అల్లు అర్జున్‌ పుష్ప-2 ది రూల్ బాక్సాఫీస్ షేక్ చేస్తోంది. ఈ నెల 5న థియేటర్లలో విడుదలైన పుష్ప-2 కేవలం ఆరు రోజుల్లోనే రూ.1000 కోట్లకు పైగా వసూళ్లు సాధించింది. ఇప్పటివరకు ఏ సినిమా సాధించని రికార్డ్‌ను పుష్పరాజ్ క్రియేట్ చేశాడు. తొలిరోజే రూ.294 కోట్ల వసూళ్లతో సరికొత్త రికార్డ్ సృష్టించింది పుష్ప-2. రాబోయే రోజుల్లో మరిన్ని రికార్డులు బద్దలు కొట్టనుంది.అయితే తాజాగా బన్నీ ఆడియన్స్‌కు గుడ్‌ న్యూస్ చెప్పింది పుష్ప టీమ్. పుష్ప-2 3డీ వర్షన్ అందుబాటులోకి తీసుకొచ్చినట్లు వెల్లడించింది. అయితే ఈ సదుపాయం కేవలం హైదరాబాద్‌లోని కొన్ని థియేటర్లలో మాత్రమే అందుబాటులో ఉంది. త్వరలోనే దేశవ్యాప్తంగా మరిన్ని థియేటర్లలో 3డీ వర్షన్ తీసుకొస్తామని ప్రకటించింది. ఇంకేందుక ఆలస్యం.. 3డీ వర్షన్‌లో పుష్ప-2 సినిమాను చూసి ఎంజాయ్ చేయండి. Add another dimension to the WILDFIRE on the big screens 🤩Watch #Pushpa2TheRule (Telugu) in 3D at select screens in Hyderabad. It is going be an epic experience 😎Many more 3D shows being added all across the country.Book your tickets now!🎟️ https://t.co/eJusnmNS6Y… pic.twitter.com/UHK4TLknCk— Pushpa (@PushpaMovie) December 15, 2024

ఐకాన్ స్టార్ ఫ్యాన్స్‌ ఎప్పుడెప్పుడా అని ఎదురుచూస్తోన్న తరుణం రానే వచ్చింది. మరికొద్ది గంటల్లోనే పుష్ప-2 ప్రభంజనం థియేటర్లలో మొదలు కానుంది. డిసెంబర్ 4న రాత్రి 9:30 గంటలకే బెనిఫిట్ షోలు వేయనున్నారు. దీంతో తెలుగు రాష్ట్రాలతో పాటు ప్రపంచవ్యాప్తంగా పుష్ప ఫీవర్ కొనసాగుతోంది. ఇప్పటికే టికెట్ బుకింగ్ ప్రారంభం కాగా.. హాట్ కేకుల్లా అమ్ముడవుతున్నాయి. భాషతో సంబంధం లేకుండా టికెట్స్ బుకింగ్స్ పుష్ప సరికొత్త రికార్డులు తిరగరాస్తోంది.అయితే పుష్ప-2 రిలీజ్‌కు ముందు అభిమానులకు ఓ షాకింగ్ న్యూస్ వినిపిస్తోంది. ఈ మూవీని 3డీ వర్షన్‌లో అందుబాటులోకి రాలేదనే టాక్ వినిపిస్తోంది. రిలీజ్ రోజున అన్ని థియేటర్స్‌లోనూ కేవలం 2డీ వెర్షన్‌ను మాత్రమే అందుబాటులోకి తీసుకొస్తున్నారని ప్రముఖ ట్రేడ్ అనలిస్ట్ తరణ్‌ ఆదర్శ్‌ ట్విటర్‌లో పోస్ట్‌ చేశారు. ఇప్పటికే 3డీ వర్షన్‌ టికెట్స్‌ బుక్‌ చేసుకుంటే.. ఆ షోలు కూడా 2డీ వర్షన్‌లోనే ప్రదర్శించే అవకాశం ఉన్నట్లు తెలుస్తోంది. 3డీ వెర్షన్‌ రావడానికి ఇంకాస్త సమయం పట్టే అవకాశముంది. దీనిపై చిత్రయూనిట్ నుంచి క్లారిటీ రావాల్సి ఉంది.(ఇది చదవండి: 'పుష్ప 2'.. తమన్‌ని సైడ్ చేసేశారా?)కాగా.. సుకుమార్‌- బన్నీ కాంబోలో వస్తోన్న ఈ యాక్షన్‌ థ్రిల్లర్‌ను ఐమ్యాక్స్‌, డాల్బీ, డిబాక్స్‌, 4డీఎక్స్‌, ఐస్‌, 2డీ, 3డీ విడుదల చేస్తున్నట్లు నిర్మాతలు ప్రకటించారు. తెలుగు, హిందీ, తమిళం, కన్నడ, మలయాళం, బెంగాలీ భాషల్లోనూ అందుబాటులో ఉంటుందని తెలిపారు. ఇప్పటికే 2డీ వెర్షన్‌కు సంబంధించిన ప్రింట్‌ను రెడీ చేశారు మేకర్స్.

