Samyuktha Menon : 'విరూపాక్ష' డైరెక్టర్‌కి సర్‌ప్రైజ్‌ గిఫ్ట్‌ ఇచ్చిన సంయుక్తా మీనన్‌

మెగా మేనల్లుడు సాయిధరమ్‌ తేజ్‌, సంయుక్తా మీనన్‌ జంటగా నటించిన సినిమా విరూపాక్ష. కార్తీక్‌ దండు దర్శకత్వం వహించిన ఈ చిత్రం సూపర్‌ హిట్‌ అయిన సంగతి తెలిసిందే. హర్రర్ థ్రిల్లర్ జానర్‌లో తెరకెకెక్కిన ఈ సినిమా బాక్సాఫీస్‌ వద్ద అదిరిపోయే కలెక్షన్లతో కమర్షియల్‌ సక్సెస్‌ని సొంతం చేసుకుంది. చదవండి: ప్రతీకారంతో జైలుపాలు.. డ్రగ్స్‌ కేసులో నిర్దోషిగా తేలిన హీరోయిన్‌

సినిమా రిలీజ్‌ అయిన ఆరు రోజులకు కూడా బాక్సాఫీస్‌ వద్ద అదిరిపోయే కలెక్షన్స్‌తో దూసుకుపోతుంది. సినిమా గ్రాండ్‌ సక్సెస్‌ కావడంతో హీరోయిన్‌ సంయు​క్తా మీనన్‌ డైరెక్టర్‌ కార్తీక్‌ దండుకు సర్‌ప్రైజ్‌ గిఫ్ట్‌ ఇచ్చి షాకిచ్చింది.

ఈ విషయంపై సంయుక్తా మాట్లాడుతూ.. 'మూవీ హిట్‌ కావడంతో కార్తీక్‌కి ఏదైనా గిఫ్ట్‌ ఇవ్వాలనుకున్నా. విరూపాక్ష రిలీజ్‌ రోజు ఓ థియేటర్‌లో అతని ఫోన్‌ ఎవరో కొట్టేశారు. దీంతో సినిమా రెస్పాన్స్‌ చూడటానికి వేరే వాళ్ల ఫోన్లలో చూసేవాడు. అందుకే వెంటనే ఐఫోన్‌ను కొని గిఫ్ట్‌గా ఇచ్చాను' అంటూ చెప్పుకొచ్చింది.

చదవండి: డైరెక్టర్‌ లింగుస్వామికి ఊరట.. జైలు శిక్షపై స్టే