సాక్షి, హైదరాబాద్‌: సూపర్‌ స్టార్‌ మహేష్‌ బాబు హీరోగా నటించిన మొదటి చిత్రం ‘రాజకుమారుడు’ విడుదలై నేటికి (గురువారం) 21 వసంతలు పూర్తి చేసుకుంటోంది. 1999 జూలై 30న విడుదలైన ఈ సినిమా బ్లాక్‌ బస్టర్‌ హిట్‌ అవ్వడమే కాకుండా మహేష్‌కు మంచి పేరును తెచ్చిపెట్టింది. దర్శకేంద్రుడు కె.రాఘవేంద్ర రావు దర్శకత్వం వహించిన ఈ సినిమాను వైజయంతి బ్యానర్‌లో అశ్వినీదత్‌ నిర్మించారు. బాలీవుడ్ భామ ప్రీతి జింతా హీరోయిన్‌ నటించిన ఈ సినిమాకు మణిశర్మ సంగీతం అందించారు. ప్రకాష్ రాజ్ కీలక పాత్ర పోషించగా, సూపర్ స్టార్ కృష్ణ క్యామియో రోల్ చేయడం విశేషం. కాగా హీరోగా 21 ఏళ్ల కెరీర్ పూర్తి చేసుకున్న మహేష్ ఇప్పటి వరకు 26 సినిమాలు చేశాడు. (టాలీవుడ్‌ టాప్-10 లవింగ్‌ హీరోలు!) ఈ సందర్భంగా ప్రిన్స్‌ మహేష్‌బాబు ట్విటర్‌లో పోస్ట్‌ చేశారు. తనకు తొలి చిత్రం రాజకుమారుడు హిట్‌ ఇచ్చినందుకు రాఘవేంద్రరావు, చిత్ర యూనిట్‌కు కృతజ్ఞతలు తెలిపారు. ఈ సినిమా అనుభవంతో నటనలో తనెంతో నేర్చుకున్నట్లు వెల్లడించారు. రాఘవేంద్ర రావు, చిత్ర యూనిట్‌తో కలిసిన పనిచేసినందుకు చాలా సంతోషంగా ఉందన్నారు. ఈ సినిమా ద్వారా ఎన్నో మధుర జ్ఞాపకాలు అందించిన అశ్వినీదత్‌కు చిత్ర బృందానికి రాఘవేంద్రరావు శుభాకాంక్షలు తెలిపారు. మహేష్‌ బాబు తన కెరీర్‌లో ఇంకెన్నో విజయాలు సాధించాలని ఆశీర్వదించారు. ఈ మేరకు సినిమాకు సంబంధించిన కొన్ని ఫోటోలను ట్విటర్‌లో పోస్టు చేశారు. (‘శభాష్‌ సైబరాబాద్‌ పోలీస్‌.. ఎస్‌సీఎస్‌సీ’ ) 21 years and how ❤️❤️❤️ Thank you @Ragavendraraoba for making my first a super special one. The learning that came with the experience is something I'll always cherish. Extremely glad to have known and worked with you and our amazing team🤗#21YearsForRajakumarudu pic.twitter.com/OqRio9280o — Mahesh Babu (@urstrulyMahesh) July 30, 2020 రాజకుమారుడు కి 21 వసంతాలు... ఎన్నో మధుర జ్ఞాపకాలు... మా అశ్వినీదత్ కి మరియు చిత్రబృందానికి శుభాకాంక్షలు. మా మహేష్ బాబు ఇంకెన్నో విజయాలు సాధించాలని ఆశీర్వదిస్తున్నాను...@urstrulyMahesh @realpreityzinta@VyjayanthiFilms #Manisharma#21YearsForRajakumarudu pic.twitter.com/jlQnGZVlIn — Raghavendra Rao K (@Ragavendraraoba) July 30, 2020 మా రాజకుమారుడు కి 21 వసంతాలు ❤️@urstrulyMahesh @Ragavendraraoba#Manisharma @realpreityzinta@adityamusic @VyjayanthiFilms#21YearsForRajakumarudu pic.twitter.com/ZYiaiy9gfh — Vyjayanthi Movies (@VyjayanthiFilms) July 30, 2020


