సాక్షి, అనంతపురం : జిల్లాలో టీడీపీకి మరోసారి ఎదురుదెబ్బ తగిలే అవకాశాలు కనిపిస్తున్నాయి. ఎమ్మెల్సీ శమంతకమణి, ఆమె కుమార్తె, మాజీ ఎమ్మెల్యే యామిని బాల టీడీపీని వీడే యోచనలో ఉన్నట్లుగా తెలుస్తోంది. గత కొద్ది కాలంగా టీడీపీ అధ్యక్షుడు చంద్రబాబు నాయుడు వైఖరి పట్ల శమంతకమణి, యామిని బాల అసంతృప్తిగా ఉన్నారు.  టీడీపీలో కొత్త వారికి ప్రాధాన్యత ఇవ్వటంపై వీరు ఆగ్రహం వ్యక్తం చేస్తున్నారు. చంద్రబాబు దళితులను పక్కన పెడుతున్నారని వీరు మనస్తాపం చెందారు. ఇటీవల జరిగిన శాసనమండలి సమావేశాల్లో టీడీపీ విప్ జారీ చేసినా కూడా శమంతకమణి హాజరు కాకపోవడం గమనార్హం. టీడీపీపై అసంతృప్తితో ఉన్న తల్లికూతుళ్లు త్వరలోనే పార్టీకి గుడ్‌ బై చెప్పనున్నట్టు కార్యకర్తలకు సంకేతాలు పంపినట్లుగా సమాచారం.

సాక్షి, అమరావతి : ‘‘మా దళితుల ఇళ్లల్లో వివాహానికి ఎవరినీ రానివ్వరు. అదే మీ వాళ్ల ఇళ్లల్లో పెళ్లి జరుగుతుంటే మాత్రం ఏకంగా శాసనసభ, శాసనమండలి సమావేశాలనే నిలిపేస్తారా? ఏకంగా సెలవులు ఇచ్చేస్తారా?’’ అని మంత్రి యనమల రామకృష్ణుడిపై శాసన మండలి సభ్యురాలు శమంతకమణి విరుచుకుపడ్డారు. బుధవారం శాసనసభ, శాసనమండలి సమావేశాలు ముగిసిన తరువాత లాబీల్లో యనమల, శమంతకమణి పరస్పరం ఎదురుపడ్డారు. ఈ సందర్భంగా యనమలను ఉద్దేశించి ఆమె మాట్లాడుతూ.. ‘‘ఏమయ్యా.. మా దళితులకు ఎలాగూ పదవులు ఇవ్వరు. గౌరవం ఎటూ లేదు. కనీసం మా ఇంట్లో వివాహం జరుగుతుంటే ఎవరినీ రానివ్వకుండా చేశారు. అదేపనిగా అందరినీ పోలవరం ప్రాజెక్టు వద్దకు అంటూ తీసుకెళ్లారు. మా మనవరాలి (శింగనమల ఎమ్మెల్యే, ప్రభుత్వ విప్‌ యామినిబాల కుమార్తె) పెళ్లి ఈ నెల 16న అనంతపురంలో జరిగింది. మంత్రులు, ఎమ్మెల్యేలు, ఎమ్మెల్సీలందరినీ ఆహ్వానించినా వారిని రానివ్వకుండా పోలవరానికి తీసుకుపోయారు. ఎమ్మెల్సీ పయ్యావుల కేశవ్‌ సోదరుడు శ్రీనివాస్‌ కుమార్తె పెళ్లి 23వ తేదీన అనంతపురంలో జరుగుతుందని ఏకంగా రెండు సభలకు వరుసగా మూడు రోజులు సెలవులు ఇచ్చేస్తారా? ఏం.. మా ఇళ్లల్లో శుభకార్యాలకు ఎవరూ రాకూడదా? ఇదేం న్యాయమయ్యా మీకు?’’ అని నిలదీశారు. దీనికి సమాధానం చెప్పలేక యనమల మౌనంగా ఉండిపోయారు. పయ్యావుల కేశవ్‌ సోదరుడి కుమార్తె వివాహం కర్నూలు రేంజ్‌ డీఐజీ ఘట్టమనేని శ్రీనివాస్‌ కుమారుడితో గురువారం అనంతపురంలో జరగనుంది.

