హీరోలకు పెళ్లయినా, పిల్లలు పుట్టినా, మనవళ్లు, మనవరాళ్లను ఎత్తుకునే వయసు వచ్చినా కూడా తెరపై కథానాయకులుగానే చెలామణి అవుతారు. కానీ హీరోయిన్లు మాత్రం కాస్త వయసుపైబడ్డట్లు కనిపించినా పక్కన పెట్టేస్తారు. ఎప్పటికప్పుడు కొత్త కథానాయికలను తీసుకురావాలని దర్శకనిర్మాతలు ఆరాటపడతారు.సైడ్‌ క్యారెక్టర్లువెండితెర అయినా, బుల్లితెర అయినా నటీమణులకు పెళ్లయిందంటే చాలు సైడ్‌ క్యారెక్టర్లు ఆఫర్‌ చేస్తుంటారు. తనక్కూడా అలాంటి పరిస్థితే ఎదురైందంటోంది నటి, బిగ్‌బాస్‌ విన్నర్‌ రుబీనా దిలైక్‌. గతేడాది డిసెంబర్‌లో రుబీనా- అభినవ్‌ శుక్లా దంపతులకు కవలలకు జన్మనిచ్చారు. పిల్లలు పుట్టాక తన లైఫ్‌ మరింత అందంగా మారిందంటోంది రుబీనా. అయితే తల్లయ్యాక తనకన్నీ వదిన రోల్స్‌ మాత్రమే వస్తున్నాయంది. గణపతి పూజప్రతి ఏడాదిలాగే ఈసారి కూడా గణపతిని ఇంట్లో పెట్టుకుని పూజించినట్లు తెలిపింది. భర్త, పిల్లలు ఊరికి వెళ్తే.. తను మాత్రం ఒక్కతే విఘ్నేశుడిని పూజించింది. ఆ సమయంలో ఫ్యామిలీని చాలా మిస్సయయ్యానంది. అందుకే, రెండురోజులకే గణనాథుడిని నిమజ్జనం చేసి తాను కూడా ఊరెళ్లి పిల్లలతో కలిసి సేద తీరుతోంది. రుబీనా.. అటు వృత్తి పనిని‌, ఇటు ఫ్యామిలీ లైఫ్‌ను బ్యాలెన్స్‌ చేయడానికి ప్రయత్నిస్తోంది.బిగ్‌బాస్‌ వార్తల కోసం ఇక్కడ క్లిక్‌ చేయండి

బుల్లితెర నటి, బిగ్‌బాస్‌ విజేత రుబీనా దిలక్ ఫ్యాన్స్‌కు గుడ్‌ న్యూస్‌ చెప్పింది. తాను కవల పిల్లలకు జన్మనిచ్చినట్లు అధికారికంగా ప్రకటించింది. అయితే ఈ విషయాన్ని నెల రోజుల తర్వాత రివీల్ చేసింది. నవంబర్ 27న గురునానక్ జయంతి  సందర్భంగా జన్మించినట్లు ఆమె వెల్లడించింది. కానీ అంతకుముందే రుబీనా-అభినవ్ జంటకు ట్విన్స్ జన్మించినట్లు రుబీనా ఫిట్‌నెస్ ట్రైనర్  పోస్ట్ చేశారు.  ఈ బుల్లితెర జంట తమ కుమార్తెల పేర్లను కూడా వెల్లడించారు. కవలలకు జీవా, ఈధా అనే పేర్లు పెట్టినట్లు తెలిపారు. పిల్లలు జన్మించి నెల రోజులు పూర్తి కావడంతో ఇంట్లో పూజలు నిర్వహించారు. తమ కూతుళ్లను చేతుల్లో పట్టుకుని కెమెరాల ముందు కనిపించారు. కాగా.. రుబీనా బుల్లితెర నటుడు అభినవ్ శుక్లాను పెళ్లి చేసుకున్న సంగతి తెలిసిందే. తమ ఇన్‌స్టాలో రాస్తూ.. 'మా కుమార్తెలు జీవా, ఎధాలకు నెల రోజులు నిండాయని పంచుకోవడానికి చాలా సంతోషిస్తున్నా. గురుపురాబ్ లాంటి పవిత్రమైన రోజున ఆ దేవుడు ఆశీర్వదించాడు. ఈ సందర్భంగా దేవతలకు మా శుభాకాంక్షలు.' అంటూ పోస్ట్ చేశారు. ఇది చూసిన అభిమానులు బుల్లితెర జంటకు అభినందనలు తెలుపుతున్నారు.   కాగా.. ఈ జంట 2018లో సిమ్లాలో గ్రాండ్‌గా పెళ్లి చేసుకున్నారు. అయితే వీరిద్దరు సల్మాన్ ఖాన్ హోస్ట్‌గా వ్యవహరిస్తున్న రియాలిటీ షో బిగ్ బాస్- 14 లో పాల్గొన్నారు. ఈ సీజన్ విజేతగా రుబీనా నిలిచింది. అభినవ్ ఇంట్లో పెద్దమనిషిగా ప్రశంసలు అందుకున్నారు.  View this post on Instagram A post shared by Rubina Dilaik (@rubinadilaik)

