‘ధమకా’ మూవీ వివాదంపై తాజాగా డైరెక్టర్‌ త్రినాథ్‌ రావు స్పందించారు. ఈ సందర్భంగా ఆయన ఉప్పర కులస్థులను క్షమాపణలు కోరారు. ఈ మేరకు గురువారం(డిసెంబర్‌ 22) జరిగిన ధమాకా మూవీ మీడియా సమావేశంలో ఆయన మాట్లాడారు. ‘ఇటీవల జరిగిన ప్రి రిలీజ్ ఈవెంట్‌లో నేను ఉప్పర అనే పదం వాడాను. అది తెలిసి చేయలేదు. తెలియక జరిగిన తప్పుకు ఉప్పర సోదరులకు నన్ను క్షమించాలి. రవితేజ అభిమానుల్లో ఉప్పర సోదరుడు కూడా భాగమే. ఇక నుంచి ఉప్పార అనే పదాన్ని నా సినిమాల్లో వాడను. నాపై కోపాన్ని సినిమాపై చూపించకండి. నేను బీసీనే. ఉప్పర సోదరులు కూడా బీసీలో భాగమే. సినిమా ప్రేక్షకుల్లో మీరు కూడా భాగమే. ఇకపై ఉప్పర పదాన్ని రాజకీయ నాయకుల, సినీ నటులు, ఇతరులు కూడా బహిష్కరించాలి’ అని ఆయన వ్యాఖ్యానించారు. కాగా ప్రీ రిలీజ్‌ ఈవెంట్‌లో దర్శకుడు త్రినాథ్‌ రావు ‘నీ ఉప్పర లొల్లి’ ఏంటి అని వ్యాఖ్యానించారు. దీంతో తమని ధమాకా డైరెక్టర్‌ తమని అవమానించారంటూ ఉప్పర కులస్తుల సంఘం తీవ్ర ఆగ్రహం వ్యక్తం చేసింది. అలాగే డైరెక్టర్‌ త్రినాథ్‌ తమకు వెంటనే క్షమాపణాలు చెప్పాలని డిమాండ్‌ చేస్తూ తెలంగాణ రాష్ట్ర సగర ఉప్పర సంఘం అధ్యక్షుడు ఉప్పరి శేఖర్‌ సాగర్‌ ఆధ్వర్యంలో కులస్తులు బుధవారం ఫిలించాంబర్‌ వద్ద ఆందోళన చేశారు. ఆయనకు వ్యతిరేకంగా నినాదాలు చేస్తూ ప్లకార్డులు ప్రదర్శిస్తూ చాంబర్‌ వద్ద బైఠాయించారు. ఆయన దిష్టి బొమ్మ తగలబెట్టి ఆందోళన చేపట్టిన సంగతి తెలిసిందే. 

