జీవితంలో అనుకున్నది సాధించాలంటే..అనేక కష్టనష్టాల్ని భరించాలి. ఆటుపోట్లను తట్టుకుని రాటు దేలాలి. అపుడు మాత్రమే అందరికంటే  మిన్నగా, ఉన్నతంగా నిలుస్తాం. అందులోనూ సినీ పరిశ్రమలో మహిళలు రాణించాలంటే మరింత కష్టపడాలి.  దేశం ఏదేనా.. ప్రాంతం  ఏదైనా సినీ హీరోయిన్లకు ఇదే  పరిస్థితి...! మహీరా ఖాన్ పాకిస్తాన్‌లో పాపులర్‌ హీరోయిన్‌, అత్యధిక పారితోషికం తీసుకునే నటి.'ఖిరాద్'టీవీ సీరియల్‌తో పాటు, ఫవాద్ ఖాన్‌తో నటించిన హమ్‌ సఫర్తో మరింత పాపులరయ్యారు.  2017లో మహిరా షారుఖ్ ఖాన్ సరసన నటించిన రయీస్ అనే చిత్రంతో బాలీవుడ్‌లోకి అడుగుపెట్టింది.  ఇటీవలే వ్యాపారవేత్త సలీం కరీమ్‌తో రెండో వాహం చేసుకుంది.  ఈ వివాహానికి సంబంధించిన  ఫోటోలు,వీడియోలు సోషల్‌ మీడియాలో వైరల్‌  అయ్యాయి. దీంతోపాటు  మహిరా ఖాన్‌ తన జీవితంలో ఎదుర్కొన్న  కష్టాలను, పైకి ఎదగడానికి పడిన పోరాటాన్ని  గుర్తు చేసుకున్నారు. తన కెరీర్‌లో ఒకానొక సమయంలో ఫ్లోర్‌లు ఊడ్చి, టాయిలెట్లను శుభ్రం చేశానని  గతంలో ఒక మ్యాగజైన్‌ ఇచ్చిన  గుర్తు చేసుకున్నారు. చిన్న చిన్న ఉద్యోగాలు చేస్తూ,  జీవనం సాగించానని చెప్పుకొచ్చారు. లాస్ ఏంజిల్స్‌లో ఉంటున్నప్పుడు టాయిలెట్లను శుభ్రం చేయడం,  ఫ్లోర్లను శుభ్రం చేయడం లాంటివి చేశానన్నారు.   నిజానికి చేతిలో ఒక్క డాలర్‌ కూడా లేని టైంలో ఉన్న కొద్ది పాటి భోజనాన్ని  సోదరుడితో కలిసి సర్దుకున్న  వైనాన్ని వివరించారు. బైపోలార్ డిజార్డర్‌తో బాధపడ్డా సెలబ్రిటీ జీవితంలో కఠినమైన విమర్శలు ఎంత అనివార్యమైన భాగమని పేర్కొన్నారు. తాను కూడా  బైపోలార్ డిజార్డర్ అనే 'మానిక్ డిప్రెషన్'తో పోరాడినట్లు వెల్లడించారు. ముఖ్యంగా "రయీస్" చిత్రంతో బాలీవుడ్ పరిశ్రమలోకి ప్రవేశించిన తర్వాత తాను ఎదుర్కొన్న సవాళ్ల గురించి కూడా ఇటీవల వెల్లడించారు. దాదాపు ఆరేడు సంవత్సారలు  యాంటి డిప్రెసెంట్స్‌తో మేనేజ్‌చేసినట్టు తెలిపారు. .తన ఈ ప్రయాణం అంత సులువుగా సాగలేదు కానీ ఒక్కో మెట్టు ఎక్కుతూ ఈ స్థాయికి రావడం తనకు  చాలా గొప్ప విషయంటూ సంతృప్తి వ్యక్తం చేశారు. జీవితంలో చాలాసార్లు ఓడిపోతాం.. కానీ  ఆశాభావంతో ముందుకు సాగాలి. తన జీవితంలో కూడా చాలా కష్టమైన పీరియడ్‌ ఒకటుందని అందరికీ తెలియాలనే తానే విషయాలన్నీ షేర్‌ చేస్తున్నాన్నారు   సలీం కరీమ్‌తో మహిరా ఖాన్ రెండో వివాహం ఈ ఏడాదిల అక్టోబర్ 2 మహీరా ఖాన్ , తన చిరకాల మిత్రుడు సలీం కరీంని రెండో వివాహం చేసుకుంది. అయితే అంతకు ముందు 17 ఏళ్ల వయసులో అలీ అక్సారిని పెళ్లాడింది. అజ్లాన్ అనే కుమారుడున్నాడు. అయితే  2015లో కొన్ని అనివార్య కారణాలతో  ఈ జంట విడిపోయింది.  అటు అలీ కూడా రెండో పెళ్లి  చేసుకున్నాడు. 