బుల్లితెర నటి, బిగ్‌బాస్‌ కంటెస్టెంట్‌ రుబీనా దిలైక్‌ ఫ్యాన్స్‌కు గుడ్‌న్యూస్‌ చప్పింది. తాను త్వరలో తల్లి కాబోతున్నట్లు వెల్లడించింది. ఈమేరకు భర్త అభినవ్‌ శుక్లాతో కలిసి దిగిన అందమైన ఫోటోను ఇన్‌స్టాగ్రామ్‌లో షేర్‌ చేసింది. ఇందులో రుబీనా బేబీ బంప్‌ స్పష్టంగా కనిపిస్తోంది. 'మేమిద్దరం కలిసి ఈ ప్రపంచాన్ని చుట్టేస్తామని డేటింగ్‌లో ఉన్నప్పుడే చెప్పాను. తర్వాత పెళ్లి చేసుకున్నాం. వెకేషన్‌లో జంట ఒక కుటుంబాన్ని ఏర్పరుచుకున్నాం. త్వరలో మా కుటుంబంలోకి చిన్నారి ట్రావెలర్‌ రాబోతోంది' అని క్యాప్షన్‌లో చెప్పుకొచ్చింది. ప్రస్తుతం రుబీనా దంపతులు అమెరికాలో వెకేషన్‌ ఎంజాయ్‌ చేస్తున్నారు. త్వరలో పేరెంట్స్‌గా ప్రమోషన్‌ పొందనున్న ఈ జంటకు అభిమానులు, బుల్లితెర సెలబ్రిటీలు శుభాకాంక్షలు తెలియజేస్తున్నారు. గతకొంతకాలంగా వస్తున్న రూమర్స్‌కు ఫుల్‌స్టాప్‌ పెడుతూ ఎట్టకేలకు నిజం ఒప్పేసుకున్నావ్‌ అని కామెంట్స్‌ చేస్తున్నారు. పెళ్లైన ఐదేళ్ల తర్వాత తొలిసారి గర్భం దాల్చడంతో రుబీనా సంతోషంలో మునిగి తేలుతోంది. ఎలా మొదలైంది.. అభినవ్‌ శుక్లా.. గణపతి ఉత్సవాల సమయంలో తన స్నేహితుడి ఇంటికి వెళ్లాడు. అక్కడే తొలిసారి రుబీనాను చూసి ఆకర్షితుడయ్యాడు. మొదట వీళ్లు స్నేహితులుగా ఉన్నప్పటికీ కొంతకాలానికే ప్రేమలో పడ్డారు. 2018 వరకు డేటింగ్‌ చేసిన వీరు తమ ప్రేమను పెళ్లి బంధంతో పదిలపర్చుకున్నారు. 2020 సంవత్సరంలో హిందీ బిగ్‌బాస్‌ 14వ సీజన్‌లో పాల్గొన్న రుబీనా ఆ షో విజేతగా నిలిచింది. View this post on Instagram A post shared by Rubina Dilaik (@rubinadilaik) View this post on Instagram A post shared by Rubina Dilaik (@rubinadilaik) చదవండి: గర్భం దాల్చాను.. అమ్మ అబార్షన్‌ చేయించింది.. ప్రియుడితో ఇప్పటికీ టచ్‌లో..

బుల్లితెర నటి రుబీనా దిలైక్‌ ప్రయాణిస్తున్న కారు రోడ్డు ప్రమాదానికి గురైంది. ఈ ప్రమాదంలో నటి స్వల్ప గాయాలతో బయటపడింది. ఆమె కారు వెనక భాగం మాత్రం కొంత దెబ్బతింది. ఈ విషయాన్ని నటి భర్త, నటుడు అభినవ్‌ శుక్ల సోషల్‌ మీడియాలో వెల్లడించాడు. 'ఈరోజు మాకు జరిగింది, రేపు మీకు కూడా జరగొచ్చు. ఫోన్‌లో మునిగిపోయి ట్రాఫిక్‌ సిగ్నల్స్‌ లెక్కచేయకుండా ముందుకు వెళ్లే తెలివితక్కువవారితో జాగ్రత్త! రుబీనా ప్రయాణిస్తున్న కారుకు యాక్సిడెంట్‌ అయింది. ఆమెను చికిత్స కోసం ఆస్పత్రికి తీసుకెళ్లాను, ప్రస్తుతం ఆమె క్షేమంగానే ఉంది' అంటూ ట్విటర్‌లో కారు యాక్సిడెంట్‌కు సంబంధించిన రెండు ఫోటోలను షేర్‌ చేశాడు. ఈ ప్రమాదానికి కారణమైనవారిపై కఠిన చర్యలు తీసుకోండంటూ ముంబై పోలీసులను, ముంబై ట్రాఫిక్‌ పోలీసులను ట్యాగ్‌ చేశాడు. ఈ ట్వీట్‌ చూసిన ఫ్యాన్స్‌ రుబీనాను జాగ్రత్తగా చూసుకోండంటూ కామెంట్లు పెడుతున్నారు. తాజాగా ఈ ఘటనపై రుబీనా స్పందిస్తూ.. 'ఈ ప్రమాదంలో నా తలకు, వెన్నెముక కింద భాగానికి కొంత దెబ్బ తగిలింది. ఊహించని పరిణామానికి నేను షాక్‌లోకి వెళ్లిపోయా.. ఆస్పత్రికి వెళ్లి అన్ని రకాల పరీక్షలు చేయించుకోగా అంతా బాగానే ఉందని చెప్పారు. ఇష్టమొచ్చినట్లుగా బండి నడిపిన ట్రక్కు డ్రైవర్‌పై చర్యలు తీసుకున్నారు. కానీ అప్పటికే కొంత నష్టం జరిగిపోయింది. నియమ నిబంధనలు అనేవి మన రక్షణ కోసమే ఉన్నాయి. కాబట్టి రోడ్డుపై వెళ్లేటప్పుడు జాగ్రత్తగా ఉండండి' అని ట్వీట్‌ చేసింది. Happened to us, can happen to you. Beware of idiots on the phone jumping traffic lights. To top it up standing there smiling. More details later. Rubina was in car she is fine, taking her for medical. @MTPHereToHelp @MumbaiPolice request you to take strict action ! @RubiDilaik pic.twitter.com/mOT5FPs4Vo — Abhinav Shukla (@ashukla09) June 10, 2023 Due to the impact I hit my head and lower back, so was in a state of shock, but we ran medical tests,everything is Good…. Legal action has been taken against the reckless truck driver , but the damage is done! I urge you all to be mindful on road 🙏🏼 Rules r for our own safety ! https://t.co/HFB2xpPZVy — Rubina Dilaik (@RubiDilaik) June 11, 2023 చదవండి: సౌత్‌ హీరోయిన్‌ అని చులకనగా చూసేవారు, డిజైనర్‌ డ్రెస్సులు ఇచ్చేవారే కాదు: హన్సిక

నటుడు, కమెడియన్‌, దర్శకుడు, రచయిత, నిర్మాత..  మల్టీటాలెంటెడ్‌ పర్సన్‌ రాజ్‌పాల్‌ యాదవ్‌. ఈ బాలీవుడ్‌ నటుడు ప్రధానపాత్రలో నటిస్తున్న చిత్రం 'అర్ధ్‌'. రుబీనా దిలైక్‌, హితేన్‌ తేజ్వానీ, కుల్‌భూషణ్‌ ఖర్బందా ముఖ్య పాత్రలు పోషిస్తున్నారు. తాజాగా ఈ సినిమా ఫస్ట్‌ లుక్‌ రిలీజైంది. ఇందులో రాజ్‌పాల్‌ యాదవ్‌ ట్రాన్స్‌జెండర్‌గా కనిపించి అందరినీ అవాక్కయ్యేలా చేశాడు. ఇలాంటి పాత్ర చేసేందుకు ఒప్పుకోవడం మామూలు విషయం కాదని ప్రశంసలు కురిపిస్తున్నారు అభిమానులు. ఈ సినిమా కచ్చితంగా విజయం సాధిస్తుందని ధీమా వ్యక్తం చేస్తున్నారు. కాగా హీరో అవుదామని ముంబైకి వచ్చిన ఓ వ్యక్తి కథే అర్ధ్‌ అని తెలుస్తోంది. ఈ చిత్రం ఓటీటీలో రిలీజ్‌ చేస్తున్నట్లు వెల్లడించిన మేకర్స్‌ విడుదల తేదీని మాత్రం ప్రకటించలేదు. Presenting to you the first look of my next film ARDH! @Palash_Muchhal @RubiDilaik @tentej #ardhmovie pic.twitter.com/thzwnwCYR0— Rajpal Naurang Yadav (@rajpalofficial) February 23, 2022

Rubina Dilaik Slams Fans Who Harass Her For Gaining Weight: స్క్రీన్‌పై కనిపించేవాళ్లు ఎప్పుడూ ఫిట్‌గానే ఉండాలనే ధోరణిలో ఉంటారు కొందరు నెటిజన్లు. ఏమాత్రం​ లావైనా ట్రోలింగ్‌ చేస్తుంటారు. హీరోయిన్స్‌ విషయంలో ఈ ట్రోలింగ్‌ మరీ ఎక్కువగా ఉంటుంది. తాజాగా హిందీ బిగ్‌బాస్‌14 విన్నర్‌, నటి రుబీనా దిలేక్‌కు సైతం ఇలాంటి పరిస్థితే ఎదురైంది. ఇటీవలె కరోనా నుంచి కోలుకున్న ఆమె ఈ మధ్యకాలంలో బాగా బరువు పెరిగిపోయింది. దీంతో సోషల్‌ మీడియాలో ఆమెపై ట్రోలింగ్‌ కూడా ఎక్కువైంది. బరువు పెరగడాన్ని చాలా పెద్ద సమస్యగా చిత్రీకరిస్తే కొందరు తనపై చేస్తున్న నెగిటివ్‌ కామెంట్స్‌పై రుబీనా స్పందించింది. 'నా ఫ్యాన్స్‌, శ్రేయాభిలాషులం అని చెప్పుకునేవారికి నేను బరువు పెరగడం మిమ్మల్ని ఎంతో బాధించిందని నాకు అర్థమవుతుంది. అందుకే అసలు కనికరం లేకుండా ద్వేషాన్ని వెల్లగక్కుతూ నాకు మెసేజ్‌లు, మెయిల్స్‌ పంపుతున్నారు. నేను లావుగా ఉండటం, మంచి డిజైనర్‌ బట్టలు దరించకపోవడం, పెద్ద పెద్ద ప్రాజెక్ట్స్‌ చేయకపోవడం మిమ్మల్ని నిరాశ పరిచిందని నాకు తెలుసు. మీకు టాలెంట్‌ కంటే ఫిజికల్‌గా ఎలా ఉండటం అన్నదే ముఖ్యం. అయితే మీకో శుభవార్త. ఇది నా జీవితం. దాంట్లో ఎన్నో దశలు ఉన్నాయి. అందులో మీరు కూడా ఒకటి. నేను నా అభిమానులను గౌరవిస్తాను. కాబట్టి ప్లీజ్‌ ఇలాంటి వాళ్లు నా ఫ్యాన్‌ అని చెప్పుకోకండి' అంటూ స్ట్రాంగ్‌ కౌంటర్‌ ఇచ్చింది. View this post on Instagram A post shared by Rubina Dilaik (@rubinadilaik)

