క్వాలిఫైడ్‌ ఇనిస్టిట్యూషనల్‌ ప్లేస్‌మెంట్‌ (క్విప్‌) మార్గంలో ఇన్వెస్టర్లకు ఈక్విటీ షేర్లను విక్రయించడం ద్వారా రియల్‌ ఎస్టేట్‌ డెవలపర్లు గతేడాది రూ. 22,320 కోట్లు సమీకరించాయి. 2024లో అన్ని రంగాలు కలిసి 99 క్విప్‌ ఇష్యూల ద్వారా మొత్తం రూ. 1,41,482 కోట్లు సమకూర్చుకున్నాయి. ఇందులో రియల్‌ ఎస్టేట్‌ రంగం అగ్రస్థానంలో నిల్చింది. 8 డెవలపర్లు, 1 రీట్‌ (రియల్‌ ఎస్టేట్‌ ఇన్వెస్ట్‌మెంట్‌ ట్రస్ట్‌) కలిసి రూ. 22,320 కోట్లు సమీకరించాయి.క్విప్‌ ద్వారా వచ్చిన మొత్తం నిధుల్లో ఇది 16 శాతం. రియల్‌ ఎస్టేట్‌ కన్సల్టెంట్‌ అనరాక్‌ విడుదల చేసిన నివేదికలో ఈ అంశాలు వెల్లడయ్యాయి. మార్కెట్లలో హెచ్చుతగ్గులు నెలకొన్నప్పటికీ క్యాపిటల్‌ మార్కెట్లు పటిష్టంగానే ఉన్నాయని, కంపెనీలు భారీగా పెట్టుబడులను ఆకర్షిస్తున్నాయని అనరాక్‌ చైర్మన్‌ అనుజ్‌ పురి చెప్పారు.రియల్‌ ఎస్టేట్‌ రంగం వృద్ధి అవకాశాలపై సంస్థాగత ఇన్వెస్టర్లు అత్యంత బుల్లిష్‌గా ఉన్నట్లు వివరించారు. వివిధ రంగాలు 2020లో ఆల్‌టైం గరిష్ట స్థాయిలో క్విప్‌ మార్గంలో రూ. 80,816 కోట్లు సమీకరించాయి. 2024 గణాంకాలు దాని కన్నా 75 శాతం అధికం కావడం గమనార్హం. 2025లో క్విప్‌ ఫండింగ్‌ మిశ్రమంగా ఉండొచ్చని పురి తెలిపారు.నివేదిక ప్రకారం .. గోద్రెజ్‌ ప్రాపర్టీస్‌ రూ. 6,000 కోట్లు, ప్రెస్టీజ్‌ ఎస్టేట్స్‌ రూ. 5,000 కోట్లు, బ్రూక్‌ఫీల్డ్‌ ఇండియా రీట్‌ రూ. 3,500 కోట్లు, మ్యాక్రోటెక్‌ డెవలపర్స్‌ రూ. 3,300 కోట్లు, బ్రిగేడ్‌ ఎంటర్‌ప్రైజెస్‌ రూ. 1,500 కోట్లు సమీకరించాయి.