‘‘నేను దర్శకత్వం వహించిన ‘అల్లరి ప్రియుడు’ చిత్రంలోని ఆర్కెస్ట్రా గ్రూపులో రవితేజ ఒకడు. ఆ టీమ్‌లో రవితేజ డ్రమ్స్‌ వాయించాడు. తను భవిష్యత్‌లో పెద్ద మాస్‌ హీరో అవుతాడని అప్పుడే ఊహించాను. ఇక ‘పెళ్ళి సందడి’(2021) సినిమాలో ఫ్లూటు వాయించి ప్రేక్షకుల మనసుల్లో స్థానం సంపాదించారు శ్రీలీల. వీరిద్దరితో ‘ధమాకా’కి కనకవర్షం కురవాలి’’ అని డైరెక్టర్‌ కె.రాఘవేంద్ర రావు అన్నారు. రవితేజ, శ్రీలీల జంటగా త్రినాథరావు నక్కిన దర్శకత్వంలో రూపొందిన చిత్రం ‘ధమాకా’. టీజీ విశ్వప్రసాద్‌ నిర్మించిన ఈ చిత్రం ఈ నెల 23న రిలీజ్‌ కానుంది. ఈ సందర్భంగా ఆదివారం హైదరాబాద్‌లో నిర్వహించిన ప్రీ రిలీజ్‌ వేడుకకి ముఖ్య అతిథిగా హాజరైన కె.రాఘవేంద్రరావు మాట్లాడుతూ– ‘‘ధమాకా’ సినిమా పెద్ద హిట్‌ కావాలి. త్వరలో రవితేజ కొడుకు కూడా హీరో కాబోతున్నాడు’’ అన్నారు. రవితేజ మాట్లాడుతూ– ‘‘ధమాకా’ విజయంపై టీమ్‌ అంతా పూర్తి నమ్మకంతో ఉన్నాం. త్రినాథరావు, రైటర్‌ ప్రసన్న, శ్రీలీల, భీమ్స్‌ నెక్ట్స్‌ లెవల్‌కి వెళతారు. విశ్వప్రసాద్, వివేక్‌ కూచిభొట్ల మంచి పాజిటివ్‌ నిర్మాతలు. ఏ విషయంలోనూ రాజీపడని నిర్మాత అభిషేక్‌ అగర్వాల్‌’’ అన్నారు. ‘‘నేనూ రవితేజగారి అభిమానినే. ‘ధమాకా’ సక్సెస్‌ అవుతుంది’’ అన్నారు త్రినాథరావు నక్కిన. ‘‘సినిమా ఇండస్ట్రీలో స్టార్‌ అవ్వడానికి ఉన్న ప్రతి మెట్టు ఎక్కి వచ్చిన హీరో ఒక్క రవితేజగారే’’ అన్నారు రైటర్‌ ప్రసన్న కుమార్‌. ‘‘భీమ్స్‌ అవుట్‌డేట్‌ అయిపోయాడని చాలామంది అనుకున్నారు. ‘ధమాకా’ తో నన్ను మళ్లీ నిలబెట్టిన రవితేజగారికి థ్యాంక్స్‌’’ అన్నారు సంగీత దర్శకుడు భీమ్స్‌ సిసిరోలియో. ‘‘ధమాకా’ పెద్ద విజయం సాధిస్తుంది’’ అన్నారు టీజీ విశ్వప్రసాద్, అభిషేక్‌ అగర్వాల్, వివేక్‌ కూచిభొట్ల. ‘‘ధమాకా’కు ప్రేక్షకులు అద్భుత విజయం చేకూర్చాలి’’ అన్నారు శ్రీలీల. ఈ వేడుకలో డైరెక్టర్స్‌ నందినీ రెడ్డి, బీవీఎస్‌ రవి, మారుతి, శ్రీవాస్, సుధీర్‌ వర్మ, కృష్ణచైతన్య, వంశీ, వై.విజయ్, విజయ్‌ కనకమేడల, దర్శక–నటులు శ్రీనివాస్‌ అవసరాల, సముద్రఖని, నిర్మాత అభిషేక్‌ అగర్వాల్, ఫైట్‌మాస్టర్స్‌ రామ్‌ లక్ష్మణ్‌ తదితరులు పాల్గొన్నారు.

ఈ జనరేషన్‌ యంగ్ హీరోలు కేవలం నటులుగా మిగిలిపోయేందుకు ఇష్టపడటం లేదు. అందుకే ఇతర రంగాల మీద కూడా దృష్టి పెడుతున్నారు. చాలా మంది హీరోలు నిర్మాణ రంగంవైపు అడుగులు వేస్తుండగా అడపాదడపా గాయకులుగా మారి సత్తా చాటుతున్నారు. తాజాగా ఈ లిస్ట్‌లోకి మరో యంగ్ హీరో కూడాచేరిపోయాడు. టాలీవుడ్ ఎనర్జిటిక్‌ స్టార్‌ రామ్‌ ప్రస్తుతం హలో గురు ప్రేమ కోసమే సినిమా పనుల్లో బిజీగా ఉన్నాడు. త్రినాథ్‌ రావు నక్కిన దర్శకత్వంలో తెరకెక్కుతున్న ఈ సినిమాతో రామ్‌ గాయకుడిగా మారుతున్నాడట. దేవీ శ్రీ ప్రసాద్ సంగీత దర్శకత్వంలో ఇప్పటికే రామ్‌ ఆలపించిన పాటను రికార్డ్ కూడా చేశారు. దిల్‌ రాజు బ్యానర్‌లో నిర్మిస్తున్న ఈ సినిమాలో అనుపమా పరమేశ్వరన్‌ హీరోయిన్‌గా నటిస్తున్నారు. ఇప్పటికే ప్రమోషన్‌ కార్యక్రమాలు ప్రారంభించిన చిత్రయూనిట్‌ సినిమాను అక్టోబర్‌ 18న రిలీజ్ చేసేందుకు ప్లాన్‌ చేస్తున్నారు.