హిందీ బిగ్‌బాస్‌ 14 విన్నర్‌, నటి రుబినా డిలైక్‌ ఇటీవల కరోనా బారిన పడిన సంగతి తెలిసిందే. ప్రస్తుతం సిమ్లాలోని తన ఇంట్లో ఐసోలేషన్‌లో ఉన్న రుబినా మంగళవారం ఓ వీడియో షేర్‌ చేసింది. ఈ నెల ఒకటో తేదీన తను కోవిడ్‌ పాజిటివ్‌గా నిర్ధారణ అయినట్టు తెలిపింది. కరోనా అని తెలిసినప్పటి నుంచి హెం క్వారంటైన్‌లో ఉంటూ ఎలాంటి జాగ్రత్తలు పాటిస్తుందో ఆమె వీడియోలో వివరించింది. రుబినా తన యూట్యూబ్‌ ఛానల్‌లో కోవిడ్‌ డైరీస్‌ అనే పేరుతో ఈ వీడియోను షేర్‌ చేస్తూ... కోవిడ్‌ నుంచి కోలుకునేందుకు తన భర్త అభివనవ్‌, తల్లి, సోదరి ఎంతటి మద్దతు ఇచ్చారో చెబుతూ ఇలాంటి కుటుంబ ఉన్నందుకు తాను చాలా అదృష్టావంతురాలినంటూ ఆమె భావోద్వేగానికి లోనయ్యింది. అనంతరం తన కోసం ప్రార్థిస్తున్న అభిమానులకు ఆమె కృతజ్ఞతలు తెలిపింది. ఎవరైనా కరోనా లక్షణాలు, జ్వరంతో బాధపడితే వెంటనే పరీక్షలు చేయించుకోవాలని, దీనిని సాదారణ ఫ్లూగా చూడోద్దంటూ ఆమె అభ్యర్థించింది. ప్రస్తుతం తన ఆరోగ్యం బాగానే ఉందని, కానీ ఊపిరిత్తిత్తుల్లో కాస్తా ఇన్ఫెక్షన్‌ ఉందని ఈ సందర్భంగా రుబినా వెల్లడించింది. ఇక తాను కరోనా నుంచి కోలుకున్న అనంతరం ప్లాస్మా దానం చేయాలని అనుకుంటున్నట్లు కూడా చెప్పింది. చివరగా ఆమె.. దయ చేసి ప్రతి ఒక్కరు కరోనా పట్ల అప్రమత్తంగా ఉండాలని సూచించింది. ప్రస్తుతం పని కంటే ఆరోగ్యం చాలా ముఖ్యమని, జీవితం అనేది ఉంటేనే ప్రపంచంలో మిగతావన్ని ఉంటాయని ఆమె హెచ్చరించింది. కాగా రుబినా తన భర్త, నటుడు అభినవ్‌తో బిగ్‌బాస్‌ 14 సిజన్‌లో కంటెస్టెంట్‌​ వచ్చిన సంగతి తెలిసిందే. హౌజ్‌లో తనశైలితో వ్యవహరిస్తూ ప్రేక్షకులను ఆకట్టుకుని ఈ సిజన్‌ విన్నర్‌గా ఆమె నిలిచింది.

బిగ్‌బాస్‌ హిందీ రియాల్టీ షోలో 143 రోజులు హౌస్‌లో ఉండి విజేతగా నిలిచింది టీవీ నటి రుబీనా దిలైక్‌. వాదనల్లో ఎదుటివారిని తల వాచిపోయేలా చేయగలిగే ఈ నటి బిగ్‌బాస్‌ షోలో ఉన్నన్ని రోజులు సోషల్‌ మీడియాలో బాగానే మద్దతు సంపాదించింది. విజేతగా వచ్చే కీర్తితో పాటు ఇదే షోలో పాల్గొన్న భర్త అభినవ్‌ శుక్లాతో తన వివాహబంధం గట్టిపడిందని చెబుతోంది. ‘విడాకులు తీసుకోవాల్సిన మేము ఈ షో వల్ల ఒకరినొకరం అర్థం చేసుకున్నాం’ అందామె. 33 ఏళ్ల ఈ సిమ్లా సెలబ్రిటీ పరిచయం... తెలుగు బిగ్‌బాస్‌ షో నాలుగుసార్లు జరిగితే ఒక్కసారి కూడా స్త్రీలు విజేతగా నిలువలేదు. కాని బిగ్‌బాస్‌ హిందీ షో 14 సీజన్‌లు గడిస్తే ఇప్పటికి ఐదారుసార్లు స్త్రీలు విజేతలుగా నిలిచారు. తాజాగా బిగ్‌బాస్‌ 14 విజేతగా టీవీ నటి రుబీనా దిలైక్‌ నిలిచింది. పేరు, గుర్తింపుతో పాటు ప్రైజ్‌మనీగా 36 లక్షల రూపాయలు ఆమెకు దక్కాయి. అయితే అదంత సులువుగా జరగలేదు. 143 రోజులు హౌస్‌లో 23 మంది కంటెస్టెంట్‌లు. 143 రోజులు. ముంబై శివార్లలోని గోరేగావ్‌లో వేసిన సెట్‌లో ఉండిపోవడం అంటే సామాన్యం కాదు. అక్టోబర్‌ 3న మొదలైన ఈ షో ఫిబ్రవరి 21న గ్రాండ్‌ ఫినాలెతో ముగిసింది. రుబీనా ఈ షోలో విజేతగా నిలిచింది. 