Pune Police Sings Pushpa Srivalli Song In Marathi Version: ఐకాన్‌ స్టార్‌ అల్లు అర్జున్‌, నేషనల్‌ క్రష్‌ రష్మిక మందన్నా జంటగా నటించిన చిత్రం 'పుష్ప: ది రైజ్‌'. క్రియేటివ్‌ డైరెక్టర్‌ సుకుమార్‌ దర్శకత్వంలో తెరకెక్కిన ఈ సినిమా డిసెంబర్‌ 17న ప్రపంచవ్యాప్తంగా విడుదలై బాక్సాఫీస్‌ వద్ద రికార్డులు సృష్టించింది. అలాగే జనవరి 7న ఓటీటీలో రిలీజైన పుష్పరాజ్‌ అంతకుమించి రెస్పాన్స్‌ తెచ్చుకున్నాడు. తమిళం, మలయాళం, కన్నడ, హిందీ భాషల్లోనూ బ్లాక్‌ బస్టర్‌ హిట్‌గా నిలిచాడు. ఈ సినిమాలో బన్నీ యాక్టింగ్‌తో పాటు పాటలు కూడా బాగా హైలైట్‌ అయ్యాయి. ఈ సినిమాలోని డైలాగ్‌లు, పాటలు అభిమానులను విపరీతంగా ఆకట్టుకున్నాయి. అందుకే సెలబ్రిటీలు, అభిమానులు సినిమా డైలాగ్‌లు, కవర్‌ సాంగ్స్‌తో వీడియోలు రూపొందిస్తున్నారు. ఈ సినిమాలో బాగా హైలెట్‌ అయిన పాటల్లో 'చూపే బంగారమాయేనా శ్రీవల్లి' సాంగ్‌ ఒకటి. ఈ పాటకు యూట్యూబ్‌లో 100 మిలియన్స్‌కు పైగా వ్యూస్‌ వచ్చాయి. చంద్రబోస్‌ రాసిన ఈ పాటను సిద్‌ శ్రీరామ్‌ ఆలపించగా.. దేవిశ్రీ ప్రసాద్‌ సంగీతం అందించారు. అయితే తాజాగా మహారాష్ట్రలోని పూణెకి చెందిన ఓ ట్రాఫిక్‌ పోలీస్‌ మరాఠీ భాషలో 'శ్రీవల్లి' పాటకు లిరిక్స్‌ రాసి స్వయంగా పాడాడు. ప్రస్తుతం ఈ వీడియో సోషల్‌ మీడియాలో వైరల్‌ అవుతోంది. ఆ ట్రాఫిక్ పోలీస్‌ పేరు అతీశ్ ఖరాడే. వృత్తిపరంగా అతీశ్‌ ట్రాఫిక్‌ పోలీస్‌ అయినా తనలో మంచి గాయకున్నాడని ఈ సాంగ్‌ చూస్తే అర్థమవుతుంది. ఓవైపు విధులు నిర్వర్తిస్తూ మరోవైపు గాయకుడిగా తానేంటో నిరూపిస్తున్నాడు. ఇటీవల విడుదలైన హిట్‌ సాంగ్స్‌ను పాడుతూ తన ఏకే పోలీస్‌ యూట్యూబ్‌ ఛానెల్‌లో అప్‌లోడ్‌ చేస్తున్నాడు. ఇందులో భాగంగానే శ్రీవల్లి పాటను మరాఠీ వెర్షన్‌లో పాడి సూపర్‌గా ఆకట్టుకుంటున్నాడు.  ఇదీ చదవండి:  'పుష్ప'రాజ్‌కు బాలీవుడ్‌ ఫిదా.. జాన్వీ కపూర్‌ ప్రశంసలు


 ధర రూ. 60 లక్షలు
 న్యూఢిల్లీ: ప్రముఖ వాహన తయారీ కంపెనీ ‘వోల్వో ఆటో ఇండియా’ తాజాగా తన క్రాస్‌ఓవర్‌ మోడల్‌ ‘వీ90 క్రాస్‌ కంట్రీ’లో కొత్త వెర్షన్‌ను బుధవారం భారత్‌ మార్కెట్‌లోకి తీసుకువచ్చింది. దీని ఎక్స్‌ షోరూమ్‌ ధర రూ.60 లక్షలు. ఇందులో ట్విన్‌ టర్బో డీజిల్‌ ఇంజిన్, 8 స్పీడ్‌ గేర్‌బాక్స్‌ సహా రాడార్‌ ఆధారిత భద్రతా ఫీచర్లైన లేన్‌ కీపింగ్‌–ఎయిడ్, ఫుల్‌ ఆటో–బ్రేకింగ్‌ వంటి పలు ప్రత్యేకతలు ఉన్నాయని కంపెనీ వెల్లడించింది.