ఎనర్జిక్‌ స్టార్‌ రామ్‌ హీరోగా తెరకెక్కుతున్న చిత్రం హలో గురు ప్రేమ కోసమే. రామ్‌కు జోడీగా మలయాళ బ్యూటీ అనుపమా పరమేశ్వరన్‌ నటిస్తున్న ఈ సినిమా టీజర్‌ను  చిత్ర బృందం ఈరోజు విడుదల చేసింది. టైటిల్‌తోనే ఆసక్తి పెంచేసిన మూవీ యూనిట్‌ టీజర్‌తోనూ అదరగొట్టేసింది. ‘చూశావా... నీ కోసమే కాఫీ..’ అంటూ అనుపమ వాయిస్‌తో మొదలై... రామ్‌ సమాధానంతో టీజర్‌ ముగుస్తుంది. వీరిద్దరి మధ్య సంభాషణలకు తోడు.. బ్యాక్‌గ్రౌండ్‌లో దేవి శ్రీ మ్యూజిక్‌ వింటుంటే.. పేరుకు తగ్గట్టుగానే ఈ రొమాంటిక్‌ ఎంటర్‌టైనర్‌ ఫుల్‌ టూ రొమాంటిక్‌గా ఉండబోతుందని తెలుస్తోంది. కాగా ‘నేను లోకల్‌’  సినిమాతో హిట్‌ కొట్టిన త్రినాథ రావు దర్శకత్వంలో దిల్‌ రాజు నిర్మిస్తున్న ఈ సినిమాను దసరా కానుకగా అక్టోబర్‌ 18న రిలీజ్‌ చేస్తున్నట్లు సమాచారం.

టాలీవుడ్‌ సీనియర్‌ హీరో వెంకటేష్‌ వరుస సినిమాలతో బిజీ అవుతున్నారు. గురు సినిమా రిలీజ్ తరువాత లాంగ్‌ గ్యాప్‌ తీసుకున్న వెంకీ ప్రస్తుతం వరుసగా సినిమాలు అంగీకరిస్తున్నారు. ప్రస్తుతం అనిల్‌ రావిపూడి దర్శకత్వంలో ఎఫ్‌ 2 ఫన్‌ అండ్‌ ఫ్రస్ట్రేషన్‌ సినిమాలో నటిస్తున్నారు. ఈ సినిమా తరువాత కేయస్‌ రవీంద్ర (బాబీ) దర్శకత్వంలో నాగచైతన్యతో కలిసి వెంకీమామ సినిమా చేయనున్నారు. వెంకీ మామతో పాటు మరో సినిమా కూడా చేసేలా ప్లాన్‌ చేసుకుంటున్నారు వెంకీ. త్రినాథ్‌ రావు నక్కిన దర్శకత్వంలో ఓ ఎమోషనల్‌ డ్రామాకు ఓకె చెప్పినట్టుగా తెలుస్తోంది. వెంకీ పోలీస్‌ ఆఫీసర్‌గా కనిపిస్తున్న ఈ సినిమాలో తమిళ స్టార్‌ హీరో సూర్య కీలక పాత్రలో నటించనున్నాడట. ఫ్లాష్‌ బ్యాక్‌ ఎపిసోడ్‌లో దాదాపు 20 నిమిషాలు పాటు సూర్య కనిపించనున్నాడట. ప్రస్తుతానికి అధికారిక ప్రకటన లేకపోయినా వెంకటేష్‌ సినిమాలో సూర్య నటించటం కన్ఫామ్‌ అన్న ప్రచారం జరుగుతోంది.

