Vijay Sethupathi: 96 మూవీ కాంబో రిపీట్‌

'96' చిత్ర కాంబో రిపీట్‌ కానుందని సమాచారం. నటుడు విజయ్‌ సేతుపతి, త్రిష జంటగా నటించిన విజయవంతమైన చిత్రం 96ను అంత ఈజీగా ఎవరు మరచిపోలేరు. ఈ చిత్రం ద్వారా ఛాయాగ్రాహకుడు ప్రేమ్‌కుమార్‌ దర్శకుడిగా పరిచయమయ్యారు. చాలా గ్యాప్‌ తరువాత నటి త్రిష జీవితంలో మంచి జోష్‌ నింపిన చిత్రం ఇది. ఇక నటుడు విజయ్‌ సేతుపతి వీర ప్రేమికుడిగా చూపించారు. ఈ చిత్రం తెలుగు, కన్నడ భాషల్లోనూ రీమేక్‌ అయ్యింది. కాగా దర్శకుడు ప్రేమ్‌కుమార్‌ మరోసారి విజయ్‌సేతుపతిని డైరక్ట్‌ చేయబోతున్నారు. ఈ క్రేజీ ప్రాజెక్టుకు సంబంధించిన పూర్తి వివరాలు త్వరలోనే వెలువడే అవకాశం ఉంది.