ప్రయివేట్‌ రంగ కంపెనీ ఆదిత్య బిర్లా ఫ్యాషన్‌ అండ్‌ రిటైల్‌(ABFRL) నిధుల సమీకరణ చేపట్టనుంది. అర్హతగల సంస్థాగత ఇన్వెస్టర్లకు షేర్ల జారీ(QIP), ప్రిఫరెన్షియల్‌ కేటాయింపుల ద్వారా మొత్తం రూ.4,789 కోట్లు అందుకునే యోచనలో ఉంది. వృద్ధి వ్యూహాలకు పెట్టుబడులను సమకూర్చుకునే ప్రణాళికలో భాగంగా బోర్డు ఇందుకు ఆమోదముద్ర వేసినట్లు కంపెనీ పేర్కొంది. దీనిలో భాగంగా ప్రమోటర్‌ సంస్థ పిలానీ ఇన్వెస్ట్‌మెంట్‌ అండ్‌ ఇండస్ట్రీస్‌ కార్పొరేషన్‌కు రూ. 1,298 కోట్లు, ఫిడిలిటీ ఇన్వెస్ట్‌మెంట్స్‌కు రూ. 1,081 కోట్లు విలువైన ప్రిఫరెన్షియల్‌ షేర్ల జారీకి బోర్డు అనుమతించినట్లు వెల్లడించింది. అంతేకాకుండా క్విప్‌ ద్వారా మరో రూ. 2,500 కోట్ల సమీకరణ(funds)కు సైతం బోర్డు గ్రీన్‌సిగ్నల్‌ ఇచ్చింది. 2024 సెపె్టంబర్‌ 19న నిర్వహించిన సాధారణ వార్షిక సమావేశంలో వాటాదారులు అనుమతించిన నిధుల సమీకరణ ప్రతిపాదనకు తాజాగా బోర్డు మరోసారి ఆమోదముద్ర వేసింది. ఈ ఏడాది చివరిలోగా కంపెనీ మదురా ఫ్యాషన్‌ అండ్‌ లైఫ్‌స్టైల్‌ బిజినెస్‌ను కొత్తగా ఏర్పాటు చేసిన ఆదిత్య బిర్లా లైఫ్‌స్టైల్‌ బ్రాండ్స్‌కింద విడదీయనుంది.ఇదీ చదవండి: త్రైమాసిక ఫలితాలు డీలా.. కంపెనీ షేర్ల నేలచూపులుయాక్సిస్‌ బ్యాంక్‌ లాభం ప్లస్‌ప్రయివేట్‌ రంగ దిగ్గజం యాక్సిస్‌ బ్యాంక్‌(Axis Bank) ఈ ఆర్థిక సంవత్సరం(2024–25) మూడో త్రైమాసికంలో ఆసక్తికర ఫలితాలు సాధించింది. అక్టోబర్‌–డిసెంబర్‌(క్యూ3)లో స్టాండెలోన్‌ నికర లాభం 4 శాతం పుంజుకుని రూ. 6,304 కోట్లను తాకింది. గతేడాది(2023–24) ఇదే కాలంలో రూ. 6,071 కోట్లు ఆర్జించింది. మొత్తం ఆదాయం సైతం రూ. 33,516 కోట్ల నుంచి రూ. 36,926 కోట్లకు ఎగసింది. వడ్డీ ఆదాయం రూ. 27,961 కోట్ల నుంచి రూ. 30,954 కోట్లకు బలపడింది. నికర వడ్డీ ఆదాయం 9 శాతం వృద్ధితో రూ. 13,483 కోట్లకు చేరింది. నికర వడ్డీ మార్జిన్లు 0.08 శాతం తగ్గి 3.93 శాతానికి చేరాయి. ప్రొవిజన్లు, కంటింజెన్సీలు రూ. 1,028 కోట్ల నుంచి రూ. 2,156 కోట్లకు ఎగశాయి. స్థూల స్లిప్పేజీలు రూ. 4,923 కోట్ల నుంచి రూ. 5,432 కోట్లకు పెరిగాయి. దీంతో స్థూల మొండిబకాయిలు(ఎన్‌పీఏలు) 1.44 శాతం నుంచి 1.46 శాతానికి స్వల్పంగా పెరిగాయి. కనీస మూలధన నిష్పత్తి 17.01 శాతంగా నమోదైంది. కాగా.. క్యూ3లో కన్సాలిడేటెడ్‌ నికర లాభం రూ. 6,491 కోట్ల నుంచి రూ. 6,742 కోట్లకు పుంజుకుంది.