విలక్షణ చిత్రాలతో తనకంటూ ప్రత్యేక గుర్తింపు తెచ్చుకున్న యంగ్ హీరో నారా రోహిత్. కెరీర్ తొలినాళ్ల నుంచి ప్రయోగాత్మక చిత్రాలు చేస్తూ వస్తున్న రోహిత్ మల్టీ స్టారర్ చిత్రాలతోనూ అలరిస్తున్నారు. అయితే ఇన్నాళ్లు లుక్ విషయంలో విమర్శలు ఎదుర్కొన్న నారావారబ్బాయి తన కొత్త సినిమాలో ఆరు పలకల దేహంతో కనిపించనున్నాడు. నారా రోహిత్ సరసన రెజీనా హీరోయిన్ గా నటిస్తున్న ఈ సినిమాలో సీనియర్ నటి రమ్యకృష్ణ నీలాంబరి తరహా పవర్ ఫుల్ రోల్ లో నటిస్తున్నారు. పవన్ మల్లెల దర్శకత్వంలో ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం నిర్మాణాంతర కార్యక్రమాలు జరుపుకుంటోంది. ఇప్పటికే కలర్ ఫుల్ ఫస్ట్ లుక్ ను రిలీజ్ చేసిన చిత్రయూనిట్ తాజాగా నారా రోహిత్ స్టిల్ ను రివీల్ చేసింది. బ్లాక్ అండ్ వైట్ ఫార్మల్ డ్రెస్ లో రోహిత్ సూపర్బ్ గా ఉన్నాడు. విజయదశమి సందర్భంగా బాలకృష్ణుడు టీజర్ రిలీజ్ చేయనున్నట్టుగా ప్రకటించారు చిత్రయూనిట్.


 – దర్శకుడు పూరి జగన్నాథ్‌
 
 
 ‘‘శమంతకమణి’ చిత్రంలో నాకు నచ్చిన విషయం ఏంటంటే నలుగురు హీరోలు నేను హీరో అంటే నేను అనుకుని కొట్టుకునే రేంజ్‌లో వారి పాత్రలు ఉంటాయి. ఈ క్రెడిట్‌ దర్శకుడు శ్రీరామ్‌కు దక్కుతుంది’’ అన్నారు సీనియర్‌ నటులు రాజేంద్రప్రసాద్‌. నారా రోహిత్, సందీప్‌ కిషన్, సుధీర్‌ బాబు, ఆదీ సాయికుమార్‌ హీరోలుగా, కైరా దత్, అనన్య, చాందినీ, జెన్నీ హీరోయిన్లుగా ‘భలే మంచి రోజు’ ఫేమ్‌ శ్రీరామ్‌ ఆదిత్య దర్శకత్వంలో భవ్య క్రియేషన్స్‌ పతాకంపై వి. ఆనంద ప్రసాద్‌ నిర్మించిన చిత్రం ‘శమంతకమణి’. ఈ నెల 14న ఈ సినిమా విడుదల కానుంది.
 
  ఈ సందరభంగా హైదరాబాద్‌లో ప్రీ–రిలీజ్‌ ఫంక్షన్, ఆడియో రిలీజ్‌ నిర్వహించారు. రాజేంద్రప్రసాద్‌ మాట్లాడుతూ– ‘‘ఈ జనరేషన్‌తో పనిచేస్తే ఎలా ఉంటుందో అనుకుని భయపడే నాకు తమ్ముళ్లు, బిడ్డల కన్నా ఎక్కువ నాతో ఫ్రెండ్లీగా ఉండి, పనిచేసిన ఆ నలుగురికీ (హీరోలు) నా కృతజ్ఞతలు. నా మిత్రుడు ఆనంద ప్రసాద్‌గారు ఒక టేస్ట్‌ ఉన్న జెంటిల్‌మన్‌. అన్నే రవి అనే కుడి భుజంతో కలిసి మంచి చిత్రం తీశారు’’ అన్నారు. దర్శకుడు పూరీ జగన్నాథ్‌ మాట్లాడుతూ – ‘‘రాజేంద్రప్రసాద్‌గారితో పని చేయాలని నాకు ఎప్పటి నుంచో కోరిక. ఆయన్ను చూసి చాలా నేర్చుకున్నాను. ప్లీజ్‌ సర్‌.. ఏదో ఒక రోజు మీతో పనిచేసే అవకాశం ఇవ్వండి.
 
