TV
మెగా ఫ్యామిలీలో ఈ నెలలోనే పెళ్లి బాజాలు మోగాల్సింది. వరుణ్ తేజ్-లావణ్య త్రిపాఠి.. ఆగస్టు 24న ఏడడుగులు వేస్తారని కొన్నరోజుల ముందు వినిపించింది. అయితే అది కేవలం రూమర్ మాత్రమే అని తేలిపోయింది. ఎందుకంటే ఒకవేళ పెళ్లి ఉంటే ఈ పాటికే శుభలేఖలు పంచడం, ముందస్తు కార్యక్రమాలు జరిగేవి. కానీ అలాంటివేం జరగట్లేదు. మరోవైపు వరుణ్ కొత్త మూవీ ప్రమోషన్స్‌లో పాల్గొంటున్నాడు.
'గాండీవధారి అర్జున' పేరుతో తీసిన ఈ సినిమా ఆగస్టు 25న థియేటర్లలోకి రానుంది. ఫుల్ ఆన్ స్టైలిష్ యాక్షన్ ఎంటర్‌టైనర్‌గా దీన్ని తెరకెక్కించారు. ఇందులో వరుణ్ తేజ్ స్పై (గూఢచారి) పాత్రలో కనిపించబోతున్నాడు. తాజాగా ప్రమోషన్స్‌లో భాగంగా వరుణ్ తేజ్‌కి తన లవ్ స్టోరీ, పెళ్లి గురించి ప్రశ్నలు ఎదురయ్యాయి. ఈ క్రమంలోనే వాటికి సమాధానమిచ్చేశాడు.
(ఇదీ చదవండి: విజయ్ దేవరకొండకు కాబోయే భార్యపై సమంత కామెంట్స్‌)
'లావణ్యతో నా లవ్‌స్టోరీ మొదలై ఐదేళ్లు దాటిపోయింది. చాలాకాలం ఇద్దరం మంచి ఫ్రెండ్స్ గా ఉన్నాం. అలా ఇద్దరి అభిప్రాయాలు కలవడంతో మరో అడుగు ముందుకెళ్లాలని నిర్ణయించుకున్నాం. నాకున్న బెస్ట్ ఫ్రెండ్స్‌లో లావణ్య ఒకరు. ఫస్ట్ నేనే ఆమెకు లవ్ ప్రపోజ్ చేశాను. మా ప్రేమ గురించి ఇంట్లో చెబితే వాళ్లు ఒప్పుకొన్నారు'
'లావణ్య.. ఇప్పటికే నాకు చాలా గిఫ్ట్స్ ఇచ్చింది. ప్రస్తుతం నేను వాడుతున్న ఫోన్ అలాంటి గిఫ్టే. నాకు ఏది ఇష్టమనేది లావణ్యకి బాగా తెలుసు. ఆమె చాలా మెచ్యూర్డ్‌గా ఆలోచిస్తుంది. కేరింగ్ పర్సన్ కూడా. నా పర్సనల్ విషయాలు ఎప్పుడూ సీక్రెట్‌గా ఉంచడానికి ఇష్టపడతాను. అందుకే ప్రేమ గురించి బయటపెట్టలేదు. ఎంగేజ్‌మెంట్‌లానే పెళ్లి కూడా సింపుల్‌గా చేసుకుంటాం' అని వరుణ్ తేజ్ చెప్పుకొచ్చాడు.
అయితే ఈ ఏడాది నవంబరు-డిసెంబరులో వరుణ్-లావణ్య పెళ్లి ఉండొచ్చని అంటున్నారు. అలానే వీళ్లిద్దరూ తొలిసారి కలిసి ఇటలీలో డెస్టినేషన్ వెడ్డింగ్ చేసుకోనున్నారనే టాక్ కూడా వినబడింది. బహుశా ఇదే నిజమై ఉండొచ్చు. అయితే ఈ విషయాలన్నింటిపై మెగా ఫ్యామిలీ నుంచి క్లారిటీ రావాల్సి ఉంది.
(ఇదీ చదవండి: పవన్‌తో విడాకుల టైమ్‌లో జరిగింది ఇదే.. రేణుదేశాయ్‌ కామెంట్స్‌)