కరాచీ : సర్జికల్‌ స్ట్రైక్స్‌-2తో పుల్వామా ఉగ్రదాడికి భారత్‌ ప్రతీకారం తీర్చుకుంది. 12 మిరాజ్‌-2000 జెట్‌ ఫైటర్స్‌తో జైషే స్థావరాలపై మెరుపుదాడులు చేసింది. మిరాజ్‌ బాంబు దాడుల్లో దాదాపు 300 మంది జైషే ఉగ్రవాదులు హతమైనట్టు సమాచారం. తమ జోలికొస్తే ఊరుకునేది లేదని ప్రధాని మోదీ పాక్‌కు గట్టి వార్నింగ్‌ ఇచ్చారు. కాగా, ‘రాయిస్‌’ హీరోయిన్‌, పాక్‌ జాతీయురాలు మహిరాఖాన్‌ సర్జికల్‌ స్ట్రైక్స్‌-2పై కామెంట్‌ చేశారు. సర్జికల్‌ స్ట్రైక్స్‌కు దిగి భారత్‌ తప్పుచేసిందని అన్నారు. పాక్‌ను రెచ్చగొట్టి యుద్ధానికి కాలు దువ్వొద్దని హెచ్చరించారు. (దేశంపై దాడి చేసే ఏ ఉగ్రవాదిని వదిలి పెట్టం : జైట్లీ) ‘పాక్‌ను రెచ్చగొట్టి భారత్‌ తప్పు చేసింది. సర్జికల్‌ స్ట్రైక్స్‌ వంటి చర్యలతో యుద్ధానికి స్వాగతం పలికినట్టే. భారత్‌-పాక్‌ల మధ్య సాధారణ పరిస్థితులు రావాలి’ అని ఆకాక్షించారు. పాక్‌ మాజీ ప్రధాని బెనజీర్‌ భుట్టో మనుమరాలు ఫాతిమా భుట్టో పంపిన ట్వీట్‌కు మహిరా ఈ మేరకు రెస్పాండ్‌ అయ్యారు. షారుఖ్‌ ఖాన్‌ హీరోగా రాహుల్‌ డోలకియా దర్శకత్వంలో తెరకెక్కిన యాక్షన్‌, క్రైమ్‌ థ్రిల్లర్‌ ‘రాయిస్‌’ సినిమాలో మహిరా హీరోయిన్‌గా నటించారు. ఈ సినిమా 2017లో విడుదలైంది. (భారత్‌-పాక్‌ టెన్షన్‌: మళ్లీ స్పందించిన చైనా)


 రైల్వే ఆస్తులపై దాడిచేసి, వాటిని ధ్వంసం చేసినందుకు బాలీవుడ్ బాద్షా షారుక్ ఖాన్‌పై రైల్వే పోలీసులు కేసు పెట్టారు. రాజస్థాన్‌లోని కోటా రైల్వేస్టేషన్ వద్ద తన సినిమా ప్రమోషన్ కోసం ఆయన వచ్చినప్పుడు ఈ పనిచేశాడని, ప్రభుత్వ రైల్వే పోలీసులు తెలిపారు. కోటా రైల్వేస్టేషన్‌లో ప్లాట్‌ఫాం మీద ఉన్న ఓ వర్తకుడు దాఖలు చేసిన పిటిషన్‌ను విచారించిన రైల్వేకోర్టు షారుక్‌పై కేసు పెట్టాలని సూచించడంతో జీఆర్పీ సిబ్బంది కేసు నమోదుచేశారు. షారుక్ ఖాన్ జనవరి 23వ తేదీన కోటా రైల్వేస్టేషన్‌కు వచ్చారని, అక్కడ ఆయన అభిమానులు విపరీతంగా రావడంతో స్టేషన్ మొత్తం ధ్వంసమైందని విక్రమ్ సింగ్ అనే వ్యాపారి ఆరోపించారు. 
  