  ‘శమంతకమణి’ ఫంక్షన్‌కి వెళదామని రెండు రోజులుగా బాలకృష్ణగారు అంటూనే ఉన్నారు. చిన్న ఫుడ్‌ పాయిజన్‌ అవడం వల్ల చివరి నిమిషంలో ఆయన ఈ ఫంక్షన్‌కి రాలేకపోయారు. ఆయన తరఫున నన్ను సారీ చెప్పమన్నారు. ‘శమంతకమణి’ పెద్ద హిట్‌ అవ్వాలి’’ అన్నారు. ‘‘ఈ సినిమాకి శ్రీరామ్‌ ఆదిత్య హీరో. పూరీగారు బాలయ్య బాబుతో ఎప్పుడు సినిమా చేస్తారా? అనుకునేవాణ్ణి. వారి కాంబినేషన్‌లో వస్తున్న ‘పైసా వసూల్‌’ మరో పది సినిమాలకు సరిపడా పైసలు వసూలు చేయాలి’’ అన్నారు నారా రోహిత్‌. ‘‘ఈ ఫంక్షన్‌కి బాలయ్యగారు వస్తారనుకున్నా. బ్లాకులో టికెట్టు కొని ఆయన సినిమాలు చూసేవాణ్ణి. ఆయనతో పాటు నేనున్న ఫొటో కూడా పేపర్లో పడుతుందని ఆనందంగా ఇక్కడికి వచ్చా.
 
 కానీ, డిజప్పాయింట్‌మెంట్‌. కచ్చితంగా ఆ రోజు వస్తుంది’’ అని సుధీర్‌బాబు చెప్పారు. ‘‘నలుగురు హీరోలు కలిస్తే ఇంత సరదాగా సినిమా తీయొచ్చని చెప్పడానికి ‘శమంతకమణి’ బెస్ట్‌ ఉదాహరణ. ఆ క్రెడిట్‌ దర్శక–నిర్మాతలదే. చిన్నప్పుటి నుంచి రాజేంద్రప్రసాద్‌గారిని చూస్తూ పెరిగాను. ఆయనతో పనిచేయడం ద్వారా చాలా నేర్చుకున్నా’’ అన్నారు సందీప్‌కిషన్‌. ‘‘ఏ హీరోకైనా పూరీతో పని చేయాలనుంటుంది. నాకిష్టమైన దర్శకుడాయన. ఈ చిత్రానికి డైరెక్టరే హీరో’’ అన్నారు ఆది. దర్శకుడు శ్రీరామ్‌ ఆదిత్య మాట్లాడుతూ– ‘‘నా డ్రీమ్‌ శమంతకమణి కారు. జాబ్‌ మానేసి ఈ కథ రాసుకునేటప్పుడు నేను డిస్టర్బ్‌ అవ్వకూడదని మా నాన్న ఆరు నెలలు నాకు జీతం ఇచ్చారు. నలుగురు హీరోలతో సినిమా చేయగలననే ధైర్యం మా మమ్మీ ఇచ్చిందే. మా సినిమాలో హీరో, హీరోయిన్లు లేరు. ఇంట్రెస్టింగ్‌ పాత్రలే ఉంటాయి’’ అన్నారు. నిర్మాత వి. ఆనంద ప్రసాద్, ఎగ్జిక్యూటివ్‌ నిర్మాత అన్నే రవి, పాటల రచయిత రామజోగయ్యశాస్త్రి తదితరులు పాల్గొన్నారు.
  


 నలుగురు యంగ్ హీరోలు లీడ్ రోల్స్లో తెరకెక్కుతున్న భారీ మల్టీ స్టారర్ సినిమా శమంతకమణి. భలేమంచి రోజు ఫేం శ్రీరాం ఆదిత్య దర్శకత్వంలో తెరకెక్కుతున్న ఈ సినిమాలో సుధీర్ బాబు, ఆది, సందీప్ కిషన్, నారా రోహిత్లు లీడ్ రోల్స్లో నటిస్తున్నారు. ఇటీవల రిలీజ్ అయిన ఈ సినిమా ట్రైలర్కు మంచి రెస్పాన్స్ వచ్చింది. సోమవారం ప్రీ రిలీజ్ ఈవెంట్ను ఘనంగా నిర్వహించేందుకు ఏర్పాట్లు చేస్తున్నారు.
 
 ఈ కార్యక్రమానికి నందమూరి బాలకృష్ణ, డాషింగ్ డైరెక్టర్ పూరి జగన్నాథ్లు ముఖ్య అతిథిలుగా హాజరవుతున్నారు. కామెడీ క్రైం థ్రిల్లర్గా తెరకెక్కుతున్న ఈ సినిమాలో సీనియర్ నటుడు రాజేంద్ర ప్రసాద్ మరో కీలక పాత్రలో నటిస్తున్నాడు. శమంతకమణి అనే ఖరీదైన రోల్స్ రాయిస్ కారు నేపథ్యంలో తెరకెక్కుతున్న సినిమాను పది కోట్ల బడ్జెట్తో నిర్మించారు.


