105 Minutes Movie: సింగిల్‌ షాట్.. సింగిల్ క్యారెక్టర్‌తో హన్సిక '105 మినిట్స్‌'..

Hansika Motwani 105 Minutes Is Single Shot Film: క్యూట్‌ అండ్‌ బొద్దుగుమ్మ హన్సిక వరుస సినిమాలతో మళ్లీ బిజీ కానుంది. దేశముదురు సినిమాతో తెలుగులో ఎంట్రీ ఇచ్చిన ఈ మిల్క్‌ బ్యూటీ సూపర్‌ హిట్‌ సక్సెస్‌ అందుకుంది. తర్వాత ఆశించిన ఫలితాలు రాలేదు. ఇప్పుడు మళ్లీ అటు కోలీవుడ్, ఇటు టాలీవుడ్‌లో తన చిత్రాలతో అలరించనుంది. హన్సిక ప్రస్తుతం ఏకంగా 9 సినిమాల్లో కనిపించే అవకాశం ఉంది. ‘పార్ట్‌నర్‌’, ‘రౌడీ బేబీ’, 'మై నేమ్‌ ఈజ్‌ శ్రుతి', ‘105 మినిట్స్‌’, ‘మహా’, ఒక ఓటీటీ ప్రాజెక్ట్, ఇంకా పేరు ఖరారు కాని మూడు చిత్రాలు.. ఇవీ హన్సిక చేతిలో ఉన్నవి. ఈ చిత్రాల్లోని '105 మినిట్స్‌' సినిమాకు ఓ ప్రత్యేకత ఉంది. టైటిల్‌ తగినట్లుగానే 105 నిమిషాలు ఉన్న రన్‌టైమ్‌ ఉన్న ఈ మూవీ మొత్తాన్ని సింగిల్‌ షాట్‌లోనే చిత్రీకరించారట. 

అంతేకాకుండా ఈ సినిమాలో ఒకే ఒక్క (సింగిల్‌) పాత్ర మాత్రమే ఉందని సమాచారం. భారతదేశంలోనే తొలిసారిగా ఈ సింగిల్‌ షాట్‌, సింగిల్‌ క్యారెక్టర్‌తో ప్రయోగాత్మకంగా తెరకెక్కింది ‘105 మినిట్స్‌’. ఉత్కంఠభరితంగా సాగే కథనంతో థ్రిల్లర్‌గా ఈ మూవీని డైరెక్ట్‌ చేశారు రాజు దుస్సా. ఇటీవల విడుదలైన ఈ సినిమా టీజర్‌, గ్లింప్స్‌కు మంచి స్పందన వస్తోంది. ప్రస్తుతం పోస్ట్ ప్రొడక్షన్‌ వర్క్స్‌ జరుపుకుంటున్న ఈ చిత్రం త్వరలోనే ప్రేక్షకుల ముందుకు రానుంది. రుద్రాన్ష్‌ సెల్యూలాయిడ్ పతాకంపై బొమ్మక్‌ శివ ఈ మూవీని నిర్మించారు.