 ఆరోజు ఆగస్ట్ క్రాంతి రాజ్‌ధాని ఎక్స్‌ప్రెస్ రైలు బోగీ గేటు వద్ద నిలబడిన షారుక్.. ప్రజల్లోకి ఏదో విసిరాడని, దాంతో దాన్ని పట్టుకోడానికి అందరూ ఒక్కసారిగా అటువైపు వెళ్లడంతో తన ట్రాలీ తిరగబడిపోయి అందులో ఉన్న ఆహార పదార్థాలన్నీ ధ్వంసమయ్యాయని, తనకు కూడా తీవ్రంగా గాయాలయ్యాయని విక్రమ్ సింగ్ తెలిపారు. అతడి ఫిర్యాదు మేరకు షారుక్ ఖాన్‌పై ఐపీసీ సెక్షన్లు 427, 120 (బి), 147, 149, 160ల కింద కేసులు పెట్టారు. దాంతోపాటు రైల్వే చట్టంలోని 145, 146, 3 సెక్షన్ల కింద కూడా కేసులు నమోదు చేశారు. 


 పాకిస్థానీ నటి మాహిరా ఖాన్ హీరోయిన్‌గా నటించినా కూడా రయీస్ సినిమాను విడుదల చేసేందుకు పాకిస్థాన్ సెన్సార్ బోర్డు నిరాకరించింది. ఈ సినిమాలో ముస్లింలను నేరస్తులు గాను, ఉగ్రవాదులుగాను చిత్రీకరించారని, అందువల్ల ఇస్లాం మతాన్ని కించపరిచే సినిమాకు పాక్‌లో చోటు లేదని స్పష్టం చేసింది. రయీస్ సినిమాలో హీరో షారుక్ ఖాన్ గుజరాత్‌లో మద్యనిషేధం ఉన్నా దొంగతనంగా సారా, మద్యం అమ్ముతుంటాడు. చివర్లో డబ్బు అవసరమై బంగారం స్మగ్లింగ్ చేస్తున్నాననుకుని ఆర్డీఎక్స్‌ను స్మగ్లింగ్ మార్గంలో భారతదేశంలోకి తీసుకొస్తాడు. దాంతో ఉగ్రవాదులు జరిపే పేలుళ్లలో వెయ్యిమందికి పైగా మరణిస్తారు. ఈ కథ నేపథ్యంలోనే పాకిస్థాన్ ఈ సినిమాను నిషేధించడంతో సినిమా కలెక్షన్లకు కొంత దెబ్బ పడే అవకాశం కనిపిస్తోంది. 
  
 గత సంవత్సరం భారత్-పాక్ ఉద్రిక్తతల నేపథ్యంలో అక్కడి కళాకారులు నటించిన సినిమాలను భారతదేశంలో ఆడనిచ్చేది లేదంటూ కొన్ని పార్టీలు హుకుం జారీ చేయడంతో పాకిస్థాన్‌లో బాలీవుడ్ సినిమాలను నిషేధించారు. ఆ తర్వాత ప్రభుత్వం ఆ నిషేధాన్ని ఎత్తేసింది. అయినా ఇప్పుడు సినిమా కథ.. కథనం నేపథ్యంలో రయీస్‌ను అక్కడ నిషేధించారు. అయితే, ఇప్పటికే సినిమా పైరేటెడ్ సీడీలు పాకిస్థాన్ మార్కెట్లోకి విస్తృతంగా వెళ్లిపోయాయి. స్థానిక కేబుల్ ఆపరేటర్లు కూడా ఈ సినిమాను తరచు టీవీలలో ప్రదర్శిస్తూనే ఉన్నారు. దాంతో ప్రేక్షకులు మాత్రం సినిమాను ఎంజాయ్ చేస్తున్నారు.


