'ప్రభుత్వ జూనియర్ కళాశాల' టైటిల్ లుక్ రిలీజ్

Prabhutva Junior Kalasala Title Look Released: యూత్ ఆడియన్స్ కనెక్ట్ అయ్యే సినిమాలను తెరకెక్కించడానికి ఆసక్తి చూపుతున్నారు నేటితరం దర్శకనిర్మాతలు. ఈ క్రమంలోనే ఓ యదార్థ సంఘటనను తీసుకొని ఎంతో ఆసక్తికరంగా మలిచారు డైరెక్టర్ శ్రీనాథ్ పులకురం. దీనికి 'ప్రభుత్వ జూనియర్ కళాశాల' అనే టైటిల్‌ను ఫిక్స్‌ చేశారు. ఇంటర్మీడియట్ టీనేజ్ లవ్ స్టోరీగా తెరకెక్కించిన ఈ సినిమా  ఫస్ట్‌లుక్‌ను ఫిబ్రవరి 14న ప్రేమికుల రోజు కానుకగా విడుదల చేయనున్నారు. 

ఇప్పటికే షూటింగ్‌ పూర్తైన ఈ సినిమా పోస్ట్ ప్రొడక్షన్ పనులు జరుగుతున్నాయి.బ్లాక్ ఆంట్ పిక్చర్స్ బ్యానర్‌పై భువన్ రెడ్డి కొవ్వూరి ఈ చిత్రాన్ని నిర్మించారు. శరవణ వాసుదేవన్ సంగీతం సమకూర్చారు. నిఖిల్ సురేంద్రన్ సినిమాటోగ్రఫీ బాధ్యతలు చేపట్టారు. వంశి ఉదయగిరి కో- డైరెక్టర్‌గా పని చేశారు. ఈ చిత్రంలో ప్రణవ్ సింగంపల్లి, షాజ్ఞ శ్రీ వేణున్, రామ్ పటాస్, తేజ గౌడ్, బాంబే పద్మ, శ్రీమునిచంద్ర, మండపేట మల్లిక జాగుల ముఖ్యపాత్రల్లో నటించారు.