33 ఏళ్ల రుబీనాది సిమ్లా. బాల్యంలోనే డిబేట్‌ ఛాంపియన్‌గా జాతీయ స్థాయిలో గుర్తింపు పొందింది. ‘మిస్‌ సిమ్లా’గా ఆ తర్వాత ‘మిస్‌ నార్త్‌ ఇండియా’గా కిరీటాలు దక్కించుకుంది. ఆ తర్వాత 2008లో జీ టీవీలో ప్రసారమైన ‘ఛోటి బహూ’ సీరియల్‌తో గుర్తింపు పొందింది. ఆ తర్వాత ‘లైఫ్‌ ఓకే’ చానల్‌లో వచ్చిన ‘దేవోంకే దేవ్‌.. మహాదేవ్‌’ సీరియల్‌లో సీత పాత్ర పోషించింది. కాని ఆ గుర్తింపు వేరు ఇప్పుడు బిగ్‌బాస్‌తో వచ్చిన గుర్తింపు వేరు. కెమెరాకు ఎదురు నిలిచి బిగ్‌బాస్‌లో రుబీనాకు అన్నీ అనుకూలంగా లేవు. ఆమె ప్రతి ఒక్కరితో వాదనకు దిగేది. వాదన చేయడానికి వెనుకాడేది కాదు. మనకెందుకులే అని ఊరుకునేది కాదు. ఇది కొందరికి నచ్చలేదు. సల్మాన్‌ ఖాన్‌కు కూడా నచ్చలేదు. ‘ఈ సరంజామా తీసుకునా నువ్వు వచ్చింది’ అని అతను షోలో కామెంట్‌ చేయడంతో రుబీనా బాగా హర్ట్‌ అయ్యింది. షో నుంచి బయటకు వెళ్లిపోతానని హటం చేసింది. ఆ తర్వాత ఆ గొడవ సద్దుమణిగింది. కాని రుబీనాకు కొద్దిరోజుల్లోనే హౌస్‌లో బయట అభిమానులు ఏర్పడ్డారు. రుబీనా ప్రేమను పంచుతోంది అని హౌస్‌మేట్స్‌ అన్నారు. బయట రుబీనా అభిమానులు తమని తాము ‘రుబీహాలిక్స్‌’ అని పేరు పెట్టుకుని సపోర్ట్‌గా నిలిచారు. టాస్క్‌ల్లో రుబీనా పోరాట పటిమ కూడా అందరికీ నచ్చింది. రాహుల్‌ వైద్యా, నిక్కి తంబోలి  భర్తతో అడుగుపెట్టి... లాక్‌డౌన్‌ అందరి జీవితాల్లో ఎలా సంక్షోభం తెచ్చిందో రుబీనా జీవితంలో కూడా అలాంటి సంక్షోభమే తెచ్చింది. ఆమె టీవీ నటుడు అభినవ్‌ శుక్లాను ప్రేమించి 2018లో వివాహం చేసుకుంది. కాని బిగ్‌బాస్‌ హౌస్‌లో ఎలాంటి వాదనలు నడిచేవో ఇంటిలో కూడా అలాంటి వాదనలే నడిచేవి. లాక్‌డౌన్‌ వల్ల ఇంట్లోనే ఇద్దరూ ఉండేసరికి గొడవలు శ్రుతి మించాయి. ‘కథ ఇలాగే ఉంటే మనం విడాకులు తీసుకుందాం. ముందు మనం ఆరు నెలలు దూరంగా ఉందాం’ అని అని భార్యాభర్తలు ఇద్దరూ అనుకున్నారు. అనుకోకుండా ఇద్దరికీ కలిపి బిగ్‌బాస్‌ హౌస్‌లో ప్రవేశం దొరికింది. బయటవారికి ఈ సమాచారం లేనందున ఇరువురూ అన్యోన్య దంపతుల ఖాతాలో హౌస్‌లో అడుగుపెట్టారని అనుకున్నారు. కాని షో కొనసాగే కొద్ది వారి మధ్య ఉన్న స్పర్థలు ప్రేక్షకులకు తెలిశాయి. ఆ తర్వాత వారు ఒకరినొకరు అర్థం చేసుకోవడం కూడా కనిపించింది. చాలా సందర్భాలలో ఒకరికి ఒకరు సపోర్ట్‌గా నిలిచారు. సల్మాన్‌ ఖాన్‌ తో రుబీనాకు గొడవ వచ్చినప్పుడు భర్త అభినవ్‌ ఆమెకు సర్ది చెప్పాడు. అంతేకాదు షోలో జరిగే ‘బెస్ట్‌ జోడీ’ కాంపిటీషన్‌లో ఈ భార్యాభర్తలే బెస్ట్‌గా నిలిచారు. ‘బిగ్‌బాస్‌ హౌస్‌కు కృతజ్ఞతలు. ఈ హౌస్‌లో ఉండటం వల్లే మేము ఒకరికి ఒకరం అర్థమయ్యాం. మా చేదు తగ్గింది. మేము కలిసి జీవించాలనుకుంటున్నాం’ అని షో ముగిశాక ఇద్దరూ అన్నారు. తెలుగు బిగ్‌బాస్‌ హౌస్‌లో నటుడు వరుణ్‌ సందేశ్‌ తన భార్య వితికతో కలిసి పాల్గొన్నాడు. కాని వారికి ఇలాంటి సమస్య లేదు. సమస్య ఉన్న రుబీనాకు బిగ్‌బాస్‌లో ఉండటం లాభించింది.  – సాక్షి ఫ్యామిలీ గట్టి పోటీ బిగ్‌బాస్‌ హౌస్‌లో రుబీనాకు గాయకుడు రాహుల్‌ వైద్యా నుంచి గట్టి పోటీ ఎదురయ్యింది. అతడికి కూడా ఫ్యాన్స్‌ మద్దతు లభించింది. విజేత అతడు కూడా కావచ్చునని అందరూ అనుకున్నారు. కాని రుబీనాకు కిరీటం దక్కింది. రాహుల్‌ వైద్య ఫస్ట్‌ రన్నర్‌ అప్‌గా నిలిచాడు. మరో నటి నిక్కి తంబోలి, నటుడు అలి గోని మూడు, నాలుగు స్థానాల్లో మిగిలారు. ‘తెలుగు నటి’ బిగ్‌బాస్‌ 14 హిందీ రియాలిటీ షోలో చివరి వరకూ గట్టి పోటీ ఇచ్చిన నిక్కి తంబోలి తెలుగులో ‘చీకటిగదిలో చితక్కొట్టుడు’ సినిమాలో నటించింది. ఆ తర్వాత ‘తిప్పరా మీసం’, ‘కాంచన 3’లో ముఖ్యపాత్రలు పోషించింది. బిగ్‌బాస్‌ విజేతగా నిలిచిన రుబీనా, నిక్కి కొత్తల్లో కీచులాడుకున్నా ఆ తర్వాత మంచి స్నేహితులయ్యారు. చదవండి: (బిగ్‌బాస్‌ విన్నర్‌గా‌ రుబీనా, ప్రైజ్‌మనీ ఎంతో తెలుసా?)