 న్యూఢిల్లీ: సెలబ్రిటీలతో ఎవరైనా సెల్ఫీలు తీసుకుని సోషల్ మీడియాలో అప్ లోడ్ చేస్తుంటారు. అయితే తన లేటెస్ట్ మూవీ 'రాయిస్' ప్రమోషన్లలో భాగంగా బాలీవుడ్ బాద్‌షా షారుక్ ఖాన్ పుణెలో ఓ కాలేజీలో సెల్ఫీలు తీసుకున్నారు. షారుక్ కలెక్ట్ చేసిన ఓ ఫొటోను గతవారం తన ఫేస్‌బుక్ ఖాతాలో పోస్ట్ చేయడంతో ఫొటో వైరల్‌గా మారింది. దీంతో 21 ఏళ్ల యువతి సైమా హుస్సేన్ ఇంటర్‌నెట్ సెన్సేషన్‌గా మారిపోయింది. హీరో పోస్ట్ చేసిన ఒక్క ఫొటో యువతికి ఎక్కడలేని క్రేజ్ తెచ్చిపెట్టింది. ఆ ఫొటోకు విపరీతంగా లైక్స్, షేర్లతో పాటుగా ఆ యువతి ఎవరు, ఆమె వివరాలు తెలిస్తే ప్లీజ్ చెప్పాలంటూ నెటిజన్లు కామెంట్ బాక్స్‌లో అడిగారు. చివరగా ఆమె వివరాలను కొందరు బయటపెట్టారు.
 
 ఈ ఫొటోలో ఆలీవ్ గ్రీన్ టాప్‌లో ఉన్న యువతి చూపులు ఎందరినో ఆకట్టుకున్నాయి. యువతి పేరు సైమా హుస్సేన్ మీర్. ఈమెది కశ్మీర్ లోని శ్రీనగర్ ప్రాంతం. షారుక్ పోస్ట్ చేసిన ఒక్క ఫొటోతో పాపులర్ అయిపోయింది సైమా. ఆమె చాలా అందంగా ఉందని మోడల్‌గా రాణించే అవకాశాలు ఉన్నాయని నెటిజన్లు భావిస్తున్నారు. ఫేస్‌బుక్ యూజర్లు సెర్చ్‌ చేసి సైమా వివరాలతో పాటు ఆమె ఫొటోలను వెతికి విపరీతంగా లైక్స్ కొడుతూ, షేర్లు చేస్తున్నారు.
 


 షారుక్ ఖాన్ పేరు వింటే చాలు.. హీరోయిన్లు ఫిదా అవుతారు. ఆయనతో నటించే చాన్సు ఒక్కసారి వస్తే చాలనుకుంటారు. పాకిస్థానీ నటి మాహిరా ఖాన్ కూడా అలాగే భావించింది. రయీస్‌ సినిమాలో షారుక్ సరసన నటించిన మాహిరా.. ఫొటో షూట్ విషయంలో అతడి గురించి చాలా ఊహించాను గానీ, కాస్త అప్‌సెట్ అయ్యానని చెప్పింది. రయీస్ సినిమాకు తాను సంతకం చేసిన తర్వాత, ఫొటో షూట్ ఉంటుందని చెప్పారని, షారుక్ కూడా వస్తున్నారన్నారని, దాంతో తాను వెంటనే అక్కడకు పరిగెత్తుకుంటూ వెళ్తే.. ఆయన కేవలం హాయ్.. హలోతోనే సరిపెట్టేశారని మాహిరా తెలిపింది. కొంతసేపటి తర్వాత అక్కడ గాలి వీస్తుందని, చుట్టూ ఆకులు రాలతాయని.. ఇలా చాలా చాలా ఊహించాను గానీ అలా ఏమీ జరగలేదని చెప్పింది. బహుశా షారుక్ చేతులు చాచి పిలవని ఏకైక హీరోయిన్ తానే అయి ఉంటానని కాస్తంత బాధపడింది. 
  