 న్యూఢిల్లీ:  చవకగా,  మధ్యతరగతి  వారికి అందుబాటులో ఉన్న కారు  అంటే అందరికీ గుర్తొచ్చేది ఆల్టో 800.  ఇపుడు ఈ కారు కొత్తగా  ముస్తాబై కారు ప్రియులను అలరించేందుకు  సిద్ధంగా ఉంది. మరోసారి దాదాపు 3  లక్షల లోపు కారును అందుబాటులోకి తీసుకొస్తూ తన ప్రత్యేకతను చాటుకుంటోంది.  అవును..ఆటోమొబైల్ దిగ్గజం మారుతి  సుజుకి  తన హ్యాచ్ బ్యాక్ మోడల్   ఆల్టో 800  అప్ గ్రేడేడ్ వెర్షన్   బుధవారం విడుదల చేసింది.  ఆల్టో 800కు మెరుగులు దిద్దుతూ కొత్త వెర్షన్‌ని  ఢిల్లీలో  రిలీజ్ చేఇంది.  దీని ప్రారంభ ధరను రూ.2.49 లక్షలుగా పేర్కొంది. ఈ కొత్త ఆల్టో 800 అన్ని వేరియంట్లలో డ్రైవర్‌ ఎయిర్‌బ్యాగ్‌లను ఏర్పాటు చేసుకునే అవకాశాన్ని కల్పించడం ప్రధాన ఆకర్షణగా నిలచింది. దీంతోపాటుగా  వెలుపలి భాగాన్ని ఆకర్షణీయంగా  రూపొందించి,  కేబిన్‌లో మరింత స్థలాన్ని కేటాయించింది.  పెట్రోల్‌, సీఎన్‌జీ వెర్షన్‌లలో  మొత్తం ఆరు రంగుల్లోఅందుబాటులో ఉంటుందని తెలిపింది. మేలైజీని 10 శాతం మెరుగుపర్చినట్టు పేర్కొంది.
  
 సీఎన్‌జీ ( కంప్రెస్డ్ నాచురల్ గ్యాస్) వేరియంట్‌ ధర (ఎక్స్‌షోరూమ్‌ ఢిల్లీ) రూ.3.70 లక్షలు, ఎయిర్ బ్యాగ్ ఉన్న సీఎన్జీ  కారును 3.76 లక్షలుగా నిర్ణయించినట్టు కంపెనీ  వెల్లడించింది. 796సీసీ సామర్ధ్యంతో మూడు సిలెండర్ల ఉన్న పెట్రోల్‌ ఇంజిన్‌, 5 స్పీడ్‌ మ్యాన్యువల్‌ ట్రాన్స్‌మిషన్‌ దీని ప్రత్యేకతలు.  పెట్రోల్‌ మోడల్‌ లీటరుకి 24.7 కి.మీ. మైలేజ్‌ ఇవ్వనుండగా, సీఎన్‌జీ రకం లీటరుకి 33.44 కి.మీ.మైలేజ్‌ ఇస్తుందని కంపెనీ చెప్పింది. భద్రతాపరంగా చూస్తే. కారు వినియోగదారుల సౌలభ్యంకోసం అధునాతన  రూపొందించామని మార్కెటింగ్ అండ్ సేల్స్ ఎగ్జిక్యూటివ్ డైరెక్టర్  ఆర్ ఎస్ కల్పి ఒక ప్రకటనలో తెలిపారు. మెరుగైన డ్రైవింగ్ కోసం అద్భుతమైన మైలేజీకోసం తమ ఇంజనీర్లు ఇంజిన్ నిర్మాణాన్ని అభివృద్ధి చేశారన్నారు. 
 కాగా  గత 12  ఏళ్లుగా  దేశంలో  టాప్ సెల్లింగ్  మోడల్ ఆల్టో 800. సుమారు 30 లక్షల  కార్ల అమ్మకాలతో చరిత్ర సృష్టించిన ఏకైక మోడల్ ఆల్టో .