ప్రభుత్వ అక్రమ అరెస్ట్‌లు.. పోలిస్‌ స్టేషన్‌ను ముట్టడించిన గ్రామస్తులు

సాక్షి, తూర్పు గోదావరి జిల్లా : అనపర్తి నియోజకవర్గం రంగంపేటలో ఉద్రిక్తత చోటు చేసుకుంది. రంగంపేట మండలం వడిశలేరు గ్రామానికి చెందిన వైఎస్సార్‌సీపీ సోషల్ మీడియా కార్యకర్త వీరబాత్తుల చంద్ర శేఖర్‌ని పోలీసులు  అక్రమంగా అరెస్ట్ చేశారు.  

ఈ అక్రమ అరెస్ట్‌తో చంద్ర‌శేఖ‌ర్ కుటుంబ‌ స‌భ్యులు , గ్రామ‌స్తులు పోలీసులుతో సంప్రదింపులు జ‌రిపారు. అయితే చంద్ర‌శేఖ‌ర్ గురించి త‌మ‌కు తెలియ‌దంటూ నిర్ల‌క్ష్యంగా వ్య‌వ‌హ‌రించారు. దీంతో కోపోద్రికులైన గ్రామ ప్ర‌జ‌లు, వైఎస్సార్‌సీపీ శ్రేణులు పోలీస్ స్టేష‌న్‌ను ముట్ట‌డించారు. ఏడీబీ రోడ్డుపై బైటాయించి ఆందోళ‌న చేప‌ట్టారు. ఈ ఆందోళ‌న‌ల‌తో దిగివ‌చ్చిన పోలీసులు చంద్ర‌శేఖ‌ర్ గురించి విచార‌ణ చేప‌ట్టి వివ‌రాలు వెల్ల‌డిస్తామని హామీ ఇచ్చారు. పోలీసుల హామీతో గ్రామ‌స్తులు ఆందోళ‌న విర‌మించారు.