 వెంటనే దానికి స్పందించిన షారుక్.. ''నువ్వు చాలా చిన్నదానివి.. నేను నిన్ను ఒక పాటలో ఎత్తుకున్నా'' అన్నాడు. షారుక్ ఖాన్‌తో నటించే అవకాశం వచ్చిందనగానే తాను చాలా ఉద్వేగానికి గురయ్యానని, ఆయన సినిమాలు చూస్తూనే తాను నటిగా ఎదిగానని మాహిరా తెలిపింది. ముంబైలో అడుగుపెట్టగానే తన దుపట్టా గాల్లో ఎగురుతూ వెళ్తుందని, షారుక్ తనవైపు పరుగున వస్తారని అనుకున్నాను గానీ అలా ఏమీ జరగలేదని చెప్పింది. దాంతో, ''ఇప్పుడు నువ్వు ఒకరకంగా నా వయసు ఎంతన్న విషయం అందరికీ చెప్పేస్తున్నావు. దుపట్టా సీన్ మనకు గుజరాత్‌లో ఉంది.. బడ్జెట్ ఎక్కువ లేదు కాబట్టి అలా చేశారు గానీ, లేకపోతే స్విట్జర్లాండ్‌లో తీసేవాళ్లం'' అని షారుక్ జోకు పేల్చాడు. హిందీ సినిమాలో డాన్సు చేస్తూ, ముఖంలో భావాలు కూడా పలికించడం తనకు చాలా కష్టమైందని మాహిరా చెప్పింది.


 రాహుల్‌ దోలాఖియా దర్శకత్వంలో తెరకెక్కిన మూవీ 'రాయిస్' భారత్‌లోనే కాదు విదేశాల్లోనూ భారీ కలెక్షన్లతో దూసుకుపోతుంది. బాలీవుడ్ బాద్‌షా షారుఖ్ ఖాన్‌, నవాజుద్దీన్‌ సిద్ధిఖీ ప్రధానపాత్రలో గత బుధవారం విడుదలైన ఈ మూవీకి భిన్న స్పందనలు వస్తున్నా, కలెక్షన్ల పరంగా సక్సెస్ వైపు నడుస్తోంది. ఓవరాల్‌గా శనివారం నాటికి రూ.121 కోట్లు వసూలు చేసింది. విదేశాలలో రూ.45.63 కోట్లు వసూలు చేసిన రాయిస్.. కేవలం యునైటెడ్ అరబ్ ఎమిరేట్స్‌ ఏరియాలలో తొలి నాలుగు రోజుల్లో రూ.20.43 కోట్లు (మూడు మిలియన్ డాలర్లు) వసూలు చేసిందని బాలీవుడ్ ట్రేడ్ విశ్లేషకుడు తరణ్ ఆదర్శ్ ట్వీట్ చేశారు.  
 
 దేశ వ్యాప్తంగా రెండురోజుల్లో రూ. 46.72 కోట్లు కొల్లగొట్టిన ఈ మూవీ నాలుగు రోజుల్లో రూ.75.44 కోట్లు రాబట్టిందని ట్వీట్ చేశారు. దీంతో ఓవరాల్‌గా రాయిస్ నాలుగోరోజు కలెక్షన్లతో వంద కోట్ల వసూళ్లతో దూసుకుపోతుంది. మంచి కలెక్షన్లు రాబట్టి రాయిస్ జబర్దస్త్‌గా రన్ అవుతుందని ట్వీట్‌లో రాసుకొచ్చారు. మరోవైపు హృతిక్ ఛాలెంజింగ్‌గా తీసుకుని అంధుడి పాత్రలో కనిపించిన మూవీ కాబిల్‌ కలెక్షన్లలో మాత్రం వెనకబడి పోయింది.
 