న్యూఢిల్లీ: అర్హతగల సంస్థాగత ఇన్వెస్టర్లకు షేర్ల జారీ(క్విప్‌) ద్వారా నిధులను సమీకరించడంలో కంపెనీలు ఈ కేలండర్‌ ఏడాది(2024)లో కొత్త రికార్డ్‌కు తెరతీశాయి. జనవరి నుంచి నవంబర్‌వరకూ దేశీ కార్పొరేట్లు రూ. 1,21,321 కోట్లు అందుకున్నాయి.దేశీ కార్పొరేట్‌ చరిత్రలోనే ఇవి అత్యధికంకాగా.. స్టాక్‌ మార్కెట్లు సరికొత్త గరిష్టాలకు చేరడం, షేర్ల అధిక విలువలు ఇందుకు సహకరిస్తున్నాయి. ప్రైమ్‌ డేటాబేస్‌ గణాంకాల ప్రకారం గతేడాది క్విప్‌ ద్వారా రూ. 52,350 కోట్లు మాత్రమే సమకూర్చుకున్నాయి. వెరసి రెట్టింపునకు మించి పెట్టుబడులను ఆకట్టుకున్నాయి. క్విప్‌ అంటే? లిస్టెడ్‌ కంపెనీలు సంస్థాగత ఇన్వెస్టర్లకు షేర్ల జారీ ద్వారా వేగంగా నిధులు సమీకరించేందుకు వీలు కల్పించేదే క్విప్‌. నవంబర్‌వరకూ 82 కంపెనీలు క్విప్‌ను చేపట్టాయి. గతేడాది కేవలం 35 కంపెనీలు రూ. 38,220 కోట్లు సమీకరించాయి. ఈ ఏడాది రికార్డుకు కారణమైన కంపెనీలలో ప్రధానంగా వేదాంతా గ్రూప్, జొమాటో, అదానీ ఎనర్జీ, వరుణ్‌ బెవరేజెస్‌ తదితరాలను ప్రస్తావించవచ్చు. వేదాంతా, జొమాటో విడిగా రూ. 8,500 కోట్లు చొప్పున అందుకున్నాయి.

ముంబై: జ్యువెలరీ రిటైలర్‌ సెంకో గోల్డ్‌ క్వాలిఫైడ్‌ ఇన్‌స్టిట్యూషనల్‌ ప్లేస్‌మెంట్‌ (క్యూఐపీ) పద్ధతిలో రూ.459 కోట్లు సమీకరించింది. ఇందుకోసం సంస్థాగత ఇన్వెస్టర్లకు ఒక్కొక్కటి రూ.1,125 చొప్పున మొత్తం 40.8 లక్షల ఈక్విటీ షేర్లను కేటాయించింది. ఈ మేరకు కంపెనీ ఎక్స్చేంజీలకు సమాచారం ఇచ్చింది. డిసెంబర్‌ 11న ప్రారంభమైన ఇష్యూ 13న ముగిసింది.టాటా ఏఐఏ లైఫ్‌ ఇన్సూరెన్స్‌ 14.49%, టాటా మల్టీక్యాప్‌ ఫండ్‌ 8.77%, టాటా ఏఐఏ లైఫ్‌ ఇన్సూరెన్స్‌ ఎమర్జెన్సీ ఆపర్చునిటీస్‌ 6.40%, ఐసీఐసీఐ ప్రుడెన్షియల్‌ లైఫ్‌ ఇన్సూరెన్స్‌ 6.54%, ఇతర ఫండ్‌ సంస్థలు మిగిలిన షేర్లను దక్కించుకున్నాయి. సమీకరించిన నిధులను వ్యాపార విస్తరణ ప్రణాళికలో భాగంగా ఈ ఏడాదిలో 20 స్టోర్ల ప్రారంభానికి వినియోగిస్తామని సెంకో తెలిపింది.

