లండన్‌ : బ్రిటన్‌కు చెందిన 24 ఏళ్ల లియా అనే యువతి ఇటీవల తన శీలాన్ని 50వ దశకంలో ఉన్న ‘టోరీ ఎంపీ (బ్రిటన్‌ కన్జర్వేటివ్‌ పార్టీకి చెందిన పార్లమెంట్‌ సభ్యుడు)’కి 1.3 మిలియన్‌ పౌండ్ల (దాదాపు పది కోట్ల రూపాయలు)కు విక్రయించినట్లు వెల్లడించారు. ‘సిండరిల్లా ఎస్కార్ట్స్‌’ వెబ్‌సైట్‌ ద్వారా తన శీలాన్ని ఆన్‌లైన్‌లో అమ్మకానికి పెట్టగా మంచి ధరతో ఓ టోరీ ఎంపీ ముందుకు వచ్చారని, ఆయనతో రెండు నెలలపాటు డేటింగ్‌ చేశాక, తన కన్యత్వాన్ని అర్పించానని లియా తెలిపారు. తన తల్లి అనుమతితోనే తాను శీలాన్ని అమ్ముకున్నానని, ప్రేమించి భగ్న పడేకన్నా ఇలా డబ్బులకు కన్యత్వాన్ని అమ్ముకోవడం మంచిదంటూ అమ్మ ఇచ్చిన సలహా తనకు ఎంతో నచ్చిందని ఆ యువతి తెలిపారు. తాను కన్యత్వాన్ని పోగొట్టుకున్నాక, తనకు ఎంతో స్వేచ్ఛ లభించిందన్న భావం కలిగిందని, గుండెల మీది నుంచి ఎంతో భారం దిగిపోయిన ట్లు కూడా అనిపించిందని లియా అతి ఉత్సాహంగా చెప్పారు. ఈ డబ్బుతో తాను లండన్‌కు సమీపంలో ఓ ఇంటిని కొనబోతున్నానని, మిగిలిన డబ్బుతో ‘ప్రాపర్టీ బిజినెస్‌’ చేయాలనుకుంటున్నానని ఆమె తెలిపారు. తాను కన్యత్వాన్ని అర్పించిన వ్యక్తి మంచి మర్యాదస్తుడని, బాగా చదువుకున్న వాడని, ఆయనకు లండన్‌లో మంచి పరిచయాలు ఉన్నాయని, అలాంటి వ్యక్తితో గడపడం ఓ మంచి అనుభవమని లియా ‘ఫిమేల్‌’ పత్రికకు ఇచ్చిన ఇంటర్వ్యూలో వెల్లడించారు. ఎవరో తెలియని వ్యక్తితో ఏకాంతంగా గడిపి ఆశాభంగం పొందడం కన్నా ఈ అనుభవం తనకు బాగా అనిపించిందని ఆమె చెప్పారు. ఆమె తాను ఎందుకు కన్యత్వాన్ని అమ్ముకోవాలనుకుంటుందో ‘సిండ్రిల్లా ఎస్కార్ట్స్‌’కు ఇచ్చిన వీడియో ఇంటర్వ్యూలో ఆమె ముందుగానే వివరించారు. అజర్‌ బైజాన్‌కు చెందిన మహబూబా మహ్మమ్మద్‌జాదా అనే ఓ మోడల్‌ కన్యత్వాన్ని కూడా ఇటీవల తాము టోక్యోలోని ఓ రాజకీయ నాయకుడికి విక్రయించినట్లు సిండరెల్లా ఎస్కార్ట్స్‌ తెలియజేసింది.