బిగ్‌బాస్‌ షో ఇప్పుడిది టెలివిజన్‌ రంగంలో ఒక సంచలనాత్మక షో. హిందీలో దీనికున్న క్రేజ్‌ అంతా ఇంతా కాదు. అందుకే ఈ షోను తెలుగులో కూడా ప్రారంభించారు. తాజాగా, గత ఏడాది అక్టోబర్‌లో‌ ప్రారంభమైన హిందీ బిగ్‌బాస్-‌14 షోకు కండల వీరుడు సల్మాన్‌ఖాన్‌ హోస్ట్‌గా వ్యవహరించాడు. నాలుగున్నర నెలలపాటు సాగిన ఈ షోలో కంటెస్టంట్లు హోరాహోరీగా తలపడ్డారు. అయితే గ్రాండ్‌ ఫినాలెలో రుబీనా దిలైక్‌ ట్రోఫితోపాటు, 36 లక్షల ప్రైజ్‌మనీని సొంతం చేసుకున్నారు. దీనిలో రాహుల్‌ వైద్య రన్నరప్‌గా నిలిచాడు. కంటెస్టెం‍ట్లకు బిగ్‌బాస్‌ ఎప్పటికప్పుడు కొత్త టాస్క్‌లు ఇస్తూ వారిని ఉత్సాహపరుస్తూ ఉండటం, కొత్తవారితో కలసి ప్రయాణం చేయడం, విలాసవంతమైన సౌకర్యాలకు దూరంగా ఉండటం వంటివి ఎన్నో  ఈహౌస్‌లో చోటు చేసుకున్నాయి. కాగా, ఫైనల్‌ పాంచ్‌లో రుబినా దిలైక్‌, రాహుల్‌ వైద్య, అలీగొని, నిక్కితంబొలి, రాఖీ సావంత్‌ చేరుకున్నారు. వారికి హోస్ట్‌ సల్మాన్‌ ఖాన్‌ 14 లక్షలు తీసుకొని ఇంటినుంచి వెళ్లిపోయే ఓ బంపర్‌ ఆఫర్‌ ఇచ్చాడు. ఎవరికైతే ఇష్టమో వారు 30 సెకన్లలోపు బజర్‌ మోగించాలని తెలిపాడు. అయితే ఈ ఆఫర్‌ను అందిపుచ్చుకుని రాఖీసావంత్‌ రూ. 14లక్షలను తీసుకొని  హౌజ్‌ నుంచి వెళ్లిపొతున్నట్లు తెలిపారు. ఆమె తర్వాత అలిగొని ఎలిమినేట్‌ అయ్యారు. నిక్కి తంబోలి షో నుంచి తొలగించబడ్డాడు. ప్రేక్షకుల ఓటింగ్‌ను కూడా పరిగణలోకి తీసుకున్నట్టు నిర్వహకులు తెలిపారు. కాగా, ఫైనల్‌ షోకు అతిథిగా వచ్చిన బాలీవుడ్‌ సీనియర్‌ నటుడు ధర్మేంద్ర‌ ప్రత్యేక​ ఆకర్షణగా నిలిచారు. షోలే సినిమాలోని పలు డైలాగ్‌లతో ప్రేక్షకులను ఉర్రుతలూగించారు.