న్యూఢిల్లీ: ఫుడ్‌ డెలివరీ ప్లాట్‌ఫామ్‌ జొమాటో అర్హతగల సంస్థాగత ఇన్వెస్టర్లకు షేర్ల జారీ(క్విప్‌) ద్వారా రూ. 8,500 కోట్ల సమీకరణకు తెరతీసింది. సోమవారం ప్రారంభమైన క్విప్‌నకు షేరుకి రూ. 265.91 చొప్పున ఫ్లోర్‌ ధరగా నిర్ణయించింది.బోర్డు ఏర్పాటు చేసిన నిధుల సమీకరణ కమిటీ క్విప్‌నకు ఆమోదముద్ర వేసినట్లు ఫుడ్‌ అగ్రిగేటర్‌ కంపెనీ సీఈవో దీపిందర్‌ గోయల్‌ వెల్లడించారు. బ్యాలన్స్‌షీట్‌ పటిష్టత కోసమే పెట్టుబడుల సమీకరణ చేపట్టినట్లు తెలియజేశారు. క్విప్‌ నేపథ్యంలో జొమాటో షేరు బీఎస్‌ఈలో 2.4% బలపడి రూ. 280 వద్ద ముగిసింది.

న్యూఢిల్లీ: బ్యాంకు ఆఫ్‌ ఇండియా రూ.3,000 కోట్ల నిధుల సమీకరణ కోసం క్వాలిఫైడ్‌ ఇనిస్టిట్యూషనల్‌ ప్లేస్‌మెంట్‌ (క్యూఐపీ/సంస్థాగత ఇన్వెస్టర్లకు షేర్ల జారీ) ప్రారంభించాలని బుధవారం నిర్ణయం తీసుకుంది. వ్యాపార వృద్ధికి, నియంత్రణపరమైన కనీస అవసరాలను చేరుకునేందుకు నిధుల సమీకరణ చేపట్టనుంది. క్యూఐపీ ఫ్లోర్‌ప్రైస్‌గా (షేరు ధర) రూ.66.19 నిర్ణయించింది. క్యూఐపీ కోసం ఈ నెల 10–23 మధ్య బ్యాంక్‌ ఆఫ్‌ ఇండియా రోడ్‌షో కూడా నిర్వహించింది. యస్‌ బ్యాంకు, ఐడీఎఫ్‌సీ ఫస్ట్‌ బ్యాంకు, హెచ్‌డీఎఫ్‌సీ ట్రెజరీ, ఐసీఐసీఐ ప్రుడెన్షియల్‌ లైఫ్, ఎడెల్‌వీజ్, ఎస్‌బీఐ లైఫ్, మిరే, కోటక్‌ లైఫ్, ఫెడరల్‌ బ్యాంకు తదితర ఇన్వెస్టర్లు ఇందులో పాల్గొన్నారు. ఫ్లోర్‌ ప్రైస్‌పై గరిష్టంగా 5 శాతం మించకుండా తగ్గింపును ఇచ్చే అవకాశం ఉందని బ్యాంకు తెలిపింది. క్యూఐపీ కింద షేరు కేటాయింపు ధర (తుది)పై ఈ నెల 30న క్యాపిటల్‌ ఇష్యూ కమిటీ నిర్ణయం తీసుకుంటుందని పేర్కొంది. బ్యాంకులో ప్రమోటర్‌గా ఉన్న కేంద్ర సర్కారుకు ప్రస్తుతం 90 శాతానికిపైనే వాటా ఉంది. తాజా క్యూఐపీ అనంతరం ప్రభుత్వ వాటా చెప్పుకోతగ్గంత దిగిరానుంది. దీంతో కనీస ప్రజల వాటా విషయంలో నిబంధనలను పాటించేందుకు మార్గం సుగమం అవుతుంది.      