ఎనర్జిటిక్‌ స్టార్‌ రామ్‌ హీరోగా తెరకెక్కుతున్న తాజా చిత్రం ‘హలో గురు ప్రేమ కోసమే’. దిల్‌ రాజు నిర్మిస్తున్న ఈ సినిమాలో రామ్‌ కు జోడిగా అనుపమా పరమేశ్వరన్‌ నటిస్తుండగా దేవీ శ్రీ ప్రసాద్‌ సంగీతమందిస్తున్నారు. నాని హీరోగా నేను లోకల్‌ సినిమాతో మంచి సక్సెస్‌ సాధించిన త్రినాథ్‌ రావు నక్కిన ఈ సినిమాకు దర్శకుడు . ఇప్పటికే మేజర్‌ పార్ట్‌ షూటింగ్ పూర్తి చేసుకున్న ఈ సినిమా రిలీజ్‌ డేట్‌ను ప్రకటించారు చిత్రయూనిట్‌. రొమాంటిక్‌ ఎంటర్‌టైనర్‌గా తెరకెక్కుతున్న ఈ సినిమాను దసరా కానుకగా అక్టోబర్‌ 18న రిలీజ్‌ చేస్తున్నట్టుగా ప్రకటించారు.

సాక్షి, హైదరాబాద్‌: ఎనర్జిటిక్‌ స్టార్‌ రామ్‌ హీరోగా నటించిన కొత్త చిత్రం ‘హలో గురు ప్రేమకోసమే’.. ఫస్ట్‌ లుక్‌ వచ్చేసింది. దర్శకుడు త్రినాథ్‌రావు నక్కిన‌ డైరక్షన్‌లో తెరకెక్కుతున్న ఈ చిత్రంలో అనుపమ పరమేశ్వరన్‌ హీరోయిన్‌. రామ్‌ బర్త్‌ డే సందర్భంగా ఫస్ట్‌ లుక్‌ను వదిలారు. అనుపమ వెనకాల ఫాలో అవుతున్న రామ్‌.. స్టైలిష్‌గా ఫస్ట్‌ లుక్‌ను వదిలారు. ఎస్వీసీ బ్యానర్‌పై దిల్‌రాజు ఈ చిత్రాన్ని నిర్మిస్తుండగా.. దేవీశ్రీ ప్రసాద్‌ సంగీతాన్ని అందిస్తున్నాడు. ‘ఉన్నది ఒకటే జిందగీ’ చిత్రంతో ఆకట్టుకున్న రామ్‌ మరోసారి ప్రేమకథతోనే రాబోతున్నట్లు స్పష్టమౌతోంది. సెప్టెంబర్‌లో హలో గురు ప్రేమకోసమే ప్రేక్షకుల ముందుకు రానుంది. #HelloGuruPremaKosame Wishing our Energetic Star @ramsayz a very happy birthday. Here is the #HGPKFirstLook. @anupamahere pic.twitter.com/kJrNsr5epV — S V C (@SVC_official) 14 May 2018

‘ఉన్నది ఒకటే జిందగీ’తో సక్సెస్‌ సాధించారు రామ్‌. సినిమా చూపిస్త మామ, నేను లోకల్‌ వంటి హిట్‌ మూవీస్‌ తీశారు డైరెక్టర్‌ త్రినాథ్‌రావు నక్కిన. ప్రస్తుతం వీరిద్దరి కాంబినేషన్‌లో మరో లవ్‌ అండ్‌ ఎంటర్‌టైన్‌మెంట్‌ మూవీ తెరకెక్కుతోంది. ఒకప్పటి హిట్‌ సాంగ్‌ హలో గురు ప్రేమ కోసమోరా జీవితం...అంటూ సాగే ఆ పాటనే సినిమా టైటిల్‌గా ఎంచుకున్నారు.  త్రినాథ్‌రావు నక్కిన డైరెక్షన్‌లో తెరకెక్కుతున్న ‘హలో గురు ప్రేమకోసమే’ ఫస్ట్‌ లుక్‌ను ఈరో​జు (సోమవారం) సాయంత్రం 4 గంటలకు రిలీజ్‌ చేయనున్నారు. ఈ చిత్రాన్ని దిల్‌ రాజు నిర్మిస్తున్నారు. దేవీశ్రీప్రసాద్‌ సంగీతాన్ని అందిస్తున్నారు. ఈ మూవీలో రామ్‌ సరసన అనుపమా పరమేశ్వరన్‌ హీరోయిన్‌గా నటిస్తోంది. 

