతమ్ కారణమని ఆరోపించింది. కాగా, తన భార్యతో కలిసుండలేనని పులకిత్ చెప్పాడు. సానుభూతి పొందేందుకు తన ఇమేజ్ ను శ్వేత దెబ్బతీస్తొందని, వ్యక్తిగత విషయాలను బహిరంగపరచి రచ్చ చేస్తోందని విమర్శించాడు. ఇక ఆమెతో ఎటువంటి సంప్రదింపులు సాగించనని, తన వివాహ బంధం ముగిసినట్టేనని పులకిత్ పేర్కొన్నాడు.
 
 


 న్యూఢిల్లీ: బాలీవుడు నటుడు పులకిత్ సామ్రాట్ భార్య శ్వేత రోహిర తన భర్తతో విడిపోవడానికి గల కారణాలను వెల్లడించింది. హీరోయిన్ యామీ గౌతమ్ వల్లే తమ బంధం చెడిందని ఆరోపించింది.
 
 పులకిత్, తాను ప్రేమించి పెళ్లి చేసుకున్నామని, మొదట్లో తమ కాపురం సవ్యంగా సాగిందని, యామీ గౌతమ్తో తన భర్తకు అనుబంధం ఏర్పడ్డాక తమ ఇద్దరి మధ్య కలతలు వచ్చాయని రోహిర ఓ ఇంటర్వ్యూలో చెప్పింది. పులకిత్తో తాను విడిపోవడానికి యామీ గౌతమ్ కారణమని ఆరోపించింది.
 
 కాగా తన భార్య శ్వేత రొహిరతో కలిసుండలేనని పులకిత్ కూడా ఇటీవల చెప్పాడు. తమ వివాహ బంధం తెగిపోయిందని ప్రకటించాడు.  సానుభూతి పొందేందుకు తన ఇమేజ్ ను శ్వేత దెబ్బతీస్తొందని, వ్యక్తిగత విషయాలను బహిరంగపరచి రచ్చ చేస్తోందని విమర్శించాడు. ఇక ఆమెతో ఎటువంటి సంప్రదింపులు సాగించనని, తన వివాహ బంధం ముగిసినట్టేనని పులకిత్ పేర్కొన్నాడు.


 ముంబై: తన భార్య శ్వేత రొహిరతో కలిసుండలేనని బాలీవుడ్ హీరో పులకిత్ సామ్రాట్ స్పష్టం చేశాడు. తమ వివాహ బంధం తెగిపోయిందని ప్రకటించాడు. శ్వేతకు అతడు దూరం కావడానికి హీరోయిన్ యామి గౌతమ్తో ఉన్న సాన్నిహిత్యమే కారణమని ఆరోపణలు వచ్చాయి. అయితే తన భార్యకు గర్భస్రావం అయినప్పటి నుంచే శ్వేతకు అతడు దూరమవుతూ వచ్చాడని తాజాగా వెల్లైంది. ఈ ఆరోపణలను అతడు తోసిపుచ్చాడు.
 
 ‘ఈ వార్త చదివి షాక్కు గురైయ్యాను. ఇది మా వ్యక్తిగత విషయం. మా ఇద్దరికీ అది చాలా బాధ కలిగించింది. మాతృత్వం ఎవరికైనా వరమే. కానీ తప్పాంతా నాదే అయినట్టు బురద చల్లుతున్నారు. ఎవరేం మాట్లాడినా ఇన్నాళ్లు సహించాను. నిజమేంటే బయట పెట్టేస్తా. శ్వేతకు గర్భస్రావం జరిగి నాలుగేళ్లైంది. అప్పటికీ యామి గౌతమ్ ఎవరో నాకు తెలియదు. సానుభూతి పొందేందుకు నా ఇమేజ్ ను శ్వేత దెబ్బతీస్తొంది. వ్యక్తిగత విషయాలను బహిరంపరచి రచ్చ చేస్తోంది. ఆమె ఈవిధంగా ప్రవర్తిస్తుందని ఊహించలేదు. ఇక ఆమెతో ఎటువంటి సంప్రదింపులు సాగించను. శ్వేతతో నా వివాహ బంధం ముగిసినట్టే’నని పులకిత్ సామ్రాట్ పేర్కొన్నాడు.


 ముంబై: బాలీవుడ్ హీరో పులకిత్ సామ్రాట్, తన భార్య శ్వేత రొహిర మధ్య విభేదాలకు హీరోయిన్ యామి గౌతమ్ కారణమన్న ఊహాగానాలు షికారు చేస్తున్నాయి. యామి ప్రేమలో పడే భార్యకు అతడు దూరమయ్యాడని బాలీవుడ్ జనాలు చెవులు కొరుక్కుంటున్నారు. విడాకులు తీసుకోమని పులకిత్ కు సలహా యిచ్చింది కూడా ఆమేనని అంటున్నారు. మన బంధం ముందుకు సాగాలంటే విడాకులు తీసుకోవాల్సిందేనని అతడికి యామి గట్టిగా చెప్పినట్టు తెలుస్తోంది.
 
 దీని గురించి పులకిత్ నోరు విప్పడం లేదు. తన సినిమా విడుదల ప్రచార కార్యక్రమాల్లో బిజీగా ఉన్నానని, న్యాయ వ్యవహారాలు చూసుకునేందుకు తనకిప్పుడు సమయం లేదని పేర్కొన్నాడు. తనకు, శ్వేతకు మధ్య విభేదాలు తలెత్తడం దురదృష్టమన్నాడు. గతేడాది అక్టోబర్ నుంచి వీరిద్దరూ విడిగా ఉంటున్నారు. కాగా,  పులకిత్, యామి గౌతమ్ కాంబినేషన్ లో తెరకెక్కిన రెండో సినిమా 'జునూనియత్' సినిమా ఇటీవల విడుదలైంది.


 బాలీవుడ్ మోస్ట్ ఎలిజబుల్ బ్యాచిలర్ సల్మాన్ ఖాన్ కన్యాదానం చేయబోతున్నాడు. వెండితెరపై కాదు నిజజీవితంలోనే అతడీ క్రతువు నిర్వహించబోతున్నాడు. ఆశర్చర్యమనిపించినా ఇది నిజం. పెళ్లికాని ఈ కండలవీరుడు కన్యాదానం ఎలా చేస్తాడని అనుకుంటున్నారా?
 
 నటుడు పులకిత్ సామ్రాట్ కు సల్మాన్ ఖాన్ కన్యాదానం చేయనున్నాడు. పులకిత్ పెళ్లాడబోయే అమ్మాయి శ్వేత రొహిరా- సల్మాన్ కు రాఖీ కట్టిన సోదరి. ప్రతి సంవత్సరం సల్మాన్ కు ఆమె రాఖీ కడుతుంది.  
 
 కాగా, పులకిత్, శ్వేత వచ్చే ఏడాది గోవాలో పెళ్లి చేసుకోవాలని నిర్ణయించారు. అయితే శ్వేత తండ్రి ఆమె చిన్నతనంలోనే మరణించారు. దీంతో కన్యాదానం చేసే బాధ్యతను సల్మాన్ ఖాన్ తీసుకున్నారు. సోదర ప్రేమంటే ఇదేనేమో!