కోల్‌కతా: పశ్చిమబెంగాల్‌లోని జాదవ్‌పూర్‌ విశ్వవిద్యాలయానికి చెందిన ఓ ప్రొఫెసర్‌ వివాదాస్పద వ్యాఖ్యలు చేశారు. కన్యత్వం కోల్పోయిన అమ్మాయిలు సీల్‌లేని బాటిళ్ల వంటివారని ప్రొ.కనక్‌ సర్కార్‌ వ్యాఖ్యానించారు. సీల్‌ తీసిన కూల్‌డ్రింక్‌ బాటిల్‌ను, బిస్కెట్‌ ప్యాకెట్‌ను కొనుగోలు చేసేందుకు మీరు ఇష్టపడతారా? అని ఫేస్‌బుక్‌లో పోస్ట్‌చేశారు. అంతేకాకుండా చాలామంది యువకులకు కన్యత్వం ఉన్న అమ్మాయిలు దేవకన్యల వంటివారని సెలవిచ్చారు. ప్రొ.కనక్‌ సర్కార్‌ ఫేస్‌బుక్‌లో పెట్టిన పోస్ట్‌ వివాదాస్పదం కావడంతో భావప్రకటన స్వేచ్ఛ కింద అభిప్రాయాలను వెల్లడించానని స్పష్టం చేశారు. ఈ విషయం మీడియాలో వైరల్‌కావడంతో సర్కార్‌ తన పోస్టింగ్‌ను తొలగించినప్పటికీ జరగాల్సిన నష్టం జరిగిపోయింది. కనక్‌ సర్కార్‌ను తక్షణం విధుల్లోంచి తప్పించడంతో పాటు వర్సిటీ ప్రాంగణంలో అడుగుపెట్టకుండా వైస్‌ ఛాన్స్‌లర్‌ సురంజన్‌దాస్‌ ఆదేశాలు జారీచేశారు. జాతీయ మహిళా హక్కుల కమిషన్, పశ్చిమబెంగాల్‌ మహిళా హక్కుల కమిషన్‌ ఆయనకు నోటీసులు జారీచేశాయి. కమిషన్ల విచారణ పూర్తయ్యేవరకూ సర్కార్‌ను విధుల్లోకి తీసుకోబోమని వీసీ ప్రకటించారు.

కోల్‌కతా : అమ్మాయిల కన్యత్వంపై ఓ ఫ్రొఫెసర్‌ అభ్యంతకర వ్యాఖ్యలు చేసి నెటిజన్ల ఆగ్రహానికి గురయ్యాడు. ‘అబ్బాయిలు.. సీల్‌ ఊడిన కూల్‌ డ్రింక్స్‌ కొంటారా? అలాంటప్పుడు కన్యత్వం కోల్పోయిన అమ్మాయిలను ఎలా పెళ్లి చేసుకుంటారు? అబ్బాయిలు కన్యత్వం కలిగిన యువతుల విషయంలో మోసపోతున్నారు. వర్జినిటీ కలిగిన అమ్మాయిలను పెళ్లి చేసుకుంటే లభించే లాభాల గురించి వారికి అవగాహన లేదు. కన్యత్వం కలిగిన అమ్మాయిలు దేవదూతలు’ అంటూ కోల్‌కతాలో జాధవ్‌పూర్‌ యూనివర్సిటీకి చెందిన కనక్‌ సర్కార్‌ అనే ఫ్రొఫెసర్‌ ఫేస్‌బుక్‌లో వరుసగా పోస్ట్‌లు చేశాడు. ఈ పోస్ట్‌లపై తీవ్ర ఆగ్రహం వ్యక్తంకావడంతో ఫ్రొఫెసర్‌ ఆ పోస్ట్‌లను తొలిగించాడు. మరో పోస్ట్‌లో అబ్బాయిలు, అమ్మాయిలు విలువలకు పాతరేస్తూ పెళ్లికి ముందే తమ వర్జినిటీని కోల్పోతున్నారని, దీంతో అబ్బాయిలు అమ్మాయిల పట్ల మూర్ఖంగా ప్రవర్తిస్తున్నారని చెప్పుకొచ్చాడు. అమ్మాయిలు తమ లైఫ్‌ పార్టనర్‌కు వర్జినిటీ విషయం తెలియజేస్తే వారు గౌరవిస్తారని, ప్రతి పురుషుడు వర్జినిటీ కలిగిన భార్యను గౌరవిస్తారని మరో పోస్ట్‌లో పేర్కొన్నాడు. ఈ విషయం అమ్మాయిలకు కూడా బాగా తెలుసని చెప్పుకొచ్చాడు. జపాన్‌లో 99 శాతం యువతులు పెళ్లి అయ్యేవరకు కన్యత్వాన్ని కోల్పోరని, అందుకే వారి సమాజం బాగుందని, జపాన్‌ అభివృద్దిలో దూసుకుపోతుందని ఓ ఉదాహరణ కూడా చెప్పాడు. అయితే ఓ ఫ్రొఫెసర్‌ ఈ తరహా వ్యాఖ్యలు చేయడం ఏంటని సోషల్‌ మీడియాలో పెద్ద ఎత్తున ఆగ్రహం వ్యక్తం అవుతోంది.