 స్టైలిష్ స్టార్ అల్లు అర్జున్, ఈ శుక్రవారం డీజే దువ్వాడ జగన్నాథమ్గా ప్రేక్షకుల ముందుకు వస్తున్నాడు. సరైనోడు సినిమాతో కెరీర్లో బిగెస్ట్ హిట్ సాధించిన బన్నీ డీజేతో మరోసారి రికార్డ్లను తిరగరాయలని ప్లాన్ చేస్తున్నాడు. అందుకే పక్కా కమర్షియల్ ఎంటర్టైనర్తో ప్రేక్షకుల ముందుకు వస్తున్నాడు. ఇప్పటికే సినిమా మీద పాజిటవ్ బజ్ క్రియేట్ అయ్యింది. తాజాగా రిలీజ్ విషయంలో కూడా బన్నీకి టైం బాగా కలిసొస్తుంది.
 
 ఈ వారం మూడు చిన్న సినిమాలు రిలీజ్ అయినా ఏది వచ్చే వారం వరకు థియేటర్లలో నిలబడే పరిస్థితి కనిపించటం లేదు. ఇక వచ్చే వారం డీజే సోలోగా థియేటర్లలోకి వస్తున్నాడు. ఆ తరువాత వారం కూడా బన్నీకి బోనస్గా కలిసొచ్చింది. డీజే రిలీజ్ అయిన వారం తరువాత రిలీజ్ కావాల్సిన కథలో రాజకుమారి, శమంతకమణి సినిమాలు వాయిదా పడే అవకాశం కనిపిస్తోంది. అదే జరిగితే 15 రోజుల పాటు డీజే దూకుడును ఆపేవారే ఉండరు. సినిమాకు పాజిటివ్ టాక్ వస్తే మరోసారి రికార్డ్లు సృష్టించటం కాయం అంటున్నారు ఫ్యాన్స్.


 
 యంగ్ హీరోస్ నారా రోహిత్, ఆది, సందీప్ కిషన్, సుదీర్ బాబులు హీరోలుగా తెరకెక్కుతున్న మల్టీ స్టారర్ మూవీ శమంతకమణి. గతంలో ఎన్నడూ లేని విధంగా నలుగురు యంగ్ హీరోస్ ఒకే సినిమాలో కలిసి నటిస్తుండటంతో ఈ ప్రాజెక్ట్ లో మంచి అంచనాలు ఏర్పడ్డాయి.
 
 అందుకు తగ్గట్టుగా ఇంట్రస్టింగ్ పోస్టర్ లో మరింత హైప్ క్రియేట్ చేసిన చిత్రయూనిట్ తాజాగా టీజర్ తో మరోసారి ఆకట్టుకుంది.  శ్రీ రామ్ ఆదిత్య దర్శకత్వంలో తెరకెక్కుతున్న ఈ సినిమాలో సీనియర్ నటుడు రాజేంద్ర ప్రసాద్ మెకానిక్ మహేష్ బాబుగా కనిపిస్తున్నాడు. ప్రస్తుతం షూటింగ్ పనుల్లో బిజీగా ఉన్న ఈ సినిమాపై మరిన్ని అప్ డేట్స్ త్వరలోనే వెల్లడించనున్నారు.


 టాలీవుడ్ యంగ్ హీరోస్ సుధీర్ బాబు, నారా రోహిత్, ఆది, సందీప్ కిషన్లు హీరోలుగా నటిస్తున్న మల్టీ స్టారర్ సినిమా శమంతకమణి. భలే మంచి రోజు ఫేం శ్రీ రామ్ ఆదిత్య దర్శకత్వంలో తెరకెక్కుతున్న ఈ సినిమాలో నలుగురు హీరోలకు సమానమైన మరో కీలక పాత్ర ఉందట.. ఆ పాత్ర పేరే మహేష్ బాబు. కీలకమైన క్యారెక్టర్ కోసం సీనియర్ నటుడు రాజేంద్ర ప్రసాద్ను తీసుకున్నారు.
 
 తాజాగా రాజేంద్ర ప్రసాద్ క్యారెక్టర్కు సంబంధించిన ప్రీ లుక్ పోస్టర్ను కూడా రిలీజ్ చేశారు చిత్రయూనిట్. ప్రస్తుతం షూటింగ్ జరుపుకుంటున్న ఈ సినిమా టీజర్ను గురువారం రిలీజ్ చేయనున్నారు. భవ్యక్రియేషన్స్ బ్యానర్లో తెరకెక్కుతున్న  ఈ సినిమాకు మణిశర్మ సంగీతం అందిస్తున్నాడు.