Manchu Manoj: కాబోయే భార్య ఫొటో షేర్‌ చేసిన మంచు మనోజ్‌

టాలీవుడ్‌ హీరో మంచు మనోజ్‌ రెండో పెళ్లికి సిద్ధమైన సంగతి తెలిసిందే. ఇవాళ(మార్చి 3న) భూమ మౌనిక రెడ్డితో మనోజ్‌ ఏడడుగులు వేయబోతున్నాడు. అయితే దీనిపై ఇప్పటి వరకు అధికారిక ప్రకటన లేదు. ఈ నేపథ్యంలో తన పెళ్లిపై తాజాగా అధికారిక ప్రకటన ఇచ్చాడు మంచు మనోజ్‌. ఈ సందర్భంగా కాబోయే భార్య ఫొటోను షేర్‌ చేశాడు. కొత్తపెళ్లి కూతురు అంటూ ముస్తాబైన మౌనిక ఫొటోను తన ట్విటర్‌లో పంచుకున్నాడు.

చదవండి: సినీ పరిశ్రమలో మరో విషాదం, ప్రముఖ హీరో కన్నుమూత

అంతేకాదు దీనికి ‘మనోజ్‌ వెడ్స్‌ మౌనిక’ అంటూ హార్ట్‌ ఎమోజీని జత చేశాడు. కాగా తన సోదరి, నటి మంచు లక్ష్మి ఇంట ఈ రోజు రాత్రి 8:30 గంటలకు ఇరు కుటుంబ సభ్యులు, కొద్దిమంది సినీ, రాజకీయ ప్రముఖుల సమక్షంలో వీరి పెళ్లి వేడుక జరగనుంది. ఇక మనోజ్‌ ట్వీట్‌పై శుభాకాంక్షలు వెల్లువెత్తున్నాయి. అభిమానులు, సినీ ప్రముఖులు సోషల్‌ మీడియా వేదికగా ఈ కొత్త జంటకు విషెస్‌ తెలుపుతున్నారు. 

Pellikuthuru @BhumaMounika ❤️#MWedsM #ManojWedsMounika 🙏🏼❤️ pic.twitter.com/eU6Py02jWt

— Manoj Manchu🙏🏻❤️ (@HeroManoj1) March 3, 2023