వాషింగ్టన్‌ : అమెరికాకు చెందిన 19 ఏళ్ల టీనేజర్‌ కన్యత్వాన్ని 20 కోట్ల రూపాయలకు వేలంపాటలో సౌదీ అరేబియాకు చెందిన వ్యాపారవేత్త దక్కించుకున్నారు. చదువు, ఇతర ఆర్థిక అవసరాల కోసం గిసెల్లీ తన కన్యత్వాన్ని సిండ్రెల్లా ఎస్కార్ట్స్‌ వెబ్‌సైట్లో వేలానికి పెట్టారు. గిసెల్లీ కన్యత్వాన్ని దక్కించుకునేందుకు రష్యాకు చెందిన ఒక రాజకీయవేత్త, హాలీవుడ్‌కు చెందిన బిజినెస్‌మెన్‌, మరో ఇద్దరు నటులు, మరికొందరు పోటీపడ్డారు. అయితే అబుదాబీ చెందిన ఒక వ్యాపారవేత్త అందరికన్నా అత్యధికంగా 20 కోట్లు కన్యత్వాన్ని కొనుగోలు చేశారు. కన్యత్వాన్నివేలం వేయడంతో వచ్చిన డబ్బుతో స్కూలు ఫీజు కట్టుకోవడంతో పాటు, సరదాగా ప్రపంచాన్ని చుట్టేస్తానని గిసెల్లీ ప్రకటించారు. తన కన్యత్వాన్ని వేలం వేయడం ద్వారా ఏదో కొంత మొత్తం వస్తుందని ఊహించానని అయితే ఈ స్థాయిలో డబ్బు వస్తుందని అనుకోలేదని గిసెల్లీ పేర్కొన్నారు. 


 బచ్చన్నపేట(జనగామ జిల్లా): బచ్చన్నపేట మండలం పోచన్నపేటలో దారుణం చోటుచేసుకుంది. యువతిని నిర్బంధించి వారం రోజుల పాటు ఓ యువకుడు అత్యాచారం జరిపాడు. ఈ విషయం గ్రామస్తులు గమనించి బాధితురాలికి విముక్తి కల్పించి తల్లిదండ్రులకు అప్పగించారు. జరిగిన అన్యాయంపై పోలీసులకు బాధితులు పిర్యాదు చేసినా పోలీసులు కేసు నమోదు చేయలేదు.
 
 గ్రామ పెద్దలు ఆమె శీలానికి రూ.40 వేలు ఖరీదు కట్టి విషయం సద్దుమనిగేలా చూశారు. ఇంత జరుగుతున్నా పోలీసులు  ప్రేక్షక పాత్ర మాత్రమే పోషించారు. న్యాయం కోసం ఉన్నత అధికారి సీపీ సుధీర్ బాబుకి వాట్సప్లో బాధితులు పిర్యాదు చేయడంతో ఆయన ఆగ్రహం వ్యక్తం చేశారు. వెంటనే కేసు నమోదు చేయాలని ఆదేశించారు.
 