ఉన్నది ఒకటే జిందగీ తరువాత రామ్‌ చేస్తున్న సినిమా హలో గురూ ప్రేమకోసమే. సినిమా చూపిస్త మామ, నేను లోకల్‌ చిత్రాలతో మంచి గుర్తింపు తెచ్చుకున్న దర్శకుడు త్రినాథ్ రావు నక్కిన ఈ సినిమా ఈ సినిమాకు దర్శకుడు. దిల్ రాజు బ్యానర్‌లో నిర్మిస్తున్న ఈ సినిమాలో అనుపమా పరమేశ్వరన్‌ హీరోయిన్‌ గా నటిస్తోంది.  తాజాగా ఈ సినిమాలో రామ్‌ లుక్‌ ఎలా ఉండబోతోందో రివీల్‌ అయ్యింది. ఇటీవల ఓ షెడ్యూల్‌ షూటింగ్‌ పూర్తి చేసుకున్న రామ్‌, లుక్‌ టెస్ట్‌కు సంబంధించిన ఫోటోను తన సోషల్‌ మీడియా పేజ్‌లో పోస్ట్ చేశాడు. ఈ ఫోటోలో రామ్‌ ఫార్మల్‌ డ్రెస్సింగ్‌లో స్టైలిష్‌గా కనిపిస్తున్నాడు. మార్చి 8న ప్రారంభమైన ఈ సినిమా రొమాంటిక్‌ డ్రామాగా తెరకెక్కుతోంది. After a great sched..here’s a random pic from the look test.. #love #HelloGuruPremaKosame #HGPK pic.twitter.com/cJehwSyRu7 — Ram Pothineni (@ramsayz) 17 March 2018