 ప్రస్తుతం స్టార్ హీరోలందరూ తన మార్కెట్ పరిధిని పెంచుకునే ఆలోచనలో ఉన్నారు. అందుకే ఇతర భాషల్లో కూడా తమ సినిమాలను రిలీజ్ చేస్తూ భారీ కలెక్షన్లను టార్గెట్ చేస్తున్నారు. టాలీవుడ్ సూపర్ స్టార్ మహేష్ బాబు కూడా అదే బాటలో నడుస్తున్నాడు. గతంలో మహేష్ హీరోగా తెరకెక్కిన అతడు, దూకుడు, వన్ నేనొక్కడినే లాంటి సినిమాలు తమిళ్ కూడా రిలీజ్ అయ్యాయి. ఇక ఇటీవల విడుదలైన బ్రహ్మోత్సవం సినిమాను తెలుగు, తమిళ భాషల్లో ఒకేసారి రిలీజ్ చేశారు.
 
 మహేష్కు తమిళ నాట కూడా మంచి మార్కెట్ ఏర్పడటంతో ప్రస్తుతం తమిళ స్టార్ డైరెక్టర్ మురుగదాస్ దర్శకత్వంలో ఓ యాక్షన్ సినిమా చేస్తున్నాడు. ఈ సినిమాను తెలుగు, తమిళ భాషల్లో ఒకేసారి రూపొందిస్తున్నారు. అయితే ఈ సమయంలో మహేష్ హీరోగా తెరకెక్కిన తొలి సినిమాను తమిళ్లో డబ్ చేసి రిలీజ్ చేశారు. దాదాపు 18 ఏళ్ల తరువాత మహేష్ హీరోగా పరిచయం అయిన రాజకుమారుడు సినిమాను కోలీవుడ్లో జనవరి 27న రిలీజ్ అయ్యింది.
 
 భారీ చిత్రంతో తమిళ ప్రేక్షకులను అలరించేందుకు రెడీ అవుతున్న సూపర్ స్టార్, ఈ సమయంలో తన తొలి సినిమా డబ్బింగ్ వర్షన్ రిలీజ్కు అంగీకరించటం రిస్క్ అన్న టాక్ వినిపిస్తోంది. రాజకుమారుడు సినిమాలో మహేష్ లుక్స్, నటన అంత మెచ్యూర్డ్గా కనిపించవు దీంతో మురుగదాస్ సినిమాకు ముందు ఈ సినిమా చూసిన ఆడియన్స్కు నెగెటివ్ ఇంప్రెషన్ పడే అవకాశం ఉందన్న టాక్ వినిపిస్తోంది. అయినా మహేష్, రాజకుమారుడు రిలీజ్కు అంగీకరించడం  ఇండస్ట్రీ వర్గాలను ఆశ్చర్యపరుస్తోంది.


 మహేశ్‌బాబు హీరోగా నటించబోయే 25వ చిత్రానికి దర్శక–నిర్మాతలు ఖరారయ్యారు. హీరోగా మహేశ్‌ మొదటి చిత్రం ‘రాజకుమారుడు’ నిర్మాత సి. అశ్వినీదత్, మహేశ్‌ నటించిన మొదటి మల్టీస్టారర్‌ ‘సీతమ్మ వాకిట్లో సిరిమల్లె చెట్టు’ నిర్మాత ‘దిల్‌’ రాజు సంయుక్తంగా ఈ చిత్రాన్ని నిర్మించనున్నారు. ‘ఊపిరి’తో మంచి విజయం అందుకున్న వంశీ పైడిపల్లి ఈ చిత్రానికి దర్శకుడు. అమెరికా నేపథ్యంలో మంచి కుటుంబ విలువలతో కూడిన కథను దర్శకుడు సిద్ధం చేశారట.
 వచ్చే ఏడాది ద్వితీయార్ధంలో ఈ చిత్రం ప్రారంభం కానుందని సమాచారం. ప్రస్తుతం ఏ.ఆర్‌. మురుగదాస్‌ దర్శకత్వంలో మహేశ్‌బాబు హీరోగా తెలుగు, తమిళ చిత్రం రూపొందుతోన్న సంగతి తెలిసిందే. ఈ చిత్రానికి ‘సంభవామి’ అనే టైటిల్‌ పరిశీలనలో ఉందట! దీని తర్వాత  డీవీవీ దానయ్య నిర్మాణంలో కొరటాల శివ దర్శకత్వం వహించనున్న చిత్రంలో మహేశ్‌బాబు నటిస్తారు. ఆ తర్వాత ఇరవై అయిదో సినిమా ఆరంభమవుతుందని ఊహించవచ్చు.