  


 బాలీవుడ్ అగ్ర దర్శకుల్లో కరణ్ జోహర్ ఒకరు. ధర్మ ప్రోడక్షన్ అధినేతగా సినిమాలు కూడా నిర్మిస్తున్న ఆయన తాజాగా ఓ ఆంగ్ల చానెల్‌ వెబ్‌సైట్‌కు రాసిన వ్యాసంలో పలు వ్యక్తిగత విషయాలు వెల్లడించారు. తాను 26 ఏళ్లకే వర్జినిటీ  కోల్పోయానని, ఇక ఎంతమాత్రం శృంగారం కోసం వెంపర్లాడటం లేదని పేర్కొన్నారు. తాను కోల్పోయిన దానిని అంగీకరించే స్థితిలో ప్రస్తుతం ఉన్నానని చెప్పారు.
 
 ‘నేను శృంగారం కోసం ఎంతమాత్రం వెంపర్లాడటం లేదు. ఆ విషయంలో ఎవరైనా నన్ను వెంటాడదలుచుకుంటే వెంటాడవచ్చు. కానీ నేను అందుకు సిద్ధంగా లేను’ అని కరణ్ అన్నారు. తనను ఓపెన్ సెక్స్‌ పార్టీ (ఓర్జీ)కి ఆహ్వానించినా.. వెళ్లేందుకు తాను తిరస్కరించినట్టు వెల్లడించారు. ‘వికారమైన వాటిని నేను ఊహించలేను. నేనొక మొద్దులాంటివాడిని. ఏం చేయాలి? ఎలా చూడాలి అన్నది నాకు తెలియదు. ఒక్కరినే నేను హ్యాండిల్ చేయలేను. అలాంటిది ఇద్దరు లేదా అంతకన్నా ఎక్కువ మందితో చేయగలనని ఎలా అనుకోగలను’ అంటూ చెప్పుకొచ్చారు.
 
 అయినప్పటికీ తాను ఇప్పటికీ సాన్నిహిత్యాన్ని, ఏకాంతాన్ని, ముద్దులోని సౌందర్యాన్ని విశ్వసిస్తానని చెప్పారు. అయితే తనకు ఇలాంటివి చేయడం కన్నా పంచుకోవడమే ఆనందం కలిగిస్తుందని, తాను ఒంటరిగా ఉన్నా.. గొలుసులు, సంకెళ్లు, బొమ్మలు వంటి వాటితో చేయాలన్న వికారమైన కోరికలు తనకు లేవని తెలిపారు.


 మెల్బోర్న్: ఆధునిక కాలంలోనూ విద్యాసంస్థలకు కూడా మూడనమ్మకమత మౌఢ్యాలు తప్పడం లేదు. ఆస్ట్రేలియాలోని ఓ ఇస్లామిక్ కాలేజీలో అమ్మాయిలకు పరుగు పోటీలను నిషేధించారు. వారు కన్యత్వాన్ని కోల్పోతారని ఉద్దేశంతోనే ఆ పని చేసినట్లు ఏకంగా ఆ కాలేజీ ప్రిన్సిపాల్ ఈ పని చేశాడు. దీంతో ఇప్పుడతనిపై కేసు నమోదైంది. ట్రుగానినా సూబర్బ్లోని అల్ తఖ్వా అనే కాలేజీలో ఉన్నపలంగా అమ్మాయిలెవరూ ఆటల్లో పాల్గొనవద్దని ఆదేశాలు జారీ అయ్యాయి.
 
 దీంతో అదే కళశాలలో గతంలో పనిచేసిన ఓ ఉపాధ్యాయుడు విక్టోరియన్ రిజిస్ట్రేషన్ అండ్ క్వాలిఫికేషన్స్ అథారిటీ (వీఆర్ క్యూఏ)కి ఈ విషయంపై ఫిర్యాదు చేశాడు. ప్రిన్సిపాల్ అమ్మాయిల విషయంలో వివక్ష చూపుతున్నాడని, వారిని తప్పుడు ఉద్దేశాలతో ఇబ్బందులకు గురిచేస్తున్నాడని ఆ ఫిర్యాదులో పేర్కొన్నాడు. దీంతో విచారణ చేపట్టిన అథారిటీ అసలు విషయం రాబట్టింది.
 