ఇంటర్నెట్ ఫ్రాంచైజీ కంపెనీ ఇన్ఫో ఎడ్జ్‌ ఇండియా.. అర్హతగల సంస్థాగత ఇన్వెస్టర్లకు షేర్ల జారీ(క్విప్‌) ప్రక్రియను నేటి నుంచి ప్రారంభించింది. ఇందుకు ఫ్లోర్‌ ధరగా ఒక్కో షేరుకి రూ. 3177.18ను కంపెనీ బోర్డు మంగళవారం ప్రకటించింది. కాగా.. ఈక్విటీ షేర్ల విక్రయం ద్వారా రూ. 1,875 కోట్ల సమీకరణకు జూన్‌ 22న జరిగిన సమావేశంలోనే ఇన్ఫో ఎడ్జ్‌ బోర్డు ఆమోదముద్ర వేసింది. ఈ బాటలో మంగళవారం సమావేశమైన డైరెక్టర్ల బోర్డు.. తాజాగా క్విప్‌ ధరను నిర్ణయించింది. తద్వారా రూ. 1,875 కోట్ల సమీకరణకు గ్రీన్‌సిగ్నల్‌ ఇచ్చింది.  ఆన్‌లైన్‌ క్లాసిఫైడ్‌ విభాగాలు.. నౌకరీ.కామ్‌, 99ఏకర్స్‌.కామ్‌, జీవన్‌సాథీ.కామ్‌, శిక్షా.కామ్‌ను కంపెనీ నిర్వహిస్తున్న విషయం విదితమే. ఈ నేపథ్యంలో ఇన్ఫోఎడ్జ్‌ షేరు తొలుత ఎన్‌ఎస్‌ఈలో 7 శాతం దూసుకెళ్లి రూ. 3420ను తాకింది. ఇది చరిత్రాత్మక గరిష్టంకాగా.. ప్రస్తుతం 6.6 శాతం జంప్‌చేసి రూ. 3395 వద్ద ట్రేడవుతోంది. గోద్రెజ్‌ ప్రాపర్టీస్‌ ఈ ఆర్థిక సంవత్సరం క్యూ1(ఏప్రిల్‌-జూన్‌)లో రియల్టీ కంపెనీ గోద్రెజ్‌ ప్రాపర్టీస్‌ రూ. 20.2 కోట్ల నికర నష్టం ప్రకటించింది. అంతక్రితం ఏడాది(2019-20) క్యూ1లో రూ. 90 కోట్ల నికర లాభం ఆర్జించింది. కన్సాలిడేటెడ్‌ ప్రాతిపదికన మొత్తం ఆదాయం సైతం 89 శాతం పడిపోయి రూ. 72 కోట్లకు పరిమితమైంది. ఫలితాల నేపథ్యంలో గోద్రెజ్‌ ప్రాపర్టీస్‌ షేరు ఎన్‌ఎస్‌ఈలో 2.7 శాతం క్షీణించి రూ.  906 వద్ద ట్రేడవుతోంది. తొలుత ఒక దశలో రూ. 892 వరకూ పతనమైంది. 