గొడ‌వ‌లు లేకుండా బిగ్‌బాస్ షోను ఊహించుకోవ‌డం క‌ష్టం. కానీ ఆ గొడ‌వ‌లు శ్రుతిమించితేనే మ‌రీ క‌ష్టం. హిందీ బిగ్‌బాస్ ప‌ద్నాలుగో సీజ‌న్ గొడ‌వ‌ల‌కు నిల‌యంగా మారింది. కంటెస్టెంట్లు చీటికీమాటికీ, అయిన‌దానికీ కానిదానికీ త‌గ‌వు ప‌డుతూనే ఉన్నారు. తాజాగా న‌టి క‌వితా కౌశిక్, రుబీనా మ‌ధ్య గొడ‌వ రాజుకుంది. 'నీ భ‌ర్త గురించి ఓ నిజం తెలుసా?' అని క‌విత రుబీనాను భ‌య‌పెట్టేందుకు ప్ర‌య‌త్నించ‌గా.. నీకంత ధైర్యం ఉంటే చెప్పు అని రుబీనా స‌మాధానం ఇచ్చింది. దీంతో క‌వితా ఇప్పుడు కాదు, ఈ హౌస్ బ‌య‌ట‌కు వెళ్లాక గుట్టు విప్పుతాన‌ని వార్నింగ్ ఇచ్చింది. (చ‌ద‌వండి: మోనాల్‌తో మాట్లాడ‌మ‌ని అభికి చెప్పేవాళ్లం: లాస్య‌) ఈ క్ర‌మంలో ఇద్ద‌రూ.. నువ్వంటే నువ్వు నోరు మూసుకోమంటూ ఒక‌రిపై ఒక‌రు అరుచుకున్నారు. రుబీనా భ‌ర్త అభిన‌వ్ శుక్లా అక్క‌డే ఉన్న‌ప్ప‌టికీ వీరి గొడ‌వ‌లో త‌ల‌దూర్చాల‌నుకోలేదు. అటు వీరి ప్ర‌వ‌ర్త‌నతో బిగ్‌బాస్‌కు కూడా చిర్రెత్తిన‌ట్లుంది. ఇంటి నిబంధ‌న‌ల‌ను పాటించ‌డం ఇష్టం లేక‌పోతే త‌క్ష‌ణ‌మే వెళ్లిపోవ‌చ్చ‌ని హౌస్ గేట్లు తెరిచాడు. దీంతో ఆవేశంతో ఊగిపోతున్న క‌విత మ‌రేం ఆలోచించ‌కుండా ప్ర‌ధాన ద్వారం నుంచి బ‌య‌ట‌కు వెళ్లింది. దీంతో హౌస్‌మేట్లు ఒక్క‌సారిగా షాక‌య్యారు. మ‌రి క‌విత తిరిగి లోప‌ల‌కు వ‌స్తుందా?  లేక ఆమె షో నుంచి శాశ్వ‌తంగా వీడ్కోలు తీసుకున్న‌ట్లేనా అన్న‌ది తెలియాలంటే నేటి హిందీ బిగ్‌బాస్ ఎపిసోడ్ చూడాల్సిందే! (చ‌ద‌వండి: ఆ బిగ్‌బాస్ కంటెస్టెంటు నా భార్య, మోసం చేసింది‌) View this post on Instagram A post shared by ColorsTV (@colorstv)

న్యూఢిల్లీ : ఎంతో కాలంగా రిలేషన్‌లో ఉన్న బుల్లితెర నటీనటులు రుబినా దిలాయక్‌, అభినవ్‌ శుక్లాలు ఈ నెల 21న ఒకటవ్వబోతున్నారు. వీరిద్దరూ తమ వివాహ ఆహ్వాన పత్రికను సోషల్‌ మీడియాలో షేర్‌ చేశారు. ఈ కార్డులో ప్రతి ఒక్కటీ చూడముచ్చటగా నిలుస్తోందని సోషల్‌ మీడియా యూజర్లంటున్నారు. వెడ్డింగ్‌ కార్డు చాలా ట్రెండీగా, అద్భుతంగా ఉందంటూ కామెంట్లు పెడుతున్నారు. అయితే ఈ కార్డు ఎలా డిజైన్‌ చేయించారో తెలుసా..? పర్యావరణ పరిరక్షణగా రీసైకిల్‌ పేపర్‌తో ఈ కార్డును డిజైన్‌ చేయించారట. ఆ కార్డుపై రుబినా, అభినవ్‌ పేర్లలోని తొలి పదాలతో పాటు వివాహ తేదీ కూడా ఉంది. కార్డు పక్కనే ఒక చిన్న గాజు పాత్ర, దానిలో ఉంచిన ప్రకృతితో మమేకమైన పూలు, మొక్కలు ఇవన్నీ కార్డుకు ట్రెండీగా నిలుస్తున్నాయి. ‘ నిజమైన ప్రేమ మన ఆత్మను పెంపొందిస్తోంది. ఈ కార్డుతో మా కొత్త ప్రయాణాన్ని ప్రారంభిస్తూ.. మా స్నేహితులకు ‘జీవితం’గిఫ్ట్‌గా ఇవ్వాలనుకుంటున్నాం. మాతో కలిసి ఉన్నందుకు మీ అందరికీ కృతజ్ఞతలు’ అని రుబియా పోస్టు చేశారు. తమ ఆహ్వానం పూర్తిగా ఆర్గానిక్‌, బయోడిగ్రేడబుల్‌ లాగా ఉందని, ఈ కార్డును ఎండీఎఫ్‌ చెక్క, రీసైకిల్‌ పేపర్‌తో తయారు చేయించామని చెప్పారు. పెళ్లిళ్లు ఎంతో సంతోషభరితంగా, ప్రకృతికి అనుకూలంగా ఉండాలనే భావనను తాము ప్రోత్సహిస్తామని అన్నారు.  తమ అద్భుతమైన ఈ వెడ్డింగ్‌ కార్డు డిజైన్‌ క్రెడిట్‌ అంతా రుబినాదే అంటూ అభినవ్‌, కాబోయే భార్యను పొగడ్తలతో ముంచెత్తారు. ‘ఇప్పటి వరకు చూసిన వాటిలో ఇదే ఉన్నతమైన ఆలోచన. మొక్కలే పెళ్లికి ఆహ్వానం! సేంద్రియ, ప్రకృతికి అనుకూలమైన విధంగా, ఓ ప్రత్యేకమైన ఆలోచనతో రావడం నీకు మాత్రమే సొంతం’ అని అభినవ్‌ అభినందించారు. తన ఆలోచనకు తగ్గట్టు కార్డును డిజైన్‌ చేసిన వారికి రుబియా కృతజ్ఞతలు చెప్పారు. థ్యాంక్యూ మై లవ్‌ అంటూ అభినవ్‌ శుక్లాపై కూడా ప్రేమ వర్షం కురిపించారు. రుబియా, అభివన్‌ ఎన్నో ఏళ్లుగా పరిచయస్తులు. మార్చిలో వీరిద్దరూ తమ వివాహాన్ని ప్రకటించారు. సిమ్లాలో వీరి వివాహం జరగనుంది. అయితే అభినవ్‌, రుబియాలు తమ వివాహ ఆహ్వాన పత్రిక విషయంలో కోహ్లి, అనుష్క శర్మలను కాపీ కొట్టారని తెలుస్తోంది. కోహ్లి, అనుష్కల వివాహ పత్రిక కూడా ఈ విధంగానే ఉండటం గమనార్హం.  