 కళశాల ప్రిన్సిపాల్ ఒమర్ హల్లాక్ మూఢ మత విశ్వాసాలకు బద్ధుడై ఉండి అమ్మాయిలు పరుగెత్తితే వారి కన్యత్వాన్ని కోల్పోతారని, సాకర్ వంటి ఆటలు ఆడటం వల్ల సంతాన లేమి సమస్యలు కూడా వస్తాయని భావించి వారిని ఆటల్లో పాల్గొనకుండా నిషేధం విధించాడని తెలిసింది. దీంతో అతడిని నిందితుడిగా చేర్చారు.


 బూటకపు వాగ్దానాలతో తన కన్యత్వాన్ని దోచుకున్న ప్రియుడిపై ఓ చైనా మహిళ దావా వేసింది. తన కన్యత్వ హక్కుకు భంగం కలిగించాడంటూ కోర్టుకు ఎక్కింది. దీనిపై స్పందించిన న్యాయస్థానం ఆమెకు 5 వేల డాలర్ల(సుమారు రూ.3.5 లక్షలు) పరిహారం ఇప్పించిందని షాంఘై మీడియా పేర్కొంది.
 
 లీ అనే వ్యక్తి తన వివాహ విషయాన్ని దాచిపెట్టి షిన్ అనే మహిళతో డేటింగ్ చేశాడు. షిన్ ను పెళ్లి చేసుకుంటానని నమ్మించి సర్వస్వాన్ని దోచుకున్నాడు. తర్వాత ముఖం చాటేశాడు. దీంతో ఆమె కోర్టు మెట్లు ఎక్కింది. తనను మానసికంగా, ఆరోగ్యపరంగా కుంగదీసినందుకు లీ నుంచి 81 వేల డాలర్లు పరిహారం ఇప్పించాలని షిన్ దావా వేసింది.
 
 మగువ మానాన్ని కాపాడాల్సిన నైతిక బాధ్యత తమపై ఉందంటూ కోర్టు ఆమెకు 5 వేల డాలర్ల పరిహారం ఇప్పించింది. ఆమె డిమాండ్ చేసిన మొత్తం చాలా ఎక్కువని న్యాయస్థానం అభిప్రాయపడింది. శీలాపహరణ స్త్రీ ఆరోగ్యాన్ని, స్వేచ్ఛను, ప్రతిష్టను దెబ్బతీస్తుందని కోర్టు పేర్కొంది.


 నైజీరియా మిలిటెంట్లకు పాప్ గాయని సంచలన ప్రతిపాదన 
 రోజుకు 12 మందితో శృంగారంలో పాల్గొనేందుకూ సిద్ధమేనని ప్రకటన
  
 అబూజా: నైజీరియాలో ఆమె ఓ పాప్ సెన్సేషన్. తన అందచందాలతో, ఆటపాటలతో యువతను ఉర్రూతలెక్కించే యువ తరంగం. దీనికితోడు తమ దేశం తరఫున ఐక్యరాజ్య సమితి (ఐరాస) శాంతి పరిరక్షక అంబాసిడర్‌గా వ్యవహరిస్తోంది. అలాంటి 23 ఏళ్ల అడోకియేను రెండు నెలల కిందట దేశంలో జరిగిన 276 మంది స్కూలు బాలికల కిడ్నాప్ ఉదంతం కలచి వేసింది. బొకో హరమ్ ఇస్లామిక్ మిలిటెంట్ల చెరలో బందీలుగా ఉన్న బాలికల విడుదల కోసం ప్రభుత్వం ఇప్పటివరకూ చేసిన ప్రయత్నాలు ఫలించకపోవడం, చివరకు అమెరికా ‘ఫస్ట్ లేడీ’ మిషెల్ ఒబామా హాలీవుడ్ తారలతో కలిసి ఈ విషయంలో చేపట్టిన ప్రచారం కూడా సత్ఫలితాన్నివ్వకపోవడంతో ఆమె ఓ అసాధారణ నిర్ణయం తీసుకుంది. బాలికల విడుదల కోసం ఇస్లామిక్ మిలిటెంట్లకు సంచలన ప్రతిపాదన చేసింది. బాలికలను విడిచిపెడితే అందుకు ప్రతిగా తన కన్యత్వాన్ని అర్పించేందుకు సిద్ధమంటూ ప్రకటించింది. బందీలను విడిచిపెట్టి వారి స్థానంలో కావాలంటే తనను ఇష్టమొచ్చినట్లు వాడుకోవచ్చంటూ ప్రతిపాదించింది. ‘‘కిడ్నాప్‌కు గురైన బాలికలంతా అభంశుభం తెలియని అమాయకులు.
 
