పుష్ప చిత్రంలో శ్రీలీల భాగమైనప్పటి నుంచి సోషల్ మీడియాలో ఒక వార్త తెగ వైరల్‌ అవుతుంది. ఈ చిత్రానికి ఆమె తీసుకున్న రెమ్యునరేషన్‌ గురించి నెట్టింట పెద్ద చర్చ జరుగుతుంది. డ్యాన్స్ విషయంలో అల్లు అర్జున్‌, శ్రీలీల.. ఇద్దరూ ఏమాత్రం తగ్గరు. అలాంటిది పుష్ప కోసం ఒక సాంగ్‌లో కనిపిస్తే.. ఆ క్రేజ్‌ గురించి చెప్పాల్సిన పని ఉండదు. 'పుష్ప2' చిత్రంలో 'కిస్సిక్‌..' అంటూ సాగే ఒక పాటలో ఈ ఇద్దరి డ్యాన్స్‌కు ఎవరైనా ఫిదా కావాల్సిందే.శ్రీలీల రెమ్యునరేషన్‌పుష్ప చిత్రంలో 'ఊ అంటామా మావ.. ఊ ఊ అంటావా' అని సమంత ఉర్రూతలూగించింది. ఇప్పుడు రెండో భాగంలో కూడా అదే రేంజ్‌ కొనసాగాలంటే సరైన హీరోయిన్‌ కావాల్సిందే. అందుకే శ్రీలీలను మేకర్స్‌ ఎంపిక చేసుకున్నారు. అయితే, పుష్ప2 స్పెషల్‌ సాంగ్‌ కోసం సుమారు రూ. 2 కోట్ల రెమ్యునరేషన్‌ శ్రీలీల తీసుకుందట. ఈ పాట కోసం 5రోజులు ఆమె కేటాయించారని టాక్‌. సుకుమార్‌-దేవిశ్రీ ప్రసాద్‌ కాంబినేషన్‌లో ఇప్పటికే వచ్చిన ఐటమ్‌ సాంగ్‌లకు ప్రత్యేకమైన క్రేజ్ ఉంది. ఇప్పుడు 'పుష్ప2'లోనూ అదిరిపోయేలా 'కిస్సిక్‌..' ఐటమ్‌ సాంగ్‌ను మేకర్స్‌ సిద్ధం చేశారని తెలుస్తోంది.ఒక సినిమాకు తీసుకునేంత రెమ్యునరేషన్‌ అడిగిన శ్రద్ధా కపూర్‌పుష్ప-2 ఐటెం సాంగ్ కోసం తొలుత శ్రీలీలను మేకర్స్‌ ఎంపిక చేయలేదట. బాలీవుడ్‌ క్రేజీ హీరోయిన్‌ శ్రద్ధా కపూర్‌ను అనుకున్నారట. అయితే, స్త్రీ 2 సినిమాకి రూ.5 కోట్ల వరకూ రెమ్యూనరేషన్ తీసుకున్న శ్రద్ధా.. ఈ చిత్రంలోని ఐటెం సాంగ్‌ కోసం సుమారు రూ. 7 కోట్ల వరకు పారితోషికం అడిగినట్లు తెలుస్తోంది. దీంతో అనూహ్యంగా ‍శ్రీలీల పుష్ప ప్రాజెక్ట్‌లోకి ఎంట్రీ ఇచ్చేసింది. అల్లు అర్జున్‌- సుకుమార్‌ కాంబినేషన్‌లో తెరకెక్కుతున్న ఈ చిత్రంలో రష్మిక కథానాయిక. మైత్రీ మూవీ మేకర్స్‌ పతాకంపై నవీన్‌ యెర్నేని, వై.రవిశంకర్‌ సంయుక్తంగా నిర్మిస్తున్నారు. డిసెంబరు 5న ఈ చిత్రం విడుదల కానున్న సంగతి తెలిసిందే.