సాక్షి, ముంబై: దేశీయ టెలికాం కంపెనీ భారతి ఎయిర్టెల్‌ భారీ క్వాలిఫైడ్ ఇన్స్టిట్యూషనల్ ప్లేసెమెంట్ (క్యూఐపీ)కి సిద్ధమవుతోంది. క్యూఐపి ద్వారా సుమారు 2 బిలియన్ డాలర్లు సేకరించాలని ఎయిర్టెల్‌ యోచిస్తోందన్నవార్తలు మార్కెట్‌ వర్గాల్లో చక్కర్లు కొడుతున్నాయి ఈ పెట్టుబడుల సమీకరణకు పలు ప్రైవేట్ ఈక్విటీ సంస్థలతో ఇప్పటికే ఒప్పందాలు కుదుర్చుకున్నట్టు  సమాచారం. ఈ భారీ క్యూఐపీ వచ్చే రెండు వారాల్లో ప్రారంభమయ్యే అవకాశం ఉందని సంబంధిత వర్గాలు తెలిపాయి.  2 బిలియన్ డాలర్ల వరకు ఈక్విటీని, మరో  బిలియన్ డాలర్ల రుణాన్ని సేకరించే ప్రతిపాదనలకు భారతి ఎయిర్‌టెల్ వాటాదారుల అనుమతి లభించిందని పేరు చెప్పడానికి ఇష్టపడని సంబంధిత వర్గాలు పేర్కొన్నాయి. ఈ వార్తల ప్రకారం వార్‌బగ్ పిన్‌కస్, ప్రుడెన్షియల్, క్యాపిటల్ ఇంటర్నేషనల్, జీఐసి, సహా టెమాసెక్‌ భారతి ఎయిర్‌టెల్‌లో పెట్టుబడులు పెట్టడానికి ఆసక్తి కనబరిచినట్టు తెలుస్తోంది. ముఖ్యంగా టెమాసెక్, జీఐసీ సంస‍్థనుంచి చెరి 500 మిలియన్ డాలర్లు సమకూర్చుకోనుంది. ఇందుకు వాటాదారుల ఆమోదం లభించిందనీ,  రానున్న  రెండు వారాల్లోనే ఈ  క్యూఐపీ మొదలు కానుందని భావిస్తున్నారు.  అయితే ఈ అంచనాలపై భారతి ఎయిర్‌టెల్‌  అధికారికంగా ప్రకటన చేయాల్సి వుంది.


 హైదరాబాద్, బిజినెస్‌ బ్యూరో: క్వాలిఫైడ్‌ ఇన్‌స్టిట్యూషనల్‌ ప్లేస్‌ మెంట్‌ (క్విప్‌) ద్వారా డిసెంబరు నాటికి రూ.800–1,000 కోట్లు సమీకరించాలని ఆంధ్రాబ్యాంకు నిర్ణయించింది. తద్వారా బ్యాంకులో ప్రభుత్వ వాటా ప్రస్తుతమున్న 61.26 శాతం నుంచి 60 శాతం దిగువకు చేరుతుంది. గత ఆర్థిక సంవత్సరంలో ప్రభుత్వం నుంచి మూలధనం కింద రూ.1,100 కోట్ల నిధులు సమకూరాయి. ఈ నిధుల రాకతో బ్యాంకులో ప్రభుత్వ వాటా పెరిగింది.
 
 జీవిత బీమాలో సంయుక్త భాగస్వామ్య (జేవీ) కంపెనీ అయిన ఇండియా ఫస్ట్‌ లైఫ్‌ ఇన్సూరెన్స్‌లో వాటా విక్రయ ప్రతిపాదన ఏదీ లేదని బ్యాంకు అధికారి ఒకరు స్పష్టం చేశారు. వచ్చే రెండు మూడేళ్లలో ఈ కంపెనీ విలువ మరింత పెరుగుతుందని ఆయన అభిప్రాయపడ్డారు. జేవీ ద్వారా డివిడెండు పెద్దగా స్వీకరించనప్పటికీ లాభాలు వస్తున్నాయని గుర్తుచేశారు. జేవీలో ఆంధ్రాబ్యాంకుకు 30 శాతం వాటా, బ్యాంక్‌ ఆఫ్‌ బరోడా 44 శాతం, యూకేకు చెందిన లీగల్‌ అండ్‌ జెనరల్‌కు 26 శాతం వాటా ఉంది.


 మూడీస్‌ అంచనా
 న్యూఢిల్లీ: ఎస్‌బీఐ ఇటీవల అర్హతగల సంస్థాగత ఇన్వెస్టర్లకు షేర్ల కేటాయింపు (క్విప్‌) ద్వారా రూ.15,000 కోట్లను సమీకరించడం బ్యాంకు పరపతికి సానుకూలమని అమెరికాకు చెందిన బ్రోకరేజీ సంస్థ మూడీస్‌ తెలిపింది. రుణాల వృద్ధికి ఈ నిధులు తోడ్పడతాయని వివరించింది. అంతేకాదు, ప్రభుత్వంపై ఆధారపడడాన్ని కూడా ఇది తగ్గిస్తుందని పేర్కొంది.
 
