పట్నా: కేంద్ర మాజీ మంత్రి, ఎంపీ మహ్మద్ తస్లీముద్దీన్ కు ఆర్జేడీ షోకాజ్ నోటీసు జారీ చేసింది. బిహార్ ముఖ్యమంత్రి  నితీశ్ కుమార్ పై చేసిన వ్యాఖ్యలపై వివరణ ఇవ్వాలని ఆదేశించింది. ప్రధాని పదవికి నితీశ్ కుమార్ తగరని ఆయన వ్యాఖ్యానించారు. సొంత రాష్ట్రంలో శాంతిభద్రలు కాపాడలేని ఆయన ప్రధానమంత్రి పదవికి అనర్హుడని విమర్శించారు. ప్రధాని పదవి గురించి నితీశ్ మరిచిపోవాలని సలహాయిచ్చారు.
 
 రాష్ట్రంలో అంతా బాగుందని అందరినీ నితీశ్ తప్పుదోవ పట్టిస్తున్నారని దుయ్యబట్టారు. ప్రజల సొమ్మును లూటీ చేస్తున్నారని ఆరోపించారు. జేడీ(యూ)కు ఆర్జేడీ మద్దతు ఉపసంహరించాలని డిమాండ్ చేశారు. ప్రధానమంత్రి పదవి కోసం పగటి కలలు కంటున్నారని వ్యాఖ్యానించారు. బిహార్ లో హత్యలు పెరిగిపోయాయని, పాలన కుప్పకూలిందని తస్లీముద్దీన్ విమర్శించారు. నితీశ్ పై తీవ్ర విమర్శలు చేయడంతో తస్లీముద్దీన్ కు ఆర్జేడీ షోకాజ్ నోటీసు ఇచ్చింది.


 కిషన్ గంజ్: బిహార్ ముఖ్యమంత్రి నితీశ్ కుమార్ ప్రధాని అభ్యర్థిగా తగరని కేంద్ర మాజీ మంత్రి, ఆర్జేడీ ఎంపీ మహ్మద్ తస్లీముద్దీన్ అన్నారు. బిహార్ లో సుపరిపాలన అందించడంలో విఫలమైన నితీశ్ ప్రధాని కావాలని పగటి కలలు కంటున్నారని ఎద్దేవా చేశారు. 'నితీశ్ కుమార్ పీఎం అభ్యర్థిత్వానికి అనర్హుడు. సొంత రాష్ట్రంలో సుపరిపాలన అందించలేని వ్యక్తి దేశానికి నాయకత్వం ఎలా వహిస్తార'ని విలేకరులతో మాట్లాడుతూ అన్నారు.
 
 బిహార్ లో మద్యపాన నిషేధం విధించి నితీశ్ దేశమంతా ప్రచారం చేసుకుంటున్నారని, ప్రధానమంత్రి పదవి కోసం పగటి కలలు కంటున్నారని వ్యాఖ్యానించారు. బిహార్ లో హత్యలు పెరిగిపోయాయని, పాలన కుప్పకూలిందని తస్లీముద్దీన్ విమర్శించారు. ప్రభుత్వ విభాగాలపై పాలకులకు అదుపు తప్పిందని అన్నారు.