అనకాపల్లి: గణితం సబ్జెక్ట్‌పై ఆసక్తి కాబోలు.. జీవితంలో ఎక్కడా లెక్క తప్పకుండా అడుగులేస్తున్నారు.. మేం వయసుకు వచ్చాం అం టూ  పరిచయం చేసుకని.. ప్రియతమా నీవచట కుశలమా అంటూ పలకరించినా.. సినిమా చూపిస్త మావ అంటూ కడుపుబ్బా నవ్వించారు. సినిమాల్లో అగణితమైన పరిధిని పెంచుకున్నారు. అరుదుగా వచ్చిన అవకాశాలు అంది పుచ్చుకుంటూ ఒక్కో మెట్టూ ఎక్కసాగారు. పదిహేడేళ్ల క్రితం భాగ్యనగరానికెళ్లిన మన అనకాపల్లి మనువడు పొట్నూరు గ్రామస్తుడు..నక్కిన త్రినాథ్‌ సంక్రాంతి సందర్భంగా అమ్మమ్మ ఇంటికొచ్చి మనతో మాట్లాడారు. సందర్భానుసారంగా లోకల్‌ టచ్‌ను జోడిస్తూ తన దైన శైలిలో ‘నేను లోకల్‌’తో ముందుకొచ్చారు. పట్టణంలోని మిత్రుడు మళ్ల సురేంద్రతో పాటు తన బంధువైన ఉపాధ్యాయుడు శీలా జగన్నాథరావు ఇంట్లో ‘సాక్షి’తో మన లోకల్‌ త్రినాథ్‌ ముచ్చట్లు..  సాక్షి: సినిమా రంగంలో మీ అరంగ్రేట్ర ఎప్పుడు? త్రినాథ్‌: డీవీఎన్‌ కళాశాలలో డిగ్రీ చదువుతున్నప్పుడే నేను వేసిన నాటకంలోని నూకరాజు పాత్రకు మా కళాశాల ప్రిన్సిపాల్‌ నుంచి ప్రశంసలు అందుకున్నారు. నువ్వు సినిమా రంగంలోకి వెళ్తే మంచి స్థాయికొస్తావ్‌ అంటూ ఆయన అనడంతో 2000లో హైదరాబాద్‌కు వెళ్లాను. పదేళ్లపాటు ఎన్నో కష్టాలు పడి బీఎస్సీ మేథ్స్‌ చదివి ట్యూషన్‌ చెబుతూ 2012లో మొదటిసారిగా ‘మేం వయసుకు వచ్చాం ’సినిమాకు దర్శకత్వం వహించే అవకాశాన్ని దక్కించుకున్నాను.  సాక్షి: దర్శకునిగా ప్రస్థానం? త్రినాథ్‌: మొదటి సినిమా తర్వాత వరుణ్‌సందేశ్‌తో ‘ప్రియతమా నీవచట కుశలమా’, ‘నువ్వలా నేనిలా ’సినిమాలకు దర్శకత్వం వహించాను. ఆ తర్వాత ‘సినిమా చూపిస్తా మావ ’కు మంచి గుర్తింపు రావడంతో నాని హీరోగా ‘నేను లోకల్‌’కు దర్శకత్వం వహిం చాను. ఇది నాకు స్టార్‌డమ్‌ను తీసుకొచ్చింది.  సాక్షి: ‘నేను లోకల్‌ ’హిట్‌ తర్వాత మీకు అత్యంత ఆనందం కలిగించిన ప్రశంస ఏది? త్రినాథ్‌: ఆ సినిమాను చూసాక రాఘవేంద్రరావుగారు నాకు ఫోన్‌ చేసి చాలా బాగుందని ప్రశంసించారు. ఈ ఒక్క ప్రశంస నాకు చాలా ప్రోత్సాహాన్నిచ్చింది. సాక్షి: అనకాపల్లితో సినీ పరిశ్రమకున్న అనుబంధంపై మీ వ్యాఖ్య..? త్రినాథ్‌: ఇక్కడి కళాకారులు ఎందరో సినిమా రంగంలో మంచి గుర్తింపు తెచ్చుకున్నారు. నేను ‘పెళ్లిసందడి ’సినిమాను స్థానికంగా ఉన్న ఓ థియేటర్‌లో చూశాను. ఆ సినిమాలో ఎందరో ప్రఖ్యాత కమీడియన్లు పండించిన హాస్యం అందరినీ మైమరిపించింది. నాకూ అనుబంధం ఉన్నందుకు ఆనదంగా ఉంది. సాక్షి: మీ భవిష్యత్‌ ప్రణాళికలేమిటి...? త్రినాథ్‌: ప్రస్తుతానికి ఐదు సినిమాలు చేశాను. మంచి దర్శకునిగా గుర్తింపు తెచ్చుకోవాలనేది అభిలాష. అలాగని పెద్దహీరోలతో చేయాలని కాదు. మంచి కథలు అందించాలి. త్వరలో దిల్‌రాజు నిర్మాణంలో రామ్‌ హీరోగా మార్చిలో ఓ సినిమా షూటింగ్‌ ప్రారంభం కానుంది. మెగా ఫ్యామిలీ నుంచి ఒకరు సినిమాకు దర్శకత్వం చేయమని అడిగారు.

ఉన్నది ఒకటే జిందగీ సినిమాతో మంచి విజయాన్ని అందుకున్న యంగ్ హీరో రామ్, తన తదుపరి చిత్రాన్ని  ఇటీవల ప్రారంభించాడు. సినిమా చూపిస్త మామ, నేను లోకల్ లాంటి సక్సెస్ ఫుల్ చిత్రాలను తెరకెక్కించిన త్రినాథ్ రావు నక్కిన దర్శకత్వంలో తదుపరి చిత్రాన్ని చేస్తున్నాడు రామ్.  ఉన్నది ఒకటే జిందగీ ఆశించిన స్థాయిలో కలెక్షన్లు సాధించకపోవటంతో తన నెక్ట్స్ సినిమా విషయంలో మరిన్ని జాగ్రత్తలు తీసుకుంటున్నాడు రామ్. ఈ సినిమాను శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మించనున్నాడు. ప్రకాజ్ రాజ్ కీలక పాత్రలో నటిస్తున్న ఈ సినిమాకు హీరోయిన్‌గా ఓ కన్నడ బ్యూటీని ఫైనల్ చేశారన్న టాక్ వినిపిస్తోంది. ముందుగా ఈ పాత్రకు మెహరీన్ ను తీసుకున్నారన్న టాక్ వినిపించింది.  తాజాగా మెహరీన్ స్థానంలో రష్మిక మందనను తీసుకున్నారన్న ప్రచారం జరుగుతోంది. సాండల్ వుడ్ సూపర్ హిట్ కిరాక్ పార్టీతో అందరి దృష్టిని ఆకర్షించిన రష్మిక ప్రస్తుతం తెలుగులో కిరాక్ పార్టీ రీమేక్ తో పాటు విజయ్ దేవరకొం‍డ సరసన మరో సినిమాలో నటిస్తోంది. రామ్ హీరోగా తెరకెక్కబోయే సినిమా  రెగ్యులర్‌ షూటింగ్ 2018 ఫిబ్రవరిలో ప్రారంభం కానుంది.