బాలీవుడ్ నటి శ్రద్ధా కపూర్ దేశవ్యాప్తంగా ట్రెండింగ్‌లో ఉన్నారు. ఆమె నటించిన తాజా చిత్రం స్త్రీ 2 విజయంతో భారీగా అభిమానులను పెంచుకున్నారు. ఇన్‌స్టాగ్రామ్‌లో అందరికంటే ఎక్కువ ఫాలోవర్స్‌ ఉన్న హీరోయిన్‌గా రికార్డ్‌ క్రియేట్‌ చేసింది. తాజాగా పాపులారిటీలో ప్రధాని మోదీనే వెనక్కి నెట్టిన ఈ బ్యూటీ ఇప్పుడు ప్రియాంక చోప్రాను కూడా వెనక్కు నెట్టి టాప్‌ ప్లేస్‌లో చేరిపోయారు.బాలీవుడ్‌ నటుడు శక్తికపూర్‌ వారసురాలిగా చిత్ర పరిశ్రమలోకి ఎంట్రీ ఇచ్చిన ఈ బ్యూటీ.. సినిమాలతో పాటు తన వ్యక్తిగత విషయాలను పంచుకుంటూ అభిమానులను కట్టిపడేస్తుంది. తన దినచర్యతో పలు విషయాలను ఫ్యాన్స్‌తో పంచుకుంటుంది. అలా భారీ సంఖ్యలో ఇన్‌స్టాగ్రామ్‌ నుంచి అభిమానులకు సంపాదించుకుంది. ఆమెకు ప్రస్తుతం 91.9 మిలియన్ల ఫాలోవర్లు ఉన్నారు. ఇండియన్‌ హీరోయిన్‌ల పాపులారిటీలో ఆమె టాప్‌ వన్‌ స్థానంలో ఉన్నారు. ఇండియన్‌ అందరి సెలబ్రిటీల జాబితాలో అయితే రెండో స్థానంలో ఉన్నారు. ప్రపంచవ్యాప్తంగా ఇన్‌స్టాలోని ప్రముఖల జాబితాలో శ్రద్ధా కపూర్‌ టాప్‌-4 లో ఉన్నారు.ప్రపంచవ్యాప్తంగా ఇన్‌స్టాగ్రామ్‌లో అత్యధిక ఫాలోవర్లు ఉన్న ప్రముఖులుఫుట్‌బాల్ ఆటగాడు క్రిస్టియానో ​​రొనాల్డో - 636 మిలియన్లు లియోనెల్ మెస్సీ- 504 మిలియన్లుక్రికెటర్ విరాట్ కోహ్లీ - 270 మిలియన్లుశ్రద్ధా కపూర్ - 91.9 మిలియన్లు ప్రియాంక చోప్రా - 91.8 మిలియన్లుప్రధాని నరేంద్ర మోదీ - 91.3 మిలియన్లు అలియా భట్ - 85.1 మిలియన్లు.కత్రినా కైఫ్ - 80.4 మిలియన్లు.దీపికా పదుకొనే - 79.8 మిలియన్లు. View this post on Instagram A post shared by Shraddha ✶ (@shraddhakapoor)