 #Raees is EXCELLENT... Wed 20.42 cr, Thu 26.30 cr, Fri 13.11 cr, Sat 15.61 cr. Total: ₹ 75.44 cr. India biz.
 — taran adarsh (@taran_adarsh) 29 January 2017 
  
 
 #Raees is TERRIFIC internationally... OVERSEAS - Wed to Sat: $ 6.7 million [₹ 45.63 cr]... Some territories/screens yet to report.
 — taran adarsh (@taran_adarsh) 29 January 2017


 ముంబై: రాహుల్ దోలాఖియా దర్శకత్వంలో బాలీవుడ్‌ బాద్‌షా షారుఖ్‌ ఖాన్‌ నటించి నిర్మించిన చిత్రం ‘రాయిస్’. షారుఖ్ మూవీతో పాటు హృతిక్ రోషన్ హీరోగా నటించిన 'కాబిల్' ఈ బుధవారం విడుదలైనా.. రాయిస్ మాత్రం కలెక్షన్లతో దూసుకుపోతోంది. షారుఖ్ లేటెస్ట్ మూవీపై బాలీవుడ్ ప్రముఖుల నుంచి మంచి స్పందన వస్తోంది. బాలీవుడ్ సూపర్ స్టార్ అమితాబ్ బచ్చన్ రాయిస్‌ మూవీలో షారుఖ్ నటనపై ట్వీట్ చేశాడు. ముందుగా షారుఖ్‌ను అభినందించిన బిగ్ బి అమితాబ్.. రాయిస్‌లో నీ ఆవేశం నచ్చిందంటూ ట్వీట్‌లో రాసుకొచ్చారు.
 
 అమితాబ్ లాంటి గొప్పనటుడు తనను కంగ్రాట్స్ చెప్పడంతో పాటు ప్రశంసించడాన్ని షారుఖ్‌ చాలా వినమ్రంగా రిసీవ్ చేసుకున్నారు. బాలీవుడ్‌లో యాంగ్రీ యంగ్ మ్యాన్‌గా పేరున్న అమితాబ్‌ ట్వీట్‌కు షారుక్‌ రీట్వీట్ చేస్తూ.. సార్ మీనుంచి ఈ ఆవేశాన్ని, నటన నేర్చుకున్నానని తన హోదాను మరింత పెంచుకున్నాడు షారుఖ్. దీంతో అమితాబ్ వారసుడిగా బాలీవుడ్‌ న్యూ యాంగ్రీ మ్యాన్ షారుఖ్ అంటూ ఇండస్ట్రీ వర్గాలు స్పందిస్తున్నాయి. మరోవైపు రాయిస్ విడుదలను కొన్ని నెలలుగా నిలుపుదలచేస్తూ ఇప్పుడు విడుదల చేయడం తమ సినిమాకు తీవ్ర నష్టాన్ని కలిగించిందని హృతిక్ తండ్రి రాకేశ్ రోషన్ ఆరోపించిన విషయం తెలిసిందే.
  
 
 Aap se hi seekha hai sir. https://t.co/i7rG0gYsrn
 — Shah Rukh Khan (@iamsrk) 26 January 2017
  
 
 T 2515 - Congratulations Shahrukh .. RAEES .. loved your anger in it !! pic.twitter.com/cfRr24jz0n
 — Amitabh Bachchan (@SrBachchan) 26 January 2017


 కరాచీ: హృతిక్ రోషన్‌ తాజా చిత్రం ‘కాబిల్’ ప్రదర్శనకు పాకిస్తాన్ పచ్చజెండా ఊపింది. ఈ సినిమాను తమ దేశంలో విడుదల చేసేందుకు పాకిస్తాన్ అనుమతి ఇచ్చింది. ప్రధాని నవాజ్ షరీఫ్ ఏర్పాటు చేసిన కమిటీ నో అబ్జెక్షన్ సర్టిఫికెట్‌(ఎన్ఓసీ) మంజూరు చేసింది. ఈ వారాంతంలో ‘కాబిల్’  పాకిస్తాన్ లో విడుదలకానుంది. సరిహద్దులో ఉద్రిక్తతల నేపథ్యంలో నాలుగు నెలలుగా భారత సినిమాల విడుదలపై పాకిస్తాన్ లో నిషేధం కొనసాగుతోంది.
 