ఉన్నది ఒకటే జిందగీ సినిమాతో మరోసారి మంచి విజయాన్నిఅందుకున్నాడు యంగ్‌ హీరో రామ్‌. కెరీర్‌ లో ఎక్కువగా కమర్షియల్‌ ఫార్ములా చిత్రాలు మాత్రమే చేసిన రామ్‌, ఇటీవల రూట్‌ మార్చాడు. నేను శైలజతో తన రొటీన్‌ స్టైల్‌ ను పక్కన పెట్టి కొత్త తరహలో కనిపించాడు. అదే బాటలో మరోసారి ఉన్నది ఒకటే జిందగీ సినిమాలోనూ కొత్త లుక్‌, కొత్త కాన్సెప్ట్‌ తో అలరించాడు. ప్రస్తుతం ఈ సినిమా సక్సెస్‌ ను ఎంజాయ్‌ చేస్తున్న రామ్‌ ఇంతవరకు తన తదుపరి చిత్రాన్ని ప్రకటించలేదు. తాజాగా రామ్‌ తదుపరి చిత్రంపై ఆసక్తికరమైన వార్త ఒకటి టాలీవుడ్‌ సర్కిల్స్‌లో వినిపిస్తోంది. ఇటీవల నాని హీరోగా నేను లోకల్‌ లాంటి సక్సెస్‌ఫుల్‌ చిత్రాన్ని తెరకెక్కించిన త్రినాథ్‌రావు నక్కిన దర్శకత్వంలో రామ్‌ హీరో ఓ సినిమా తెరకెక్కనుందట. ఇప్పటికే త్రినాథ్‌ రావు కథకు రామ్‌ ఓకె చెప్పాడన్న టాక్‌ కూడా వినిపిస్తోంది. అయితే ఈ కాంబినేషన్‌పై అధికారిక ప్రకటన లేకపోయినా.. రామ్‌ మరోసారి కొత్త అలరిచటం ఖాయం అంటున్నారు ఫ్యాన్స్‌.


 అల్లుడు శీను, స్పీడున్నోడు సినిమాలతో నిరాశపరిచిన బెల్లంకొండ సాయి శ్రీనివాస్ ప్రస్తుతం బోయపాటి శ్రీను దర్శకత్వంలో ఓ భారీ చిత్రంలో హీరోగా నటిస్తున్నాడు. ఈ సినిమా సెట్స్ మీద ఉండగానే ఇప్పుడు మరో సినిమాను  ప్లాన్ చేస్తున్నాడు. సినిమా చూపిస్త మామ, నేను లోకల్ లాంటి సక్సెస్ చిత్రాలతో ఆకట్టుకున్న త్రినాథ్ రావు నక్కిన దర్శకత్వంలో సాయి శ్రీనివాస్ హీరోగా ఓ సినిమా తెరకెక్కించేందుకు రెడీ అవుతున్నారు.
 
 ఈ సినిమాకు మంత్రిగారి అల్లుడు అనే టైటిల్ ను పరిశీలిస్తున్నారు. ఈ సినిమాకు దిల్ రాజు నిర్మాణ భాగస్వామిగా వ్యవహరించనున్నారు. ప్రస్తుతం బోయపాటి దర్శకత్వంలో తెరకెక్కుతున్న సినిమాలో శ్రీనివాస్ సరసన రకుల్ ప్రీత్ సింగ్ హీరోయిన్ గా నటిస్తుండగా తెలుగు, తమిళ భాషలకు చెందిన పలువురు సీనియర్ నటులు కీలక పాత్రల్లో నటిస్తున్నారు.