2019లో పూరి జగన్నాథ్‌- రామ్‌ పోతినేని కాంబోలో వచ్చిన 'ఇస్మార్ట్‌ శంకర్‌' భారీ హిట్‌ అందుకుంది. ఆ సినిమా మాస్‌ ఆడియన్స్‌ను ఎంతగానో మెప్పించి వారిద్దరికీ బ్లాక్‌ బస్టర్‌గా నిలించింది. ఈ సినిమా సీక్వెల్‌ సిద్ధమవుతోన్న విషయం తెలిసిందే. తాజాగా దానికి సంబంధించిన ఓ ఇస్మార్ట్‌ అప్‌డేట్‌ను చిత్ర యూనిట్‌ షేర్‌ చేసింది. లైగర్ రిజల్ట్ తనను తీవ్రంగా బాదించినా మళ్లీ తన మార్క్ సినిమా చేయడానికి రెడీ అయ్యాడు పూరి. తనలో ఉన్న ప్రత్యేకత ఇదేనని చెప్పవచ్చు. హీరోలకు ఏ మాత్రం తగ్గని ఫ్యాన్‌ బేస్‌ పూరికి ఉంది.  (ఇదీ చదవండి: 61 ఏళ్ల వ్యక్తితో శృంగారం.. రియాక్ట్‌ అయిన హీరోయిన్‌) నేడు జులై 10న ఈ సినిమా పూజా కార్యక్రమం జరిగినట్లు యూనిట్‌ తెలిపింది. అందుకు సంబంధించిన పలు షేర్‌ చేసింది. జులై 12 నుంచి రెగ్యులర్‌ షూటింగ్‌ మొదలుకానుంది. దీనికి   ‘డబుల్‌ ఇస్మార్ట్‌’ అనే టైటిల్‌ను కన్ఫామ్‌ చేసిన విషయం తెలిసిందే. 2024 మార్చి 8న డబుల్ ఇస్మార్ట్‌ను రిలీజ్ చేయనున్నట్టు ప్రకటించారు. ఇప్పటికే రామ్- బోయపాటి కాంబోలో  భారీ యాక్షన్ మూవీ 'స్కంద' చేస్తున్నాడు. దీనిని సెప్టెంబర్ 15న పాన్ ఇండియా రేంజ్‌లో రిలీజ్ చేస్తున్నారు.  అది హిట్ అయితే డబుల్ ఇస్మార్ట్ కి డబుల్‌ కిక్‌ ఇవ్వడమే కాకుండా.. లైగర్‌తో నష్టపోయిన పూరి బౌన్స్ బ్యాక్ ఇవ్వడం ఖాయం. బాలీవుడ్‌ హీరోయిన్‌ రామ్‌ సరసన బాలీవుడ్‌ హీరోయిన్‌ శ్రద్ధ కపూర్ నటించబోతున్నట్లు తెలుస్తోంది. మరోక హీరోయిన్‌గా మీనాక్షి చౌదరిని తీసుకున్నారని సమాచారం. మణిశర్మ సంగీతం అందిస్తుండగా  ఛార్మి, పూరి నిర్మాతలుగా వ్యవహరించనున్నారు. భారీ యాక్షన్ థ్రిల్లర్‌గా ఈ సినిమాని తెరకెక్కించబోతున్నట్లు తెలుస్తోంది. With the blessings of Lord Shiva 🔱 Ustaad @ramsayz & Dashing Director #PuriJagannadh's#DoubleISMART Pooja ceremony commenced 🪔 Shoot Begins on July 12th❤️‍🔥 Mass Action Entertainer at the cinemas on MARCH 8th, 2024💥@Charmmeofficial @IamVishuReddy pic.twitter.com/Kj9vDRHiIg — Puri Connects (@PuriConnects) July 10, 2023 (ఇదీ చదవండి: అ‍ల్లర్ల మధ్య హోటల్‌లో బిక్కుబిక్కుమంటూ గడిపిన ఊర్వశి!)