సాక్షి, ముంబై : ప్రముఖ హిందీ సీరియల్‌ నటి రుబీనా దిలాయక్‌, తన బాయ్‌ ఫ్రెండ్‌ అభినయ్‌ శుక్లాల పెళ్లిపై వస్తున్న పుకార్లకు బ్రేక్‌ పడింది.  వారిరువురు త్వరలో పెళ్లి చేసుకోబోతున్నట్లు ఆమె తన ఇన్‌స్టాగ్రామ్‌ ద్వారా  నిర్ధారించారు.  ‘అవును మేం​ కొత్త జీవితాన్ని ప్రారంభించబోతున్నాం. ఇతరుల వదంతులకు శాశ్వతంగా స్వస్తిపలకడానికి. జూన్‌లోనే మేం ఒక్కటవుతున్నాం... మమ్మల్ని ఆదరించి, దీవించిన మీ అందరికి ధన్యవాదాల’ని పోస్ట్‌ చేశారామె. ‘ మనిషి గొప్పగా అనుభూతి చెందే వాటిలో ప్రేమ ఓ దృఢమైన అనుబంధం.. అభినవ్‌ ప్రేమలో మునిగిపోయా. తనతో  జీవితాన్ని పంచుకోవడం అదృష్టంగా భావిస్తున్నా.  అతను నా లోపాలను సరిచేయడమే కాదు..నా ఆనందాలకు కారణమయ్యాడు’ అని ఓ ఇంటర్వ్యూలో తెలిపింది. రుబీనా ‘శక్తి అస్తిత్వా కె ఇషాస్ కి’ సీరియల్‌ ద్వారా హిందీ ప్రేక్షకులకు సుపరిచితం. సోషల్‌ మీడియాలో ఎప్పుడూ చురుకుగా ఉండే రుబీనా తన వివాహానికి సంబంధించిన ప్రతి అంశాన్నీ, అభినవ్‌తో తనకున్న అనుబంధాలను ఇన్‌స్టాగ్రామ్‌లో పంచుకుంది. 

సాక్షి, ముంబై: నటి రాధికా ఆప్తే బికినీ ఫొటోల వివాదం ముగియక ముందే మరోనటి రుబినా దిలాయక్ బికినీ ఫొటోలపై నెటిజన్లు విరుచుకు పడుతున్నారు. చీప్ గాళ్, సిగ్గులేదా అంటూ నెటిజన్లు ఆమెపై ఆగ్రహం వ్యక్తం చేస్తున్నారు. కాగా, నటి కూడా అంతే ఘాటుగా బదులిస్తూ మరో ఫొటోను షేర్ చేసి, తాను ఏ విషయానికి భయపడేది లేదని చెప్పకనే చెప్పారు. ‘శక్తి అస్థిత్వ కే ఎహ్‌ సాస్‌కి’టీవీ సీరియల్‌లో ట్రాన్స్‌జెండర్ పాత్ర పోషించిన రుబినా చాలా పాపులర్ అయ్యారు. తరచూ తన ఫొటోలను సోషల్ మీడియాలో పోస్ట్ చేసి వివాదాల్లో చిక్కుకునే ఈ బుల్లితెర నటి మరోసారి తన బికినీ ఫొటోలతో విమర్శలకు గురయ్యారు. నటి రుబినా బికినీ ధరించి హాట్ హాట్ ఫోజులివ్వగా ఆమె బాయ్‌ఫ్రెండ్ అభినవ్ శుక్లా తీసిన ఫొటోలను ఇటీవల ఇన్‌స్టాగ్రామ్‌లో పోస్ట్ చేశారు. ఇటీవల పోస్ట్ చేసిన బికినీ ఫొటోపై నెటిజన్లు విరుచుకుపడ్డారు. సిగ్గులేదా, చీప్ గాళ్ అంటూ కొందరు కామెంట్ చేయగా మరికొందరు మాత్రం చాలా అందంగా ఉన్నావని కామెంట్లు చేస్తున్నారు. నెటిజన్లకు బదులిస్తూ నటి రుబినా మరో ఫొటో షేర్ చేశారు. ‘నా శరీరంతో ఎంతో సౌకర్యవంతంగా, ఆరోగ్యంగా ఉన్నాను. ఆ విషయం నాకు తెలుసు. ధన్యవాదాలు అంటూ’ మరో ఫొటోను షేర్ చేసి విమర్శకులకు అంతే ధీటుగా బదులిచ్చారు. వ్యక్తిగత స్వేచ్ఛ ఎవరికైనా అవసరమని ఆమె అభిప్రాయపడ్డారు. నటి రుబినా దిలాయక్ ఇన్‌స్టాగ్రామ్‌ లో మొదట పోస్ట్‌ చేసిన ఫొటో