 ప్రిన్స్ మహేష్ బాబు హీరోగా టాలీవుడ్ ఇండస్ట్రీలో అడుగుపెట్టి శనివారానికి 17 ఏళ్లు పూర్తయ్యింది. కె.రాఘవేంద్రరావు డైరెక్షన్లో 'రాజకుమారుడు' సినిమాతో తొలిసారి హీరోగా అలరించిన మహేష్.. ఇక ఆ తర్వాత వెనక్కి తిరిగి చూస్కోలేదు. ఇండస్ట్రీ రికార్డులను తిరగరాసే సూపర్ హిట్స్కు కేరాఫ్ అడ్రస్ అయ్యాడు. 1999 జూలై 30వ తేదీన రిలీజైన రాజకుమారుడు బాక్సాఫీసు వద్ద భారీ హిట్ను నమోదు చేయటంతో పాటు మహేష్కు 'ప్రిన్స్' అనే పేరు కూడా ఫిక్స్ చేసింది. శనివారానికి ఆ సినిమా రిలీజై 17 ఏళ్లు పూర్తికావడంతో అభిమానులు అప్పటి జ్ఞాపకాలను గుర్తుచేసుకుంటున్నారు.  
 
 సూపర్ స్టార్ కృష్ణ వారసుడిగా అడుగుపెట్టినా తనదైన స్టైల్తో, నటనతో.. అన్నిటికీ మించి తనకి మాత్రమే సొంతమైన గ్లామరస్ లుక్తో టాలీవుడ్ను ఏలేస్తున్నాడు మహేష్. తెర మీద నటనతో పాటు, తెర వెనుక ఆయన వ్యక్తిత్వం కూడా మహేష్ స్టార్ డమ్ను మరింత పెంచిందని చెప్పొచ్చు. ఇప్పుడు మహేష్ అంటే పేరు కాదు.. ఒక బ్రాండ్. యూత్ ఐకాన్. సినిమా జయాపజయాలతో సంబంధం లేకుండా ఆయన నటనకు ప్రశంసలు వెల్లువెత్తుతూనే ఉంటాయి. సినిమా జయాపజయాలకు పూర్తిగా తనదే బాధ్యత అంటాడు మహేష్. స్టోరీ డిస్కషన్ సమయంలోనే తనకు నచ్చనప్పుడు దాన్ని  వదిలేస్తే ఆ ప్రాజెక్టు ఫ్లాప్ కాదు కదా అన్నది ఆయన వాదన. తాను కన్విన్స్ అయిన తర్వాత ఆ సినిమా విజయవంతం అయినా, ఫ్లాపయినా తానే బాధ్యత వహిస్తానంటాడు. అదే ప్రిన్స్ స్పెషాలిటీ. ప్రస్తుతం మహేష్.. ప్రముఖ తమిళ దర్శకుడు మురుగదాస్ డైరెక్షన్లో నటిస్తున్నాడు. ఇంకా టైటిల్ ఖరారు కాని ఆ క్రేజీ ప్రాజెక్టుపై అభిమానులు భారీ అంచనాలతో ఉన్నారు.