శుక్రవారం విడుదలైన బాలీవుడ్‌ డాన్స్‌ మూవీ ‘స్ట్రీట్‌ డాన్సర్‌ త్రీడీ’ లో నటి నోరా ఫతేహీ పోనీ టెయిల్‌తో కనిపిస్తారు. ఆ సినిమాలో శద్ధ్రాకపూర్‌ తర్వాత రెండో హీరోయిన్‌.. నోరా ఫతేహీ. అయితే ఆ పోనీ టెయిల్‌ కారణంగా కొన్ని చోట్ల నోరానే ప్రధాన నాయికగా అనిపిస్తారు! సినిమాలో పోనీ టెయిల్‌తో నోరా డాన్స్‌ చేస్తుంటే గుర్రంపై సవారీ చేస్తున్నట్లే ఉన్నారట! అయితే అది సహజమైన పోనీ టెయిల్‌ కాదు. 500 గ్రాముల బరువైన సహజ శిరోజాలతో తయారైన టెయిల్‌. అందుకు అయిన ఖర్చు... (ఆమె తలపై పోనీ టెయిల్‌ను స్టెయిల్‌గా తీర్చిదిద్దడానికి అయిన ఖర్చు) 2 లక్షల 50 వేలు! దుబాయ్‌లో షూటింగ్‌ జరుగుతున్నప్పుడు నోరా ఫతేహీ పాత్రకోసం ఆమె ముఖానికి సరిపడే విధంగా టెయిల్‌ను తయారు చెయ్యడానికి ముస్తాబు నిష్ణాతులు సైతం కొన్ని గంటలపాటు శ్రమించవలసి వచ్చిందని.. సినిమా రిలీజ్‌ అయి, అంతా తన పోనీ టెయిల్‌ బాగుందని చెబుతున్నప్పుడు నోరా గర్వంతో కూడిన సంతోషంతో చెప్పారు. రెమో డిసౌజా దర్శకత్వం వహించిన ఈ చిత్రంలో నోరాతో పాటు ప్రభుదేవా, వరుణ్‌ ధావన్‌ ఉన్నారు.

దుబాయ్‌లో దుమ్ము లేచిపోయే యాక్షన్‌ సీక్వెన్స్‌ను తెరకెక్కించారు ‘సాహో’ టీమ్‌. హాలీవుడ్‌ యాక్షన్‌ కొరియోగ్రాఫర్‌ కెన్నీ బేట్స్‌ నేతృత్వంలో రూపొందిన ఈ ఎనిమిది నిమిషాల సీన్‌ కోసం దాదాపు 70 కోట్లు ఖర్చు చేశారట చిత్రబృందం. ప్రభాస్‌ హీరోగా సుజిత్‌ దర్శకత్వంలో యూవీ క్రియేషన్స్‌ పతాకంపై వంశీ, ప్రమోద్‌లు నిర్మిస్తున్న సినిమా ‘సాహో’. ఇందులో శ్రద్ధాకపూర్‌ కథానాయిక. దుబాయ్‌ షెడ్యూల్‌ తర్వాత ఇండియాలో నెక్ట్స్‌ షెడ్యూల్‌ను స్టార్ట్‌ చేస్తారట. వచ్చే నెలాఖర్లో హైదరాబాద్‌లో షూటింగ్‌ స్టార్ట్‌ కానుందని సమాచారమ్‌. ప్రభాస్‌తో పాటుగా సినిమాలోని ముఖ్య తారలపై  కీలక సన్నివేశాలను చిత్రీకరిస్తారట. సాంగ్‌ షూట్స్‌ని కూడా ప్లాన్‌ చేశారన్న ప్రచారం జరుగుతోంది. అరుణ్‌ విజయ్, నీల్‌నితిన్‌ ముఖేష్, ఎవెలిన్‌ శర్మ, మలయాళ నటుడు పాల్‌ తదితరులు నటిస్తున్నారు. ‘సాహో’ చిత్రానికి శంకర్‌–ఇషాన్‌–లాయ్‌ సంగీతం అందిస్తున్నారు. తెలుగు, తమిళం, హిందీ భాషల్లో రూపొందుతోన్న ‘సాహో’ చిత్రాన్ని వచ్చే ఏడాది రిలీజ్‌ చేయాలనుకుంటున్నారు. 