 షారూఖ్‌ ఖాన్ లేటెస్ట్ మూవీ ‘రాయిస్’ కూడా పాకిస్తాన్ లో విడుదల చేసేందుకు సన్నాహాలు చేస్తున్నారు. ‘సెన్సార్ బోర్డు నుంచి ఎన్ ఓసీ కోసం చూస్తున్నాం. అనుమతి వచ్చిన వెంటనే రాయిస్ సినిమాను విడుదల చేస్తామ’ని హమ్ ఫిలిమ్స్ ప్రతినిధి ఒకరు పీటీఐతో చెప్పారు. రాయిస్ సినిమాలో పాక్ నటి మహిరా ఖాన్‌ హీరోయిన్‌ గా నటించింది. పాకిస్తాన్ లో ఈ రెండు సినిమాలు విడుదలైతే మిగతా చిత్రాలకు మార్గం సుగమం అవుతుందని సినీపరిశ్రమలోని వారు అభిప్రాయపడుతున్నారు. రాయిస్, కాబిల్ సినిమాలు ప్రపంచవ్యాప్తంగా ఈ నెల 25న విడుదలయ్యాయి.


 బాలీవుడ్ సూపర్‌స్టార్ షారుక్ ఖాన్ నటించిన రయీస్ సినిమా విడుదలపై నీలినీడలు కమ్ముకున్నాయి. రిపబ్లిక్ డే సందర్భంగా అంటే వచ్చే సంవత్సరం జనవరి 26వ తేదీన ఈ సినిమా విడుదల కావాల్సి ఉంది. కానీ, సినిమాలో హీరోయిన్‌గా పాకిస్థానీ నటి మహీరా ఖాన్ నటించడమే సినిమాకు పెద్ద అడ్డంకిగా మారింది. పాకిస్థానీ నటులు నటించిన సినిమాలను విడుదల కానివ్వబోమని మహారాష్ట్ర నవనిర్మాణ సేన అధిపతి రాజ్ ఠాక్రే ఇంతకుముందే గట్టిగా వార్నింగ్ ఇచ్చిన నేపథ్యంలో ఈ సినిమా ఏమవుతుందోనన్న ఆందోళనలు మొదలయ్యాయి. దాంతో.. సినిమా హీరో షారుక్ ఖాన్ స్వయంగా రాజ్‌ఠాక్రే వద్దకు వెళ్లి సినిమా గురించి, సినిమా ప్రచారం గురించి వివరణ ఇచ్చుకున్నారు. 
  
 మాహిరాఖాన్ ఈ సినిమాను భారతదేశంలో ఏమాత్రం ప్రమోట్ చేయబోదని షారుక్ చెప్పారు. గతంలో మహారాష్ట్ర ముఖ్యమంత్రి దేవేంద్ర ఫడ్నవిస్ సమక్షంలో జరిగిన సమావేశంలో భవిష్యత్తులో తీయబోయే సినిమాలు వేటిలోనూ పాకిస్థానీ ఆర్టిస్టులు ఉండబోరని హామీ ఇచ్చారని, అలాగే ఇప్పుడు ఈ సినిమాకు సంబంధించి మాహిరాఖాన్ ప్రచారం చేస్తుందంటూ వచ్చిన కథనాలను కూడా షారుక్ ఖండించారని రాజ్ ఠాక్రే చెప్పారు. అయితే ఇంతకుముందు ఈ సినిమా నిర్మాత రితేష్ సిధ్వానీ మాత్రం మాహిరా ఖాన్‌కు పూర్తి మద్దతుగా నిలిచారు. అవసరమైతే ఆమెతో కూడా భారతదేశంలో సినిమాను ప్రమోట్ చేయిస్తామని ఆయన చెప్పారు. పాకిస్థానీ నటులు భారతదేశంలో ప్రవేశించకుండా ప్రభుత్వం వైపు నుంచి నిషేధం ఏమీ లేదని అన్నారు. కరాచీకి చెందిన మాహిరా ఖాన్ (31) దుబాయ్‌లో షారుక్‌తో కలిసి రెండు పాటల షూటింగ్‌లో పాల్గొంటుందని ఇంతకుముందు వార్తలొచ్చాయి. 