 రెండు నెలలుగా తల్లిదండ్రులకు దూరమై ఎంతో మనోవేదన అనుభవిస్తున్నారు. వారంతా 12 నుంచి 15 ఏళ్ల వయస్కులు. నేను వారికన్నా వయసులో పెద్దదాన్ని. ఒకవేళ ప్రతి రాత్రీ 10-12 మంది మిలిటెంట్లు శృంగారం కోసం నన్ను తీసుకెళ్తానన్నా నేనేమీ పట్టించుకోను. దయచేసి ఆ బాలికలను విడిచిపెట్టి వారి తల్లిదండ్రుల చెంతకు చేర్చండి’’ అంటూ ఓ పత్రికకు ఇచ్చిన ఇంటర్వ్యూలో మిలిటెంట్లకు అడోకియే విజ్ఞప్తి చేసింది. అయితే ఆమె ప్రతిపాదన నెట్‌లో దుమారం రేపింది. కొందరు నెటిజన్లు ఆమె తెగువను మెచ్చుకోగా మరికొందరేమో ఆమె వ్యాఖ్యలను ప్రచార గిమ్మిక్కుగా అభివర్ణించారు.
  
  
  


 ఎలిజబెత్ రెయిన్ అనే అమెరికన్ అమ్మడు తన కన్యత్వాన్ని వేలానికి పెట్టింది. పాడుకున్న వాడికి పాడుకున్నంత అని ఓ వెబ్ సైట్ ద్వారా అనౌన్స్ చేసింది. అత్యధిక వేలం పాట పాడిన వారితో 12 గంటల డేటింగ్, ఆ తొలి అనుభవం దక్కుతాయట! ఈ ఆఫర్ తో డబ్బుల వాన కురుస్తుందని రెయిన్ భావిస్తోందట.
 
 2009 లో ఇలాగే శీలాన్ని వేలం పెట్టి 3.7 మిలియన్ డాలర్లు కొల్లగొట్టిన నటాలీ డిలాన్ తనకు ఆదర్శం అని ఈ అమ్మాయి చెబుతోంది. తన వెబ్ సైట్ లో తన అందచందాల ట్రెయిలర్ ను అప్ లోడ్ చేసింది. అయితే తన ముఖాన్ని మాత్రం కనిపించకుండా జాగ్రత్త పడింది. 'నా కన్యత్వానికి వెల ఉంది కానీ నా వ్యక్తిత్వం మాత్రం అమూల్యం' అని అమ్మడు వక్కాణించింది. తనను ఎవరైనా వ్యభిచారి లేదా వేశ్య అంటే పట్టించుకోనని. అదీ ఒక వృత్తేనని సాహసోపేతమైన వ్యాఖ్యలు చేసేసింది. రెయిన్ మెడికల్ విద్యార్ధి.
 
 ఈ వేలానికి తేదీ ఏప్రిల్ 1 గా 27 ఏళ్ల రెయిన్ నిర్ణయించింది. అయితే రెయిన్ కురిసే మేఘమా, ఉత్తినే ఊరించే మేఘమా అన్నది ఏప్రిల్ 1 న తేలిపోతుంది. అన్నట్టు ఆ రోజు ఏప్రిల్ ఫూల్ రోజు కూడానండోయ్!!