తమిళసినిమా: సినిమా ఒక కాలక్షేప మాధ్యమమే. అలాగని అల్లాటప్పాగా చేసేస్తే ప్రేక్షకులు ఏ మాత్రం హర్షించరు. సినిమా ఎల్లలు దాటుతున్న కాలం ఇది. కొత్తదనంతో పాటు, పర్ఫెక‌్షన్‌ చాలా ముఖ్యం. తారలు చెప్పింది చేసేసి పోదాం, సాంకేతిక వర్గం చుట్టేసిపోదాం అనుకోవడంలేదు. ముందు తరం తారలు తమ పాత్రలకు తామే డబ్బింగ్‌ చెప్పి, పాటలు పాడుకునే వారు. ఆ తరువాత అది కొరవడుతూ వచ్చింది. పరభాషా తారల ప్రాబల్యం పెరగడం కూడా ఇందుకు ఒక కారణం కావచ్చు. మాతృభాషలో కూడా డబ్బింగ్‌ చెప్పుకోలేని కథానాయికలు ఉన్నారంటే అతి శయోక్తి కాదు. అలాంటిది ఇటీవల పరభాషా యువ నటీమణులు కూడా తమ పాత్రలకు తామే డబ్బింగ్‌ చెప్పుకోవడానికి ఆసక్తి చూపుతుండటం ఆహ్వానించదగ్గ పరిణామం.  అలా తన పాత్రకు తానే డబ్బింగ్‌ చెప్పుకోవడానికి సిద్ధం అవుతున్న బాలీవుడ్‌ బ్యూటీ శ్రద్ధాకపూర్‌. ఈ ముద్దుగుమ్మ త్రిభాషా చిత్రం సాహోలో కథానాయకిగా నటిస్తున్న విషయం తెలిసిందే. బాహుబలి -2 చిత్రం తరువాత ప్రభాస్‌ కథానాయకుడిగా నటిస్తున్న భారీ చిత్రం ఇది.  ఈ చిత్రానికి శ్రద్ధాకపూర్‌ తెలుగు, తమిళం భాషల్లో సంభాషణలు చెప్పడానికి ప్రత్యేకంగా ఒక ట్యూటర్‌ను నియమించుకుందట.  డైలాగ్స్‌ పలకడంతో ఆయన నుంచి శిక్షణ పొంది చిత్ర సన్నివేశాల్లో నటిస్తోందట. అంతటితో ఆగకుండా తన పాత్రకు తానే డబ్బింగ్‌ చెప్పుకోవడానికి ముందుగానే సంభాషణల పేపర్లను తెప్పించుకుని ఇప్పటి నుంచే తర్ఫీదు పొందుతోందట. అదే విధంగా మరో మలయాళీ బ్యూటీ కీర్తీసురేశ్‌ కూడా తన పాత్రకు తానే డబ్బింగ్‌ చెప్పుకోవడానికి ఆసక్తి చూపుతోంది. ఈ అమ్మడిప్పుడు కోలీవుడ్, టాలీవుడ్‌లలో స్టార్‌ హీరోలతో నటిస్తూ చాలా బిజీగా ఉంది. తెలుగులో పవన్‌కల్యాణ్‌కు జంటగా నటిస్తున్న తాజా చిత్రంలో తన పాత్రకు తానే డబ్బింగ్‌ చెప్పేసిందట. ఈ విషయాన్ని తను డబ్బింగ్‌ చెబుతన్న ఫొటోను ట్విట్టర్‌లో పోస్ట్‌ చేసి మరీ చెప్పింది. 