 ప్రభుత్వం నుంచి కూడా నిధుల సాయం అందితే బ్యాంకు మూలధనం మరింత బలోపేతం అవుతుందని నివేదికలో వెల్లడించింది. బాసెల్‌–3 నిబంధనల మేరకు మూలధన అవసరాలు 2018 మార్చి నాటికి 7.8 శాతం, 2019 మార్చి నాటికి 8.6 శాతం అవసరం కాగా, తాజా నిధుల సమీకరణ అందుకు సాయపడుతుందని నోమురా పేర్కొంది.


 ముంబై: క్వాలిఫైడ్‌ ఇన్‌స్టిట్యూషనల్‌ ప్లేస్‌మెంట్‌ (క్విప్‌) మార్గంలో రూ. 15,000 కోట్లు సమీకరించినట్లు ప్రభుత్వ రంగ బ్యాంకింగ్‌ దిగ్గజం ఎస్‌బీఐ వెల్లడించింది. క్విప్‌ కింద షేరు ఒక్కింటికి రూ. 287.25 చొప్పున మొత్తం 52.2 కోట్ల షేర్లను జారీ చేసినట్లు పేర్కొంది. జూన్‌ 5న ప్రకటించిన క్విప్‌ ఇష్యూని ముగిస్తున్నట్లు ఎస్‌బీఐ గురువారం స్టాక్‌ ఎక్సే్చంజీలకు తెలిపింది. ఈ నిధులను క్యాపిటల్‌ అడెక్వసీ నిష్పత్తిని మెరుగుపర్చుకోవడం, ఇతరత్రా అవసరాలకు వినియోగించుకోనున్నట్లు పేర్కొంది.


 ముంబై: ప్రభుత్వ రంగ బ్యాంకింగ్‌ దిగ్గజం స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) అర్హమైన సంస్థాగత ఇన్వెస్టర్లకు (క్విప్‌)ప్రైవేట్‌ ప్లేస్‌మెంట్‌ ప్రాతిపదికన షేర్లను విక్రయించేందుకు ఇష్యూ ప్రారంభించింది. షేరుకు రూ. 287.58 ఫ్లోర్‌ ధరతో క్విప్‌ ఇష్యూను ఓపెన్‌ చేసినట్లు సోమవారం బీఎస్‌ఈకి తెలిపింది. సెబీ ప్రైసింగ్‌ ఫార్ముల్లా ప్రకారం ఇష్యూ ధరను నిర్ణయించామని, ఫ్లోర్‌ ధరతో పోలిస్తే 5 శాతంకంటే అధిక డిస్కౌంట్‌ను ఆఫర్‌ చేయబోమని బ్యాంకు వివరించింది.
 
 క్విప్‌ ఇష్యూ జారీ ధరను ఆమోదించేందుకు జూన్‌ 8న ఎస్‌బీఐ బోర్డు సమావేశమవుతుంది.  2017–18 ఆర్థిక సంవత్సరంలో రూ.15,000 కోట్లు సమీకరించేందుకు ఎస్‌బీఐ సెంట్రల్‌ బోర్డు మార్చి నెలలో ఆమోదం తెలిపింది. పబ్లిక్‌ ఇష్యూ లేదా రైట్స్‌ ఇష్యూ లేదా క్విప్, ఏడీఆర్‌/జీడీఆర్‌ల జారీద్వారా నిధులు సమీకరించడానికి బ్యాంకును బోర్డు అనుమతించింది. ఈ ప్రణాళికలో భాగంగానే తాజా క్విప్‌ ఇష్యూను జారీచేస్తున్నది.