 ముంబై: బాలీవుడ్ హాట్ బ్యూటీ సన్నీ లియోన్ మరో కొత్త అవతారం ఎత్తింది. ఇప్పటి వరకు స్కిన్ షోకే పరిమితమైన అందాల భామ ఇప్పుడు సింగర్ గా మారింది. తొలిసారిగా గొంతు సవరించుకుని పాట అందుకుంది. మైక్ ముందు బుద్ధిగా నించుని తాను పాట పాడుతున్న ఫొటోను ట్విటర్ లో పెట్టింది. మైక్ ముందు గట్టిగా పాట పాడడానికి చాలా భయపడ్డానని, నెల రోజుల పాటు రిహార్సిల్ చేశానని వెల్లడించింది. తన పాట అందరికీ నచ్చుతుందన్న ఆశాభావాన్ని వ్యక్తం చేసింది.
 
 'వన్ నైట్' సినిమాలో చివరిసారిగా కనిపించిన సన్నీ లియోన్ ప్రస్తుతం యూత్ రియాలిటీ షో 'ఎంటీవీ స్ల్పిట్స్ విల్లా సీజన్ ౯'కు హోస్ట్ గా చేస్తోంది. షారూఖ్ ఖాన్ తాజా చిత్రం 'రాయిస్' సినిమాలో ఐటెం పాట కోసం సన్నీ లియోన్ ను సంప్రదించినట్టు సమాచారం. 1980 దశకంలో హిట్టైన 'ఖుర్బానీ' సినిమాలోని లైలా ఓ లైలా' రీమిక్స్ పాటలో సన్నీ లియోన్ ను నటింపజేయాలని చూస్తున్నారు. ఈ సాంగ్ ఒరిజినల్ వెర్షన్ లో ఫిరోజ్ ఖాన్, జీనత్ అమన్ నటించారు.
 
 Went head on w/one of my biggest fears-singing out loud!Spent the month rehearsing!Hope u like it!! pic.twitter.com/b8chjZ7rt4
 — Sunny Leone (@SunnyLeone) 4 July 2016


 మరో పాకిస్థానీ నటి బాలీవుడ్ తెరంగేట్రం చేయబోతోంది. అది కూడా వాళ్లు, వీళ్ల పక్కన కాదు.. కింగ్ ఖాన్ సరసన! రయీస్ సినిమాలో తన సరసన పాకిస్థానీ నటి మహీరా ఖాన్ నటిస్తోందని షారుక్ ఖాన్ చెప్పాడు. ఈ క్రైం థ్రిల్లర్ సినిమాలో తామిద్దరి ఆన్ స్క్రీన్ కెమిస్ట్రీ చాలా బాగుంటుందని ఆశిస్తున్నానన్నాడు. పాకిస్థాన్లో ప్రాచుర్యం పొందిన 'హమ్సఫర్' అనే షోలో ప్రధాన పాత్రతో అందరినీ ఆకట్టుకున్న మహీరా.. తన సినిమాలో నటిస్తున్న విషయాన్ని షారుక్ నిర్ధరించాడు.
 
 రయీస్లో తమ జోడీ కచ్చితంగా బాగుంటుందని షారుక్ అన్నాడు. దాంతో ఎంతో సంబరపడిపోయిన మహీరా.. మీరు, మీ కుటుంబం అంతా బాగున్నారని ఆశిస్తున్నా అంటూ ట్వీట్ చేసిందట. రాహుల్ ఢోలకియా దర్శకత్వం వహిస్తున్న ఈ సినిమాలో నవాజుద్దీన్ సిద్దిఖీ కూడా నటిస్తున్నాడు. ఈ సినిమాలో షారుక్ ఖాన్ ఓ లిక్కర్ కింగ్ పాత్ర పోషిస్తున్నాడు. వచ్చే ఏడాది ఈద్ నాటికి సినిమా విడుదల అవుతుందని, అదే సమయంలో సల్మాన్ ఖాన్ నటిస్తున్న 'సుల్తాన్' కూడా విడుదల కానుంది.