తమిళసినిమా: సినిమా వాళ్లు ఎప్పుడూ తమ గురించే మాట్లాడుతుంటారు. ఇతరుల గురించి ముఖ్యంగా అందరి శ్రేయస్సును దృష్టిలో పెట్టుకుని ఓ మంచి మాట చెబుదాం అనే ఆలోచన రాదు. ఎందుకంటే సెలబ్రిటీలైన వారి మాటలైనా, చేష్టలైనా సాధారణ ప్రజలపై చాలా ప్రభావం చూపుతాయన్నది నిజం. అలా నటి శ్రద్ధాకపూర్‌ ప్రజలకు ఓ మంచి మాట చెప్పారు. పలు హిందీ చిత్రాల్లో నటించి పాపులర్‌ అయిన ఈ ముద్దుగుమ్మ బహుముఖ ప్రజ్ఞాశాలి. శ్రద్ధాకపూర్‌లో మంచి నటితో పాటు, గాయని, గీతరచయిత ఉన్నారు. ఈ బ్యూటీ పలు చిత్రాలకు పాడారు. పాటలు రాశారు. సాహో చిత్రంతో టాలీవుడ్, కోలీవుడ్‌లకు పరిచయం కానున్నారు. బాహుబలి సీరిస్‌ తరువాత నటుడు ప్రభాష్‌ నటిస్తున్న త్రిభాషా చిత్రం సాహో. భారీ ఎత్తున్న తెరకెక్కుతున్న ఈ చిత్రం ఇప్పటికే తొలి షెడ్యూల్‌ చిత్రీకరణను పూర్తి చేసుకుంది. ప్రభాస్‌ పుట్టిన రోజు సందర్భంగా ఈ నెల 23న సాహో చిత్ర టీజర్‌ను విడుదల చేయడానికి చిత్ర వర్గాలు సన్నాహాలు చేస్తున్నారు. శద్ధాకపూర్‌ ఆదివారం తన ట్విట్టర్‌ ద్వారా ఒక వీడియోను విడుదల చేశారు. అందులో ఆమె పేర్కొంటూ అందరికీ దీపావళి శుభాకాంక్షలు. ఈ పర్వదినాన్ని సంతోషంగా జరుపుకోండి. అయితే పటాసులు కాల్చి భూమండలాన్ని పొగమండలంగా మాత్రం మార్చకండి. అది అందరి ప్రాణాలకు చెడు కలిగిస్తుంది అంటూ ఒక మంచి మాటతో హితవుపలికారు.


 బాలీవుడ్ బ్యూటీ దక్షిణాదిలో మెరవడం కొత్తేమి కాదు. దీపికాపడుకునే, కత్రినా కైఫ్, సోనాక్షి సిన్హా, కంగనారావత్, ఇలియానా, తాప్సీ, కాజల్ ఇక చాలా మంది దక్షిణాది ప్రేక్షకులను తమ అందచందాలతో ముగ్ధుల్ని చేశారు. తాజాగా ఆష్‌కి - 2 చిత్ర నాయకి శ్రద్ద కపూర్‌కు దక్షిణాది నుంచి పిలుపొచ్చిందన్నదే తాజావార్త. టాలీవుడ్ సూపర్‌స్టార్ మహష్‌బాబుకు కోలీవుడ్‌లోనూ మంచి ఫాలోయింగ్ ఉంది. దాన్ని మరింత పంచుకునే ప్రయత్నంలో ఉన్నారాయన. మహేష్ తన చిత్రాలను తెలుగు, తమిళ భాషలలో తెరకెక్కేలా ప్లాన్ చేసుకుంటున్నారిప్పుడు. ప్రస్తుతం నిర్మాణంలో వున్న బ్రహ్మోత్సవం చిత్రాన్ని ద్విభాషా చిత్రంగా చేస్తున్నారు. తదుపరి తమిళ ప్రముఖ దర్శకుడు ఏఆర్ మురుగదాస్ దర్శకత్వంలో చేయడానికి సిద్ధమవుతున్నారు.
 
 ఇది భారీ కమర్షియల్ అంశాలతో కూడిన జనరంజక కథా చిత్రంగా ఉంటుందంటున్నారు. ఈ చిత్రంలో శ్రుతిహాసన్ హీరోయిన్‌గా ఎంపికైనట్లు ప్రచారం జరిగింది. అయితే తాజాగా బాలీవుడ్ బ్యూటీ శ్రద్దకపూర్‌ను ఈ చిత్రం ద్వారా ఏఆర్ మురుగదాస్ దక్షిణాదికి పరిచయం చేయబోతున్నట్లు కోలీవుడ్ వర్గాల సమాచారం. ప్రస్తుతం హిందీలో ఆష్‌కి-2 చిత్రాన్ని పూర్తి చేసిన ఏఆర్ మురుగదాస్ మహేష్‌బాబుతో చేసే ద్విభాషా చిత్ర కథకు మెరుపులద్దే పనిలో నిమగ్నమైనట్లు సమాచారం.